ნორვეგიის საგარეო: საქართველოს არჩევნების მიმართ ნდობა მცირეა

კვლევაში, რომელიც განვითარებადი ბაზრების ევროპისა და ცენტრალური აზიის ბაზრებს მიმოიხილავს, ასევე საუბარია, რომ ზოგიერთ ქვეყანაში ბირთვულ ენერგიას შეუძლია სხვა წყაროების შევსება. ეს დიფერენცირებული მიდგომა უზრუნველყოფს, რომ ენერგეტიკული ინვესტიციები პირდაპირ პროდუქტიულ დასაქმებაში გადაიზარდოს.მსოფლიო ბანკის თქმით, ცენტრალურ და აღმოსავლეთ ევროპაში ქვანახშირისგან თავის დაღწევა მოითხოვს გარდამავალი მუშაკების მხარდაჭერას და განახლებად ინფრასტრუქტურაში ინვესტიციებს, რამაც შესაძლოა დასაქმების ახალი შესაძლებლობები შექმნას.ცენტრალურ აზიაში მზარდი მოსახლეობისთვის საჭიროა ენერგიაზე წვდომის გაზრდა, ჰიდროენერგეტიკული პოტენციალისა და მზის რესურსების გამოყენება, ბუნებრივი აირი კი გარდამავალ როლს ასრულებს ყაზახეთსა და თურქმენეთში.“რეგიონის განვითარებადმა ქვეყნებმა თამამი რეფორმები უნდა განახორციელონ იმისათვის, რომ მდგრადობა პროდუქტიულობის, წარმოების და სამუშაო ადგილების  მნიშვნელოვან ზრდად გარდაქმნან რეგიონის ცვალებადი დემოგრაფიის შესაბამისად და გამოიყენონ თავისი ბუნებრივი უპირატესობები”, - აღნიშნა მსოფლიო ბანკის ვიცე-პრეზიდენტმა ევროპისა და ცენტრალური აზიის რეგიონში ანტონელა ბასანიმ.მისივე თქმით: „ქვეყნებისთვის მნიშვნელოვანია კერძო სექტორის გაძლიერება, განათლების დონის ამაღლება და კავშირების გაუმჯობესება საერთაშორისო, რეგიონული და ადგილობრივი მასშტაბით, მეტი კერძო კაპიტალის მოზიდვის პარალელურად. რეგიონისთვის გამოწვევას წარმოადგენს სამუშაო შესაძლებლობების გაზრდა და დაბალკვალიფიციური სამუშაო ადგილების მაღალხარისხიანი დასაქმების შესაძლებლობებად გარდაქმნა“.

1759842474

რეგიონული მშპ წელს რეალური გამოხატულებით სავარაუდოდ 2.4%-ით გაიზრდება, რაც ნაკლებია 2024 წლის 3.7%-იან მაჩვენებელთან შედარებით და ძირითადად განპირობებულია ეკონომიკური ზრდის დაბალი ტემპით რუსეთის ფედერაციაში. რუსეთის გამოკლებით, რომელზეც  რეგიონის წარმოების დაახლოებით 40% მოდის, ეკონომიკური ზრდა, პროგნოზის მიხედვით, მცირედ შეიცვლება და მიმდინარე და მომდევნო წელს დაახლოებით 3.3% იქნება.სამუშაო ადგილებზე განსაკუთრებული ყურადღების გამახვილებით, ანგარიში მიუთითებს, რომ ინფრასტრუქტურაში ინვესტირება, სამეწარმეო გარემოს გაუმჯობესება და კერძო კაპიტალის მობილიზება მნიშვნელოვანი ფაქტორები იქნება პროდუქტიულობის ზრდის მიმართულებით.ქვეყნებმა სამუშაო ადგილების შესაქმნელად ინვესტიციების განხორციელება უნდა დაიწყონ - როგორც ფიზიკურ, ისე ადამიანურ კაპიტალში. ასევე აუცილებელია განათლების ხარისხის გაუმჯობესება, განსაკუთრებით პროფესიული და უმაღლესი განათლების მიმართულებით. ქალებსა და ახალგაზრდებში, რომლებიც არასაკმარისად არიან წარმოდგენილნი სამუშაო ძალაში, ჯერ კიდევ არსებობს გამოუყენებელი პოტენციალი.რეგიონმა ბოლო ათწლეულების განმავლობაში სამუშაო ადგილების მნიშვნელოვანი რაოდენობა შექმნა, თუმცა შენელებული ეკონომიკა, პროდუქტიულობის კლება და რეფორმების სუსტი იმპულსი ზრდის სამუშაო ადგილებთან დაკავშირებულ გამოწვევებს.მიუხედავად იმისა, რომ ევროპისა და ცენტრალური აზიის რეგიონში ბოლო 15 წლის განმავლობაში დასაქმების მაჩვენებლის 12 პროცენტიანი მატება აღინიშნა, განსაკუთრებით კი სერვისებში, რომლებიც ახლა სამუშაო ადგილების ნახევარზე მეტს შეადგენს, ანგარიშის თანახმად, შესაძლებლობების უმეტესობა წარმოდგენილია შემოსავლის დაბალი პოტენციალის მქონე შედარებით დაბალკვალიფიციური სამუშაოს სახით.დემოგრაფიული წინააღმდეგობები საფრთხეს უქმნის შრომის ბაზრის მდგრადობას: შრომისუნარიანი მოსახლეობა, პროგნოზის მიხედვით, მომდევნო ათწლეულების განმავლობაში 17 მილიონით შემცირდება და ეს კლება კონცენტრირებული იქნება აღმოსავლეთ და ცენტრალურ ევროპაში და დასავლეთ ბალკანეთის ქვეყნებში. ცენტრალურ აზიასა და თურქეთში შრომისუნარიანი მოსახლეობა გაიზრდება  და შრომის ბაზარზე განსხვავებული ტიპის ზეწოლას მოახდენს. სტრუქტურული დაბრკოლებები,  როგორებიცაა მაგალითად მცირე ფირმების სიჭარბე, განუვითარებელი საკრედიტო და ვენჩორული საფინანსო ბაზრები, განათლებისა და სწავლების არაეფექტური სისტემები, დაქვეითებული კონკურენცია და დინამიზმის და ბაზრის ეფექტიანობის შემაფერხებელი სახელმწიფო საწარმოები, ზღუდავს რეგიონის პოტენციალს.“თითოეულ ქვეყანას შეუძლია თავისი მიდგომის იმგვარი ცვლილება, რომ საუკეთესოდ გამოიყენოს თავისი აქტივები - ადამიანური ტალანტი, ფიზიკური ინფრასტრუქტურა, ინსტიტუციები და ბუნებრივი რესურსები. სამუშაო შესაძლებლობების გაფართოება სარგებელს მოუტანს თითქმის ყველა დასაქმებულ პირს, რამდენადაც სხვადასხვა დარგი უნარების განსხვავებულ ნაკრებს მოითხოვს. აღნიშნულ სფეროებზე ფოკუსირება პოლიტიკის შემმუშავებლებს მისცემს რეალურ შესაძლებლობას, რომ რეაგირება მოახდინონ სამუშაო ადგილებთან დაკავშირებულ გამოწვევებზე და ხელი შეუწყონ ეკონომიკურ ზრდას”, - განაცხადა მსოფლიო ბანკის მთავარმა ეკონომისტმა ევროპისა და ცენტრალური აზიის რეგიონში ივაილო იზვორსკიმ.

1759842166

მსოფლიო ბანკი 2025-ში საქართველოს ეკონომიკის 7%-იან ზრდას პროგნოზირებს, რაც წინა, ივნისში გაკეთებულ პროგნოზთან შედარებით, 1.5 პ.პ.-ით გაზრდილი მაჩვენებელია.0.5 პ.პ.-ითაა გაუმჯობესებული 2026 წლის მშპ-ის ზრდის მოლოდინიც, 5.5%-მდე, ხოლო 2027 წლის პროგნოზი კი უცვლელად, 5%-ზე დარჩა.მსოფლიო ბანკის პროგნოზით, 2025-ში, სამხრეთ კავკასიაში ზრდა 3 პროცენტზე ოდნავ მეტი იქნება (3.7%), რაც ასახავს აზერბაიჯანში ნავთობის წარმოების შემცირების ფონზე შესუსტებულ ზრდას და სომხეთსა და საქართველოში ზრდის ნორმალიზებას.სამხრეთ კავკასიაში ფულადი გზავნილების ზრდა ასევე სტაბილური რჩება, მიუხედავად იმისა, რომ რუსეთიდან ფულადი გზავნილები ნორმალიზდა 2022–23 წლების მკვეთრი ზრდის შემდეგ.ფულადი გზავნილები სომხეთში იანვარ-ივლისში წინა წელთან შედარებით 9.2%-ით, ხოლო საქართველოში 5%-ით გაიზარდა, რადგან რუსეთიდან გადარიცხვების შემცირება - საქართველოს შემთხვევაში თითქმის 30%-ით ნაკლები - კომპენსირებული იყო ევროკავშირიდან და შეერთებული შტატებიდან შემოსული ფულადი გზავნილების ზრდით.

1759841794

ფორუმი ორი დღის განმავლობაში გაგრძელდება და მას 4000-ზე მეტი სტუმარი და 50-მდე ბიზნესის წარმომადგენელი დაესწრება, როგორც უზბეკეთიდან, ისე - სხვადასხვა ქვეყნიდან.პირველ დღეს გაიმართება კონფერენცია - ,,საქართველო-უზბეკეთი აბრეშუმის გზა“, სადაც მონაწილეობას მიიღებენ, როგორც საქართველოს მხრიდან გამოფენაში მონაწილე კომპანიები, ისე - უზბეკეთის ბიზნესსექტორის და ხელისუფლების წარმომადგენლები.კონფერენციის მონაწილეებს შესაძლებლობა ექნებათ, უკეთესად გაიცნონ უზბეკეთის ბაზარი, მისი თავისებურებები, გამოწვევები და შესაძლებლობები. ასევე, შეხვდნენ ინვესტორებსა და სხვადასხვა ბიზნეს და საერთაშორისო კომპანიის წარმომადგენლებს.კონფერენციის პირველი ნაწილი იმ ქართული ბიზნესებს დაეთმობათ, რომლებმაც უზბეკეთის ბაზარზე უკვე წარმატებით დაიმკვიდრეს თავი. სპიკერები დამსწრე აუდიტორიას საკუთარ გამოცდილებას გაუზიარებენ უზბეკეთის ბაზარზე გასვლასთან დაკავშირებით.კონფერენციის მეორე ნაწილში, უზბეკეთის სხვადასხვა სექტორის წარმომადგენლები ჩაერთვებიან. მათ შორის - ეკონომიკის, ინვესტიციების სამინისტროს, ასევე ამერიკის სავაჭრო პალატის (AmCham) წევრები. სპიკერები აუდიტორიას უზბეკეთის ბაზარზე არსებულ გამოწვევებს, შესაძლებლობებსა და საინვესტიციო გარემოს გააცნობენ, მათ შორის, კომპანიების რეგისტრაციის და საქმიანობის წამოწყების პროცედურებს.წარმატება გზაშია, მთავარია გჯეროდეს!

1759834782

ახალი შეთანხმება სპეციალურად შექმნილია იმისთვის, რომ გააძლიეროს ქვეყანაში სწრაფად მზარდი კორპორატიული, მცირე და საშუალო (SME) სექტორებისთვის სავაჭრო დაფინანსების შესაძლებლობების შეთავაზება. ფინანსური რესურსი მნიშვნელოვან  მხარდაჭერას გაუწევს საერთაშორისო ვაჭრობაში ჩართულ ბიზნესებს, დაეხმარება აუცილებელ დაფინანსებაზე წვდომაში და ხელს შეუწყობს ქვეყნის მასშტაბით ეკონომიკურ ზრდას.„ჩვენ განსაკუთრებით ვამაყობთ, რომ $50 მლნ-ის ოდენობის სავაჭრო დაფინანსების შეთანხმებით, ჩვენს გამორჩეულ პარტნიორობას Citi-სთან ვაგრძელებთ. ქართული კომპანიების მზარდი საჭიროებების გათვალისწინებით, განსაკუთრებით, კორპორატიულ და მცირე და საშუალო ბიზნესის სეგმენტებში, სავაჭრო დაფინანსების კუთხით შესაძლებლობების განვითარება გრძელდება, რაც მათ წარმატების მიღწევაში დაეხმარება. ეს პარტნიორობა ადასტურებს ჩვენი გლობალური პარტნიორების ნდობას ჩვენი გამოცდილებისადმი და ერთგულებას ქართული ბაზრის განვითარებისადმი. ჩვენ მივესალმებით Citi-სთან თანამშრომლობის კიდევ უფრო გაძლიერებას, რათა შევქმნათ ზრდის ახალი შესაძლებლობები ბიზნესებისთვის როგორც საქართველოში, ასევე საერთაშორისო დონეზე“, - განაცხადა საქართველოს ბანკის გენერალურმა დირექტორმა, არჩილ გაჩეჩილაძემ.ხელშეკრულება კიდევ ერთხელ ადასტურებს Citi-სა და საქართველოს ბანკს შორის არსებულ მჭიდრო ურთიერთობას, რომელიც რეგიონში საერთაშორისო ვაჭრობისა და ეკონომიკის განვითარებას ისახავს მიზნად.

1759832971

ყველაზე მეტი უკმაყოფილება სამომხმარებლო სესხის ბენეფიციარებისგანაა. ასევე გამოთქმულია საკრედიტო ბარათების მიმართ (56). თანაბარი რაოდენობის პრეტენზიით წარმოდგენილია იპოთეკა (49) და განვადება (49). თუმცა ამასთან სარემონტო სესხი ყველაზე უპრეტენზიოა (0),ავტო სესხის და ლომბარდის მიმართ 8-8 საჩივარია. აღნიშნული პროდუქტების წილი ბანკების სასესხო პორტფელში უმნიშვნელოა.

1759830531

„ტესკოს“ ისტორია მჭიდროდ არის დაკავშირებული საერთაშორისო ბრენდთან Camfil, რომელმაც ჰაერის ფილტრების და ჰაერ-გამწმენდი სისტემების წარმოება დაიწყო შვედეთში ჯერ კიდევ 1963 წელს.„2006 წლიდან დავიწყეთ ამ ბრენდთან თანამშრომლობა და მას შემდეგ უმაღლესი ხარისხის პროდუქციის გავრცელებას უზრუნველვყოფთ“, — აღნიშნავს მამუკა ლოლაძე.კოვიდპანდემიამ კიდევ ერთხელ გამოკვეთა ის, რასაც ტესკო წლების განმავლობაში ამტკიცებდა - სუფთა ჰაერი არ არის ფუფუნება, ეს არის აუცილებელი პირობა ჯანმრთელობისა თუ უსაფრთხო გარემოს შესაქმნელად. COVID-19-ის გავრცელების პერიოდში ჰაერის ვენტილაციისა და ფილტრაციის მნიშვნელობა ყველასთვის ნათელი გახდა, რადგან სწორედ ეს იყო ერთ-ერთი მთავარი გზა ვირუსის გავრცელების რისკის შესამცირებლად.„ჩვენი მიზანი ჯანსაღი ეკოსისტემის შექმნაა, განსაკუთრებით ისეთ სივრცეებში, სადაც განსაზღვრულ დახურულ სივრცეში შედარებით მეტი ადამიანი იმყოფება. თანამედროვე შენობებისთვის მხოლოდ გათბობა და ჰაერის კონდიცირება აღარ არის საკმარისი. კომპანია ტესკო მომხმარებლებს სთავაზობს სხვადასხვა წარმადობის დამოუკიდებელ ჰაერგამწმენდ სისტემებს, რომლებიც შეიძლება დაიდგას თითოეულ სივრცეში და ამ გზით იქნას მიღწეული ჰაერის სისუფთავე და, საჭიროების შემთხვევაში, სპეციფიკურ ზონებს შორის წნევათა სხვაობაც“, — განმარტავს მამუკა ლოლაძე.„ტესკო“ უკვე საქართველოს ფარგლებსაც სცდება და კავკასიის რეგიონში სხვა ქვეყნებსაც ამარაგებს შესაბამისი პროდუქციით. ამგვარ წინსვლასა და წარმატებაში კი კომპანიას სანდო პარტნიორი სჭირდება - ისეთი, როგორიც თიბისია.„დაარსების პირველივე დღეებიდან თიბისისთან ვთანამშრომლობთ და რაც უფრო მატულობს ჩვენი კომპანიის მიზნები და ნაბიჯები, საბანკო სერვისების მიღების საჭიროებაც მეტად იკვეთება. ფინანსური რესურსების მობილიზაციის გარეშე შეუძლებელია წინსვლა, თიბისი ყოველთვის გვერდით გვიდგას და სამომავლო წინსვლისთვისაც სანდო პარტნიორად მივიჩნევთ“.წარმატება გზაშია, მთავარია გჯეროდეს!

1759830177

საქართველოს ეროვნული ბანკმა მარტში რეზერვები $101.7 მლნ-ით, აპრილში $266.4 მლნ-ით, მაისში $245.4 მლნ-ით, ივნისში $266 მლნ-ით, ივლისში $416.9 მლნ-ით, ხოლო აგვისტოში $199.6 მლნ-ით გაზარდა.ჯამურად, 2025 წლის იანვარ-აგვისტოში წმინდა შესყიდვებმა $1,5 მლრდ შეადგინა (წმინდა შესყიდვების სექტემბრის სტატისტიკა კი 27 ოქტომბერს გამოქვეყნდება).ამასთან, 2025 წლის სექტემბრის მდგომარეობით, ოქროს წილი მთლიან საერთაშორისო სავალუტო რეზერვებში 16.2%-ს ($877.8 მლნ) შეადგენს. ოქროს ფასის ცვლილების შედეგად, მონეტარული ოქროს ღირებულება, მისი შეძენის მომენტიდან, $377.8 მლნ-ით გაიზარდა, რაც ეროვნული ბანკის მტკიცებით, რეზერვების დივერსიფიკაციის სტრატეგიის მართებულობას უსვამს ხაზს.საქართველოს ეროვნული ბანკი ოფიციალური საერთაშორისო რეზერვების შესახებ განახლებულ მონაცემებს 2025 წლის 5 ნოემბერს გამოაქვეყნებს.სამხრეთ კავკასიის ქვეყნების ცენტრალური ბანკების საერთაშორისო რეზერვებს რაც შეეხება, აგვისტოს ბოლოსთვის აზერბაიჯანის ცენტრალურ ბანკს $11 მლრდ–ზე მეტი ჰქონდა დაგროვილი, ხოლო სომხეთის ბანკის რეზერვების მოცულობა $4,2 მლრდ იყო.

1759826788