ბადრი ჯაფარიძეც ჩასვეს

„საქართველოს გენერალურ პროკურორს ბატონ გიორგი გვარაკიძესჩვენ, დავით ცეცხლაძე და ნათია ჯანაშია, „ბრიტანულ-ქართული აკადემიისა“ და „თბილისის ბრიტანული საერთაშორისო სკოლის“ დამფუძნებლები, კატეგორიულად მოვითხოვთ, დაუყოვნებლივ დაიწყოს გამოძიება ირაკლი გილაურისა და მისი გუნდის წევრების მიერ ჩადენილ ქმედებებთან დაკავშირებით.2025 წლის თებერვლიდან მოყოლებული თქვენს წარმოებაშია ჩვენი განცხადებები, რომლებიც ირაკლი გილაურისა და მისი გუნდის წევრების შესაძლო დანაშაულებრივ ქმედებებს ეხება.გარდა იმისა, რომ გილაურის უკანონო ქმედებებით სკოლებს და ჩვენ, როგორც დამფუძნებლებს გვადგება მნიშვნელოვანი ზიანი, მიგვაჩნია, რომ გილაურისა და მისი გუნდის მიერ სკოლების მართვა, პირველ რიგში, სახიფათოა ბავშვებისთვის და ეწინააღმდეგება საქართველოს კანონმდებლობისა და ბრიტანული საერთაშორისო სკოლების საბჭოს (COBIS, რომლის წევრიცაა ორივე სკოლა) უსაფრთხო განათლების უზრუნველყოფასთან დაკავშირებულ სტანდარტებს. ჩვენს განცხადებებსა და ღია წერილებში არაერთხელ დავაფიქსირეთ ის საფრთხე, რაც გილაურმა შეუქმნა ბავშვებს, პირველ რიგში, ყალბი კრების ოქმის საფუძველზე, პორნოგრაფიული ტექსტების ავტორის სკოლის დირექტორად დანიშვნით. გილაურისა და მისი გუნდის ეს გადაწყვეტილება ამორალური და ბავშვებისათვის საფრთხის შემცველი ქმედებაა. ამ და სხვა ქმედებების აღკვეთასა და არასრულწლოვანთა ინტერესების დაცვას ვითხოვთ თქვენი უწყებისგან მიმდინარე წლის თებერვლის შემდეგ, ჯერჯერობით უშედეგოდ.კიდევ ერთხელ, ვითხოვთ, დაუყოვნებლივ დაიწყოთ გამოძიება და პასუხისგებაში მისცეთ შესაბამისი პირები იმ შესაძლო დანაშაულებისთვის, როგორიცაა:1.  ყალბი პარტნიორთა კრების ოქმის დამზადება-გამოყენება, რომლითაც დირექტორის პოზიციაზე დაინიშნა პორნოგრაფიული ნაწარმოებების ავტორი და გამავრცელებელი პირი;2. ინსაიდერული ინფორმაციის გამჟღავნება;3. პოლიციის ძალადობრივი მობილიზება, უფლებამოსილების ბოროტად გამოყენება;4. სკოლის ბიუჯეტიდან დიდი ოდენობის თანხის მითვისება;5. სკოლის წილის თაღლითური გზით დამფუძნებლებისთვის წართმევა.ამ უკანონო ქმედებებს გილაური ახორციელებს გიორგი კეთილაძის საშუალებით.დღეის მდგომარეობით, გილაურის დავალებით სკოლების უკანონო ოკუპაცია და მათთვის ზიანის მიყენება საბოლოო განადგურებამდე კვლავ გრძელდება. გილაურის გუნდი იღებს ისეთ მავნებლურ გადაწყვეტილებებს, რომლებიც იწვევს ბავშვებისა და კვალიფიციური პედაგოგების გადინებას სკოლიდან, რაც პირდაპირ და მნიშვნელოვან მატერიალურ და რეპუტაციულ ზიანს აყენებს სკოლებს, ეწინააღმდეგება სკოლებში დამკვიდრებულ ღირებულებებს, რისკის ქვეშ აყენებს არასრულწლოვანთა ფიზიკურ და მორალურ უსაფრთხოებას.გილაურის მიერ მიყენებული ზიანის გამოსწორება და სკოლების გადარჩენა შეუძლებელი გახდება, თუკი დროულად არ დაიწყებთ გამოძიებას ჩვენ მიერ არაერთგზის დაფიქსირებულ, შესაძლო დანაშაულის შემცველ ფაქტებთან დაკავშირებით. გაითვალისწინეთ, რომ ჩვენი სკოლების ბავშვების უსაფრთხოებაზე სწორედ თქვენი უწყებაა პასუხისმგებელი.სამწუხაროა, რომ ადგილობრივ სამართლებრივ მექანიზმებთან შედარებით, უფრო ეფექტიანი აღმოჩნდნენ გაერთიანებული სამეფოს შესაბამისი უწყებები, რომელთაც დაიწყეს მოკვლევა გილაურის მიერ განხორციელებულ ქმედებებთან დაკავშირებით, ტარდება ტრანსნაციონალურ თაღლითობასა და კორუფციასთან გილაურის შესაძლო კავშირის დადგენის ღონისძიებები.ზემოაღნიშნულის გათვალისწინებით, მოვითხოვთ, დროულად დაიწყოთ გამოძიება შესაძლო დანაშაულის შემცველ ფაქტებთან დაკავშირებით, უზრუნველყოთ მტკიცებულებების დაცვა, გამოავლინეთ გილაურის დანაშაულებრივ ქმედებებში შესაძლო თანამონაწილე საჯარო მოხელეები; უკანონო ქმედებები და მათი ჩამდენი პირები განიხილოთ, როგორც სახელმწიფოებრივი საფრთხე“, – ნათქვამია დავით ცეცხლაძის და ნათია ჯანაშიას ღია წერილში გენერალური პროკურორისადმი.

1752654970

"შპს. სანდო (მისამართი: ქ. თბილისი, გ. ნადარეიშვილის N5, ს.კ 406121913) ეკონომიკურ საქმიანობათა რეესტრში რეგისტრაციისა და სურსათის ეროვნული სააგენტოს შესაბამისი აღიარების გარეშე საქმიანობდა.ამავდროულად,  ინსპექტირებისას დადგინდა, რომ სურსათის წარმოებისას დარღვეული იყო ჰიგიენური ნორმები და სურსათის უვნებლობის დადგენილი მოთხოვნები.ამოღებული და დალუქულია 419 ქილა მაწონი, 10 კილოგრამზე მეტი ყველი, 35 ცალი დაფასოებულ რძე (1 ლიტრიანი შეფუთვა), 110 ლიტრი რძე. კანონმდებლობის შესაბამისად მეწარმე დაჯარიმდა და  საწარმოო პროცესი შეუჩერდა", - ნათქვამია სეს-ის მიერ გავრცელებულ ინფორმაციაში.უწყების ცნობით, მიმდინარე წელს, რძისა და რძის მწარმოებელ ბიზნესოპერატორებთან 3 580 სახელმწიფო კონტროლი ჩატარდა - გამოვლენილია 32 არარეგისტრირებული საწარმო. 

1752654643

სებსტატის თანახმად, ფულად გზავნილებში პირველ ადგილს კვლავ აშშ იკავებს, საიდანაც გასულ თვეში $59 მლნ გადმორიცხეს. ეს თანხა წინა წლის ანალოგიურ პერიოდთან შედარებით 23%-ით მეტია. მეორე ადგილს $52 მლნ-ით იტალია იკავებს, საიდანაც გზავნილები 13%-ით გაიზარდა, მესამე პოზიციაზე კი რუსეთია.ივნისში, საქართველოში რუსეთიდან $41 მლნ გადმორიცხეს. ეს თანხა წლიურად 16%-ით არის შემცირებული.უცხოეთში ფულადი გზავნილების 96.9% იმ 28 უმსხვილესი პარტნიორი ქვეყანაზე მოდის, საიდანც გზავნილების მოცილება ივნისში თითოეულზე 1 მლნ აშშ დოლარს აღემატებოდა იმავე 28 ქვეყანა გასული წლის ივნისში მთლიანი ფულადი გზების 97.1% მოდის.

1752653212

ინიციატივის ფარგლებში ახალგაზრდებს აქვთ შესაძლებლობა, მოუსმინონ სპეციალურად მათთვის მომზადებულ მოკლე აუდიოკონსპექტებს, რომლებიც სხვადასხვა საგამოცდო საგანში ძირითადი თემების განმტკიცებაში დაეხმარებათ.ახლახან აუდიოკონსპექტებს ფიზიკაც დაემატა.მასალებზე წვდომა მარტივია: აბიტურიენტებს აქვთ შესაძლებლობა აუდიოლექციებს პირდაპირ SoundCloud-ზე მოუსმინონ, ან დაასკანერონ ქალაქის მასშტაბით მეტროს ბაქნებსა და ავტობუსის გაჩერებებზე განთავსებული QR კოდები.წარმატებებს გისურვებთ გამოცდებზე და გახსოვდეთ, განათლების გზაზე არ გაჩერდეთ. 

1752649838

საქმის შესწავლის პროცესში დადგინდა, რომ კონკრეტული ღონისძიების გაუქმების დროს,  მომხმარებლებმა მხოლოდ ბილეთის საფასური დაიბრუნეს, პლატფორმის მომსახურების საკომისიოს გამოკლებით. გამომდინარე იქიდან, რომ თანხის ჯამური გადახდა ხორციელდება ერთ პლატფორმაზე, ერთი ტრანზაქციის ფარგლებში - ორივე ქმედება ურთიერთდაკავშირებულია და მათი ცალ-ცალკე განხილვა ბიზნეს-სამომხმარებლო ურთიერთობის ბალანსის დარღვევაა, რადგან თუ მომხმარებელი მომსახურების საკომისიოს არ გადაიხდის, ბილეთს ვერ შეიძენს და შესაბამისად ღონისძიებასაც ვერ დასწრება.სააგენტო განმარტავს, რომ მომხმარებელი არ უნდა დაზარალდეს ღონისძიების გაუქმების ან გადადების გამო, რომელიც მის კონტროლს მიღმა მოხდა. კერძოდ, თუ ღონისძიება ორგანიზატორის ინიციატივით გაუქმდა, ორგანიზატორმა დაარღვია ხელშეკრულებით გათვალისწინებული ვალდებულება. შესაბამისად, GCCA-ს პოზიციით, მომხმარებლებმა, რომლებიც www.biletebi.ge-სა და www.tkt.ge-ზე შეიძინეს ბილეთები, ღონისძიების გაუქმების/გადადების შემთხვევაში, უნდა მიიღონ ბილეთში გადახდილი თანხა სრულად, მათ შორის, საიტის მომსახურების საკომისიოც. აღნიშნული გადაწყვეტილება დაეფუძნა როგორც საქართველოს კანონმდებლობას, ისე ევროკავშირის შესაბამის დირექტივებსა და საერთაშორისო პრაქტიკას.აღნიშნული ორი საქმის შესწავლის ფარგლებში, GCCA-ის მიერ დადგინდა - ღონისძიების გაუქმების, გადადების შემთხვევაში თანხის სრულად დაბრუნების სტანდარტი.  სააგენტოს გადაწყვეტილებით, მოვაჭრეებს დაევალათ - ერთი თვის ვადაში,  მომხმარებელთა უფლებები აღადგინონ და თავისი სავაჭრო პოლიტიკა კანონის მოთხოვნებს შეუსაბამონ.

1752649650

2024 წელს აზიის განვითარების ბანკის (ADB) ყოველწლიური შეხვედრის ფარგლებში, ნათია თურნავამ შეხვედრა გამართა კორეის ცენტრალური ბანკის პრეზიდენტთან, ასევე ხელი მოეწერა სებ-სა და კორეის საფინანსო სატელეკომუნიკაციო და საკლირინგო ინსტიტუტს (Korea Financial Telecommunications and Clearings Institute – KFTC) შორის თანამშრომლობის მემორანდუმს.მჭიდრო თანამშრომლობის ფარგლებში, პირველ ეტაპზე დაიგეგმა უნაღდო ანგარიშსწორების პროექტის განხორციელება. ამ მიზნით, საქართველოს ეწვია კორეის ცენტრალური ბანკის და კორეის საფინანსო სატელეკომუნიკაციო და საკლირინგო ინსტიტუტის (Korea Financial Telecommunications and Clearings Institute – KFTC) წარმომადგენლობითი დელეგაცია.ვიზიტის საწყის ეტაპზე საქართველოს ეროვნულ ბანკსა და კორეის ცენტრალურ ბანკს შორის ხელი მოეწერა თანამშრომლობის შეთანხმებას, რომლის ფარგლებშიც ოფიციალურად გაფორმდა აღნიშნულ პროექტში პარტნიორობა.საქართველოს ეროვნული ბანკის მხრიდან დოკუმენტს ხელი მოაწერა სებ-ის ვიცე-პრეზიდენტმა ეკატერინე გალდავამ.როგორც ეროვნული ბანკის ვიცე-პრეზიდენტმა აღნიშნა, საქართველოსთვის უნაღდო ანგარიშსწორების განვითარება მეტად მნიშვნელოვანია, რადგან სწორედ ახლა მიმდინარეობს დროის რეალურ რეჟიმში ანგარიშსწორების სისტემის (RTGS) განახლების და მყისიერი გადახდების სისტემების დანერგვის პროექტი. მისი შეფასებით, რეგიონალურ მსხვილ ცენტრალურ ბანკებთან თანამშრომლობა ამ პროცესში უმნიშვნელოვანესია.აღსანიშნავია, რომ საქართველო არის პირველი არა აზიური ქვეყანა რომელთანაც კორეის ცენტრალური ბანკი და კორეის საფინანსო სატელეკომუნიკაციო და საკლირინგო ინსტიტუტი უნაღდო გადახდების განვითარების კუთხით თანამშრომლობს.პროექტი ეფუძნება კორეის ცენტრალური ბანკის წარმატებულ პრაქტიკასა და საერთაშორისო გამოცდილებას გადახდების მოდერნიზაციის მიმართულებით. მისი ძირითადი ამოცანაა ტექნოლოგიური ინოვაციების მხარდაჭერა, მომხმარებელთა ქცევისა და ინფრასტრუქტურული გამოწვევების ანალიზი და ფინანსური ჩართულობის ზრდის ხელშეწყობაა, განსაკუთრებით რეგიონებში.ვიზიტის ფარგლებში დაგეგმილია შეხვედრები საბანკო და ფინტექ ასოციაციებთან, კომერციულ ბანკებთან, საგადახდო მომსახურების პროვაიდერებთან და ფინტექ კომპანიებთან.პროექტის მომდევნო ეტაპებზე გათვალისწინებულია დეტალური ანალიზისა და შეფასების ჩატარება, რომელთა საფუძველზეც შემუშავდება რეკომენდაციები შესაბამისი პოლიტიკის, რეგულაციების და ტექნოლოგიური განვითარებისთვის.აღნიშნული თანამშრომლობა მნიშვნელოვან წვლილს შეიტანს გადახდების სისტემის განვითარებაში, გააუმჯობესებს ფინანსური სერვისების ხელმისაწვდომობას, გააძლიერებს გამჭვირვალობას და ხელს შეუწყობს საგადახდო ეკოსისტემის ეფექტიან ფუნქციონირებას.

1752600650

ინიციატივის მიზანია, აბიტურიენტებს მისცეს შესაძლებლობა, მოუსმინონ მოკლე აუდიოკონსპექტებს, რომლებიც გამოცდებისთვის მასალის გადამეორებაში დაეხმარებათ.აუდიოკონსპექტებზე წვდომის მიღება ახალგაზრდებს პირდაპირ Soundcloud-ზე ან QR კოდის დასკანერების შედეგად შეუძლიათ, რომელიც მეტროს ბაქნებსა და ავტობუსის გაჩერებებზე არის განთავსებული.ახლახან აღნიშნულ სერიას ბიოლოგიის აუდიოკონსპექტებიც დაემატა. ეტაპობრივად კი სხვა საგნებიც გახდება ხელმისაწვდომი.წარმატებებს გისურვებთ გამოცდებზე და არ დაგავიწყდეთ, განათლების გზაზე არ გაჩერდეთ!

1752599546

უწყების ცნობით, დანიშვნებიც განხორციელდა: ეკონომიკის სამინისტროს ენერგეტიკული პოლიტიკისა და საინვესტიციო პროექტების დეპარტამენტს ალექსანდრე სოხაძე უხელმძღვანელებს, ხოლო ელექტროენერგეტიკული სისტემის კომერციული ოპერატორის (ესკო) გენერალურ დირექტორად თორნიკე ყაზარაშვილი დაინიშნა.

1752587499