თურქეთში კორუფციის ბრალდებით მაღალჩინოსნებს მასობრივად აკავებენ – 3 ოპოზიციონერი მერი ციხეშია

საერთაშორისო ტრანზაქციის განაწილების პროცედურა მარტივია:  ნივთის ან მომსახურების შეძენის შემდეგ, მობაილბანკში, ტრანზაქციების ველში, პოულობთ განხორციელებულ ტრანზაქციას და ირჩევთ - „ტრანზაქციის განაწილება“. შედეგად, თანხა ეროვნულ ვალუტაში  ავტომატურად ბრუნდება ანგარიშზე და თქვენთვის სასურველ პერიოდზე, 4-დან 36 თვემდე, ნაწილდება. განაწილების საკომისიო თვეში 1%-ია, ეფექტური საპროცენტო განაკვეთი კი -  23.4%-დან.საერთაშორისო ტრანზაქციების განაწილების ფუნქციონალის გამოყენება შესაძლებელია სხვადასხვა ტიპის გადახდაზე - იქნება ეს ონლაინ შოპინგი, სასტუმროს ჯავშანი, ავიაბილეთის შეძენა თუ სხვა საერთაშორისო სავაჭრო და სამოგზაურო სერვისი. მათ შორის, ისეთ საერთაშორისო ონლაინ პლატფორმებზე, როგორებიცაა: Temu, Amazon, eBay, AliExpress, SHEIN, Wizz Air, Ryanair, Booking.com, Airbnb და სხვა. მთავარია, ტრანზაქცია დოლარში ან ევროში იყოს განხორციელებული.საერთაშორისო ტრანზაქციის განაწილების დეტალური პირობების და პროცედურის შესახებ ინფორმაციისთვის ეწვიეთ ბმულს.„განაწილება“ თიბისის გამორჩეული პროდუქტია, რომელიც მომხმარებლების სხვადასხვა სურვილისა და საჭიროების დაკმაყოფილების გასამარტივებლად შეიქმნა. საერთაშორისო ტრანზაქციების განაწილების ახალი შესაძლებლობა კი, იმ მომხმარებლებისთვისაა განკუთვნილი, რომლებიც საერთაშორისო ონლაინ პლატფორმებსა და ციფრულ სერვისებს ხშირად იყენებენ.გახადე შენი სურვილები უფრო ხელმისაწვდომი - ისარგებლე თიბისის განაწილებით.

1790844311

თბილისი (GBC) – BARTA არსებობის შვიდწლიანი ისტორიით, საქართველოში კორპორაციული სფეროს მნიშვნელოვანი ნაწილია. კონკურსის მიზანია ქართული კომპანიების ანგარიშგებისა და გამჭვირვალობის ხარისხის ამაღლება. კონკურსს წელსაც, საქართველოს ეროვნული ბანკი, საქართველოს დაზღვევის სახელმწიფო ზედამხედველობის სამსახური, ბუღალტრული აღრიცხვის, ანგარიშგებისა და აუდიტის ზედამხედველობის სამსახური და ბუღალტრული რეფორმის ბენეფიციართა ფონდი, მსოფლიო ბანკისა და საქართველოს ბიზნეს ასოციაციის მხარდაჭერით აცხადებს.კონკურსი დღეიდან იწყება და განაცხადების მიღება 2026 წლის 10 ნოემბერს დასრულდება.აღსანიშნავია, რომ წინა წლების მსგავსად BARTA-ს კონკურსი წელსაც ღიაა პირველი კატეგორიის კომპანიებისა და ჯგუფებისთვის, ასევე ყველა კომპანიისთვის, რომელიც საზოგადოებრივი დაინტერესების პირია. ბირჟის ლისტინგში შემავალი ყველა კომპანია ავტომატურად მიიღებს მონაწილეობას შეფასებაში შესაფერისობის კრიტერიუმების დაკმაყოფილების შემთხვევაში, რაც გულისხმობს აუდიტის უპირობო დასკვნას. ხოლო, საზოგადოებრივი დაინტერესების მქონე სხვა პირებს, სავაჭროდ დაშვებული კომპანიების ჩათვლით,  თვით წარდგენა დასჭირდებათ.2027 წლის თებერვალში დაჯილდოების ცერემონიაზე 8 საპრიზო ნომინაციაში გამარჯვებულები საზეიმოდ გამოვლინდებიან. BARTA კომპანიების ანგარიშებს ოთხ ძირითად კატეგორიაში შეაფასებს: მსხვილი ფინანსური კომპანიები, მსხვილი არაფინანსური კომპანიები, მცირე და საშუალო ფინანსური კომპანიები და მცირე და საშუალო არაფინანსური კომპანიები. წელს პირველად, მცირე და საშუალო კომპანიებისთვის ფინანსური და არაფინანსური კატეგორიები გაიყო, რის შედეგადაც თითოეულში ცალკე გამარჯვებული გამოვლინდება. დამატებით, კონკურსში მონაწილე საწარმოებს შორის გამოვლინდება საუკეთესო მდგრადობის ანგარიშგება.წელს პირველად BARTA აწესებს ახალ ნომინაციას - „სახელმწიფო საწარმოების გამჭვირვალობისა და ანგარიშგების ჯილდო“, რომელიც  გამოავლენს საუკეთესო მმართველობის კუთხით კომპანიას, რომელიც ანგარიშების მაღალ სტანდარტს აჩვენებს.ასევე, BARTA აწესებს სპეციალურ ნომინაციას - „ჟიურის რჩეული“, რომლის შერჩევა ჟიურის გადაწყვეტილების საფუძველზე მოხდება და წევრებს მისცემს მოქნილობას აღიაროს კომპანია, რომელმაც 2026 წელს გამოავლინა მნიშვნელოვანი მიღწევები, ინოვაცია, არსებითი პროგრესი ან გამჭვირვალობისადმი ერთგულება.BARTA ასევე გამოავლენს საუკეთესო დებიუტანტ კომპანიასაც. ეს ნომინაცია აღიარებს და დააჯილდოებს BARTA-ს კონკურსში პირველად მონაწილე კომპანიას, რომელიც მონაწილეობის პირველსავე წელს ანგარიშების მაღალ სტანდარტს აჩვენებს.შეგახსენებთ, BARTA 2019 წელს ევროკავშირის და მსოფლიო ბანკის ფინანსური ჩართულობისა და ანგარიშვალდებულების ერთობლივი პროექტის ფარგლებში დაარსდა.BARTA-2026 მხარდაჭერილია მსოფლიო ბანკის ბუღალტრული აღრიცხვის, აუდიტისა და მდგრადობის ანგარიშგების (EAASURE) რეგიონალური პროგრამის მიერ, რომელსაც ფინანსური და მდგრადობის ანგარიშგების რეფორმების ცენტრი (CFRR) ახორციელებს.

1790844021

გამოძიებით დადგინდა, რომ აღნიშნული პუნქტები საქმიანობას საქართველოს ეროვნული ბანკის შესაბამისი ნებართვის გარეშე, კანონმდებლობით განსაზღვრული მოთხოვნების დარღვევით ახორციელებდნენ.სასამართლოს განჩინების საფუძველზე, ჩხრეკა ჩატარდა 15 ლოკაციაზე, ამოღებულია განსაკუთრებით დიდი ოდენობით ქართული და უცხოური ვალუტა, კომპიუტერული ტექნიკა და შესაბამისი ინვენტარი.ამოღებული ვალუტის საერთო ღირებულება 356 000 ლარს აღემატება.გატარებული ღონისძიებების შედეგად, სისხლისსამართლებრივი დევნა დაიწყო 16 პირის მიმართ, მათგან 9 დაკავებულია. ინტენსიურად მიმდინარეობს საგამოძიებო მოქმედებები აღნიშნულ დანაშაულებრივ ქმედებებში მონაწილე სხვა პირების გამოვლენის მიზნით.გამოძიება მიმდინარეობს საქართველოს სისხლის სამართლის კოდექსის 192-ე მუხლის პირველი და მეორე ნაწილის „ბ“ ქვეპუნქტით, რაც სასჯელის სახით თავისუფლების აღკვეთას 3-დან 5 წლამდე ვადით ითვალისწინებს.

1790836872

ტენდერში მონაწილე კომპანიებს უკვე აქვთ შესაძლებლობა, ელექტრონული სატენდერო გარანტია ბანკის ფილიალში მისვლის გარეშე, ონლაინ, მობაილბანკიდან მიიღონ. გარანტიის მისაღებად კი, ფინანსური ანალიზი და უზრუნველყოფა საჭირო არ არის.პროცესი სწრაფია და სრულად ციფრული. კომპანია განაცხადს თიბისის მობაილბანკში ავსებს. ხელშეკრულების გაფორმება და ტენდერში მონაწილეობისთვის საჭირო გარანტიის კოდის მიღება, განაცხადის დაფიქსირებიდან 30 წუთშია შესაძლებელი.თიბისის მობაილბანკიდან ელექტრონული სატენდერო გარანტიის მაქსიმალური მოცულობა 15 000 ლარს შეადგენს. ახალი ფუნქციონალი ბიზნესს, დროსთან ერთად, ფულად რესურსსაც უზოგავს. ციფრულად გარანტიის მიღება კომპანიებს განახევრებული ტარიფით და 0%-იანი საპროცენტო განაკვეთით შეუძლიათ.განაცხადის შესავსებად, ეწვიეთ ბმულს: ‎https://tbc-business.onelink.me/Ierb/ElGuaranteeProcess-sms (R)

1790835814

შეთანხმების ხელმოწერის შესახებ აშშ-ის პრეზიდენტმა დონალდ ტრამპმა და წარმომადგენელთა პალატის სპიკერმა მაიკ ჯონსონმა თეთრ სახლში გამართული შეხვედრის შემდეგ განაცხადეს.ვინ მოაწერა შეთანხმებას ხელიThe Hill-ის ინფორმაციით, შეხვედრას ესწრებოდნენ ტექნოლოგიური კომპანიების ლიდერები, მათ შორის Nvidia-ს აღმასრულებელი დირექტორი ჯენსენ ჰუანგი, OpenAI-ის პრეზიდენტი გრეგ ბროკმანი, Anthropic-ის აღმასრულებელი დირექტორი დარიო ამოდეი, Google-ის CEO სუნდარ პიჩაი, Meta-ს CEO მარკ ცუკერბერგი და xAI-ის ხელმძღვანელი ილონ მასკი.მაიკ ჯონსონის განცხადებით, დოკუმენტი AI-ის დეველოპერებისთვის რიგ ნებაყოფლობით ვალდებულებებს ადგენს.ტრამპმა შეთანხმებას „თითქმის კონსტიტუცია“ და „მორალურად სავალდებულო“ დოკუმენტი უწოდა და აღნიშნა, რომ ის ინდუსტრიისთვის „თვითკონტროლის“ კომპონენტს ითვალისწინებს.ტრამპი AI-ზე ზედამხედველობის კომიტეტის შექმნას განიხილავსAssociated Press-ის ინფორმაციით, ტრამპმა განაცხადა, რომ შეთანხმება ინდუსტრიის ლიდერებთან თანამშრომლობას ითვალისწინებს, რათა AI-ის გამოყენება მომხმარებლებისთვის უსაფრთხო იყოს და ამავდროულად ინოვაციები არ შეიზღუდოს.აშშ-ის პრეზიდენტის თქმით, ადმინისტრაციამ შესაძლოა შექმნას 10-კაციანი კომიტეტი, რომელიც AI-ის ინდუსტრიაზე ზედამხედველობას განახორციელებს.აშშ-ში AI-ს „სუპერინტელექტი“ ეწოდაშეთანხმების ხელმოწერამდე ერთი დღით ადრე ტრამპმა ხელი მოაწერა აღმასრულებელ განკარგულებას, რომლის მიხედვითაც აშშ-ის აღმასრულებელ ხელისუფლებაში „Artificial Intelligence“ და „AI“ ტერმინები „Super Intelligence“ და „SI“-თი უნდა ჩანაცვლდეს.თეთრი სახლის განმარტებით, გადაწყვეტილების მიზანია ყურადღების გამახვილება ტექნოლოგიების სწრაფ განვითარებასა და იმ შესაძლებლობებზე, რომლებსაც ისინი აშშ-ის მოქალაქეებისთვის ქმნის. აღმასრულებელი განკარგულება ფედერალურ უწყებებს ავალდებულებს, ახალი ტერმინები გამოიყენონ ოფიციალურ მიმოწერაში, საჯარო კომუნიკაციებში, ანგარიშებსა და პოლიტიკურ დოკუმენტებში.ტრამპმა AI-ისთვის „სუპერინტელექტის“ სახელის გამოყენება პირველად გაეროს გენერალური ასამბლეის ფარგლებში გამოსვლისას შესთავაზა.Anthropic-ის გაფრთხილება AI-ის რისკებზეAI-ის სწრაფ განვითარებასთან დაკავშირებულ რისკებზე მანამდე Anthropic-იც საუბრობდა. კომპანია აფრთხილებდა შესაძლო „კატასტროფულ ან ეგზისტენციალურ რისკებზე“ და მიუთითებდა, რომ მოწინავე AI-მოდელებმა შესაძლოა წინააღმდეგობა გაუწიონ გამორთვას, დამალონ ან დაამახინჯონ ინფორმაცია და გამოავლინონ ქცევა, რომელიც „შანტაჟს“ ჰგავს.AI-ის უსაფრთხოებასთან დაკავშირებული დისკუსია აშშ-ში სულ უფრო აქტუალური ხდება. Associated Press-ის ბოლო ცნობებით, ფედერალური სავაჭრო კომისია OpenAI-ს, Anthropic-სა და სხვა AI-კომპანიების ტექნოლოგიებიდან მომხმარებლებისთვის შესაძლო რისკებსაც იკვლევს.

1790833525

რატომ STEM სკოლა?საქართველოს ბანკის და კომაროვის STEM სკოლა საქართველოში STEM განათლების მიმართულებით ყველაზე მასშტაბური ონლაინ პლატფორმაა, რომელიც შესაძლებლობას აძლევს VII-XI კლასის მოსწავლეებს, სასწავლო პროცესში საქართველოს ნებისმიერი კუთხიდან ჩაერთონ და მიიღონ როგორც თეორიული, ასევე, პრაქტიკული ცოდნა მეცნიერების, მათემატიკის, ინჟინერიისა და ტექნოლოგიების მიმართულებით.ამასთან, საქართველოს ბანკი, როგორც განათლების მთავარი მხარდამჭერი, ყოველწლიურად 90 მოსწავლეს STEM სკოლაში სწავლას უფინანსებს - 60 უმაღლესი ქულის მქონე ახალგაზრდა სწავლის 100%-იან დაფინანსებას, 30 კი - 50%-იან გრანტს იღებს.ინფორმაციისთვის, უკვე 2000-ზე მეტმა მოსწავლემ გაიარა STEM სკოლის კურსი, რომელთაგან 500-ზე მეტი საქართველოს ბანკის სტიპენდიატია.საქართველოს ბანკი - განათლების მთავარი მხარდამჭერი.(R)

1790787068

სესიის მონაწილეებმა ისაუბრეს რეგიონული ინტეგრაციის გაღრმავებასთან ერთად, როგორ უნდა შეეწყოს ხელი ვაჭრობას, ინვესტიციებს და უფრო მტკიცე რეგიონულ თანამშრომლობას.ყურადღება გამახვილდა, თუ როგორ შეიძლება განვითარდეს სატრანსპორტო დერეფნები ცალკეული ეროვნული ინვესტიციებიდან კოორდინირებულ რეგიონულ სისტემებად, რომლებიც დააკავშირებს ცენტრალურ აზიას, კავკასიას, ევროპასა და გლობალურ ბაზრებს.დისკუსიის მიმდინარეობისას, განხილულ იქნა, თუ როგორ შეუძლია რკინიგზას, პორტებს, ლოგისტიკურ ჰაბებსა და ციფრულ ტექნოლოგიებს, ერთობლივი მუშაობა დაკავშირებადობის ფუნქციის გასაძლიერებლად, ვაჭრობის ხელშესაწყობად და ეკონომიკური მდგრადობის ასამაღლებლად.ფინანსთა მინისტრის მოადგილემ, ეკატერინე გუნცაძემ საქართველოს გამოცდილებაზე დაყრდნობით ისაუბრა შუა დერეფნის საიმედოობისა და კონკურენტუნარიანობის უზრუნველსაყოფად გატარებულ ღონისძიებებზე, ასევე, იმ მექანიზმებზე, რომელსაც ქვეყანა იყენებს დერეფნის ქვეყნებს შორის ეფექტიანი სასაზღვრო და საბაჟო კონტროლის განხორციელებისთვის.გამოსვლისას, მან ყურადღება გაამახვილა შუა დერეფნის ისტორიულ როლსა და მის დღევანდელ პერსპექტივაზე. აღინიშნა, რომ საქართველომ ამ სტრატეგიული მარშრუტის განვითარებაზე ზრუნვა წლების წინ დაიწყო და დღეს, მისი პოტენციალის გაზრდაზე აქტიური მუშაობა მიმდინარეობს მეზობელ ქვეყნებთან.საუბარია, როგორც საგზაო, ისე სარკინიგზო და საპორტო ინფრასტრუქტურის ფუნქციონირებაზე.ამავე კონტექსტში, ფინანსთა მინისტრის მოადგილემ ხაზი გაუსვა ენერგოდერეფნის მუშაობის მნიშვნელობას, რომლითაც ხდება ბუნებრივი აირისა და ნავთობის, ასევე, ელექტროენერგიის ტრანზიტი საქართველოს გავლით.„დღეს ვხედავთ, რომ შუა დერეფნის განვითარებით დაინტერესებულია ცენტრალური აზია. სამხრეთ კავკასიის სამივე ქვეყანას აქვს შანსი, ერთხმად იმოქმედოს აღნიშნული დერეფნის პოტენციალის გაზრდისთვის. ეს  კოორდინაცია გვაძლევს იმედს, რომ შუა დერეფნის სატრანზიტო მარშრუტიმომავალში მიმზიდველი იქნება თავისი ეფექტიანობისა და უსაფრთხოების დამსახურებით", - განაცხადა ფინანსთა მინისტრის მოადგილემ, ეკატერინე გუნცაძემ.დისკუსია გახსნა აზერბაიჯანის რესპუბლიკის ეკონომიკის მინისტრმა, მიქაილ ჯაბაროვმა.პანელში მონაწილეობდნენ AIIB-ის უფროსი საინვესტიციო ოფიცერი (საჯარო სექტორი, გლობალური პროექტები და კორპორაციული ფინანსები) კონსტანტინ ლიმიტოვსკი, შავი ზღვის ვაჭრობისა და განვითარების ბანკის პრეზიდენტი სერჰატ კოქსალი, თურქეთის რესპუბლიკის ტრანსპორტისა და ინფრასტრუქტურის სამინისტროში შემავალი პროფილური უწყების გენერალური დირექტორი იალჩინ ეიიგუნი, კარნეგის საერთაშორისო მშვიდობის ფონდის აზიის პროგრამის უფროსი მკვლევარი, აზიის ინფრასტრუქტურის საინვესტიციო ბანკის საერთაშორისო მრჩეველთა საბჭოს წევრი იუკონ ჰუანგი და პანელის მოდერატორი, აზიის ინფრასტრუქტურის საინვესტიციო ბანკის საჯარო სექტორში მოქმედ კლიენტთა დეპარტამენტის გენერალური დირექტორი სიაოჰონგ იანგი.

1790786795

მთლიანი საგარეო ვალის სტატისტიკა ჰარმონიზებულია საგადასახდელო ბალანსთან. ის მოიცავს სახელმწიფო (სამთავრობო სექტორი, სახელმწიფო საწარმოები და ეროვნული ბანკი) და კერძო სექტორის (საბანკო და სხვა სექტორები) საგარეო ვალს.საგარეო ვალის სტატისტიკა წარმოებულია საერთაშორისო სავალუტო ფონდის მეთოდოლოგიის, „საგარეო ვალის სტატისტიკა, სახელმძღვანელო შემდგენელთათვის და მომხმარებლებისათვის“ – 2003, შესაბამისად.სმთლიანმა საგარეო ვალმა, 2026 წლის 30 ივნისის მდგომარეობით 28.2 მლრდ აშშ დოლარი (74.5 მლრდ ლარი) შეადგინა, რაც ბოლო ოთხი კვარტლის მშპ-ს 69.3%-ია.სახელმწიფო საგარეო ვალმა შეადგინა 11.3 მლრდ აშშ დოლარი (29.8 მლრდ ლარი), რაც მშპ-ს 27.7 პროცენტია. აქედან სამთავრობო სექტორის ვალია 9.1 მლრდ აშშ დოლარი (24.1 მლრდ ლარი; მშპ-ს 22.4 პროცენტი), ეროვნული ბანკის ვალდებულებები - 733.9 მლნ აშშ დოლარი (1.9 მლრდ ლარი; მშპ-ს 1.8 პროცენტი), ხოლო სახელმწიფო საწარმოების ობლიგაციები და სესხები, შესაბამისად, 483.0 მლნ აშშ დოლარი (1.3 მლრდ ლარი; მშპ-ს 1.2 პროცენტი) და 907.2 მლრდ აშშ დოლარი (2.4 მლრდ ლარი; მშპ-ს 2.2 პროცენტი).საბანკო სექტორის საგარეო ვალმა შეადგინა 10.8 მლრდ აშშ დოლარი (28.4 მლრდ ლარი; მშპ-ს 26.4 პროცენტი), სხვა სექტორების საგარეო ვალმა - 4.2 მლრდ აშშ დოლარი (11.1 მლრდ ლარი; მშპ-ს 10.3 პროცენტი) და კომპანიათაშორისო ვალმა - 3.3 მლრდ აშშ დოლარი (8.8 მლრდ ლარი; მშპ-ს 8.2 პროცენტი). მთლიანი საგარეო ვალის 83.1 პროცენტი დენომინირებულია უცხოური ვალუტით.საქართველოს წმინდა საგარეო ვალმა, 2026 წლის 30 ივნისის მდგომარეობით, 12.2 მლრდ აშშ დოლარი (32.2 მლრდ ლარი) შეადგინა, რაც ბოლო ოთხი კვარტლის მშპ–ს 29.9 პროცენტია. აქედან, სახელმწიფო სექტორის წმინდა საგარეო ვალი 4.1 მლრდ აშშ დოლარია (10.9 მლრდ ლარი), რაც მშპ-ს 10.1 პროცენტია.2026 წლის მეორე კვარტალში საქართველოს ეროვნული ბანკის საგარეო ვალი 38.9 მლნ აშშ დოლარით შემცირდა. აქედან, ოპერაციული ცვლილების გამო ვალი 38.9 მლნ აშშ დოლარით შემცირდა, ხოლო საკურსო ცვლილების გამო ვალი 11.5 ათასი აშშ დოლარით გაიზარდა.  2026 წლის მეორე კვარტლის ბოლოს ეროვნული ბანკის მთლიანმა საგარეო ვალდებულებებმა 733.9 მლნ აშშ დოლარი შეადგინა. აქედან, 470.9 მლნ აშშ დოლარი განაწილებული ნასესხობის სპეციალური უფლებაა (ნსუ)1, რომელსაც არ აქვს დაფარვის ვადა და პრაქტიკულად, მისი გადახდის ვალდებულება არ დადგება, სანამ საქართველო არის საერთაშორისო სავალუტო ფონდის წევრი.წინამდებარე სტატისტიკური ინფორმაცია ქვეყნდება საქართველოს ეროვნული ბანკის ვებგვერდზე, სტატისტიკის რუბრიკაში.

1790777365