ვინ იქნება შემდეგი...

პირველი კვარტლის მდგომარეობით, საკრედიტო დაბანდებამ უძრავ ქონებაში (დეველოპმენტი; მენეჯმენტი; სამშ. კომპანიები; სამშ. მასალები) 4.843 მლრდ ლარი შეადგინა (Q1/2024 – 4.067 მლრდ. + 19%Y.Y).„საქართველოს ბანკისთვის სამშენებლო დეველოპერულ სექტორს მნიშვნელოვანი წილი უჭირავს ჩვენს პორტფელში. ბიზნესის ხელშეწყობა და მათთვის საიმედო პარტნიორობის გაწევა ჩვენი მთავარი პრიორიტეტია. ჩვენ კი არ ვჩერდებით და ვაგრძელებთ ბიზნესების მხარდაჭერას“, - განაცხადა საქართველოს ბანკის კორპორაციული გაყიდვების სექტორის უფროსმა გიორგი სახვაძემ, ერთ-ერთ ახალ $7 მილიონიან დეველოპერული პროექტის (Tower Ketevan) გაშვებისას.BOG-ისთვის ასევე პრიოიტეტულია ინვესტირება ქვეყნისთვის სტრატეგიულ ენერგერტიკულ პროექტებში. გენერაციის ახალი ობიექტების მნიშვნელობაზე აღინიშნა G&T-ის ახალ  კვლევაში ,სადაც ანალიზი ინვესტირებისას გასათვალისწინებელ ყველა საკითხზეა წარმოდგენილი: გენერაციაზე, მოხმარების და ფასების ტენდენციებზე, ექსპორტის შესაძლებლობებზე...აღნიშნულის სექტორის დაკრედიტება 18.3%-ითაა გაზრდილია.

1750767960

სამინისტროს პრეს–სამსახურის ცნობით, ფინანსთა მინისტრმა AIIB-ის პრეზიდენტს გააცნო ქვეყნის ეკონომიკაში არსებული  ვითარება და საშუალოვადიანი პროგნოზები, გარდა ამისა, საუბარი შეეხო საქართველოს მიერ საერთაშორისო მასშტაბის ინფრასტრუქტურული პროექტების მიმდინარეობას.შეხვედრაზე მხარეებმა გამოთქვეს მზაობა გაგრძელდეს თანამშრომლობა ქვეყნის მდგრადი განვითარების ხელშეწყობის მიმართულებით.დღეის მდგომარეობით, აზიის ინფრასტრუქტურის საინვესტიციო ბანკის საკრედიტო პორტფელი საქართველოში, დაახლოებით, 550 მლნ აშშ დოლარია.

1750763363

როგორც კობახიძემ აღნიშნა, ლევან დავითაშვილი ეკონომიკურ საკითხებში პრემიერის მთავარი მრჩევლისა და ეკონომიკური საბჭოს მდივნის თანამდებობას დაიკავებს.დავითაშვილმა მადლობა გადაუხადა ბიძინა ივანიშვილს და მარიამ ქვრივიშვილს წარმატებები უსურვა."ჩვენ ყველა გახარებული ვართ ეკონომიკის სამინისტროში, რომ ახალი ეტაპი იწყება ეკონომიკის სამინისტრო ცხოვრებაში'', - თქვა ლევან დავითაშვილმა.ქვრივიშვილმა პირველი მადლობა ირაკლი კობახიძეს გადაუხადა, "გამოცხადებული ნდობისთვის" და დასძინა, რომ მისთვის დიდი პატივია ეკონომიკის მინისტრის პოზიციიდან ემსახუროს საქართველოს, მის ეკონომიკურ კეთილდღეობასა და ზრდას."მთელი ის ცოდნა და გამოცდილება, რაც ეკონომიკის სამინისტროში მუშაობისას დავაგროვე დამეხმარება იმაში, რომ წარმატებით დავასრულოთ ყველა მიმდინარე პროექტი, დავსახოთ ახალი გეგმები და განვაგრძოთ ჩვენი ქვეყნის ეკონომიკური ზრდა", - განაცხადა ქვრივიშვილმა.ლევან დავითაშვილი საქართველოს ეკონომიკისა და მდგრადი განვითარების მინისტრის პოსტს 2022 წლის 9 თებერვლიდან იკავებდა. იყო ვიცე-პრემიერი 2021 წლის 12 ივლისიდან. მანამდე, 2016-2022 წლებში იყო სოფლის მეურნეობისა და გარემოს დაცვის მინისტრი.მარიამ ქვრივიშვილი 2021 წლიდან ამ დრომდე იყო ეკონომიკის მინისტრის მოადგილე, ის ასევე არის “ქართული ოცნების” პოლიტიკური საბჭოს წევრი.

1750760250

გვარაკიძის კანდიდატურა პარლამენტს საპროკურორო საბჭომ წარუდგინა.18 ივნისს საპროკურორო საბჭომ განაცხადა, რომ საბჭოს წევრებმა გენერალური პროკურორობის კანდიდატად ხმათა უმრავლესობით გიორგი გვარაკიძე აირჩიეს. ის ერთადერთი კანდიდატი იყო.24 ივნისს, ახლად არჩეულმა გენერალურმა პროკურორმა, ჟურნალისტებთან განცხადებაც გააკეთა და გიორგი გახარიას საკითხთან ერთად, 2 დღეში დაკავებული 4 პოლიტიკოსის საკითხიც მიმოიხილა.მან თქვა, რომ "გიორგი გახარიას ჩორჩანას ეპიზოდთან კავშირი, რა თქმა უნდა, აქვს და იგი გამოკითხული იქნება. მისივე თქმით, ამ საქმეზე ყოველდღიურ რეჟიმში მიმდინარეობს ინტენსიური საგამოძიებო მოქმედებები.ჟურნალისტის კითხვას, შესაძლოა თუ არა რომ გიორგი გახარია პასუხისგებაში მიეცეს, ახალი გენპროკურორი პასუხობს, რომ საჭიროა დაველოდოთ მოვლენებს. "ჯერ ვერაფერს ვიტყვით მაგასთან დაკავშირებით, იმიტომ რომ ჯერ არ დამდგარა ის დღე, როდესაც უნდა გამოცხადდეს ბატონი გიორგი გახარია".გვარაკიძემ ჟურნალისტებთან ისიც განაცხადა, რომ "ოპოზიციონერმა პოლიტიკოსებმა დემონსტრაციულად თქვეს უარი კანონის შესრულებაზე, რაც მიმაჩნია, რომ არასამართლიანია - კანონის წინაშე ყველა ადამიანი თანაბარია მისი პოლიტიკური თუ სხვაგვარი შეხედულების მიუხედავად". მისივე თქმით, „პროკურატურა არის დამოუკიდებელი ორგანო და გადაწყვეტილებებს კანონთან შესაბამისობაში იღებს“.ვინ არის გიორგი გვარაკიძე?გიორგი გვარაკიძემ საქართველოს პროკურატურაში მუშაობა 2003 წელს სტაჟიორ პროკურორის პოზიციიდან დაიწყო და წლების განმავლობაში იკავებდა სხვადასხვა თანამდებობას. 2003-2004 წწ. - იმერეთის საოლქო პროკურატურის საგამოძიებო ნაწილის სტაჟიორი პროკურორ-კრიმინალისტის თანამდებობაზე; 2004 წ. - იმერეთის საოლქო პროკურატურის საგამოძიებო ნაწილის პროკურორ-კრიმინალისტი; 2004-2005 წწ. - იმერეთის საოლქო პროკურატურის საგამოძიებო ნაწილის უფროსი გამომძიებელი; 2005-2009 წწ. - დასავლეთ საქართველოს საოლქო პროკურატურის საგამოძიებო ნაწილის უფროსი გამომძიებელი; 2009-2011 წწ. - დასავლეთ საქართველოს საოლქო პროკურატურის საგამოძიებო ნაწილის უფროსი; 2011 -2016 წწ. - დასავლეთ საქართველოს საოლქო პროკურორის მოადგილე, საგამოძიებო ნაწილის უფროსი; 2016-2019 წწ. - აჭარის ავტონომიური რესპუბლიკის პროკურატურის საგამოძიებო ნაწილის უფროსი; 2019 წ. - ქუთაისის რაიონული პროკურორის მოადგილე; 2019-2022 წწ. - სახელმწიფო ინსპექტორის სამსახურის საგამოძიებო დეპარტამენტის უფროსის მოადგილე; 2022-2024 წწ. - სპეციალური საგამოძიებო სამსახურის საგამოძიებო დეპარტამენტის უფროსის მოადგილე; 2024-2025 წწ. - სპეციალური საგამოძიებო სამსახურის სპეციალურ საქმეთა გამოძიების დეპარტამენტის უფროსის მოადგილე; 2025 წ. - თბილისის პროკურორი; 2025 წლის 4 ივნისს დაინიშნა საქართველოს გენერალური პროკურორის პირველ მოადგილედ. 4 ივნისს ცნობილი გახდა, რომ გიორგი გაბიტაშვილმა გენერალური პროკურორის თანამდებობა დატოვა. ის „ოცნების“ პარლამენტმა გენერალური აუდიტორის თანამდებობაზე აირჩია. გიორგი გაბიტაშვილი ერთ-ერთია, რომელიც 10 აპრილს, გაერთიანებულმა სამეფომ ადამიანის უფლებების სანქციების გლობალურ სიაში შეიყვანა.

1750758583

ტარეკ მუჰმუდს საბანკო და გადახდების სფეროში 30 წელზე მეტი გამოცდილება აქვს. ბოლო პერიოდში ის ხელმძღვანელობდა Visa-ს Value-Added Services (VAS) ევროპის რეგიონში. ის Visa-ს 2019 წელს შეუერთდა და თავდაპირველად სამხრეთ-აღმოსავლეთ აზიის რეგიონს ხელმძღვანელობდა. ტარეკი Visa-ს გლობალური მარკეტების ჯგუფის პრეზიდენტის, ოლივერ ჯენკინის, ლიდერობის ქვეშ გაუძღვება CEMEA-ს რეგიონს.ტარეკ მუჰმუდი ახალ პოზიციაზე ენდრიუ ტორეს შეცვლის, რომელიც Visa-ს VAS ბიზნეს მიმართულების პრეზიდენტად დაინიშნა. ბოლო წლებში, ეს მიმართულება სწრაფად განვითარდა და დღეს, უკვე, 9 მილიარდ დოლარიან გლობალურ ბიზნესს წარმოადგენს. 2021 წლიდან კი წლიური შემოსავლების 20%-იან ზრდას აჩვენებს.„მოხარულები ვართ, რომ Visa-ს ყველაზე სწრაფად მზარდი რეგიონის ხელმძღვანელი იქნება ლიდერი, რომელსაც როგორც ფინანსური მომსახურებისა და ტექნოლოგიების მიმართულებით, ისე სწრაფად მზარდ მარკეტებზე მუშაობის დიდი გამოცდილება აქვს. ტარეკი გააგრძელებს CEMEA-ს რეგიონში ციფრული გადახდების განვითარებას”, განაცხადა ოლივერ ჯენკინმა, Visa-ს გლობალური მარკეტების ჯგუფის პრეზიდენტმა. „ტარეკს 13 ქვეყანაში მუშაობის გამოცდილებასთან ერთად, უნიკალური გლობალური ხედვა, ძლიერი ლიდერის თვისებები და Visa-ს უმსხვილეს კლიენტებთან წარმატებული პარტნიორობის დიდი გამოცდილება აქვს“.„ჩემთვის დიდი პატივია ვუხელმძღვანელო CEMEA-ს რეგიონს და  გავაგრძელო საქმიანობა გადახდების, კომერციისა და ფულადი გზავნილების ტრანსფორმაციის მიმართულებით“, აღნიშნა ტარეკ მუჰმუდმა, ცენტრალური და აღმოსავლეთ ევროპის, ახლო აღმოსავლეთისა და აფრიკის (CEMEA) რეგიონულმა მენეჯერმა. „კარიერის მესამედზე მეტი სწორედ ამ რეგიონში მაქვს გატარებული და მოხარული ვარ, რომ მაქვს შესაძლებლობა ხელი შევუწყო ციფრული გადახდების გაფართოებას უფრო მეტი მომხმარებლის, მერჩანტისა და მარკეტისთვის. მოუთმენლად ველი თანამშრომლობას ჩვენს გამორჩეულ გუნდთან, რათა კლიენტებთან და პარტნიორებთან ერთად, რეგიონში საერთო წარმატებას მივაღწიოთ“. 

1750758090

GBC სრულად გთავაზობთ არასამთავრობო ორგანიზაციების ერთობლივ განცხადებას:„დღეს 60-ზე მეტი ადამიანი სინდისის პატიმარია. სასამართლოები, პროკურატურა და სხვა სახელმწიფო ინსტიტუტები მმართველი პარტიის პოლიტიკურ ინსტრუმენტად გადაიქცა. მიმდინარეობს სამოქალაქო საზოგადოების მიზანმიმართული დევნა და მედიის თავისუფლების შეზღუდვა.ივანიშვილმა აირჩია ძალაუფლების შენარჩუნება დიქტატურის გზით და ყოველ დღე ირღვევა ადამიანის ფუნდამენტური უფლებები. ეს არ არის ერთი ჯგუფის პრობლემა - ეს არის საფრთხე თითოეული მოქალაქისთვის. ხვალ ნებისმიერი შეიძლება თავად გახდეს რეპრესიების მსხვერპლი.საქართველოს მოქალაქეები არ დავნებდებით! საქართველო არ გახდება რუსეთი!საჭიროა მტკიცე და ერთიანი პასუხი რეპრესიებზე. დემოკრატიული სამყარო ხედავს ჩვენს ბრძოლას და სოლიდარობას გვიცხადებს. ახლა, როგორც არასდროს, აუცილებელია ერთმანეთის გვერდით დგომა, მოქმედება და პროტესტი.ჩვენ ამ ბრძოლაში მარტო არ ვართ — და ამ ბრძოლაში ერთად უნდა გავიმარჯვოთ”.განცხადებას ხელს აწერენ: საერთაშორისო გამჭვირვალობა – საქართველო ეკონომიკური პოლიტიკის კვლევის ცენტრი სამოქალაქო მოძრაობა თავისუფლებისთვის საფარი სამოქალაქო საზოგადოების ფონდი პრევენცია პროგრესისთვის მედია-პლატფორმა „კაქტუსი” ევროპულ-ქართული ინსტიტუტი (EGI) ქვემო ქართლის ქალთა ასოციაცია „ქალი და სამყარო” ჩემი იმერეთი ადამიანის უფლებათა ცენტრი EECMD დემოკრატიის კვლევის ინსტიტუტი (DRI) საქართველოს სასამართლოს გუშაგი • Georgian Court Watch გორის ხელოვნების სახლი – გორელ ფოტოგრაფთა კლუბი ფენიქსი 2009 ENPUD დემოკრატიის მცველები ევროპის ფონდი საქართველოს ევროპული ორბიტა ტოლერანტობის და მრავალფეროვნების ინსტიტუტი (TDI) საქართველოს ფსიქოსოციალური დახმარების ასოციაცია ნდობა ასოციაცია “ქალები რეგიონების განვითარებისათვის” საზოგადოებრივი ხელოვნების პლატფორმა სამართლიანი არჩევნებისა და დემოკრატიის საერთაშორისო საზოგადოება (ISFED) წამების მსხვერპლთა ფსიქოსოციალური და სამედიცინო რეაბილიტაციის ცენტრი GCRT ალტერნატივა ჯორჯია უფლებები საქართველო ძალადობისგან დაცვის ეროვნული ქსელი საქართველოს მომავლის აკადემია მწვანე ალტერნატივა ქალთა ინიციატივების მხარდამჭერი ჯგუფი მედიის, ინფორმაციის და სოციალური კვლევების ცენტრი პარტნიორობა ადამიანის უფლებებისთვის სოციალური სამართიანობის ცენტრი რეგიონული ინიციატივების ცენტრი „ნათელი მომავალი”

1750756922

ფინანსთა სამინისტროს ცნობით, მხარეებმა განიხილეს საქართველოსა და აზიის ინფრასტრუქტურის საინვესტიციო ბანკს შორის თანამშრომლობის საკითხები. ხაზი გაესვა პარტნიორობის მნიშვნელობას ისეთი მიმართულებებით, როგორებიცაა: მდგრადი განვითარების ხელშეწყობა, კლიმატი, ენერგოეფექტურობა, დაკავშირებადობის გაძლიერება.მხარეებმა იმედი გამოთქვეს, რომ ურთიერთობა მომავალშიც გაგრძელდება, როგორც ორმხრივ, ისე რეგიონულ დონეზე.

1750756732

სამშაბათის დილის ვაჭრობაზე Brent–ის ფასი $67,5–მდეც კი ჩამოვიდა. შესაბამისად, „ომის მაქსიმუმიდან“ ვარდნამ 17,1% შეადგინა. სამშაბათს დილით ისრაელი და ირანი დაზავდნენ (თუმცა რამდენიმე საათში ირანმა ისრაელისკენ ერთი რაკეტა მაინც გაუშვა და ისრაელი პასუხისთვის ემზადება).„ტრეიდერებს ისეთი რეაქცია აქვთ, თითქოს ირანში საყურადღებო აღარაფერია, – ამბობს იონ ტრისი, საინვესტიციო ბიულეტენის Fuller Treacy Money გამომცემელი. – Brent–ის ფასი ირანის მიერ ორმუზის სრუტის ჩაკეტვის შანსის შემცირებას მიჰყვა“. ეს მკაფიო სიგნალია იმისა, რომ ზეწოლა, რომელსაც ნავთობის ფასებზე ირანის მიერ ორმუზის სრუტის ჩაკეტვა იწვევდა, გამოირიცხა ნავთობის კოტირებებში, დასძენს ტრისი. 

1750756275