თბილისის 2025 წლის ბიუჯეტის განხილვას საკრებულოში ოპოზიცია არ დაესწრება

წინასწარი ინფორმაციით, გადარჩენილია 12 მგზავრი, რომლებიც ადგილობრივ კლინიკებში გადაიყვანეს.  pic.twitter.com/R2iD0D47xG — Newsfeed (@Newsfeed883920) December 25, 2024

1735113091

ამჟამად პორტალზე მუნიციპალურ დონეზე ჩაშლილი 161 მაჩვენებელია განთავსებული, რომელიც მოიცავს ინფორმაციას მოსახლეობისა და დემოგრაფიის, ჯანდაცვის და სოციალური უზრუნველყოფის, განათლების, კულტურის, მშენებლობის, ტურიზმის, ბიზნეს რეგისტრის, ბიზნეს სექტორის, მუნიციპალიტეტების ბიუჯეტის და სხვა სექტორების შესახებ. პორტალი მომხმარებელს საშუალებას აძლევს შედარდეს ძირითადი მაჩვენებლები, როგორც რეგიონების, ისე მუნიციპალიტეტების მიხედვით.რეგიონული და მუნიციპალური სტატისტიკის პორტალი ევროკავშირის, დანიისა და გაეროს განვითარების პროგრამის (UNDP) მიერ მხარდაჭერილი პროექტის ფარგლებში მომზადდა და მისი მიზანია მუნიციპალურ დონეზე სტატისტიკური შესაძლებლობების განვითარება, სტატისტიკის წარმოების გაუმჯობესება და ინფორმაციის ხელმისაწვდომობის გაზრდა, რაც თავის მხრივ ხელს შეუწყობს ადგილობრივ დონეზე განვითარების ღონისძიებების დაგეგმვასა და მონიტორინგს.მუნიციპალიტეტების დონეზე სტატისტიკური მონაცემების წარმოების შესაძლებლობების ზრდა საქართველოს ოფიციალური სტატისტიკის ეროვნული სისტემის განვითარების 2020-2023 წლებისა და დეცენტრალიზაციის 2020-2025 წლების სტრატეგიებით განსაზღვრული ერთ-ერთი პრიორიტეტია. ზემოაღნიშნული სტრატეგიების ფარგლებში, საქართველოს რეგიონული განვითარებისა და ინფრასტრუქტურის სამინისტრო, საქართველოს სტატისტიკის ეროვნული სამსახური და გაეროს განვითარების პროგრამა (UNDP), ევროკავშირისა და დანიის მთავრობის დაფინანსებით, თანამშრომლობენ ადგილობრივ დონეზე საჭიროებებზე დაფუძნებული სტატისტიკის წარმოების გაუმჯობესებისათვის.ახალი მაჩვენებლები ხელმისაწვდომია ბმულზე: https://regions.geostat.ge/regions/

1735112755

განხორციელებული მონიტორინგის ფარგლებში დადგინდა შემდეგი:- 2020-2024 წლებში, (2024 წლის 10 თვე), ქვეყნიდან ექსპორტირებული მოცვის როგორც რაოდენობრივი, ასევე ღირებულებითი მაჩვენებელი მზარდია. რაოდენობრივი კუთხით, 2024 წლის 10 თვის მონაცემებით, ქვეყნიდან ექსპორტირებულია 660%-ით მეტი მოცვი (4969 ტონა) ვიდრე 2020 წელს (654 ტონა). ღირებულებით ნაწილში კი ზრდამ შეადგინა 595%, 2020 წელს ექსპორტირებულია 11,4 მლნ. ლარის მოცვი, ხოლო 2024 წელს ექსპორტის მაჩვენებელი 78,420 მლნ. ლარამდე გაიზარდა. ამასთან, ზრდის ტენდენცია შენარჩუნებულია ყოველ მომდევნო წელს. - 2020-2022 წლებში, შესაბამისი ბაზრის ექსპორტის დონე დაბალკონცენტრირებულია, ხოლო 2023-2024 წლებში ინდექსი მხოლოდ მცირედით აღემატება დაბალკონცენტრირებული ბაზრის მაქსიმალურ ზღვარს. აღნიშნული მიუთითებს, რომ ბაზრის ექსპორტის დონე არ არის კონცენტრირებული კომპანიების მცირე რაოდენობის დონეზე, რაც დადებით ფაქტორს წარმოადგენს ბაზარზე კონკურენტული გარემოს შეფასების კუთხით;- ბაზრის ექსპორტის დონეზე მოქმედი კომპანიების რაოდენობა მზარდია. 2024 წლის მდგომარეობით ექსპორტს 51 კომპანია ახორციელებდა. პრაქტიკულად, ყოველწლიურად, ცვალებადია ბაზარზე მოქმედი ყველაზე მსხვილი ეკონომიკური აგენტი, ასევე, ცვალებადია ბაზარზე მოქმედი 5 ყველაზე მსხვილი ეკონომიკურის აგენტის შემადგენლობაც, 2020 -2024 წლის პერიოდში 5 მსხვილი კომპანიის წილი 54%-63%-ის არეალში იყო წარმოდგენილი;- ბაზარზე არ ფიქსირდება დომინანტი ეკონომიკური აგენტი, ასევე ადგილი არ აქვს ჯგუფური დომინანტური მდგომარეობის დადასტურებისთვის აუცილებელ ერთ-ერთ პირობას საბაზრო წილების სახით;- მოცვის ექსპორტი, ძირითადად, რუსეთის ფედერაციაში ხორციელდება 2024 წელს აღნიშნული ქვეყნის წილი 86%-ის ფარგლებშია, თუმცა, ბოლო წლებში ამ მიმართულებით შესამჩნევია დადებითი ტენდენცია საექსპორტო ბაზრების დივერსიფიცირების თვალსაზრისით - მზარდია ევროპაში ექსპორტირებული მოცვის რაოდენობა.GCCA-ის შეფასების საფუძველზე, მოცვის შესაბამისი ბაზრის ექსპორტის დონეზე არ გამოიკვეთა კონკურენციის კანონმდებლობის დარღვევის რისკები. შესაბამისად, არ არსებობს განგრძობითი დაკვირვების წარმოების მიზნით მონიტორინგის გაგრძელების საფუძველი. კერძოდ, ბაზრის კონცენტრაციის ინდექსისა და მისი ცვლილების, მსხვილი კომპანიების წილობრივი გადანაწილებისა და ბაზარზე კონკურენტული გარემოს შეფასების მიზნით მონიტორინგის პროცესში გამოკვლეული სხვა ფაქტორების გათვალისწინებით, სააგენტო 2020-2024 წლებში (ოქტომბრის ჩათვლით), შესაბამის ბაზარზე კონკურენტულ გარემოს დადებითად აფასებს.2024 წელს, GCCA-ის მიერ დასრულდა 2 - თხილის და მოცვის ბაზრის მონიტორინგი. მიმდინარე დაკვირვების ქვეშ რჩება 3 - საცალო ვაჭრობისა და დისტრიბუციის (FMCG), საავტომობილო საწვავის და თამბაქოს ბაზრის მონიტორინგი.

1735110507

ადმინისტრაციულ ორგანოებში დასაქმებულთათვის, 3-დან 10 იანვრამდე უქმე დღეები გამოცხადდა.დადგენილების თანახმად, უქმეა 2025 წლის 3 იანვარი, 6 იანვარი, ასევე 8 იანვარიდან 10 იანვრის ჩათვლით  დღეები.შესაბამის დადგენილებას  კობახიძემ ხელი მოაწერა. 

1735053960

ყოფილი მისო, რომლის მფლობელებმა (მიკროსაფინანსო ჰოლდინგი - Access Credo GmbH გერმანიიდან, საინვესტიციო ფონდები, რომლებსაც მართავს Triodos Investment Management BV ნიდერლანდებიდან და განვითარების საფინანსო ინსტიტუტი - Proparco /Groupe Agence Française de Développement/ საფრანგეთიდან)16.8%-იან წილში Gojo & Company-ს შეყვანაზე, 1-წლიანი მოლაპარაკების წარმატებოთ დასრულებაზე განაცხადეს, 2024 -ს 50 მლნ-ზე მეტი მოგებით ხურავს.Gojo & Company, JPY 123.7 მლრდ -ის კონსოლიდირებულ სასესხო პორტფელით, მსხილი ინსტიტუციური ინვესტორია (სატაო ოფისი: ტოკიო). მც/მიკრო ბიზნესის მხარდაჭერია განვთარებად, აზიის და აფრიკის ქვეყნებში, მათ შორისაა კამბოჯა, შრი ლანკა და რეგიონიდან ტაჯიკეთი.ბანკის  საკრედიტო პორტფელი  წლის  დასაწყისიდან  18.6%-ით გაზრდილია და 2.4 მლრდ ლარს აღემატება (2023 – 2.024 მლრდ). საბაზრო წილი კი 4%-მდეა (2023 – 3.76%).თუმცა ამასთან პრობლემური სესხების მოცულობაც მომატებულია, წლიურად, 10 მილიონით, 24 მლნ ლარამდე (L/Y -  14 მლნ), თუმცა მთლიან პორტფელში  1%-ის ფარგლებშია.სესხების რაოდენობა 16.5%-ით გაზრდილია და  566 000-ს აღემატება (L/Y – 585 430). 

1735049813

ორგანიზაციის ინფორმაციით, 2024 წლის დეკემბრიდან თანამდებობის პირთა დეკლარაციების პორტალს დაედო ე.წ. ავტორიზაციის ფუნქცია. ავტორიზაცია არ იძლევა ახალი მომხმარებლის რეგისტრაციის შესაძლებლობას. ავტორიზაცია ასევე შეუძლებელია ახალი პირადობის მოწმობით. დეკლარაციების პორტალზე განთავსებულ საჯარო ინფორმაციაზე დაინტერესებულ პირს წვდომა აღარ აქვს.როგორც IDFI აცხადებს, ამ საკითხზე ანტიკორუფციულ ბიუროს არანაირი განმარტება არ გაუვრცელებია. მათი ინფორმაციით, 2024 წლის 6 დეკემბერს ორგანიზაციამ ბიუროსგან მოითხოვა საჯარო ინფორმაცია დეკლარაციებზე წვდომის შეზღუდვასთან დაკავშირებით."ოფიციალური პასუხის მიღებამდე ბიურომ ვერბალურად განგვიმარტა, რომ ცვლილება გამოწვეული იყო ტექნიკური ხარვეზით, თუმცა ბიუროს მიერ 17 დეკემბერს ოფიციალურად მოწოდებულ პასუხში ტექნიკური ხარვეზი საერთოდ არ არის ნახსენები.ანტიკორუფციული ბიუროს წერილობით პასუხში მითითებულია, რომ ბიუროს აკისრია დეკლარაციის საჯაროობის უზრუნველყოფის ამოცანა და დაინტერესებულ პირებს შეუძლიათ მიმართონ საჯარო ინფორმაციის განცხადების მოთხოვნით. ბიურო დამატებით განმარტავს, რომ დეკლარაციების ადმინისტრირების სამართლებრივი ბაზა არ შეცვლილა.აღნიშნული პასუხიდან ირიბად დასტურდება, რომ საქართველოში დეკლარაციების გამოქვეყნება აიკრძალა მენეჯერული გადაწყვეტილების საფუძველზე. თუმცა, საკითხის მნიშვნელობის გათვალისწინებით, IDFI-მ ბიუროში გააგზავნა დამაზუსტებელი მოთხოვნა, პირდაპირი და ნათელი პასუხის მისაღებად.არსებული ფაქტობრივი გარემოებები მიუთითებს, რომ ანტიკორუფციულმა ბიურომ დააბრუნა 2010 წლამდე არსებული მდგომარეობა და აკრძალა თანამდებობის პირთა ქონებრივ დეკლარაციებზე საზოგადოების პროაქტიული წვდომა", - ნათქვამია IDFI-ს მიერ გავრცელებულ განცხადებაში.IDFI მიიჩნევს, რომ ანტიკორუფციულმა ბიურომ დაუყოვნებლივ უნდა გააკეთოს განმარტება პორტალის ფუნქციონირების შეჩერების რეალურ მიზეზებთან დაკავშირებით და აღადგინოს დეკლარაციების საჯარო პორტალის ხელმისაწვდომობა.

1735039006

ომბუდსმენის აპარატის ცნობით, 18-საწოლიან ცენტრში გამოიკვეთა ინფრასტრუქტურული პრობლემები.„იქ მყოფ პაციენტებს არ აქვთ სუფთა ჰაერზე გასვლის შესაძლებლობა; შენობაში გამოწვევაა სანიტარულ-ჰიგიენური პირობების დაცვა. ამასთან ხშირია ერთი და იგივე პირების სტაციონირების შემთხვევები, რაც გამოწვეულია რეგიონში სათემო სერვისების ნაკლებობით.მკურნალობის პროცესში პაციენტები არ არიან უზრუნველყოფილნი ფსიქოსოციალური რეაბილიტაციური ინტერვენციებით და ნაკლებადაა გათვალისწინებული მათი ინდივიდუალური საჭიროებები. ცენტრი განიცდის საჭირო პერსონალის/სპეციალისტების სიმცირეს.სახალხო დამცველი და მისი რწმუნებულები განაგრძობენ ფსიქიატრიულ დაწესებულებებში განთავსებული პირების უფლებების დაცვაზე ზედამხედველობას და მონიტორინგის შედეგები აისახება საპარლამენტო და სპეციალურ ანგარიშებში“, – აცხადებს ომბუდსმენი.

1735038306

განცხადებაში აღნიშნულია, რომ არ არსებობს დადასტურებული ფაქტები და მტკიცებულებები, რომ პარლამენტის არჩევნებზე ადგილი ჰქონდა ისეთ დარღვევებს, რომელსაც შეეძლო არსებითი გავლენის მოხდენა საბოლოო შედეგებზე.შესაბამისად, ცესკოს შეფასებით, განცხადებები, თითქოს არჩევნები გაყალბდა, არ შედგა, არის აბსოლუტურად უარგუმენტო და ახდენს ფაქტობრივი გარემოებების პოლიტიკურად მოტივირებულ იგნორირებას.„ცენტრალური საარჩევნო კომისია ეხმაურება 26 ოქტომბრის არჩევნებთან დაკავშირებით საქართველოს პრეზიდენტის მიერ გავრცელებულ ბრალდებებს, რომელიც, როგორც ჩანს, წარმოადგენს კონკრეტული პოლიტიკური ინტერესებით განპირობებული დეზინფორმაციული და მანიპულაციური კამპანიის გაგრძელებას. განცხადებები, თითქოს არჩევნები გაყალბდა, არ შედგა, არის აბსოლუტურად უარგუმენტო და ახდენს ფაქტობრივი გარემოებების პოლიტიკურად მოტივირებულ იგნორირებას.კიდევ ერთხელ ხაზგასმით აღვნიშნავთ, რომ არ არსებობს დადასტურებული ფაქტები და მტკიცებულებები იმისა, რომ პარლამენტის არჩევნებზე ადგილი ჰქონდა ისეთ დარღვევებს, რომელსაც შეეძლო არსებითი გავლენის მოხდენა ამ არჩევნების საბოლოო შედეგებზე. მიუხედავად ამისა, საქართველოს პრეზიდენტი, სამწუხაროდ, იმეორებს ზოგიერთი დაინტერესებული წარმომადგენლის პროპაგანდისტულ ნარატივს და ამით ადგილობრივ თუ საერთაშორისო დონეზე ცდილობს არჩევნებისა და, შესაბამისად, საარჩევნო ადმინისტრაციის დისკრედიტაციას, რითაც ხელს უწყობს ისედაც პოლარიზებულ გარემოში კიდევ უფრო მეტი დაძაბულობის შემოტანას.მიუხედავად იმისა, რომ საარჩევნო პროცესში იყო გარკვეული შენიშვნები, ხარვეზები თუ წუხილები, აღსანიშნავია, რომ საარჩევნო ადმინისტრაციამ 26 ოქტომბრის არჩევნების ადმინისტრირება განახორციელა მაღალ პროფესიულ დონეზე და კანონმდებლობის სრული დაცვით, რაც, როგორც მინიმუმ, დადასტურებულია ეუთო/ოდირის სადამკვირვებლო მისიის ახლახან გამოქვეყნებულ შეფასებაში. ასევე, ჩვენი მხრიდან გამოითქვა სრული მზაობა, საკუთარი კომპეტენციის ფარგლებში, განვიხილოთ და შესაძლებლობის ფარგლებში გავითვალისწინოთ ყველა რეკომენდაცია, რომელიც გამოითქვა საარჩევნო პროცესის გაუმჯობესების უზრუნველსაყოფად. სრულიად დარწმუნებული ვართ, რომ ახლა სწორედ მსგავსი პროცესის ინიციირების და ჩართულ მხარეებს შორის მშვიდ გარემოში მსჯელობის დროა და არა კიდევ უფრო მეტი სიმძაფრის შემოტანის მცდელობის.გვინდა საზოგადოებას ამასთანავე შევახსენოთ, რომ 26 ოქტომბრის არჩევნების შედეგების გამოცხადების შემდეგ, „სავარაუდო გაყალბებასთან“ დაკავშირებით გავრცელებული განცხადებებიდან გამომდინარე, საარჩევნო ადმინისტრაციამ თავად მიმართა უფლებამოსილ უწყებას და მოითხოვა გამოძიების დაწყება გავრცელებული პრეტენზიების ობიექტურად შესაფასებლად. რამდენადაც საჯაროდ გავრცელებული ინფორმაციით ცნობილია, ამ დრომდე არავის წარუდგენია გახმოვანებული ბრალდებების რაიმე არსებითი ან კონკრეტული მტკიცებულებები.კიდევ ერთხელ მოვუწოდებთ პრეზიდენტს და ყველა დაინტერესებულ პირს, რომელიც აყენებს მსგავს ბრალდებებს, წარმოადგინონ შესაბამისი, საფუძვლიანი მტკიცებულებები ან თავი შეიკავონ უარგუმენტო/უსაფუძვლო და საზოგადოების შეცდომაში შემყვანი განცხადებების გავრცელებისაგან, რომლებიც აზიანებს საზოგადოების ნდობას საარჩევნო პროცესის მიმართ.საარჩევნო ადმინისტრაცია მტკიცედ რჩება გამჭვირვალობისა და ანგარიშვალდებულების სტანდარტის დამცველი. ნებისმიერ დეზინფორმაციას მოჰყვება ფაქტობრივი და ყოვლისმომცველი პასუხი, რათა უზრუნველყოფილი იყოს საზოგადოების ზუსტი ინფორმირება საარჩევნო პროცესის მთლიანობის შესახებ. მოვუწოდებთ ყველა დაინტერესებულ მხარეს, იმოქმედონ პასუხისმგებლობით და წვლილი შეიტანონ საქართველოს დემოკრატიული ინსტიტუტებისადმი ნდობის გაძლიერებაში და არა პირიქით დამსხვრევაში“, - ნათქვამია განცხადებაში. 

1735035714