ზელენსკის ტრამპის ნათქვამი, რომ უკრაინას დაკარგული ტერიტორიების დაბრუნება შეუძლია - "გაუკვირდა"

ხელოვნური ინტელექტის სხვადასხვა აპლიკაციებს სამუშაო პროცესში და პირადი მიზნებისთვის თითქმის ყოველდღიურად ვიყენებთ. ამავე დროს, მასთან დაკავშირებული რისკები უნდა გვახსოვდეს და გამოყენებისას სიფრთხილე გამოვიჩინოთ.

1761667800

მიუხედავად იმისა, რომ სასამართლოს სრულად დასაბუთებული გადაწყვეტილება ჯერჯერობით კომპანიას არ მიუღია, უზენაესმა სასამართლომ მათ აცნობა, რომ უარი განაცხადეს GCAP-ის აპელაციის დაკმაყოფილებაზე და დაავალა მოპასუხეებს მოსარჩელეებისთვის გადაეხადათ ძირითადი თანხა $12.7 მლნ, რომელზეც 2012 წლიდან დარიცხულია 8%-იანი მარტივი პროცენტი, რის შედეგადაც საერთო გადასახდელი თანხა გადაწყვეტილების გამოცხადების დღისთვის შეადგენს $26.5 მლნ-ს.რადგანაც ამ საქმეზე შემდგომი გასაჩივრება შეუძლებელია, GCAP-ის 3Q25-ის წმინდა აქტივების ღირებულების (NAV) ანგარიშში ასახულია აღნიშნული გადასახდელი თანხა სრულად, მათ შორის დამატებით აღრიცხულია $16.5 მლნ-ის ოდენობის სამართლებრივი რეზერვი, რომელიც ასევე ამავე კვარტალის ბალანსში მოხვდა.„უახლოეს მომავალში ველოდებით სასამართლოს წერილობით გადაწყვეტილებას, თუმცა, მიგვაჩნია, რომ ეს ძველი საქმე ახლა დასრულებულია და ზარალი სრულად აღრიცხულია“, - აცხადებს GCAP.ჯგუფის CEO-სა და თავმჯდომარის, ირაკლი გილაურის განცხადებით, მიუხედავად აღნიშნული ერთჯერადი სამართლებრივი მოვლენისა, ჯგუფმა მეოთხე კვარტალში კვლავ მიაღწია მყარ ოპერაციულ და ფინანსურ შედეგებს.  „აღნიშნული სამართლებრივ დავაზე შექმნილი საბოლოო რეზერვით NAV-ის თითო აქციაზე ეფექტი -1პპტ იყო“, - აცხადებს ის.მისივე თქმით, ფუნტ სტერლინგში 2025 წლის მესამე კვარტალში NAV-ის თითო აქციაზე ზრდა შეადგენდა 10.8%-ს, რაც ასახავს კვარტალის განმავლობაში ლარის მცირედ გამყარებას ფუნტის მიმართ.ჯგუფი ვარაუდობს, რომ მიუხედავად ამ გადასახდელის აღიარებისა გასულ კვარტალში, მისი ზემოქმედება 4Q25-ში მინიმალური იქნება, რადგან მოსალოდნელია სარეზერვო და ლიკვიდურობის ბუფერის შემცირება სასამართლო გადაწყვეტილების შედეგად.შეგახსენებთ, Bank of Georgia Holdings plc -მა (GCAP-ისა და BGEO-ს დემერჯამდე) თავისი შვილობილი კომპანია ალდაგი BCI-ს მეშვეობით, 2012 წელს კომპანია Meta Limited შეიძინა, რომელიც ფლობდა იმედი L-ის 51%-იან წილს. გარდა ამისა, ალდაგს იმედი L-ის 34%-იანი წილიც მიყიდა ევროპის რეკონსტრუქციისა და განვითარების ბანკმა (EBRD). ტრანზაქციებით, ალდაგი BCI-ს საკუთრებაში გადავიდა იმედი L-ის 85%-იანი წილი.იმედი L-ის საერთო აქტივები 2011 წლის 31 დეკემბრის მდგომარეობით შეადგენდა ₾68მლნ-ს, ხოლო წმინდა აქტივები, ალდაგი BCI-ს შეფასებით, 2012 წლის 31 მარტის მდგომარეობით შეადგენდა დაახლოებით ₾8მლნ-ს. GCAP-ი მაშინ აცხადებდა, რომ გადახდილი ფასი ნაღდი ფულით 85%-იან წილში შეესაბამება შეფასებას, რომელიც დაახლოებით უდრის კომპანიის წმინდა აქტივების ღირებულების ერთჯერად ოდენობას (ანუ შეძენა განხორციელდა 1xNAV შეფასებით).აღნიშნულ საქმეზე სასამართლო პროცესები 2015 წლიდან მიმდინარეობს.შეგახსენებთ,  სასამართლო პროცესები 2015 წლიდან მიმდინარეობდა სადაზღვევო კომპანია იმედი L-ის (მოსარჩელეები) ზოგიერთ აქციონერთან ბიზნესის შეძენის ფასის თაობაზე. ყოფილი აქციონერები პრეტენზიას აცხადებდნენ, რომ 2012 წელს სადაზღვევო კომპანია იმედი L-ის აქციების 66% იძულებით გაიყიდა, საბაზრო ღირებულებაზე დაბალ ფასად.როგორც იმედი L-ის ერთ-ერთი დამფუძნებელი ლაშა ნიკოლაძე აცხადებდა, 2012 წელს ალდაგმა იმედი L-ი $5 მლნ-ად შეიძინა, რაც კომპანიის სიმძლავრეებიდან გამომდინარე იმ დროს სრულიად არაადეკვატური ფასი იყო. ნიკოლაძე მაშინ განმარტავდა, რომ კომპანიის გასხვისება აქციონერების ნებით არ მომხდარა და კომპანია მათ იძულების გზით, სრულიად არასაბაზრო ფასად დაათმობინეს. მისი თქმით, აქციონერები იძულებულნი იყვნენ კომპანია დაინტერესებული მხარის, "საქართველოს ბანკისა" და "ალდაგის" მიერ შეთავაზებულ ფასად გაეყიდათ.სს „საქართველოს ჯანდაცვის ჯგუფი“ და ალდაგი იცავდნენ თავიანთ პოზიციას, რომ წარდგენილი პრეტენზიები სიმართლეს არ შეესაბამებოდა. მოპასუხეებმა 2018 წელს სასამართლო პროცესი მოიგეს თბილისის საქალაქო სასამართლოში. მოსარჩელეებმა სასამართლოს აღნიშნული გადაწყვეტილება გაასაჩივრეს და 2020 წლის იანვარში თბილისის სააპელაციო სასამართლომ გადაწყვიტა, რომ საქმე უკან დაებრუნებინა თბილისის საქალაქო სასამართლოსთვის საქმის გარემოებების დამატებითი ანალიზისთვის, ეს გადაწყვეტილება შენარჩუნდა უზენაესი სასამართლოს მიერ 2022 წლის თებერვალში. 2022 წლის ივლისში კი თბილისის საქალაქო სასამართლომ ნაწილობრივ დააკმაყოფილა მოსარჩელეები და გამოიტანა გადაწყვეტილება, რომ გადახდილ უნდა ყოფილიყო $12.7 მლნ-ის ოდენობით ძირითადი თანხა და 5% საპროცენტო განაკვეთით დარიცხული პროცენტი დაკარგული შემოსავლის კომპენსაციისთვის (სულ $21 მლნ).  GCAP დარწმუნებული იყო რომ საქმეს მოიგებდა, შესაბამისად თავის ფინანსურ ანგარიშგებაში პოტენციური ვალდებულებისთვის ანარიცხი არ ჰქონდა შექმნილი. GCAP-ი ხელმძღვანელობას 2022 წლის ბოლოს მიაჩნდა, რომ ამ საქმეში ზარალის წარმოქმნის ალბათობა ძალიან დაბალი იყო, შესაბამისად, პორტფელური კომპანიების სამართლიან ღირებულებაში აღნიშნულ საქმესთან დაკავშირებული პოტენციური ვალდებულებების გათვალისწინების გადაწყვეტილება მაშინ არ მიიღეს. 

1761666708

საკონვერსიო ოპერაციებით, ყველაზე მეტი, 280 მლნ ლარის, საქართველოს ბანკმა მიიღო (+ 7.7%Y.Y). თიბისის შემცირებული აქვს (-14%Y.Y). ყველაზე მზარდი ლიბერთის ამონაგებია, 5.5-ჯერ გაზრდილია.

1761654651

ამასთან, პროექტის მთავარი ღირებულება ცოდნისა და გამოცდილების გაზიარებასაც მოიცავს.მთელი პროექტის განმავლობაში დამწყებ იუთუბერებს შეაფასებენ და ახალ დავალებებს მისცემენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ჟიურის წევრები შესრულებული დავალების საფუძველზე მონაწილეებს გაუზიარებენ უკუკავშირს და რჩევებს, რაც არა მხოლოდ უშუალოდ მონაწილეებს, არამედ მაყურებლებსაც განვითარებასა და წინსვლაში დაეხმარება.შესარჩევ ეტაპზე უკვე შემოვიდა 500-მდე განაცხადი, რომელთაგან ჟიურის წევრებმა 24 მონაწილე შეარჩიეს.პროექტის ფორმატი ასეთია:“კრეატორის” პირველ ეტაპზე 24 მონაწილე შეირჩა, თუმცა, პროექტში ასპარეზობას მხოლოდ 8 გააგრძელებს.7 ტურის განმავლობაში მონაწილეები შეასრულებენ მენტორებისგან მიღებულ საკონკურსო დავალებებს. ყოველი ეტაპის შემდეგ, ჟიურის შეფასებების საფუძველზე პროექტს ერთი მონაწილე დატოვებს. ნახევარფინალიდან კი მონაწილეების შეფასებაბის კრიტერიუმს დაემატება ხალხის ხმაც (ნახვები და ლაიქები).მუდმივ ჟიურისთან ერთად ყოველ ეპიზოდს ეყოლება მოწვეული სტუმარი, იუთუბერი მენტორი, რომელიც დამწყებ კრეატორებს დავალების მიხედვით საკუთარ გამოცდილებასა და რჩევებს გაუზიარებს.თვალი ადევნე პირველ, მასშტაბურ YouTube რეალითი შოუს საქართველოს ბანკის ახალ YouTube გვერდზე. 

1761652976

ხაზგასმით განვმარტავთ, რომ აღნიშნულ მისამართებზე არ ფუნქციონირებს მოქალაქეთა მომსახურების სერვისცენტრები. ამასთან, SMS-ის ავტორები მომხმარებლებს, საკუთარი ინიციატივით/თვითნებურად, აწვდიან შემოსავლების სამსახურთან გადაუმოწმებელ/დაუზუსტებელ ინფორმაციას.შემოსავლების სამსახური მოუწოდებს ,,საინფორმაციო ქოლ-ცენტრი 11808"-ს უზრუნველყოს მცდარი/არაზუსტი მონაცემების დაუყოვნებლივ გასწორება.აქვე, დამატებით კიდევ ერთხელ გაცნობებთ, რომ გადასახადის გადამხდელს შეუძლია  საგადასახადო ორგანოში დეკლარაცია წარადგინოს, მოქალაქეთა სერვისცენტრში მიუსვლელად, ელექტრონული დეკლარირების საშუალებით.დამატებითი ინფორმაციის მისაღებად გთხოვთ, იხილოთ ბმულები:https://rs.ge/PersonsTaxFAQ?cat=5&tab=1 https://rs.ge/LawNewsArchive?newsId=1589 ვიდეო ინსტრუქცია:https://www.youtube.com/watch?v=9iMXptuh5ro შემოსავლების სამსახურის მიერ მომზადებული ფიზიკური პირის ქონების გადასახადის ახალი გამომთვლელი:https://rs.ge/LawNewsArchive?newsId=1607 სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - "RS ჩათი" და "RS ბოტი"  ან დაუკავშირდეთ საკონსულტაციო-სატელეფონო ცენტრს  2 299 299.ფინანსთა სამინისტროს შემოსავლების სამსახური მოქალაქეებს მოუწოდებს გამოიჩინონ სიფრთხილე ამგვარი საეჭვო შეტყობინების მიღების შემთხვევაში და ნებისმიერი მათთვის საინტერესო ინფორმაცია გადაამოწმონ გადასახადების ადმინისტრირებაზე პასუხისმგებელ უწყებასთან.

1761650531

სასტიპენდიო პროგრამაზე განაცხადების მიღება დაიწყო. დეტალური ინფორმაციის მისაღებად ეწვიეთ ვებგვერდს: stipendia.bog.geინიციატივის ფარგლებში უკვე გამოვლინდა საქართველოს ბანკის 350-ზე მეტი სტიპენდიატი. შეავსე განაცხადი და გახდი შემდეგი შენ.რა უნდა იცოდე, საქართველოს ბანკის სასტიპენდიო პროგრამის შესახებ?აღსანიშნავია, რომ საქართველოს ბანკის სტიპენდია ერთწლიანია, თუმცა, შესაძლებლობას აძლევს ახალგაზრდებს ყოველწლიურად შეავსონ განაცხადი და კვლავ მოიპოვონ დაფინანსება. სასტიპენდიო პროგრამაში მონაწილეობა ბაკალავრიატის ნებისმიერ საფეხურზე მყოფ სტუდენტს შეუძლია; მათ შორის მათაც, ვისაც მიღებული აქვს სახელმწიფო გრანტი, თუმცა, კერძო უნივერსიტეტში სწავლის გასაგრძელებლად დამატებითი ფინანსები სჭირდება; საქართველოს ბანკის სტიპენდიების პროექტის ფარგლებში, სტიპენდიატების შერჩევა მათი აკადემიური მოსწრების (GPA) და სამოტივაციო წერილის მიხედვით ხდება; საქართველოს ბანკის სტიპენდიების პროექტში 21 ადგილობრივი უნივერსიტეტია ჩართული, რომელთა ნახვა ვებგვერდზე არის შესაძლებელი. გამოგზავნე განაცხადი 30 ნოემბრამდე და განათლების გზაზე არ გაჩერდე.ინფორმაციისთვის, ეს საქართველოს ბანკის მიერ, კორპორაციული სოციალური პასუხისმგებლობის (CSR) ფარგლებში განხორციელებული ინიციატივების მხოლოდ ნაწილია. ფინანსური ინსტიტუტი 40-ზე მეტ საგანმანათლებლო პროექტის ახორციელებს და უჭერს მხარს, რომელთა მეშვეობით 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების, საკუთარი პოტენციალის გამოვლენისა და განვითარების შესაძლებლობას. საქართველოს ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი - STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1761645725

Meetups შეხვედრები რეგულარულად იმართება და შეკრებების მიზანია მონაწილეების ცნობიერების ამაღლება, ინსპირაცია და პრაქტიკული იდეების გაცვლა იმის შესახებ, თუ როგორ შეიძლება დაინერგოს AI ტექნოლოგიები ბიზნესში, ადამიანებმა კი შეძლონ სწორი კომპტენეციების განვითარება სწრაფად ცვალებად პერიოდში.GAIA-ს მითაფები ორ ფორმატში ტარდება - Tech და Horizons. Horizons-ის ყოველთვიურ მითაფებზე სხვადასხვა სფეროს პროფესიონალები განიხილავენ, როგორ ცვლის AI მათ ინდუსტრიებს, როგორ გამოიყენონ ხელოვნური ინტელექტი უკეთესად თავის საქმეში და რა სიახლეებია AI-ის მიმართულებით.GAIA Meetups Horizons პირველ შეხვედრაზე InSource-ის მმართველი პარტნიორი, მედეა ტაბატაძემ ისაუბრა  AI-ის როლზე თანამედროვე სამყაროში, შრომის ბაზარზე და პროფესიებში და იმ უნარებზე,  რომელიც მომავალში კარიერული თუ პიროვნული წარმატებისთვისაა საჭირო.„ხელოვნური ინტელექტი არ არის მხოლოდ ტექნოლოგიური ინსტრუმენტი -  ეს არის ცვლილება და შესაძლებლობა, რომელიც გავლენას ახდენს ყველა სფეროზე. მნიშვნელოვანია, ადამიანები იყვნენ ღია ახალი ცოდნისადმი და შეძლონ სწორი უნარების განვითარება, რათა AI-ის შესაძლებლობები პირად და პროფესიულ განვითარებაში გამოიყენონ. Meetups Horizons სწორედ ამ მიზანს ემსახურება - გააღვიძოს ინტერესი, გაზარდოს ცნობიერება და მისცეს მონაწილეებს პრაქტიკული ხედვა მომავლისკენ“ - მედეა ტაბატაძე.GAIA-სთან თანამშრომლობით, თიბისი აგრძელებს იმ ინიციატივების მხარდაჭერას, რომლებიც ხელს უწყობს AI-ისა და მონაცემთა მეცნიერების სფეროში განათლების ხელმისაწვდომობას, ცოდნის გაზიარებას და პროფესიული ეკოსისტემის გაძლიერებას. ხელოვნური ინტელექტის სფეროში მთავარია გჯეროდეს, იკვლიო, ისწავლო და შექმნა ახალი.

1761645446

სითი მოლის მე-14 დაბადების დღესთან დაკავშირებით დიდი ფასდაკლებების კვირეული დაიწყო, სხვადასხვა მაღაზიაში ბევრი საჩუქარი, აქცია და შეთავაზება გელოდებათ. თუ ამასთან ერთად, საქართველოს ბანკის მომხმარებელი ხართ და აქამდე არ გისარგებლიათ ნაწილ-ნაწილ გადახდის მეთოდით, ახლა თქვენი დროა.მხოლოდ 29 ოქტომბერს, თუ პირველად ისარგებლებთ საქართველოს ბანკის ნაწილ-ნაწილ გადახდით, სითი მოლში შოპინგისას 30%-იან ქეშბექს მიიღებთ (მაქსიმუმ 100 ₾).აღნიშნული შეთავაზებით სარგებლობა შეგიძლიათ როგორც, სითი მოლი საბურთალოს, ასევე, სითი მოლი გლდანის ყველა პარტნიორ მაღაზიაში, სადაც ხელმისაწვდომია ნაწილ-ნაწილით გადახდა.პარტნიორ ობიექტების ჩამონათვალს შეგიძლიათ აქ გაეცნოთ.რატომ უნდა გადაიხადოთ ნაწილ-ნაწილ?ნაწილ-ნაწილ გადახდა შოპინგის ყველაზე კომფორტული გზაა, რომელიც საშუალებას გაძლევთ, საყვარელი ნივთი იყიდოთ, ღირებულება კი 4 თვეზე გაანაწილოთ. რაც მთავარია, ამ 4 თვის განმავლობაში არანაირი პროცენტი ან საკომისიო არ გერიცხებათ, ეფექტური 0%-ია.ნახეთ, როგორ გადაიხადოთ ნაწილ-ნაწილრომელ გადადებულ სურვილებში ღირს პირველად ნაწილ-ნაწილის გამოყენება? თქვენთვის 5 ბიუჯეტური, მაგრამ განსაკუთრებული ნივთი შევარჩიეთ, რომლებსაც მაქსიმალური ქეშბექით იყიდით.1. ლეპტოპის ჩასადები – კოსმოლეპტოპის ჩასადები ის შენაძენია, რომელსაც სულ სხვა, უფრო „მნიშვნელოვანი“ რაღაცის გამო დებთ გვერდზე. ახლა კი შეგიძლიათ გამოიყენოთ ეს შესაძლებლობა და იზრუნოთ ტექნიკის უსაფრთხოებაზე შეღავათიან ფასად, თანაც კოსმოს ელეგანტური ტყავის ჩანთა ნებისმიერ სტილს მოუხდება.2. პატარა, სიმბოლური საჩუქარი – რედბერიპატარა საჩუქარი ყველას ახარებს. რედბერის  ბეჭედი, თვითმფრინავის ორნამენტით ნამდვილად სასიამოვნო, სიმბოლური საჩუქარი იქნება იმ განსაკუთრებული ადამიანისთვის, ვისაც მოგზაურობა და თავგადასავლები უყვარს.3. შაბათ-კვირის იდილია – ვაფლის აპარატი – მეგატექნიკავაფლის აპარატი ნამდვილად ერთ-ერთია იმ სურვილებიდან, რომლებიც თითქოს არასდროს არის პრიორიტეტული. არადა, წინ გრძელი და ცივი სეზონია. წარმოიდგინეთ, ვაფლები, ცხელი სასმელი და კარგი ფილმი – ეს კომბინაცია სუსხიან ამინდებს სასიამოვნოდ გაგატარებინებთ. ბელგიური საღამოების მოწყობას ახლა ყველაზე ხელმისაწვდომ ფასად შეძლებთ.4. ჯადოსნური ნივთი ოთახისთვის – კურა კურაალბათ, არაერთხელ შეგხვედრიათ ვიდეო, სადაც სანათი ოთახს კოსმოსურ სივრცედ აქცევს. თუ გსურთ, პირად სივრცეს ცოტა მაგია შემატოთ და ეს გადადებული სურვილიც სიიდან ამოშალოთ,  კურა კურას სანათი-პროექტორი მინიმალისტურ ოთახშიც განსაკუთრებულ ატმოსფეროს შექმნის.5. პრაქტიკული ფოვერ ბანკი, რომელსაც სულ ბოლოსთვის იტოვებთ – შაომიფოვერ ბანკი ის ნივთია, რომლის საჭიროებაც მხოლოდ მაშინ გვახსენდება, როცა ტელეფონი მოულოდნელ ადგილას გვიჯდება.შაომის ფოვერ ბანკი განკუთვნილია სმარტფონებისთვის, პლანშეტებისთვის, ჭკვიანი საათებისთვის, ყურსასმენებისა და პორტატული დინამიკებისთვის.ასე რომ, სითი მოლში არაერთი საინტერესო შეთავაზება გელოდებათ. იმისთვის, რომ მაქსიმალური ბევრი დაზოგოთ და თვის ბიუჯეტშიც ჩაეტიოთ, ეწვიეთ სითი მოლს 29 ოქტომბერს, გადაიხადეთ ნაწილ-ნაწილ და არ გადადოთ სურვილები მომავლისთვის.

1761645186