ქართული ღვინის საექსპორტო ფასი კვლავ $3-მდეა - რუსეთის წილი 2/3-ია

"4 ოქტომბერს საქართველოში მუნიციპალიტეტის ორგანოთა მორიგი არჩევნები უნდა გაიმართოს. "სამართლიანმა არჩევნებმა" წინასაარჩევნო პერიოდის დაწყებისთვის ქვეყანაში არსებული გარემო და დემოკრატიული არჩევნების ჩასატარებლად საჭირო პირობების არსებობა შეაფასა.ანგარიშისთვის მნიშვნელოვან გზამკვლევს წარმოადგენდა ევროკავშირის მიერ საქართველოსთვის, როგორც ამ გაერთიანებაში გაწევრების კანდიდატი ქვეყნისთვის, წამოყენებული მოთხოვნა, ჩაატაროს თავისუფალი, სამართლიანი და კონკურენტული არჩევნები."სამართლიანი არჩევნების" მოსაზრებით, ვენეციის კომისიის საარჩევნო ნორმათა კოდექსის ის სამი პირობა, რაც მოიცავს ძირითადი უფლებების პატივისცემას, საარჩევნო კანონმდებლობის სტაბილურობასა და პროცედურული გარანტიების არსებობას, დიდწილად არ არის დაცული, რითაც თავისუფალი, სამართლიანი და კონკურენტული არჩევნების ჩატარების შესაძლებლობა მნიშვნელოვნად არის შეზღუდული.აქედან გამომდინარე, "სამართლიანი არჩევნები" მუნიციპალიტეტის ორგანოთა არჩევნებს სტანდარტული სადამკვირვებლო მისიითა და მეთოდოლოგიით არ დააკვირდება. თუმცა, ორგანიზაცია აგრძელებს მიმდინარე პოლიტიკური და საარჩევნო პროცესების მონიტორინგს და შეფასებას", - ნათქვამია განცხადებაში.

1755769949

ლეგენდარულ „ენფილდამდე“ გზა გიორგიმ თიბისისთან ერთად გაიარა; ლივერპულის ქუჩებში გაეცნო ქალაქს, გულშემატკივრებს და ამ საინტერესო თავგადასავალმა კიდევ ერთხელ გაუმყარა რწმენა, რომ ეს ის ადგილია, სადაც არასდროს ივლი მარტო.საკომუნიკაციო ვიდეოში, რომელიც თიბისიმ გიორგი მამარდაშვილთან კოლაბორაციის ფარგლებში მოამზადა და სადაც მამარდას ენფილდისკენ მიმავალი გზაა ასახული, ქართველი მეკარე პირველად, რუკისა და ციფრული ტექნოლოგიების დახმარების გარეშე ცდილობს გაიკვლიოს გზა ლივერპულში და „ენფილდამდე“ მივიდეს. მაყურებელი მამარდას პირველი ლივერპულური ნაბიჯების თანამონაწილე ხდება - მასთან ერთად ეცნობა ქალაქს და იმუხტება პირველი ემოციებით - ის ხომ პირველად მიდის ენფილდ როუდზე.თიბისისა და მამარდას კოლაბორაცია ორივე მხარის ღირებულებებს ეფუძნება. გიორგი მამარდაშვილის კარიერა, მისი აქამდე განვლილი გზა, ახალი თაობის ფეხბურთელებისთვის შთამაგონებელი, სამაგალითო და რწმენის მიმცემია, რომ შეუძლებელიც შესაძლებელია; ხოლო მისი „ლივერპულში“ ხილვა ყველაზე ნათელი მაგალითია იმისა, რომ არ არსებობს არაფერი, რაც არ გამოვა - მთავარია გჯეროდეს. 

1755769218

„სწრაფი კვების სექტორში ახალი სტანდარტების დაწესება — მომხმარებლისთვის ხელმისაწვდომი, თუმცა მაღალი ხარისხის პროდუქტების შეთავაზება, თანამედროვე დიზაინით, მომსახურებითა და დახვეწილი გემოვნური პროფილით“, — აღნიშნავს თამარ ცინცაძე, „გურმან აკადემიის“ დამფუძნებელი.„გურმან აკადემიის“ ყოველდღიურ საქმიანობაში კარგად იგრძნობა, როგორ ერწყმის ერთმანეთს ტექნოლოგიური პროცესების ავტომატიზაცია და ადამიანური კომპონენტი — ყურადღება თითოეულ დეტალზე, სწრაფი რეაგირება მომხმარებლის უკუკავშირებზე და შინაგანი სტანდარტების მუდმივი დახვეწა. როგორც თამარი ამბობს, „გუნდის წევრების განვითარება და მოტივაცია მუდმივი პროცესია, რაც ჩვენი წარმატების ერთ-ერთი ფუნდამენტური საფუძველია”.დღეს ბრენდი უკვე ისეთ პროექტებს აერთიანებს, როგორებიცაა მეღვინეობა და აგრო-ეკო ტურიზმი. ყვარელში შექმნილი კონცეფცია არამარტო ქართულ ტრადიციებს ეყრდნობა, არამედ მჭიდროდ უკავშირდება თანამედროვე ეკოლოგიურ და ტურისტულ ტენდენციებსაც. „ყვარელში ვქმნით უნიკალურ სივრცეს, რომელიც აერთიანებს ბიო მევენახეობას, ტრადიციულ ქვევრის ღვინის წარმოებას და სტუმრებზე ორიენტირებულ აგრო-ეკო ტურიზმს“.სტუმრებს ექნებათ შესაძლებლობა, თავად მიიღონ მონაწილეობა რთველში, დააგემოვნონ კახური სამზარეულო, დააკვირდნენ ღვინის დავარგებას ქვევრში და განიცადონ ის, რასაც ქართულ კულტურას ვუწოდებთ.გარდა ამისა, იგეგმება სრულიად ინოვაციური პროდუქტის — უალკოჰოლო ქვევრის ღვინის წარმოება. „ეს გახდება ჯანსაღი ალტერნატივა მათთვის, ვინც არ მოიხმარს ალკოჰოლს, მაგრამ სურს ღვინის სრული, ავთენტური არომატის დაგემოვნება“.თავის მხრივ, „გურმან აკადემიაში“ საკვები კონცეფციაც არ არის სტანდარტული. აქ ყველაფერს საფუძვლად ადგილობრივი პროდუქტები და სეზონურობა უდევს, ხოლო ვიზუალური მხარე და მომზადების ტექნიკა უკვე თანამედროვე კულინარიული მიდგომების ნაწილია.როგორც თამარი აღნიშნავს, ბრენდის განვითარებაში განსაკუთრებული ადგილი უკავია თიბისის მხარდაჭერას „ჩვენზე მორგებულმა ფინანსურმა პროდუქტებმა, აგრეთვე მეწარმეობის მიმართულებით თიბისის გამოცდილებამ, მოგვცა შესაძლებლობა, გვეზრუნა როგორც სწრაფ გაფართოებაზე, ისე - რთულ და ინოვაციურ პროექტებზე”.„გურმან აკადემია“ უკვე დიდი ხანია, გასცდა მხოლოდ სწრაფი კვების მიმართულებას, ის ქართულ ტრადიციას თანამედროვე სტანდარტებთან აერთიანებს და ამ გზით ქმნის ახალ გამოცდილებას: ავთენტურს, გემრიელს და გრძელვადიანს.

1755764558

გამოძიებით დადგინდა, რომ ბრალდებულმა, მატერიალური სარგებლის უკანონოდ მიღების მიზნით, აჭარის რეგიონში, გაასაღა საერთო ჯამში 7 400 აშშ დოლარის ოდენობის 74 ცალი ყალბი 100 დოლარიანი კუპიურა.საგამოძიებო მოქმედებების შედეგად, ყალბი კუპიურები სრულად იქნა ამოღებული.გამოძიება მიმდინარეობს საქართველოს სისხლის სამართლის კოდექსის 212-ე მუხლის მეორე ნაწილით, რაც სასჯელის სახედ და ზომად ითვალისწინებს თავისუფლების აღკვეთას შვიდიდან  ათ წლამდე ვადით.

1755759316

პროგრამა ძალაში იქნება ცხრა თვის განმავლობაში. აქციების შესყიდვა ღია ბაზარზე მოხდება, ხოლო სახაზინო აქციების გაუქმება განხორციელდება ყოველთვიურად. გამოსყიდვის მიზანია სააქციო კაპიტალის შემცირება. პროგრამის ფარგლებში, თითო აქციაზე გადახდილი მაქსიმალური ფასი არ გადააჭარბებს ბოლო დაფიქსირებულ NAV per share მაჩვენებელს.პროგრამა შეესაბამება კომპანიის მიერ 2025 წლის 6 აგვისტოს გამოცხადებულ ₾700 მლნ-ის კაპიტალის დაბრუნების პროგრამას, რომელიც 2027 წლის ბოლომდე გაგრძელდება და მოიცავს კაპიტალის დაბრუნებას (აქციების გამოსყიდვის, დივიდენდების და არსებული $150 მლნ-ის ოდენობის ადგილობრივი ჰოლდინგის ობლიგაციების ვადამდე ადრე დაფარვის გზით).2025 წლის საერთო კრებაზე (AGM) აქციონერების მიერ მინიჭებული უფლებამოსილების შესაბამისად, პროგრამის ფარგლებში გამოსყიდული აქციების მაქსიმალური რაოდენობა შეადგენს 4,620,275 ერთეულს.პროგრამის მმართველი Numis Securities Limited-ია (Deutsche Numis). დახურული პერიოდების განმავლობაში კომპანიასა და მის დირექტორებს არ ექნებათ ცვლილებების შეტანის უფლება და პროგრამა სრულად განხორციელდება Deutsche Numis-ის დისკრეციით.შეგახსენებთ, GCAP-ი MSCI UK Small Cap Index-ში შეიყვანეს. ჩართვა  2025 წლის 26 აგვისტოს სავაჭრო დღის დასრულებისას განხორციელდება. MSCI UK Small Cap ინდექსი აერთიანებს ლონდონის საფონდო ბირჟაზე წარმოდგენილ მცირე კაპიტალის მქონე კომპანიებს. „ინდექსში შეყვანა ასახავს კომპანიის ბოლო პერიოდის ძლიერ სავაჭრო შედეგებს, აქციების გაზრდილ სავაჭრო მოცულობებს და Georgia Capital-ის საბაზრო კაპიტალიზაციის $1 მლრდ-ზე მეტ ნიშნულზე ზრდას“, - განაცხადა GCAP-მა.ცნობისთვის აგვისტოს ანგარიშით, MSCI Global Small Cap Index-ს 194 კომპანია დაემატა, ხოლო 107 გამოვარდა.

1755759065

„ჩვენმა ძირითადმა ბაზრებმა - საქართველომ და სომხეთმა, მოსალოდნელზე უფრო ძლიერი ზრდა და მდგრადობა აჩვენეს.  2025 წლის მეორე კვარტალში, ეროვნული სტატისტიკის წინასწარი მონაცემებით, საქართველოს ეკონომიკა 7.1%-ით გაიზარდა (y.y), რასაც განაპირობებდა ძლიერი გარე შემოსავლები და მყარი შიდა მოთხოვნა, ხოლო სომხეთში დაფიქსირდა საშუალო 8.1%-იანი ზრდა, რაც ძირითადად შიდა მოთხოვნამ განაპირობა”, - აცხადებს ჯგუფის CEO.შესაბამისად, მისივე თქმით, ჯგუფმა გადახედა ორივე ქვეყნის 2025-ის რეალური მშპ-ის ზრდის პროგნოზებს და საქართველოსთვის 7.5% (წინა პროგნოზის 6.8%-ის ნაცვლად), ხოლო სომხეთისთვის  5% (წინა 4.5%-ის ნაცვლად) ივარაუდეს.მისივე თქმით, საქართველოში ძლიერი შემოდინებების შედეგად სებ-მა 2025 წლის პირველი შვიდი თვის განმავლობაში $1 მლრდ-ზე მეტი შეიძინა, რამაც საერთაშორისო რეზერვები $5 მლრდ-მდე გაზარდა, ხოლო მთავრობა აგრძელებდა უცხოურ ვალუტაში ნომინირებული ვალის შემცირებას.„მყარ ეკონომიკურ საფუძვლებთან ერთად, სომხეთსა და აზერბაიჯანს შორის მშვიდობის ისტორიული შეთანხმების ხელმოწერა წარმოადგენს პოზიტიურ სიგნალს, რაც შესაძლოა ხელს უწყობდეს ახალ რეგიონულ ინვესტიციებსა და განვითარებას, რითაც მთლიან ეკონომიკურ პერსპექტივას გააძლიერებს. ველით, რომ ეს დამატებით სტიმულს მისცემს ჩვენს ოპერაციებს“, - აცხადებს არჩილ გაჩეჩილაძე.სებ-ის მონაცემებით, 2025 წლის ივლისის მდგომარეობით საქართველოს საერთაშორისო სავალუტო რეზერვები $331.3 მლნ-ით გაიზარდა და $5 მლრდ-ს გადააჭარბა.შეგახსენებთ, ივნისში  BMatch პლატფორმაზე სებ-მა $266 მილიონი შეისყიდა (წმინდა შესყიდვა). რაზეც რეგულატორმა 25 ივლისსაც განაცხადა, როცა სავალუტო ოპერაციების ცხრილი განაახლა.მარტი - Bmatch-ით წმინდა შესყიდვა $101.7 მლნაპრილი - Bmatch-ით წმინდა შესყიდვა $266.4 მლნმაისი - Bmatch-ით წმინდა შესყიდვა $245.4 მლნივნისი - Bmatch-ით წმინდა შესყიდვა $266 მლნსებ-ის წმინდა შესყიდვებმა სავალუტო რეზერვების $400 მლნ-მდე ზრდა განაპირობა. ივლისის ნავაჭრი  25 აგვისტოს გაცხადდება, ანგარიშის გამოქვეყნების შემდეგ.

1755758827

გამარჯვებულები Infosys-ის, გლობალური საკონსულტაციო-ტექნოლოგიური კომპანიის ჟიურიმ შეაფასა. საბოლოო სია კი Global Finance-ის რედაქტორებმა გამოავლინეს.გამარჯვებული ბანკები შემდეგი კრიტერიუმების საფუძველზე შეარჩიეს: მომხმარებლების მოზიდვისა და ციფრული მომსახურების სტრატეგიის სიძლიერე, ციფრული შეთავაზებებით წარმატებით სარგებლობა, მომხმარებლების ზრდა ციფრულ არხებში, პროდუქტის შეთავაზებების ფართო არჩევანი, ვებგვერდისა და მობილური აპლიკაციის დიზაინი და ფუნქციონალურობა და სხვა.„ციფრული ბანკინგის სწრაფი ტემპით განვითარებასთან ერთად, მსოფლიოს ფინანსური ინსტიტუტები ხელოვნურ ინტელექტს, ღრუბლოვან ტექნოლოგიას და მობილურზე ორიენტირებულ სტრატეგიებს იყენებენ, რათა უწყვეტი, უსაფრთხო და მაღალპერსონალიზებული გამოცდილება უზრუნველყონ. Global Finance-ის 2025 წლის მსოფლიოს საუკეთესო ციფრული ბანკის ჯილდოს გამარჯვებულები კი საბანკო სფეროში ინოვაციისა და ლიდერობის მაგალითებს აჩვენებენ“, - განაცხადა Global Finance-ის დამფუძნებელმა და რედაქტორმა ჯოზეფ ჯიარაპუტომ.საქართველოს ბანკის მიერ მიღებული ჯილდოების სია ასეთია:ცენტრალური და აღმოსავლეთ ევროპის რეგიონი - სამომხმარებლო სეგმენტი საუკეთესო სრულად ციფრული ბანკი მომხმარებლებისთვის ცენტრალურ და აღმოსავლეთ ევროპაში ონლაინ გადახდების საუკეთესო გადაწყვეტა მომხმარებლებისთვის ცენტრალურ და აღმოსავლეთ ევროპაში; საუკეთესო ონლაინ პროდუქტის შეთავაზებები მომხმარებლებისთვის ცენტრალურ და აღმოსავლეთ ევროპაში; საუკეთესო მობილური საბანკო აპლიკაცია მომხმარებლებისთვის ცენტრალურ და აღმოსავლეთ ევროპაში; დაკრედიტების საუკეთესო სერვისი მომხმარებლებისთვის ცენტრალურ და აღმოსავლეთ ევროპაში; ყველაზე ინოვაციური ციფრული ბანკი მომხმარებლებისთვის ცენტრალურ და აღმოსავლეთ ევროპაში; საუკეთესო ღია ბანკინგის API-ები სამომხმარებლო მიმართულებით ცენტრალურ და აღმოსავლეთ ევროპაში საქართველო - სამომხმარებლო სეგმენტი საუკეთესო ციფრული ბანკი მომხმარებლებისთვის საქართველოში; საუკეთესო სრულად ციფრული ბანკი მომხმარებლებისთვის საქართველოში; ონლაინ გადახდების საუკეთესო გადაწყვეტა მომხმარებლებისთვის საქართველოში; ონლაინ პროდუქტის საუკეთესო შეთავაზებები მომხმარებლებისთვის საქართველოში; საუკეთესო სამომხმარებლო გამოცდილების (UX) დიზაინი საქართველოში; საუკეთესო მობილური საბანკო აპლიკაცია მომხმარებლებისთვის საქართველოში; საუკეთესო ინფორმაციული უსაფრთხოება და ფროდის მართვა სამომხმარებლო მიმართულებით საქართველოში; დაკრედიტების საუკეთესო სერვისი მომხმარებლებისთვის საქართველოში; ყველაზე ინოვაციური ციფრული ბანკი მომხმარებლებისთვის საქართველოში; საუკეთესო ღია ბანკინგის API-ები სამომხმარებლო მიმართულებით საქართველოში; საუკეთესო ტრანსფორმაცია სამომხმარებლო მიმართულებით საქართველოში; ცენტრალური და აღმოსავლეთ ევროპის რეგიონი - ბიზნესის მიმართულება საუკეთესო სრულად ციფრული ბანკი ბიზნესისთვის ცენტრალურ და აღმოსავლეთ ევროპაში; საუკეთესო ბანკი ბიზნესისთვის ინტეგრირებული ფინანსების მიმართულებით ცენტრალურ და აღმოსავლეთ ევროპაში; საუკეთესო ციფრული გადახდების სტრატეგია ბიზნესის მიმართულებით, ცენტრალურ და აღმოსავლეთ ევროპაში; საუკეთესო სავაჭრო დაფინანსების სერვისები ბიზნესისთვის ცენტრალურ და აღმოსავლეთ ევროპაში; საუკეთესო ღია ბანკინგის API-ები ბიზნესისთვის ცენტრალურ და აღმოსავლეთ ევროპაში; საუკეთესო ბანკი ტრანსფორმაციის მიმართულებით ბიზნესისთვის ცენტრალურ და აღმოსავლეთ ევროპაში. საქართველო - ბიზნესის მიმართულება საუკეთესო ციფრული ბანკი ბიზნესისთვის საქართველოში; საუკეთესო სრულად ციფრული ბანკი ბიზნესისთვის საქართველოში; საუკეთესო ბანკი ინტეგრირებული ფინანსების მიმართულებით ბიზნესისთვის საქართველოში; საუკეთესო ციფრული გადახდების სტრატეგია ბიზნესისთვის საქართველოში; სავაჭრო დაფინანსების საუკეთესო სერვისები ბიზნესისთვის საქართველოში; საუკეთესო ინტეგრირებული კორპორატიული საბანკო პროგრამა საქართველოში; ყველაზე ინოვაციური ციფრული ბანკი ბიზნესისთვის საქართველოში; საუკეთესო ღია ბანკინგის API-ები ბიზნესისთვის საქართველოში; საუკეთესო საბანკო მომსახურება მცირე და საშუალო ბიზნესისთვის / საუკეთესო მცირე და საშუალო ბიზნესის პლატფორმა საქართველოში; საუკეთესო ბანკი ტრანსფორმაციის მიმართულებით ბიზნესისთვის საქართველოში.

1755758179

თიბისი კაპიტალის მიმოხილვაში ვკითხულობთ, რომ ლარის გაუფასურების მოლოდინებისას, იზრდება დეპოზიტებში ვალუტის წილი და სესხებში, ტენდენციასთან შედარებითაც კი, ლარის წილი. ამასთან, ყოველთვის, ადრე თუ გვიან, სენტიმენტები იცვლება და უკვე როგორც დეპოზიტების, ასევე სესხების შემთხვევაში, საპირისპირო მიმართულებით ქცევას აქვს ადგილი. "სწორედ მსგავსი დინამიკა დაფიქსირდა 2024-2025 წლებში. თუმცა ამჯერად, ორივე მიმართულებით საკმაოდ მასშტაბურ კონვერტაციებს ლარის კურსის მნიშვნელოვანი მერყეობა არ გამოუწვევია, რაც სებ-ის ინტერვენციებმა განაპირობა. კერძოდ, თუ შარშან, მაისი-ოქტომბრის პერიოდში, სებ-ის მიერ ვალუტის წმინდა გაყიდვამ 875 მილიონი აშშ დოლარი შეადგინა, ნოემბერ-თებერვალში უკვე 153 მილიონი დოლარის წმინდა შესყიდვა დაფიქსირდა, ხოლო მარტიდან მიმდინარე პერიოდის ჩათვლით, ჩვენი შეფასებით, წმინდა შესყიდვა დაახლოებით 1.5 მილიარდი აშშ დოლარით განისაზღვრა.აღსანიშნავია, რომ ბოლოდროინდელ შესყიდვებში წმინდა სავალუტო შემოდინებების გაუმჯობესების წვლილი მნიშვნელოვანი იყო. ამ მხრივ, საყურადღებოა, რომ ივლისის წინასწარი ინდიკატორი კვლავ უკეთესია. ასევე, ლარი/დოლარის წყვილის კუთხით, თავისთავად, საერთაშორისო ბაზრებზე დოლარის დასუსტება მნიშვნელოვანი ფაქტორია. ამასთან, დეპოზიტებისა და სესხების სხვადასხვა ანალიტიკური მაჩვენებლის გამოყენებით, შეიძლება ითქვას, რომ როგორც გაყიდვებში, ასევე შესყიდვებში, არსებით როლს სწორედ სავალუტო კონვერტაციები ასრულებს.მთლიანობაში, სხვადასხვა ანალიტიკური შეფასების გამოყენებით, შეიძლება ითქვას, რომ ლარის გამყარების მიმართულებით კონვერტაციები დასრულებული ჯერ კიდევ არ არის, რაც, გაცვლითი კურსის მხრივ, სადღეისოდ არსებული სენტიმენტების/მოლოდინების გათვალისწინებით, ლარის მნიშვნელოვანი მხარდამჭერი ფაქტორია", - წერს თიბისი კაპიტალი.

1755757624