საქართველო და ყირგიზეთი „შუა დერეფნისა“ და ჩინეთი-ყირგიზეთი-უზბეკეთის სარკინიგზო პროექტის დაკავშირებას განიხილავენ

უწყების ცნობით, შესაბამის ორმხრივ მემორანდუმს ხელი ყირგიზეთის ვეტერინარული სამსახურის დირექტორმა, ადილეტ სოტოვალდიევმა და საქართველოს გარემოს დაცვისა და სოფლის მეურნეობის მინისტრმა, დავით სონღულაშვილმა მოაწერეს.გაფორმებული შეთანხმება ითვალისწინებს ვეტერინარულ-სანიტარული მოთხოვნების გამარტივებას ორ ქვეყანას შორის ცოცხალი ცხოველების, ხორცისა და მეცხოველეობის სხვა პროდუქტების ექსპორტისა და იმპორტის პროცედურებში.გარდა სავაჭრო პროცედურების გამარტივებისა, დოკუმენტი ითვალისწინებს ცხოველთა ინფექციური დაავადებების წინააღმდეგ ერთობლივ ბრძოლას და ვეტერინარული უსაფრთხოების სისტემების განმტკიცებას. ასევე, დაგეგმილია ორი ქვეყნის პროფილური სპეციალისტების მიერ ერთობლივი ღონისძიებების ჩატარება და კვალიფიკაციის ამაღლება.ყირგიზული მხარის შეფასებით, აღნიშნული ნაბიჯი არა მხოლოდ უზრუნველყოფს მაღალ ვეტერინარულ უსაფრთხოებას, არამედ მნიშვნელოვან სტიმულს მისცემს ორი ქვეყნის საერთაშორისო სავაჭრო შესაძლებლობების გაფართოებასა და მეცხოველეობის დარგის მოდერნიზაციას.

1781249929

მხარეებმა განიხილეს საქართველოსა და ჩინეთს შორის არსებული ეკონომიკური და ფინანსური თანამშრომლობის საკითხები, ფინანსური ბაზრებისა და სერვისების მიმართულებით მიმდინარე თანამშრომლობა და სამომავლო პარტნიორობის გაღრმავების შესაძლებლობები.აღინიშნა საქართველოს ეროვნულ ბანკსა და ჩინეთის ცენტრალურ ბანკს შორის გასულ წელს გაფორმებული ურთიერთგაგების მემორანდუმის ფარგლებში მიღწეული პროგრესი.„ურთიერთგაგების მემორანდუმის გაფორმების შემდეგ, საქართველოს ეროვნულ ბანკსა და ჩინეთის ცენტრალურ ბანკს შორის თანამშრომლობა მნიშვნელოვნად გაღრმავდა. განსაკუთრებით აღსანიშნავია ფინანსურ ბაზრებისა და ორ ქვეყანას შორის არსებული ფინანსური სერვისების განვითარებით მიმართულებით გადადგმული ნაბიჯები. მათ შორის, საერთაშორისო რეზერვების დივერსიფიკაციის მიმართულებით“, - დასძინა ნათია თურნავამ.შეხვედრაზე ასევე ისაუბრეს საქართველო-ჩინეთის სავაჭრო-ეკონომიკურ ურთიერთობებზე. აღსანიშნავია, რომ ჩინეთი საქართველოს ერთ-ერთი უმსხვილესი სავაჭრო პარტნიორია. მნიშვნელოვნად გაიზარდა როგორც ექსპორტისა და იმპორტის მოცულობა, ასევე ჩინური ინვესტიციები და ტურისტული ნაკადები.„ჩინეთსა და საქართველოს შორის ეკონომიკური თანამშრომლობა დინამიკურად ვითარდება, რაც ქმნის მყარ საფუძველს, რომ ჩვენი თანამშრომლობა კიდევ უფრო გავაღრმავოთ საფინანსო სექტორში“, - აღნიშნა ეროვნული ბანკის პრეზიდენტმა.შეხვედრის ფარგლებში მხარეებმა კიდევ ერთხელ დაადასტურეს მზადყოფნა აქტიური თანამშრომლობის გაგრძელების შესახებ, რათა ხელი შეუწყონ საქართველოსა და ჩინეთს შორის ფინანსური და ეკონომიკური კავშირების კიდევ უფრო განმტკიცებას.(R)

1781248846

იოშიჰირო ნაკატა, Toyota Motor Europe-ის პრეზიდენტი და გენერალური დირექტორი: „Ichiban-ის გამარჯვებულები ყოველდღიურად აჩვენებენ, რას ნიშნავს მომხმარებლის ნდობის დამსახურება. ისინი არ შემოიფარგლებიან მოლოდინების დაკმაყოფილებით - უსწრებენ ამ მოლოდინებს, თავად აყალიბებენ მათ და მთელი ჩვენი ქსელისთვის უფრო მაღალ სტანდარტს აწესებენ. სწორედ მათი უნარი, მოერგონ ცვლილებებს, ითანამშრომლონ და განუწყვეტლივ ისწრაფონ გაუმჯობესებისკენ, განსაზღვრავს Toyota-ს მომავალს ევროპაში“.„იჩიბანი“ იაპონური სიტყვაა და ქართულად ნომერ პირველს ნიშნავს. ეს ჯილდო ენიჭებათ მხოლოდ იმ დილერებს, რომლებიც მომხმარებელს უფრო მეტს სთავაზობენ, ვიდრე უბრალოდ სერვისია. წლევანდელი ღონისძიება ერთგვარი პლატფორმა გახდა გამოცდილების გაზიარების, პარტნიორობის განმტკიცებისა და ინდუსტრიის მომავლის ერთობლივად განსაზღვრისთვის.მარიამ მელიაშვილი, „ტოიოტა ცენტრი თეგეტას" გენერალური დირექტორი: „იჩიბანის ჯილდოს ზედიზედ მეორედ მოპოვება „ტოიოტა ცენტრი თეგეტასთვის“ უდიდესი პატივი და პასუხისმგებლობაა. ეს აღიარება ადასტურებს ჩვენი გუნდის ერთგულებას, პროფესიონალიზმსა და იმ მაღალი სტანდარტის დაცვას, რომელსაც Toyota მსოფლიოს მასშტაბით აწესებს. განსაკუთრებით საამაყოა, რომ რეგიონში მოქმედ დილერებს შორის სწორედ საქართველოდან „ტოიოტა ცენტრი თეგეტამ“ შეძლო ამ პრესტიჟული ჯილდოს მოპოვება. ეს არა მხოლოდ ჩვენი კომპანიის, არამედ მთლიანად ქვეყნისთვის მნიშვნელოვანი მიღწევაა, რომელიც კიდევ ერთხელ უსვამს ხაზს ქართული გუნდის შესაძლებლობებს საერთაშორისო დონეზე. მადლობას ვუხდი თითოეულ თანამშრომელს, რომელთა ყოველდღიური შრომაც ამ წარმატების საფუძველია, ჩვენს მომხმარებლებს კი - ნდობისა და ერთგულებისთვის“.„ტოიოტა ცენტრი თეგეტა“ ერთადერთი ქართული კომპანიაა გამარჯვებულთა შორის, რომელიც, აღმოსავლეთ ევროპის რეგიონის წამყვან დილერებთან ერთად, საქართველოს წარმოადგენდა ცერემონიაზე. ეს წარმატება კიდევ ერთხელ ადასტურებს, რომ მომხმარებლის კმაყოფილების მაღალი მაჩვენებლები, მომსახურების ხარისხის უწყვეტი გაუმჯობესება და თანამშრომელთა აქტიური ჩართულობა კომპანიის გუნდის ყოველდღიური საქმიანობის განუყოფელი ნაწილია.Toyota Ichiban-ის ჯილდო ყოველწლიურად გადაეცემა ევროპის საუკეთესო დილერებს, რომლებიც მომხმარებელთა კმაყოფილების მაღალი მაჩვენებლებით, მომსახურების უწყვეტი გაუმჯობესებითა და თანამშრომელთა აქტიური ჩართულობით გამოირჩევიან. „ტოიოტა ცენტრი თეგეტასთვის“ ზედიზედ მეორედ მოპოვებული ჯილდო არა მხოლოდ ადგილობრივ, არამედ რეგიონულ ბაზარზე ლიდერობის კიდევ ერთ დასტურია და ცხადყოფს, რომ ხარისხი, ინოვაცია და მომხმარებელზე ზრუნვა ბრენდის ძირითად ღირებულებებად რჩება.„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი თეგეტა" საქართველოს ბაზარზე 2014 წლიდან ოპერირებს. კომპანია მონობრენდულია და მისი მომსახურება სრულიად „ტოიოტას“ ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს „ტოიოტას“ უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებსა და მომსახურებას. სერვისი აღჭურვილია თანამედროვე ავტორიზებული პროგრამებითა და კვალიფიციური პერსონალით.(R)

1781247948

სიმპოზიუმში მონაწილეობდნენ მსოფლიოს 30-მდე ცენტრალური ბანკისა და მონეტარული ორგანოს პრეზიდენტები და მაღალი რანგის წარმომადგენლები, მათ შორის - საფრანგეთის, გერმანიის, შვეიცარიის, გაერთიანებული სამეფოს, სინგაპურის, ჰონგ კონგის, ბრაზილიის, არგენტინის, ინდონეზიის, საუდის არაბეთისა და კატარის ცენტრალური ბანკების წარმომადგენლები.მასშტაბური საერთაშორისო ღონისძიება ემსახურება მაღალი დონის პლატფორმის შექმნას, სადაც ცენტრალური ბანკების, საერთაშორისო ფინანსური ინსტიტუტებისა და კერძო სექტორის წარმომადგენლები იმსჯელებენ გლობალურ მაკროეკონომიკურ და ფინანსურ პროცესებზე, რეზერვების მართვის თანამედროვე სტრატეგიებზე, საერთაშორისო მონეტარული სისტემის განვითარების პერსპექტივებსა და ფინანსური ბაზრების მიმდინარე და გრძელვადიან ტენდენციებზე.სიმპოზიუმის პირველ სესიაზე - „გლობალური მაკროეკონომიკური და ფინანსური ბაზრების განვითარება“, ნათია თურნავამ მიმოიხილა საერთაშორისო ფინანსურ ბაზრებზე მიმდინარე სტრუქტურული ცვლილებები, საინვესტიციო გადაწყვეტილებებზე  გეოპოლიტიკური პროცესების გავლენა და ცენტრალური ბანკების რეზერვების მართვის თანამედროვე გამოწვევები.სიტყვით გამოსვლისას ეროვნული ბანკის პრეზიდენტმა აღნიშნა, რომ გლობალური საინვესტიციო გარემო გეოპოლიტიკური დაძაბულობის, სავაჭრო ფრაგმენტაციისა და მაკროეკონომიკური გაურკვევლობის ზრდის ფონზე კიდევ უფრო კომპლექსური ხდება.„გრძელვადიანმა სავაჭრო დაძაბულობამ, სამხედრო კონფლიქტებმა ახლო აღმოსავლეთსა და ევროპაში, ასევე მიწოდების ჯაჭვების გლობალურმა შეფერხებამ მნიშვნელოვნად გაზარდა ბაზრების ცვალებადობა და საინვესტიციო რისკები. დღეს გეოპოლიტიკური მოვლენები უკვე მხოლოდ გარე რისკები აღარ არის - ის ეკონომიკურ ცვლადებად იქცა, რომლებიც პირდაპირ გავლენას ახდენს ინფლაციაზე, კაპიტალის ნაკადებზე, სავალუტო კურსებსა და საინვესტიციო სტრატეგიებზე“, - განაცხადა ნათია თურნავამ.საქართველოს ეროვნული ბანკის პრეზიდენტმა განსაკუთრებული ყურადღება სავალუტო რეზერვების მართვის საკითხს დაუთმო და აღნიშნა, რომ მზარდი გეოპოლიტიკური რისკების პირობებში უსაფრთხოება რეზერვების მართვის უმთავრეს პრიორიტეტად იქცა. მისი შეფასებით, ოქროს მიმზიდველობა გაიზარდა, რადგან რეზერვების მმართველები ეძებენ ისეთ აქტივებს, რომლებიც ნაკლებადაა  დამოკიდებული სუვერენულ და გეოპოლიტიკურ რისკებზე.მისივე თქმით, მსოფლიოში სარეზერვო პორტფელების დივერსიფიკაციის ტენდენცია თვალსაჩინოა, ასევე შეიმჩნევა აზიური კაპიტალის ბაზრების მზარდი მიმზიდველობა.„ცენტრალური ბანკებისთვის რეზერვების მართვის სამი ძირითადი პრინციპი არსებობს - უსაფრთხოება, ლიკვიდობა და მომგებიანობა. ბოლო წლებში უსაფრთხოების მნიშვნელობა საგრძნობლად გაიზარდა. სწორედ ამიტომ, მრავალი ცენტრალური ბანკი ცდილობს გააძლიეროს პორტფელების მდგრადობა და გაზარდოს დივერსიფიკაცია როგორც ვალუტების, ისე აქტივების კლასების მიხედვით“, - აღნიშნა ნათია თურნავამ.სებ-ის პრეზიდენტმა ასევე აღნიშნა, რომ ოქროში განხორციელებულმა ინვესტიციებმა მნიშვნელოვნად დადებითი გავლენა მოახდინა საქართველოს საერთაშორისო რეზერვების შემოსავლიანობაზე. მისივე განმარტებით, საქართველოს ეროვნული ბანკი რეზერვების განთავსებისთვის ბაზრების გეოგრაფიულ და სავალუტო დივერსიფიკაციას ახორციელებს და ამ კონტექსტში, ტრადიციული ბაზრების პარალელურად, აზიური ბაზრები და ვალუტები მზარდ ინტერესს წარმოადგენს.ნათია თურნავას განმარტებით, ასეთ გარემოში რისკების დისციპლინირებული მართვა, თანმიმდევრულობა და მოქნილობა, შესაძლოა, გრძელვადიანი საინვესტიციო წარმატების ყველაზე მნიშვნელოვან განმსაზღვრელ ფაქტორებს შორის აღმოჩნდეს.(R)

1781247477

საქართველოს საგარეო საქმეთა სამინისტროს განცხადებით, ქართულმა მხარემ ევროკომისიის ეს გადაწყვეტილება „უსამართლოდ“ შეაფასა, რადგან იგი ეფუძნება ანგარიშს, რომელიც ქვეყანაში არსებულ ვითარებას ტენდენციურად ასახავს და არასაკმარის დასაბუთებას შეიცავს. მიუხედავად ამ პოზიციისა, სამუშაო შეხვედრაზე მხარეებმა დეტალურად განიხილეს უვიზო რეჟიმის შეჩერების მექანიზმის ამოქმედებისთვის ევროკავშირის მიერ დასახელებული მიზეზები, წარმოდგენილი რეკომენდაციები და მათი შესრულების მიმდინარეობა.ადამიანის უფლებები, კანონმდებლობა და 2024 წლის აქციების გამოძიებაშეხვედრაზე საქართველოს დელეგაციამ ხაზგასმით აღნიშნა, რომ ქვეყნის კონსტიტუცია და მოქმედი კანონმდებლობა სრულად უზრუნველყოფს მოქალაქეთა ძირითად უფლებებს, მათ შორის გამოხატვისა და მშვიდობიანი შეკრების თავისუფლებას.უწყების განმარტებით, პარტნიორებს მიეწოდათ ინფორმაცია 2024 წლის საპროტესტო აქციების დროს დაფიქსირებულ დარღვევებზე მიმდინარე გამოძიების შესახებ. კერძოდ, სამართალდამცავების მხრიდან უფლებამოსილების გადამეტებისა და ჟურნალისტურ საქმიანობაში ხელის შეშლის ბრალდებით ამჟამად დაკავებულია 5 პირი, რომელთა მიმართაც სასამართლო წარმოება მიმდინარეობს.ამასთან, ქართულმა მხარემ „უსაფუძვლო“ უწოდა არჩეული საკანონმდებლო ორგანოს მიერ მიღებული კანონების გაუქმების მოთხოვნას. საგარეო უწყების მტკიცებით, მიღებული კანონები ეროვნულ ინტერესებს ემსახურება და არ ეწინააღმდეგება საერთაშორისო კონვენციებს, ხოლო ქვეყანაში დისკრიმინაციის წინააღმდეგ ბრძოლის ეფექტიანი მექანიზმები მოქმედებს.მიგრაციის მართვა და ანტიკორუფციული რეფორმებიპოლიტიკური საკითხების გარდა, სავიზო დიალოგის ფარგლებში მხარეებმა განიხილეს მიგრაციის მართვის, არალეგალური მიგრაციის პრევენციისა და რეადმისიის სფეროში არსებული მდგომარეობა, სადაც საქართველოს მიერ მიღწეული პროგრესი აღინიშნა. სამინისტროს განცხადებით, საქართველო ამ მიმართულებით აქტიურად თანამშრომლობს ევროკავშირის წევრ სახელმწიფოებთან და პროფილურ სააგენტოებთან.ეკონომიკური და ინსტიტუციური მმართველობის კუთხით, ყურადღება გამახვილდა კორუფციის წინააღმდეგ ბრძოლის მექანიზმებზე, მათ შორის: ქონების მოძიების სამმართველოს შექმნაზე ახალი ანტიკორუფციული სტრატეგიის შემუშავებაზე სახელმწიფო აუდიტის სამსახურის ინსტიტუციური შესაძლებლობების გაძლიერებაზე საგარეო საქმეთა სამინისტროში აცხადებენ, რომ საქართველოს ხელისუფლება აგრძელებს მუშაობას პრაქტიკულ საკითხებზე ევროკავშირთან სავიზო ლიბერალიზაციის პროცესის მდგრადობის უზრუნველსაყოფად, თუმცა მიუღებლად მიიჩნევს აღნიშნული თემით პოლიტიკურ მანიპულირებას. ქართულმა მხარემ კიდევ ერთხელ დაადასტურა მზაობა, გააგრძელოს კონსტრუქციული თანამშრომლობა ევროკავშირთან ურთიერთპატივისცემისა და თანასწორობის პრინციპებზე დაყრდნობით.

1781246730

ირანულ სახელმწიფო ტელეარხ PressTV-თან საუბრისას ბაღაიმ აღნიშნა, რომ მოლაპარაკებების პროცესში მთავარ პრობლემას ვაშინგტონის „არათანმიმდევრული პოზიცია“ წარმოადგენდა.„პრობლემა ის არის, რომ შეერთებული შტატების ურთიერთგამომრიცხავი პოზიციები მუდმივად იწვევდა ტურბულენტობას და აფერხებდა ამ პროცესს“, - განაცხადა მან.ბაღაის თქმით, ირანი მოლაპარაკებებში „კეთილი ნებითა და სრული პასუხისმგებლობით“ ჩაერთო, თუმცა ამერიკული მხარე, მისი შეფასებით, არაერთხელ ცვლიდა პოზიციას, აყენებდა „არარეალისტურ“ მოთხოვნებს და პარალელურად ახორციელებდა სამხედრო თავდასხმებს.11 ივნისს საღამოს აშშ-ის პრეზიდენტმა დონალდ ტრამპმა განაცხადა, რომ მხარეები ომის დასრულებაზე შეთანხმდნენ.„ხელმოწერა მალე შედგება. დოკუმენტები მომზადების საბოლოო ეტაპზეა“, — განაცხადა ტრამპმა.მისი თქმით, შეთანხმების გაფორმების შემდეგ გაიხსნება ჰორმუზის სრუტე, რაც შესაძლოა უახლოეს შაბათ-კვირას მოხდეს.ამასთან, ბრიტანული გამოცემა The Guardian წყაროზე დაყრდნობით წერს, რომ მემორანდუმი არ შეიცავს კონკრეტულ შეთანხმებებს ირანის ბირთვულ პროგრამასთან დაკავშირებით. დოკუმენტში მხოლოდ ის მექანიზმებია აღწერილი, რომლებიც შემდგომი მოლაპარაკებებისთვის იქნება საჭირო, მათ შორის ბირთვული პროგრამისა და ირანის გაყინული აქტივების საკითხებზე.ირანსა და აშშ-ს შორის დაპირისპირება ათწლეულებია გრძელდება, თუმცა ბოლო პერიოდში მხარეებს შორის არაპირდაპირი მოლაპარაკებები გააქტიურდა. ერთ-ერთ მთავარ საკითხად რჩება თეირანის ბირთვული პროგრამა, დასავლეთის მიერ დაწესებული სანქციები და უცხოურ ბანკებში გაყინული ირანული აქტივების ბედი.თუ შეთანხმება მართლაც გაფორმდება, ეს შესაძლოა რეგიონში დაძაბულობის შემცირებისკენ გადადგმული ყველაზე მნიშვნელოვანი ნაბიჯი იყოს ბოლო წლების განმავლობაში. ამასთან, ანალიტიკოსები აღნიშნავენ, რომ საბოლოო შედეგის შეფასება შესაძლებელი იქნება მხოლოდ მას შემდეგ, რაც შეთანხმების სრული ტექსტი გასაჯაროვდება და ცნობილი გახდება, შეიცავს თუ არა ის კონკრეტულ ვალდებულებებს ბირთვული პროგრამისა და სანქციების საკითხებზე.

1781241305

სააგენტო Reuters-ის ინფორმაციით, მასკის ქონება 1.1 ტრილიონ დოლარზე მეტად არის შეფასებული – უპრეცედენტო პირველადი საჯარო შეთავაზების (IPO) წყალობით.მასკის ქონების მკვეთრი ზრდა დაკავშირებულია მისი კოსმოსური კომპანიის, SpaceX-ის რეკორდულ IPO-სთან, რომელმაც $75 მლრდ მოიზიდა და კომპანიის საბაზრო ღირებულება დაახლოებით $1.75 ტრილიონამდე გაზარდა.Reuters-ის შეფასებით, მასკის სიმდიდრის მთავარი წყარო სწორედ SpaceX-ში არსებული წილია, რომლის ღირებულებაც დაახლოებით $866 მლრდ–ს აღწევს. მისი აქტივების მნიშვნელოვან ნაწილს ასევე წარმოადგენს ელექტრომობილების მწარმოებელ კომპანიაში Tesla არსებული აქციები და სხვა ტექნოლოგიური ინვესტიციები.მასკმა დამატებითი ყურადღება 2022 წელს სოციალური ქსელ Twitter-ის (ამჟამინდელი X) 44 მილიარდ დოლარად შეძენის შემდეგაც მიიპყრო, რამაც მისი გავლენა ტექნოლოგიურ და პოლიტიკურ სფეროებში კიდევ უფრო გაზარდა.54 წლის ილონ მასკი დაიბადა სამხრეთ აფრიკის ქალაქ პრეტორიაში. მისი ბიზნესიმპერია დღეს აერთიანებს კოსმოსურ ტექნოლოგიებს, ელექტრომობილებს, ხელოვნურ ინტელექტსა და ციფრულ პლატფორმებს.ანალიტიკოსების შეფასებით, Tesla-მ მნიშვნელოვანი როლი ითამაშა მსოფლიო ავტოინდუსტრიის ელექტრომობილებზე გადასვლაში, ხოლო SpaceX-მა კოსმოსური ინდუსტრიის გარდაქმნა შეძლო მრავალჯერადი გამოყენების რაკეტებისა და Starlink-ის თანამგზავრული ინტერნეტის ქსელის მეშვეობით.მიუხედავად ბიზნესწარმატებისა, მასკი ხშირად ხდება კრიტიკის ობიექტი პოლიტიკური განცხადებებისა და კომპანიების მართვის სტილის გამო. თუმცა ინვესტორების ნდობა მისი პროექტების მიმართ კვლავ მაღალი რჩება, რამაც საბოლოოდ მსოფლიოს პირველი ტრილიონერის სტატუსამდე მიიყვანა.

1781233253

შერი (კომერციული დასახელება "შერიფ კრიპტო გადაცვლა" ) VASP_-ებს შორის ამ დროისთვის პირველი და ერთადერთი დაჯარიმებულია და გაუქმებული, საქმიანობის არასრული 2 წლის თავზე.შერიფი გაუქმებამდე სებ-მა 465 000 -ით დააჯარიმა, რამდენიმე დარღვევისთვის, მ.შ. არ ამონიტორინგებდა. კლიენტს შემოსავლის შეუსწავლელად ემსახურეოდა, ტრანზაქციების მიზნობრიობას არ ადგენდა და არც ვირტუალური აქტივის მომსახურე პროვაიდერის (vasp) ვირტუალური აქტივის წარმომავლობას. ძირითადად კრიპტომოვაჭრეების უმრავლესობა ბირჟის პლატფორმას ირჩევს. თუმცა არიან საოფისეებიც, შერი ამ კატეგორიას განეკუთვნებოდა და შესაბამისად ოფისში (პეკინის გამზ. თბილისი) სალაროთი ემსახურებოდა კლიენტს.ციფრული საფულეები, იგივე VASP-ებ ყიდვა-გაყიდვის ტრანზაქციებს, საოპერაციო, ე.წ. ცხელი საფულის მეშვეობით ასრულებს. არსებობს ცივიც, ე.წ. Ledger, რომელსაც ფინტექ წრეებში მარტივ საფულედ მოიხსენიებენ. ციფრულია, თუმცა ნაკლებად მოდერნიზებული. გარკვეული პროცედურები ხელით სრულდება და კლიენტთა ის ნაწილი ირჩევს, ვისაც ჰგონია, რომ უახლეს ვერსიებზე უფრო უსაფრთხოა და თავს მეტად დაცულად გრძნობს.მარეგულირებელი ნაღდზე მომუშავე პროვაიდერსაც იგივე მოთხოვნებს უწესებს,  VASP-ს პროგრამული უზრუნველყოფის მექანიზმები მოეთხოვება.კ ლიენტის ვერიფიკაციისთვის და კრიპტო wallet სკრინინგისთვის.აშკაშიძეები (შერიფის დამფუძნებლები) რამდენიმე ციფრულ ვალუტის, მ.შ. ეთერიუმის და ბიტკოინის კონვერტაციაზე მუშაობენ, ძირითადად ციფრული დოლარს USDT ხურდავდებოდა ლარში და აშშ დოლარში (და პირიქით).ამ დროისთვის სებ-ში 40 ვასპია რეგისტრირებული. ბოლო ლიცენზია ვნისში დიჯითალ ესეტსმა მიიღო. 

1781199360