Lion-ის კაპიტალიზაციამ 5 მლრდ ფუნტს გადააჭარბა

უწყების ცნობით, უკვე გამოიცა ბრძანება, რომლითაც განისაზღვრა სერტიფიცირებული პორტატული აპარატის მეშვეობით ხმაურის დონის შემოწმების ზუსტი წესი და პირობები.საქართველოს მთავრობის დადგენილების თანახმად, დასახლებულ პუნქტებში ღამის საათებში - 23:00 საათიდან 08:00 საათამდე, სატრანსპორტო საშუალების ექსპლუატაციისას წარმოქმნილი ხმაური 80 დეციბელს არ უნდა აღემატებოდეს.საქართველოს ადმინისტრაციულ სამართალდარღვევათა კოდექსით, დადგენილი ნორმების დარღვევაზე მკაცრი სანქციებია გათვალისწინებული: პირველი შემთხვევა: იწვევს მძღოლის დაჯარიმებას 100 ლარის ოდენობით და მართვის მოწმობაზე 10 ქულის დაკლებას; მეორე შემთხვევა: იგივე ქმედების განმეორება ითვალისწინებს 200 ლარის ოდენობით ჯარიმას და 20 ქულის შემცირებას; მესამე და ყოველი მომდევნო შემთხვევა: გამოიწვევს 300-ლარიან ჯარიმას და მართვის მოწმობის ქულების 30 ქულით შემცირებას.

1783341825

კერძოდ, Lion Finance Group-ის (BGEO LN) აქციები დაიხურა 117.50 ბრიტანულ ფუნტ სტერლინგში (GBP), +8.10% წინა კვირასთან შედარებით და +9.92% გასულ თვესთან შედარებით. ვაჭრობის მოცულობამ 375 ათას აქციაზე მეტი შეადგინა, GBP 108.50 - 117.60 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 89 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 46.08 ბრიტანულ ფუნტ სტერლინგში (GBP), +3.13% წინა კვირასთან შედარებით და +5.69% გასულ თვესთან შედარებით. ვაჭრობის მოცულობამ 445 ათას აქციაზე მეტი შეადგინა, GBP 43.80 - 46.92 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 66 ათასი აქცია შეადგინა.Georgia Capital-ის (CGEO LN) აქციები დაიხურა 45.10 ბრიტანულ ფუნტ სტერლინგში (GBP), +16.09% წინა კვირასთან შედარებით და +12.33% გასულ თვესთან შედარებით. ვაჭრობის მოცულობამ 245 ათას აქციაზე მეტი შეადგინა, GBP 38.25 - 45.70 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 45 ათასი აქცია შეადგინა.

1783331295

ჯგუფი თითო ჩვეულებრივ აქციაზე ₾2.85-ის დივიდენდს 10 ივლისს გაანაწილებს, რომელიც ფუნტ სტერლინგში იმ ინვესტორებზე ანაზღაურდება, რომლებიც კომპანიის აქციონერთა რეესტრში 2026 წლის 26 ივნისის სამუშაო დღის დასრულების მდგომარეობით იყვნენ რეგისტრირებული.დივიდენდის გადახდა საქართველოს ეროვნული ბანკის მიერ დადგენილი ქართული ლარის/ბრიტანული ფუნტი სტერლინგის საშუალო გაცვლითი კურსით მოხდება, რომელიც  2026 წლის 22-26 ივნისის პერიოდისთვის შეადგენდა 3.4967-ს და სწორედ ეს კურსი იქნება გამოყენებული კომპანიის ჩვეულებრივი აქციების მფლობელებისთვის დივიდენდების გადასახდელად.შესაბამისად, თითოეულ ჩვეულებრივ აქციაზე გადასახდელი ფულადი დივიდენდი დაახლოებით £0.81505419-ს შეადგენს.იმ აქციონერებს, რომლებსაც დივიდენდის გადასახდელად Computershare Investor Services PLC-ისთვის არ აქვთ მიწოდებული შესაბამისი საბანკო ანგარიშის რეკვიზიტები, დივიდენდი ბრიტანული სტერლინგით გაცემული ჩეკის სახით გადაეცემათ.

1783330523

მინისტრის განმარტებით, აღნიშნული თანხა საჭირო გახდა ახალი კომპონენტის განსახორციელებლად, რაც ფუნდამენტური საპორტო ინფრასტრუქტურის, მათ შორის ნავმისადგომების, კომუნიკაციებისა და სხვა თანამდევი ინფრასტრუქტურის მოწყობას გულისხმობს. პროექტის ჯამური საინვესტიციო მოცულობა უცვლელი რჩება და 1.1 მილიარდ დოლარს შეადგენს, თუმცა იცვლება დაფინანსების პროპორცია. წინა კონცეფციით, სახელმწიფოს ვალდებულება მხოლოდ მიმდინარე ინფრასტრუქტურა (ტალღმჭრელი და ფსკერის დაღრმავება), ასევე რკინიგზა და მისასვლელი გზა იყო, ახალი მოდელით კი ამ ჩამონათვალს ნავმისადგომების მშენებლობაც დაემატა.მარიამ ქვრივიშვილის განცხადებით, მიმდინარე სამშენებლო სამუშაოების ფარგლებში 50-52 მილიონი დოლარის ოპტიმიზაცია განხორციელდა. შესაბამისად, ნაცვლად 250 მილიონისა, სახელმწიფოს დამატებით 200 მილიონი დოლარის მოძიება დასჭირდება, რაც საბიუჯეტო სახსრებითა და საერთაშორისო საფინანსო ინსტიტუტებთან (IFI) თანამშრომლობით დაფინანსდება. მინისტრის თქმით, საერთაშორისო დონორებთან მოლაპარაკებები უკვე დაწყებულია და პროექტის მიმართ დიდი ინტერესი არსებობს. კერძო საერთაშორისო ოპერატორებს კი ინვესტიციების ჩადება ნავმისადგომების სრულად აღჭურვისთვის მოუწევთ.რაც შეეხება ჩინურ-სინგაპურულ კონსორციუმთან თანამშრომლობას, მინისტრმა აღნიშნა, რომ მხარეები აქტიურ მუშაობას განაგრძობენ. „ჩვენ ვრჩებით ძალიან მეგობრულ და პარტნიორულ რეჟიმში ჩინურ მხარესთან. დარწმუნებულები ვართ, რომ ამ პროექტის მნიშვნელობიდან გამომდინარე, ვიხილავთ ჩინური მხარის ჩართულობას ანაკლიის პორტის განახლებულ მოდელში“, - განაცხადა ქვრივიშვილმა. მანვე დასძინა, რომ თუ კონკრეტულად ვინ იქნება ახალ მოდელში ჩინური მხარის წარმომადგენელი, ეს მიმდინარე სამუშაო პროცესში უფრო ნათლად გამოჩნდება.საბოლოო ჯამში, სახელმწიფო ანაკლიის პორტში ინვესტირებას სამი მიმართულებით განახორციელებს: დაღრმავებითი და ტალღმჭრელის სამუშაოები, რკინიგზისა და დამაკავშირებელი გზის მოწყობა და ახალი კომპონენტი - ძირითადი საპორტო ინფრასტრუქტურისა და ნავმისადგომების მშენებლობა.ანაკლიის ღრმაწყლოვანი პორტის თავდაპირველი პროექტის მიხედვით, ნავსადგურს პირველი გემი ჯერ კიდევ 2020 წელს უნდა მიეღო. თუმცა, სწორედ იმ წელს საქართველოს მთავრობამ „ანაკლიის განვითარების კონსორციუმთან“ 2016 წელს გაფორმებული საინვესტიციო ხელშეკრულება გააუქმა, რამაც პროექტის განხორციელება წლებით შეაფერხა.მოგვიანებით, 2024 წლის 29 მაისს, მთავრობამ გამოაცხადა, რომ პორტის 49-პროცენტიან წილს ჩინურ-სინგაპურული კონსორციუმი China Communications Construction Company ჩაიბარებდა. ეს ფირმა ჩინეთის ამბიციური გლობალური პროექტის, „სარტყლისა და გზის“ ინიციატივის ერთ-ერთი მთავარი მოთამაშეა, თუმცა, ამავდროულად, სამხრეთ ჩინეთის ზღვაში განხორციელებული დესტრუქციული ქმედებების გამო შეერთებულ შტატებს „შავ სიაში“ ჰყავს შეყვანილი.მიუხედავად ჩინური მხარის გამოჩენისა, პროექტით დასავლელი პარტნიორებიც ინტერესდებიან. 2026 წლის მარტში ანაკლიის პორტის გეგმა თბილისში ვიზიტად მყოფ აშშ-ის სახელმწიფო დეპარტამენტის ევროპისა და ევრაზიის საქმეთა ბუროს წარმომადგენელს, პიტერ ანდრეოლის გააცნეს. ამ დროისთვის ოფიციალური საინვესტიციო ხელშეკრულება მხარეებს შორის ჯერ კიდევ არ არის გაფორმებული და დეტალურ შეთანხმებაზე მუშაობა გრძელდება.პრემიერ-მინისტრ ირაკლი კობახიძის განცხადებით, ამ ეტაპზე პორტის პირველი ფაზის დასრულება 2029 წლისთვის არის მოსალოდნელი. პორტის მშენებლობის პარალელურად, მიმდინარეობს მუშაობა მისასვლელი საავტომობილო გზისა და რკინიგზის მოწყობაზეც.

1783330510

სააგენტოში განმარტავენ, რომ ახალი მექანიზმით ორ ქვეყანას შორის საერთაშორისო სატვირთო გადაზიდვების განმახორციელებელ კომპანიებს შესაძლებლობა ექნებათ, სანებართვო დოკუმენტებით სრულად ციფრულ ფორმატში ისარგებლონ. აღნიშნული ცვლილება მნიშვნელოვნად გაამარტივებს ადმინისტრაციულ პროცედურებს, შეამცირებს მატერიალური (ქაღალდის) დოკუმენტების დამუშავების საჭიროებას, დააჩქარებს ნებართვების გაცემისა და კონტროლის პროცესს და გაზრდის სექტორის ეფექტიანობას, მიაჩნიათ სააგენტოში.სახმელეთო ტრანსპორტის სააგენტოს დირექტორის, ბაკურ მიქაძის განმარტებით, ციფრული სანებართვო სისტემა ორმხრივ პრინციპზეა დაფუძნებული, რაც ნიშნავს, რომ ორივე ქვეყანა ერთიან ელექტრონულ პლატფორმას იყენებს. ეს უზრუნველყოფს მონაცემთა სწრაფ და უსაფრთხო მიმოცვლას, ამცირებს ტექნიკურ-ადმინისტრაციულ შეფერხებებს და ქმნის უფრო გამჭვირვალე მექანიზმს გადაზიდვების ადმინისტრირებისთვის. მისივე თქმით, ამ ეტაპზე შექმნილია სამუშაო ჯგუფი და სააგენტო გეგმავს, სხვა პარტნიორ ქვეყნებთან მოქმედი სისტემებიც ეტაპობრივად გადაიყვანოს ციფრულ ფორმატზე.სააგენტოში მიიჩნევენ, რომ ECMT-ის (ტრანსპორტის მინისტრთა ევროპის კონფერენციის მრავალმხრივი ნებართვა) ელექტრონული სისტემისა და თურქეთთან ციფრული სანებართვო მექანიზმის ამოქმედება სფეროს განვითარების მნიშვნელოვანი ეტაპია. აღნიშნული რეფორმა ხელს შეუწყობს ტრანსპორტისა და ლოგისტიკის სექტორის განვითარებას, საერთაშორისო ვაჭრობის გამარტივებას და რეგიონულ სატრანზიტო ჰაბად საქართველოს როლის კიდევ უფრო გაძლიერებას.

1783329029

გარემოს დაცვისა და სოფლის მეურნეობის სამინისტროს ინფორმაციით, შესაბამისი ცვლილება შევიდა „ტექნიკური რეგლამენტის − სურსათთან შეხებისთვის განკუთვნილი პლასტმასის მასალებისა და ნაკეთობების (საგნების) შესახებ“ მთავრობის 2022 წლის 8 ივნისის №304 დადგენილებაში.მიღებული ცვლილების თანახმად, დაწესებული შეზღუდვებისთვის ახალი ვადები განისაზღვრა. კერძოდ, პლასტმასის ერთჯერადი სასურსათო კონტეინერების აკრძალვის ამოქმედების ახალ თარიღად 2027 წლის პირველი იანვარი დასახელდა, ხოლო ერთჯერადი ჭიქების აკრძალვა ძალაში 2027 წლის პირველი ივლისიდან შევა.

1783324364

აღნიშნული მოდელის მიხედვით, სახელმწიფო დარჩება ძირითადი საზღვაო და საპორტო ინფრასტრუქტურის მესაკუთრე და თავად უზრუნველყოფს მის განვითარებასა და მართვას. მინისტრის განმარტებით, Landlord-ის მოდელი ქვეყანას მისცემს შესაძლებლობას, ანაკლიის პორტი ერთდროულად რამდენიმე სახელმწიფოსთან და კომპანიასთან პარტნიორობით განავითაროს, რაც საუკეთესო პირობებს შექმნის ტვირთების მოსაზიდად.საპორტო ინფრასტრუქტურის შექმნასთან ერთად, სახელმწიფო საკუთარი სახსრებით უზრუნველყოფს ანაკლიამდე მისასვლელი საავტომობილო გზისა და რკინიგზის მოწყობას. რაც შეეხება საკონტეინერო და ნაყარი ტვირთების ტერმინალებს, ამ მიმართულებით საჭირო ინვესტიციებს საერთაშორისო ინვესტორები და კერძო ოპერატორები განახორციელებენ.მარიამ ქვრივიშვილის განცხადებით, საქართველოს მთავრობა განსაკუთრებულად მიესალმება ანაკლიის პორტში „შუა დერეფნის“ მონაწილე ქვეყნებიდან - ჩინეთიდან, ცენტრალური აზიის სახელმწიფოებიდან და აზერბაიჯანიდან განხორციელებულ ინვესტიციებს.„მიღებული გადაწყვეტილება ეფუძნება მთავარ მიზანს, პარტნიორი ქვეყნების თანამონაწილეობითა და მათი ინტერესების გათვალისწინებით, ანაკლიის პორტი საერთაშორისო ინტერესების, კაპიტალისა და ტვირთნაკადის თავმოყრის ცენტრად ჩამოყალიბდეს. ეს გადაწყვეტილება კიდევ უფრო განამტკიცებს საქართველოს ეროვნულ ინტერესებს, შექმნის ახალ ეკონომიკურ შესაძლებლობებს და ჩვენს ქვეყანას შუა დერეფნის პროექტის საკვანძო მონაწილედ აქცევს“, - აღნიშნა ეკონომიკის მინისტრმა.ანაკლიის ღრმაწყლოვანი პორტის თავდაპირველი პროექტის მიხედვით, ნავსადგურს პირველი გემი ჯერ კიდევ 2020 წელს უნდა მიეღო. თუმცა, სწორედ იმ წელს საქართველოს მთავრობამ „ანაკლიის განვითარების კონსორციუმთან“ 2016 წელს გაფორმებული საინვესტიციო ხელშეკრულება გააუქმა, რამაც პროექტის განხორციელება წლებით შეაფერხა. მოგვიანებით, 2024 წლის 29 მაისს, მთავრობამ გამოაცხადა, რომ პორტის 49-პროცენტიან წილს ჩინურ-სინგაპურული კონსორციუმი China Communications Construction Company ჩაიბარებდა. ეს ფირმა ჩინეთის ამბიციური გლობალური პროექტის, „სარტყლისა და გზის“ ინიციატივის ერთ-ერთი მთავარი მოთამაშეა, თუმცა, ამავდროულად, სამხრეთ ჩინეთის ზღვაში განხორციელებული დესტრუქციული ქმედებების გამო შეერთებულ შტატებს „შავ სიაში“ ჰყავს შეყვანილი.მიუხედავად ჩინური მხარის გამოჩენისა, პროექტით დასავლელი პარტნიორებიც ინტერესდებიან. 2026 წლის მარტში ანაკლიის პორტის გეგმა თბილისში ვიზიტად მყოფ აშშ-ის სახელმწიფო დეპარტამენტის ევროპისა და ევრაზიის საქმეთა ბუროს წარმომადგენელს, პიტერ ანდრეოლის გააცნეს. ამ დროისთვის ოფიციალური საინვესტიციო ხელშეკრულება მხარეებს შორის ჯერ კიდევ არ არის გაფორმებული და დეტალურ შეთანხმებაზე მუშაობა გრძელდება. პრემიერ-მინისტრ ირაკლი კობახიძის განცხადებით, ამ ეტაპზე პორტის პირველი ფაზის დასრულება 2029 წლისთვის არის მოსალოდნელი. პორტის მშენებლობის პარალელურად, მიმდინარეობს მუშაობა მისასვლელი საავტომობილო გზისა და რკინიგზის მოწყობაზეც.

1783323334

სომხური მედიის ინფორმაციით, ვიზიტის ფარგლებში მთავრობის მეთაური ფორუმის ღონისძიებებს დაესწრება. „ინოპრომი“ ტრადიციულად წარმოადგენს პლატფორმას, სადაც განიხილება სამრეწველო კოოპერაციის, ტექნოლოგიური განვითარების და საინვესტიციო თანამშრომლობის საკითხები.ვიზიტის პროგრამის ერთ-ერთი მთავარი ნაწილი იქნება ნიკოლ ფაშინიანისა და რუსეთის პრემიერ-მინისტრის მიხაილ მიშუსტინის შეხვედრა. მოსალოდნელია, რომ მხარეები სომხეთ-რუსეთის სავაჭრო-ეკონომიკური თანამშრომლობის აქტუალურ საკითხებს, ასევე სამრეწველო და საინვესტიციო სფეროებში თანამშრომლობის შემდგომ პერსპექტივებს განიხილავენ.ვიზიტი იმ ფონზე მიმდინარეობს, როდესაც ერევანსა და მოსკოვს შორის ორმხრივი დღის წესრიგისა და რეგიონული თანამშრომლობის საკითხებზე კონტაქტები გრძელდება.

1783322615