· ფიზიკური პირებს შესაძლებლობა აქვთ, დარეგისტრირდნენ ინდ.მეწარმეებად· ფიზიკურ პირებს ან ინდ.მეწარმეებს შესაძლებლობა აქვთ, დაარეგისტრირონ საკუთარი ბიზნესი.თიბისის ფილიალებში მისული მომხმარებლები, ერთი ვიზიტით, ბიზნესის რეგისტრაციასთან ერთად, ანგარიშის გახსნას და ბიზნესისთვის საჭირო სხვადასხვა პროდუქტისა თუ მომსახურების აქტივაციასაც შეძლებენ. ეს კი, მომხმარებლებს მნიშვნელოვნად დაუზოგავს დროს და  ბანკთან ურთიერთობას კიდევ უფრო გაუმარტივებს.სიახლით სარგებლობა ნებისმიერ პირს შეუძლია იმის მიუხედავად, არის თუ არა ის თიბისის მომხმარებელი. თუ პირი თიბისის მომხმარებელი ჯერ არ არის, შესაძლებლობა აქვს, ფილიალშივე გახსნას ანგარიში და იმავე ვიზიტის ფარგლებში, დაარეგისტრიროს ბიზნესი.სერვისი ამ ეტაპზე, თბილისში, თიბისის 20-მდე ფილიალშია ხელმისაწვდომი. უახლოეს მომავალში კი,  ბიზნესის რეგისტრაცია უკვე რეგიონებშიც იქნება შესაძლებელი.ბიზნესის დარეგისტრირების სერვისის შესახებ დეტალური ინფორმაციისთვის, ასევე იმ ფილიალების სრული ჩამონათვალის სანახავად, სადაც აღნიშნული სერვისით სარგებლობაა შესაძლებელი, ეწვიეთ ბმულს: https://tbcbank.ge/ka/business/registration-at-tbc-branches 

1784882297

2026 წლის საზაფხულო ბანაკების ფარგლებში შეხვედრა ამჯერად ყვარლის ახალგაზრდული ბანაკის მონაწილეებთან გაიმართა.შეხვედრა ცენტრალური საარჩევნო კომისიის თავმჯდომარე გიორგი კალანდარიშვილმა და ახალგაზრდობის სააგენტოს ხელმძღვანელის მოადგილე ანა ბუხრაშვილმა გახსნეს.შეხვედრის ფარგლებში გიორგი კალანდარიშვილმა ახალგაზრდებთან საარჩევნო პროცესში მათი აქტიური ჩართულობის მნიშვნელობაზე, არჩევნების შესახებ სანდო და ობიექტური ინფორმაციის ფლობის აუცილებლობასა და ამომრჩევლის როლის შესახებ ისაუბრა.ცესკოს თავმჯდომარემ მიმოიხილა 2024 - 2025 წლების საერთო არჩევნები, განსაკუთრებული ყურადღება დაუთმო საარჩევნო ელექტრონული ტექნოლოგიების დანერგვის პროცესს, მათ უპირატესობებსა და იმ გამოცდილებას, რომელიც საარჩევნო ადმინისტრაციამ აღნიშნული სისტემის წარმატებით დანერგვამდე და დანერგვის პროცესში დააგროვა. მან ასევე ისაუბრა საარჩევნო პროცესთან დაკავშირებით გავრცელებული დეზინფორმაციის გავლენასა და იმ გამოწვევებზე, რომელთა საპასუხოდაც საარჩევნო ადმინისტრაცია შესაბამის ღონისძიებებს ახორციელებს.შეხვედრის ფარგლებში ცესკოს თავმჯდომარემ ახალგაზრდებს ასევე გააცნო საარჩევნო ადმინისტრაციის საგანმანათლებლო პროექტები, რომლებიც ახალგაზრდებში საარჩევნო კულტურის, სამოქალაქო პასუხისმგებლობისა და დემოკრატიული პროცესების მიმართ ცნობიერების ამაღლებას ემსახურება.შეხვედრის მიმდინარეობისას გიორგი კალანდარიშვილმა მონაწილეებს საარჩევნო ადმინისტრაციის ჟურნალი „არჩევნები 360˚“ წარუდგინა და აღნიშნა, რომ გამოცემა მკითხველს აქტუალურ საარჩევნო თემებზე მრავალმხრივ და ამომწურავ ინფორმაციას სთავაზობს.შეხვედრის დასკვნით ნაწილში ახალგაზრდებს საშუალება ჰქონდათ პრაქტიკაში თავად გამოეცადათ საარჩევნო ელექტრონული ტექნოლოგიები.  ამასთან, ახალგაზრდებმა მათთვის მნიშვნელოვან და საინტერესო თემებთან დაკავშირებით არაერთი კითხვა დასვეს, რაზეც ამომწურავი პასუხები მიიღეს.აღსანიშნავია, რომ საზაფხულო ბანაკების პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები საინფორმაციო შეხვედრებს ქვეყნის სხვადასხვა რეგიონში კვლავ გამართავენ, რაც ხელს შეუწყობს ახალგაზრდების საარჩევნო განათლების, ინფორმირებულობისა და დემოკრატიულ პროცესებში მათი აქტიური ჩართულობის გაძლიერებას.

1784880604

სატესტო ფრენა იპოდრომ „ყაზანათის“ ტერიტორიაზე „მომავლის თამაშების“ პროგრამის ფარგლებში გაიმართა. დემონსტრაციისთვის გამოიყენეს ელექტრო საფრენი აპარატი AutoFlight Prosperity, რომელიც ერთ პილოტსა და ხუთ მგზავრზეა გათვლილი. მას საათში 200 კმ-მდე სიჩქარის განვითარება და ერთი დამუხტვით 200 კმ-მდე მანძილის დაფარვა შეუძლია.ღონისძიების ორგანიზატორები იყვნენ ყაზახური კომპანია Alatau Advance Air Group Ltd. (AAAG) და ჩინური AutoFlight.AAAG-ის ხელმძღვანელმა სერგეი ხეგაიმ განაცხადა, რომ პროექტმა ბოლო წელიწად-ნახევარში მსოფლიო გამოცდილების შესწავლიდან ინფრასტრუქტურის შექმნასა და სადემონსტრაციო ფრენების ჩატარებამდე გაიარა გზა. მისი თქმით, ურბანული საჰაერო მობილობის განვითარებისთვის საჭიროა ციფრული ინფრასტრუქტურის, საჰაერო მოძრაობის მართვის სისტემის, ვერტიპორტების, შესაბამისი საკანონმდებლო ბაზისა და სპეციალისტების მომზადების სისტემის შექმნა.მისივე განცხადებით, პროექტის მთავარი მიზანი მომავალი თაობებისთვის ახალი მაღალტექნოლოგიური ინდუსტრიის შექმნაა.ყაზახეთში აეროტაქსის, eVTOL-ისა და უპილოტო ავიაციის განვითარების მარეგულირებელი კანონი ივნისში ამოქმედდა. ქვეყანაში აეროტაქსის პირველი გამოცდა 19 მაისს, ქალაქ ალატაუში, ქვეყნის პირველ ვერტიპორტში ჩატარდა.

1784877403

მადრიდის რეგიონში სამი ტყის ხანძრის გამო 10 ათასზე მეტი ადამიანის ევაკუაცია გახდა საჭირო. ხანძრები ვილია-დელ-პრადოში, სან-მარტინ-დე-ვალდეიგლესიასსა და ტოლედოს პროვინციის ალმოროქსში გაჩნდა.ავილაში, ქალაქ ბურგოჰონდოში, ოთხშაბათს გაჩენილი ხანძრის გამო ელ-ტიემბლოს მუნიციპალიტეტში ტურისტული კომპლექსიდან და საცხოვრებელი რაიონიდან 1 500 ადამიანის ევაკუაცია განხორციელდა.ესპანეთი ამჟამად ბოლო პერიოდის ყველაზე მასშტაბურ ტყის ხანძრებს ებრძვის. გვადალახარის პროვინციაში ხანძარმა „ლა-მიერლამ“ 32 ათასი ჰექტარი მოიცვა. ხანძარი კვლავ აქტიურია, თუმცა ვითარება გაუმჯობესებისკენ მიდის და ევაკუირებული 34 მუნიციპალიტეტიდან ზოგიერთში მოსახლეობის დაბრუნება უკვე შესაძლებელი გახდა.

1784876304

 (ექსპორტიორები: აჭარ-ენერჯი 2007, ენერჯი დეველოპმენტ ჯორჯია, სვანეთი ჰიდრო, კასლეთი 2, შპს აისი, ავსტრიან ჯორჯიან დეველოპმენტი და ესკო)1-20 ივლისის საშუალო მაჩვენებლით, თურქეთში ელექტოენერგიის საშუალო ფასი კვტ.სთ-ზე იყო 6.0 აშშ ცენტი.G&T-ის კვლევით, ივნისში კომერციული იმპორტი და ექსპორტი არ განხორციელებულა 2026 წლის ივნისში თურქეთში ელექტროენერგიის ექსპორტი შემცირდა 7.9-ჯერ რაოდენობრივად და 12-ჯერ ღირებულებით. ექსპორტმა თურქეთში შეადგინა 24.0 გვტ.სთ და 0.7 მლნ აშშ დოლარი, ხოლო, ექსპორტის საშუალო ფასმა კვტ.სთ-ზე 2.8 აშშ ცენტი (-34.4% წ/წ).ერთადერთი ექსპორტიორი იყო ესკო, რომლის მიზანიც იყო ძველი ვალის დაბრუნება. ექსპორტის ფასის, მოცულობისა და შემოსავლის ასეთი შემცირება თურქეთის ბაზარზე ფასების მკვეთრ კლებას და თურქეთში გაზრდილ გენერაციას უკავშირდება:• 2026 წლის ივნისში, ელექტროენერგიის საშუალო ფასი თურქეთის ბაზარზე შეადგენდა 2.9 აშშ ცენტს/კვტ.სთ-ზე,რაც წლიურად 34.4%-იანი კლება, თუმცა თვიურად 61.1%- იანი ზრდაა.• ასეთი დაბალი ფასი ექსპორტის ეკონომიკურ მიმზიდველობას მნიშვნელოვნად ამცირებს, რადგან ექსპორტიორებს გადაცემის ტარიფისა და გარანტირებული სიმძლავრის საფასურის გადახდაც უწევდათ - ჯამში 1.5 ცენტის.• თურქეთის ბაზარზე ელექტროენერგიის გენერაცია იმდენად გაიზარდა, რომ თურქეთმა უარი თქვა საქართველოდან ელექტროენერგიის კომერციულ იმპორტზე. თურქეთის ბაზარზე გენერაციის ზრდა გამოწვეული იყო კარგი ჰიდროლოგიით და მზის სადგურების ინტენსიური მშენებლობით. 

1784817960

G&T -ის ინფორმაციით, მოხმარების უმნიშვნელო ზრდას დაემთხვა ექსპორტის მინიმუმამდე შემცირება, რის გამოც ჯამური მოთხოვნა შემცირდა. მოთხოვნა-მიწოდებას შორის ბალანსის დასაცავად, სისტემის ოპერატორმა (ელექტროსისტემამ), მაისის თვის მსგავსად, მოითხოვა გენერაციის შეზღუდვა. ჩვენი ინფორმაციით, ივნისში კარგი ჰიდროლოგია იყო და რომ არა შეზღუდვები, გენერაცია წლიურად გაიზრდებოდა. შესაბამისად, გენერაციის წლიური კლება მეტწილად შეზღუდვებით აიხსნება. 2026 წლის ივნისში ადგილობრივი გენერაცია 16.3%-ით შემცირდა და 1.1 ტვტ.სთ შეადგინა, აქედან:o ჰიდროგენერაცია: -16.1% წ/წ, მათ შორის:o ენგურ-ვარდნილი: +3.3% წ/წo სხვა რეგულირებული ჰესები: -30.7% წ/წo დერეგულირებული ჰესები: -34.8% წ/წo ქარის და მზის გენერაცია: -14.0% წ/წo თბოგენერაცია: მინიმალური გენერაცია ტესტირების გასავლელად.ელექტროენერგიის კომერციული იმპორტი არ განხორციელებულა. G&T გენერაციის შეზღუდვებს ივლისში არ ელის, რადგან:• ისტორიულად, ივლისის თვე ნაკლები გენერაციის სიჭარბით ხასიათდება - დასრულებულია წყალუხვობისპერიოდი მდინარეებში.• საქართველოს კლიმატური პირობებისა და ტურისტული სეზონის გააქტიურებასთან ერთად, მოსალოდნელიაადგილობრივი მოხმარების ზრდაც.• თურქეთში ექსპორტი დაიწყო 6 ივლისიდან, რაც ენერგიაზე მოთხოვნას გაზრდის.• ესკოს გაფორმებული აქვს თურქეთთან ბარტერის შეთანხმება, რომლის პირობებიც მაისის მიმოხილვაშია. ბარტერის გამოყენება გაზრდის ექსპორტს და შესაბამისად მოთხოვნასელექტროენერგიაზე.

1784814000