„მცირე მარნის“ სტატუსის შეკვეცა და 375 000 ლარი ბიზნესის ჯიბიდანგარემოს დაცვისა და სოფლის მეურნეობის სამინისტროს მიერ მომზადებული საკანონმდებლო ინიციატივა რამდენიმე ფუნდამენტურ რეფორმას ითვალისწინებს, რაც პირდაპირ ავიწროებს მცირე მეწარმეობის საზღვრებს. ახალი წესით, იცვლება „მცირე ზომის მარნის“ დეფინიცია და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება.ამასთანავე, თუ აქამდე სავალდებულო ორგანოლეპტიკურ (სენსორულ) შემოწმებას მხოლოდ საექსპორტო პროდუქცია გადიოდა, ახალი რეგულაციით, როგორც საექსპორტოდ, ისე ადგილობრივ სამომხმარებლო ბაზარზე რეალიზაციისთვის განკუთვნილი ყველა კატეგორიის ღვინო სავალდებულო დეგუსტაციას დაექვემდებარება.სააგენტოს მონაცემებით, შიდა ბაზარზე მოქმედი 900-მდე აქტიური კომპანიისგან სარეალიზაციოდ განკუთვნილი დაახლოებით 5 000 ლოტირებული პროდუქცია სწორედ ამ სავალდებულო ფილტრში გატარდება. თითოეული ლოტის შემოწმება კერძო სექტორს 75 ლარი უჯდება, რაც ჯამურად ბიზნესის ჯიბიდან 375 000 ლარის ამოღებას ნიშნავს.სახელმწიფო აპარატი ამ ნაბიჯს განმარტავს და აცხადებს, რომ ეს დამატებითი ფინანსური რესურსი მევენახეობა-მეღვინეობის განვითარების პროგრამებს მოხმარდება. თუმცა, ეკონომიკური კანონზომიერება სხვაა: ნებისმიერი დამატებითი მოსაკრებელი საბოლოოდ პროდუქტის თვითღირებულებაზე აისახება და ამ ტვირთის გადახდა ისევ მომხმარებელს მოუწევს.ამ ფონზე ჩნდება კითხვა შერჩევითი მიდგომის თაობაზეც: ორგანოლეპტიკური შემოწმების ვალდებულება არ გავრცელდება მხოლოდ „ბუნებრივ ღვინოზე“ (რომელიც კანონში ტერმინ „სახლის ღვინოს“ ანაცვლებს და ითვალისწინებს წარმოებას ქიმიური სინთეზური საშუალებების გარეშე). რატომ ტოვებს სახელმწიფო ამ კატეგორიას კონტროლის მიღმა, მაშინ როცა სხვა ყველასთვის ფილტრს ამკაცრებს?ამ კითხვით GBC-მ კომპანია „ღვინუკას“ დამფუძნებელ ზუკა მაისაშვილს მიმართა. იგი ამ გამონაკლისს ბუნებრივი ღვინის სპეციფიკით ხსნის და მიიჩნევს, რომ ეს დიდ სურათს არ ცვლის: „იმდენად ცოტა ბუნებრივი ღვინო იწარმოება ქვეყანაში იმ რაოდენობასთან შედარებით, რაც არის ინდუსტრიული ღვინო, რომ მისი კონტროლი ქვეყნიდან გასული ღვინის ხარისხზე გავლენას ვერ ახდენს დიდ სურათში. ბუნებრივ ღვინოზე როცა ვსაუბრობთ, იქ მანიპულაციები და მეღვინის ჩარევა ნაკლებია. შესაძლებელია დაშვებები იყოს და რაღაც ნაკლოვანებები გააჩნდეს ღვინოს, რაც ინდუსტრიული და მეცნიერული მიმართულებით დაუშვებელია, მაგრამ ბუნებრივი ღვინის მოყვარულებისთვის და ამ დარგის მეღვინეებისთვის ჩვეულებრივად დასაშვებია. ალბათ, ეს სხვაობა ამან გამოიწვია“.ბიუროკრატიული ოპტიმიზმი და რეალური რესურსების დეფიციტიყველაზე მეტ კითხვას დარგში მაინც ის ლოგისტიკური სქემა აჩენს, რომლითაც სახელმწიფო აპარატი გაზრდილი ნაკადების მართვას გეგმავს. სააგენტო ოფიციალურ პასუხში ირწმუნება, რომ ადგილობრივი ბაზრისთვის 5 000 ახალი ლოტის დამატების პირობებში, სადეგუსტაციო კომისია მუშაობას ყოველგვარი დამატებითი ადამიანური თუ ფინანსური რესურსის მობილიზების გარეშე გააგრძელებს.არსებული სისტემა ეყრდნობა 70-კაციან პროფესიულ ბაზას, საიდანაც ყოველდღიურად, როტაციის პრინციპით, მხოლოდ 5 დეგუსტატორი მუშაობს. სახელმწიფო დარწმუნებულია, რომ ეს მოდელი სრულად აიცილებს თავიდან კომისიის წევრების გადაწვასა და რიგებს, თუმცა პრაქტიკოსები შიშობენ, რომ ადმინისტრაციული რესურსის გარეშე დატოვებული ბიუროკრატია პროცესებს გააჭიანურებს, რაც საბოლოოდ საცალო ქსელებში პროდუქციის მიწოდებას შეაფერხებს.კომისიის ობიექტურობის დასაცავად სააგენტოს მთავარ არგუმენტად ინტერესთა კონფლიქტის პრევენცია და ანონიმურობა მოჰყავს. წესის მიხედვით, მოქმედი მეღვინეები საკუთარი კომპანიის პროდუქციის შეფასებას არ ესწრებიან. ანონიმურობის დაცულობის ნაწილში კომპანია „ღვინუკას“ დამფუძნებელი, ზუკა მაისაშვილი, მეტ-ნაკლებად ოპტიმისტურად არის განწყობილი და მიუთითებს, რომ კომისიის მუშაობის სპეციფიკა სუბიექტურობის რისკებს მინიმუმამდე ამცირებს: „სადეგუსტაციო კომისიაზე, როგორც წესი, არც ერთი და არც ორი ღვინის დეგუსტაცია არ ხდება, აქ ხდება 30, 40, 50 ნიმუშის შეფასება დღის მანძილზე. თან ეს ბოთლები შეფუთულია და მხოლოდ წელსა და ჯიშს ამბობენ. აქედან გამომდინარე, საკმაოდ რთული იქნება დადგენა, თუ ვისი ღვინოა, თუ იმ იშვიათ და ენდემურ ჯიშებს არ ვგულისხმობთ, რომლებიც შეიძლება მხოლოდ რამდენიმე მეღვინეს ან მცირე მარანს გააჩნდეს მთელი ქვეყნის მასშტაბით. პრაქტიკულად მგონია, რომ ანონიმურობა 95% შემთხვევაში დაცული იქნება“.მიუხედავად ამისა, თავად მწარმოებლები ადასტურებენ, რომ სენსორული შეფასება თავისი ბუნებით მაინც შეიცავს სუბიექტურობის ელემენტებს და სახელმწიფო ფილტრი ზოგჯერ რეალურ სურათს აცდენილია: „მთავარია, ღვინოს არ ჰქონდეს მიკრობიოლოგიური დაავადება, ანუ ზადი. ამის შემდგომ შეფასებები არომატზე, ფერზე, გემოზე მეტ-ნაკლებად სუბიექტურია. ჩვენ გვქონია პრაქტიკაში, რომ საკმაოდ კარგი ღვინოები, რომლებითაც შემდეგ საერთაშორისო გამოფენებზეც წავსულვართ, ადგილობრივ ბაზარზე სადეგუსტაციო კომისიებს პირველ ჯერზე დაუწუნიათ, თუმცა მომდევნო დეგუსტაციაზე უკვე ძალიან მაღალი შეფასება მიგვიღია. აქედან გამომდინარე, ეს ჩვეულებრივი პრაქტიკაა“, - აღნიშნავს ზუკა მაისაშვილი.ხელოვნურად დაწეული თამასა და გაურკვეველი მომავალიკრიტიკის საგანია თავად შეფასების კრიტერიუმებიც. სააგენტო ხაზს უსვამს, რომ ადგილობრივი ბაზრის კონტროლისთვის საერთაშორისოდ აღიარებულ გერმანულ 5-ქულიან მოდელს იყენებს, თუმცა გამსვლელ ნიშნულად კრიტიკულად დაბალ - 1.5 ქულას აწესებს.თუკი 5-ქულიანი სისტემიდან მხოლოდ 1.5 ქულაა საკმარისი იმისათვის, რომ ღვინო მაღაზიის დახლზე მოხვდეს, ჩნდება ლოგიკური კითხვა: რეალურად ხარისხის სტანდარტის ამაღლებაზეა ორიენტირებულია ეს ფილტრი, თუ უბრალოდ აშკარად დაავადებული პროდუქციის გაფილტვრაზე? და თუკი ბარიერი ასე დაბალია, რატომ უჯდება ბიზნესს ამ ფორმალური ნიშნულის გადალახვა ყოველწლიურად 375 000 ლარი?ზუკა მაისაშვილი განმარტავს, რომ სააგენტოს მიერ დაწესებული მინიმალური ზღვარი მკვეთრად ჩამოუვარდება იმ კრიტერიუმებს, რომლებსაც კერძო სექტორი თავად აწესებს: „თუ გავითვალისწინებთ, რომ ადგილობრივ ბაზარზე არსებობენ მაღაზიები და რესტორნები, რომლებსაც საკუთარი კომისია გააჩნიათ და იქ სადეგუსტაციო შეფასება გაცილებით მკაცრად ხდება (ხშირად 5-დან 2.5 ან 3 ქულაა მოთხოვნა), მათ ფონზე სააგენტოს 1.5 ქულა ნამდვილად მინიმალურია. პრაქტიკულად ეს ნიშნავს, რომ თუ ღვინოს რაიმე მიკრობიოლოგიური დაავადება არ გააჩნია, ის ამ ქულას ნებისმიერ შემთხვევაში დააკმაყოფილებს“.კანონის ეფექტურობას კიდევ უფრო სკეპტიკურად უყურებს ღვინის ეროვნული სააგენტოს ყოფილი ხელმძღვანელი გიორგი სამანიშვილი. მისი შეფასებით, სავალდებულო ორგანოლეპტიკური შემოწმება ბაზარზე რეალურ ხარისხს ვერ უზრუნველყოფს: „შეფასების სისტემას მე საერთოდ არ დავუკავშირებდი იმას, რომ ადგილობრივ ბაზარზე იყოს ხარისხიანი ღვინო. ეს არის სერტიფიცირების სისტემა, რომელიც ერთი პატარა აგურია ამ სისტემაში, თუმცა ის არანაირი გარანტია არ არის. ორგანოლეპტიკური შემოწმება არის ისეთივე ანალიზი, როგორიც ლაბორატორიული, ოღონდ მას ცოცხალი ადამიანები ატარებენ“.ამასთანავე, ახალი წესით მწარმოებლებს ეძლევათ უფლება, დაწუნებული ნიმუში კომისიაზე განმეორებით, სულ სამჯერ გაიტანონ, საბოლოო ვერდიქტი კი სამივე შეფასების საშუალო არითმეტიკულით გამოითვალოს. დარგის ნაწილი ამ მექანიზმს მიიჩნევს ბიუროკრატიულ დათმობად, რომელიც პროცესს ხელოვნურად აჭიანურებს და ბაზარზე არასტაბილური ხარისხის პროდუქციის მოხვედრის რისკს მაინც ტოვებს.ფინანსური დარტყმა: მილიონობით ლარი ნიშანდებიდანამ საკანონმდებლო რეფორმის ყველაზე მასშტაბურ ნაწილს სავალდებულო ნიშანდების (სპეციალური QR-კოდების) სისტემის შემოღება წარმოადგენს, რომელიც გარემოს დაცვისა და სოფლის მეურნეობის მინისტრის მიერ დადგენილი წესით უნდა განხორციელდეს. სამინისტროს განმარტებით ბარათში აღნიშნულია, რომ თითოეულ ბოთლზე უნიკალური სახელმწიფო ნიშნის დატანა უზრუნველყოფს პროდუქტის ხარისხისადმი მაღალ სანდოობას.თუმცა, ამ „სანდოობის“ მიღმა კონკრეტული ციფრები დგას: უწყების გათვლებით, ალკოჰოლიანი სასმლის ნიშანდების სავარაუდო ღირებულება ერთ ბოთლზე 10 თეთრი იქნება. თუ გავითვალისწინებთ წინა წლების რეალიზაციის საშუალო მაჩვენებელს – წლიურად 140-დან 150 მილიონამდე ბოთლს - ეს რეგულაცია სსიპ ღვინის ეროვნული სააგენტოს შემოსავლებს კოლოსალური თანხით, დაახლოებით 14 000 000 – 15 000 000 ლარით გაზრდის.ზუკა მაისაშვილი მიიჩნევს, რომ მცირე მწარმოებლებისთვის ეს გადასახადი ფინანსურად კატასტროფული არ არის, თუმცა ბიუროკრატიულ თავსატეხს ნამდვილად აჩენს: „წარმოიდგინეთ, ყველაზე მცირე, 1 000-ბოთლიანი მეღვინეობაც კი მაქსიმუმ გადაიხდის 100 ლარს. აქედან გამომდინარე, ეს არ მგონია იყოს რაიმე მძიმე ფინანსური ტვირთი. ეს უბრალოდ არის დამატებითი ბიუროკრატია, რომელიც მცირე მარნებისთვის შესაძლოა იყოს რაიმე თავსატეხი ან პროცესის უფრო გართულება მოჰყვეს ამ ამბავს.საერთოდ, ღვინის ხარისხის გაუმჯობესება ეს დიდი პროცესია, რომელიც იწყება ნიადაგიდან. ჰაერიდან ფასი ვერ გაუმჯობესდება, მით უფრო როცა სამყაროში ამხელა კონკურენციაა. თუმცა, ისეთი ტიპის რეგულაციები, რომლებიც რეალურად ხარისხზეა ორიენტირებული, ვფიქრობ, დარგზე დადებითად აისახება“.სრულიად საპირისპირო და ბევრად კრიტიკული პოზიცია აქვს სააგენტოს ყოფილ ხელმძღვანელს, გიორგი სამანიშვილს, რომელიც ამ გადაწყვეტილებას დარგისთვის უსარგებლო და უკიდურესად საზიანო ნაბიჯად აფასებს:„ნიშანდების წესთან დაკავშირებით, დარგს იმედი გვაქვს, რომ ეს წესი არ ამუშავდება და რაღაც შეიცვლება - ან მთავრობაში, ან გადაწყვეტილების მიღების ნაწილში, იმიტომ, რომ ალბათ ეს არის ყველაზე არასერიოზული გადაწყვეტილება, რაც ამ ბოლოს მინახავს. ეს გადაწყვეტილება დარგს დაუჯდება ძალიან ძვირი, თუმცა არანაირი შედეგი არ ექნება“.ხარისხის დაცვა თუ ახალი ადმინისტრაციული ლაბირინთი?მთავარი კითხვა კი კვლავ პასუხგაუცემელი რჩება: რამდენად შეძლებს დამატებითი ადამიანური და მატერიალური რესურსების გარეშე დატოვებული სახელმწიფო აპარატი ამ მასშტაბის კონტროლის ეფექტიანად განხორციელებას ისე, რომ ქართული ღვინის წარმოება ხელოვნურ ჩიხში არ შეიყვანოს?ღვინო ცოცხალი ორგანიზმია. მას ესმის მზრუნველობა, მაგრამ ვერ იტანს ბორკილებს. ისევე, როგორც ქვევრის მუცელში, სადაც ყურძნის წვენი ყოველგვარი ხელოვნური ჩარევის გარეშე, სრულ სიბნელესა და თავისუფლებაში გარდაიქმნება დიდებულ სასმელად, ნამდვილი მეღვინეობაც ხომ ნდობაზე დგას და არა მკაცრ შაბლონებზე. სანამ ბიუროკრატიული მანქანა ახალ-ახალი ბარიერების აგებითაა დაკავებული, ქართული ვაზი კვლავაც დუმილში, მიწის სიღრმიდან ეძებს გზას სინათლისკენ, რათა მან თავისი სათქმელი ბოლომდე თქვას.ხარისხის დაცვა აუცილებელია, თუმცა ის არ უნდა გახდეს უღელი მათთვის, ვინც ამ რვაათასწლოვან საიდუმლოს საკუთარი ხელებით უფრთხილდება და აგრძელებს. ბოლოს და ბოლოს, ისტორიას მხოლოდ ის ბოთლები რჩება, რომლებშიც, თიხის სურნელთან ერთად, თავისუფლების გემოც იგრძნობა.

1784104608

სააგენტოს ცნობით, განიხილება რამდენიმე ვარიანტი, თუმცა მთავარი ყურადღება გამახვილებულია კირკუკი–ბანიასის ნავთობსადენის აღდგენაზე, რომელიც ერაყის ჩრდილოეთ ნაწილში მდებარე ნავთობის საბადოებს სირიის საპორტო ქალაქ ბანიასთან აკავშირებს.წყაროების ინფორმაციით, აშშ-ის სპეციალურმა წარმომადგენელმა სირიისა და ერაყის საკითხებში თომას ბარაკმა, მილსადენის აღდგენის საკითხი ორივე ქვეყნის წარმომადგენლებთან და კომპანიებთან, მათ შორის ამერიკულ Chevron-თან, განიხილა.აშშ-ის სახელმწიფო დეპარტამენტის წარმომადგენელმა Bloomberg-თან საუბარში დაადასტურა, რომ ვაშინგტონი მხარს უჭერს ერაყისა და სირიის ძალისხმევას სავაჭრო მარშრუტების გაფართოების მიმართულებით.კირკუკი–ბანიასის ნავთობსადენი 20 წელზე მეტია არ ფუნქციონირებს. ის 1952 წელს ამოქმედდა, თუმცა 1980-იან წლებში ირან-ერაყის ომის გამო შეჩერდა. 2000 წელს მისი მუშაობა მოკლე პერიოდით აღდგა, მაგრამ 2003 წელს, ერაყში აშშ-ის სამხედრო ოპერაციის დროს ინფრასტრუქტურის მძიმე დაზიანების შემდეგ, მილსადენმა ფუნქციონირება საბოლოოდ შეწყვიტა.

1784098503

„სელფის“ როუმინგის სხვა უპირატესობებზე სარეკლამო ვიდეორგოლში პირადად საუბრობს კომპანიის გენერალური დირექტორი, როსტომ ტალახაძე.https://youtu.be/QKcbs8KU2u8?si=WTRqP18pQbBDbpC7„მოგზაურობისას განსაკუთრებით მნიშვნელოვანია იმ სერვისებზე უწყვეტი წვდომა, რომლებიც ნავიგაციას, გადაადგილებასა და კავშირზე ყოფნას ამარტივებს. „სელფის“ როუმინგის შეთავაზება მომხმარებლებს საშუალებას აძლევს, Uber-ით, Bolt-ით, Google Maps-ით, WhatsApp Chat-ით, Messenger Chat-ითა და MyCellfie App-ით ძირითადი ინტერნეტმოცულობის ხარჯვის გარეშე ისარგებლონ. ეს მნიშვნელოვნად ამარტივებს მოგზაურობას, რადგან მომხმარებელს აღარ უწევს ფიქრი, როგორ გაიკვლიოს გზა, ისარგებლოს ტრანსპორტით და დარჩეს უწყვეტ კავშირზე უცხო ქვეყანაში. საკმარისია „სელფის“ როუმინგის ინტერნეტპაკეტის გააქტიურება და აღნიშნული აპლიკაციები ხელმისაწვდომი იქნება პაკეტის მოქმედების მთელი პერიოდის განმავლობაში, მათ შორის მაშინაც, როდესაც პაკეტში შემავალი მეგაბაიტები უკვე ამოწურულია. ამასთან, „სელფი“ მომხმარებლებს როუმინგის ინტერნეტპაკეტებს კონკურენტულ ფასად სთავაზობს“, - აცხადებს თეკლე ცხვედიანი, „სელფის“ მობილური საბითუმო ბიზნესის განვითარების განყოფილების ხელმძღვანელი.„როგორც N1 ქსელი სამოგზაუროდ, გვინდა, რომ მომხმარებლებისთვის მოგზაურობა კარგ შთაბეჭდილებებთან და არა კავშირის პრობლემებთან ასოცირდებოდეს. სწორედ ამ იდეაზე დავაფუძნეთ კამპანიაც და გადავწყვიტეთ, როუმინგის უპირატესობებზე თავად კომპანიის გენერალურ დირექტორს ესაუბრა. როდესაც პროდუქტის ასე გვჯერა, გვინდა, ეს გზავნილიც პირდაპირ და გულწრფელად მივიტანოთ მომხმარებლამდე“, - აცხადებს მარიამ ფირცხალაიშვილი, „სელფის“ მარკეტინგის ლიდი.როუმინგის პაკეტების შესახებ დეტალურად: როუმინგი / როუმინგის პაკეტები - Cellfie(R)

1784031318

თანამშრომლობის მიზანი ახალგაზრდა ქართველი მოჭადრაკეებისთვის განვითარების ახალი შესაძლებლობების შექმნა და ქართული ჭადრაკის მრავალწლიანი ტრადიციის გაგრძელების ხელშეწყობაა.აღნიშნული პარტნიორობის ფარგლებში, საქართველოს ბანკი ფოთის საჭადრაკო კლუბის მიერ ორგანიზებულ საერთაშორისო საჭადრაკო ფესტივალზე, ახალგაზრდა ქართველი მოჭადრაკეების მთავარი მხარდამჭერია.საერთაშორისო ფესტივალი, რომელიც ფოთში ჭადრაკის სხვადასხვა თაობას აერთიანებსფოთის საერთაშორისო საჭადრაკო ფესტივალი ქალაქის ყოველწლიური საერთაშორისო საჭადრაკო ღონისძიებაა, რომელიც ფოთის საჭადრაკო კლუბის და საქართველოს ჭადრაკის ფედერაციის ორგანიზებით იმართება.2026 წელს ფოთი ფესტივალს უკვე მეცხრამეტედ მასპინძლობს. ტურნირები 12-20 ივლისს ტარდება და მათში 10 ქვეყნის 500-მდე ახალგაზრდა მონაწილეობს, მათგან 300-ზე მეტი კი ქართველი მოჭადრაკეა.ფესტივალის პროგრამის ფარგლებში 25-მდე სხვადასხვა ტურნირი ტარდება. მონაწილეები სხვადასხვა სარეიტინგო და ასაკობრივ კატეგორიაში:  A, B, C, D და E Open-ებსა და ბავშვთა ტურნირებში ასპარეზობენ.ძირითადი შეჯიბრებები 9 ტურად, შვეიცარიული სისტემით იმართება, მიღებული შედეგები კი საერთაშორისო რეიტინგში აისახება. თითოეულ ტურნირში პირველ, მეორე და მესამე ადგილზე გასული მოჭადრაკეები ჯილდოვდებიან.ფესტივალი შესაძლებლობას აძლევს როგორც გამოცდილ, ისე ახალგაზრდა მოჭადრაკეებს, საკუთარი შესაძლებლობები საერთაშორისო გარემოში გამოსცადონ, დააგროვონ გამოცდილება და გადადგან შემდეგი ნაბიჯები პროფესიული განვითარების გზაზე.ინფორმაციისთვის, ფოთში ჭადრაკს თითქმის 80-წლიანი ორგანიზებული ისტორია აქვს. ქალაქის საჭადრაკო კლუბი ჯერ კიდევ 1948 წელს გაიხსნა, სადაც ახალგაზრდებს ჭადრაკის სიღრმისეულად შესწავლის შესაძლებლობა მიეცათ.დღეს საქართველოს ბანკი კლუბის მთავარი მხარდამჭერია და პარტნიორობის ფარგლებში ხელს უწყობს ახალი თაობის მოჭადრაკეების განვითარებას. ფოთის საერთაშორისო საჭადრაკო ფესტივალზე ქართველი მოთამაშეების მხარდაჭერა კი ამ პარტნიორობის კიდევ ერთი გაგრძელებაა.აღსანიშნავია, რომ ფოთის საერთაშორისო საჭადრაკო ფესტივალი ფოთში დაბადებული ქართველი მოჭადრაკის, ქალთა მსოფლიო ჩემპიონობის ორგზის პრეტენდენტის და ქართული ჭადრაკის ერთ-ერთი გამორჩეული წარმომადგენლის - ნანა ალექსანდრიას სახელს ატარებს. ყოველწლიურად კი ფესტივალი ასობით ახალგაზრდა მონაწილეს მასპინძლობს. (R)

1784030808

ამ მიმართულებით, საქართველოს ბანკმა ბოლო პერიოდში არაერთი მნიშვნელოვანი ნაბიჯი გადადგა. დღეს მომხმარებლებს უკვე შეუძლიათ საქართველოს ბანკის საბანკო სერვისებით აზერბაიჯანულ, სომხურ და თურქულ ენებზეც ისარგებლონ. შესაბამისი ენები დაემატა მობილბანკსა და ინტერნეტბანკს, ასევე ბანკომატებსა და თვითმომსახურების აპარატებს.გარდა ამისა, რეგიონებში გაფართოვდა ფილიალების ქსელიც. ბანკმა ახალი ფილიალები გახსნა სადახლოში, დმანისში, კაბალსა და ნინოწმინდაში. მომხმარებლებს აღნიშნულ ფილიალებში სრულფასოვანი საბანკო მომსახურების მიღების შესაძლებლობა აქვთ, მათ შორის ანგარიშის გახსნა, ბარათის მიღება, გზავნილების გაგზავნა და მიღება, ანაბრების გახსნა, გადარიცხვების განხორციელება და სხვა საბანკო ოპერაციები.“რეგიონებში მომსახურების გაფართოება განსაკუთრებით მნიშვნელოვანია იმ მომხმარებლებისთვის, რომლებსაც აქამდე საბანკო სერვისების მისაღებად უახლოეს ქალაქში გადაადგილება უწევდათ. ახალი ფილიალებისა და მრავალენოვანი მომსახურების დანერგვით საბანკო სერვისები მათთვის კიდევ უფრო ხელმისაწვდომი გახდა”, - აღნიშნავს თინათინ ნეფარიძე, საქართველოს ბანკის სეგმენტის მმართველი. აღსანიშნავია, ისიც, რომ საქართველოს ბანკი ადგილობრივი მოსახლეობის დასაქმებასაც უწყობს ხელს. ახალ ფილიალებში დასაქმებულთა შორის არიან სომხურ და აზერბაიჯანულ ენებზე მოსაუბრე თანამშრომლები, რაც მომხმარებლებს მომსახურების მათთვის კომფორტულ ენაზე მიღების შესაძლებლობას აძლევს.  საქართველოს ბანკი მრავალენოვანი მომხმარებლებისთვის ხელმისაწვდომ ფინანსურ სერვისებთან ერთად, სხვადასხვა პროფესიული ჯგუფისთვის მორგებული პროდუქტების განვითარებასაც აგრძელებს. მათ შორის, მასწავლებლებს შესაძლებლობა აქვთ ისარგებლონ სპეციალურად მათთვის შექმნილი მასწავლებლის ბარათით, რომელიც ყოველდღიური საბანკო ოპერაციების გამარტივებასა და დამატებითი სარგებლის მიღებას ემსახურება. ბარათის მფლობელები სარგებლობენ შეღავათიანი პირობებით და პარტნიორი კომპანიების სპეციალური შეთავაზებებით.„ჩვენთვის მრავალენოვანი მომსახურება მხოლოდ თარგმნილი ინტერფეისი არ არის. ჩვენი მიზანია, მომხმარებელმა საბანკო სერვისებით სარგებლობისას თავი კომფორტულად იგრძნოს და მიიღოს ისეთი გამოცდილება, რომელიც მის ყოველდღიურ საჭიროებებს პასუხობს, იქნება ეს ციფრული არხები, ფილიალში მომსახურება თუ სხვა საბანკო ოპერაციები. სწორედ ამ მიდგომით ვაგრძელებთ მრავალენოვანი მომსახურების განვითარებას და უახლოეს პერიოდში მომხმარებლებს ამ მიმართულებით კიდევ არაერთ სიახლეს შევთავაზებთ“, - ამბობს თინათინ ნეფარიძე, საქართველოს ბანკის სეგმენტის მმართველი.„საქართველოს ბანკისთვის მნიშვნელოვანია, საბანკო მომსახურება ყველა მომხმარებლისთვის თანაბრად ხელმისაწვდომი იყოს. სწორედ ამიტომ, აქტიურად ვავითარებთ მრავალენოვან მომსახურებას და ვქმნით ისეთ გარემოს, სადაც მომხმარებლებს ფინანსური სერვისებით სარგებლობა მათთვის კომფორტულ ენაზე შეუძლიათ. ჩვენი მიზანია, კიდევ უფრო გავამარტივოთ საბანკო სერვისებზე წვდომა და მომხმარებლებს მათ ყოველდღიურ საქმიანობაში რეალური მხარდაჭერა გავუწიოთ. ამ მიმართულებით მუშაობას ვაგრძელებთ და უახლოეს თვეებში მომხმარებლებს კიდევ არაერთ მნიშვნელოვან სიახლეს შევთავაზებთ, რაც მრავალენოვანი მომხმარებლებისთვის საბანკო სერვისებს კიდევ უფრო ხელმისაწვდომსა და მათ საჭიროებებზე მორგებულს გახდის“, - აღნიშნავს თამარ ნოზაძე, საქართველოს ბანკის ფიზიკური პირების მარკეტინგის გუნდის უფროსი. (R)

1784027344

მიუხედავად ივნისის პოზიტიური დინამიკისა, მიმდინარე წლის პირველ ნახევარში ტურიზმის სექტორში მცირედი კლება ფიქსირდება. კერძოდ, 2026 წლის პირველ ნახევარში ტურიზმის შემოსავლების მოცულობა ჯამურად $2 მლრდ გახდა, რაც გასული წლის ანალოგიურ პერიოდთან შედარებით 0.2%-ით ნაკლებია.რაც შეეხება მოლოდინებს, საინვესტიციო ბანკის პროგნოზით, სექტორი ზრდის ტემპს დაუბრუნდება - ტურიზმიდან მიღებული შემოსავლები 2026 წელს $4.9 მლრდ-ს, ხოლო 2027 წლისთვის $5.3 მლრდ-ს მიაღწევს.მიმოხილვაში ყურადღება გამახვილებულია საქართველოს ეროვნული ბანკის ოფიციალურ სტატისტიკაზეც. ეროვნული ბანკის მონაცემებით, 2026 წლის ივნისში ოფიციალური საერთაშორისო რეზერვები წლიურად 51.9%-ით გაიზარდა და ახალი რეკორდული დონე - $7.1 მლრდ შეადგინა.წინა თვესთან (მაისთან) შედარებით ივნისში რეზერვები 1.7%-ით არის გაზრდილი, რაც აბსოლუტურ მაჩვენებელში $115.8 მლნ-ის მატებას ნიშნავს.„რეზერვების ცვლილება უკავშირდება მთავრობის და/ან საბანკო სექტორის სავალუტო ოპერაციებს და ასევე, სების მიერ უცხოური ვალუტის შესყიდვას BMatch-ის პლატფორმის გამოყენებით (ინფორმაცია ხელმისაწვდომი იქნება 27 ივლისს). აღსანიშნავია, რომ 2026 წლის ივნისის მდგომარეობით, მონეტარული ოქრო მთლიანი საერთაშორისო რეზერვების 14.2%-ს შეადგენს“, - აღნიშნულია Galt & Taggart-ის მიმოხილვაში.

1784025215