საქართველოს მოქალაქეები ჰონკონგში უვიზოდ ივლიან

საქართველოში Euronews Travel-ის, Forbes-ის, Bloomberg Travel-ის, Conde Nast-ის, Le Monde-ის, Prestige Communcation-ისა და Arab News-ის ჟურნალისტები, ოპერატორები და ფოტოგრაფები იმყოფებიან.წამყვანი მსოფლიო მედიის წარმომადგენლები მსოფლიო ტურიზმის დღის ღონისძიებას აშუქებენ და საქართველოს ტურისტული პოტენციალის შესახებ სიუჟეტებს, სტატიებსა და ბლოგებს ამზადებენ, რომელსაც მთელ მსოფლიოში მილიონობით მაყურებელი, მკითხველი და ონლაინ მომხმარებელი გაეცნობა.„მსოფლიო ტურიზმის დღის აღსანიშნავად, რომელიც 27 სექტემბერს, საქართველოში გაიმართება დედაქალაქს უკვე ეწვივნენ საერთაშორისო მედიის წარმომადგენლები,ისეთები როგორებიც არიან: „Forbes“, “Bloomberg”, “Euronews”, “Conde nast traveler”. ისინი გააშუქებენ როგორც 27 სექტემბრის ღონისძიებას ასევე, ეწვევიან საქართველოს ტურისტულად მნიშვნელოვან ადგილებს და მთელ მსოფლიოს მოუყვებიან საქართველოს ტურიზმის პოტენციალის, დაგეგმილი ღონისძიების და რა თქმა უნდა, მშვიდობის როლის შესახებ ტურიზმის სექტორში“, - განაცხადა ტურიზმის ეროვნული ადმინისტრაციის ხელმძღვანელმა მაია ომიაძემ.საერთაშორისო მედიის წარმომადგენლები დედაქალაქის დათვალიერების შემდეგ ეწვევიან წინანდალს, თელავს, მუხრანს, დაათვალიერებენ ღვინის მარნებს, მოინახულებენ ღვინის მუზეუმს, უცხოელი ჟურნალისტებისთვის გაიმართება ქართული ღვინისა და კერძების დეგუსტაცია.საქართველო გაეროს ტურიზმის ორგანიზაციის ეგიდით, პირველად მასპინძლობს მსოფლიო ტურიზმის დღის აღსანიშნავ ღონისძიებას. წლევანდელი თემატიკაა „ტურიზმი და მშვიდობა“.მასშტაბური ღონისძიების ფარგლებში, საქართველოს მსოფლიოს მრავალი ქვეყნიდან მაღალი რანგის სტუმრები, ტურიზმის მინისტრები, დეპარტამენტების ხელმძღვანელები და ტურიზმის სფეროს პროფესიონალები ეწვევიან.

1727246483

სხვადასხვა მიზეზის გამო მილიონამდე შრომისუნარიანი ქალი(15 წელს ზემოთ ასაკის კატეგორია) საქართველოში დღეს ეკონომიკაში ჩართული საერთოდ არ არის, მეორე ნაწილი კი, ვინც ბიზნესით არის დაინტერესებული, არაერთ გამოწვევას აწყდება, მათ შორის ერთ-ერთი მნიშვნელოვანი ფინანსებზე ხელმისაწვდომობაა.სწორედ ამ თემებზე გააკეთეს აქცენტი პანელური სესიების დროს, რომელსაც “ქალები მომავლისთვის” სამეთვალყურეო საბჭოს თავმჯდომარე ნინა კობახიძე და ბორდის წევრი ქეთევან ქვარცხავა უძღვებოდნენ. დისკუსიებში მონაწილეობდნენ საერთაშორისო ორგანიზაციების, კერძო საფინანსო ინსტიტუტებისა და სახელმწიფო უწყებების წარმომადგენლები. პანელის მონაწილეებმა - ევროკავშირის, გაეროს განვითარების პროგრამის, USAID-ისა და EBRD-ის წარმომადგენლებმა - იმსჯელეს იმ ნაბიჯებზე, რომლებსაც საერთაშორისო ორგანიზაციები დგამენ საქართველოში ფინანსებზე და საკონსულტაციო სერვისებზე ხელმისაწვდომობის გასაუმჯობესებლად. მეორე მხრივ, კერძო საფინანსო ინსტიტუტებმა ისაუბრეს დაფინანსების სხვადასხვა არხების, პროექტების შესახებ; ხოლო სახელმწიფო უწყებების - „აწარმოე საქართველოში“, „სოფლის განვითარების პროგრამა“, საქართველოს ინოვაციების და ტექნოლოგიების სააგენტო“ - წარმომადგენლებმა აქცენტი საგრანტო და თანადაფინანსების პროექტებზე გააკეთეს, რომლებიც საქართველოში სახელმწიფოსა და დონორი ორგანიზაციების მხარდაჭერით ხორციელდება.ღონისძიებას ასევე ესწრებოდნენ მეწარმე ქალები თბილისიდან და საქართველოს სხვადასხვა რეგიონიდან, რომლებსაც მიეცათ შესაძლებლობა დაესვათ კითხვები და გაეზიარებინათ ინფორმაცია, მათს რეგიონებში არსებული გამოწვევების შესახებ.ეკონომიკური ფორუმი წარმატებული ქალების მოკლე გამოსვლებით გაგრძელდა: Women Talks: “მარცხი = შესაძლებლობა”. ამ ნაწილში სპიკერებმა გამოცდილება გააზიარეს და მოჰყვნენ საკუთარ ისტორიებს, როგორ აქციეს მარცხი ახალ გამოცდილებად. ეკონომიკური ფორუმი ქოუჩინგის სესიამ - “საჯარო გამოსვლის ტექნიკები” - დაასრულა.

1727245565

დელეგაციის წევრებმა მათთვის საინტერესო საკითხებზე ინფორმაცია როგორც ცესკოს ხელმძღვანელი პირებისგან, ისე წევრებისგან მიიღეს.გიორგი კალანდარიშვილმა დელეგაციის წევრებს ინფორმაცია მიაწოდა იმ საქმიანობების შესახებ, რომელსაც საარჩევნო ადმინისტრაცია არჩევნების მაღალ პროფესიულ დონეზე, საერთაშორისო სტანდარტების შესაბამისად ჩასატარებლად ახორციელებს. ისაუბრეს საარჩევნო პროცესში ტექნოლოგიების ფართო მასშტაბით დანერგვა/გამოყენების შესახებ. ცესკოს თავმჯდომარის თქმით, გამჭვირვალობისა და საჯაროობის პრინციპების დაცვა მნიშვნელოვანია და საარჩევნო ადმინისტრაცია მაქსიმალურად შეუწყობს ხელს საერთაშორისო დამკვირვებლებს სადამკვირვებლო მისიის განხორციელებაში.ევროპის საბჭოს საპარლამენტო ასამბლეის დელეგაცია იულიან ბულაის ხელმძღვანელობით უკვე მეორე დღეა შეხვედრებს მართავს სახელმწიფო და სამოქალაქო სექტორის, ასევე მედიის წარმომადგენლებთან.26 ოქტომბრის არჩევნებს დელეგაციის სრული შემადგენლობა სხვა საერთაშორისო დამკვირვებლებთან ერთად დააკვირდება.

1727194247

„საქართველოს ეროვნულ ბანკში ყოველთვის მიგვაჩნდა, რომ ქალების პროპორციული ჩართვა გადაწყვეტილებების მიღებასა და ეკონომიკურ აქტივობაში ქვეყნის გრძელვადიანი მდგრადი ზრდის ერთ-ერთი მნიშვნელოვანი წინაპირობაა. ჩვენ მუდმივად ვუჭერდით მხარს შესაბამის ინიციატივებს. გახსოვთ ალბათ 2018 წლიდან ჩვენ მოვთხოვეთ კომერციულ ბანკებს სამეთვალყურეო საბჭოს მინიმუმ 20%-ით ქალებით დაკომპლექტება, რის შედეგადაც მომდევნო წლებში ქალთა წილი 9%-დან 30%-მდე გაიზარდა“, - განაცხადა ეკატერინე გალდავამ.ვიცე-პრეზიდენტმა, ყურადღება გაამახვილა ქალთა მეწარმეობის ხელშეწყობაზე, ფინანსური განათლების და ფინანსებზე ხელმისაწვდომობის ზრდის აუცილებლობაზე.  მან ისაუბრა ეროვნული ბანკის მიერ დანერგილ მდგრადი დაფინანსების ტაქსონომიაზე და მასთან დაკავშირებულ აქტივობებზე, რაც ხელს უწყობს გენდერულ თანასწორობას. ამასთან, საშუალებას აძლევს ფინანსურ ინსტიტუტებს ქალებზე მორგებული ფინანსური პროდუქტები შეიმუშაონ.აღსანიშნავია, რომ სები 2023 წელს გახდა WE (Women Enterprises)-Finance Code ინიციატივის მხარდამჭერი. ეს მრავალმხრივი ინიციატივაა, რომელიც მიზნად ისახავს მცირე და საშუალო ბიზნესისთვის სქესის მიხედვით დაყოფილი მონაცემების შეგროვებას და ამ მონაცემების გამოყენების ხელშეწყობას გენდერული პასუხისმგებლობის მქონე მეწარმეობის პოლიტიკის შემუშავებაში.„ეროვნულ ბანკში ვგეგმავთ ხელი შევუწყოთ ცვლილებებს და გავაძლიეროთ შესაძლებლობები ქალების საკუთრებაში მყოფი ან მათი ხელმძღვანელობით მოქმედი ბიზნესის დაფინანსების მონაცემების შეგროვების, ანალიზისა და ყოველწლიურად გამოქვეყნების საქმეში. ამით კი გვსურს გავაფართოოთ და შემოვიტანოთ ახალი ზომები ქალთა  ხელმძღვანელობით მცირე და საშუალო საწარმოების მხარდასაჭერად და დასაფინანსებლად.“ - აღნიშნა ეკატერინე გალდავამ.ფორუმზე, სხვადასხვა ფორმატში განიხილეს ბიზნესით დაინტერესებული ქალებისთვის ფინანსებზე ხელმისაწვდომობის პრობლემა, არსებული შესაძლებლობები და გამოწვევები.პანელურ დისკუსიებში მონაწილეობდნენ საერთაშორისო ორგანიზაციები, რომლებიც სხვადასხვა პროექტისა თუ გრანტის მეშვეობით აძლიერებენ და ეხმარებიან ქალებს ბიზნესის წამოწყებასა და განვითარებაში. ევროკავშირის, გაეროს განვითარების პროგრამის, USAID-ის და EBRD-ის წარმომადგენლებმა იმსჯელეს იმ ნაბიჯებზე რომლებსაც დგამენ ფინანსებზე და საკონსულტაციო სერვისებზე ხელმისაწვდომობის გასაუმჯობესებლად. დისკუსიები კითხვა-პასუხის რეჟიმში წარიმართა.ღონისძიებას ესწრებოდნენ მეწარმე ქალები თბილისიდან და საქართველოს რეგიონებიდან. მათ მიეცათ შესაძლებლობა თავიანთ რეგიონებში არსებული გამოწვევების შესახებ ესაუბრათ.ეკონომიკური ფორუმის ფარგლებში გაიმართა წარმატებული ქალების მოკლე გამოსვლები Women Talks: “მარცხი = შესაძლებლობა”, ასევე ქოუჩინგის სესია - “საჯარო გამოსვლის ტექნიკები”, რომელში ჩართვაც ღონისძიების ყველა მონაწილეს შეეძლო.ეკონომიკური ფორუმი “ქალები ბიზნესში”, რომელმაც 300-მდე მონაწილე გააერთიანა, ბიზნესფედერაცია “ქალები მომავლისთვის” ინიციატივით, პარტნიორ ორგანიზაციებთან ერთად, Gazelle Finance და Visa გაიმართა.

1727193225

ელექტროენერგიის მოხმარება 2024 წლის აგვისტოში 4%-ით გაიზარდა და 1,261 გვტ. სთ-ს მიაღწია.თიბისი კაპიტალის კვლევით დგინდება, რომ საცალო სექტორის მოხმარება მიმდინარე წელს პირველად შემცირდა 0.9%-ით, ხოლო მსხვილი მომხმარებლების შემთხვევაში ზრდა 25.5%-ია. აფხაზეთის ავტონომიური რესპუბლიკის მოხმარება აგვისტოში წლიურად 5%-ით შემცირდა.ელექტროენერგიის საბალანსო ფასი და საგარეო ვაჭრობა2024 წლის აგვისტოში ელექტროენერგიის საბალანსო საშუალო შეწონილმა ფასმა 5.75 აშშ ცენტი შეადგინა ერთ კვტ. სთ.-ზე, რაც წლიურად 10.5%-იანი ზრდაა.მიმდინარე წლის აგვისტოში საქართველოდან ექსპორტირებულია 59 გვტ. სთ ელექტროენერგია. სავაჭრო სალდო წლიურად შემცირდა 70.4%-ით.ამასთან, 2024 წლის პირველ რვა თვეში საქართველოდან ექსპორტირებულია 1,044 გვტ. სთ ელექტროენერგია, რაც წლიურად 22%-იანი შემცირებაა.

1727188262

"ბიუროს გადაწყვეტილება პოლიტიკურ აქტორად აცხადებს ყველას, ვინც საზოგადოებრივ პრობლემებსა და მოქალაქეების საჭიროებებზე საუბრობს. ამ გადაწყვეტილებით, ბიურომ საკუთარ თავს მიანიჭა უფლებამოსილება, დაუწესოს ცენზურა და დაიწყოს ფინანსური მონიტორინგი ნებისმიერ პირზე, ვინც ხმამაღლა იტყვის, რომ ჩვენი გზა მხოლოდ ევროკავშირისკენ მიდის. მეტიც, ამ განმარტებით პოლიტიკურ საქმიანობად ითვლება ყველა ის მიზანი, რასაც არასამთავრობოები ემსახურებიან - იქნება ეს ქალთა, ბავშვთა, შშმ პირების ინტერესების დაცვა თუ ეკოლოგიაზე ზრუნვა.ნებისმიერ საქმიანობას, რომელსაც კონსტიტუციური მიზანი აქვს, ბიურო პოლიტიკურ აქტივობად მიიჩნევს და მათზე თავდასხმას გეგმავს. ამრიგად აშკარაა, რომ “ქართულმა ოცნებამ” მის მიერ შექმნილი ბიურო, კორუფციასთან ბრძოლის ნაცვლად, სამოქალაქო საზოგადოებაზე შეტევის მექანიზმად აქცია. ვენეციის კომისიამ გასულ წელს აღნიშნა, რომ ანტიკორუფციული ბიუროს შექმნის, მის უფლებამოსილებებთან, ანგარიშვალდებულებასა და დამოუკიდებლობასთან დაკავშირებული საკითხები ფუნდამენტურად არასწორად ჩამოყალიბდა. დასკვნის თანახმად, ბიუროს არ გააჩნია დამოუკიდებლობისა და მიუკერძოებლობის საკმარისი გარანტიები, არ გააჩნია საკმარისი კომპეტენცია მაღალი დონის თანამდებობის პირების დეკლარაციების მონიტორინგის კუთხით, მისი ხელმძღვანელის დანიშვნა-გათავისუფლება კი მრავალპარტიული საპარლამენტო მხარდაჭერის ნაცვლად, პრემიერ-მინისტრის ხელშია.ანტიკორუფციული ბიურო პრემიერ-მინისტრის სადამსჯელო აპარატად მოგვევლინა ქართული არასამთავრობო სექტორის წინააღმდეგ. ხელისუფლებამ რუსული კანონის აღსრულება სწორედ ამ ბიუროს გამოყენებით დაიწყო. ბიუროს გადაწყვეტილება სადამკვირვებლო მისიების საქმიანობისადმი ხელისუფლების შიშზე მეტყველებს.კოალიცია „ჩემი ხმა ევროკავშირს“, რომელიც 30-ზე მეტ ორგანიზაციას აერთიანებს, გეგმავს უპრეცედენტოდ მასშტაბურ სადამკვირვებლო მისიას - “ჩემი ხმა”, იმ მიზნით რომ ქართველი ხალხის ნება 26 ოქტომბერს თავისუფლად გამოვლინდეს. ჩვენ ვმუშაობთ საქართველოს კონსტიტუციის 78-ე მუხლით განმტკიცებული, ევროკავშირისადმი ქართველი ხალხის სწრაფვის შესაბამისად და პარტიული ნიშნით განხორციელებული შეტევები ჩვენს შრომას საქართველოში დემოკრატიული ფასეულობების, სიტყვისა და არჩევანის თავისუფლების, თანასწორობისა და ევროინტეგრაციის განსამტკიცებლად ვერ შეაჩერებს", - ვკითხულობთ „ჩემი ხმა ევროკავშირის“ მიერ გავრცელებულ განცხადებაში. 

1727184553

გამოძიება მას შემდეგ დაიწყო, რაც Sky News–ის ეკონომიკურმა რედაქტორმა ედ კონუეიმ ქართველი კოლეგის მიერ ყაზბეგის საბაჟო გამშვებ პუნქტზე გადაღებული ფოტო კადრი მიიღო. „არაოფიციალურ პარკინგზე უამრავი უმაღლესი კლასის მანქანა აყენია. ასეთ სურათს ლონდონში სასტუმრო მეიფერთან, ან დუბაიში თუ ნახავთ. აქ ნახავთ მერსედესს, ლექსუსს, BMW-ს, უამრავ გერმანულ მანქანასთან ერთად პარკინგზე რამ დენიმე „რეინჯ–როვერსაც“ ნახავთ“, – წერს კონუეი. რედაქტორი კოლეგებთან ერთად გაემგზავრა საქართველო–რუსეთის ამ ერთადერთ სახმელეთო გადასასვლელზე, სადაც მათ „რუსეთში ევროპული ავტომობილების ტრანსპორტირების რთული, მაგრამ კარგად დალაგებული სქემა აღმოაჩინეს“.Sky News–ის ანალიზის მიხედვით, მას შემდეგ, რაც 2022 წელს რუსეთს სანქციები დაუწესეს, მაღალი კლასის ევროპული ავტომობილების ექსპორტში მკვეთრად გაიზარდა ისეთ ქვეყნებში, როგორიცაა საქართველო, აზერბაიჯანი და ყაზახეთი. ამ ქვეყნებში ასეთი ავტომობილების ექსპორტის მაჩვენებელი, რომელიც რუსეთ–უკრაინის ომამდე ძალიან დაბალი იყო, დაახლოებით იმ ნიშნულზე გავიდა, რაც ომამდე რუსეთის ფედერაციას ჰქონდა.ამასთან, აზერბაიჯანის საბაჟო მონაცემებით, ასეთი ავტომობილების ექსპორტი ამ ქვეყნიდან მკვეთრად გაიზარდა ყაზახეთსა და საქართველოში.შემდეგ კი ეს მანქანები საბაჟო რადარებიდან ქრება, აღნიშნავს Sky News: „სტატისტიკის თანახმად, მანქანები ჩადის აზერბაიჯანსა და საქართველოში, შემდეგ კი უფრალოდ ქრება“. მეორე მნიშვნელოვანი მომენტი: ამ სქემაში ჩართულ ვერცერთ პირს ვერ ამხელ ფაქტობრივ დანაშაულში, მაგრამ მთლიანობაში ეს საქმიანობა სანქციების შესახებ კანონის დარღვევის ტოლფასია.ადამიანებმა, რომლებსაც ავტომობილები საქართველო–რუსეთის საზღვრამდე მიჰყავთ, არ იციან, საიდან მოდის ეს მანაქნები – აზერბაიჯანიდან, თბილისის ავტოსალონებიდან, თუ პირდაპირ ევროპიდან ბათუმისა და ფოთის პორტების გავლი, წერს Sky News. ისინი ამ მანქანებს ზემო ლარსის საავტომობილო პუნქტთან ტოვებენ – სწორედ იქ, საიდანაც ათასობით რუსი გაურბოდა მათ ქვეყანაში გამოცხადებულ სამხედრო მობილიზაციას 2022 წელს.Sky News–ის ცნობით, შემდეგ ხდება დოკუმენტების გაფორმება. ევროკავშირის მიერ სანქციების დაწესების შემდეგ საქართველომაც შეზღუდა რუსეთში ავტომობილების ექსპორტი, თუმცა ამის გვერდის ავლა შესაძლებელია. მაგალითად, მანქანას, ვიდრე ლარსის სასაზღვრო პუნქტამდე მიიყვან, არეგისტრირებ სომხეთში. გადამზიდავებს ურჩევენ თქვან, რომ ისინი სომხეთიდან ყირგიზეთში მიემგზავრებიან რუსეთის ტერიტორიის გავლით, თუმცა, როგორც ერთმა იუთუბერმა თქვა, „ყველგან ყველამ კარგად იცის, რომ ეს მანქანები შევა რუსეთში და იქ დარჩება“.ტრანზიტული ნომრების აღების შემდეგ ქართველებს მანქანები საზღვარზე გადაჰყავთ. ჟურნალისტებმა Range Rover–ის საქარე მინასთან დატანილი VIN-კოდით დაადგინეს, რომ ავტომობილი 2024 წელს არის გამოშვებული ბრიტანეთის ქალაქ სოლიჰალის ქარხანაში. ერთ–ერთი როვერი 2024 წლის აპრილში იყო გამოშვებული.Jaguar Land Rover–ის წარმომადგენელმა Sky News–ს უთხრა, რომ ავტომწარმოებელმა თავისი პროდუქციის რუსეთში და ბელარუსში გატანა 2022 წელს შეწყვიტა. საქართველოში აღმოჩენილი მანქანები კი არ იყო ამ ქვეყანაში ექსპორტზე გათვლილი: ეს პროდუქცია საცალო გამყიდველებს იმ ქვეყნებში მიაწოდეს, რომლებსაც რუსეთთან საერთო საზღვარი არ გააჩნიათ, შემდეგ მათ იმ ქვეყნებიდან შესულ კლიენტებზე გაყიდეს მანქანები, რომლებზეც იგივე სანქციები და საექსპორტო კონტროლის ზომები ეხებათ, როგორც ეს დიდი ბრიტანეთის შემთხვევაშია რუსეთთან მიმართებით.თუმცა, Sky News–ის ცნობით, საქართველოში ამას არავინ მალავს.„ყველამ კარგად იცის, რომ ეს ავტომობილები რუსეთში არ უნდა მოხვდეს, მაგრამ საზღვარზე ერთი მეორის მიყოლებით გადაჰყავთ, ყოველდღე. ყველამ იცის, რა ხდება, მაგრამ არავინ არაფერს აკეთებს ამ სქემის შესაჩერებლად“, – წერს Sky News. 

1727184205

"წინასაარჩევნო პერიოდის დასკვნით ფაზაში შესვლასთან ერთად, სულ უფრო ცხადი ხდება, რომ ოპოზიცია ისტორიული მარცხის პირისპირ დგას. საზოგადოებისთვის უკვე ცხადია, რომ ოპოზიციის ცალყბად და უნიათოდ წარმოებული საარჩევნო კამპანია დაცლილია იდეებისგანაც კი, გეგმებზე რომ არაფერი ვთქვათ.ოპოზიციის კამპანია აგებულია მხოლოდ დაპირისპირებაზე, ნეგატივზე და ზიზღის ენაზე, რაც უკვე არაერთხელ გახდა მათი საარჩევნო მარცხის მიზეზი ბოლო 12 წლის განმავლობაში.რაც უფრო ნათელი ხდება ოპოზიციის უუნარობა, მით უფრო იმატებს ქვეყნის გარედან საარჩევნო პროცესში ჩარევის სიხშირე და სიმწვავე. უცხოელების განცხადებების და ქმედებების ინტენსივობა და შერჩეული დრო ქმნის იმის მყარ განცდას, რომ ქვეყნის გარედან მომდინარე ამ პროპაგანდის მიზანი ოპოზიციისთვის დღის წესრიგის შექმნაა, რაც ასეც ხდება.პირდაპირი მნიშვნელობით, დღე არ გადის, რომ უცხოეთიდან არ იყოს რამე განცხადება, ინტერვიუ, სატელევიზიო ჩართვა, სტატია ან ვიზიტი, რომელიც პირდაპირ უკავშირდება საპარლამენტო არჩევნებს, ოპოზიციის დღის წესრიგს, და ეს ინფორმაცია შემდეგ ინაცვლებს ოპოზიციის კუთვნილ მედიაში. შედეგად, წინასაარჩევნო პერიოდში, ქართული მედია დაკავებულია უცხოეთიდან მომდინარე მოსაზრებების ტირაჟირებით, რაც საარჩევნო გარემოს არათანაბარს ხდის და მის დემოკრატიულობაზე და სამართლიანობაზე მხოლოდ ნეგატიურად ზემოქმედებს.ამგვარი მასშტაბური ჩარევა საარჩევნო პროცესში აჩენს კითხვებს, ხომ არ არის უცხოეთიდან ჩარევა მოსახლეობის პოლიტიკური არჩევანზე ზეგავლენის და არჩევნების შედეგების მანიპულირების მიზანმიმართული მცდელობა?სხვა ქვეყნის საშინაო პოლიტიკაში, განსაკუთრებით კი არჩევნებში ჩარევა ეწინააღმდეგება ჩვენს საერთო დემოკრატიულ ღირებულებებს და სახელმწიფოს სუვერენიტეტის პატივისცემის პრინციპს.„ჩაურევლობის პრინციპი" არის წესებზე დაფუძნებული საერთაშორისო წესრიგის ქვაკუთხედი, რომელიც ნათლად არის გათვალისწინებული გაეროს წესდებით. აღნიშნული პრინციპი ხაზს უსვამს ყველა სახელმწიფოს სუვერენულ თანასწორობას და მათ უფლებას - წარმართონ თავიანთი საქმეები გარე ჩარევის გარეშე.აღნიშნული პრინციპი განმტკიცებულია გაეროს არაერთი დეკლარაციით, რომელთა მიხედვითაც „არცერთ სახელმწიფოს ან სახელმწიფოთა ჯგუფს არ აქვს უფლება ჩაერიოს, პირდაპირ ან ირიბად, რაიმე მიზეზით, ნებისმიერი სხვა სახელმწიფოს შიდა თუ გარე საქმეებში."ხელისუფლების არჩევა ხალხის პრივილეგიაა და არა უცხოეთის მოქალაქეების უფლება-მოვალეობა, თუნდაც ისინი პარტნიორები იყვნენ. ამგვარი ჩარევა გავლენას ახდენს არჩევნების სამართლიან და თანაბარ პირობებში ჩატარებაზე, იმისთვის რომ ხალხს მიეცეს თავისუფალ, თანასწორ და სამართლიან გარემოში არჩევანის გაკეთების შესაძლებლობა.იმ გამოწვევების ფონზე, რომელიც დღეს წესებზე დამყარებულ საერთაშორისო წესრიგს აქვს, მნიშვნელოვანია, რომ, განსაკუთრებით დასავლეთის წარმომადგენლებმა, ამ ღირებულებების მიმართ ერთგულება არა მხოლოდ სიტყვით, არამედ საქმითაც დაადასტურონ.მინდა, წინასაარჩევნო პერიოდის დასკვნით ეტაპზე, საარჩევნო კამპანიაში ჩარევისაგან თავშეკავებისაკენ მოვუწოდო ჩვენს უცხოელ პარტნიორებს, რათა საქართველოს მოსახლეობას მიეცეს საშუალება, გარედან ჩაურევლად, საკუთარი შეხედულებით, რწმენითა და მოსაზრებით მისცეს ხმა იმ პოლიტიკურ ძალას, რომელსაც საჭიროდ ჩათვლის, და არ დაექვემდებაროს გარედან თავსმოხვეულ არჩევანს.უცხოური პროპაგანდა არავითარ შემთხვევაში არ შეიძლება ჩაითვალოს თავისუფალი და თანასწორი საარჩევნო გარემოს წინაპირობად.  დემოკრატიულ საზოგადოებაში, ნებისმიერი მოქალაქის უფლებაა, არჩევანი გააკეთოს არამართლზომიერი ზეგავლენისაგან თავისუფალ გარემოში, რადგან ქვეყნის მომავალი მხოლოდ ჩვენი მოქალაქეების გადასაწყვეტია", - განაცხადა შალვა პაპუაშვილმა. 

1727177987