სერბეთში არეულობაა: აქციის მონაწილეებმა მმართველი პარტიის შტაბი დაარბიეს

საარჩევნო კანონმდებლობის თანახმად,  მუნიციპალიტეტის ორგანოთა არჩევნებისათვის რეგისტრირებულ პარტიას უფლება აქვს, თითოეული მუნიციპალიტეტისთვის მერობის თითო კანდიდატი წარადგინოს, ხოლო  ამომრჩეველთა საინიციატივო ჯგუფს უფლება აქვს წარადგინოს მხოლოდ ერთი კანდიდატი.  რეგისტრირებულმა პარტიამ მერობის კანდიდატის საარჩევნო რეგისტრაციისათვის საბუთები შესაბამისი საოლქო საარჩევნო კომისიის თავმჯდომარეს, ხოლო ქალაქ თბილისის მერობის კანდიდატის შემთხვევაში - ცესკოს თავმჯდომარეს უნდა წარუდგინოს არჩევნების დღემდე არაუგვიანეს 30-ე დღისა (4 სექტემბერი), ხოლო ამომრჩეველთა საინიციატივო ჯგუფმა - არჩევნების დღემდე არაუგვიანეს 47-ე დღისა (18 აგვისტო).√ დაუშვებელია ერთი და იმავე პირის ერთზე მეტი მუნიციპალიტეტის მერობის კანდიდატად წარდგენარეგისტრირებულმა პარტიამ/ამომრჩეველთა საინიციატივო ჯგუფმა მერობის კანდიდატის წარდგენის შესახებ განცხადებას, რომელიც დამოწმებულია პარტიის ხელმძღვანელი პირის (პირების)/ ამომრჩეველთა საინიციატივო ჯგუფის წევრთა ხელმოწერებით, თან უნდა დაურთოს მერობის  კანდიდატის მიერ შევსებული და ხელმოწერილი განაცხადი პარტიული კუთვნილების შესახებ.პარტიული კუთვნილების შესახებ განაცხადში კანდიდატის საანკეტო მონაცემებთან (სახელი, გვარი, საქართველოს მოქალაქის პირადი ნომერი) და განაცხადის შევსების თარიღთან ერთად მითითებული უნდა იყოს, რომ იგი იმ პარტიის წევრია, რომელი პარტიის მიერაც არის წარდგენილი (არჩევნებისთვის რეგისტრირებული პარტიის მიერ წარდგენის შემთხვევაში), ან არის უპარტიო, ან თუ დატოვა პარტია კანდიდატის რეგისტრაციის შესახებ განცხადების წარმოდგენამდე ბოლო 6 თვის განმავლობაში, ვალდებულია მიუთითოს პარტიიდან გასვლის ზუსტი თარიღი და ამ პარტიის სახელწოდება. თუ კანდიდატი „მოქალაქეთა პოლიტიკური გაერთიანებების შესახებ” საქართველოს ორგანული კანონის შესაბამისად რეგისტრირებული სხვა პარტიის წევრია, განაცხადში უნდა მიუთითოს პარტიის სახელწოდება.მერობის კანდიდატი საარჩევნო რეგისტრაციაში არ გატარდება, ხოლო რეგისტრირებული კანდიდატის საარჩევნო რეგისტრაცია გაუქმდება შესაბამისი  საარჩევნო კომისიის თავმჯდომარის განკარგულებით, თუ აღმოჩნდა, რომ კანდიდატი „მოქალაქეთა პოლიტიკური გაერთიანებების შესახებ” საქართველოს ორგანული კანონის შესაბამისად რეგისტრირებული სხვა პარტიის წევრია.გარდა აღნიშნულისა, განცხადებას უნდა ერთოდეს მერობის კანდიდატის მიერ შევსებული და ხელმოწერილი სააღრიცხვო ბარათი 1 ცალად, უფლების ჩამორთმევის შესახებ ცნობა, საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი და 2 ფოტოსურათი.√ უფლების ჩამორთმევის შესახებ ცნობას გასცემს საჯარო სამართლის იურიდიული პირი - საქართველოს შინაგან საქმეთა სამინისტროს მომსახურების სააგენტო.სააღრიცხვო ბარათში უნდა აღინიშნოს ყოველი კანდიდატის: გვარი, სახელი; დაბადების თარიღი (რიცხვი, თვე, წელი); სქესი; მისამართი (საქართველოს მოქალაქის პირადობის მოწმობის ან სააგენტოს მონაცემთა ბაზის მიხედვით); საქართველოს მოქალაქის პირადი ნომერი; საკონტაქტო ტელეფონის ნომერი; სამუშაო ადგილი (თუ უმუშევარია, მიეთითება „უმუშევარი“); თანამდებობა (საქმიანობა); საქართველოში 6 თვის განმავლობაში ცხოვრების ფაქტი; თანხმობა შესაბამისი მუნიციპალიტეტის მერად კენჭისყრაზე; ხელმოწერა და ხელმოწერის თარიღი. ამომრჩეველთა საინიციატივო ჯგუფის მიერ წარდგენილი მერობის კანდიდატის რეგისტრაციაში გასატარებლად ამომრჩეველთა საინიციატივო ჯგუფის წარმომადგენელმა კენჭისყრამდე არაუგვიანეს  მე-40 დღისა (25 აგვისტო) შესაბამის საარჩევნო კომისიას უნდა წარუდგინოს მერობის კანდიდატის მხარდამჭერ ამომრჩეველთა სია, რომელთა მინიმალური ოდენობა საარჩევნო ოლქების მიხედვით ცესკოს 2025 წლის 5 აგვისტოს №113/2025 განკარგულებით განისაზღვრა.(R) 

1755248697

საანგარიშო პერიოდში, სამაცივრე მეურნეობების მიერ უცხო ქვეყნებში გაყიდული პროდუქციის ღირებულებამ 7.4 მლნ. ლარი შეადგინა, რაც ამავე პერიოდში გაყიდული პროდუქციის მთლიანი ღირებულების 3.%-ს შეადგენს. საზღვარგარეთ ძირითადად რეალიზებულია ქათმის ხორცი, ხილი და ბოსტნეული.გამოკვლევის შედეგების მიხედვით, კამერების საშუალო დღიური დატვირთვა (პროცენტულად კამერების ჯამური ტევადობიდან) აპრილში შეადგენდა 44%-ს, მაისში – 44.8%-ს, ხოლო ივნისში – 58.1%-ს.2025 წლის II კვარტალში საქართველოში 116 ერთეული ცხოველთა და ფრინველთა სასაკლაო ფუნქციონირებდა, მათგან 19.8% მდებარეობს კახეთის რეგიონში, 16.4% – ქვემო ქართლის რეგიონში, 15.5% – შიდა ქართლის რეგიონში, 14.7% – იმერეთის რეგიონში, 9.5% – სამეგრელო-ზემო სვანეთის რეგიონში, 8.6% – მცხეთა მთიანეთის რეგიონში, ხოლო 15.5% სხვა რეგიონებშია განთავსებული.საქსტატის გამოკვლევის შედეგების მიხედვით, 2025 წლის II კვარტალში სასაკლაოებში დაიკლა 124.8 ათასი სული პირუტყვი, საიდანაც 34.3% – მსხვილფეხა რქოსანი პირუტყვი, 59% – ღორი, ხოლო 4.7% ცხვარი და თხა იყო. დანარჩენი პირუტყვის წილი (არ მოიცავს ფრინველს) 1.9%-ს შეადგენს.გარდა ამისა, საანგარიშო პერიოდის განმავლობაში სასაკლაოებში დაკლული ფრინველის რაოდენობა 3 133.6 ათასი ერთეულით განისაზღვრა.სასაკლაოების მიერ 2025 წლის II კვარტალში 15.5 ათასი ტონა ხორცი იქნა წარმოებული (იგულისხმება დაკლული წონა, ფრინველის ხორცის ჩათვლით), საიდანაც 31.8% მოდის მსხვილფეხა რქოსანი პირუტყვის ხორცზე, 32.4% – ფრინველის ხორცზე, 34.9% – ღორის ხორცზე, 0.9% – ცხვრისა და თხის ხორცზე, ხოლო დანარჩენს უმნიშვნელო წილი უკავია.საანგარიშო პერიოდში მომსახურება გაეწია 9.6 ათას პირს, საიდანაც 44.7% შინამეურნეობების (ოჯახური მეურნეობები) სახით იყვნენ წარმოდგენილნი, სასაკლაოებში დასაქმებულთა საშუალო თვიურმა რაოდენობამ კი 1 021 კაცი შეადგინა.ერთეული პირუტყვის დაკვლაზე მომსახურების საშუალო ფასი შეადგენს: მსხვილფეხა რქოსანი პირუტყვის დაკვლის საფასური – 40.5 ლარი, ღორის დაკვლის საფასური – 33.7 ლარი, ხოლო ცხვრის ან თხის დაკვლის საფასური – 13.3 ლარი.2025 წლის II კვარტალში საქართველოში 234 ერთეული სამაცივრე მეურნეობა ფუნქციონირებდა, რომელთა უმრავლესობაც (43.6%) შიდა ქართლის რეგიონშია განთავსებული. მოქმედი სამაცივრე მეურნეობები ასევე განთავსებულია თბილისში (15.8%), კახეთის რეგიონში (12.8%), სამეგრელო-ზემო სვანეთის რეგიონში (7.7%), იმერეთის რეგიონში (5.1%), ქვემო ქართლის რეგიონში (4.7%), აჭარის ა.რ.-ში (4.3%), გურიის რეგიონში (2.1%), სამცხე-ჯავახეთის რეგიონში (1.7%), მცხეთა-მთიანეთის რეგიონში (1.7%) და რაჭა-ლეჩხუმისა და ქვემო სვანეთის რეგიონში (0.4%).საქსტატის მონაცემებით, 2025 წლის II კვარტალში მომსახურება გაეწია 399 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით 735 ერთეული შეადგინა, ხოლო სამაცივრეებში დასაქმებულთა საშუალო თვიური რაოდენობა 1 508 კაცით განისაზღვრა.2025 წლის II კვარტალის განმავლობაში სამაცივრეებში შენახული (განთავსებული) იყო 90.7 ათასი ტონა პროდუქცია, მათ შორის 41.6%  – ქათმის ხორცი (გაყინულის ჩათვლით), 20.7% – ხორცი და ხორცპროდუქტები (ნახევარფაბრიკატების ჩათვლით, ქათმის ხორცის გარდა), 14.8% – თევზეული, 11.8% – ხილი და ბოსტნეული, 6.2 პროცენტი – რძის პროდუქტები და 4.9% – სხვა პროდუქტები.2025 წლის II კვარტალში სამაცივრე მეურნეობებში შენახული პროდუქციის მთლიანი მოცულობიდან 14%-ს – საკუთარი წარმოების, 25.6%-ს – შემდგომი რეალიზაციის მიზნით შესყიდული, ხოლო 60.4%-ს მომსახურების სახით შენახული პროდუქცია შეადგენდა. ამავე პერიოდში, მომსახურების სახით მიღებულმა შემოსავალმა 7.8 მლნ. ლარი შეადგინა.2025 წლის II კვარტალში საქართველოში 29 ელევატორი ფუნქციონირებდა, რომელთა უმრავლესობაც ქვემო ქართლის (34.5%) რეგიონში იყო განთავსებული. ელევატორების 20.7% ფუნქციონირებდა სამეგრელო-ზემო სვანეთის რეგიონში, 13.8% კახეთის რეგიონში, 10.3% – შიდა ქართლის რეგიონში, 10.3% – თბილისში, 6.9% – იმერეთის რეგიონში, 3.4% – გურიის რეგიონში.2025 წლის II კვარტალის განმავლობაში მომსახურება გაეწია 15 მომხმარებელს. მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია შემდგომი რეალიზაციის მიზნით, 41 ერთეული შეადგინა, ხოლო ელევატორებში დასაქმებულთა საშუალო თვიური რაოდენობა 390 კაცით განისაზღვრა.2025 წლის II კვარტალში, ელევატორებში შენახული (განთავსებული) იყო 116.8 ათასი ტონა პროდუქცია, რომლის 65.8%-ს წარმოადგენდა ხორბალი და 17.5%-ს სოიოს შროტი. საანგარიშო პერიოდში, ელევატორებში განთავსებული პროდუქციის მთლიანი მოცულობის 65.6%-ს ელევატორების მიერ შემდგომი რეალიზაციის მიზნით შესყიდული პროდუქცია შეადგენდა.2025 წლის II კვარტალში, ელევატორების მიერ გაყიდულია 73.2 მლნ. ლარის ღირებულების 65 ათასი ტონა პროდუქცია, საიდანაც 32.9% იყო იმპორტირებული პროდუქცია, ხოლო 58.3% – ადგილობრივი (საკუთარი წარმოების) პროდუქცია.ელევატორების მიერ საკუთარი წარმოების პროდუქციაში, როგორც მოცულობის, ისე ღირებულების მიხედვით, ჭარბობდა ხორბლის ფქვილი, რომელზეც მოდიოდა ელევატორების მიერ გაყიდული საკუთარი წარმოების პროდუქციის 78.4%.საქსტატის გამოკვლევის შედეგების მიხედვით, ელევატორების საცავების საშუალო დღიური დატვირთვა (პროცენტულად საცავების ჯამური ტევადობიდან) აპრილში შეადგენდა 45.6%-ს, მაისში – 45.2%-ს, ხოლო ივნისში – 45.8%-ს.

1755245091

ამაში დარწმუნდა თიბისი ბიზნესდაჯილდოების ჟიურიც და 2025 წლის საუკეთესო ფრილანსერის ჯილდოც მას მიაკუთვნა.„ენერგია არც აქამდე მაკლდა, მაგრამ ამ მოულოდნელი გამარჯვების შემდეგ კიდევ უფრო  ენერგიული და კონცენტრირებული გავხდი. პასუხისმგებლობაც გამეზარდა. თიბისი ჩემთვის კულტურული პლატფორმაცაა, რომელიც ამ სფეროს წლებია ეხმარება და მაღალი ხარისხის პროექტებს ქმნის. ჩემი კოზირიც, ვფიქრობ, ხარისხია. ჯილდომ მომანდომა ხალხს ვაჩვენო რა მაქვს გაკეთებული“, - ამბობს მანანა არაბული.გაკეთებულიც ბევრი აქვს და მოსაყოლიც. თბილისში სამხატვრო აკადემიის დასრულების შემდეგ არ დარჩენილა სფერო, სადაც საკუთარი ძალები არ  მოსინჯა. ( თან წარმატებულად): კერამიკაზე, მხატვარ დიზაინერად, კინემატოგრაფიაშიც კი იმუშავა,  თან ოთარ იოსელიანის ფილმზე „შანტრაპა“.წლების წინ დააფუძნა დიზაინ-სტუდია და მაღაზია Black dog. სპეცპროექტით “Typography rebirth“ შეძლო მოეძიებინა მე-19  და მეოცე საუკუნის ქართული ფონტები და ფაქტობრივად ახალი სიცოცხლე აჩუქა.  თუმცა, ერთ-ერთი გამორჩეული პროექტი, რომელიც ყველა თაობის ადამიანმა შეიყვარა „ფაბრიკის“ Fabrika-ს კორპორატიული იდენტობაა.„6 ხელი მაქვს, შამანობა შემიძლია“- ხუმრობს თავადაც. „ვფიქრობ, ჩემს სტილს გამორჩეულს ის ხდის, რომ პროფესიით ხელოვანი ვარ“.ბოლო 10 წელია სრულად ფრილანსინგზე გადაერთო. მანანასთვის შემოქმედებითი თავისუფლება უმნიშვნელოვანესია, ურჩევნია კომპანიამ იცოდეს მისი გამოცდილება, ენდობოდეს გემოვნებას. ამ პროცესს თანაბრად აქვს თავისი დადებითი  მხარე და გამოწვევებიც.„როდესაც ფრილანსერი ხარ შემოქმედების არეალი უფრო  ფართო გაქვს. არ ხარ ვინმეზე მიბმული და არ ასრულებ მუდმივად ერთი დამკვეთის სურვილებს. თუმცა, მუდმივად მუშაობა გიწევს, მოდუნების დრო და საშუალებაც არ გაქვს, ამიტომ ჯარისკაცივით  მუდმივი მობილიზება გიწევს“,- ამბობს მანანა.დამკვეთთან ურთიერთობისას მთავარი ნდობაა, უარს ამბობს  თანამშრომლობაზე თუ კონტენტი არ აინტერესებს. პირდაპირია და პრინციპული. ამბავს იხსენებს წარსულიდან, როგორ  არ უყვარდა „დეკორატიულობა“, გულს უსმენდა, ვიდრე გონებას და შედეგზე მეტად მუშაობის პროცესი იზიდავდა.„წინსვლა და სიცოცხლე მხოლოდ მოძრაობაშია. ბუნებრივია, ამ გზაზე შეცდომებიც მოსულა, ის გამოცდილებას და  მეტ კვალიფიკაციას გაძლევს. იმავეს ვურჩევდი ახალ თაობას, ინტერნეტის ხანაა, ბევრად მეტის სწავლა შეიძლება“.

1755245029

საქსტატმა ასევე დააზუსტა საქართველოში განხორციელებული პირდაპირი უცხოური ინვესტიციების მოცულობა 2020 წლიდან. შესაბამისად, ქვემოთ მოცემულ ცხრილში წარმოდგენილია დაზუსტებული მაჩვენებლები და შესაბამისი ცვლილებების გამომწვევი ძირითადი მიზეზები:2024 წელს რეინვესტიციის წილმა მთლიანი პირდაპირი უცხოური ინვესტიციების 85.8% შეადგინა. სამი უმსხვილესი ინვესტორი ქვეყნის წილმა პირდაპირი უცხოური ინვესტიციების საერთო მოცულობაში, 2024 წლის დაზუსტებული მონაცემებით, 54.4% შეადგინა.პირველ ადგილზე იმყოფება გაერთიანებული სამეფო 27.5%-ით ($431.1 მლნ), მეორეზეა ნიდერლანდები 14.7%-ით ($230.9 მლნ), ხოლო მესამეზე - მალტა 12.2%-ით (1$91.7 მლნ).2024 წელს სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 60.2% შეადგინა.ყველაზე მეტი პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა და $579.5 მლნ შეადგინა, რაც პირდაპირი უცხოური ინვესტიციების საერთო მოცულობის 36.9%-ია.მეორე ადგილზე იმყოფება დამამუშავებელი მრეწველობის სექტორი $183.6 მლნ-ით (11.7%), ხოლო მესამეზე - უძრავი ქონების სექტორი $182 მლნ-ით (11.6%).

1755245003

„მთავრობის გადაწყვეტილება, რომ 2025 წლის რთველის ფარგლებში ჭარბ ყურძენს სახელმწიფო საწარმო ჩაიბარებს მაღალ და დაბალხარისხიან ყურძენზე დიფერენცირებული ფასით, მიღებულია ათასობით მევენახის მხარდაჭერად.ჩვენი რეფორმის მიზანია, რომ მევენახის მიერ მოყვანილი მოსავალი სრულად და შეუფერხებლად დაბინავდეს, ყურძენი იყოს ხარისხიანი და ქართული ღვინოპროდუქციის ხარისხიც შეესაბამებოდეს უმაღლეს საერთაშორისო სტანდარტებს. ეს არის უალტერნატივო გზა იმისთვის, რომ გაგრძელდეს და შენარჩუნდეს მევენახეობა-მეღვინეობის დარგის ბოლო წლების განვითარების დინამიკა და ქართულმა ღვინომ მსოფლიო ღვინის ბაზარზე მყარად დაიმკვიდროს ადგილი პრემიუმ სეგემენტში“, - აცხადებს ლევან მეხუზლა, რომლის კომენტარსაც ღვინის ეროვნული სააგენტო სოციალურ ქსელში ავრცელებს.საქართველოს მთავრობის განკარგულების თანახმად, გასული წლებისგან განსხვავებით, ღვინის კერძო კომპანიებზე სუბსიდია აღარ გაიცემა. ყურძნის იმ ჭარბ რაოდენობას, რომელზეც კერძო სექტორიდან მოთხოვნა არ იქნება, სახელმწიფო საწარმო, შპს ,,მოსავლის მართვის კომპანია“ ჩაიბარებს დადგენილ ფასად: კახეთის რეგიონში მოწეული საფერავის ჯიშის ყურძენს 1,50 ლარად, „ვაზისა და ღვინის შესახებ“ საქართველოს კანონით ნებადართულ სხვა საღვინე ჯიშების ყურძენს 1,20 ლარად; არაკონდიციურ ყურძენს, რომლის შაქრიანობა არ აღემატება 18%-ს 1,00 ლარად, ასევე 1,00 ლარად დაზიანებულ/დაავადებულ ყურძენს.ღვინის ეროვნული სააგენტოს ინფორმაციითვე, 2025 წელს, ყურძნის საპროგნოზო მოსავალი 250-300 ათას ტონის ფარგლებშია.

1755244896

ღორის რაოდენობა 175.6 ათასი სულით განისაზღვრა, რაც 12.5%-ით ნაკლებია წინა წლის შესაბამის მაჩვენებელზე.ფრინველის რაოდენობა წინა წლის ანალოგიურ მაჩვენებელთან შედარებით 6.6%-ით გაიზარდა და 11.1 მილიონი ფრთა შეადგინა.საქსტატის წინასწარი მონაცემებით, 2025 წლის II კვარტალში რძის წარმოებამ 184.0 მილიონი ლიტრი შეადგინა, რაც წინა წლის ანალოგიურ მაჩვენებელზე 1.1%-ით ნაკლებია.ხორცის წარმოებამ 18.2 ათასი ტონა შეადგინა, რაც 2024 წლის შესაბამის პერიოდის მაჩვენებელზე 9.5%-ით ნაკლებია.საანგარიშო პერიოდის განმავლობაში წარმოებულია 179.7 მილიონი კვერცხი, რაც წინა წლის ანალოგიურ მაჩვენებელზე 6.6%-ით მეტია.

1755242453

კერძოდ, GCCA-ს და მოვაჭრეს შორის გაფორმებული შეთანხმების თანახმად, კანონის სავარაუდო დარღვევის აღმოსაფხვრელად, სააგენტოს გადაწყვეტილებით, მოვაჭრეს დაევალა:- გამოასწოროს კომპანიის შიდა პოლიტიკა და  კანონის მოთხოვნებს შეუსაბამოს;- შეიმუშაოს მომხმარებლისთვის ინფორმაციის მიწოდების ფორმა ქართულ ენაზე - მკაფიოდ, გასაგებად და სრულად;- უზრუნველყოს სავაჭრო ობიექტში განთავსებულ საქონელზე ან მომსახურებაზე გასაყიდი ფასისა და ერთეულის ფასის მკაფიო და გასაგები ფორმით მითითება;- მკაფიოდ ჩამოაყალიბოს საგარანტიო პირობები და სხვა.GCCA-ის გადაწყვეტილებით, მოვაჭრეს განესაზღვრა 1 თვის ვადა -  სააგენტოს წინაშე ნაკისრი ვალდებულებების შესასრულებლად. მნიშვნელოვანია აღინიშნოს, რომ სააგენტოსთან გაფორმებული პირობითი ვალდებულების ხელშეკრულება არის ერთ-ერთი მნიშვნელოვანი სამართლებრივი მექანიზმი, რომლის ფარგლებშიც კომპანიას ევალება თავისი სავაჭრო პოლიტიკა კანონთან შესაბამისობაში მოიყვანოს.

1755241776

კამპანია უკვე 9 პარტნიორ ბრენდს აერთიანებს, მათ შორის ერთ-ერთი GT Motors-ის პორტფელში შემავალი საერთაშორისო ბრენდი Jaguar-ია.“GT Motors-ში სოციალური პასუხისმგებლობა ჩვენი საქმიანობის განუყოფელი ნაწილია. აღნიშნული კამპანია კი განსაკუთრებულად ახლოს დგას ჩვენს საქმიანობასთან, რადგან ერთ ინიციატივაში აერთიანებს ეკოლოგიას, ბრენდს და ღირებულებებს - ეს არის CSR-ის სწორედ ის ფორმა, რომელიც სიმბოლურ დონაციაზე გაცილებით მეტს აკეთებს ცნობიერების ასამაღლებლად. ბუნების თემატიკაზე დაფუძნებული ეს კამპანია ჩვენთვის სრულიად ახალ, გამორჩეულ სივრცეს ხსნის - იმ სივრცეს, სადაც ბრენდის ბუნება და ნამდვილი ბუნება ერთმანეთთან იკვეთებიან საერთო სიკეთისთვის.ამასთან, სიმბოლურია, რომ GT Motors-ის პორტფელში შემავალი საერთაშორისო ბრენდები იმ სეგმენტში მოხვდნენ, რომელთაც ეს კამპანია ეხებათ - ანუ არიან იმ ბრენდებს შორის, რომელთა ლოგოტიპშიც ცხოველის გამოსახულება ფიგურირებს. თანაც როგორი საამაყოა, როცა ჩვენს შემთხვევაში ისეთ ბრენდებზე გვაქვს საუბარი როგორიც არის Jaguar და Mustang. ალბათ, როცა ავტომობილების ბრენდების ამ ტიპის ლოგოებს ვიხსენებთ, პირველი ყველას სწორედ ეს ორი ბრენდი და ლოგოტიპი გვახსენდება. გამომდინარე იქიდან, რომ ბუნების დაცვა და მდგრადი განვითარების მხარდაჭერა ჩვენი კომპანიისთვის ერთ-ერთი მთავარი ღირებულებაა, მოხარული ვართ, რომ შეგვიძლია ჩვენივე ვიზუალური იდენტობა და მარკეტინგული ძალისხმევა გამოვიყენოთ კეთილი საქმისთვის. ჩვენთვის პატივია ვიყოთ იმ კომპანიებს შორის, ვინც შეუერთდა ამ ინიციატივას და გვინდა, ჩვენი მონაწილეობით სხვებსაც მივცეთ მაგალითი, ჩაერთონ აღნიშნულ კამპანიაში და საკუთარი წვლილი შეიტანონ ბუნების დაცვის პროცესში”, - აღნიშნავს ელლა კამლაძე, GT Motors-ის მარკეტინგის ხელმძღვანელი.Jaguar-ის ვიზუალური იდენტობა ინსპირაციას ბუნებიდან იღებს - ნახტომში გამოსახული იაგუარი ასახავს ბრენდის ძირეულ ფასეულობებს - ელეგანტურობას, ეფექტიანობას, ძალასა და მუდმივი წინსვლის ამბიციას. ის ხაზს უსვამს ბრენდის დინამიკურ სულს და მუდმივ მისწრაფებას პროგრესისკენ.„ჩვენს პორტფელში შემავალი საერთაშორისო ბრენდების  სიმბოლიკა სრულიად ორგანულად ეხმიანება კამპანიის მთავარ გზავნილს, რადგან ეს ბრენდები ქმნიან სიმბოლურ კავშირს მტაცებელ ცხოველებთან, რომლებიც ადამიანებს ოდითგანვე აძლევდნენ ბიძგსა და ძალას მოძრაობისთვის და ახალ გარემოებთან ადაპტაციისთვის. Jaguar-სა და Mustang-ს ბრენდებად ჩამოყალიბების სრულიად სხვადასხვა ისტორიები აქვთ, რადგან ერთი სრულიად დამოუკიდებელ ორგანიზმად ჩამოყალიბდა, მეორე კი დიდი ბრენდის ქვეშ. თუმცა მათ აერთიანებთ ის, რომ ორივე ბრენდი სიმბოლურად გადმოსცემს იმ ძალასა და ენერგიას, რომელსაც ადამიანი ბუნებიდან იღებს“, - აღნიშნავს ელლა კამლაძე, GT Motors-ის მარკეტინგის ხელმძღვანელი.ინფორმაციისთვის, საქართველოს ბანკისა და CNF-ის კამპანიაში GT Motors-ის პორტფელში  შემავალი ორი საერთაშორისო ბრენდი - Jaguar და Mustang ჩაერთო,კამპანია კრეატიულ სააგენტო Leavingstone-თან თანამშრომლობით ხორციელდება.

1755240431