ბრიტანეთი TikTok-ის წინააღმდეგ გამოძიებას იწყებს

ახალი ვაგონები უკვე მოძრაობს აზერბაიჯანი-საქართველოს მიმართულებით და კარბამიდის ტრანსპორტირებას ახორციელებს. ვაგონები ექსპლუატაციაში აპრილიდან შევიდა და თვეში საშუალოდ სამ-ოთხ ბრუნს ასრულებს. ამ პერიოდში ბათუმის პორტის მიმართულებით დაახლოებით 40 000 ტონა ტვირთი უკვე გადაზიდულია.ვაგონების დამატება მნიშვნელოვნად ზრდის ქვეყანაში სარკინიგზო გადაზიდვების შესაძლებლობებს - პროექტი ხელს უწყობს რეგიონში არსებული სპეციალიზებული სატვირთო ვაგონების დეფიციტის შემცირებასა და ზრდის ტვირთების გამტარუნარიანობას. ასევე აძლიერებს, საქართველოს, როგორც შუა დერეფნის მნიშვნელოვანი სატრანზიტო ქვეყნის, როლს.„უკვე 10 წელზე მეტია “ზეტ ტრანს გრუპთან” ვპარტნიორობთ და არაერთი მნიშვნელოვანი პროექტი განვახორციელეთ წარმოებისა და სერვისების მიმართულებით. ეს ინვესტიცია კიდევ ერთი მაგალითია, თუ როგორ შეუძლია ბიზნესისა და ბანკის პარტნიორობას შექმნას ღირებულება როგორც კომპანიისთვის, ისე ქვეყნის ეკონომიკისთვის. ახალი ვაგონები აძლიერებს შუა დერეფნის გამტარუნარიანობას და ხელს უწყობს ლოგისტიკური სექტორის განვითარებას. ლოგისტიკა კი ქვეყნის ეკონომიკის მნიშვნელოვანი მიმართულებაა. მისი წილი მშპ-ში 6%-ია. სექტორის ზომიდან და სტრატეგიული დანიშნულებიდან გამომდინარე, ტრანსპორტი და დასაწყობება თიბისისთვისაც პრიორიტეტული მიმართულებაა. ამიტომ აქტიურად ვაფინანსებთ ინფრასტრუქტურულ პროექტებს, ბიზნესის გაფართოებასა და თანამედროვე ტექნოლოგიების დანერგვას. ამის შედეგია, რომ ბოლო სამ წელში თიბისის ლოგისტიკის სექტორის საკრედიტო პორტფელი 74%-ით გაიზარდა და 436 მილიონ ლარს შეადგენს“, - დავით კონცელიძე, თიბისის კორპორატიული საბანკო ბიზნესის მართვის მიმართულების ვიცე-პრეზიდენტი.“კომპანიის მიერ განხორციელებულმა ინვესტიციამ დადებითი შედეგი უკვე გამოიღო ტვირთბრუნვის ზრდისა და ლოგისტიკური პროცესების ეფექტიანობის მიმართულებით. ჩვენთვის მთავარი პრინციპებია დროის ოპტიმიზაცია, ტვირთის გადაზიდვა უსაფრთხოდ და ხარისხის სრული დაცვით. ახალმა, თანამედროვე სავაგონე პარკმა ამ მიმართულებით  ჩვენი შესაძლებლობები კიდევ უფრო მაღალ დონეზე აიყვანა, რაც შუა კორიდორის კონკურენტუნარიანობისთვის ფუნდამენტურად მნიშვნელოვანია. განსაკუთრებით მნიშვნელოვანია, რომ ანაკლიის ღრმაწყლოვანი პორტის პროექტი უკვე აქტიურ ფაზაში გადავიდა, ჩვენ კი ამ მასშტაბურ პროექტს სრულ მზადყოფნაში ვხვდებით - განახლებული, თანამედროვე სავაგონე პარკით, რომლის გაფართოებაც, საჭიროების შემთხვევაში, კვლავაც შეგვიძლია. ეს გვაძლევს ჯანსაღ ამბიციას, რომ ჩვენი მრავალწლიანი გამოცდილებით, საერთაშორისო პარტნიორული ქსელითა და რეალური მატერიალურ-ტექნიკური რესურსით შევძლებთ მნიშვნელოვანი წვლილის შეტანას ანაკლიის პორტის განვითარებაში. დარწმუნებული ვართ, რომ ჩვენი ჩართულობა ხელს შეუწყობს შუა კორიდორისა და მთლიანად საქართველოს სატრანზიტო პოტენციალის კიდევ უფრო გაძლიერებას”, - ალექსი ნიკოლაიშვილი, Ztrans Group-ის დამფუძნებელი.(R)

1784189826

სააგენტოს თავმჯდომარის ბრძანების შესაბამისად, კონკურენტული გარემოს შეფასების მიზნით, სამედიცინო მომსახურების ბაზრის მონიტორინგი მიმდინარეობს, რომლის ფარგლებშიც, საქმისთვის მნიშვნელოვანი გარემოებების დასადგენად, სააგენტომ კომპანიისგან ინფორმაცია გამოითხოვა. ეკონომიკურმა აგენტმა სააგენტოს მოთხოვნილი ინფორმაცია კანონმდებლობით დადგენილ ვადაში არ წარუდგინა და უწყებასთან არ ითანამშრომლა. მოგვიანებით, კომპანიამ სააგენტოს განმეორებითი მოთხოვნაც უგულებელყო.კანონმდებლობის თანახმად, სააგენტო უფლებამოსილია, მიმდინარე ადმინისტრაციული წარმოების ფარგლებში ეკონომიკური აგენტისგან გამოითხოვოს საჭირო, მათ შორის კონფიდენციალური ინფორმაცია და განსაზღვროს მისი მიწოდების გონივრული ვადა. სააგენტოს მიერ მოთხოვნილი ინფორმაციის ან დოკუმენტაციის განსაზღვრულ ვადაში მიუწოდებლობის, აგრეთვე სააგენტოსთვის არასწორი ან არასრული ინფორმაციის მიწოდების შემთხვევაში, იურიდიული პირი 3 000, ხოლო ფიზიკური პირი 1 000 ლარით ჯარიმდება. ჯარიმის დაკისრება პირს მოთხოვნილი ინფორმაციის სააგენტოში წარდგენის ვალდებულებისგან არ ათავისუფლებს.ამასთან, სააგენტოს მიერ ხელახლა განსაზღვრულ ვადაში ინფორმაციის მიუწოდებლობის შემთხვევაში, იურიდიულ პირს დამატებით 5 000 ლარის, ხოლო ფიზიკურ პირს - 3 000 ლარის ოდენობის ჯარიმა ეკისრება.

1784187865

აქამდე მომხმარებლებს სხვადასხვა ბანკის საგადახდო მომსახურებების ტარიფების, ვალუტის გაცვლითი კურსების, დეპოზიტების საპროცენტო განაკვეთების შესადარებლად თითოეული ბანკის ვებგვერდზე ინფორმაციის ცალ-ცალკე მოძიება უწევდათ, რაც დამატებით დროსა და რესურსს მოითხოვდა.ახალი ფუნქციონალის საშუალებით მომხმარებელს შესაძლებლობა ექნება: შეადაროს სხვადასხვა კომერციული ბანკის საგადახდო ანგარიშებთან დაკავშირებული მომსახურების ტარიფები; სხვადასხვა ფილტრის გამოყენებით შეარჩიოს მომსახურებები მისთვის საინტერესო კრიტერიუმებით და მარტივად შეადაროს სხვადასხვა ბანკის შეთავაზებები; მიიღოს განახლებული ინფორმაცია კომერციული ბანკების მიმდინარე გაცვლითი კურსების შესახებ; გამოიყენოს მარტივი, რთული, საბარათე და ვალუტის გაცვლის კალკულატორები სხვადასხვა მომსახურებით სარგებლობასთან დაკავშირებული ხარჯების წინასწარ შესაფასებლად; ასევე, შეადაროს კომერციულ ბანკებში მოქმედი დეპოზიტების ეფექტური საპროცენტო განაკვეთები და აირჩიოს ფულის დაზოგვის მისთვის საუკეთესო ალტერნატივა. საქართველოს ეროვნული ბანკის პრეზიდენტის ნათია თურნავას განცხადებით, ახალი ფუნქციონალი საბანკო მომსახურებების შესახებ ინფორმაციის ხელმისაწვდომობის გაზრდისა და მომხმარებლის ინფორმირებული არჩევანის ხელშეწყობის მიმართულებით გადადგმული კიდევ ერთი მნიშვნელოვანი ნაბიჯია.„ახალი ფუნქციონალი მომხმარებლებს შესაძლებლობას აძლევს ერთ სივრცეში შეადარონ სხვადასხვა ბანკის პირობები და ინფორმირებული არჩევანი გააკეთონ. ეს ინიციატივა ხელს შეუწყობს როგორც მომხმარებლისთვის ინფორმაციის ხელმისაწვდომობის გაზრდას, ისე საბანკო სექტორში გამჭვირვალობისა და ჯანსაღი კონკურენციის გაძლიერებას“, - აღნიშნა ეროვნული ბანკის პრეზიდენტმა ახალი პლატფორმის წარდგენის ღონისძიებაზე, რომელსაც კომერციული ბანკების, მიკრობანკების, მიკროსაფინანსო ორგანიზაციებისა და საგადახდო მომსახურების პროვაიდერების ხელმძღვანელები, პროექტში ჩართული მხარეები და მოწვეული სტუმრები ესწრებოდნენ.საგადახდო მომსახურებისა და დეპოზიტების საპროცენტო განაკვეთის ტარიფების შედარების პლატფორმა მომხმარებლებს საშუალებას აძლევს, შეადარონ როგორც ცალკეული საგადახდო მომსახურების ტარიფები, ისე სატარიფო ნაკრებები. ამასთან, შესაძლებელია არა მხოლოდ კონკრეტული მომსახურების საკომისიოს, არამედ მასთან დაკავშირებული დამატებითი მომსახურებების ღირებულების ნახვაც. ცალკეა წარმოდგენილი პერიოდულად გადასახდელი საკომისიოების ჯამური ოდენობა, რაც მომსახურების სრული ღირებულების შემადგენელი კომპონენტების ნახვას და შეფასებას ამარტივებს.გარდა ამისა, ინფორმაციის მოძიება შესაძლებელია სხვადასხვა პარამეტრის მიხედვით. მომხმარებელს შეუძლია შეარჩიოს მისთვის საინტერესო მომსახურება, მომსახურების მიღების არხი - ფილიალი, ინტერნეტბანკი ან მობაილბანკი - შესაბამისი ვალუტა და მიღებული შედეგები მარტივად შეადაროს. ფუნქციონალი მორგებულია როგორც ფიზიკური, ისე იურიდიული პირების საჭიროებებზე.ვებგვერდზე ხელმისაწვდომი კალკულატორები მოქალაქეებს მომსახურებით სარგებლობასთან დაკავშირებული ხარჯების წინასწარ შეფასებაში დაეხმარება. მარტივი კალკულატორი კონკრეტული ოპერაციის საკომისიოს ითვლის, ხოლო რთული კალკულატორი მომხმარებლის მიერ შერჩეული პარამეტრების საფუძველზე სხვადასხვა საბანკო მომსახურებით სარგებლობის შემთხვევაში წლის განმავლობაში მოსალოდნელ ჯამურ ხარჯს ანგარიშობს. ამასთან, გათვალისწინებულია როგორც ცალკეული მომსახურების ტარიფები, ისე სატარიფო ნაკრებებით სარგებლობის შემთხვევაში მოქმედი პირობებიც.ცალკე ფუნქციონალი ეთმობა საბარათე ოპერაციების კალკულატორს, რომელიც მომხმარებელს საზღვარგარეთ ბარათით გადახდასთან დაკავშირებული მოსალოდნელი ხარჯის წინასწარ შეფასების შესაძლებლობას აძლევს. კალკულატორი ითვალისწინებს როგორც უცხოეთში განხორციელებულ ვალუტის კონვერტაციას და შესაბამისს გაცვლის კურსს და საკომისიოებს, ასევე მისი მომსახურე ბანკის მიერ განხორციელებულ ვალუტის კონვერტაციას, რაც მომხმარებელს ყველაზე ხელსაყრელი საბანკო ბარათის შერჩევაში ეხმარება.მოქალაქეებს ასევე შეუძლიათ შეადარონ კომერციული ბანკების მიმდინარე გაცვლითი კურსები. გაცვლითი კურსების გვერდზე შესაძლებელია სასურველი თანხის მითითება, რის შემდეგაც სისტემა სხვადასხვა ბანკის პირობების შედარების შესაძლებლობას იძლევა. სავალუტო კალკულატორი კი წინასწარ აჩვენებს კონვერტაციის შედეგს და მომხმარებელს ყველაზე ხელსაყრელი გაცვლითი კურსის მოძიებაში ეხმარება.ვებგვერდზე ხელმისაწვდომია ინფორმაცია კომერციული ბანკების დეპოზიტების ეფექტური საპროცენტო განაკვეთების შესახებ, რომელიც მოიცავს როგორც დეპოზიტებზე დასარიცხ სარგებელს, ისე მასთან დაკავშირებულ ყველა აუცილებელ ხარჯს. სხვადასხვა ფილტრის გამოყენებით მომხმარებელს შეუძლია შეადაროს მისთვის საინტერესო პირობები და შეარჩიოს საუკეთესო ალტერნატივა.ამასთან, აღსანიშნია, რომ ვებგვერდზე წარმოდგენილი ინფორმაცია და პირობები ასახავს კომერციული ბანკების მიერ საქართველოს ეროვნულ ბანკისთვის მიწოდებულ მონაცემებს, რომელიც შესაძლოა ნებისმიერ დროს განახლდეს. ამდენად, ოპერაციის განხორციელებამდე, მოქმედი ვალუტის გაცვლითი კურსი და შესაბამისი მომსახურების პირობები მომხმარებელმა მისთვის სასურველ კომერციულ ბანკთან უნდა გადაამოწმოს.

1784186611

წყალმომარაგების სექტორის უმსხვილესი ინვესტორის, Aqualia-ს რეგიონული დირექტორი, ბოლო დროს საქართველოში გამართულ დარგობრივ დისკუსიებს პოზიტიურად აფასებს და მიიჩნევს, რომ ქვეყანას უზარმაზარი ეკონომიკური პოტენციალი აქვს. მისი თქმით, Aqualia-ს საქართველოში სტაბილური ბიზნესგარემო დახვდა, რაც კომპანიის საქმიანობის წარმატებასა და როგორც ჯორჯიან უოთერ ენდ ფაუერის, ისე მთლიანად GGU ჯგუფის საერთაშორისო აღიარებებშიც აისახა. ამ მხრივ, მან განსაკუთრებით გამოყო „ჯივიპის" გაწევრიანება კომუნალური კომპანიების პრესტიჟულ გლობალურ კავშირში - Leading Utilities of the World (LUOW).ბოფილის განმარტებით, ეს აღიარება კომპანიამ საერთო პროდუქტიულობის, წყალმომარაგების ქსელების ეფექტური ოპერირებისა და მდგრადი ფინანსური რესურსების შექმნის კატეგორიებში მოიპოვა, რაც საოპერაციო გაუმჯობესების უმაღლეს სტანდარტზე მიუთითებს.ხოსე ენრიკე ბოფილმა ინტერვიუში ისაუბრა 2026 წლის ივნისში, ავტორიტეტული სააგენტოების, Fitch-ისა და S&P Global-ის მიერ GGU ჯგუფის საკრედიტო რეიტინგების ამაღლებაზე. მისი შეფასებით, ეს აღიარება პირდაპირ კავშირშია ქვეყნის ეკონომიკურ მდგომარეობასთან. ამასთანავე, მან განსაკუთრებული ყურადღება დაუთმო საქართველოში არსებულ სატარიფო რეგულირების სისტემას და ხაზგასმით აღნიშნა, რომ ქართულ მეთოდოლოგიას ხშირად აზიარებს საერთაშორისო კონფერენციებზე, როგორც კერძო სექტორისა და მომხმარებლის ინტერესების დაბალანსების საუკეთესო მაგალითს.„საქართველოს ენერგეტიკისა და წყალმომარაგების მარეგულირებელი ეროვნული კომისია შესანიშნავად მუშაობს. ჩვენ მათთან მჭიდროდ ვთანამშრომლობთ, რათა შევიმუშაოთ ისეთი სატარიფო სტრუქტურა, რომელიც უზრუნველყოფს როგორც წყალმომარაგების სისტემის განვითარებისთვის საჭირო და აუცილებელ საინვესტიციო ნაკადებს, ისე ხელმისაწვდომ ფასს მოსახლეობისთვის".ბოფილის თქმით, Aqualia მუდმივად მზად არის მჭიდროდ ითანამშრომლოს ხელისუფლებასთან, მარეგულირებელსა და მუნიციპალიტეტებთან, რათა საკუთარი გლობალური გამოცდილება ქვეყნის სხვადასხვა რეგიონში წყალმომარაგების სექტორის განსავითარებლად მიმართოს.(R)

1784128440

თბილისი (GBC) - 20 ივლისიდან 1-ელ აგვისტომდე, ქართული ნაციონალური ბალეტი „სუხიშვილები“ მაყურებელს „თაკარას“ ღია სცენაზე ახალ პროგრამას - „რეკონსტრუქცია“ წარუდგენს. განახლებული სივრცე, ახალი დადგმები და სპეციალურად ამ სეზონისთვის შექმნილი მუსიკა, ქორეოგრაფია და კოსტიუმები უკვე მესამე წელია „თაკარას“ ზაფხულის ერთ-ერთ გამორჩეულ კულტურულ მოვლენად აქცევს.ქართული ცეკვა მხოლოდ ქორეოგრაფია არასდროს ყოფილა - ის ქვეყნის ისტორიას, კულტურასა და იდენტობას ინახავს. 80 წელია, „სუხიშვილები“ ამ მემკვიდრეობას მსოფლიოს სხვადასხვა სცენაზე აცოცხლებენ და ტრადიციას მუდმივად ახალ ფორმებს სძენენ.სწორედ ამ უწყვეტი განვითარების იდეის გაგრძელებაა საქართველოს ბანკისა და SOLO-ს მხარდაჭერით შექმნილი „თაკარა“ - სივრცე, სადაც კლასიკური ქართული ქორეოგრაფია თანამედროვე შემოქმედებით ძიებას ხვდება.„თაკარა“ განსაკუთრებული ფორმატით გამოირჩევა - ახალ შემოქმედებით იდეებთან და ექსპერიმენტულ დადგმებთან ერთად ღია სივრცეში მაყურებელი წარმოდგენას მაქსიმალურად ახლოდან ადევნებს თვალს, რაც მოცეკვავეების ტექნიკის, სინქრონისა და ენერგიის სრულიად განსხვავებულ გამოცდილებას ქმნის და სცენასა და აუდიტორიას შორის არსებულ საზღვრებს ამცირებს.წლევანდელი პროგრამა „რეკონსტრუქცია“ სწორედ ამ იდეის გაგრძელებაა. სპეციალურად „თაკარასთვის“ შექმნილი ახალი დადგმები ტრადიციულ ქართულ ქორეოგრაფიას თანამედროვე მუსიკასთან, სცენურ გადაწყვეტებსა და ვიზუალურ ხელწერასთან აერთიანებს, რაც კიდევ ერთხელ წარმოაჩენს „სუხიშვილების“ მუდმივ სწრაფვას განვითარების, ექსპერიმენტისა და სიახლისკენ.შეგახსენებთ, რომ საქართველოს ბანკი მრავალი წელია „სუხიშვილების“ გენერალური სპონსორია და ანსამბლთან ერთად ხელს უწყობს ქართული კულტურის პოპულარიზაციასა და იმ მემკვიდრეობის გაგრძელებას, რომელიც ათწლეულებია ქვეყნის ერთ-ერთ მნიშვნელოვან კულტურულ სიმბოლოდ რჩება.20 ივლისიდან 1-ელ აგვისტომდე „თაკარაზე“ გამართული წარმოდგენების ბილეთების შეძენას SOLO მომხმარებლები Biletebi.ge-სა და TKT.ge-ზე SOLO ბარათით გადახდისას 20%-იანი ფასდაკლებით შეძლებენ."სუხიშვილები" - საქართველოს შემოქმედება, რომელიც არ ჩერდება.საქართველოს ბანკი - „სუხიშვილების“ მთავარი სპონსორი.(R)

1784122080

უცხო ქვეყნის მოქალაქის როგორც ფიზიკური, ისე მისი მართვის ქვეშ არსებული ავტომობილის დეტალური დათვალიერების შედეგად, მებაჟეებმა დიდი ოდენობით ოქროსა და ვერცხლის ნაკეთობები აღმოაჩინეს.უწყების ინფორმაციით, სავალდებულო დეკლარირებას დაქვემდებარებული 420 გრამი ოქროსა და 27 გრამი ვერცხლის ნაკეთობები სამართალდამრღვევ მოქალაქეს მცირე ზომის ხელჩანთასა და მანქანის სალონში სპეციალურად მოწყობილ სივრცეებში ჰქონდა მალული.არადეკლარირებული საქონლის საერთო საბაჟო ღირებულებამ ჯამში 135 545 ლარი შეადგინა.კანონდამრღვევი მოქალაქის მიმართ საქმის მასალები, შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.

1784119789

სების მიერ ოთხშაბათს გამოქვეყნებული სტატისტიკით ირკვევა, რომ ივნისში გზავნილების მაქსიმალური წილი ევროკავშირის ქვეყნებზე მოდის და 42.2%-ს შეადგენს ($147 მლნ), წლიური ზრდის ტემპი კი 4.8%-ს უტოლდება. ევროკავშირის ქვეყნებიდან აღსანიშნავია იტალიის, გერმანიისა და საბერძნეთის მაღალი წილი მთლიან ფულად გზავნილებში.ამასთან, აშშ-დან და ისრაელიდან ფულადი გზავნილების ზრდის ტენდენცია გრძელდება. კერძოდ, ივნისში აშშ-დან 12.7%-იანი, ხოლო ისრაელიდან 22.4%-იანი წლიური ზრდა დაფიქსირდა, მოცულობამ კი, შესაბამისად,  $66.2 და #29.4 მლნ შეადგინა.2026 წლის ივნისში საქართველოდან საზღვარგარეთ $39.8 მლნ (105.7 მლნ ლარი)გადაიგზავნა. რაც 2025 წლის ივნისის ($34.3 მლნ) ანალოგიურ მაჩვენებელთან შედარებით 16%–ით მეტია.

1784115418

თიბისი კაპიტალის მკვლევრების თქმით, პრაქტიკული თვალსაზრისით, მიმდინარე ანგარიშის პროფიციტი ნიშნავს, რომ საქართველო დანარჩენი მსოფლიოს მიმართ წმინდა კრედიტორი იყო, ანუ უცხოურ ვალუტაში რეზიდენტების შემოსავლები ხარჯებს აღემატებოდა. მიმდინარე ანგარიში სწორედ ამ ბალანსს ასახავს - ქვეყანა მეტ შემოსავალს იღებს თუ მეტს ხარჯავს დანარჩენ მსოფლიოსთან საგარეო ვაჭრობისა და ფულადი ნაკადების (მათ შორის, ფულადი გზავნილები, შრომის ანაზღაურება, დივიდენდები, რეინვესტიცია, საპროცენტო ხარჯები)  ჭრილში. სარკისებური პრინციპით, ფინანსური ანგარიში მიუთითებს, თუ როგორ დაიხარჯა პროფიციტი საზღვარგარეთ ან როგორ დაფინანსდა დეფიციტი საზღვარგარეთიდან (მაგალითად, პირდაპირი ან პორტფელური ინვესტიციების გზით).2025 წლამდე მიმდინარე ანგარიშის სეზონურად შესწორებული პროფიციტი მხოლოდ ერთხელ, 2022 წლის მესამე კვარტალში ფიქსირდებოდა, რუსეთ-უკრაინის ომის დაწყებიდან მალევე. 2025 წლის მეორე კვარტალიდან კი ეს ბალანსი, ზედიზედ ოთხი კვარტალია, დადებითია და ამ პერიოდში მშპ-ის 1%-ს შეადგენს, რაც ისტორიული მონაცემების ჭრილში ყველაზე მაღალი მაჩვენებელია. აღნიშნული გასული ერთ წლის განმავლობაში ლარის გაცვლითი კურსისა და სავალუტო რეზერვების ზრდის ერთ-ერთ ძირითად მხარდამჭერ ფაქტორს წარმოადგენს.რა განსაზღვრავს საგარეო ბალანსს? ბოლო ოთხ კვარტალში, სავალუტო შემოდინებების მხრივ, ყველაზე მსხვილი კომპონენტები საქონლის ექსპორტი (მშპ-ის 26.4%), ტურიზმიდან შემოსავლები (12.3%), წმინდა ფულადი გზავნილები (10.9%) და ინფორმაციისა და კომუნიკაციის ტექნოლოგიების (ICT) მომსახურების ექსპორტი (3.8%) იყო. გასავლების კუთხით, ყველაზე მსხვილი ნაკადი კვლავ საქონლის იმპორტია (44.1%), ხოლო დივიდენდებსა და საპროცენტო ხარჯებზე ერთობლივად მშპ-ის 4.5% მოდიოდა. საერთო ჯამში, როგორც ზემოთ აღინიშნა, მიმდინარე ანგარიში რეინვესტირებული შემოსავლების გამოკლებით პროფიციტშია, მისი ჩათვლით (მშპ-ის 2.9%) კი დეფიციტი მშპ-ის 1.9%-ს შეადგენს.რაც შეეხება უშუალოდ 2026 წლის პირველ კვარტალს, სეზონური ფაქტორების გამორიცხვამდე, მიმდინარე ანგარიშის ბალანსში 298 მილიონი აშშ დოლარის დეფიციტი ფიქსირდებოდა. ამასთან, დეფიციტი გასული წლის პირველ კვარტალთან შედარებით 271 მილიონი აშშ დოლარით, ანუ 48%-ით არის შემცირებული. საგარეო ბალანსის გაუმჯობესებას, ისევე როგორც 2025 წელს, მეტწილად ICT სექტორის მომსახურების ექსპორტი განაპირობებდა, რომელიც წლიურად 167 მილიონი აშშ დოლარით გაიზარდა. დამატებით 190 მილიონი აშშ დოლარის ზრდა მოდიოდა ფულადი გზავნილების მატებაზე, გადახდილი დივიდენდების შემცირებაზე, საქონლით ვაჭრობის ბალანსის გაუმჯობესებასა და უცხოეთში დასაქმებიდან მიღებული შემოსავლების ზრდაზე. საპირისპიროდ, 84 მილიონი აშშ დოლარით გაუარესდა ტრანსპორტირების მომსახურების წმინდა ექსპორტი, სატვირთო გადაზიდვების მომსახურების როგორც ექსპორტის კლების, ასევე იმპორტის ზრდის ფონზე.ფინანსური ანგარიშის მხრივ, პირდაპირმა უცხოურმა ინვესტიციებმა, რეინვესტირებული შემოსავლების გამორიცხვით, პირველ კვარტალში 110 მილიონი აშშ დოლარი შეადგინა და, წინა წლების დინამიკის მსგავსად, შედარებით დაბალ ნიშნულზე რჩება.პორტფელური ინვესტიციებიდან წმინდა შემოდინებებმა 452 მილიონ აშშ დოლარს მიაღწია, საიდანაც 265 მილიონი აშშ დოლარი რეზიდენტების მიერ უცხოური აქტივების რეალიზაციაზე მოდიოდა - ძირითადად, სავალო ფასიანი ქაღალდების გაყიდვის შედეგად - ხოლო 187 მილიონი აშშ დოლარი - საზღვარგარეთიდან მოზიდულ ახალ სახსრებზე. ამ ფონზე, საქართველოს რეზიდენტების მფლობელობაში არსებული უცხოური პორტფელური აქტივების მოცულობა, რომელიც ბოლო წლებში მნიშვნელოვნად გაიზარდა, მარტის მდგომარეობით, 2025 წლის ბოლოსთან შედარებით, 4.5%-ით შემცირდა 4.6 მილიარდ აშშ დოლარამდე, რაც მშპ-ის 11.7%-ია.ამავდროულად, ქვეყანამ 137 მილიონი აშშ დოლარით მეტი საგარეო ვალი დაფარა, ვიდრე აიღო, რაც გასული წლის დინამიკასთან თანხვედრაშია. მათ შორის, მთავრობის ვალის წმინდა კლებაზე 73 მილიონი აშშ დოლარი მოდიოდა.ჯამურად, ვინაიდან ერთობლივი შემოდინებები გასავლებს აღემატებოდა, მთლიანი სავალუტო რეზერვები პირველ კვარტალში 148 მილიონი აშშ დოლარით გაიზარდა. უახლესი მონაცემებით, ზრდა მეორე კვარტალში კიდევ უფრო დაჩქარდა, რაც სავალუტო ბაზარზე ბოლო თვეებში არსებულ სიჭარბეს უკავშირდება. ივნისის მდგომარეობით, მთლიანმა რეზერვებმა 7.1 მილიარდ აშშ დოლარს მიაღწია, რაც წინა კვარტალთან შედარებით 800 მილიონი აშშ დოლარით მეტია. ამავე პერიოდში წმინდა სავალუტო რეზერვებმა, საერთაშორისო სავალუტო ფონდის ნასესხობის სპეციალური უფლების გარეშე (469 მილიონი აშშ დოლარი), ჩვენი შეფასებით, 4.6 მილიარდი აშშ დოლარი შეადგინა.გაზრდილი წმინდა სავალუტო შემოდინებების გათვალისწინებით, მოსალოდნელია, რომ მიმდინარე ანგარიშის ბალანსი მეორე კვარტალში დამატებით გაუმჯობესდა. წლის მეორე ნახევარში საბაზო სცენარი კვლავ სავალუტო შემოდინებების შედარებით ნორმალიზებას მოიაზრებს, თუმცა ახლო აღმოსავლეთში ხელახალი ესკალაციის ფონზე გაურკვევლობის დონე კვლავ გაზრდილია. თიბისი კაპიტალის პროგნოზით, 2026 წელს მიმდინარე ანგარიშის დეფიციტი მშპ-ის 1.5% იქნება, რეინვესტირებული შემოსავლების გამორიცხვით კი პროფიციტი, დაახლოებით, 1%-ს მიაღწევს.

1784114679