ქართუმ I კვარტალში 7.5 მლნ-მდე მოგება მიიღო

საქართველოს მთავრობის დადგენილებით დამტკიცებული სარკინიგზო უსაფრთხოების წესის თანახმად, 2025 წლის 1 იანვრიდან მისასვლელი ლიანდაგის მფლობელები, სარკინიგზო ინფრასტრუქტურის მართვისა და ოპერირებისთვის უნდა ფლობდნენ უსაფრთხოების ავტორიზაციას.„დღეს პირველი უსაფრთხოების ავტორიზაცია გაიცა ინფრასტრუქტურის მენეჯერისთვის, შპს „თბილისი დრაი პორტისთვის“, რომელიც არის მისასვლელი ლიანდაგის მფლობელი. განაცხადების მიღება გრძელდება. პროცესის ეფექტურად წარსამართად, სააგენტო აქტიურად უწევს კონსულტაციას  და თანამშრომლობს დარგში მოქმედ სარკინიგზო საწარმოებთან და ინფრასტრუქტურის მენეჯერებთან. მათ მიეწოდათ ყველა საჭირო ინფორმაცია იმის თაობაზე, თუ როგორ უნდა უზრუნველყონ, ახალი სარკინიგზო წესების დაკმაყოფილება“, - განაცხადა სარკინიგზო ტრანსპორტის სააგენტოს დირექტორმა, ერეკლე კეჟერაშვილმა.მისივე თქმით, უსფრთხოების ავტორიზაციის მინიჭება ხელს შეუწყობს სარკინიგზო უსაფრთოხების დონის გაუმჯობესებას, ამასთან უზრუნველყოფს ევროკავშირის ასოცირების შესახებ შეთანხმებით გათვალისწინებული მოთხოვნების დაკმაყოფილებას, სარკინიგზო ტრანსპორტის დარგში.უსაფრთხოების ავტორიზაციის მისაღებად, მისასვლელი ლიანდაგის მფლობელებმა დადგენილი ფორმის განცხადებით და თანდართული დოკუმენტაციით 1 მაისამდე უნდა მიმართონ სარკინიგზო ტრანსპორტის სააგენტოს. სარკინიგზო სისტემაში უკვე მოქმედი სუბიექტებისთვის დაწესებულია გარდამავალი პერიოდი; განცხადების წარმოდგენა სავალდებულოა 1 მაისამდე, თუმცა, სააგენტოს მიერ გადაწყვეტილების მიღებამდე მათ უწყვეტად შეუძლიათ საქმიანობის გაგრძელება.მისასვლელი ლიანდაგის მფლობელის უსაფრთხოების ავტორიზაციის მინიჭებისთვის აუცილებელი პირობაა, რომ წარმოდგენილ განცხადებას, სხვა მოთხოვნილ დოკუმენტებთან ერთად, თან დაერთოს მისასვლელი ლიანდაგის მფლობელის მიერ შემუშავებული უსაფრთხოების მართვის სისტემა, სარკინიგზო უსაფრთხოების წესის დანართი V-ის მოთხოვნების შესაბამისად.დამატებითი ინფორმაცია შეგიძლიათ იხილოთ სსიპ - სარკინიგზო ტრანსპორტის სააგენტოს ვებგვერდზე: rta.gov.ge

1744979113

2025 წელს, გლობალური მშპ-ის ზრდა 0.4%პ-ით დაიკლებს და 2%-ს ჩამოცდება. სარეიტინგო კომპაბიის კვარტალურ განახლებაზე დაყრდნობით, BRG წერს, რომ გლობალური ეკონომიკისთვის ყველაზე ცუდი შეფასებაა, 2009 წლის შემდეგ, კორონავირუსის პანდემიის პერიოდს თუ გამოვრიცხავთ.აშშ-ის მშპ-ს ზრდის პროგნოზი 0,5%პ-ით, 1,2%-მდე შემცირდა. ასევე ჩინეთის მშპ-ს ზრდის პროგნოზი  და 4%-ზე ქვემოთ ივარაუდება.განახლებული პროგნოზით, აშშ-ში ზრდა თანდათან შენელდება და Q4/2025-ში 0.4%-ზე ჩამოვა. ჩინეთის ეკონომიკური ზრდა 2026 წელს 4%-ზე ნაკლები დარჩება.Fitch-ის პროგნოზით, ევროზონის ეკონომიკა წელს 1%-ზე ბევრად ნაკლებად გაიზრდება. ამასთან, Fitch-ის ანალიტიკოსებმა Brent-ის ნავთობის ფასების პროგნოზი მიმდინარე წლისთვის $5-ით შეამცირეს, ბარელზე $65-მდე.

1744906440

კერძოდ, სების მიხედვით, მარტში თებერვალთან შედარებით მნიშვნელოვნად ნაკლებია იმ რესპონდენტთა რაოდენობა, რომლებიც საკუთარ პროდუქტზე ფასების მატებას 2%-4%-ის ფარგლებსა და 8%-ზე მეტად ელოდებიან. ამავე დროს მომატებულია იმ რესპონდენტთა წილი, რომლებიც ფასების ცვლილებას 0%-2%, 4%-6% და 6%-8%-ის ინტერვალში ვარაუდობენ.ამავდროულად, ეკონომიკური საქმიანობის მონაწილეთა მიხედვით, მარტში, თებერვალთან შედარებით, ერთწლიან პერიოდზე ინფლაციური მოლოდინები მომატებულია. იმ რესპონდენტთა რაოდენობა, რომლებიც მომდევნო 1 წლის მანძილზე ფასების ზრდას 4%-6%-ისა და 6%- 8%-ის ინტერვალში ფიქრობენ, გაიზარდა. ხოლო, დაკლებულია იმ რესპონდენტთა ხვედრითი წილი, რომლებიც 1 წლის ჰორიზონტზე ინფლაციას უფრო დაბალ ინტერვალში, 0%-2%-ისა და 2%-4%-ის ფარგლებში, მოიაზრებენ. ასევე, მარტში წინა თვისაგან განსხვავებით, აღარ არიან ისეთი რესპონდენტებიც, რომლებიც სამომხმარებლო ფასების შემცირებას -2%-0% ინტერვალსა და -2%-ზე ნაკლებად ელოდებიან. თუმცა აღსანიშნავია, რომ შემცირებულია იმ რესპონდენტთა რაოდენობა, რომლებიც სამომხმარებლო ფასების ზრდას 8%-ზე მეტად ელოდებიან.გამოკითხულთა აზრით, მარტში თებერვალთან შედარებით სამწლიან პერიოდზე ინფლაციური მოლოდინები გაზრდილია. ერთი მხრივ, თებერვალთან შედარებით, მომატებულია იმ მონაწილეთა რაოდენობა, რომლებიც მომდევნო სამი წლის მანძილზე ფასების ცვლილებას 8%-ზე მეტად ელოდებიან. მეორე მხრივ, შემცირებულია იმ მონაწილეთა რაოდენობა, რომლებიც ფასების ცვლილებას შედარებით დაბალი ზრდის ინტერვალში, 4%-6%-ის ფარგლებში, პროგნოზირებენ. ამასთანავე, მომატებულია იმ რესპონდენტთა წილი, რომლებიც ინფლაციას 2%-4%-ის ფარგლებში მოელიან.გამოკითხვის შედეგებით, მარტში თებერვალთან შედარებით მოლოდინები ხელფასების ზრდაზე მცირედით მომატებულია. კერძოდ, გაზრდილია იმ რესპონდენტთა რაოდენობა, რომლებიც ხელფასების ცვლილებას 0%-10%-ისა და 10%-20%-ის ფარგლებში ელოდებიან. ამავე დროს, შემცირებულია იმ რესპონდენტთა რაოდენობა, რომლებიც ხელფასების ცვლილებას -10%-0%-ის მიდამოში მოიაზრებენ.კვლევის მიხედვით, მარტში კომპანიაში წარმოებისათვის საჭირო რესურსების გამოყენების ეფექტიანობა (კომპანიის რესურსების რეალური გამოყენება, მაქსიმალურ გამოყენებასთან შედარებით) თებერვალთან შედარებით გაზრდილია.

1744896681

“თეგეტა ჰოლდინგმა“, თიბისი კაპიტალის მხარდაჭერით, 30 მილიონი ევროს მულტისავალუტო ობლიგაციების პროგრამის ფარგლებში, მე-4 და ბოლო ტრანშის სახით, 10 მილიონი აშშ დოლარის, 2-წლიანი, საჯარო ობლიგაციები  საქართველოს საფონდო ბირჟაზეც დაეშვება.საპროცენტო განაკვეთი 8%-ით განისაზღვრა, რაც “თეგეტას” დოლარში დენომინირებულ ობლიგაციებს შორის, ყველაზე დაბალი განაკვეთია. ინვესტორები სარგებელს 6 თვეში ერთხელ მიიღებენ, ობლიგაციების ძირი თანხა კი 2027 წლის აპრილში დაიფარება.ამ ემისიით, კომპანიამ 2024 წლის აპრილში გამოცხადებული ობლიგაციების პროგრამა დაასრულა.„მასშტაბური პროგრამა ადგილობრივი კაპიტალის ბაზრის მნიშვნელოვანი პრეცედენტია, რომელიც კიდევ ერთხელ ადასტურებს, რომ როგორც წამყვანი საინვესტიციო ბანკი", - თიბისი კაპიტალის დირექტორმა ოთარ შარიქაძემ აღნიშნა, რომ საინვესტიციო ბანკი 2024 წელს ჯამში 620 მლნ ლარზე მეტი მოცულობის ფასიანი ქაღალდების გამოშვებაში მონაწილეობდა. სულ 16 ტრანზაქციაში (IFI ობლიგაციების გამოკლებით), რაც ბაზრის 60%-ია.თეგეტა უმსხვილესი საავტომობილო კომპანიაა კავკასიასა და ცენტრალურ აზიაში, რომელიც მომხმარებელს საავტომობილო ეკოსისტემის სრულ სპექტრს სთავაზობს მსუბუქი, სატვირთო, სამშენებლო, კომერციული, სამგზავრო და ინდუსტრიული ტრანსპორტის მიმართულებით.ქვეყანაში 28 სერვის ცენტრი აქვს. 300-მდე მსოფლიო ბრენდის პარტნიორია. მ.შ. Porsche, Lamborghini, Bentley, Toyota, Mazda, Volvo, Man, JCB, Bridgestone, Michelin, Pirelli, Shell, Petronas...

1744895482

თურქული მედიის ცნობით, ამის შესახებ თურქული რეგულატორი ხუთშაბათის სხდომის დასრულების შემდეგ ავრცელებს ინფორმაციას.საფინანსო ბაზრის ანალიტიკოსების უმრავლესობა რეფინანსირების განაკვეთის არსებულ ნიშნულზე შენარჩუნებას ელოდა.თურქსტატის მონაცემებით, თურქეთში მარტში წლიური ინფლაცია 38,1%–მდე შენელდა. ეს მაჩვენებელი იანვარში 42,12%–ს, ხოლო თებერვალში 39,05%–ს შეადგენდა.

1744894291

„დღევანდელ შეხვედრაზე ახალგაზრდებთან გვქონდა შესაძლებლობა გვესაუბრა სხვადასხვა მნიშვნელოვან საკითხებზე და მოხარული ვარ, რომ მაღალი იყო ინტერესი სტუდენტების მხრიდან. დეტალურად განვიხილეთ, როგორც გასული წლის არჩევნები, ასევე ის ტექნოლოგიური მიღწევები, რომელიც საარჩევნო ადმინისტრაციას გააჩნია და გვქონდა საინტერესო მიმოხილვა საარჩევნო საკითხებთან დაკავშირებით. რა თქმა უნდა, ასეთი ტიპის შეხვედრები მომავალშიც გაგრძელდება და ჩვენ ცნობიერების ამაღლების ჭრილში, ისევე როგორც საინფორმაციო კამპანიების ნაწილში გვექნება ხშირი შეხვედრები ახალგაზრდებთან, რათა ერთის მხრივ მივაწოდოთ მათ ინფორმაცია საარჩევნო საკითხებთან დაკავშირებით და ამით გავზარდოთ მათი მოტივაცია სხვადასხვა საარჩევნო პროცესებში ჩართულობასთან დაკავშირებით.“, - განაცხადა გიორგი კალანდარიშვილმა.ელექტრონული ტექნოლოგიების მუშაობასთან დაკავშირებით სტუდენტებს დეტალური ინფორმაცია ელექტრონული ტექნოლოგიების პროექტის მენეჯერმა ნიკოლოზ იოვაძემ მიაწოდა. ვიზიტის ფარგლებში ახალგაზრდებმა ცენტრალური საარჩევნო კომისიის სამუშაო სივრცეებიც დაათვალიერეს, უწყების მუშაობის სპეციფიკა მათ ცესკოს პრესსპიკერმა ნათია იოსელიანმა გააცნო.შეხვედრა ინტერაქციულ რეჟიმში გაიმართა, სადაც ახალგაზრდებს ჰქონდათ შესაძლებლობა, პასუხები მიეღოთ მათთვის საინტერესო და აქტუალურ კითხვებზე. მსგავსი ტიპის შეხვედრები მომავალში გაგრძელდება, რაც ხელს შეუწყობს სამოქალაქო ცნობიერების ამაღლებას საარჩევნო საკითხებზე და საარჩევნო პროცესებისადმი ინტერესის გაღვივებას.

1744894242

 „მსოფლიო და საქართველო: მიმდინარე ტენდენციები“ - ამერიკის სავაჭრო პალატის წევრი კომპანიების, საერთაშორისო საფინანსო ინსტიტუტებისა და სხვადასხვა ქვეყნის საელჩოების წარმომადგენლები დაესწრნენ.თიბისი კაპიტალის დირექტორმა და კვლევების მიმართულების ხელმძღვანელმა სავაჭრო პალატის წევრებს გაუზიარეს მოლოდინები, თუ რა გავლენას იქონიებს აშშ-ის სატარიფო პოლიტიკა გლობალურ და ადგილობრივ ბაზრებზე, ასევე, მიმოიხილეს ქვეყნის მაკროეკონომიკური და სექტორული ტენდენციები და პროგნოზები.აშშ-ის მიერ დაწესებული ტარიფები, შესაძლოა, უარყოფითად აისახოს გლობალურ ეკონომიკაზე, რაც გავლენას მოახდენს საქართველოზეც, მათ შორის ექსპორტზე, ფასებსა და ლარის კურსზე. მნიშვნელოვანია, რომ აშშ-ის წილი საქართველოს იმპორტში 12.2%-ია, ექსპორტში – 2.1%, ინვესტიციებში – 7.4%-ს შეადგენს, ხოლო ფულად გზავნილებში – 18.4%-ს.შეხვედრაზე განიხილეს უძრავი ქონების და ტურიზმის სექტორიც. თიბისი კაპიტალის მაკროეკონომიკური განახლების თანახმად, თბილისში უძრავი ქონების გაყიდვები 2025 წლის I კვარტალში შემცირდა, თუმცა ფასებში მნიშვნელოვანი ცვლილებები არ შეინიშნება. აღსანიშნავია, რომ 2023-2024 წლებში თბილისში გაცემულია 2.7 მილიონი მ² საცხოვრებელი ფართობის მშენებლობის ნებართვა, რაც ბაზარზე მიწოდების ზრდას ნიშნავს.ტურიზმის სექტორის მომოხილვისას აღინიშნა, რომ 2024 წელს საერთაშორისო ვიზიტებმა 6.45 მილიონს მიაღწია, რაც 4.6%-ით აღემატება წინა წლის მაჩვენებელს. ამასთან, ვიზიტორების რაოდენობა იზრდება ჩინეთიდან, ინდოეთიდან და ყაზახეთიდან, რაც უვიზო რეჟიმისა და პირდაპირი ფრენების შედეგია. 

1744889011

მათივე ცნობით, პროექტი გააუმჯობესებს საქართველოს ელექტროგადამცემი ქსელის შესაძლებლობებს უფრო დიდი მოცულობის განახლებადი ენერგიის ინტეგრაციისთვის თბილისთან ახლოს, ქსანში მდებარე ქვესადგურში 200-მეგავატიანი/200 - მეგავატ საათიანი სააკუმულატორო ქვესადგურის დამატებით.ADB-ის მიერ გავრცელებულ ინფორმაციაშია აღნიშნულია, რომ ობიექტი გააძლიერებს ქვეყნის ენერგოუსაფრთხოებას, შეამცირებს მეზობელ ქვეყნებზე დამოკიდებულებას და გაზრდის კერძო სექტორის მონაწილეობის შესაძლებლობებს.„ADB საქართველოს ხანგრძლივი პარტნიორია და მხარს უჭერს ქვეყნის ენერგოსექტორის გაძლიერებას. ახალი პროექტი კიდევ ერთი წინგადადგმული ნაბიჯია ქვეყნის ენერგოდამოუკიდებლობისკენ. განახლებადი ენერგიის უზარმაზარი პოტენციალითა და ამბიციური განვითარების მიზნებით, საქართველო მზად არის, მეტი ეკონომიკური სარგებელი მიიღოს საკუთარი განახლებადი რესურსებიდან“, – განაცხადა ADB-ის საქართველოში მუდმივი წარმომადგენლობის დირექტორმა, ლესლი ბეარმან ლამმა.ელექტროენერგიის მოხმარების ზრდა, ნალექიანობისა და წყლის ხელმისაწვდომობის ცვლილება სერიოზულ რისკებს უქმნის ჰიდროენერგიას, რომელზეც საქართველოს ენერგოსექტორი მნიშვნელოვნად არის დამოკიდებული. ინოვაციური ტექნოლოგიები, როგორიცაა სააკუმულატორო ქვესადგური და მწვანე წყალბადი, მნიშვნელოვანია კლიმატის ცვლილების რისკების დაძლევისა და მოსახლეობისთვის მდგრადი ენერგიის მიწოდებისთვის.ADB-მა ასევე დაამტკიცა 400,000 აშშ დოლარის ოდენობის გრანტი, რომელიც დაეხმარება საქართველოს მწვანე წყალბადის განვითარების მიმართულებით. გრანტი ხელს შეუწყობს მთავრობის მიერ წყალბადის პოტენციალის განსაზღვრას და კერძო სექტორის ჩართვის წახალისებისთვის საჭირო პირობების შემუშავებას.„ჩვენ ვხედავთ მწვანე წყალბადის განვითარების ძლიერ პოტენციალს საქართველოში. ზედმეტი ენერგია, რომელიც წარმოიქმნება პიკის სეზონებზე, შესაძლებელია გარდაიქმნას წყალბადად, შეინახოს და ასევე გაიყიდოს ევროკავშირის ენერგეტიკულ ბაზრებზე, რაც გააძლიერებს საქართველოს ენერგოსისტემას და შექმნის ახალ ეკონომიკურ შესაძლებლობებს“, – განაცხადა ADB-ის ენერგეტიკის წამყვანმა სპეციალისტმა, ადნან ტარინმა.ADB-ის ცნობით, პროექტი გააუმჯობესებს სამართლებრივ და რეგულირების ჩარჩოებს, რომლებიც აუცილებელია სააკუმულატორო ქვესადგურისა და მწვანე წყალბადის მსგავსი შენახვის ტექნოლოგიების ქსელში ინტეგრაციისთვის.„ეს ხელს შეუწყობს განახლებადი ენერგიის განვითარების პროცესში კერძო ინვესტიციების მოზიდვას და უფრო მასშტაბური სააკუმულატორო ქვესადგურებისა და მწვანე წყალბადის ობიექტების განვითარებას.პროექტი ხელს უწყობს საქართველოს მთავრობის ენერგეტიკული სექტორის რეფორმირების, სუფთა ენერგიის ვაჭრობის რეგიონულ პლატფორმად ჩამოყალიბებისა და გადამცემი ქსელის ეფექტიანობის გაუმჯობესების მიზნებს, რაც ასახულია ADB-ის საქართველოსთან პარტნიორობის 2024–2028 წლების სტრატეგიაში. საქართველოს ეკონომიკისა და მდგრადი განვითარების სამინისტრო იქნება პასუხისმგებელი პროექტის განხორციელებასა და დაგეგმილი რეფორმების მონიტორინგზე, ხოლო საქართველოს სახელმწიფო ელექტროსისტემა იმოქმედებს პროექტის განმახორციელებელ სააგენტოდ“, – აღნიშნულია ინფორმაციაში.

1744886072