საქართველოში ტურისტული ვიზიტები 4%-ით გაიზარდა, აზერბაიჯანში 4.7%-ით შემცირდა

კერძოდ, მებაჟე ოფიცრებმა გადამოწმებისას, უცხო ქვეყნის მოქალაქეების, კუთვნილი ბარგის და მათი მართვის ქვეშ არსებული ავტომობილების დეტალური დათვალიერების შედეგად, ჯამში 1049 გრამი ოქროს ნაკეთობები აღმოაჩინეს.არადეკლარირებული საქონლის საერთო საბაჟო ღირებულებამ 252 432 ლარი შეადგინა. აღნიშნული მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა. ფინანსთა სამინისტროს შემოსავლების სამსახური.

1777625179

შეხვედრას ესწრებოდნენ საქართველოს ეროვნული ბანკის პირველი ვიცე-პრეზიდენტი ეკატერინე მიქაბაძე და ფინანსური ბაზრების დეპარტამენტის უფროსი ალექსანდრე ხაზარაძე.საუბრის მთავარი თემა BNY-სა და საქართველოს ფინანსურ სექტორს შორის თანამშრომლობის განვითარება იყო. მათ შორის, წამყვან ქართულ კომერციულ ბანკებთან - „საქართველოს ბანკთან“, „თიბისი ბანკთან“, „ბაზისბანკთან“, „ლიბერთი ბანკთან“, „ტერაბანკთან“ და „ხალიკ ბანკ საქართველოსთან" პარტნიორობის გაფართოება. მხარეებმა მიმოიხილეს 2024 წელს ქართულ ბაზარზე BNY-ის შემოსვლის შემდგომ მიღწეული პროგრესი და სამომავლო ჩართულობის პერსპექტივებზე იმსჯელეს.განსაკუთრებული ყურადღება დაეთმო სავალუტო რეზერვების მართვის, კასტოდიანური მომსახურებისა და ლიკვიდობის მართვის გადაწყვეტილებების მიმართულებით პოტენციურ თანამშრომლობას. შეხვედრაზე, ასევე, განიხილეს საქართველოს მაკროეკონომიკური პერსპექტივები და ფინანსურ სექტორში მიმდინარე მოვლენები. ეროვნული ბანკის პრეზიდენტმა ხაზი გაუსვა ქვეყნის ძლიერ მაკროეკონომიკურ ფუნდამენტებს, საბანკო სისტემის მდგრადობასა და მარეგულირებელი და შესაბამისობის ჩარჩოს საიმედოობას, მათ შორის, ფულის გათეთრების წინააღმდეგ ბრძოლისა (AML) და ფინანსური მდგრადობის მაღალ სტანდარტებს.„საქართველო კვლავაც სთავაზობს სტაბილურ და მიმზიდველ გარემოს საერთაშორისო ფინანსურ ინსტიტუტებს. ჩვენ მივესალმებით გლობალურ პარტნიორებთან შემდგომ ჩართულობას, განსაკუთრებით იმ სფეროებში, რომლებიც ხელს უწყობენ ფინანსური ბაზრის განვითარებასა და რეზერვების ეფექტიან მართვას“, - განაცხადა ნათია თურნავამ.სერგეი კოტოვი დადებითად აფასებს BNY-ის საქმიან ურთიერთობას საქართველოში როგორც კომერციულ სექტორთან, ისე ეროვნულ ბანკთან თანამშრომლობის გაფართოების მიმართულებით. საუბრისას მან ხაზი გაუსვა ინსტიტუტის მზაობას, მხარი დაუჭიროს ფინანსური ინფრასტრუქტურისა და სერვისების განვითარებას.მხარეებმა გამოთქვეს მზაობა, განაგრძონ თანამშრომლობა და შეისწავლონ გლობალურ ბაზრებთან საქართველოს ფინანსური სისტემის შემდგომი ინტეგრაციის შესაძლებლობები.(R)

1777623905

სექტორისთვის მხარდაჭერის უკვე განხორციელებულ პაკეტზე დაყრდნობით, ინიციატივა ფოკუსირებულია მოსავლის აღების შემდგომი მართვის პრაქტიკების გაუმჯობესებაზე, რომელიც ერთ-ერთი უმნიშვნელოვანესი ეტაპია, რომლის დროსაც არასწორმა შრობამ და შენახვამ შესაძლოა აფლატოქსინით დაბინძურება გამოიწვიოს, რაც პროდუქტს ბაზრისთვის უვარგისს ხდის და მწარმოებლისთვის მნიშვნელოვან ფინანსურ დანაკარგებს იწვევს.გრანტები გათვალისწინებულია სამეგრელო-ზემო სვანეთის, გურიის, კახეთის, აჭარისა და იმერეთის რეგიონებში თხილის მოქმედი მწარმოებლებისთვის, რომლებმაც უკვე წარმატებით გაიარეს FAO-ს მხარდაჭერით ჩატარებული ტრენინგები თხილის წარმოების, სურსათის უვნებლობისა და მოსავლის აღების შემდგომი მართვის მიმართულებით.ტექნიკური ცოდნის ფინანსურ მხარდაჭერასთან შერწყმით, პროგრამა ფერმერებს აძლევს შესაძლებლობას, გაუმჯობესებული პრაქტიკები რეალურ ინვესტიციებად გარდაქმნან. შერჩეული ბენეფიციარები მიიღებენ თანადაფინანსებას თანამედროვე აღჭურვილობის შესაძენად, რომელიც აუცილებელია მოსავლის აღების შემდგომი პროცესების უსაფრთხო და ეფექტიანი მართვისთვის.FAO-ს დონორები ინვესტიციის ღირებულების 70%-ს დაფარავს, ხოლო დარჩენილი წილის გადახდას ბენეფიციარები უზრუნველყოფენ.თანამონაწილეობრივი გრანტი გაიცემა ფერმერებზე, რომლებიც ფლობენ 0.5-დან 30 ჰექტრამდე ფართობზე გაშენებულ თხილის ბაღებს, აქვთ იურიდიული სტატუსი, და აკმაყოფილებენ დამატებით ტექნიკურ მოთხოვნებს. ხელმისაწვდომი აღჭურვილობა მოიცავს თხილის ვერტიკალურ საშრობებს, დამხმარე სატრანსპორტო ლენტებს ან/და ვერტიკალურ ელევატორებს, უცხო სხეულების გამცლელებსა და თხილის გასარჩევ მაგიდებს. აღნიშნული აღჭურვილობა შერჩეულია შრობის პროცესის გაუმჯობესებისა და დაბინძურების რისკების შემცირების ხელშესაწყობად.„ეს ინიციატივა ეფუძნება პროგრესს, რომელსაც საქართველოს მასშტაბით თხილის მწარმოებლებთან თანამშრომლობის შედეგად მივაღწიეთ“, განაცხადა გუიდო აგოსტინუჩიმ, FAO-ს ENPARD IV პროგრამის მენეჯერმა. „ფერმერებს, რომლებმაც უკვე გაიღრმავეს ცოდნა, ახლა ვაძლევთ შესაძლებლობას, ინვესტიცია განახორციელონ პრაქტიკულ გადაწყვეტებში, რომლებიც აუმჯობესებს სურსათის უვნებლობას, ამცირებს მოსავლის აღების შემდგომ დანაკარგებს და ზრდის მათ კონკურენტუნარიანობას“.ევროკავშირი ერთგულია ქართველი ფერმერების გაძლიერების მიზნისადმი, რათა მათ შეძლონ მაღალი ხარისხის სტანდარტების დაკმაყოფილება და მომხმარებელთა დაცვა ხელმისაწვდომი თანამედროვე ტექნიკისა და მოსავლის შემდგომი მოწინავე პრაქტიკების გამოყენების გზით“, განაცხადა დენის რაისმა, საქართველოში ევროკავშირის წარმომადგენლობის მდგრადი სასურსათო სისტემების პროგრამის მენეჯერმა. „იმის გათვალისწინებით, რომ საქართველოს თხილის ექსპორტის მოცულობის 70% ევროკავშირზე მოდის, აღნიშნული ინვესტიციები აუცილებელია საქართველოს ბაზრის წილის შესანარჩუნებლად და ევროპაში მისი რეპუტაციის გასამყარებლად”.2025 წელს, საქართველოს მასშტაბით თხილის 22-მა მწარმოებელმა მიიღო თანამონაწილეობრივი გრანტი, რომლის მეშვეობითაც მათ შეძლეს თანამედროვე დანადგარებში ინვესტირება და მოსავლის აღების შემდგომი პრაქტიკების გაუმჯობესება. ევროკავშირისა და შვედეთის მიერ მხარდაჭერილი ინვესტიციები ფერმერებს ეხმარება მოსავლის აღების შემდგომი დანაკარგების შემცირებაში, პროდუქტის ბაზარზე რეალიზების გაუმჯობესებაში და შემოსავლის ზრდაში. საგრანტო შესაძლებლობისთვის განაცხადების მიღების განახლება კი მიზნად ისახავს მიღებული შედეგის გაუმჯობესებას და იმ ფერმერების მხარდაჭერას, რომლებსაც მიზნობრივი მხარდაჭერა სჭირდებათ.პროგრამაში ჩართვასაგრანტო შესაძლებლობის შესახებ დეტალური ინფორმაცია შეგიძლიათ იხილოთ აქ.დამატებითი ინფორმაციისთვის, დაუკავშირდით FAO-ს ელფოსტის მისამართზე: FAO-Georgia-Grants@fao.orgევროკავშირის შესახებ30 წელზე მეტია ევროკავშირს საქართველოსთან მჭიდრო პარტნიორული ურთიერთობა აკავშირებს. ქვეყნის განვითარებას ევროკავშირი ცოდნისა და გამოცდილების გაზიარებით და ექსპერტული, ინოვაციებისა და ფინანსური მხარდაჭერის გზით ახორციელებს. ევროკავშირსა და საქართველოს მოქალაქეებს შორის ურთიერთობა მშვიდობის, თავისუფლების, დემოკრატიის, ადამიანის უფლებებისა და ინკლუზიური ეკონომიკური ზრდის საერთო ღირებულებებს ეფუძნება. საქართველოში ევროკავშირის მხარდაჭერის შესახებ მეტი ინფორმაცია იხილეთ მითითებულ ბმულზე.პროექტის შესახებევროკავშირი, ENPARD პროგრამის ფარგლებში, მხარს უჭერს სოფლის მეურნეობასა და სოფლის განვითარებას საქართველოში. სოფლად ეკონომიკური შესაძლებლობების გაძლიერებისა და საქართველოში სიღარიბის შემცირების მიზნით ENPARD პროგრამა 2013 წლიდან ხორციელდება. პროგრამა, საწყის ეტაპზე, მხარს უჭერდა სოფლის მეურნეობის პოტენციალის განვითარებას ქვეყანაში. მომდევნო ეტაპზე, პროგრამა ასევე კონცენტრირდა სოფლად მცხოვრები მოსახლეობისთვის ეკონომიკური შესაძლებლობების გაჩენის ხელშეწყობაზე. 2021 წლიდან პროგრამა ქვეყნის მხარდაჭერას სურსათის უვნებლობის გაუმჯობესების კუთხითაც ახორციელებს ევროკავშირისა და შვედეთის ფინანსური მხარდაჭერით, ENPARD IV-ის ფარგლებში, სურსათის უვნებლობის კომპონენტის მთავარ განმახორციელებელ ორგანიზაციებთან, FAO-სა და ჩეხეთის განვითარების სააგენტოსთან ერთად.

1777623005

შეხვედრის ფარგლებში მხარეებმა  ევროპის საბჭოს ვენეციის კომისიის, ადგილობრივი და რეგიონული ხელისუფლების კონგრესისა და საპარლამენტო ასამბლეის ერთობლივი დებატები განიხილეს და მისი შედეგები შეაფასეს. შეხვედრაზე ასევე ისაუბრეს თანამშრომლობის შესაძლებლობებსა და პერსპექტივებზე.როგორც გიორგი კალანდარიშვილმა შეხვედრისას აღნიშნა, საფრანგეთში საქართველოს საელჩო მნიშვნელოვან როლს ასრულებს ევროსტრუქტურებთან და საერთაშორისო პარტნიორებთან თანამშრომლობისა და ურთიერთობების გაღრმავების მიმართულებით. შესაბამისად, მნიშვნელოვანია მჭიდრო თანამშრომლობა და ინფორმაციის გაცვლა სხვადასხვა აქტუალურ საარჩევნო საკითხზე, რაც თავის მხრივ უზრუნველყოფს ოპერატიულად სწორი ინფორმაციის მიწოდებას სხვადასხვა საერთაშორისო ორგანიზაციებისა თუ სტრუქტურებისთვის.საქართველოს ცენტრალური საარჩევნო კომისიის დელეგაცია საფრანგეთში ოფიციალური ვიზიტით 28-29 აპრილს იმყოფებოდა.(R)

1777622557

საგამოძიებო სამსახურში გამართულ შეხვედრას ესწრებოდნენ სამსახურის ყოფილი უფროსი მიხეილ მაღლაკელიძე და საგამოძიებო სამსახურის სტრუქტურული ერთეულების ხელმძღვანელები.ფინანსთა მინისტრმა, ლაშა ხუციშვილმა ლევან ხარაბაძეს უწყების ხელმძღვანელად დანიშვნა მიულოცა და საქმიანობაში წარმატებები უსურვა. მინისტრმა აღნიშნა, რომ ახალ ხელმძღვანელს სამართალდამცავ ორგანოებში მუშაობის მრავალწლიანი გამოცდილება აქვს და კარგად იცნობს საგამოძიებო სამსახურის სპეციფიკას. მან იმედი გამოთქვა, რომ ხარაბაძის ხელმძღვანელობით, კვლავ, აქტიურად გაგრძელდება საფინანსო-ეკონომიკური დანაშაულის პრევენცია და გამოვლენა.ლევან ხარაბაძემ მინისტრს გამოცხადებული ნდობისა და მხარდაჭერისთვის მადლობა გადაუხადა. მან ხაზი გაუსვა უწყების თანამშრომელთა პროფესიონალიზმსა და მაღალ პასუხისმგებლობას და აღნიშნა, რომ სამსახური დაკისრებული ფუნქციების ეფექტურად შესრულებას გააგრძელებს.მინისტრმა საგამოძიებო სამსახურის ყოფილ უფროსს, მიხეილ მაღლაკელიძეს, გაწეული საქმიანობისთვის მადლობა გადაუხადა და აღნიშნა, რომ მისი ხელმძღვანელობით მნიშვნელოვნად გაუმჯობესდა უწყების მუშაობის ეფექტურობა და მატერიალურ-ტექნიკური შესაძლებლობები. მან, ასევე, იმედი გამოთქვა, რომ ფინანსთა სამინისტროს სისტემაში შემავალ უწყებებს შორის კოორდინაცია მომავალშიც გაგრძელდება.თავის მხრივ, მიხეილ მაღლაკელიძემ საგამოძიებო სამსახურის თანამშრომლებს მხარდაჭერისთვის მადლობა გადაუხადა, ახალ ხელმძღვანელს კი წარმატებები უსურვა.

1777621729

„გაერთიანებული სამეფოს მეფისა და დედოფლის პატივსაცემად, რომლებმაც ახლახან დატოვეს თეთრი სახლი და მალე დაბრუნდებიან თავიანთ შესანიშნავ ქვეყანაში, მე გავაუქმებ ტარიფებსა და შეზღუდვებს ვისკიზე, რაც დაკავშირებულია შოტლანდიის შესაძლებლობაზე, ითანამშრომლოს კენტუკის თანამეგობრობასთან ვისკისა და ბურბონის მიმართულებით - ეს ორი ძალიან მნიშვნელოვანი ინდუსტრიაა შოტლანდიასა და კენტუკისთვის“, - განაცხადა პრეზიდენტმა Truth Social-ზე.ტრამპმა, რომელიც ალკოჰოლს არ მოიხმარს, ეს გადაწყვეტილება შოტლანდიელ და კენტუკელ მწარმოებლებს შორის თანამშრომლობის განმტკიცებად და ბრიტანელი მონარქებისადმი მადლიერების ჟესტად წარმოაჩინა.აშშ-სა და ბრიტანეთს შორის ურთიერთობები ირანთან ომის დაწყების შემდეგ დაიძაბა.შოტლანდიური ვისკის ინდუსტრია თვეების განმავლობაში ლობირებდა ადმინისტრაციას ვისკიზე 10-პროცენტიანი ტარიფის გაუქმების მიზნით, რასაც ამერიკელი მწარმოებლებიც უჭერდნენ მხარს. ლობისტური ძალისხმევა ორ არგუმენტს ეფუძნებოდა: პირველი - აშშ შოტლანდიური ვისკის ყველაზე დიდი მომხმარებელია და მეორე - შოტლანდია ყოველწლიურად ასობით მილიონ დოლარს ხარჯავს კენტუკელი მწარმოებლებისგან მუხის კასრების იმპორტზე.„ხალხს დიდი ხანია სურდა ამის გაკეთება, რადგან ქვეყნებს შორის არსებობდა დიდი სავაჭრო ბრუნვა, რაც განსაკუთრებით ხის კასრებს ეხებოდა“, - დაწერა ტრამპმა.კანონმდებლობის თანახმად, კენტუკის ბურბონი ახალ, გამომწვარ მუხის კასრებში უნდა დაძველდეს. ამ კასრების გამოყენების შემდეგ, კენტუკის საწარმოები მათ ხშირად შოტლანდიელ მწარმოებლებს მიჰყიდიან, რათა მათ საკუთარი სასმელების შესანახად და დასაძველებლად გამოიყენონ.ტრამპის სავაჭრო ომმა დააზარალა როგორც კენტუკის, ისე შოტლანდიის ვისკის ინდუსტრია. შოტლანდიური ვისკის საბჭოს მონაცემებით, აშშ-ში შოტლანდიური ვისკის ექსპორტი 2025 წელს 15 პროცენტით შემცირდა, ხოლო აშშ-ის გამოხდილი სპირტიანი სასმელების საბჭოს თანახმად, ამერიკული ვისკის ექსპორტი იმავე პერიოდში 19 პროცენტით დაეცა. ამერიკული ვისკის ექსპორტის შემცირების ძირითადი მიზეზი - რომელზეც საპასუხო ტარიფი არ დაწესებულა - კანადაში ექსპორტის კლება იყო.„ეს შეთანხმება მნიშვნელოვანი სტიმულია შოტლანდიური ვისკის ინდუსტრიისთვის ჩვენს ყველაზე ძვირფას საექსპორტო ბაზარზე“, - განაცხადა შოტლანდიური ვისკის ასოციაციის აღმასრულებელმა დირექტორმა, მარკ კენტმა. „მწარმოებლებს შეუძლიათ ცოტა უფრო თავისუფლად ამოისუნთქონ სექტორისთვის ამ რთულ პერიოდში“.აშშ-ის სავაჭრო წარმომადგენელმა ჯეიმსონ გრირმა აღნიშნა, რომ ეს ნაბიჯი იყო აშშ-სა და ბრიტანეთს შორის უფრო ფართო ეკონომიკური შეთანხმების ნაწილი, რომელიც მიზნად ისახავს ბაზარზე წვდომის გაფართოებას ისეთი ძირითადი დარგებისთვის, როგორიცაა საქონლის ხორცი, ფარმაცევტიკა და ეთანოლი.„ეკონომიკური კეთილდღეობის შეთანხმების (EPD) ფარგლებში, აშშ-მა და გაერთიანებულმა სამეფომ გადაწყვიტეს, რომ მისი იმპლემენტაციის გაგრძელებისას, ამერიკის შეერთებული შტატები დაუშვებს პრეფერენციულ საბაჟო წვდომას გაერთიანებულ სამეფოში წარმოებულ ვისკიზე, სხვა ამერიკულ და ბრიტანულ საქონელთან ერთად“, - ნათქვამია გრირის განცხადებაში.ამ გადაწყვეტილებას მხარი დაუჭირეს კენტუკელმა კანონმდებლებმაც.„როგორც კონგრესის ბურბონის გაერთიანების თავმჯდომარე, მე ვწევ ჭიქას პრეზიდენტ დონალდ ტრამპის სადღეგრძელოდ ამ მნიშვნელოვანი გამარჯვების გამო, რომელიც ჩვენი კენტუკის ბურბონის ინდუსტრიის სიმბოლოა“, - დაწერა კონგრესმენმა ენდი ბარმა, რომელიც სენატში კენჭისყრისას პრეზიდენტისგან მხარდაჭერის მოპოვებას ელოდება.

1777620287

გამოცემის ინფორმაციით, 2025 წლის აგვისტოში ძმებმა ტრამპებმა სამშენებლო ჯგუფ Skyline Builders-ში წილი შეიძინეს. გარიგებების სერიის შემდეგ Skyline-მა 20%-იანი წილი მიიღო კომპანიაში Kaz Resources, რომელიც საინვესტიციო ჯგუფ Cove Capital-თან არის დაკავშირებული. მოგვიანებით Kaz Resources და Cove Kaz Capital-ის სტრუქტურა, რომელიც ყაზახეთში პროექტებს აკონტროლებს, Skyline-თან გაერთიანდნენ. ახალი კომპანია გეგმავს აქციების საჯარო განთავსებას Nasdaq-ის ბირჟაზე Kaz Resources-ის ბრენდის სახელით, წერს FT.გამოცემა ასევე აღნიშნავს, რომ გასულ წელს აშშ-ის ექსპორტ-იმპორტის ბანკმა (US Export-Import Bank) და განვითარების ფინანსურმა კორპორაციამ (DFC, Development Finance Corporation) დაამტკიცეს ყაზახეთში ვოლფრამის მოპოვების პროექტების მხარდაჭერისთვის 1,6 მილიარდ დოლარამდე დაფინანსების გამოყოფა. აღნიშნულ პროექტებში საკონტროლო პაკეტი (70%) Cove Kaz Capital-ის სტრუქტურამ მიიღო.დონალდ ტრამპ-უმცროსის წარმომადგენელმა FT-ს განუცხადა, რომ იგი პასიური ინვესტორია, არ მონაწილეობს ოპერაციულ საქმიანობაში და არ ურთიერთობს ფედერალურ უწყებებთან იმ კომპანიების ინტერესებისთვის, რომლებშიც ინვესტიციები აქვს.

1777619611

სპეციალური შეთავაზება 1-ელიდან 31 მაისის ჩათვლით იმოქმედებს. ამ პერიოდში „საქართველოს ბანკის“ AmEx საკრედიტო ბარათის მფლობელები „თეგეტა მოტორსში“ გადახდისას 10-ჯერ მეტ Membership Rewards (MR) ქულას დააგროვებენ. ჯამურად, ერთი მომხმარებელი, თვის ჭრილში, მაქსიმუმ 10 000 MR ქულის დაგროვებას შეძლებს, რაც ყოველდღიური ხარჯვის ეფექტიანობას მნიშვნელოვნად გაზრდის.ვაჟა ილურიძე, „თეგეტა მოტორსის“ საცალო გაყიდვების განყოფილების ხელმძღვანელი: „როდესაც ავტომობილის არაგეგმური შეკეთების საჭიროება დგება, ხშირ შემთხვევაში მომხმარებლებს შესაბამისი თანხა წინასწარ არ აქვთ გადადებული. სწორედ ასეთ დროს განსაკუთრებულ მნიშვნელობას იძენს „საქართველოს ბანკის“ AmEx საკრედიტო ბარათი, რომელიც მათ საშუალებას აძლევს, მყისიერად დაფარონ ხარჯი და თანხა მოგვიანებით, უპროცენტოდ ან გარკვეულ პერიოდზე გადანაწილებით დააბრუნონ.ჩვენი ხედვით ეს არის ინსტრუმენტი, რომელიც მომხმარებელს რეალურ პრობლემას უგვარებს და აძლევს შესაძლებლობას, ავტომობილთან დაკავშირებული ტექნიკური საკითხები დაუყოვნებლივ მოაგვაროს. „თეგეტა“ უკვე 30 წელია, მომხმარებლის საჭიროებებზე მორგებულ გადაწყვეტილებებს იღებს და მსგავსი სერვისების დანერგვა ამ მიდგომის ბუნებრივი გაგრძელებაა“.კამპანიაში მონაწილეობის მისაღებად მთავარია, გადახდა „საქართველოს ბანკის“ პოსტერმინალზე AmEx საკრედიტო ბარათით განხორციელდეს. შეთავაზება „თეგეტა მოტორსის“ ყველა პროდუქტსა და სერვისზე ვრცელდება, რაც მომხმარებლებს აძლევს თავისუფლებას, თავად განსაზღვრონ, როგორ გამოიყენონ AmEx საკრედიტო ბარათის ლიმიტი - იქნება ეს ავტომობილის ტექნიკური მომსახურება, ნაწილების შეძენა თუ სხვა საჭიროება.ამასთანავე, თითოეულ გადახდაზე ისინი MR ქულებს დააგროვებენ, რომელთა გამოყენებაც „საქართველოს ბანკის“ პარტნიორ ობიექტებშია შესაძლებელი. მომხმარებლებს მათი გადაცვლა PLUS ქულებშიც შეუძლიათ. სხვადასხვა ტიპის ბარათზე ქულების დაგროვების განსხვავებული სქემა მოქმედებს: American Express Blue ბარათზე - 1 ლარი = 1 MR ქულა, American Express Green ბარათზე - 1₾=1.5 MR, American Express Gold ბარათზე - 1₾=2MR, American Express Platinum ბარათზე - 1₾=3MR. მაისის კამპანიის ფარგლებში კი ეს მაჩვენებელი 10-ჯერ მოიმატებს, რაც მომხმარებლებს აძლევს შესაძლებლობას, მოკლე პერიოდში დაგროვილი ქულების რაოდენობა მნიშვნელოვნად გაზარდონ.სოფო კალანდაძე, „საქართველოს ბანკის“ ლოიალურობის პროგრამის სექტორის უფროსი: „საქართველოს ბანკისთვის“ ეს კამპანია მომხმარებლის გამოცდილების გაუმჯობესებისა და დამატებითი ღირებულების შექმნის კიდევ ერთი შესაძლებლობაა. ეს მათ აძლევს რეალურ შესაძლებლობას, ყოველდღიური ხარჯვა კიდევ უფრო მეტ სარგებლად აქციონ. AmEx საკრედიტო ბარათით გადახდისას MR ქულების დაგროვების სისტემა ისედაც მოქმედებს, თუმცა მაისში ეს სარგებელი 10-ჯერ გაიზრდება, რაც იმავე ხარჯით დამატებითი ბენეფიტის მიღებას უზრუნველყოფს. მსგავსი თანამშრომლობები არა მხოლოდ ზრდის ბარათის გამოყენების მოტივაციას, არამედ ქმნის გრძელვადიან ღირებულებას როგორც მომხმარებლისთვის, ისე პარტნიორი კომპანიებისთვის“.„თეგეტა მოტორსისა“ და „საქართველოს ბანკის“ პარტნიორობა კიდევ ერთხელ აჩვენებს ორივე კომპანიის მზაობას, მომხმარებლებს არა მხოლოდ პროდუქტები და სერვისები, არამედ რეალური დამატებითი ღირებულება და გაუმჯობესებული გამოცდილებაც შესთავაზონ. თანამშრომლობის ეს ფორმატი ქმნის მყარ საფუძველს, რომ მომავალშიც განხორციელდეს მსგავსი ერთობლივი კამპანიები და შეთავაზებები, რომლებიც მომხმარებლის ყოველდღიურ საჭიროებებს კიდევ უფრო მოქნილად და ეფექტიანად უპასუხებს.„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Ate და სხვა.(R)

1777618023