Gojo & Company-მ კრედოს 16.8% იყიდა

შევაჩერეთ მწვანე წყალბადის, ენერგეტიკული ინფრასტრუქტურის და ბათუმში წყლის ინფრასტრუქტურის დაფინანსება. სამოქალაქო საზოგადოებისა და კანონის უზენაესობის მხარდაჭერა გრძელდება“ — წერს გერმანიის ელჩი, პეტერ ფიშერი X-ზე.გერმანიის ეკონომიკური თანამშრომლობისა და განვითარების სამინისტრო და მინისტრი სვენია შულცე საქართველოს მიერ ევროკავშირისკენ გზის დატოვებასა და საპროტესტო აქციების წინააღმდეგ მკაცრი ზომების მიღებაზე რეაგირებენ. წყარო: ფორმულა 

1734976063

მიმდინარე მოვლენებით დაზარალებული ბიზნესების დახმარებაზე მსჯელობენ სამინისტროში. "საბოლოოდ მდგომარეობა შეიცვლება, სიტუაცია დასტაბილურდება", - დავითაშვილის თქმით, საზოგადოებას საერთაშორისო მხარდაჭერა გაამხნევებს და მისცემს იმედს, რომ ჩვენი გზა წარმატებისკენ მიმავალია. და "ეს ჩვენს საერთაშორისო პარტნიორებთან ეფექტიანი დიპლომატიით მოხდება".მისი თქმით, ბიზნესს ქვეყნის პოტენციური იზოლაცია აწუხებს, - "რა თქმა უნდა, ამასაც გაეცემა პასუხი. ქვეყანას არ ექნება იზოლაციის რისკი".დავითაშვილს ასევე მოლოდინი აქვს, რომ აშშ-ს ახალ ადმინისტრაციასთან ექნებათ გადატვირთვის საშუალება. მისი თქმით, „დიალოგი, რომელიც დღეს შედგა ბიზნესთან, ძალიან  მნიშვნელოვანია, მაგრამ არ არის საკმარისი პროცესების დეესკალაციისთვის. ჩვენ გვინდა, პროცესი დასტაბილურდეს და ქვეყანა დაუბრუნდეს განვითარების ნორმალურ რიტმს. ამის ერთადერთი გამოსავალია დიალოგი და საზოგადოებაში პოლარიზაციის ხარისხის შემცირება,“ - აღნიშნა ლევან დავითაშვილმა.

1734971182

"ევროკავშირში ინტეგრაციის გზაზე ისე უნდა ვიაროთ, რაიმე ნაღმს არ დავადგათ ფეხი" ბიზნესი ერთხმად თანხმდება ევროკავშირში გაწევრიანების უალტერნატივობაზე, თუმცა სიფრთხილე გვმართებს, მსოფლიოში შექმნილი გეოპოლიტიკური ვითარებიდან გამომდინარე.კრიზისი ბიზნესში არ არის, კრიზისი არის ქვეყანაში და გამოსავალია დიალოგი, განსხვავებული აზრის მიმღებლობა.ბიზნესმენმა საზოგადოების კონსოლიდაციაზე განაცხადა, რომ ერთიანი ძალისხმევით ტემპერატურა დავწიოთ ქვეყანაში.„მე, ირაკლი ბურდილაძეს თუ მეკითხებით ჩემს აზრს, რომ ვთვლიდე, რომ დღეს პრორუსული კურსია ქვეყანაში, ამ შეხვედრაზე არ მოვიდოდი. მე არ ვთვლი, რომ ქვეყანას დღეს აქვს პრორუსული კურსი. არის პრობლემები ისევე როგორც მთელ მსოფლიოში, საქართველოშიც, მაგრამგამოსავალი აქედან არის. მთავარია რეალურად რა ხდება ქვეყანაში. მე გელაპარაკებით ეკონომიკიდან და ბიზნესიდან გამომდინარე. დღეს პრემიერმაც ისაუბრა, რომ გრძელდება აქტიურად DCFTA-ს და ასოცირების ხელშეკრულებით ნაკისრი ვალდებულებების შესრულება", - განაცხადა ბურდილაძემ.         

1734965880

თბილღვინოს დამფუძნებელმა სახელმწიფოს გადასადგმელ ყველაზე მნიშვნელოვან ნაბიჯებზე კობახიძე/დავითაშვილთან ბიზნესსექტორის შეხვედრის შემდეგ განაცხადა. გიორგი მარგველაშვილმა აქციების კამპანიაზე ბიზნესის არაერთგვაროვან დამოკიდებულებაზეც აღნიშნა, -„ბევრი ბიზნესმენი ჩვენ სულისკვეთებას არ იზიარებდა'.„თბილღვინო“ იმ 2200-ზე მეტ კომპანიას შორისაა, რომელიც #Freebusiness -ის მოთხოვნებს შეუერთდა და ვითარების დეესკალაციაზე განაცხადა.   

1734965528

პრეზიდენტის პრესსამსახურის ინფორმაციით, შეწყალებული პირებიდან ხუთი მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან.მათივე ინფორმაციით, ოთხ მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, მათ შორის ერთ ქალ მსჯავრდებულს.

1734963184

თბილისისა და ბათუმის საერთაშორისო აეროპორტების ოპერატორი კომპანია TAV Georgia-ს გენერალურმა მენეჯერმა, თეა ზაქარაძემ საქართველოს პრემიერ-მინისტრ ირაკლი კობახიძესთან შეხვედრის შემდეგ ჟურნალისტებს განუცხადა, რომ "ყველა ის საკითხი განვიხილეთ, რაც დღეს ჩვენი ქვეყნისთვის მნიშვნელოვანია. ჩვენს ყველა კითხვაზე ამომწურავი პასუხი მივიღეთ. პრემიერმინისტრი შეგვპირდა, რომ უმოკლეს ვადებში აუცილებლად გადაიგმება ნაბიჯები, რომ ეს ყველაფერი მორჩეს - რაც ბიზნესს ძალიან ვნებს. ახალ არჩევნებზე საუბარი არ ყოფილა...ახლა მე პოლიტიკურ განცხადებებს ვაკეთებ. პირდაპირ გეუბნებით, რომ პოლიტიკა ჩემი საქმე არაა. მე ვიცი, როგორ ვმართო აეროპორტი, მე პოლიტიკას არ ვაკეთებ, ხალხო, პოლიტიკოსი არ ვარ... პრემიერმა თქვა, რომ პატიმრები ახალ წლამდე გათავისუფლდებიანო“, – განაცხადა თეა ზაქარაძემ.თეა ზაქარაძემ ირაკლი კობახიძესთან შეხვედრამდე ჟურნალისტებს განუცხადა: "მე პოლიტიკაში ვერ ჩავერევი. მხოლოდ იმას ვიტყვი, რომ ქვეყანას და ჩვენს ბიზნესს - ავიაციას სიმშვიდე და სტაბილურობა სჭირდება. თუ ამისთვის ახალი არჩევნები იქნება გამოსავალი, ეს ნაბიჯი უნდა გადაიდგას. თუ ეს ყველაფერი ასე გაგრძელდა, იანვარ-თებერვალში ბიზნესზე აუცილებლად აისახება“, - განაცხადა თეა ზაქარაძემ.„თბილღვინოს“ თანადამფუძნებელმა გიორგი მარგველაშვილმა შეხვედრის დასრულების შემდეგ კი განაცხადა: „ერთ-ერთი მნიშვნელოვანი ნაბიჯები, რომელიც შეუძლია სახელმწიფომ გადადგას თავისი უფლებამოსილებიდან გამომდინარე არის დაკავებულების გათავისუფლება და ხელახალი არჩევნები... ჩვენს სულისკვეთებას ბევრი ბიზნესმენი არ იზარებდა, თუმცა იყო არაერთი, ვინც გამოხატავდა კრიტიკულ აზრებს, მათ შორის დაკავებულებზე და არაპროპორციულ ძალაზე“.ბიზნესმენ ლაშა პაპაშვილს რაც შეეხება, კობახიძესთან შეხვედრის შემდეგ თქვა: „ჩვენი ქვეყნის ეკონომიკა უნდა შევინარჩუნოთ სხვადასხვა მიმართულებებით, ეს იქნება ტურიზმი თუ სარესტორნო ბიზნესი, არის ვარდნა. უნდა გამოვიდეთ ყველა ერთად ამ მდგომარეობიდან. ალბათ, ყველას გაინტერესებთ, ერთი ან მეორე მხარის სასარგებლოდ რა ითქვა, ამას ვერ დამაცდენინებთ.ჩვენი უწმინდესი ამბობს, რომ ეშმაკი ყოფს, უფალი აერთებს, მე ვამბობ ასევე. ჩემი მეგობარი იჯდა აქ, ზაზა ნიშნიანიძე და გახსოვთ მამამისის განუზომლად ლამაზ საღამოს „პაემანი ვერაზე“, ხშირად უნდა გავიმეოროთ ეს „პაემანი ვერაზე“. ერთი მხარე საუბრობს არჩევნებთან დაკავშირებით, მეორე მხარე ამბობს პირიქით, ეს მხარეები არ გამოვა, ჩვენ ეს დაგვემართა ერთხელ. მნიშვნელოვანია, რომ ამ მთავრობის დამსახურება, რაც არის ბიზნესის დამოუკიდებლობა. ეს დაფიქსირდა კიდევ ერთხელ, რადგან იმ ოთახში ისხდნენ მომხრეებიც და მოწინააღმდეგეებიც. ყველაზე მთავარი, შეთანხმდნენ, რომ ცალკე იქნება საუბარი, პოლემიკა შედგება ალბათ ღია ეთერში. უკვე დაფიქსირდა სახელებიც და გვარებიც და მათ შეხვდება პრემიერი საჯაროდ. არის ასეთი დაპირება“, – განაცხადა პაპაშვილმა.ენერგოეფექტური ბლოკების მწარმოებელი ქარხნის, „იტონგ კავკასუსის” გენერალურმა დირექტორმა, დიმიტრი ადამიამ თქვა, რომ არჩევნებში „ქართულმა ოცნებამ” გაიმარჯვა, ამიტომ არჩევნებზე ლაპარაკი ზედმეტია.„არანაირი გაყალბების ფაქტები არ არის წარმოდგენილი არსად”. – თქვა ადამიამ.ბიზნესმენმა, ნოშრევან ნამორაძემ პრემიერ-მინისტრისა და ბიზნესმენების შეხვედრის შემდეგ ჟურნალისტებთან საუბრისას კი ასეთი რამ განაცხადა: „მეთორმეტე წელს ზოგ ზოგიერთი პოლიტიკოსისა და ბიზნესმენების მხრიდან მათ აღქმაში დადგა, რომ უცბად გადავუხვიეთ კურსს. აქ ლაპარაკია იმაზე, რომ ეს ყველაფერი არის პოლიტიზირებული, სცენარი დაწერილია ჩვენს ფარგლებს გარეთ. ამ სცენარით მიდის მოქმედება, ამ სცენარით მიდის მუშაობა და ახალგაზრდობა გამოიყენეს იმისთვის, რომ დაეტოვებინათ საზარბაზნე ხორცად, შეატოვეს, იმუშავეს მაქსიმალურად იმაზე, რომ გამოეწვიათ ასეთი ტემპერატურის გაცხელება. ჩვენი ქვეყანა არ ადარდებთ იმ ადამიანებს, იცით, ვისაც ვგულისხმობ, კონკრეტულად ოპოზიციას. იყენებენ მაქსიმალურად ყველა ძალას, რომ დღეს მაგალითად, მთავრობას, ხელისუფლებას და ზოგადად ჩვენ ყველას გვაბულინგებენ, ვითომ ჩვენ გვინდა სხვა კურსი. აქ არავის არაფერი არ უნდა, აქ უნდა ყველას მშვიდობა, რაც გამოაცხადა პრემიერმაც, რაც განაცხადა თითოეულმა ბიზნესმენმაც“, – აღნიშნა ნოშრევან ნამორაძემ.ნოშრევან ნამორაძის თქმით, კობახიძესთან კონსოლიდირებული და კარგი საუბარი შედგა.„განვიხილეთ მთელი განვლილი გზა 12 წლის განმავლობაში, როგორ იარა ბიზნესმა და ქვეყანამ. 12 წლის განმავლობაში არ გადაუხვევია გზიდან ქვეყანას და აბსოლუტურად ყველა ბიზნესმენი ხედავს. არ არის ლაპარაკი იმაზე, რომ დღეს რაღაც განსაკუთრებული ხდება, არა, პრემიერმა ახსნა აბსოლუტურად ყველაფერი, რა იყო, როგორ იყო 12 წლის განმავლობაში, როგორ გვებრძოდნენ, რამდენჯერ უნდოდათ რევოლუციის მოწყობა. ჩვენი ქვეყანა არ მოასვენეს და ვერ დავისვენეთ საერთოდ. ბევრი კრიზისი გადაგვივლია და გამოგვივლია“, – აღნიშნა ნოშრევან ნამორაძემ.ნოშრევან ნამორაძის განმარტებით, პრემიერ-მინისტრთან შეხვედრაზე საუბარი შეეხო არჩევნებსაც.„ვილაპარაკეთ არჩევნებზეც. მილიონ 120 ათასმა ადამიანმა ხმა მისცა „ქართულ ოცნებას“, ოთხმა დანარჩენმა პარტიამ აიღო დანარჩენი ხმები და კითხვა მაქვს, რას ნიშნავს, იქამდე ვატაროთ არჩევნები, ვიდრე ისინი არ მოიგებენ? გამორიცხულია. 12 წელია, სიწყნარეა და სიწყნარე იქნება მომავალშიც“, – განაცხადა ნოშრევან ნამორაძემ.ამასთან, ნოშრევან ნამორაძემ „მთავარი არხის“ ჟურნალისტს მიმართა: „თქვენი სიტყვა არ დაიჯერება, თქვენ მე მაბულინგებთ. „ნაციონალური მოძრაობის“ დროსაც თქვენ მე რასაც მიშვებოდით, როგორ ატერორებდით ბიზნესს და ზოგადად მოსახლეობას, დღეს განაგრძობთ აქედან, აი აქედან, ტელევიზიიებიდან განაგრძობთ ამას. ცოდოა ეს ხალხი, დაასვენეთ, დაასვენეთ ეს ქვეყანა. 12 წელია, მაინც ეკონომიკური ზრდა არის, მაინც წინსვლაა და შესაბამისად, დღეს მაქსიმალურად მცდელობაა, რომ გადატეხონ და რამეს მიაღწიონ. არავის არაფერი გამოუვა, დღეს ბიზნესი დგას მოწოდების სიმაღლეზე. მესმის, თქვენ აბულინგებთ და ბიზნესი იმიტომ არის შეწუხებული. ამ ბულინგის მსხვერპლია ბიზნესიც. ყოველ მეორე სიტყვაში ბულინგია“."ჩემთვის არის მხოლოდ მშვიდობა, სტაბილურობა ქვეყნის განვითარება, სტაბილურობა სჭირდება ქვეყანას, სტაბილურობა გვჭირდება ჩვენ, თქვენ და ზოგადად ეკონომიკას. სტაბილურად უნდა შევხვდეთ ახალ წელს, – ამის შესახებ „კახური ტრადიციული მეღვინეობის ჯგუფის“ დამფუძნებელმა, ზურაბ ჩხაიძემ პრემიერ-მინისტრთან შეხვედრის შემდეგ განაცხადა.ჩხაიძის თქმით, ირაკლი კობახიძესთან შეხვედრაზე საუბარი არსებულ ვითარებას შეეხო.„ჩვენ ზოგადად გვქონდა საუბარი არსებულ ვითარებასთან დაკავშირებით ბიზნესსა და ზოგადად სახელმწიფოს პოზიციონირობის შორის, გამომდინარე იქიდან, რომ ქვეყანაში ცოტა დაძაბული ვითარებაა, გაისმა, როგორც კრიტიკული აზრი ასევე, აზრი რომელიც გააჩნია ბიზნესს... პირველ რიგში კარგია, როდესაც გამოითქვა აზრი, რომ კრიტიკულად მოაზროვნე ბიზნენისს მხარეც შეხვდება პრემიერს და ზოგადად ბიზნესს, რომელიც ფიქრობს, ქვეყნის განვითარებისთვის, რა იქნება საჭირო“, – განაცხადა ჩხაიძემ.შეხვედრის დასრულების შემდეგ ეკონომიკის მინისტრმა, ლევან დავითაშვილმა განაცხადა; „ყველა კითხვას პასუხი გაეცა, რაც ქართულ ბიზნესს აწუხებს”.„საუბარი იყო პერსპექტივასა და მომავლის ხედვაზე, მათ შორის, ხელისუფლების კურსზე. სამწუხაროდ, მიუხედავად ბევრი განმარტებისა და ხშირი კომუნიკაციისა, ხდება აპელირება მათ შორის, ოპოზიციის ძალების თუ საზოგადოების სხვადასხვა ჯგუფების წარმომადგენლების. პრემიერ-მინისტრმა ძალიან დეტალურად განმარტა ჩვენი ხელისუფლების კურსი, ის, რომ ჩვენ ერთგული ვართ ჩვენი დაპირებების, რომელიც საარჩევნოდ ხალხს მივეცით, რომ ღირსებით და მშვიდობით ევროპისკენ მივდივართ და ეს გზა აუცილებლად იქნება წარმატებული და ჩვენ მივაღწევთ იმ შედეგებს, რასაც ვგეგმავთ.შევეხეთ უკიდურეს პოლარიზაციას რომელიც საზოგადოებაში არსებობს და იმ გამოწვევებს, რომელიც სტაბილურობასთან დაკავშირებით ჩვენს ქვეყანაში არის. რა თქმა უნდა, ბიზნესს და საზოგადოების ყველა ჯგუფს სურს სიმშვიდე”.ლევან დავითაშვილმა ბოლოს დასძინა, რომ „გადაწყდა, მომავალშიც იქნება შეხვედრა იმ ბიზნესმენებთან, რომლებსაც უფრო განსხვავებული აზრი აქვს, რათა მან მიიღონ განმარტებები იმ პოლიტიკაზე, რომელიც დღეს ქვეყანაში ხორციელდება”.რამდენიმე კვირის წინ გაკეთდა ვებგვერდი freebusiness.ge, სადაც გამოქვეყნებულია განცხადება და მოთხოვნილია ხელახალი არჩევნების დანიშვნა და საპროტესტო აქციებს დროს დაკავებულების გათავისუფლება.ამ პეტიციას 2200-ზე მეტი ბიზნესი უერთდება, მათ შორის, მსხვილი ბიზნესები: მაგთიკომი, მაკდონალდსი, PSP, სპარი, მაგნიტი, აზრი და სხვები. ვებგვერდზე შეიძლება იმ კომპანიების ნახვაც, რომლებსაც განცხადებაზე აზრი ჯერჯერობით არ გამოუხატავთ.

1734962192

ფინანსთა სამინისტროს საქართველოს ნაერთი ბიუჯეტის შემოსულობების (კონსოლიდაციის გარეშე), მიხედვით, 2023 წლის იანვარ-ნოემბერში, აღნიშნულისთვის 3 345 028 მლნ ლარის ჯარიმა დაიწერა.რაც შეეხება მხოლოდ ოქტომბერსა და ნოემბერს, მონაცემების მიხედვით, ნოემბერში 155 691 ლარის დაიწერა, ხოლო ოქტომბერში 178 604 ლარის.ცნობისათვის, თბილისში, მუნიციპალურ ტრანსპორტით, კერძოდ ავტობუსით უბილეთოდ მგზავრობაზე 20-ლარიანი ჯარიმა მოქმედებს. იმ შემთხვევაში, თუ პირი 30 დღის განმავლობაში ჯარიმას არ გადაიხდის, ეკისრება საურავი - 40 ლარი.

1734953927

როგორც პრესკონფერენციაზე საზმაუს თანამშრომელთა ნაწილმა განაცხადა, მენეჯმენტი დღის ეთერზე უარს ტექნიკური მიზეზებით ხსნის, თუმცა მაშინ, როცა პანდემიის დროს, 1 კვირაში მოხერხდა ტელესკოლის აწყობა, ეს მიზეზი, მათი თქმით, არარელევანტურია და სურვილის შემთხვევაში სპეციალური სტუდიის აწყობაც შესაძლებელია: "საგანგებო მდგომარეობაზე მაუწყებელი გადადის მხოლოდ იმ შემთხვევაში, თუ ქვეყანაში გამოცხადებულია საგანგებო მდგომარეობა. სხვა შემთხვევაში ჩვენ ვალდებულები ვართ და გვაქვს ამის შესაძლებლობა, რომ ამომრჩეველს მივაწოდოთ ინფორმაცია ისე, როგორც ეს სჭირდება ქვეყანას, როგორც ჩვენ ამას გვავალდებულებს კანონი და სხვადასხვა ვალდებულება, რომლებიც ადგილობრივ თუ საერთაშორისო დონეზე საზოგადოებრივ მაუწყებელს გააჩნია", – აცხადებს "მოამბის" წამყვანი ვასილ ივანოვ-ჩიქოვანი.გარდა ამისა, როგორც დღევანდელ პრესკონფერენციაზე გახდა ცნობილი, მაუწყებლის თანამშრომლების განცხადების გასაკეთებლად პირველი არხის მენეჯმენტმა შენობაში არსებული პრესკლუბი არ დაუთმო."28 ნოემბერს ბატონმა ირაკლი კობახიძემ საქართველოს მოსახლეობას ამცნო, რომ ქართული ოცნება - დემოკრატიული საქართველოს ინიციატივით ევროკავშირში წევრობის მოლაპარაკებები 2028 წლამდე გადავადდა.ამ განცხადებას საზოგადოების უწყვეტი პროტესტი მოჰყვა, მათ შორის საზოგადოებრივი მაუწყებლისშენობის წინ.მას შემდეგ, მაუწყებლის თანამშრომელთა ნაწილი ღიად მოვუწოდებთ და ვთხოვთ არხის მენეჯმენტს, რომ ქვეყნისთვის ამ გარდამტეხ და კრიზისულ დროს უპასუხოს საზოგადოების მოთხოვნას და გახსნას დღის სატელევიზიო ეთერი საზოგადოებრივ - პოლიტიკური მსჯელობისთვის.მიმდინარე მოვლენები გვავალდებულებს სატელევიზიო ეთერი დაეთმოს სწორედ სოციალურ-პოლიტიკურ საკითხებზე დიალოგს და არა ფილმებს, რომლებსაც არანაირი კავშირი არ აქვთ დღევანდელ რეალობასთან.მზად ვიყავით და ახლაც ვართ, რომ მენეჯმენტთან ერთად პროაქტიულად ვიმუშაოთ ამ სატელევიზიო ფორმატების და ეთერების შინაარსობრივი და ტექნიკური ორგანიზებისთვის.ვიცით, რომ ნების არსებობის შემთხვევაში საზოგადოებრივ მაუწყებელს აქვს ამის ტექნიკურად უზრუნველყოფის საშუალება.სამწუხაროდ, ჩვენს არაერთ საჯარო მიმართვასა თუ ოფიციალურ წერილს არ მოჰყვა საქმიანი და არგუმენტირებული გამოხმაურება მენეჯმენტის მხრიდან.სატელევიზიო პირდაპირი ეთერის მოთხოვნაზე სიტყვიერი უარის შემდეგ გაგზავნილ ოფიციალურ წერილზეც გაურკვეველი პასუხი მივიღეთ.ჩვენ, საზოგადოებრივი მაუწყებლის ათობით თანამშრომელი ვიაზრებთ ჩვენს როლს და პროფესიულ ვალდებულებას ზოგადად და განსაკუთრებით ქვეყნისთვის ამ რთულ დროს. გვჯერა, რომ პროცესის მიუკერძოებელი და სრულფასოვანი გაშუქება და გაანალიზება ჩვენი, როგორც საზოგადოებრივი მაუწყებლის თანამშრომლების ვალია. მიგვაჩნია, რომ გვაქვს ანგარიშვალდებულება საზოგადოებასთან, რომ ყოველი ჩვენი მომდევნო ნაბიჯი თუ გეგმა ამ პროცესში იყოს საჯარო", - ვკითხულობთ განცხადებაში.

1734951219