აშშ-ში ქარბუქს 11 ადამიანი ემსხვერპლა

"როგორც ჩვენ ვიცით, აშშ-ს ვიცე-პრეზიდენტის ვიზიტი კონკრეტულად ე.წ. TRIPP-ის მარშრუტს ეძღვნება - შესაბამისად, ლოგიკურია, რომ ამ შემთხვევაში ვიზიტის ადრესატი სწორედ ორი ქვეყანაა! მეტი, რა კომენტარი გავაკეთო ამასთან დაკავშირებით?", - განაცხადა ჟურნალისტის კითხვის საპასუხოდ კობახიძემ.ჟურნალისტის დამატებით კითხვაზე, როდესაც საუბარია სამხრეთ კავკასიის სატრანზიტო როლზე და საქართველო სატრანზიტო მარშრუტის ნაწილია, რატომ არ მოხვდა ქვეყანა აშშ-ს ვიცე-პრეზიდენტის დღის წესრიგში, კობახიძემ განაცხადა, რომ „ეს არის მათი გადასაწყვეტი“.“ჩვენი ინფორმაციით, ეს ვიზიტი კონკრეტულად ზანგეზურის თემას ეძღვნება - გამომდინარე აქედან, სრულიად ბუნებრივია, რომ ამერიკელი პოლიტიკოსი აზერბაიჯანსა და სომხეთში ჩადის.თქვენ იცით, როგორია ქართულ-ამერიკული ურთიერთობების კონტექსტი. ეს კონტექსტი არის ძალიან მძიმე. ეს კონტექსტი ბაიდენის ადმინისტრაციამ შექმნა. ვნახოთ, ამ ფონზე როგორ განვითარდება. ამერიკული ადმინისტრაციის გადაწყვეტილებას ჩვენ მოთმინებით ველოდებით. ჩვენ საჯაროდ გვაქვს გაკეთებული განცხადება იმასთან დაკავშირებით, რომ მზად ვართ სტრატეგიული პარტნიორობის განახლებისთვის სუფთა ფურცლიდან და კონკრეტული გზამკვლევით“, - განაცხადა ირაკლი კობახიძემ."ქართული ოცნების" დეპუტატმა თენგიზ შარმანაშვილმა ჟურნალისტებთან კი განაცხადა, რომ "ჯეი დი ვენსი ჩამოდის მშვიდობის განსამტკიცებლად და ამიტომ ვერ მოხვდა საქართველო მის მარშრუტში - რაც შეეხება ტრანზიტს, დარწმუნებული ვარ, აშშ თავისი რეგიონული პოლიტიკის განსაზღვრისას, ჩამოყალიბდება ამ საკითხში საქართველოს როლზეც". მისივე თქმით, ისეთი რაოდენობით ტვირთებზეა ლაპარაკი, ზანგეზურის დერეფანი ვერ გაატარებს და საქართველო მაინც იქნება ერთ-ერთი მთავარი სატრანსპორტო ჰაბი."ეს არც არის მისი ამოცანა და იმიტომ ვერ მოხვდა საქართველო ჯეი დი ვენსის მარშრუტში. ძალიან კარგად იცით, რომ ის ჩამოდის მშვიდობის განსამტკიცებლად. ტრამპმა თავიდანვე განაცხადა, რომ არ სურს მის მიერ დარეგულირებული საკითხები იყოს დროებითი და სურს, ხანგრძლივი დროის განმავლობაში გადაიჭრას ეს საკითხები. რა თქმა უნდა, სომხეთ-აზერბაიჯანის კონფლიქტი იყო ერთ-ერთი ურთულესი კონფლიქტი მთელს მსოფლიოში. ვინ აღარ ჩაერია ამ კონფლიქტის მოგვარებაში, ბევრი ფორმატი შექმნა თავის დროზე და ვერანაირი ნაბიჯი ვერ გადადგეს. ჩაცხრებოდა ეს კონფლიქტი და გაღვივდებოდა. რა თქმა უნდა, აშშ-მ მართლა სერიოზული ნაბიჯები გადადგა, ტრამპს მართლა დიდი დამსახურება აქვს ამ საკითხში და რა თქმა უნდა, ის გაუფრთხილდება ამას და მის განმტკიცებაზე იმუშავებს. ჰე დი ვენსის ჩამოსვლაც ამ განმტკიცებას ემსახურება და ჩვენ ამას მივესალმებით. ჩვენი მეზობლები რაც უფრო მშვიდობიანად იქნებიან ერთმანეთთან, რეგიონის განვითარება უფრო პერსპექტიული იქნება...სამხრეთ კავკასიის სატრანზიტო ფუნქციასა და ყველაფერზე გვექნება საუბარი, შესაბამისად, გვექნება წინადადებები. მზად ვართ და ღია ვართ ამ წინადადებისთვის. როგორც კი ჩვენს პარტნიორებს ექნებათ შესაბამისი შემოთავაზებები, ის მყისიერად იქნება განხილული. ყველამ ძალიან კარგად იცის და ნებისმიერი ეკონომისტი გეტყვით, რომ ისეთი რაოდენობით ტვირთებზეა ლაპარაკი, ზანგეზურის დერეფანი ვერანაირი განვითარებით ვერ გაატარებს. საქართველო მაინც იქნება ერთ-ერთი მთავარი სატრანსპორტო ჰაბი. დარწმუნებული ვარ, აშშ თავისი რეგიონული პოლიტიკის განსაზღვრისას, ჩამოყალიბდება ამ საკითხში საქართველოს როლზეც. ახლა ვთვლი, რომ ბოლომდე ჩამოყალიბებული არ აქვს. რა თქმა უნდა, თავისი წინადადებებს ყოველგვარი მიკიბვ-მოკიბვრის გარეშე შემოგვთავაზებს. ტრამპს ეს ახასიათებს. როცა მზად იქნება გვეტყვიან. ჩვენც მზად ვიქნებით ამ ურთიერთობაში," - განაცხადა შარმანაშვილმა.პრეზიდენტ დონალდ ტრამპის განცხადებით, აშშ-ის ვიცე-პრეზიდენტი ჯეი დი ვენსი აზერბაიჯანსა და სომხეთს თებერვალში ეწვევა, რათა სამშვიდობო ძალისხმევისა და „ტრამპის მარშრუტის საერთაშორისო მშვიდობისა და კეთილდღეობისთვის“ (TRIPP) განვითარებას შეუწყოს ხელი.

1769416858

ბათუმში 2025 წლის დეკემბერში ახალაშენებული ბინების ტრანზაქციების რაოდენობა 44.2%-ით გაიზარდა, ძველი ბინების შემთხვევაში კი 15.8%-იანი ზრდა დაფიქსირდა. ახალაშენებული ბინების პირველად ბაზარზე ტრანზაქციების რაოდენობა მნიშვნელოვნად 75.2%-ით გაიზარდა. მეორეულ ბაზარზე კი 18.2%-იანი ზრდა დაფიქსირდა. აღსანიშნავია, რომ პირველად ბაზარზე 170 ტრანზაქცია სახელმწიფომ დაირეგისტრირა. მეორეულ ბაზარზე კი ქართველი მყიდველების რაოდენობა არ მომატებულა და ზრდა მთლიანად უცხოელი მყიდველებით იყო განპირობებული.ამასთან, ბათუმში 2025 წლის დეკემბერში ახალაშენებული ბინების საშუალო შეწონილი ფასი 15.4%-ით გაიზარდა და კვ.მ-ზე 1,231 აშშ დოლარი შეადგინა. ფასის ზრდაზე გავლენა ძირითადად მოახდინა პირველადმა ბაზარმა, სადაც მაჩვენებელი 24.2%-ით გაიზარდა, ხოლო მეორეულ ბაზარზე 10.7%-იანი ზრდა დაფიქსირდა. შენიშვნა: პირველად ბაზარზე ტრანზაქციების ნაწილი გვიან რეგისტრირდება, რის გამოც ფასების ზრდის ტრენდი არ ასახავს რეალობას.

1769415268

ქალაქის მასშტაბით პირველადი ტრანზაქციების საშუალო შეწონილი ფასის ზრდამ 13.1% შეადგინა. მეორეულ ბაზარზე კი საშუალო შეწონილი ფასი ქალაქის მასშტაბით 8.2%-ით გაიზარდა.2025 წლის დეკემბერში თბილისში საცხოვრებელი ბინების ტრანზაქციების რაოდენობამ 4,495 ერთეული შეადგინა და წინა წლის დეკემბერთან შედარებით 12.7%-იანი ზრდა დაფიქსირდა. ბაზრის ზომა 21.8%-ით, $350 მლნ-მდე გაიზარდა. ამასთან, 2025 წლის დეკემბერში თბილისში ძველი ბინების საშუალო შეწონილი გასაყიდი ფასი 2024 წლის დეკემბერთან შედარებით 12.3%-ით გაიზარდა გარეუბნებში, ფართო ცენტრში 7.7%-ით, ხოლო ქალაქის ცენტრში - მცირე 0.1%-იანი კლება დაფიქსირდა.2025 წლის დეკემბერში თბილისში ახალ პროექტებში ტრანზაქციების რაოდენობა გასული წლის დეკემბერთან შედარებით 15.4%-ით გაიზარდა. ახალაშენებული ბინების პირველად ბაზარზე ტრანზაქციების რაოდენობა 10.4%-ით გაიზარდა, მეორეულ ბაზარზე კი 24.3%-იანი ზრდა დაფიქსირდა. ტრანზაქციების რაოდენობა 2.9%-ით გაიზარდა ძველ პროექტებში.

1769414655

გამოცემამ საქართველოს ბანკი 2026 წლის საუკეთესოდ ბანკად დაასახელა საქართველოში მდგრადი დაფინანსების მიმართულებით.როგორც Global Finance-ის რედაქცია აღნიშნავს, ჯილდოს მიზანი ისეთი გლობალური, რეგიონული და ადგილობრივი ფინანსური ლიდერების გამოვლენა და აღიარებაა, რომლებსაც მნიშვნელოვანი წვლილი შეაქვთ მდგრადი მომავლის შექმნის პროცესში.ინფორმაციისთვის, მდგრადი დაფინანსება მიმართულია განახლებადი ენერგიის, ენერგოეფექტური მშენებლობების, ჯანდაცვის, განათლების და სხვა, დადებითი გარემოსდაცვითი და სოციალური გავლენის სექტორებისკენ/საქმიანობებისკენ.„მდგრადი დაფინანსების მნიშვნელობა მსოფლიოს წამყვან ბაზრებზე სულ უფრო და უფრო იზრდება, რასაც ხელს უწყობს მდგრადი დაფინანსების მოცულობის ზრდა. შესაბამისად, Global Finance-ის მდგრადი დაფინანსების ჯილდო იმ ფინანსური ინსტიტუტების აღიარებასა და გამოვლენას ემსახურება, რომლებიც ქმნიან სხვადასხვა კრეატიულ, ინოვაციურ გადაწყვეტებს და სექტორში მწვანე დაფინანსების მიმართულებით ლიდერის პოზიციებს იკავებენ“, - აღნიშნავს ჯოზეფ ჯიარაპუტომ, Global Finance-ის დამფუძნებელი და სარედაქციო დირექტორი."Global Finance-ის მიერ საქართველოს ბანკისთვის მონიჭებული ჯილდო - “2026 წლის საუკეთესო ბანკი საქართველოში მდგრადი დაფინანსების მიმართულებით” - ჩვენი გრძელვადიანი სტრატეგიისა და სისტემური მუშაობის მნიშვნელოვანი აღიარებაა. ჩვენთვის მდგრადობა არ არის ცალკეული ინიციატივა - ის ინტეგრირებულია ჩვენს ბიზნეს მოდელში, რისკების მართვაში და პროდუქტების განვითარებაში. ვმუშაობთ მწვანე და კლიმატზე ორიენტირებული დაფინანსების გაფართოებაზე, ESG შეფასებების გაძლიერებაზე და ისეთი ფინანსური გადაწყვეტილებების შექმნაზე, რომლებიც ერთდროულად ქმნის ეკონომიკურ ღირებულებას და პოზიტიურ გარემოსდაცვით და სოციალურ გავლენას. ჩვენი წარმატება და Global Finance-ის მიერ მონიჭებული აღიარება საქართველოს ბანკის 9000-ზე მეტი თანამშრომლის ძალისხმევის შედეგია. ეს ჯილდო გვაძლევს დამატებით მოტივაციას, გავაგრძელოთ ლიდერობა საქართველოს ფინანსურ სექტორში მდგრადი განვითარების მიმართულებით”, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.ინფორმაციისთვის, მდგრადი დაფინანსების ჯილდოს ფარგლებში გამარჯვებულების შერჩევა დამოუკიდებელი მკვლევრებისა და სარედაქციო ჯგუფის მიერ ორგანიზაციების მხრიდან წარმოდგენილ მონაცემებზე დაყრდნობით განხორციელდა. შეფასების კრიტერიუმები მოიცავდა როგორც მმართველობით პოლიტიკასა და მიზნებს, ასევე მიღწევებს გარემოსდაცვითი და სოციალური მდგრადი დაფინანსების მიმართულებით.Global Finance-ის აღნიშნული ჯილდო მოიპოვეს ისეთმა ფინანსურმა ინსტიტუტებმა, როგორებიც არის: Ameriabank (სომხეთი), Deutsche Bank (გერმანია), Societe Generale (საფრანგეთი), HSBC (დიდი ბრიტანეთი) და სხვა. (R)

1769409778

პროექტის მერვე ეპიზოდში უკვე გამოვლინდნენ პროექტის ფინალისტები, რომლებიც ერთმანეთს საბოლოო დავალების შესრულებაში შეეჯიბრებიან. ეპიზოდის სანახავად გადადით ბმულზე.Creator-ის ფინალისტები გახდნენ: Veriko Bazali WildDoc მთელი პროექტის განმავლობაში დამწყებ იუთუბერებს აფასებენ, გამოცდილებას უზიარებენ და ახალ დავალებებს აძლევენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ამასთან, მუდმივ ჟიურისთან ერთად ყოველ ეპიზოდს ჰყავს მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს უზიარებს და ეხმარება დავალების შესრულებაში.“საქართველოში კრეატორობის კულტურა ჯერ კიდევ ბავშვობის ასაკშია. ბევრი ტალანტია, მაგრამ ეკოსისტემა სუსტია - ბრენდები ჯერ კიდევ ტრადიციულ მედია მოდელებზე ორიენტირდებიან, შესაბამისად  არ არის სტაბილური მონეტიზაციის პლატფორმები. Creator-ის მეშვეობით პირველად გაჩნდა სივრცე, სადაც დამწყებებს აქვთ შესაძლებლობა, საკუთარ იდეას მისცენ ფორმა, მოისმინონ პროფესიონალების რეალური კრიტიკა და მიიღონ წვდომა განვითარებისთვის საჭირო რესურსებზე”, - აღნიშნავს ნიკა კაკოიშვილი (კაკო).“ხარისხი არ არის აპარატურა/ტექნიკა. ხარისხი ხარ შენ - კრეატორობის კულტურა საქართველოში გეომეტრიული პროგრესიით იზრდება. ყოველ წელს გაცილებით მეტი  წარმატებული კრეატორია ვიდრე გასულ წელს. ახალბედა კრეატორისთვის ყველაზე დიდი პრობლემა, ალბათ, გამოცდილების არქონაა. ასეთი პროექტები კი შესაძლებლობაა მონაწილეებისთვის - გახდნენ წარმატებულები. ამ პროექტის ერთ-ერთ მთავარ ღირებულებად სწორედ გამოცდილების გაზიარებას ვხედავ, საწყისი ნაბიჯების საჯაროობას უკუკავშირთან ერთად... ეს ყველაფერი ძალიან მნიშვნელოვანია. თუმცა, როგორ უნდა გახდე იუთუბერი ეგ თავისთავად საინტერესო მოგზაურობაა”, - აღნიშნავს დათო ალავიძე (ჰიტა).“იმ ადამიანებისთვის, რომლებსაც სურდათ YouTube სივრცეში შემოსვლა, მაგრამ შიში ჰქონდათ და ვერ იწყებდნენ, ვერ დგამდნენ ამ ნაბიჯს, რადგან არ იცოდნენ, რა ხდება ყოველი ვიდეოს უკან - ეს პროექტი მნიშვნელოვანი გამოცდილება აღმოჩნდა, რადგან მისი  მეშვეობით ჰქონდათ შესაძლებლობა, გასცნობოდნენ შიდა სამზარეულოს, ენახათ როგორ უნდა განვითარდნენ და რომ ეს არც თუ ისე რთულია. 8 ადამიანი, რომელიც პროექტის პირველ ეტაპებზე შეირჩა, გახდა ნათელი მაგალითი და ინსპირაცია ამ ხალხისთვის და შეხსენება, რომ ტელეფონით გადაღებული ვიდეოებითაც რომ დაიწყო, გაქვს შესაძლებლობა, მიაღწიო ძალიან დიდ მწვერვალს”, - აღნიშნავს მახარა (საეჭვო კაცი).“საქართველოს ბანკის YouTube გადაცემა Creator, უკვე მერვე ეპიზოდია მაყურებელს საინტერესო გამოწვევებსა და დავალებებს სთავაზობს. მიზანი უცვლელია - ერთი მხრივ, ხელი შევუწყოთ დამწყები კრეატორების განვითარებასა და გაძლიერებას, მეორე მხრივ კი გამოცდილ კრეატორებს მივცეთ შესაძლებლობა, შექმნან კიდევ უფრო მეტად საინტერესო კონტენტი. შედეგად, Creator იქცა სივრცედ, სადაც, გამოცდილი იუთუბერები დამწყებ კრეატორებს უზიარებენ საკუთარ ცოდნასა და გამოცდილებას, აუდიტორიის ზრდისთვის საჭირო რჩევებს, დამკვეთებთან ურთიერთობის სპეციფიკას და სხვა. სულ მალე, გადაცემის ფინალისტები გამოვლინდებიან. თუმცა, ჩვენ არ ვჩერდებით და ვაგრძელებთ კიდევ უფრო მეტი საინტერესო პროექტის განხორციელებას და ქართული YouTube ეკოსისტემის განვითარების ხელშეწყობას”, - აღნიშნავს მარიამ ცანავა, საქართველოს ბანკის ბრენდის მიმართულების ხელმძღვანელი.თვალი ადევნეთ საქართველოს ბანკის YouTube არხს: https://www.youtube.com/@argacherde(R)

1769181780

კლიჩკომ იმ მოქალაქეებს, რომლებსაც ამის შესაძლებლობა აქვთ ურჩია, დროებით ქალაქგარეთ, ისეთ ადგილებში გადავიდნენ, სადაც გათბობისა და ელექტროენერგიის ალტერნატიული წყაროები არსებობს.კლიჩკოს განმარტებით, რუსეთის მხრიდან კრიტიკულ ინფრასტრუქტურაზე თავდასხმები გრძელდება, რის გამოც დედაქალაქის სამსახურები საგანგებო, 24-საათიან რეჟიმში მუშაობენ.დედაქალაქის ხელმძღვანელობამ თითოეულ რაიონში განსაზღვრა სპეციალური „გამძლეობის პუნქტები“, სადაც საჭიროების შემთხვევაში მოსახლეობას ღამის გათევა, კვება და ჰიგიენური საშუალებებით სარგებლობა შეეძლება. ეს პუნქტები აღჭურვილია მობილური საქვაბეებითა და გამათბობლებით.პარალელურად, მერი მოუწოდებს დამსაქმებლებს, გადავიდნენ მუშაობის მოქნილ გრაფიკზე ან დისტანციურ რეჟიმზე, რათა შემცირდეს ზეწოლა ქალაქის ინფრასტრუქტურაზე. კიევის მერის განცხადებით, ამჟამად მუშაობას აგრძელებენ საავადმყოფოები და სოციალური დაწესებულებები, მიუხედავად იმისა, რომ ენერგომომარაგების პრობლემა მწვავედ დგას.ბოლო მონაცემებით, კიევში მდგომარეობა მას შემდეგ დამძიმდა, რაც 20 იანვარს განხორციელებული თავდასხმის შედეგად 5 000-ზე მეტი მრავალსართულიანი კორპუსი გათბობის გარეშე დარჩა, ქალაქის მარცხენა სანაპიროს კი გარკვეული პერიოდით წყალმომარაგებაც შეუწყდა.23 იანვრის დილის მდგომარეობით, გათბობა ჯერ კიდევ არ მიეწოდება 1 940 საცხოვრებელ სახლს. გამოცემა The Times-თან საუბრისას კლიჩკომ აღნიშნა, რომ მხოლოდ იანვრის განმავლობაში დედაქალაქი 600 000-მა ადამიანმა დატოვა, რაც შექმნილი ჰუმანიტარული და ენერგეტიკული კრიზისის მასშტაბებზე მიუთითებს.

1769176670

აშშ-ს პრეზიდენტმა დონალდ ტრამპმა ორგანიზაციის დატოვების შესახებ განკარგულება 2025 წელს, ინაუგურაციის პირველსავე დღეს გამოსცა. აშშ-ის სახელმწიფო დეპარტამენტის განმარტებით, ამიერიდან ამერიკა ჯანდაცვის მსოფლიო ორგანიზაციასთან მხოლოდ შეზღუდული ფორმატით ითანამშრომლებს, რაც აუცილებელია გასვლის პროცესის ტექნიკური დასრულებისთვის.ამერიკის ჯანდაცვის მაღალჩინოსნების თქმით, ქვეყანა აღარ გეგმავს ორგანიზაციაში დაბრუნებას და ამიერიდან სხვა სახელმწიფოებთან პირდაპირ, ორმხრივ რეჟიმში იმუშავებს.Reuters წერს, რომ აშშ-ის კანონმდებლობით, გასვლამდე ქვეყანას სრულად უნდა დაეფარა დაახლოებით $260 მლნ-ის დავალიანება, თუმცა სახელმწიფო დეპარტამენტი ამ პირობას სადავოდ ხდის და აცხადებს, რომ ამერიკელმა ხალხმა უკვე საკმარისზე მეტი გადაიხადა.პრეზიდენტმა ტრამპმა გამოიყენა თავისი უფლებამოსილება და შეაჩერა ნებისმიერი ფინანსური რესურსის გადარიცხვა WHO-სთვის, რადგან მიიჩნევს, რომ ორგანიზაციის ქმედებებმა აშშ-ს ტრილიონობით დოლარის ზარალი მიაყენა. თვითმხილველების თქმით, ჟენევაში, ორგანიზაციის შტაბ-ბინის წინ, ამერიკის დროშა უკვე ჩამოხსნეს.ამერიკის გასვლამ ჯანმრთელობის მსოფლიო ორგანიზაცია უმძიმესი ფინანსური კრიზისის წინაშე დააყენა, რადგან ვაშინგტონი მისი ბიუჯეტის 18%-ს აფინანსებდა. კრიზისის გამო ორგანიზაციამ მენეჯმენტის გუნდი გაანახევრა და წლის შუა რიცხვებამდე თანამშრომელთა მეოთხედის დათხოვნას გეგმავს.გლობალური ჯანდაცვის ექსპერტები, მათ შორის ბილ გეიტსი, შიშობენ, რომ ეს ნაბიჯი დაასუსტებს საერთაშორისო სისტემას, რომელიც ეპიდემიების პრევენციაზეა პასუხისმგებელი, თუმცა ისინი უახლოეს პერიოდში ამერიკის გადაწყვეტილების შეცვლას არ ელოდებიან.

1769174755

ფრანგულმა მწარმოებელმა „ლაქტალის ნუტრიშენ სანტე“ (LNS), Picot-ის ბავშვთა კვების რძის პროდუქტების რამდენიმე პარტიაში ტოქსინ Cereulide-ის გამოვლენის შესაძლო რისკის გამო, სხვადასხვა ქვეყნიდან, მათ შორის საქართველოდან, კონკრეტული პარტიების ამოღების შესახებ გადაწყვეტილება მიიღო იმის მიუხედავად, რომ არცერთ ქვეყანაში ამ პროდუქტის მიღების შედეგად რაიმე სახის გართულების ფაქტი არ დაფიქსირებულა.მიღებული ინფორმაციის საფუძველზე, სურსათის ეროვნულმა სააგენტოს თბილისის დეპარტამენტის ინსპექტორებმა იმპორტიორი კომპანია „უნო გრუპი“ შეამოწმეს.ბიზნესოპერატორი სურსათის გამოთხოვის და მიღებული ზომების შესახებ სააგენტოსთვის სავალდებულო წერილობითი შეტყობინების თავის არიდებისთვის დაჯარიმდა.ამ დროისთვის იდენტიფიცირებულია კონკრეტული პარტიები, რომლებიც ექვემდებარება ბაზრიდან გამოთხოვას: Picot 1 400G – 8000003312; Picot 1 800G -8000003297; Picot 2 800G -8000003280. ბაზრიდან გამოთხოვის პროცესს, სააგენტოს ზედამხედველობით, ბიზნესოპერატორი ინტენსიურ რეჟიმში ახორციელებს.სურსათის ეროვნული სააგენტო მოუწოდებს მომხმარებელს, იმ შემთხვევაში, თუ უკვე შეძენილი აქვს პროდუქცია დასახელებული პარტიებიდან, არ გამოიყენოს.ბაზრიდან გამოთხოვა ხდება მხოლოდ მოცემული პარტიების პროდუქციის. ბაზრიდან გამოთხოვის მოთხოვნა არ ვრცელდება სხვა პარტიებსა და ბავშვთა კვების სხვა პროდუქტებზე, რომლებიც ბაზარზე Picot-ის სახელწოდებით არის წარმოდგენილი.

1769167375