მისოები მისაკუთრებული ქონების გაყიდვას აყოვნებენ

"შინაგან საქმეთა სამინისტროს თანამშრომლებმა, სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობის ბრალდებით 8 პირი დააკავეს.დაკავებული არიან:1991 წელს დაბადებული ი.წ., 1982 წელს დაბადებული ი.ტ., 2004 წელს დაბადებული ნ.კ., 1992 წელს დაბადებული ვ.ე., 1978 წელს დაბადებული ნ.ქ., 1994 წელს დაბადებული ა.გ., 1992 წელს დაბადებული დ.ბ. და 1975 წელს დაბადებული გ.უ.დანაშაული 4 წლამდე ვადით თავისუფლების აღკვეთას ითვალისწინებს.გამოძიებით დადგინდა, რომ ბრალდებულები, მიმდინარე წლის 2 თებერვალს, თბილისში, აღმაშენებლის ხეივნის ტერიტორიაზე გამართული აქციისას, სამართალდამცველების არაერთგზის მოწოდების მიუხედავად, ჯგუფურად, უკანონოდ შეეცადნენ საერთაშორისო მნიშვნელობის საავტომობილო გზის ბლოკირებას.აღსანიშნავია, რომ „სტრატეგიული ან/და განსაკუთრებული მნიშვნელობის ობიექტების ნუსხის დამტკიცების შესახებ“ საქართველოს მთავრობის 2024 წლის 23 ოქტომბრის №361 დადგენილების თანახმად, საერთაშორისო მნიშვნელობის საავტომობილო გზები წარმოადგენს სტრატეგიული ან/და განსაკუთრებული მნიშვნელობის ობიექტს.ასევე, საქართველოს მთავრობის მიერ 2014 წლის 18 ივნისს მიღებული №407-ე დადგენილების თანახმად, საერთაშორისო მნიშვნელობის გზების ნუსხაშია შესული თბილისი-სენაკი-ლესელიძის საავტომობილო გზა, ხოლო აღნიშნულ მონაკვეთს სრულად მიეკუთვნება აღმაშენებლის ხეივანი.როგორც საზოგადოებისთვის ცნობილია, აქციის მონაწილეებმა მიმდინარე წლის 2 თებერვალს, დღის მეორე ნახევარში, დაიწყეს შეკრება და მოგვიანებით, მსვლელობით თბილისის გასასვლელის მიმართულებით გადაინაცვლეს. შეკრების ადგილებზე საზოგადოებრივი უსაფრთხოებისა და მართლწესრიგის დაცვის მიზნით იმყოფებოდნენ შინაგან საქმეთა სამინისტროს სხვადასხვა დანაყოფის თანამშრომლები, რომლებიც მუდმივ კომუნიკაციაში იყვნენ აქციის ორგანიზატორებსა და წევრებთან.მიუხედავად შინაგან საქმეთა სამინისტროს მიერ გავრცელებული გამაფრთხილებელი განცხადებებისა და ადგილზე მყოფი სამართალდამცველების მხრიდან გაკეთებული არაერთი მოწოდებისა, რომ აქციის წევრებს არ მოეხდინათ საერთაშორისო მნიშვნელობის საავტომობილო გზის ბლოკირება , შეკრების დაწყებიდან მალევე აქციის მონაწილეთა ნაწილი, არ დაემორჩილა პოლიციის კანონიერ მოთხოვნას, გადავიდა გზის სავალ ნაწილზე და შეეცადა საავტომობილო გზის ბლოკირებას.სისხლის სამართლის კოდექსის 19-222-ე მუხლით გათვალისწინებული დანაშაულის ჩადენისთვის, რაც სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობას გულისხმობს, დაკავებულია 8 პირი.საავტომობილო გზის ბლოკირებაში მონაწილე სხვა პირების დადგენისა და პასუხისგებაში მიცემის მიზნით, სისხლის სამართლის საქმეზე გამოძიება გრძელდება", - აღნიშნულია უწყების განცხადებაში.

1738675397

"სურსათის ეროვნულმა სააგენტომ მიიღო შეტყობინება ბავშვის სავარაუდო წყლით - „ბაკურიანი ციდა“ ინტოქსიკაციის შესახებ.ინფორმაციის მიღებისთანავე სურსათის ეროვნულმა სააგენტომ დაიწყო მოკვლევა. სააგენტოს ინსპექტორები წყლის დამფასოებელ საწარმოში ახორციელებენ არაგეგმურ ინსპექტირებას, რომელიც მოიცავს სრულ ტექნოლოგიურ ციკლს.ამავდროულად სახელმწიფო კონტროლის ფარგლებში აღებულია წყლის სინჯები, რომლის ლაბორატორიული კვლევის შედეგებიც მყისიერად გასაჯაროვდება", - წერს სააგენტო."ბაკურიანის" წყლით ბავშვების შესაძლო ინფიცირების შესახებ განცხადება ბაკურიანის მინერალური წყლის მწარმოებელი კომპანია IDS ბორჯომი საქართველომაც გაავრცელა, რომელშიც ნათქვამია, რომ კომპანიამ კონკრეტულ მაღაზიაში „ბაკურიანი ციდას“ ნიმუშები შეამოწმა და დარღვევა არ გამოვლინდა.განცხადებაში ასევე აღნიშნულია, რომ შემოწმებულია ქსელში არსებული ყველა პარტიის ნიმუში და საწარმოო პროცესის სრული ტექნოლოგიური ციკლი.

1738671739

მხარეებმა ისაუბრეს ქვეყნის ფისკალური და მონეტარული პოლიტიკის საკითხებზე, მაკროეკონომიკური და ფინანსური სტაბილურობის მიმართულებით ქვეყანაში გადადგმულ ნაბიჯებზე, მთავრობის ეკონომიკური რეფორმების პროგრამით გათვალისწინებულ ღონისძიებებზე, მიმოიხილეს და შეჯერდნენ არსებული მაკროეკონომიკური და ფისკალური პროგნოზების თანხვედრაზე.ქართული მხრიდან შეხვედრას დაესწრნენ ფინანსთა მინისტრის მოადგილეები გიორგი კაკაურიძე და ეკატერინე გუნცაძე, მაკროეკონომიკური ანალიზისა და ფისკალური პოლიტიკის დაგეგმვის დეპარტამენტის ხელმძღვანელი ვახტანგ ჩალაფეიქრიშვილი, ეროვნული ბანკის ვიცე-პრეზიდენტები ეკატერინე მიქაბაძე და ეკატერინე გალდავა, ეკონომიკისა და მდგრადი განვითარების მინისტრის მოადგილე ვახტანგ ცინცაძე.

1738669764

სურსათის ეროვნულმა სააგენტომ 2024 წელს, სურსათის უვნებლობის სახელმწიფო პროგრამის ფარგლებში, თაფლში ვეტერინარული პრეპარატებისა და სხვა დამაბინძურებელი ნარჩენების კვლევის მიზნით, მთელი საქართველოს მასშტაბით 100 ნიმუში აიღო და აკრედიტებულ ლაბორატორიებში გამოიკვლია.ლაბორატორიული კვლევის შედეგად, ანტიბიოტიკების ნარჩენები (მეტრონიდაზოლი, ქლორამფენიკოლი, ტეტრაციკლინი) გამოვლინდა თაფლის 5 ნიმუშში.გამოვლენილ დარღვევებთან დაკავშირებით, გატარდა კანონმდებლობით გათვალისწინებული ზომები, ბიზნესოპერატორებს აეკრძალათ დასახელებული სურსათის რეალიზაცია და დაევალათ ბაზრიდან ამოღება, რაზეც ზედამხედველობას სურსათის ეროვნული სააგენტო ახორციელებს.აღსანიშნავია, რომ სააგენტოს მიერ სურსათის და ვეტერინარიის მიმართულებით გააქტიურებული სახელმწიფო კონტროლის, ბიზნესოპერატორებთან თანამშრომლობისა და ინფორმირებულობის გაზრდის შედეგად, თაფლში დარღვევები უკანასკნელ წლებში მნიშვნელოვნად შემცირდა. თუკი 2017-2018 წლებში, 100 ნიმუშიდან შეუსაბამობა 50 პროცენტში აღინიშნებოდა, 2019 წლიდან მხოლოდ ერთეულ შემთხვევებში ფიქსირდება.დღეის მდგომარეობით, საქართველოში წარმოებული თაფლი ევროკავშირისა და მსოფლიოს არაერთ ქვეყანაში გადის ექსპორტზე.სააგენტო წერს, რომ ბოლო წლებში, მომხმარებლის ინტერესების დაცვის, ქართული თაფლის საექსპორტო შესაძლებლობების გაზრდისა და ევროკავშირის კანონმდებლობასთან დაახლოების მიზნით, გარემოს დაცვისა და სოფლის მეურნეობის სამინისტრო, სურსათის ეროვნული სააგენტო თანმიმდევრულ პოლიტიკას ახორციელებენ.2015 წელს დამტკიცდა თაფლის შესახებ ტექნიკური რეგლამენტი და განისაზღვრა აკრძალული პრეპარატების (ანტიბიოტიკების) ნუსხა; დამტკიცდა ვეტერინარული პრეპარატების, სხვა დამაბინძურებელი ნარჩენი ნივთიერებების მონიტორინგის გეგმა; გაუმჯობესდა ლაბორატორიული შესაძლებლობები და დაინერგა თაფლის სხვადასხვა პარამეტრზე კვლევის შესაბამისი მეთოდოლოგია; 2016 წელს ევროკომისიამ დადებითად შეაფასა სახელმწიფო კონტროლის სისტემა და საქართველოდან ევროკავშირის ტერიტორიაზე თაფლის იმპორტი დაუშვა.

1738664997

ტრანზაქციის მიზანია, დაეხმაროს ადგილობრივ მიკრო, მცირე და საშუალო ბიზნესებს (MSME) და საშუალო კაპიტალიზაციის მქონე კომპანიებს განხორციელდეს ინვესტიციები, გაუმჯობესდეს კონკურენტუნარიანობა და დაინერგოს უფრო მწვანე და მდგრადი ბიზნეს პრაქტიკები. სესხის მინიმუმ 20% მიმართული იქნება მწვანე ინვესტიციებისკენ, ხოლო დაფინანსების ნაწილი  ადგილობრივ ვალუტაში გაიცემა, რათა ისინი დაცულები იყვნენ სავალუტო რისკებისგან. „მოხარული ვართ, EIB-სთან თანამშრომლობით, რათა კიდევ ერთხელ დავადასტუროთ ჩვენი ერთგულება სომხეთის MSME-ების მხარდაჭერის თვალსაზრისით. ეს თანამშრომლობა ადგილობრივ ბიზნესებს მიაწვდის ხელმისაწვდომ დაფინანსებას, რაც საშუალებას მისცემს მათ სრულად გამოავლინონ თავიანთი პოტენციალი და მნიშვნელოვანი წვლილი შეიტანონ სომხეთის ეკონომიკის ზრდაში. როგორც სომხეთის ეკონომიკის ყველაზე მსხვილი კრედიტორი, ჩვენი მტკიცე პორტფოლიოთი მწვანე და მდგრადი დაფინანსების მიმართულებით, დარწმუნებულნი ვართ, რომ შეგვიძლია შევქმნათ უფრო მდგრადი და ინკლუზიური ეკონომიკური მომავალი სომხეთში“, - აცხადებს Ameriabank-ის ფინანსური დირექტორი, ჰოვჰანნეს ტოროიანი.ვასილის მარაგოსი, ევროკავშირის ელჩი სომხეთში: „ამ მხარდაჭერით სომხეთის მიკრო, მცირე და საშუალო ბიზნესებისთვის, ჩვენ ვასრულებთ ჩვენს ვალდებულებას, რომ გავაძლიეროთ სომხეთის კერძო სექტორი და ხელი შევუწყოთ ფინანსებზე ხელმისაწვდომობის პრობლემის გადაჭრას, მათ შორის ადგილობრივ ვალუტაში. ეს დახმარება წარმოადგენს სომხეთისთვის განკუთვნილ ევროპის საინვესტიციო გეგმის (EIP) ნაწილს, რომელიც ყოვლისმომცველი ინიციატივაა და მიზნად ისახავს ქვეყნის ეკონომიკური ზრდის, მდგრადი განვითარების და კეთილდღეობის ხელშეწყობას.“„როგორც ქვეყნის წამყვანი საბანკო ფრანჩაიზი, Ameriabank აქტიურად ეძებს დაფინანსებას საერთაშორისო ფინანსური ინსტიტუტებისგან, რათა გააძლიეროს ბიზნესი და მიიღოს დადებითი სოციალური და გარემოსდაცვითი გავლენა სომხეთში“, - აღნიშნა BOGG-ის CEO-მ, არჩილ გაჩეჩილაძემ.შეგახსენებთ, Ameria-მ სამი კვირის წინ, $200 მლნ-იანი სასესხო შეთანხმება მსოფლიო ბანკის ჯგუფის წევრ, საერთაშორისო საფინანსო კორპორაციასთან (IFC) გააფორმა. სესხის ნახევარი განკუთვნილია კლიმატის დაფინანსების პროექტებისთვის, მეოთხედი - მიკრო, მცირე და საშუალო ბიზნესებისთვის (MSME), ხოლო კიდევ მეოთხედი - ქალებზე მართული MSME-ებისთვის.

1738660171

ამასთან, ისინი ქართველ ხალხს თავისუფლებისა და დემოკრატიისკენ სწრაფვაში მხარდაჭერას უცხადებენ."უახლესი რეპრესიული ქმედებებით მმართველი ელიტა ქართველ ხალხთან და მათ ევროპულ მისწრაფებებთან განხეთქილების გაფართოებას განაგრძობს.სრული მხარდაჭერა ქართველებს თავისუფლებისა და დემოკრატიისკენ სწრაფვაში", - ვკითხულობთ ლატვიის საგარეო უწყების განცხადებაში. Deeply concerned by another violent show of force in #Georgia against peaceful protesters and journalists over the weekend.With the latest repressive actions the ruling elite continues widening their split from the people of Georgia and their European aspirations.Full support… — Latvian MFA 🇱🇻 | #StandWithUkraine 🇺🇦 (@Latvian_MFA) February 3, 2025 2 თებერვალს "თბილისი მოლთან" აქცია გაიმართა.აქციის მონაწილეების მიერ მსვლელობის დაწყების შემდეგ, გზის გადაკვეთის პროცესში, სავალი ნაწილის გადაკეტვიდან (17:58) რამდენიმე წუთში, საპოლიციო ძალებმა გზის სავალი ნაწილიდან დემონსტრანტების გადაყვანა და მათი დაკავება დაიწყეს.პერიოდულად ადგილი ჰქონდა აქციის მონაწილეთა ისეთ შევიწროვებას, რაც ჭყლეტვის და ჯანმრთელობის დაზიანების საფრთხეს ქმნიდა.პოლიციის ქმედებების შედეგად, პროფესიული საქმიანობის შესრულებისას დაშავდა "ტვ პირველის" ოპერატორი, ნიკო კოკაია, რომლის კლინიკაში გადაყვანა გახდა საჭირო.2 თებერვალს თბილისში გამართულ აქციებზე 31 ადამიანი დააკავეს, მათგან ყველაზე მცირე, 5-ს დაკავებისას ძალადობის გამო ჰოსპიტალიზაცია დასჭირდა.აქციის ანონსის შემდეგ ხელისუფლებამ დაჩქარებული წესით შეცვალა კანონი და სისხლის სამართლის კოდექსით დასჯად ქმედებად აქცია გზების გადაკეტვა, გზის ეს მონაკვეთი კი, სადაც აქცია იყო დაგეგმილი, სტრატეგიული მნიშვნელობის ობიექტად გამოაცხადა.

1738658692

• იანვარში GCCA-ის გადაწყვეტილებით, მომხმარებელთა ჯგუფის უფლების 3 დარღვევის ფაქტი დადასტურდა - 5 საქმეზე.• GCCA-ის მიერ დაკისრებული ვალდებულების შეუსრულებლობის გამო 3 მოვაჭრეს - 9 საქმეზე ჯარიმა დაეკისრა.• მომხმარებლის სასარგებლოდ, პირობითი ვალდებულების აღების შესახებ 10 საქმეზე - 10 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულება - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, მათი სავაჭრო პოლიტიკის შედეგად ზიანი მიადგა.2025 წელს, მომხმარებლის მიერ შემოსული განაცხადების 66% ონლაინ ვაჭრობის ფაქტს ეხებოდა, ხოლო 34% ნივთის ადგილზე შეძენის შემთხვევას. რეგიონების მიხედვით, 78%-ით თბილისი ლიდერობს, შემდეგ ადგილს იკავებს იმერეთი 6% და კახეთი 6%, აჭარა 4%, შიდა ქართლი 2%  და სხვა რეგიონები.საანგარიშო პერიოდში, მომხმარებლის მიერ სააგენტოში შემოსული განაცხადების მიხედვით, თანხის უკან დაბრუნების მოთხოვნაზე დაფიქსირდა 34, ნაკლიანი ნივთის შეკეთებასა ან დაბრუნებაზე 29, ნაკლოვანი მომსახურებისას უფლების აღდგენაზე 26, დადგენილ ვადაში საქონლის მიწოდებაზე 10, ხოლო სხვა დანარჩენზე 10.ერთი თვის მონაცემების მიხედვით, 70%-ს საბითუმო და საცალო ვაჭრობის სექტორი იკავებდა, ტრანსპორტი და დასაწყობება 16%-ს, ხელოვნება, გართობა და დასვენება 4%, ხოლო სხვა სახის საქმიანობა 10%-ს.

1738657346

საქსტატის მონაცემებით, ფასები ძირითადად გაიზარდა ამბულატორიული სამედიცინო მომსახურების (4.8%) და სამედიცინო პროდუქციის, აპარატურის და მოწყობილობის (4.5%) ქვეჯგუფებზე. საავადმყოფოების მომსახურება კი 0,2%-თაა გაძვირებული. რაც შეეხება ფასების შედარებას წინა თვესთან შედარებით, საქსტატის ინფორმაციით, ჯგუფში ფასები მომატებულია 1.1%-ით.ფასები მომატებულია ქვეჯგუფებზე: სამედიცინო პროდუქცია, აპარატურა და მოწყობილობა - 1.5%, ამბულატორიული სამედიცინო მომსახურება - 1.4%, საავადმყოფოების მომსახურების ფასები კი არ შეცვლილა. ამასთან, 2025 წლის იანვარში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 2% შეადგინა.

1738656894