სებ-ში საგადახდო ინფრასტრუქტურის ტრანსფორმაციის პროექტების პრეზენტაცია გაიმართა

ექსპორტირებული თხილის ღირებულება 37%-ით გაიზარდა

გასული წლის ანალოგიურ პერიოდთან შედარებით, ექსპორტირებული თხილის რაოდენობა 1,7 ტონით გაიზარდა, რაც 17%-ით მეტია, ხოლო ღირებულება 19,7 მლნ დოლარით, რაც 37%-ით აღემატება წინა წლის ღირებულებას.აღნიშნულ პერიოდში, თხილის საშუალო საექსპორტო ფასი 17%-ით გაიზარდა და კილოგრამის ფასმა 6.01 დოლარს მიაღწია.სამინისტროს ინფორმაციით, ქართული თხილის ექსპორტი, ძირითადად, ევროკავშირის ბაზრებზე ხორციელდება, კერძოდ, იტალიაში, გერმანიაში, ესპანეთში, საფრანგეთში, პოლონეთში, ჩეხეთში, ლიეტუვაში და სხვა. გარდა ევროკავშირის ქვეყნებისა, ექსპორტი განხორციელდა სომხეთში, ჩინეთში, თურქეთში, ისრაელში, რუსეთში, უკრაინასა და სხვა ქვეყნებში.

ექსპორტირებული ვაშლის ღირებულება 6-ჯერ გაიზარდა

სამინისტრო წერს, რომ გასული წლის ანალოგიურ პერიოდთან შედარებით, ექსპორტირებული ვაშლის რაოდენობა 7.6 ათასი ტონით (6-ჯერ), ხოლო ღირებულება - 4.8 მლნ აშშ დოლარით (6-ჯერ) გაიზარდა.ვაშლის ძირითადი საექსპორტო ქვეყანა რუსეთია (9 026 ტონა). 60 ტონა ვაშლი ექსპორტირებულია ყაზახეთში, 21 ტონა თურქეთში და 2 ტონა სომხეთში.

ავტოსადგურების რეფორმა აქტიურ ფაზაში შედის

როგორც შეხვედრაზე აღინიშნა, რეფორმის პროცესი ხელს შეუწყობს ავტოსადგურების მხრიდან არაჯანსაღი კონკურენციის აღმოფხვრას და სატრანსპორტო ბაზარზე განვითარების თანაბარი პირობების შექმნას. ამასთან, რეფორმა სტიმულს მისცემს თანამედროვე მოთხოვნათა შესაბამისი რეკონსტრუქციისა და ახალი, საერთაშორისო დონის ავტოსადგურების მშენებლობას. გურამ გურამიშვილის შეფასებით, შედეგად, ეს ყველაფერი უზრუნველყოფს ქვეყნის ავტოსატრანსპორტო სისტემის ევროპულ და მსოფლიო სატრანსპორტო სისტემაში ინტეგრაციის პროცესის დაჩქარებას, ტურიზმის განვითარებას, სატრანსპორტო ოპერაციების უსაფრთხოდ განხორციელებას, ასევე გარემო პირობების ეკოლოგიური მაჩვენებლებისა და მგზავრთა მომსახურების გაუმჯობესებას.„მიმდინარე რეფორმა ხელს შეუწყობს ავტოსადგურების ტექნიკური გამართულობისა და მომსახურების ხარისხის გაუმჯობესებას, ასევე ავტოგადამზიდავების  მიერ გარკვეული მოთხოვნების შესრულებას.  გამოითქვა აზრი რეფორმის მიმდინარეობასთან დაკავშირებით - ძირითადად ეს ეხებოდა რეფორმის განხორციელების ვადებს. ჩვენ განვიხილავთ ამ მოსაზრებებს და მიღებული იქნება გადაწყვეტილება, რომელიც იქნება საუკეთესო როგორც რეფორმის მიზნებისთვის, ასევე ჩვენი მოსახლეობისთვის და, რა თქმა უნდა, ავტოსადგურებისა და ავტოგადამზიდავებისთვის“, - აღნიშნა გურამ გურამიშვილმა.ავტოსადგურების წარმომადგენელთა მხრიდან შეხვედრაზე ასევე აქცენტირებული იქნა ე.წ. "მტაცებლების" - იმ გადამყვანი ტრანსპორტის საკითხი, რომლებიც ავტოსადგურების გვერდის ავლით, მიმდებარედ უკანონოდ მუშაობენ. სექტორის წარმომადგენლები რეფორმის ფარგლებში ამ პრობლემის დარეგულირების აუცილებლობაზე საუბრობენ.რეფორმის ფარგლებში უკვე დადგინდა ავტოსადგურებისათვის შესაბამისი კლასები, რომლებითაც განისაზღვრა მგზავრთა სხვადასხვა დანიშნულებით გადაყვანის წესები. შედეგად, 2025 წლის 1 ივნისიდან ქვეყნის შიდა რეგულარული, საერთაშორისო რეგულარული და არარეგულარული სატრანსპორტო ოპერაციები, მხოლოდ სერტიფიცირებულ ავტოსადგურებს შორის განხორციელდება. თავის მხრივ ავტოსადგურები დააკმაყოფილებენ კლასისთვის დადგენილ ინფრასტრუქტურულ თუ სხვა მნიშვნელოვან მოთხოვნებს. ეკონომიკისა და მდგრადი განვითარების სამინისტროს სსიპ სახმელეთო ტრანსპორტის სააგენტოში წინასწარ რეგისტრაციას დაექვემდებარება მგზავრთა გადაყვანის მარშრუტები და ავტოსადგურის ოპერირების განრიგებიც.შეხვედრაში მონაწილეობა მიიღეს ეკონომიკის სამინისტროს სახმელეთო ტრანსპორტის სააგენტოს დირექტორმა ლევან გამყრელიძემ და სააგენტოს „აწარმოე საქართველოში“ მცირე და საშუალო ბიზნესის განვითარების დეპარტამენტის სამმართველოს უფროსმა თეონა ბაბუნაშვილმა.სახმელეთო ტრანსპორტის სააგენტო სერტიფიცირების პროცესს ადგილობრივ თვითმმართველ ერთეულებთან კოორდინაციაში განახორციელებს. რეფორმის მიმდინარეობის პროცესში ასევე აქტიურად ჩაერთვება სააგენტო „აწარმოე საქართველოშიც“ - სახელმწიფო პროგრამის მეშვეობით, რომლის თანახმადაც ავტოსადგურის მფლობელს შესაძლებლობა ექნება შეამციროს ავტოსადგურის მშენებლობის ან რემონტის მიზნით აღებული სესხის/ლიზინგის პროცენტი და ასევე უზრუნველყოფს სესხის გარანტიას 80%-ის მოცულობით.

6 თვეში ვაკანსიები ყველა მოთხოვნად სპეციალობაზე საშუალოდ 42%-ით შემცირ...

ამავე პერიოდში, 4 804 ვაკანსია გამოქვეყნდა გაყიდვების, შესყიდვების კატეგორიაში, რაც 2023 წლის შესაბამის პერიოდთან შედარებით 7.7%-ით ნაკლებია.ხოლო, 2024 წლის ოქტომბრიდან 2024 წლის დეკემბრის ჩათვლით, 3 071 ვაკანსია გამოქვეყნდა ლოგისტიკა, ტრანსპორტი, დისტრიბუციის კატეგორიაში, რაც 2023 წლის შესაბამის პერიოდთან შედარებით 0.6%-ით ნაკლებია.PMCG-ის კვლევით, 6 თვეში Job.ge-ზე ვაკანსიები ყველა სპეციალობაზე 30-50%-ით შემცირდა, გარდა IT სექტორისა, ხოლო დეკემბერი/დეკემბერთან მიმართებით, 10%-მდე კლება დაფიქსირდა ყველა სფეროში, გარდა ფინანსებისა და IT სექტორისა.

სურსათზე უნაღდო დანახარჯები 21%-ით გაიზარდა

მზარდია არარეზიდენტების უნაღდო დანახარჯები. დეკემბერში წლიურმა ზრდამ 26% შეადგინა.დეკემბერში, სასტუმროებში, თიბისი ბანკის არხებით, უნაღდო დანახარჯების წლიურად 32%-ით გაიზარდა. საშუალო ტრანზაქციების მოცულობამ 426 ლარი შეადგინა, რაც 2023 წლიდან მოყოლებული უდიდესი მაჩვენებელია.რესტორნებსა და კაფეებში უნაღდო დანახარჯები წლიურად 33%-ით გაიზარდა, ხოლო ტრანზაქციის საშუალო მოცულობა 31 ლარზეა შენარჩუნებული. გართობის სექტორში კი, თიბისი არხებით უნაღდო დანახარჯები წლიურად 2%-ით შემცირდა.თიბისი ბანკის არხებით, უნაღდო დანახარჯებმა ტანსაცმელსა და აქსესუარებზე 2024 წლის დეკემბერში 12%-იანი წლიური ზრდა აჩვენა, საშუალო ტრანზაქციის მოცულობამ კი 114 ლარი შეადგინა.ამავე პერიოდში, სხვა საცალო მაღაზიებში უნაღდო დანახარჯების მოცულობა, თიბისი ბანკის არხებით, გასულ წელთან შედარებით 12%-ით გაიზარდა.რაც შეეხება უძრავ ქონებას, დეკემბერში თიბისის არსებით ტრანზაქციები 9%-ით გაიზარდა, თუმცა ახალი იპოთეკური სესხების მოცულობა წლიურად 23%-ით შემცირდა.თიბისი ბანკის დეკემბრის დანახარჯების დინამიკის მიხედვით, სამშენებლო მასალებზე უნაღდო დანახარჯების, თიბისი ბანკის არხებით, წლიურად 11%-ით გაიზარდა; ელექტრონიკაზე უნაღდო დანახარჯებმა 18%-იანი წლიური ზრდა შეადგინა; ავეჯსა და მოწყობილობებზე 11%-ით გაიზარდა.დანახარჯების დეკემბრის დინამიკის მიხედვით, საწვავზე უნაღდო დანახარჯები, თიბისი ბანკის არხებით, წლიურად 12%-ით გაიზარდა, ხოლო საშუალო ტრანზაქციის მოცულობა საწვავზე გასული წლის დეკემბრის მაჩვენებელს გაუტოლდა და 51 ლარი შეადგინა.ამავე პერიოდის განმავლობაში, მანქანასთან დაკავშირებული ხარჯები, გასულ წელთან შედარებით 14%-ით გაიზარდა, ხოლო საშუალო დანახარჯი ერთეულ ტრანზაქციაზე 62 ლარს გაუტოლდა.პირად ჰიგიენაზე უნაღდო დანახარჯები წლიურად 11%-ით გაიზარდა, თიბისი ბანკის არხებით, უნაღდო დანახარჯების წლიური ზრდის ტემპმა ფარმაციაზე 25% შეადგინა.ამავე პერიოდში, ჯანდაცვაზე უნაღდო დანახარჯებმა, თიბისი ბანკის არხებით, გასულ წელთან შედარებით 26%-იანი ზრდა აჩვენა. 2024 წლის დეკემბერში ტრანზაქციის საშუალო მოცულობამ 112 ლარი შეადგინა.ტელეკომუნიკაციასა და ციფრულ სერვისებზე უნაღდო დანახარჯები თიბისი ბანკის არხებით, წლიურად 24%-ით გაიზარდა, ხოლო საშუალო ტრანზაქციის მოცულობამ 11.72 ლარი შეადგინა.„თიბისი კაპიტალის“ მიმოხილვაში ნათქვამია, რომ სურსათზე გაწეულმა დანახარჯებმა უნაღდო დანახარჯებში კვლავ ყველაზე მაღალი წილი დაიკავა. დეკემბერში საქონელსა და მომსახურებაზე ჯამური უნაღდო დანახარჯების განაწილება 69%-სა და 31%-ს გაუტოლდა. საქონელზე გაწეულმა ხარჯებმა 2023 და 2024 წლების დეკემბრის თვის განმავლობაში ჯამური უნაღდო დანახარჯების უდიდესი წილი შეადგინა.რესტორნებზე დახარჯულმა წილმა მთლიან უნაღდო დანახარჯებში 12% შეადგინა. სურსათზე დანახარჯების წილი, რომელიც წარმოადგენს ყველაზე დიდი წილის მქონე კატეგორიას ჯამურ უნაღდო დანახარჯებში, თიბისი ბანკის არხებით, 28%-მდე გაიზარდა.