თითქმის 10-წლიანი რეაბილიტაციის შემდეგ, მეტრო „ვარკეთილი“ მგზავრებს სრული გრაფიკით მიიღებს

კომპანიამ საქართველოში ოპერირება ეროვნული ბანკის მიერ გაცემული ვირტუალური აქტივების სერვისის პროვაიდერისა (VASP) და საგადახდო სერვისის პროვაიდერის (PSP) რეგისტრაციის საფუძველზე დაიწყო.მარიამ ქვრივიშვილის განცხადებით, ბიზნესისადმი მეგობრული გარემო და საკანონმდებლო მხარდაჭერა ქვეყანაში ინვესტორების დაცულობასა და ფინანსებზე ხელმისაწვდომობას უზრუნველყოფს.„ჩვენი საფინანსო სექტორი არა მხოლოდ რეგიონში, არამედ მსოფლიოში მდგრადობითა და მაღალტექნოლოგიური გადაწყვეტებით გამოირჩევა. ფინანსური ტექნოლოგიების განვითარება ჩვენი ერთ-ერთი პრიორიტეტია“, - აღნიშნა მინისტრმა.მან ასევე ხაზი გაუსვა ბოლო პერიოდის მიღწევებს: საქართველოში უკვე 3 ციფრული ბანკი ფუნქციონირებს 2023 წლის შემდეგ კაპიტალის ბაზრის მოცულობა გაორმაგდა იზრდება საინვესტიციო ფონდების ჯამური ზომა ახალი პროდუქტი: Bybit Cardღონისძიების ფარგლებში, Bybit Georgia-მ Mastercard-თან ერთად ბაზარზე პირველად წარადგინა Bybit Card. აღნიშნული ბარათი მომხმარებლებს ციფრული აქტივებით ანგარიშსწორების ახალ შესაძლებლობებს სთავაზობს.Bybit-ის გლობალური ყოველდღიური ბრუნვა ათეულობით მილიარდ დოლარს შეადგენს. კომპანია ევროკავშირში ავტორიზებული პლატფორმით ოპერირებს და საქართველოში მისი შემოსვლა ფინანსური სექტორის ამ სეგმენტში კონკურენციის ზრდასა და უსაფრთხო პროდუქტების დანერგვას შეუწყობს ხელს.პრეზენტაციას ასევე ესწრებოდნენ ბიზნეს სექტორის წარმომადგენლები და საერთაშორისო პარტნიორები, მათ შორის Pave Bank-ისა და Tether-ის წარმომადგენლები.

1773225047

ვიტკოფის ეს კომენტარი მოჰყვა ამერიკელი ლიდერის საჯარო კრიტიკას პრემიერ-მინისტრისა და ირანზე ამერიკულ-ისრაელური დარტყმების მიმართ დიდი ბრიტანეთის პოზიციის მისამართით.სტარმერმა დაძაბული ურთიერთობების გამოსწორება კვირას, ტრამპთან სატელეფონო საუბრისას სცადა მას შემდეგ, რაც ამ უკანასკნელმა სოციალურ ქსელში დაწერა: „ჩვენ არ გვჭირდება ისეთი ხალხი, რომელიც ომში მაშინ ერთვება, როდესაც ჩვენ ის უკვე მოვიგეთ“.აღნიშნულ რეპლიკამდე რამდენიმე დღით ადრე ტრამპი ჩიოდა, რომ სტარმერს „ზედმეტად დიდი დრო დასჭირდა“ აშშ-ის ძალებისთვის ბრიტანული ავიაბაზების გამოყენების ნებართვის მისაცემად, მოგვიანებით კი რეპორტიორებთან სტარმერის შესახებ დამცინავად აღნიშნა: „ჩვენ საქმე უინსტონ ჩერჩილთან არ გვაქვს“.თუმცა, ვიტკოფმა GB News-თან ინტერვიუში განაცხადა: „როგორც იცით, მან თქვა, რომ ეს ცოტა არ იყოს... ეს „ზედმეტად მცირე და დაგვიანებულის“ კატეგორიაში გადის, მაგრამ ვფიქრობ, მათ კარგი, მყარი ურთიერთობა აქვთ და იმედია, მის გამოსწორებას შეძლებენ. მე პრეზიდენტის სიტყვებით ვხელმძღვანელობ, პრეზიდენტი კი მუდმივად ამბობს, რომ ყველას აქვს საკუთარი შეხედულების უფლება. თუმცა, ვფიქრობ, ზოგჯერ ვამჩნევთ, რომ მადლიერების გრძნობა არ იგრძნობა“.„ვფიქრობ, პრეზიდენტის პოზიციაა, რომ ჩვენ ბევრს ვაკეთებთ ევროპისთვის, ბევრს ვაკეთებთ დიდი ბრიტანეთისთვის ვაჭრობის, თავდაცვისა თუ ნატოს მხარდაჭერის სფეროში. ვფიქრობ, ზოგჯერ საპასუხო რეაქცია და ორმხრივობა ცოტა არ იყოს აკლია პროცესს. ამაზე შევჩერდები, კარგი?“

1773224482

მელონიმ ხაზგასმით აღნიშნა, რომ იტალია ომში არ იმყოფება და მასში არც ჩაებმება.„საერთაშორისო სისტემის ამ კრიზისულ კონტექსტში - სადაც საფრთხეები სულ უფრო საგანგაშო ხდება და მრავლდება საერთაშორისო სამართლის ჩარჩოებს გარეთ განხორციელებული ცალმხრივი ინტერვენციები - ჩვენ ასევე უნდა განვიხილოთ ამერიკისა და ისრაელის ინტერვენცია ირანული რეჟიმის წინააღმდეგ“, - განაცხადა მან.

1773222852

ყაზახეთის წარმომადგენლები ამ რეიტინგში შესაძლოა უფრო მეტიც ყოფილიყვნენ. მაგალითად, მიხეილ ლომთაძე — კომპანია Kaspi.kz-ის აქციონერი, დირექტორთა საბჭოს წევრი და მართვის საბჭოს თავმჯდომარე — Forbes-მა 6 მილიარდ დოლარად შეაფასა, რაც 100 მილიონით მეტია, ვიდრე 2025 წელს.ეს მაჩვენებელი საკმარისი იქნებოდა იმისთვის, რომ იგი ყაზახეთის მეორე ყველაზე მდიდარ ბიზნესმენად დასახელებულიყო. ყაზახი მილიარდერებიდან მასზე მდიდარია მხოლოდ ვიაჩესლავ კიმი — Kaspi.kz-ის აქციონერი და დირექტორთა საბჭოს თავმჯდომარე, რომლის ქონება 7.8 მილიარდ დოლარად არის შეფასებული.ამავე რეიტინგში მეორე ადგილს ყაზახ ბიზნესმენებს შორის იკავებს ვლადიმირ კიმი, რომლის აქტივებიც გლობალური Forbes-ის შეფასებით 5.9 მილიარდ დოლარს შეადგენს.თუმცა Forbes მიხეილ ლომთაძეს საქართველოს მიაკუთვნებს, რადგან მას საქართველოს მოქალაქეობა აქვს. ამასთან, მისი მუდმივი საცხოვრებელი ადგილი მითითებულია ალმაათა.გამოქვეყნებულ მილიარდერთა სიაში კიდევ ერთი ქართველი ბიზნესმენიც არის — 70 წლის ბიძინა ივანიშვილი. მისი ქონება 2.7 მილიარდ დოლარად არის შეფასებული და წინა წელთან შედარებით არ შეცვლილა. რეიტინგში იგი 1560-ე ადგილზე იმყოფება, ხოლო მიხეილ ლომთაძე — 694-ე ადგილზე.ბიძინა ივანიშვილი ქართველი ბიზნესმენი და პოლიტიკოსია. თავისი ქონება მან რუსეთში მეტალურგიის, ფინანსებისა და აგრობიზნესის აქტივების მეშვეობით დააგროვა. 2000-იანი წლების შუაში მან რუსეთში არსებული მთელი ბიზნესი გააერთიანა Unikor ჯგუფის მართვის ქვეშ და შემდეგ საქართველოში დაბრუნდა.2012 წელს, საქართველოს საპარლამენტო არჩევნების წინ, რომელშიც მონაწილეობდა მისი პარტია ქართული ოცნება, ივანიშვილმა რუსეთში არსებული ყველა აქტივი გაყიდა.ის 2012 წლის ოქტომბრიდან 2013 წლის ნოემბრამდე საქართველოს პრემიერ-მინისტრი იყო.2024 წელს ივანიშვილს სანქციები დაუწესეს აშშ-მა და რამდენიმე ევროპულმა ქვეყანამ.

1773222727

კერძოდ, ქურდიანმა 8,811 აქცია - საშუალო ფასით £48.25 გაყიდა, რითაც £425,129.15-ის შემოსავალი მიიღო.ტრანზაქცია თებერვლის ბოლოს, ლონდონის საფონდო ბირჟაზე დაიხურა.2025 წელს შესრულებული სამუშაოსთვის, მიმდინარე წლის 9 იანვარს ქურდიანმა TBC PLC-ის 1,109 ჩვეულებრივი აქცია, აქციებით ფიქსირებული ანაზღაურების ფარგლებში მიიღო.მანამდე, გასული წლის 10 ნოემბერს, უზბეკეთის CEO-მ საშუალოდ £39.11-ად ჯგუფის 4,825 აქცია შეიძინა, რაშიც £188,698.80 გადაიხადა. 

1773219996

განცხადების თანახმად, ეუთოს საპარლამენტო ასამბლეის პრეზიდენტმა პერე ჟოან პონს სამპიეტრომ (ესპანეთი) და მაღალი დონის დელეგაციამ გუშინ, 10 მარტს დაასრულეს რამდენიმედღიანი ვიზიტი საქართველოში, რომლის მიზანიც დიალოგის წახალისება, დემოკრატიული ინსტიტუტების გაძლიერება და პოლიტიკური სპექტრის ჩართულობის ხელშეწყობა იყო.ინფორმაციაში აღინიშნება, რომ ვიზიტის დროს დელეგაცია შეხვდა საქართველოს პრეზიდენტს, პარლამენტის თავმჯდომარეს, პრემიერ-მინისტრს, საგარეო საქმეთა მინისტრს, შინაგან საქმეთა მინისტრს, სახალხო დამცველს, პარლამენტში და მის გარეთ არსებული ოპოზიციური პარტიების წარმომადგენლებს, სამოქალაქო საზოგადოების წევრებს და დიპლომატიური საზოგადოების წარმომადგენლებს. დელეგაცია ასევე ეწვია ადმინისტრაციულ გამყოფ ხაზს და შეხვდა საქართველოს რეგიონების ოკუპაციის შედეგად დაზარალებულ იძულებით გადაადგილებულ პირებს.„ამ დღეებმა კიდევ ერთხელ დაადასტურა ჩემი შთაბეჭდილება, რომ საქართველოს ბევრი ძალიან შთამბეჭდავი პოლიტიკოსი ჰყავს. როგორც პარლამენტის შიგნით, ასევე, მის გარეთ მყოფ პირებს, როგორც ჩანს, მუდმივი აქტიური ურთიერთობა აქვთ საერთაშორისო პარტნიორებთან. სამწუხაროდ, შოკირებული ვიყავი, როდესაც აღმოვაჩინე, რომ ისინი ერთმანეთთან არ ურთიერთობენ“, - განაცხადა ეუთოს საპარლამენტო ასამბლეის პრეზიდენტმა.მან ასევე, აღნიშნა, რომ მოუწოდებს ყველა მხარეს, კონსტრუქციული ჩართულობისკენ და დიალოგის აღდგენისკენ მიმართული პირდაპირი კომუნიკაციის დაწყებისკენ."ამაში განსაკუთრებული პასუხისმგებლობა მთავრობას ეკისრება", - აღნიშნავს ასამბლეის პრეზიდენტი.პრესრელიზის თანახმად, დელეგაცია მიესალმა ფართო კონსენსუსს საქართველოს ევროინტეგრაციის მისწრაფებებთან დაკავშირებით და იმას, რომ როცა ჩატარდება, შემდეგი არჩევნები უნდა შეესაბამებოდეს ეუთოს ვალდებულებებს.თუმცა, დელეგაციამ აღნიშნა, რომ პოლიტიკურ სცენაზე არსებული მწვავე პოლარიზაცია კვლავაც დაბრკოლებას წარმოადგენს ამ მიზნების მისაღწევად და დასძინა, რომ მომავალში ამომრჩევლები დააჯილდოებენ მათ, ვინც მათ კონსტრუქციულად მიჰყვება.„ნათელია, რომ საქართველოში პოლიტიკასა და საზოგადოებაში არსებული პოლარიზაცია ხელს უშლის ქვეყანას თავისი პოტენციალის მიღწევაში. ჩვენი დელეგაცია პოლიტიკურად მრავალფეროვანია და ბევრ საკითხზე არ ვეთანხმებით ერთმანეთს, მაგრამ ერთად ვმუშაობთ. იგივეს ველით პოლიტიკური ლიდერებისგანაც საქართველოში“, - განაცხადა სამხრეთ კავკასიის საკითხებში სპეციალურმა წარმომადგენელმა ლუის გრაკამ და დასძინა:„კიდევ ერთხელ განვმარტოთ, როგორც ოქტომბერში: სახელმწიფო ინსტიტუტების წინააღმდეგ ძალადობის გამოყენება მიუღებელია. ცვლილებები უნდა მოხდეს საარჩევნო ყუთების და პოლიტიკის შემმუშავებელი ორგანოების მეშვეობით და არა მათი დამხობისკენ მიმართული ძალადობით“.დელეგაციის წევრმა, კრისტინ ბლოუერმა კი აღნიშნა, რომ პრობლემების მოგვარება ქართველი ხალხისა და ლიდერების გადასაწყვეტია.„ჩვენი, ეუთოში ან სხვა რომელიმე საერთაშორისო ორგანოში, პრობლემების მოგვარება არ არის საჭირო. ეს ქართველი ხალხისა და ლიდერების გადასაწყვეტია და იმედი მაქვს, რომ პოლიტიკური სცენის დეესკალაციისა და რეალური პოლიტიკური დიალოგის დასაბრუნებლად პასუხისმგებლიან ნაბიჯებს ვიხილავ“, - განაცხადა კრისტინ ბლოუერმა.გავრცელებულ ინფორმაციაში ასევე ნათქვამია, რომ დელეგაციამ სინანულით აღნიშნა მმართველი პარტიის წევრების მიერ გარკვეული ოპოზიციური პარტიების აკრძალვის მცდელობები, რაც, მათი თქმით, სავარაუდოდ გაამწვავებს განხეთქილებას და კიდევ უფრო მეტ იზოლაციას გამოიწვევს.„ამჟამინდელ რთულ გეოპოლიტიკურ გარემოში ქვეყანას სტაბილურობა და ერთიანობა სჭირდება. პარტიების ან რეგულარული პოლიტიკური ან სამოქალაქო საქმიანობის აკრძალვა წინსვლის გზა არ არის“, - განაცხადა ევროსიმა პეიოვიჩმა, რომელმაც ასევე აღნიშნა ეუთოს დემოკრატიული ინსტიტუტებისა და ადამიანის უფლებათა ოფისის მიერ ცოტა ხნის წინ მიღებულ კანონმდებლობასთან დაკავშირებული შეშფოთება და მოუწოდა ხელისუფლებას, გამოესწორებინა ხარვეზები."ანალოგიურად, პოლიტიკა შესაბამის ინსტიტუტებში უნდა მიმდინარეობდეს და ბოიკოტი არ შეიძლება იყოს დიალოგისა და პოლიტიკური აქტივიზმის ალტერნატივა“, - დასძინა მან.პრესრელიზის თანახმად, დელეგაციამ ხელისუფლებას სთხოვა შეხვედრა იმ პირებთან, რომლებსაც ოპოზიციური ძალები პოლიტპატიმრებად მოიხსენიებენ და სინანული გამოთქვეს, რომ ამ შემთხვევაში ეს შეუძლებელი იყო."ვიზიტის პირველ დღეს წევრები ადმინისტრაციულ სასაზღვრო ხაზზე გაემგზავრნენ და კიდევ ერთხელ დაადასტურეს ეუთოს საპარლამენტო ასამბლეის მტკიცე და თანმიმდევრული მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში. მათ აღნიშნეს, რომ ოკუპაციის გაგრძელების ჰუმანიტარული შედეგები საერთაშორისო შეშფოთების საგნად რჩება, - აღინიშნება განცხადებაში.პრესრელიზში ნათქვამია, რომ ვიზიტი ასამბლეის საქართველოსთან მუდმივი ჩართულობის ნაწილია, მათ შორის არჩევნებზე დაკვირვებისა და საპარლამენტო თანამშრომლობის კუთხით და მოსალოდნელია, რომ მისი დასკვნები განიხილება ეუთო-ს საპარლამენტო ასამბლეის ბიუროს სხდომასა და ყოველწლიურ სესიაზე ჰააგაში.

1773217257

ექსპერტების შეფასებით, რეგიონში ყველაზე მოწყვლადი სომხეთის ეკონომიკაა, რომელიც ირანთან მჭიდრო სავაჭრო და სატრანზიტო კავშირებზეა დამოკიდებული. კვლევითი ცენტრის GlobalSource-ის მონაცემებით, სომხეთის საგარეო ვაჭრობის დაახლოებით 14.8% დაკავშირებულია ირანთან, სპარსეთის ყურის ქვეყნებთან და ისრაელთან, რაც რეგიონში ყველაზე მაღალი მაჩვენებელია.სომხეთი — სავაჭრო და სატრანზიტო რისკებიეკონომისტების თქმით, ირანის ინფრასტრუქტურის ან პორტების მუშაობის შეფერხება პირდაპირ გავლენას ახდენს სომხეთის ეკონომიკაზე.· სომხეთის საგარეო ვაჭრობის დაახლოებით 25–30% ირანის სატრანზიტო გზებით გადის;· ირანის პორტ ბანდარ აბასში უკვე დაფიქსირდა შეფერხებები, რის გამოც სომხური ტვირთების ნაწილი ვერ იტვირთება.ბოლო წლებში სომხეთსა და ირანს შორის სავაჭრო ბრუნვა მნიშვნელოვნად გაიზარდა:· 2020 წელს — დაახლოებით $401 მილიონი· 2022 წელს — დაახლოებით $710 მილიონი· 2025 წელს — თითქმის $1 მილიარდს მმიაღწიაანალიტიკოსები ამბობენ, რომ თუ ირანში ტრანსპორტი და ლოგისტიკა ხანგრძლივად შეფერხდება, ამან შეიძლება სომხეთის ექსპორტის ნაწილი რამდენიმე ათეული პროცენტით შეამციროს.საქართველო — ტრანზიტი და საწვავის ფასებისაქართველოს ეკონომიკა ირანზე პირდაპირი ვაჭრობის მხრივ ნაკლებად არის დამოკიდებული, თუმცა ქვეყანაზე მნიშვნელოვან გავლენას ახდენს ენერგიის ფასებისა და სატრანზიტო მარშრუტების ცვლილებები.გლობალური ბაზრების მონაცემებით, ირანის კონფლიქტის დაწყების შემდეგ ნავთობის ფასები დროებით $70-დან თითქმის $120-მდე გაიზარდა, რაც რეგიონში საწვავის ფასების ზრდას იწვევს.ეკონომისტების შეფასებით, ამან შეიძლება გაზარდოს ტრანსპორტის ხარჯები 10–15%-ით და გააძლიეროს ინფლაციური წნეხი.საქართველოსთვის ერთ-ერთი დადებითი ფაქტორი არის ის, რომ ახლო აღმოსავლეთის საჰაერო სივრცის ნაწილობრივი დახურვის დროს საერთაშორისო ავიამიმოსვლა უფრო ხშირად იყენებს სამხრეთ კავკასიის საჰაერო კორიდორს. ბოლო ერთ წელიწადში აზერბაიჯანის საჰაერო სივრცეში ტრანზიტული ფრენების რაოდენობა 78,100-დან 125,600-მდე გაიზარდა.აზერბაიჯანი — ენერგეტიკული შესაძლებლობები და რისკებიაზერბაიჯანის ეკონომიკა შედარებით ნაკლებად არის დამოკიდებული ირანთან ვაჭრობაზე, თუმცა რეგიონული დაძაბულობა პირდაპირ უკავშირდება ენერგეტიკულ ინფრასტრუქტურას. სპარსეთის ყურის ქვეყნებიდან მომავალი პირდაპირი უცხოური ინვესტიციები აზერბაიჯანში ქვეყნის მთლიანი შიდა პროდუქტის დაახლოებით 5.4%-ს უტოლდება. ამავდროულად, მაღალი ნავთობის ფასები აზერბაიჯანისთვის მოკლევადიანად დადებითი ფაქტორია, რადგან ქვეყანა ნავთობისა და გაზის ექსპორტზეა დამოკიდებული.თუმცა, უსაფრთხოების რისკებიც იზრდება. ცოტა ხნის წინ აზერბაიჯანმა ირანი დაადანაშაულა დრონებით შეტევაში ნახიჩევანის აეროპორტზე, რამაც რეგიონში ინფრასტრუქტურის უსაფრთხოების საკითხი გაამწვავა.რეგიონული ეკონომიკური პერსპექტივაევროპის რეკონსტრუქციისა და განვითარების ბანკის (EBRD) შეფასებით, ირანის კონფლიქტი შეიძლება უარყოფითად აისახოს ეკონომიკურ ზრდაზე, რადგან ენერგიის ფასების ზრდა და ინვესტორების რისკის აღქმა რეგიონში ეკონომიკურ აქტივობას ამცირებს.ანალიტიკოსების თქმით, თუ კონფლიქტი გაგრძელდება, სამხრეთ კავკასიის ქვეყნები შესაძლოა სამი ძირითადი ეკონომიკური გამოწვევის წინაშე აღმოჩნდნენ:1. სავაჭრო და სატრანზიტო გზების შეფერხება2. ენერგიის და ტრანსპორტის ფასების ზრდა3. ინვესტიციების შემცირება რეგიონული უსაფრთხოების რისკების გამოექსპერტების შეფასებით, ირანის გარშემო მიმდინარე ომი სამხრეთ კავკასიის ქვეყნებზე პირდაპირ სამხედრო ზეწოლას ჯერ არ ახდენს, თუმცა ეკონომიკური ეფექტები უკვე იგრძნობა — განსაკუთრებით ვაჭრობის, ტრანზიტის და ენერგორესურსების ფასების მიმართულებით.თუ კონფლიქტი ხანგრძლივ ფაზაში გადავა, ეკონომისტები არ გამორიცხავენ, რომ რეგიონში ეკონომიკური ზრდა 0.5–1 პროცენტული პუნქტით შემცირდეს უახლოეს წლებში.

1773216962

ამერიკისა და ისრაელის ძალებმა ბოლო დღეებში განაახლეს საჰაერო დარტყმები ირანის სხვადასხვა სამიზნეზე, მათ შორის სამხედრო და ინფრასტრუქტურულ ობიექტებზე. პარალელურად, ირანი აგრძელებს სარაკეტო და დრონებით თავდასხმებს ისრაელზე და აშშ-ის სამხედრო ობიექტებზე რეგიონში, მათ შორის სპარსეთის ყურის ქვეყნებში.11 მარტს გავრცელებული ინფორმაციით:–  ირანმა კვლავ მიიტანა სარაკეტო დარტყმები ისრაელის მიმართულებით, რის გამოც ქალაქებში საჰაერო განგაში გამოცხადდა;–  აშშ-ის სამხედრო ძალებმა სპარსეთის ყურეში გაანადგურეს 16 ირანული ხომალდი, რომლებიც ჰორმუზის სრუტეში საზღვაო ნაღმების განთავსებას ცდილობდნენ.ჰორმუზის სრუტე განსაკუთრებით მნიშვნელოვანი სტრატეგიული წერტილია, რადგან იქ გადის მსოფლიოს ნავთობის დაახლოებით 20%.მსხვერპლი და ჰუმანიტარული ვითარებაირანი აცხადებს, რომ ომის დაწყებიდან — 28 თებერვლიდან — ქვეყანაში დაბომბილია ათასობით ობიექტი და 1300-ზე მეტი მშვიდობიანი მოქალაქე დაიღუპა. დასავლური წყაროები ამ მონაცემებს დამოუკიდებლად ვერ ადასტურებენ, თუმცა რამდენიმე ქალაქში ძლიერი დარტყმები და მსხვერპლი დაფიქსირდა.ამავე დროს, ირანული სარაკეტო შეტევების შედეგად ისრაელშიც არიან დაღუპულები და დაშავებულები, ხოლო კონფლიქტში უკვე ასობით სამხედროა დაჭრილი.ვითარება თავად ირანშიირანის ხელისუფლება შიშობს, რომ ომის ფონზე ქვეყანაში შიდა პროტესტები შეიძლება გაძლიერდეს. ხელისუფლებამ უსაფრთხოების ძალებს მოუწოდა მზად იყვნენ „მკაცრი რეაგირებისთვის“ ნებისმიერი ანტისამთავრობო გამოსვლის შემთხვევაში.ამავე დროს, ირანის სპეცსამსახურებმა განაცხადეს, რომ ბოლო დღეებში დაკავებულია ათობით ადამიანი, რომლებიც, მათი თქმით, აშშ-სა და ისრაელისთვის ჯაშუშობაში არიან ეჭვმიტანილები.პოლიტიკური ცვლილებებიომის აქტიური ფაზის დაწყებამდე რამდენიმე დღით ადრე აშშ-ისა და ისრაელის ერთობლივ დარტყმებში დაიღუპა ირანის უზენაესი ლიდერი ალი ხამენეი, რის შემდეგაც ქვეყნის ახალი ლიდერი გახდა მისი ვაჟი მოჯთაბა ხამენეი, რომელიც მარტის დასაწყისში აირჩია ექსპერტთა საბჭომ.რეგიონული გაფართოების რისკიკონფლიქტმა უკვე მოიცვა რამდენიმე ქვეყანა:· ლიბანში კვლავ მიმდინარეობს ბრძოლები ისრაელსა და „ჰეზბოლას“ შორის;· ირანმა სარაკეტო შეტევები განახორციელა სპარსეთის ყურის ქვეყნებზე;· ირანთან დაკავშირებულმა ჯგუფებმა იერიშები მიიტანეს აშშ-ის ობიექტებზე ერაყში.ამავდროულად, ისრაელური მედია ირანის წინააღმდეგ მიმდინარე ოპერაციაში აზერბაიჯანის ჩართვის ალბათობას განიხილავს. თავად ბაქოში თეირანთან ურთიერთხელსაყრელ თანამშრომლობაზე არიან ორიენტირებული, თუმცა ეს არ ნიშნავს, რომ აზერბაიჯანული ხელისუფლება თვალს დახუჭავს ამ ქვეყანაში დესტრუქციული ძალების არსებობაზე. ზოგიერთი ექსპერტის აზრით, აზერბაიჯანის ხელისუფლება არ არის წინააღმდეგი, ერთიან სახელმწიფოში ჰყავდეს ირანის აზერბაიჯანი და მზადაა ითანამშრომლოს როგორც ისრაელთან, ისე შეერთებულ შტატებთან. მათივე თქმით, თავად ირანში არ არსებობენ აქტივისტები, არ არსებობს რაიმე სახის მოძრაობა, რომელიც შეიძლება მიისწრაფოდეს „ორი აზერბაიჯანის“ გაერთიანებისკენ.ფართო გავლენაექსპერტები აღნიშნავენ, რომ ირანი ცდილობს კონფლიქტი გახანგრძლივებულ ომად გადააქციოს, მათ შორის ენერგეტიკული ბაზრების დესტაბილიზაციის გზით, რათა დასავლეთზე ეკონომიკური ზეწოლა გაზარდოს. 

1773214941