ლომთაძის Kaspi.kz-მა თურქეთში კიდევ ერთი მსხვილი გარიგება დაასრულა

პრეზიდენტის პრეს–სამსახურის ცნობით, მიხეილ ყაველაშვილმა აღნიშნა, რომ სერდარ ბერდიმუჰამედოვის პირველი სახელმწიფო ვიზიტი საქართველოში ორ ქვეყანას შორის ურთიერთობების განვითარებაში მნიშვნელოვან ეტაპს წარმოადგენს და მაღალი დონის პოლიტიკური დიალოგის გაძლიერების ნათელი დასტურია.პირისპირ შეხვედრაზე მხარეებმა  საქართველოსა და თურქმენეთს შორის თანამშრომლობის გაფართოების პერსპექტივები განიხილეს. განსაკუთრებული ყურადღება დაეთმო სავაჭრო-ეკონომიკური ურთიერთობების გაღრმავებას, ინვესტიციების წახალისებას, ენერგეტიკის, ტრანსპორტისა და ლოგისტიკის სფეროებში თანამშრომლობას, ასევე, შუა დერეფნის სტრატეგიული პოტენციალის უფრო ეფექტიან გამოყენებას.შეხვედრაზე აღინიშნა, რომ საქართველო, როგორც ევროპისა და აზიის დამაკავშირებელი საკვანძო რგოლი, დაინტერესებულია სატრანზიტო მიმართულებით კავშირების გაღრმავებით, მათ შორის, შავი ზღვის პორტებისა და ანაკლიის ღრმაწყლოვანი პორტის სამომავლო შესაძლებლობების გამოყენებით.პრეზიდენტებმა ასევე ისაუბრეს კულტურის, განათლებისა და მეცნიერების სფეროებში თანამშრომლობის გაძლიერებაზე. ყურადღება გამახვილდა ხალხთაშორისი კავშირების მნიშვნელობაზე, ახალგაზრდული და აკადემიური გაცვლითი პროგრამების განვითარებასა და ერთობლივი კულტურული ინიციატივების მხარდაჭერაზე.მიხეილ ყაველაშვილმა მადლობა გადაუხადა თურქმენეთის პრეზიდენტს საქართველოს სუვერენიტეტისა და ტერიტორიული მთლიანობის მხარდაჭერისთვის.

1784200181

შეხვედრაზე მიმოიხილეს ორ ქვეყანას შორის სავაჭრო-ეკონომიკურ სფეროში თანამშრომლობის საკითხები და რეგიონული მნიშვნელობის პროექტები.ყურადღება გამახვილდა სატრანზიტო-ლოგისტიკური მიმართულებით პარტნიორობის გაღრმავების მნიშვნელობაზე. საუბარი შეეხო შუა დერეფნის განვითარების პერსპექტივებსა და დაკავშირებადობის შესაძლებლობების კიდევ უფრო გააქტიურების აუცილებლობას.ფინანსთა მინისტრმა სტუმარს გააცნო საქართველოში მიმდინარე მაკროეკონომიკური პარამეტრები და საშუალოვადიანი პროგნოზები.თავის მხრივ, თურქმენეთის მინისტრთა კაბინეტის თავმჯდომარის მოადგილემ ისაუბრა თურქმენეთის ძირითადი ეკონომიკური მაჩვენებლების შესახებ.შეხვედრის დასასრულს, მხარეებმა იმედი გამოთქვეს, რომ თურქმენეთის პრეზიდენტის ვიზიტი საქართველოში ხელს შეუწყობს ორ ქვეყანას შორის ვაჭრობისა და ინვესტიციების წახალისებას.

1784200171

FAO-ს ცნობით, შეხვედრის მონაწილეებს პროექტის იურიდიულმა კონსულტანტმა და მედიატორმა  ასოციაციისა და საწევრო შენატანების შესაძლო მოდელები, სხვა ქვეყნებისა და ადგილობრივი სხვა ასოციაციების მაგალითები გააცნო. შეხვედრის ბოლოს მონაწილეები ხორცის სექტორის მდგრადი განვითარებისთვის საუკეთესო მოდელზე შეჯერდნენ.საქართველოს ხორცის მწარმოებელთა ასოციაცია მიზნად ისახავს ამ სექტორის წარმომადგენლების საუკეთესო ინტერესებისა და საერთაშორისო სტანდარტების გათვალისწინებით გამარტივებულ კომუნიკაციას ფერმერებთან, მომხმარებლებთან, სახელმწიფო სტრუქტურებთან, საერთაშორისო თუ ადგილობრივ პარტნიორებთან; რაც საბოლოო ჯამში ხელს შეუწყობს ქვეყანაში სურსათის უვნებლობას, პროდუქტის მიკვლევადობასა და ხორცის სექტორის მდგრად განვითარებას. ასოციაცია აქტიურად თანამშრომლობს სახელმწიფო და საერთაშორისო ორგანიზაციებთან, რაც ხელს უწყობს დარგობრივი პოლიტიკისა და კანონმდებლობის სრულყოფას. ასოციაციის პრიორიტეტია დარგის წარმომადგენლებისთვის ფინანსურ ინსტრუმენტებზე, საინვესტიციო პროექტებსა და სხვადასხვა მხარდამჭერ პროგრამებზე ხელმისაწვდომობის გაზრდა.„ხორცის მიმწოდებლები სხვადასხვა ქვესექტორს წარმოადგენენ და ხშირად ერთმანეთის კონკურენტებიც არიან, თუმცა ყველა მათგანის საერთო მიზანი საცალო ქსელის უვნებელი და მომხმარებელთა მოთხოვნების შესაბამისი პროდუქციით მომარაგებაა. სექტორი საკმაოდ ფრაგმენტირებულია, რის გამოც ჩვენი მიზანი მათი ერთიანი ინტერესების ირგვლივ კონსოლიდაციაა. ეს მათ საერთო ენის გამონახვაში, სამოქმედო გეგმის შემუშავებასა და არსებულ გამოწვევებზე კონცენტრირებაში დაეხმარებათ.ამასთანავე, ასოციაციის არსებობა სახელმწიფოსაც დაეხმარება ხორცის სექტორში არსებული პრობლემების იდენტიფიცირებასა და ოპერატიულ რეაგირებაში. ასოციაციის შექმნისას ევროკავშირის წამყვანი გამოცდილებით ვისარგებლეთ, რაც, გვჯერა, მნიშვნელოვნად შეუწყობს ხელს ორგანიზაციის სამომავლო საქმიანობასა და განვითარებას."- განაცხადა მიხეილ სოხაძემ, FAO-ს პროექტის მენეჯერმა.NAITS-ის პროექტს FAO ახორციელებს სურსათის ეროვნულ სააგენტოსთან თანამშრომლობით, შვეიცარიის განვითარებისა და თანამშრომლობის სააგენტოსთან (SDC) და ავსტრიის განვითარების სააგენტოს ფინანსური მხარდაჭერით ავსტრიის საერთაშორისო პარტნიორობის ფარგლებში.

1784199143

მოლდავური გამოცემა point.md-ის ცნობით, პროექტმა ამ ფაზას Transelectrica-სა და „საქართველოს სახელმწიფო ელექტროსისტემას“ (სსე/GSE) შორის ურთიერთგაგების მემორანდუმის ხელმოწერის შემდეგ მიაღწია.მაღალი ძაბვის წყალქვეშა კაბელი, რომელიც შავი ზღვის ფსკერზე გაივლის, ორ ქვეყანას შორის ელექტროენერგიის გადაცემას უზრუნველყოფს, რაც, ფაქტობრივად, ევროკავშირში ელექტროენერგიის მიწოდების ახალ მარშრუტს გახსნის.„რეგიონის ერთ-ერთი უმნიშვნელოვანესი ენერგეტიკული პროექტი რეალურ ფორმებს იღებს. ურთიერთგაგების მემორანდუმის ხელმოწერის შემდეგ, პარტნიორობა გადადის ტექნიკური მომზადების ეტაპზე, რაც აუცილებელია რუმინეთსა და საქართველოს შორის ენერგეტიკული კავშირის ინფრასტრუქტურის შესაქმნელად“, - ნათქვამია Transelectrica-ს განცხადებაში.რას ნიშნავს პროექტი რუმინეთისთვის და რა პარამეტრები აქვს მას?რუმინეთისთვის ამ პროექტის რეალიზება ნიშნავს უფრო მჭიდრო ინტეგრაციას ევროპულ ენერგოსისტემაში, წვდომას ელექტროენერგიის ახალ წყაროებზე, ენერგეტიკული უსაფრთხოების გაზრდას, მეტი განახლებადი ენერგიის ინტეგრირების შესაძლებლობასა და ქვეყნის როლის გაძლიერებას ევროპის ენერგეტიკულ ინფრასტრუქტურაში.პროექტი ითვალისწინებს მაღალი ძაბვის გადამცემი ხაზისა და ციფრული კავშირის მშენებლობას საქართველოს ქალაქ ანაკლიასა და რუმინეთის ქალაქ კონსტანცას შორის. საერთო სიგრძე: 1 155 კილომეტრი (აქედან 1 115 კმ გაივლის შავი ზღვის ფსკერზე, ხოლო 40 კმ - ხმელეთზე). გამტარუნარიანობა: ხაზის დაგეგმილი სიმძლავრე 1 300 მგვტ-ს შეადგენს. Transelectrica-ში აღნიშნავენ, რომ პროექტი უმნიშვნელოვანესი ნაბიჯია თანამედროვე ენერგეტიკული ინფრასტრუქტურის განვითარებისა და საერთაშორისო თანამშრომლობის გაძლიერების გზაზე.

1784192002

ახალი ვაგონები უკვე მოძრაობს აზერბაიჯანი-საქართველოს მიმართულებით და კარბამიდის ტრანსპორტირებას ახორციელებს. ვაგონები ექსპლუატაციაში აპრილიდან შევიდა და თვეში საშუალოდ სამ-ოთხ ბრუნს ასრულებს. ამ პერიოდში ბათუმის პორტის მიმართულებით დაახლოებით 40 000 ტონა ტვირთი უკვე გადაზიდულია.ვაგონების დამატება მნიშვნელოვნად ზრდის ქვეყანაში სარკინიგზო გადაზიდვების შესაძლებლობებს - პროექტი ხელს უწყობს რეგიონში არსებული სპეციალიზებული სატვირთო ვაგონების დეფიციტის შემცირებასა და ზრდის ტვირთების გამტარუნარიანობას. ასევე აძლიერებს, საქართველოს, როგორც შუა დერეფნის მნიშვნელოვანი სატრანზიტო ქვეყნის, როლს.„უკვე 10 წელზე მეტია “ზეტ ტრანს გრუპთან” ვპარტნიორობთ და არაერთი მნიშვნელოვანი პროექტი განვახორციელეთ წარმოებისა და სერვისების მიმართულებით. ეს ინვესტიცია კიდევ ერთი მაგალითია, თუ როგორ შეუძლია ბიზნესისა და ბანკის პარტნიორობას შექმნას ღირებულება როგორც კომპანიისთვის, ისე ქვეყნის ეკონომიკისთვის. ახალი ვაგონები აძლიერებს შუა დერეფნის გამტარუნარიანობას და ხელს უწყობს ლოგისტიკური სექტორის განვითარებას. ლოგისტიკა კი ქვეყნის ეკონომიკის მნიშვნელოვანი მიმართულებაა. მისი წილი მშპ-ში 6%-ია. სექტორის ზომიდან და სტრატეგიული დანიშნულებიდან გამომდინარე, ტრანსპორტი და დასაწყობება თიბისისთვისაც პრიორიტეტული მიმართულებაა. ამიტომ აქტიურად ვაფინანსებთ ინფრასტრუქტურულ პროექტებს, ბიზნესის გაფართოებასა და თანამედროვე ტექნოლოგიების დანერგვას. ამის შედეგია, რომ ბოლო სამ წელში თიბისის ლოგისტიკის სექტორის საკრედიტო პორტფელი 74%-ით გაიზარდა და 436 მილიონ ლარს შეადგენს“, - დავით კონცელიძე, თიბისის კორპორატიული საბანკო ბიზნესის მართვის მიმართულების ვიცე-პრეზიდენტი.“კომპანიის მიერ განხორციელებულმა ინვესტიციამ დადებითი შედეგი უკვე გამოიღო ტვირთბრუნვის ზრდისა და ლოგისტიკური პროცესების ეფექტიანობის მიმართულებით. ჩვენთვის მთავარი პრინციპებია დროის ოპტიმიზაცია, ტვირთის გადაზიდვა უსაფრთხოდ და ხარისხის სრული დაცვით. ახალმა, თანამედროვე სავაგონე პარკმა ამ მიმართულებით  ჩვენი შესაძლებლობები კიდევ უფრო მაღალ დონეზე აიყვანა, რაც შუა კორიდორის კონკურენტუნარიანობისთვის ფუნდამენტურად მნიშვნელოვანია. განსაკუთრებით მნიშვნელოვანია, რომ ანაკლიის ღრმაწყლოვანი პორტის პროექტი უკვე აქტიურ ფაზაში გადავიდა, ჩვენ კი ამ მასშტაბურ პროექტს სრულ მზადყოფნაში ვხვდებით - განახლებული, თანამედროვე სავაგონე პარკით, რომლის გაფართოებაც, საჭიროების შემთხვევაში, კვლავაც შეგვიძლია. ეს გვაძლევს ჯანსაღ ამბიციას, რომ ჩვენი მრავალწლიანი გამოცდილებით, საერთაშორისო პარტნიორული ქსელითა და რეალური მატერიალურ-ტექნიკური რესურსით შევძლებთ მნიშვნელოვანი წვლილის შეტანას ანაკლიის პორტის განვითარებაში. დარწმუნებული ვართ, რომ ჩვენი ჩართულობა ხელს შეუწყობს შუა კორიდორისა და მთლიანად საქართველოს სატრანზიტო პოტენციალის კიდევ უფრო გაძლიერებას”, - ალექსი ნიკოლაიშვილი, Ztrans Group-ის დამფუძნებელი.(R)

1784189826

სააგენტოს თავმჯდომარის ბრძანების შესაბამისად, კონკურენტული გარემოს შეფასების მიზნით, სამედიცინო მომსახურების ბაზრის მონიტორინგი მიმდინარეობს, რომლის ფარგლებშიც, საქმისთვის მნიშვნელოვანი გარემოებების დასადგენად, სააგენტომ კომპანიისგან ინფორმაცია გამოითხოვა. ეკონომიკურმა აგენტმა სააგენტოს მოთხოვნილი ინფორმაცია კანონმდებლობით დადგენილ ვადაში არ წარუდგინა და უწყებასთან არ ითანამშრომლა. მოგვიანებით, კომპანიამ სააგენტოს განმეორებითი მოთხოვნაც უგულებელყო.კანონმდებლობის თანახმად, სააგენტო უფლებამოსილია, მიმდინარე ადმინისტრაციული წარმოების ფარგლებში ეკონომიკური აგენტისგან გამოითხოვოს საჭირო, მათ შორის კონფიდენციალური ინფორმაცია და განსაზღვროს მისი მიწოდების გონივრული ვადა. სააგენტოს მიერ მოთხოვნილი ინფორმაციის ან დოკუმენტაციის განსაზღვრულ ვადაში მიუწოდებლობის, აგრეთვე სააგენტოსთვის არასწორი ან არასრული ინფორმაციის მიწოდების შემთხვევაში, იურიდიული პირი 3 000, ხოლო ფიზიკური პირი 1 000 ლარით ჯარიმდება. ჯარიმის დაკისრება პირს მოთხოვნილი ინფორმაციის სააგენტოში წარდგენის ვალდებულებისგან არ ათავისუფლებს.ამასთან, სააგენტოს მიერ ხელახლა განსაზღვრულ ვადაში ინფორმაციის მიუწოდებლობის შემთხვევაში, იურიდიულ პირს დამატებით 5 000 ლარის, ხოლო ფიზიკურ პირს - 3 000 ლარის ოდენობის ჯარიმა ეკისრება.

1784187865

აქამდე მომხმარებლებს სხვადასხვა ბანკის საგადახდო მომსახურებების ტარიფების, ვალუტის გაცვლითი კურსების, დეპოზიტების საპროცენტო განაკვეთების შესადარებლად თითოეული ბანკის ვებგვერდზე ინფორმაციის ცალ-ცალკე მოძიება უწევდათ, რაც დამატებით დროსა და რესურსს მოითხოვდა.ახალი ფუნქციონალის საშუალებით მომხმარებელს შესაძლებლობა ექნება: შეადაროს სხვადასხვა კომერციული ბანკის საგადახდო ანგარიშებთან დაკავშირებული მომსახურების ტარიფები; სხვადასხვა ფილტრის გამოყენებით შეარჩიოს მომსახურებები მისთვის საინტერესო კრიტერიუმებით და მარტივად შეადაროს სხვადასხვა ბანკის შეთავაზებები; მიიღოს განახლებული ინფორმაცია კომერციული ბანკების მიმდინარე გაცვლითი კურსების შესახებ; გამოიყენოს მარტივი, რთული, საბარათე და ვალუტის გაცვლის კალკულატორები სხვადასხვა მომსახურებით სარგებლობასთან დაკავშირებული ხარჯების წინასწარ შესაფასებლად; ასევე, შეადაროს კომერციულ ბანკებში მოქმედი დეპოზიტების ეფექტური საპროცენტო განაკვეთები და აირჩიოს ფულის დაზოგვის მისთვის საუკეთესო ალტერნატივა. საქართველოს ეროვნული ბანკის პრეზიდენტის ნათია თურნავას განცხადებით, ახალი ფუნქციონალი საბანკო მომსახურებების შესახებ ინფორმაციის ხელმისაწვდომობის გაზრდისა და მომხმარებლის ინფორმირებული არჩევანის ხელშეწყობის მიმართულებით გადადგმული კიდევ ერთი მნიშვნელოვანი ნაბიჯია.„ახალი ფუნქციონალი მომხმარებლებს შესაძლებლობას აძლევს ერთ სივრცეში შეადარონ სხვადასხვა ბანკის პირობები და ინფორმირებული არჩევანი გააკეთონ. ეს ინიციატივა ხელს შეუწყობს როგორც მომხმარებლისთვის ინფორმაციის ხელმისაწვდომობის გაზრდას, ისე საბანკო სექტორში გამჭვირვალობისა და ჯანსაღი კონკურენციის გაძლიერებას“, - აღნიშნა ეროვნული ბანკის პრეზიდენტმა ახალი პლატფორმის წარდგენის ღონისძიებაზე, რომელსაც კომერციული ბანკების, მიკრობანკების, მიკროსაფინანსო ორგანიზაციებისა და საგადახდო მომსახურების პროვაიდერების ხელმძღვანელები, პროექტში ჩართული მხარეები და მოწვეული სტუმრები ესწრებოდნენ.საგადახდო მომსახურებისა და დეპოზიტების საპროცენტო განაკვეთის ტარიფების შედარების პლატფორმა მომხმარებლებს საშუალებას აძლევს, შეადარონ როგორც ცალკეული საგადახდო მომსახურების ტარიფები, ისე სატარიფო ნაკრებები. ამასთან, შესაძლებელია არა მხოლოდ კონკრეტული მომსახურების საკომისიოს, არამედ მასთან დაკავშირებული დამატებითი მომსახურებების ღირებულების ნახვაც. ცალკეა წარმოდგენილი პერიოდულად გადასახდელი საკომისიოების ჯამური ოდენობა, რაც მომსახურების სრული ღირებულების შემადგენელი კომპონენტების ნახვას და შეფასებას ამარტივებს.გარდა ამისა, ინფორმაციის მოძიება შესაძლებელია სხვადასხვა პარამეტრის მიხედვით. მომხმარებელს შეუძლია შეარჩიოს მისთვის საინტერესო მომსახურება, მომსახურების მიღების არხი - ფილიალი, ინტერნეტბანკი ან მობაილბანკი - შესაბამისი ვალუტა და მიღებული შედეგები მარტივად შეადაროს. ფუნქციონალი მორგებულია როგორც ფიზიკური, ისე იურიდიული პირების საჭიროებებზე.ვებგვერდზე ხელმისაწვდომი კალკულატორები მოქალაქეებს მომსახურებით სარგებლობასთან დაკავშირებული ხარჯების წინასწარ შეფასებაში დაეხმარება. მარტივი კალკულატორი კონკრეტული ოპერაციის საკომისიოს ითვლის, ხოლო რთული კალკულატორი მომხმარებლის მიერ შერჩეული პარამეტრების საფუძველზე სხვადასხვა საბანკო მომსახურებით სარგებლობის შემთხვევაში წლის განმავლობაში მოსალოდნელ ჯამურ ხარჯს ანგარიშობს. ამასთან, გათვალისწინებულია როგორც ცალკეული მომსახურების ტარიფები, ისე სატარიფო ნაკრებებით სარგებლობის შემთხვევაში მოქმედი პირობებიც.ცალკე ფუნქციონალი ეთმობა საბარათე ოპერაციების კალკულატორს, რომელიც მომხმარებელს საზღვარგარეთ ბარათით გადახდასთან დაკავშირებული მოსალოდნელი ხარჯის წინასწარ შეფასების შესაძლებლობას აძლევს. კალკულატორი ითვალისწინებს როგორც უცხოეთში განხორციელებულ ვალუტის კონვერტაციას და შესაბამისს გაცვლის კურსს და საკომისიოებს, ასევე მისი მომსახურე ბანკის მიერ განხორციელებულ ვალუტის კონვერტაციას, რაც მომხმარებელს ყველაზე ხელსაყრელი საბანკო ბარათის შერჩევაში ეხმარება.მოქალაქეებს ასევე შეუძლიათ შეადარონ კომერციული ბანკების მიმდინარე გაცვლითი კურსები. გაცვლითი კურსების გვერდზე შესაძლებელია სასურველი თანხის მითითება, რის შემდეგაც სისტემა სხვადასხვა ბანკის პირობების შედარების შესაძლებლობას იძლევა. სავალუტო კალკულატორი კი წინასწარ აჩვენებს კონვერტაციის შედეგს და მომხმარებელს ყველაზე ხელსაყრელი გაცვლითი კურსის მოძიებაში ეხმარება.ვებგვერდზე ხელმისაწვდომია ინფორმაცია კომერციული ბანკების დეპოზიტების ეფექტური საპროცენტო განაკვეთების შესახებ, რომელიც მოიცავს როგორც დეპოზიტებზე დასარიცხ სარგებელს, ისე მასთან დაკავშირებულ ყველა აუცილებელ ხარჯს. სხვადასხვა ფილტრის გამოყენებით მომხმარებელს შეუძლია შეადაროს მისთვის საინტერესო პირობები და შეარჩიოს საუკეთესო ალტერნატივა.ამასთან, აღსანიშნია, რომ ვებგვერდზე წარმოდგენილი ინფორმაცია და პირობები ასახავს კომერციული ბანკების მიერ საქართველოს ეროვნულ ბანკისთვის მიწოდებულ მონაცემებს, რომელიც შესაძლოა ნებისმიერ დროს განახლდეს. ამდენად, ოპერაციის განხორციელებამდე, მოქმედი ვალუტის გაცვლითი კურსი და შესაბამისი მომსახურების პირობები მომხმარებელმა მისთვის სასურველ კომერციულ ბანკთან უნდა გადაამოწმოს.

1784186611

მარეგულირებლის მოკვლევა ეყრდნობა მის ორ ანგარიშში გამოთქმულ შეშფოთებას, რომლებიც ბავშვების ონლაინ გამოცდილებასა და ასაკის დადგენის მექანიზმებს ეხება. კერძოდ, ეჭვქვეშ დგას TikTok-ის მიერ გამოყენებული ასაკის განსაზღვრის მოდელები (რომლებიც მომხმარებლის ასაკს მათი აქტივობის საფუძველზე სავარაუდოდ ადგენენ). Ofcom-ის მიხედვით, ეს მოდელები არ არის მაღალეფექტური და, შესაძლოა, არასრულწლოვანი მომხმარებლების იდენტიფიცირება სწორად ვერ მოახდინა.„ონლაინ უსაფრთხოების აქტის“ (OSA) თანახმად, პლატფორმებმა ასაკის დადგენის „მაღალეფექტური“ მეთოდები უნდა გამოიყენონ, რათა ბავშვები მავნე კონტენტის ზემოქმედებისგან დაიცვან. ოთხშაბათს გამოქვეყნებულ ანგარიშში Ofcom-მა აღნიშნა, რომ ასაკის დასადგენად მსგავსი სავარაუდო მოდელების გამოყენება შეშფოთებას იწვევს და ამ მეთოდს ეფექტურად არ მიიჩნევს.მოსალოდნელი სანქციებითუ TikTok-ის მიერ კანონის დარღვევა დადასტურდება, Ofcom-ს შეუძლია კომპანიას დააკისროს ჯარიმა 18 მილიონ გირვანქა სტერლინგამდე, ან მისი გლობალური შემოსავლის 10%-ის ოდენობით (იმის მიხედვით, თუ რომელი თანხა იქნება მეტი).მარეგულირებელმა განაცხადა, რომ გამოძიების შესახებ განახლებულ ინფორმაციას ოქტომბერში გამოაქვეყნებს.

1784180940