1Q25-ში საქართველოს აეროპორტებში მგზავრთნაკადი თითქმის 9%-ით გაიზარდა

გალტ & თაგარტმა, GTN-თან პარტნიორობით, უკვე შეძლო მომხმარებლებისთვის შეეთავაზებინა ინვესტირების გაუმჯობესებული გამოცდილება. სიახლე შეეხო G&T Trader–ის ონლაინ სავაჭრო პლატფორმას, რომელსაც ახალი ფუნქციონალები დაემატა. განახლებული G&T Trader-ის საშუალებით, კომპანიამ მომხმარებლებს მსოფლიოს მასშტაბით უფრო მეტ საფონდო ბირჟაზე კიდევ უფრო მრავალფეროვანი ინსტრუმენტებით ვაჭრობის შესაძლებლობა მისცა.თანამშრომლობის შედეგად, გალტ & თაგარტის ონლაინ საინვესტიციო პლატფორმაზე ხელმისაწვდომია: აშშ-ის, ევროპის, აზიისა და ახლო აღმოსავლეთის უფრო მეტი საფონდო ბირჟა; აქციები, ETF-ები, ფონდები, ობლიგაციები, CFD-ები, ოფციონები, FX და სხვა აქტივების კლასების დიდი არჩევანი; 24-საათიანი ვაჭრობის შესაძლებლობა ამერიკულ აქციებსა და ETF-ებზე. ალგორითმული დავალებების მრავალფეროვანი არჩევანი; წილადობრივი აქციები, ETF-ები და ობლიგაციები. ინტერფეისის ცვლილება საკუთარი საჭიროებებიდან გამომდინარე. Trading View - გრაფიკების უკეთესი ანალიზისთვის და სხვა უპირატესობები. „მოხარული ვართ, რომ ვთანამშრომლობთ მსოფლიოს ერთ-ერთ წამყვან ფინანსურ-ტექნოლოგიურ ორგანიზაციასთან — GTN. ვაფასებთ მათ ინოვაციურობასა და მრავალწლიან გამოცდილებას საინვესტიციო ტექნოლოგიების განვითარებაში. მათი მხადარდაჭერით, ჩვენ მომხმარებლებისთვის ვავითარებთ საინვესტიციო პლატფორმას, სადაც მათ საკუთარი პორტფელის უფრო ეფექტიანად დივერსიფიცირების შესაძლებლობა აქვთ, იღებენ უფრო მეტად ინფორმირებულ და მონაცემებზე დაფუძნებულ გადაწყვეტილებებს, შედეგად, კიდევ უფრო უკეთ განკარგავენ საკუთარ აქტივებს. ჩვენ მადლობას ვუხდით GTN-ის გუნდს პარტნიორობისა და მხარდაჭერისთვის და იმედი გვაქვს, მომავალში, საერთო ძალებით, ინვესტირებით დაინტერესებულ ადამიანებს კიდევ არაერთ საინტერესო სიახლეს შევთავაზებთ“, — აცხადებს გიორგი კუპრაშვილი, გალტ & თაგარტის გენერალური დირექტორი.„GTN-ისთვის სასიხარულოა Galt and Taggart-თან, საქართველოში წამყვან საინვესტიციო ბანკთან პარტნიორობა. ჩვენი ერთობლივი სავაჭრო და საინვესტიციო ინსტრუმენტი შექმნილია ყველაზე პრესტიჟული ორგანიზაციებისთვის, რომლებიც ფართო სამომხმარებლო ბაზას ემსახურებიან. ჩვენი გაერთიანებული ძლიერი მხარეებით, მომავალ წლებში საქართველოს ბაზარზე მრავალი ინოვაციის დანერგვას ველით“, - განაცხადა დამიან ბანსმა, GTN-ის ახლო აღმოსავლეთის რეგიონის აღმასრულებელმა დირექტორმა.

1747741582

მ/ო -მ ხანგრძლივი ლოდინის შემდეგ 100 000-იანი სასესხო შეზღუდვა მოიხსნა (16.05 2025-დან), რაც ბიზნესკლიენტთან დამფინანსებლის გრძელვადიან პარტნიორობაც ზღუდავს, რადგან კრედიტორი ბიზნესის გაფართოებასთან ერთად გაზრდილ საჭიროებებს, 100 000 ლარიან ლიმიტით ვეღარ აკმაყოფილებს და მომხმარებელს კარგავს.16 მაისიდან სასესხო ზღვრის აწევასთან ერთად  მისოების შესაძლებლობებიც გაიზარდა. თუმცა  ამასთან რეგულაციაც გამკაცრდა. სექტორს კაპიტალის გაზრდა მოუწევს. მისოს პორტფელში 100 000 -ზე მეტი მოცულობის სესხები საზედამხედველო კაპიტალის 50% -ს არ უნდა აღემატებოდეს.ახალი ნორმებით (რომელიც სექტორს სებ-მა გასულ კვირას გააცნო) მ/ო-ს მოუწევს კორპორაციული და საოპერაციო რისკების მართვის გაუმჯობესება. ახალი სტანდარტების დაცვა კი დამატებით რესურსს მოითხოვს და შესაბამისად ხარჯებს ზრდის. ასე რომ,  დაბალანსებამდე მ/ო სასესხო განაკვეთებს ჯერ კიდევ ვერ შეამცირებს. მაგრამ სამომავლოდ, როცა მართვას გააუმჯობესებს; რისკებიდან  მომდინარე ხარჯებს შეამცირებს; მომხმარებელთა და ინვესტორთა უფრო მაღალ ნდობას მოიპოვებს,. გაჩნდება სესხის გაიაფების შესაძლებლობაც.მანამდე კი როგორც MBC-ის  (მიკრობანკი, ყოფილი მისო) რისკების დირექტორმა ნინო დევდარიანმა საზმაუზე აღნიშნა, „საწყის ეტაპზე რეგულაცია არის დამატებითი ხარჯვითი ნაწილი, მისი ინპლემენტაცია. ორგანიზაციას წინასწარი ხარჯები უფრო მეტი აქვს, ვიდრე ამონაგები“.მიკროსაფინანსო ასოციაციის გამგეობის თავმჯდომარე ლიმიტის გაზრდით ბიზნესპორფელის გაზრდას ელის, რადგან სალომბარდე და სამომხმარებლო სესხების  უფრო მცირე მოცულობით გაიცამა. ამ დროისთვის ლომბარდი ჭარბობს.Q1/2025-ისთვის ბაზარზე 29 მისო 1.5 მლრდ  ლარზე  მეტი მოცულობის (791 481 სესხი) საცალო პორტფელით არის წარმოდგენილი, სადაც 1.2 მლრდ  ლარამდე მოცულობის 730 000 -მდე კრედიტი სალომბარდეა. მ/ო სექტორის კვარტალური (Q1/2025) წმინდა მოგება 29.06 მლნ ლარია. 

1747741268

„ელისოს“ დაარსების დღიდან, კინოპრემიის უცვლელი მხარდამჭერი და გენერალური სპონსორია თიბისი. პროექტის მთავარი პარტნიორები არიან: კოკა-კოლა და  სიტროენი. მხარდამჭერები - სარაჯიშვილი, რუმს ჰოტელი და ვაზისუბნის მამული.წელს, „ელისოს“ შთამბეჭდავი  ჟიური ჰყავს, გთავაზობთ მცირე ინფორმაციას:კარლოს რეიგადასი - მექსიკელი რეჟისორი/სცენარისტი/პროდიუსერი. კანის კინოფესტივალის სამი სხვადასხვა პრემიის ლაურეატი. 2025 წლის კანის კინოფესტივალის ჟიურის წევრი.აგნეშკა ჰოლანდი - პოლონელი რეჟისორი/სცენარისტი/პროდიუსერი. 2020–2024 წლებში ევროპის კინოაკადემიის პრეზიდენტი. ოსკარზე ნომინირებული რეჟისორი, ოქროს გლობუსის, ვერცხლის დათვისა და 2023 წელს, ვენეციის ჟიურის სპეციალური ჯილდოს მფლობელი.სალომე კიკალეიშვილი - კინოკრიტიკოსი/ჟურნალისტი. კინოკრიტიკოსთა საერთაშორისო ასოციაციის - ფიპრესის (FIPRESCI) წევრი. ევროპის კინოაკადემიის ჯილდოს - ევროპული აღმოჩენა ‘’Prix Fipresci’’ კომისიის წევრი.ელენე ნავერიანი - რეჟისორი/სცენარისტი. Swiss Film Awards-ისა და სარაევოს კინოფესტივალის საუკეთესო ფილმის ჯილდოს მფლობელი ფილმისთვის - „შაშვი შაშვი მაყვალი“. 2024 წლის „ელისოს“ საუკეთესო ფილმის ნომინაციის გამარჯვებული.ტომას ჰაკიმი - პროდიუსერი საფრანგეთიდან. 2024 წლის კანის კინოფესტივალის გრან-პრის მფლობელი ფილმის პროდიუსერი. 2025 წლის ბრიტანული კინოაკადემიის ჯილდოს ნომინანტი.ანგელიკი პაპულია - ბერძენი მსახიობი და თეატრის რეჟისორი. სარაევოს კინოფესტივალის საუკეთესო მსახიობის ჯილდოს მფლობელი.დიტო ცინცაძე - რეჟისორი/სცენარისტი. ლოკარნოს კინოფესტივალის ვერცხლის ლეოპარდის,  სან-სებასტიანის ოქროს ნიჟარის და თბილისის კინოფესტივალის ოქროს პრომეთეს არაერთგზის მფლობელი.შეგახსენებთ, რომ პრემია „ელისო“ ნატო ვაჩნაძის ფონდის პროექტია, რომლის მთავარი მიზანიც ხელოვნების, განსაკუთრებით კი, კინემატოგრაფის განვითარების ხელშეწყობაა.

1747737277

დღეს მოქმედი კანონით, 1 000–ლარიანი ჯარიმა გათვალისწინებულია სამხედრო სამსახურში გაწვევისთვის თავის არიდების მიზნით, გამწვევ კომისიაში გამოუცხადებლობაზე.კიდევ ერთი საკანონმდებლო ცვლილება, რომელიც „თავდაცვის კოდექსში“ შედის, არის საომარი მდგომარეობის დროს თავდაცვის ძალების შემადგენლობას სამხედრო გაწვევისა და რეკრუტირების ეროვნული სააგენტო დაემატება.სამხედრო გაწვევისა და რეკრუტირების ეროვნული სააგენტო ახალი „თავდაცვის კოდექსის“ ამოქმედების შემდგომ შეიქმნა. მისი ძირითადი ფუნქცია წვევამდელთა ეროვნულ სამხედრო სამსახურში მოქალაქეთა გაწვევა და თავდაცვის ძალების რეზერვის აღრიცხვაა.სამინისტროს განმარტებით, სააგენტოს სტრუქტურა მუნიციპალიტეტების მიხედვით მოიცავს სამსახურებს და მას მნიშვნელოვანი ინფრასტრუქტურა გააჩნია, რომლის გამოყენება საომარი მდგომარეობის შემთხვევაში, საჭირო გახდება.„ამდენად, მშვიდობიანობის დროს, საჭიროა სააგენტოსა და თავდაცვის ძალების მიერ ერთობლივად განხორციელდეს წვრთნების, ტრენინგების, სწავლებების დაგეგმვა-ჩატარება, ოპერატიული გეგმების, სტანდარტული სამოქმედო პროცედურებისა და სათანადო სამართლებრივი აქტების მომზადება“, – განმარტავს თავდაცვის სამინისტრო.

1747734771

წლევანდელი Spotlight Tech-ის მთავარი თემა – „Backstage“ – დამსწრეებს საშუალებას მისცემს, გაიგონ, რა პროცესები უძღვის წარმატებული სტარტაპის შექმნას, როგორ მუშაობენ ინჟინრები ახალი პროდუქტებზე და სხვა.ღონისძიება აერთიანებს ინსპირაციულ გამოსვლებს, ინტერაქციულ პანელურ დისკუსიებს, მასტერკლასებსა და ნეთვორქინგის შესაძლებლობებს. ღონისძიებაში მონაწილეობას მიიღებენ ბიზნესის, ტექნოლოგიების, მარკეტინგისა და სტარტაპ სამყაროს წარმომადგენლები.Spotlight Tech-ის პანელურ დისკუსიაზე საქართველოს ბანკის ციფრული საბანკო მომსახურების დეპარტამენტის დირექტორი, გიორგი ვახტანგიშვილი, ბანკში ციფრული პროდუქტების შექმნის შესახებ გამოცდილებას გააზიარებს. გარდა ამისა, ღონისძიებაში მონაწილეობას მიიღებს 500 Global in Eurasia-ს მონაწილე, Quissly. Quinssly ელ-კომერციის გვერდებს სთავაზობს ხელოვნურ ინტელექტზე დაფუძნებულ ჩათს, რომელიც სტანდარტული ძიების და ფილტრების საჭიროებას აქრობს და მომხმარებელს მაღაზიის კატალოგიდან პერსონიფიცირებულ შეთავაზებებს აწვდის. ცნობისთვის, 500 Global in Eurasia ქვეყანაში საქართველოს ბანკის მხარდაჭერით ხორციელდება.Spotlight Tech-ის პლატინუმ სპონსორია Visa;ოქროს სპონსორი: Lexus;ღონისძიების პარტნიორები არიან: Kärcher, ავერსი, Coinmania, Tbilisi Hills.მხარდამჭერები არიან: Lutecia, ლურჯი ოკეანე, It Academy STEP, წყალი ბაკურიანი, Wolt, Render.ge, Signall, Lost & found.ბილეთები უკვე ხელმისაწვდომია, დეტალური ინფორმაციისთვის ეწვიეთ ღონისძიების ვებგვერდს.

1747730966

ღვინის ეროვნული სააგენტოს ცნობით, ღონისძიებაზე წარმოდგენილი იყო სხვადასხვა სტილის და დასახელების ქართული ღვინოები და მას Swirl Wine Group დამფუძნებელი, ღვინის მაგისტრი სარა ებოტი უძღვებოდა. დეგუსტაციას ღვინის პროფესიონალები, მედიის და გაყიდვების სფეროს წარმომადგენლები დაესწრნენ.ღვინის ეროვნულ სააგენტოში აცხადებენ, რომ დიდი ბრიტანეთი მსოფლიოში ერთ-ერთი ყველაზე დიდი იმპორტიორი და ღვინის მომხმარებელი ქვეყანაა, რომელიც 2014 წლიდან გამოიკვეთა როგორც ქართული ღვინის საექსპორტო ერთ-ერთი სტრატეგიული ბაზარი.ამასთან, დიდ ბრიტანეთში შესაძლებელი გახდა ქართული ღვინის ექსპორტის მზარდი ტენდენციის შექმნა. 2024 წელს, ექსპორტირებული იყო 426 ათას ლიტრამდე ღვინო, რაც 2023 წლის მაჩვენებელთან შედარებით 72%-ითაა გაზრდილი.ღვინის ეროვნული სააგენტოს ფინანსური უზრუნველყოფით, 2025 წელს, დიდ ბრიტანეთში ქართული ღვინის მარკეტინგულ კომპანიას „Swirl Wine Group” უძღვება. აღნიშნული კამპანიის ფარგლებში, დეგუსტაცია-სემინარები დიდი ბრიტანეთის სხვადასხვა ქალაქში გაიმართება, ქართული ღვინო წარმოდგენილი იქნება საერთაშორისო გამოფენებზე, განხორციელდება მიზნობრივი სარეკლამო და მედია კამპანიები.

1747730264

2025 წლის I კვარტალში საერთაშორისო გადაზიდვის რეჟიმში რკინიგზით გადატანილი ტვირთის ჯამური მოცულობის 74.1% მოდის ქვეყანაში შემოტანილ ტვირთზე, 25.9% კი — ქვეყნიდან გატანილზე.2025 წლის I კვარტალში რკინიგზით შემოტანილი ტვირთის მთლიანი მოცულობის 51%-ის გამომგზავნ ქვეყანას რუსეთის ფედერაცია წარმოადგენდა, 23.2%-ის გამომგზავნს — აზერბაიჯანი, თითოეული დანარჩენი გამომგზავნი ქვეყნების წილი კი 10-10%-ზე ნაკლები იყო (ჯამურად 25.8%).2025 წლის I კვარტალში რკინიგზით გატანილი ტვირთის მთლიანი მოცულობის 12.8%-ის დანიშნულების ქვეყანას რუსეთის ფედერაცია წარმოადგენდა, 9.1%-ისას — სომხეთი, 8%-ისას — ყაზახეთი, თითოეული დანარჩენი ტვირთის მიმღები ქვეყნების წილი კი შედარებით ნაკლები იყო (ჯამურად 70.1%).2025 წლის I კვარტალში ტრანზიტით გადატანილი ტვირთის მთლიანი მოცულობის განაწილება დანიშნულების ქვეყნის მიხედვით შემდეგნაირი იყო: 13.2% — თურქეთი, 9.7% — ნიდერლანდები, 5.3% — უკრაინა, 3.8% — ჩინეთი, 3.3% — რუმინეთი, 2.5% — იტალია, 0.8% — აშშ, დანარჩენი კი სხვა ქვეყნებზე მოდიოდა. ამავე პერიოდში, ტრანზიტით გადატანილი ტვირთის 3.3% ბრაზილიიდან გამოიგზავნა. 2.3% — თურქეთიდან, 2.2% — საბერძნეთიდან, ხოლო დანარჩენი სხვა ქვეყნებზე მოდიოდა.საანგარიშო პერიოდში, რკინიგზით გადატანილი ტვირთის მთლიანი მოცულობის 34.5% მოდიოდა კოქსისა და რაფინირებული ნავთობპროდუქტების სასაქონლო ჯგუფზე; 20.6% — ქიმიკატების, ქიმიური პროდუქტების და ხელოვნური ბოჭკოების; რეზინის და პლასტმასის პროდუქტების სასაქონლო ჯგუფზე, ხოლო 17.8% — ლითონის მადანსა და სხვა სამთო და კარიერულ პროდუქტებზე.2025 წლის I კვარტალში სასაქონლო ჯგუფების მიხედვით განაწილება განსხვავებული იყო ადგილობრივი გადაზიდვების შემთხვევაში და 55.3% ლითონის მადანსა და სხვა სამთო და კარიერულ პროდუქტებზე მოდიოდა, 27.1% ეჭირა კოქსსა და რაფინირებულ ნავთობპროდუქტებს, ხოლო 7.4% — სატრანსპორტო აღჭურვილობის სასაქონლო ჯგუფს.საერთაშორისო გადაზიდვებს, საანგარიშო პერიოდში რაც შეეხება რკინიგზის საშუალებით ძირითადად შემოტანილია: კოქსი და რაფინირებული ნავთობპროდუქტები (49.3%), სხვა არამეტალური მინერალური პროდუქტები (18.5%), ძირითადი ლითონები (7.1%), ლითონის მადანი და სხვა სამთო და კარიერული პროდუქტები (6.6%), ქვანახშირი და ლიგნიტი; ნედლი ნავთობი და ბუნებრივი აირი (5.8%), სოფლის მეურნეობის, ნადირობისა და მეტყევეობის პროდუქტები (5.1%), ქიმიკატები, ქიმიური პროდუქტები და ხელოვნური ბოჭკოები (3.2%). რკინიგზის საშუალებით ძირითადად გატანილია: ქიმიკატები, ქიმიური პროდუქტები და ხელოვნური ბოჭკოები (42.1%), საკვები პროდუქტები, სასმელები და თამბაქო (29.1%), ლითონის მადანი და სხვა სამთო და კარიერული პროდუქტები (11.4%), ძირითადი ლითონები (6.7%). 2025 წლის I კვარტალში ტრანზიტული ტვირთის მთლიანი მოცულობის 79.8% სამ სასაქონლო ჯგუფზე მოდიოდა, კერძოდ: კოქსი და რაფინირებული ნავთობპროდუქტები (33.8%), ქიმიკატები, ქიმიური პროდუქტები და ხელოვნური ბოჭკოები (27.8%), ლითონის მადანი და სხვა სამთო და კარიერული პროდუქტები (18.2%). 2025 წლის I კვარტალში საქართველოს რკინიგზის მიერ გადაყვანილია 348.8 ათასი მგზავრი, რაც 25.15-ით ნაკლებია გასული წლის შესაბამისი პერიოდის მაჩვენებელზე. ამავე პერიოდში მგზავრთბრუნვის მოცულობამ 79.3 მლნ. მგზავრ-კილომეტრი შეადგინა, რაც 24.2%-ით ნაკლებია გასული წლის შესაბამის პერიოდთან შედარებით.ამასთან, საერთაშორისო მიმოსვლის რეჟიმში გადაყვანილია 3 ათასი მგზავრი, რაც 21.8%-ით ნაკლებია გასული წლის შესაბამისი პერიოდის მაჩვენებელზე. საერთაშორისო მიმოსვლის რეჟიმში გადაყვანილი მგზავრების 61% შემოვიდა სომხეთიდან, ხოლო სომხეთის მიმართულებით გავიდა 39% (2025 წლის I კვარტალში სხვა მოსაზღვრე ქვეყნის მიმართულებით მგზავრთა გადაყვანა არ განხორციელებულა).

1747729377

ფილიპ ჯესაპის საერთაშორისო სამართლის იმიტირებული პროცესი მსოფლიოში უდიდესი იმიტირებული სასამართლო შეჯიბრია სამართლის სტუდენტებისთვის, რომელშიც 100-ზე მეტი ქვეყნის 800-ზე მეტი ახალგაზრდა მონაწილეობს. ყოველწლიურად, მონაწილე ქვეყნები ეროვნულ შეჯიბრებებს ატარებენ, რომელთა გამარჯვებულებიც ვაშინგტონში, კოლუმბიის ოლქში გამართულ საერთაშორისო რაუნდში ასპარეზობენ.წელს, საქართველოს მასშტაბით, ეროვნული რაუნდის გამარჯვებული თბილისის სახელმწიფო უნივერსიტეტის გუნდი გახდა, რომელმაც ეროვნულ შეჯიბრზე ყველა ნომინაციაში გაიმარჯვა, როგორც საუკეთესო წერითი ნამუშევრების (მემორიალების), ასევე საუკეთესო სპიკერების მიმართულებით.საქართველოს სახელით საერთაშორისო შეჯიბრზე თბილისის სახელმწიფო უნივერსიტეტის სტუდენტებმა: ელენე-ეკატერინე დვალიძემ, შალვა ხიზანიშვილმა, ელენე კაკულიამ, თამარ კალანდიამ და ნუცა ნადაშვილმა იასპარეზეს. გუნდს მენტორობას უწევდა საერთაშორისო სამართლის სპეციალისტი და თბილისის სახელმწიფო უნივერსიტეტის საერთაშორისო სამართლის ინსტიტუტის მოწვეული ლექტორი - ვეკო დოდაშვილი.წელს საერთაშორისო ტურში თსუ-ს გუნდმა ისეთ უნივერსიტეტებთან იასპარეზა, როგორებიცაა: კორნელის უნივერსიტეტი (აშშ), ჩარლზის უნივერსიტეტი (ჩეხეთი), მექსიკის და კენიის უნივერსიტეტები. თბილისის სახელმწიფო უნივერსიტეტის გუნდის წერილობითმა ნაშრომებმა კი საერთო რეიტინგის მიხედვით, საერთაშორისო ტურში მოასპარეზე 152 გუნდს შორის მე-40 ადგილი დაიკავა.ფილიპ ჯესაპის საერთაშორისო სამართლის იმიტირებულ პროცესში მონაწილეობისთვის გუნდი 7 თვის განმავლობაში ემზადებოდა. ისინი დაეუფლნენ სამართლებრივი ანალიზის, აკადემიური წერის, სასამართლოს წინაშე ზეპირი გამოსვლის უნარებს. პროცესი მოიცავდა კომპლექსური საერთაშორისო სამართლებრივი საკითხების და გამოწვევების მოკვლევას და ანალიზს, ისევე  ზეპირსიტყვიერ პრეზენტაციას ინგლისურ ენაზე.ინფორმაციისთვის, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს csr.bog.ge

1747727874