სამრეწველო პროდუქციის მწარმოებელთა ფასების ინდექსი 6%-ით გაიზარდა

საინსპექციო კონტროლი ჩატარდა 62 კომპანიაში; აღებული 1289 ნიმუშიდან, დარღვევა აღმოჩნდა 7 კომპანიის 19 ნიმუშში.სააგენტოს კონტრაქტორი კომპანიების შპს „ბიურო ვერიტას ჯორჯიას“ და შპს „სჯს ჯორჯიას“ მიერ შემოწმებულ 80 კომპანიაში აღებული 529 ნიმუშში, დარღვევა აღმოჩნდა 3 კომპანიის 3 ნიმუშში. ინსპექტირების პროცესი სერტიფიცირებისათვის წარდგენილი ალკოჰოლიანი სასმელის ნიმუშის ლოტთან შესაბამისობის დადგენას გულისხმობს.ამასთან ერთად, საექსპორტო ალკოჰოლური სასმელების ორგანოლეპტიკური ტესტირების მიზნით, ჩატარდა 279 დეგუსტაცია, სულ სადეგუსტაციოდ შემოვიდა 13 349 ნიმუში. აქედან, დეგუსტაცია ვერ გაიარა 520 ნიმუშმა, დანარჩენი 12 829 ნიმუში შეფასდა დადებითად.შიდა ბაზრის კონტროლი განხორციელდა 78 კომპანიის პროდუქციაზე; აღებული 136 ნიმუშიდან დარღვევა აღმოჩნდა 73 ნიმუშში.2026 წელს ხარისხის კონტროლი გაგრძელდება, რათა ათეულ მილიონობით ლიტრი ქართული ღვინო საერთაშორისო სტანდარტებს აკმაყოფილებდეს და მასზე მოთხოვნა კიდევ უფრო მეტად გაიზარდოს, უფრო მეტად გააქტიურდება შიდა ბაზრის კონტროლი. „2025 წელს არ დაგვიკლია ძალისხმევა ხარისხის კონტროლის მიმართულებით მუშაობაში, რაც მიმდინარე წელს კიდევ უფრო აქტიური გახდება. დარღვევები ძირითადად გვხვდება, როდესაც ამა თუ იმ კომპანიის სერტიფიცირებისთვის წარდგენილი ნიმუშები არ შეესაბამება იმ ლოტს, რომელიც გამზადებულია საექსპორტოდ ან ადგილობრივ ბაზარზე სარეალიზაციოდ. საერთაშორისო ბაზრებზე არსებული მძაფრი კონკურენციის პირობებში, ერთ-ერთი უმნიშვნელოვანესია ქართული ღვინის ხარისხი. სახელმწიფო, თავის მხრივ, არ იშურებს ძალისხმევას, რომ გაზარდოს ქართული ღვინის ცნობადობა. მეწარმემ ღვინის ხარისხზე ზრუნვა უნდა დაიწყოს ვენახიდან; შესაბამისად, კრიტიკულად მნიშვნელოვანია მოყვანილი ყურძნის ხარისხი“, - აღნიშნა ღვინის ეროვნული სააგენტოს თავმჯდომარემ, ლევან მეხუზლამ. საქართველოში წარმოებული ალკოჰოლიანი სასმელების კონკურენტუნარიანობის ზრდის მიზნით, სსიპ ღვინის ეროვნული სააგენტოს შესაბამისი სამსახურები ქართული ღვინისა და სხვა ალკოჰოლიანი სასმელების ხარისხის კონტროლს რეგულარულად ახორციელებენ.

1768903492

სეს-ის ინფორმაციით, ბიზნესოპერატორი ყავას (მოხალვა, დაფქვა, დაფასოება) ეკონომიკურ საქმიანობათა რეესტრში რეგისტრაციის გარეშე აწარმოებდა. ბაზარზე პროდუქცია სავაჭრო დასახელებებით „ვილა“ და „ვილა გოლდი“ გამოდიოდა.ინსპექტირებისას სპეციალისტებმა პროდუქციის შემადგენლობასა და წარმოების პროცესში კრიტიკული შეუსაბამობები დააფიქსირეს: ფალსიფიკაცია: პროდუქციის წარმოებისას ნედლეულად, ყავის მარცვლებთან ერთად, გამოყენებული იყო მოხალული ბარდა; რეალიზაციის არეალი: აღნიშნული პროდუქცია მცირე სავაჭრო ობიექტებში იყიდებოდა; სტანდარტების დარღვევა: გამოვლინდა კრიტიკული შეუსაბამობები, მათ შორის ეტიკეტირებისა და მიკვლევადობის წესების დარღვევა. გამოვლენილი დარღვევების გამო, ბიზნესოპერატორი კანონმდებლობის შესაბამისად დაჯარიმდა. ამასთან, უწყების გადაწყვეტილებით, საწარმოო პროცესი შეჩერდა შეუსაბამობების სრულად აღმოფხვრამდე.სეს მოუწოდებს მომხმარებლებს, გამოიჩინონ სიფრთხილე და ყურადღება მიაქციონ პროდუქციის ეტიკეტირებას.სამეწარმეო რეესტრის თანახმად, კომპანიის დირექტორი და მფლობელი გიორგი ზირაქაშვილია.

1768902492

"ბატონო პრეზიდენტო, ძვირფასო დონალდ ტრამპ, ის, რაც თქვენ სირიაში მიაღწიეთ, წარმოუდგენელია, დავოსში ჩემს მედია ჩართულობას გამოვიყენებ, რათა წარმოვაჩინო თქვენ მიერ გაწეული სამუშაო ღაზასა და უკრაინაში. მტკიცედ მაქვს გადაწყვეტილი, ვიპოვო წინსვლის გზა გრენლანდიის საკითხთან დაკავშირებით. მოუთმენლად ველი თქვენს ნახვას“, - სწერს ტრამპს რუტე. მანამდე, ტრამპს მაკრონმა მისწერა „მეგობარო, სირიის შესახებ ერთ აზრზე ვართ. ირანთან დაკავშირებით დიდი საქმეების გაკეთება შეგვიძლია. არ მესმის, რას აკეთებ გრენლანდიასთან დაკავშირებით“.ემანუელ მაკრონი პირად შეტყობინებაში აშშ-ის პრეზიდენტს ხუთშაბათს, პარიზში „დიდი შვიდეულის“ შეხვედრის გამართვას სთავაზობს.„შემიძლია შეხვედრის ფარგლებში უკრაინელები, დანიელები, სირიელები და რუსები მოვიწვიო. მოდი, აშშ-ში გამგზავრებამდე, ხუთშაბათს, პარიზში ვისადილოთ“, - სწერს მაკრონი.ტრამპის ეს პოსტები მოჰყვა ევროკავშირის ლიდერების გადაწყვეტილებას, ხუთშაბათს საღამოს ბრიუსელში საგანგებო სამიტის გამართვის შესახებ. ეს ნაბიჯი განაპირობა აშშ-ის ლიდერის მუქარამ რამდენიმე ევროპულ ქვეყანაზე ახალი ტარიფების დაწესების შესახებ, რაც გრენლანდიის შესყიდვის მოთხოვნას უკავშირდება.Truth Social-ზე აღნიშნული პოსტები მას შემდეგ გამოჩნდა, რაც აშშ-ის პრეზიდენტმა ფრანგულ ღვინოებსა და შამპანურზე 200%-იანი ტარიფის დაწესება დააანონსა.ჯერჯერობით გაურკვეველია, ზუსტად როდის მიიღო მაკრონის და რუტეს შეტყობინებები ტრამპმა.ელისეს სასახლის ცნობით, მაკრონი სამშაბათს დილით დავოსის (შვეიცარია) მსოფლიო ეკონომიკურ ფორუმზე ჩავა, საღამოს კი პარიზში დაბრუნდება. მისი ვიზიტის ოთხშაბათამდე გაგრძელება არ იგეგმება.დეკემბერში საფრანგეთის პრეზიდენტმა განაცხადა, რომ ევროპას მოუწევს ვლადიმერ პუტინთან პირდაპირი მოლაპარაკებების განახლება, თუ აშშ-ის შუამავლობით უკრაინის სამშვიდობო შეთანხმების მიღწევის მცდელობები კრახით დასრულდება.

1768899848

საქართველოს აეროპორტების გაერთიანების ცნობით, 2017 წლიდან დღემდე ამბროლაურის აეროპორტი 16 481 მგზავრსა და 1 060 რეისს მოემსახურა. საქართველოს აეროპორტების გაერთიანების გენერალური დირექტორის ლევან მოსეშვილის განცხადებით, ამბროლაურის აეროპორტის არსებობა განსაკუთრებით მნიშვნელოვანია რაჭა-ლეჩხუმისა და ქვემო სვანეთის მხარისთვის და ადგილობრივი ტურისტული სექტორის განვითარებისთვის, რადგან აეროპორტმა რეგიონის მოსახლეობისთვის ახალი შესაძლებლობები შექმნა.„ადგილობრივი მნიშვნელობის აეროპორტის ფუნქციონირებამ რაჭაში ეკონომიკური აქტივობა მნიშვნელოვნად გაზარდა. გაჩნდა ახალი სასტუმროები და გესთჰაუსები, შეიქმნა დამატებითი სამუშაო ადგილები, რამაც ხელი შეუწყო რეგიონში ტურიზმის სფეროს განვითარებას. ამ ეტაპზე აეროპორტში, მხოლოდ ჩვენი კომპანიის მხრიდან 20 ადამიანია დასაქმებული. მინდა თითოეულ მათგანს მივულოცო ამბროლაურის აეროპორტის 9 წლის იუბილე და მადლობა გადავუხადო გაწეული შრომისთვის. სამომავლოდ კი იმედს ვიტოვებთ, რომ გაცილებით აქტიური გახდება ჩვენს აეროპორტში ავიამიმოსვლა“,- განაცხადა ლევან მოსეშვილმა.ამბროლაურის აეროპორტი უპრეცედენტოდ მოკლე ვადებში აშენდა. მშენებლობა 2016 წლის სექტემბერში დაიწყო და 2017 წლის იანვარში უკვე პირველი რეისი მიიღო. ამ ეტაპზე აეროპორტი მცირე ზომის - 15-ადგილიან საჰაერო ხომალდებს ემსახურება. სამომავლოდ გათვალისწინებულია უფრო დიდი საჰაერო ხომალდების მიღების შესაძლებლობა და მგზავრთა ნაკადის ზრდის შემთხვევაში ტერმინალის გაფართოებაც.ასაფრენ-დასაფრენი ზოლის სიგრძე 1100 მეტრს შეადგენს, ხოლო აეროპორტის ტერმინალის ფართობი 600 კვადრატული მეტრია და დაახლოებით 50 მგზავრის ერთდროულად გატარებაზეა გათვლილი.ტერმინალის არქიტექტურული პროექტი მანუჩარ მახათაძეს, ხოლო აეროპორტის ინტერიერის დიზაინი, აეროპორტების გაერთიანების არქიტექტორ-დიზაინერს, მარიამ ყარყარაშვილს ეკუთვნის.

1768899427

ნაზელი ბაღდასარიანის ცნობით, სომხეთის პრემიერ-მინისტრი, ნიკოლ ფაშინიანი დაეთანხმა აშშ-ის პრეზიდენტის, დონალდ ტრამპის მიწვევას, რომ სომხეთი „მშვიდობის საბჭოს“ დამფუძნებელი წევრის სტატუსით შეუერთდეს.„პრემიერ-მინისტრი ფაშინიანი სიამოვნებითა და პასუხისმგებლობის გრძნობით დათანხმდა ამ შეთავაზებას და მშვიდობის ხელშეწყობის მიზნით სომხეთის ერთგულება კიდევ ერთხელ დაადასტურა“, - განაცხადა ბაღდასარიანმა.ტრამპმა „მშვიდობის საბჭოს“ შექმნის იდეა პირველად გასული წლის სექტემბერში, ღაზას სექტორში ომის დასრულების გეგმის წარდგენისას გააჟღერა. გასულ კვირას მსოფლიო ლიდერებისთვის გაგზავნილ მოწვევაში საუბარია კონფლიქტების გლობალურად დასრულების როლზე.Reuters-ის მიერ მოპოვებული დოკუმენტის თანახმად, აშშ-ის ადმინისტრაციის მიერ 60-მდე ქვეყნისთვის გაგზავნილი წესდების პროექტი წევრებისგან 1 მილიარდი აშშ დოლარის ოდენობის ფინანსურ შენატანს მოითხოვს, თუ მათ სურთ, რომ წევრობა სამ წელზე მეტხანს გაგრძელდეს.Reuters-ის ინფორმაციით, აშშ-ის ადმინისტრაციის მიერ 60-მდე ქვეყნისთვის გაგზავნილი წესდების პროექტი წევრებს 1 მილიარდი აშშ დოლარის ოდენობის ნაღდი ფულის შეწირვისკენ მოუწოდებს, თუ სურთ, რომ მათი წევრობა სამ წელზე მეტხანს გაგრძელდეს.ორშაბათს ტრამპმა ასევე დაადასტურა, რომ „მშვიდობის საბჭოს“ წევრობაზე მიწვევა რუსეთის პრეზიდენტ ვლადიმერ პუტინსაც გაუგზავნა. „ის მოწვეულია“, - განაცხადა ტრამპმა.

1768897751

აღნიშნულ პერიოდში ქვეყანაში 4887 კონცენტრაცია დარეგისტრირდა. 4873 შემთხვევა არ აკმაყოფილებდა წინასწარი შეტყობინების ვალდებულების წარმოშობისთვის აუცილებელ კრიტერიუმებს, ხოლო 14 შემთხვევა შეფასდა კონცენტრაციად და დააკმაყოფილა წინასწარი შეტყობინების ვალდებულების წარმოშობისათვის აუცილებელი კრიტერიუმი ერთობლივი წლიური შემოსავლის ნაწილშიც.აღნიშნული 14 შემთხვევიდან 11 მოექცა კონკურენციის კანონმდებლობით განსაზღვრულ გამონაკლისებში, რამაც ისინი სააგენტოსათვის წინასწარი შეტყობინების წარმოდგენის ვალდებულებისაგან გაათავისუფლა. რაც შეეხება დარჩენილ 3 შემთხვევას, იდენტიფიცირებული მონაცემების მიხედვით, სავარაუდოდ, ადგილი ჰქონდა კონცენტრაციის თაობაზე სააგენტოსთვის წინასწარი შეტყობინების ვალდებულებას. შესაბამისად, GCCA-მა აღნიშნულ სამ კონცენტრაციაზე საქმის წარმოება დაიწყო.2025 წელს საქართველოში 23768 კონცენტრაცია დარეგისტრირდა, საიდანაც GCCA-სთან წინასწარ შეტყობინებას საჭიროებდა და შესაბამისად, თანხმობა გაიცა 18 კონცენტრაციაზე.

1768896340

„ამბასადორი გოდერძის“ ახალი შენობა თანამედროვე დიზაინის 89 ნომრისგან შედგება. სასტუმრო ჯამში 211 ნომერს, სპა ცენტრებს, აუზებს, რესტორნებს, ბარებს, კლუბს, საკონფერენციო ოთახებს, საბავშვო სივრცეს, სათხილამურო მაღაზიასა და სათამაშო სივრცეს აერთიანებს.აღსანიშნავია, რომ სასტუმროს კონცეფცია ski-to-door access-ს ეფუძნება, რაც თხილამურებით სრიალის მოყვარულებისთვის დამატებით კომფორტს უზრუნველყოფს.ინფორმაციისთვის, „ამბასადორი გოდერძი“ ამბასადორი ჯგუფის რიგით მესამე სასტუმროა საქართველოში. ჯგუფი უკვე მრავალი წელია სტუმარმასპინძლობის სფეროში ოპერირებს.  ჯგუფი თბილისსა და კაჭრეთში 5-ვარსკვლავიანი სასტუმროების გარდა, რესტორნებს, მეღვინეობას, დეველოპერულ პროექტებსა და შავი ზღვის ბათუმის აკვატორიაში  ხელოვნური კუნძულის პროექტს აერთიანებს.„ამბასადორი ჯგუფი“ უკვე წლებია წამყვანი მოთამაშეა ქართული სტუმარმასპინძლობის სფეროში და დიდი წვლილი მიუძღვის ტურიზმის ინდუსტრიის განვითარების საქმეში. ჩვენ აქტიურად ვმუშაობთ, როგორც საერთაშორისო, ისე შიდა ტურიზმის განვითარების მიმართულებით. კურორტ გოდერძიზე მდებარე სასტუმრო ამისი ნათელი მაგალითია, რადგან ამ მოკლე პერიოდში „ამბასადორი გოდერძი“ ახალ მიზიდულობის ცენტრად იქცა როგორც ქართველი ტურისტებისთვის, ისე საერთაშორისო მოგზაურებისთვის.  მოხარულები ვართ, რომ ჩვენს სასტუმროს უკვე საერთაშორისო ბაზარზეც აქვს განთქმული სახელი და ყოველ წელს უამრავ უცხოელ ტურისტს ვმასპინძლობთ.  მათი მოგზაურობის მიზეზი უფრო მეტად გაუკვალავში სრიალის სიყვარულია და ამ მხრივ კი კურორტი გოდერძი საუკეთესო გამოცდილების მიღების შესაძლებლობას იძლევა.  ახალ შენობაში განთავსებულია უნიკალური სპა, რომელიც ველნესის სფეროში უახლესი მიღწევებისა და ტექნოლოგიების გამოყენებით საუკეთესო სარელაქსაციო გამოცდილებას შესთავაზებს სტუმრებს. ეს სპა ზაფხულის სეზონზე კიდევ უფრო მიმზიდველს გახდის კურორტს ტურისტებისთვის, რაც თავის მხრივ დიდ წვლილს შეიტანს გოდერძის, როგორც 4 სეზონის კურორტის პოპულარიზაციაში.  აღსანიშნავია ისიც,  სასტუმროში დასაქმებულთა დიდი ნაწილი ადგილობრივებისგან შედგება. საქართველოს ბანკთან მრავალწლიანი თანამშრომლობა გვაკავშირებს. წლების განმავლობაში არაერთი მნიშვნელოვანი პროექტი განვახორციელეთ, მათ შორის, ახლახან,  „ამბასადორი კაჭრეთის“ ტერიტორიაზე აკადემიის შენობა გავხსენით.  ჩვენთვის მნიშვნელოვანია, რომ ბანკი გვერდში უდგას ჩვენი ჯგუფის ახალ წამოწყებებს და მუდმივად მხარს გვიჭერს საინტერესო პროექტების განხორციელებაში. ვიმედოვნებთ, რომ სამომავლოდ ქვეყნისთვის მნიშვნელოვან კიდევ არაერთ პროექტს განვახორციელებთ ერთობლივად“, - განაცხადა „ამბასადორი გოდერძის“ გენერალურმა მენეჯერმა, ქეთევან ჩიგოშვილმა.„საქართველოს ბანკისთვის სტუმარმასპინძლობის სექტორის განვითარების ხელშეწყობა და პარტნიორი ბიზნესების გაძლიერება პრიორიტეტია. „ამბასადორი ჯგუფი“ ჩვენი დიდხნიანი პარტნიორია, რომელთანაც 10 წელზე მეტია ვთანამშრომლობთ. შესაბამისად, ბანკი ჯგუფის პროექტების განხორციელებაში აქტიურად არის ჩართული და მხარს უჭერს ინიციატივებს, რომლებიც ქვეყნის ტურისტული პოტენციალის გაძლიერებას და რეგიონების განვითარებასა ემსახურება. ამბასადორი გოდერძის გაფართოება კიდევ ერთი ნაბიჯია კურორტ გოდერძის ინფრასტრუქტურის განვითარებისა და ტურისტებისთვის თანამედროვე, მაღალი ხარისხის სერვისების შეთავაზების მიმართულებით.  მსგავსი პროექტები მნიშვნელოვნად აძლიერებს კურორტის ტურისტულ მიმზიდველობას და ხელს უწყობს სამუშაო ადგილების შექმნას. მოხარულები ვართ, რომ ჩვენი ჩართულობით მსგავსი პროექტები ხორციელდება, რაც, როგორც ადგილობრივი, ისე უცხოელი ტურისტების მოზიდვას და საქართველოში სტუმარმასპინძლობის სფეროს განვითარებას უწყობს ხელს“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო ქემოკლიძემ. 

1768895724

თბილისი (GBC) - 12 იანვრიდან აბონენტებს  მაგთიკომის მიერ შექმნილი ხელოვნური ინტელექტი - AI მაგთი ჩატი ემსახურება.ის შექმნილია იმისთვის, რომ აბონენტებმა დღე-ღამის ნებისმიერ დროს, სწრაფად და მარტივად მიიღონ საჭირო ინფორმაცია და პასუხები თავიანთ კითხვებზე.AI მაგთი ჩატი არ ანაცვლებს ოპერატორს. ის ოპერატორის დამხმარეა. ეს ამარტივებს პროცესებს, ამცირებს მოლოდინის დროს და ზრდის მომსახურების ეფექტიანობას. აბონენტებს კვლავ აქვთ შესაძლებლობა დაუკავშირდნენ მაგთის ოპერატორებს, რომლებიც ყოველდღიურად მზად არიან დაეხმარონ მათ ნებისმიერ საკითხში. AI მაგთი ჩატის მთავარი უპირატესობებია: სწრაფი რეაგირება ხელმისაწვდომობა 24 საათის განმავლობაში, კვირის ნებისმიერ დღეს მომხმარებელზე მორგებული გამოცდილება AI მაგთი ჩატის მომსახურება სრულად შეესაბამება მონაცემთა დაცვისა და უსაფრთხოების მაღალ საერთაშორისო სტანდარტებს, რადგან მაგთისთვის კონფიდენციალურობა და მომხმარებლის ნდობა უმნიშვნელოვანესია.მაგთი, როგორც ტექნოლოგიური ლიდერი, პირველია ქართულ სატელეკომუნიკაციო სფეროში, რომელმაც წინა ხაზის მომსახურებაში AI მაგთი ჩატი დანერგა.AI მაგთი ჩატის მომსახურება ხელმისაწვდომია მაგთიკომის ვებგვერდზე www.magticom.geდა აპლიკაციაში MyMagti(R)

1768895553