1745390203
თბილისი (GBC) – აზერბაიჯანის ცენტრალურმა ბანკმა ოთხშაბათის სხდომაზე რეფინანსირების განაკვეთი უცვლელად, 7,25%–ზე დატოვა. ამის შესახებ ინფორმაციას რეგულატორი ავრცელებს.
საპროცენტო დერეფნის ქვედა და ზედა ზღვარიც არ შეცვლილა: ქვედა 6,25%–ზე, ხოლო ზედა ზღვარი – 8,25%–ზე შენარჩუნდა.
რეფინანსირების განაკვეთის მოცულობაზე შემდეგ გადაწყვეტილებას აზერბაიჯანის ცენტრალური ბანკი 11 ივნისს გამოაცხადებს.
სიახლეები ამავე კატეგორიიდან
ფინანსურ პროდუქტებთან დაკავშირებული ანალიზისა და გადაწყვეტილებების მიღების პროცესებში სულ უფრო აქტიურად გამოიყენება მონაცემებზე დაფუძნებული სტატისტიკური და მანქანური სწავლების მოდელები. მოდელების წვრთნის და განვითარების ეტაპზე მთავარ გამოწვევად კვლავ მონაცემთა ხარისხის და რაოდენობის პრობლემა რჩება.სებ-ის ჩართულობით (ფინანსური და საზედამხედველო ტექნოლოგიების განვითარების დეპარტამენტის ჩართულობით) სინთეტიკური მონაცემები (Privacy Enhancing Technologies) იქმნება, მანქანური სწავლების მოდელებისა და გენერაციული ალგორითმების (Generative Adversarial Network) გამოყენებით.სებ-ი აღნიშნავს, რომ მონაცემები წარმატებით გამოიყენება ჰაკათონებში სხვადასხვა ამოცანების გადასაჭრელად.სინთეტიკური მონაცემები წარმოადგენს კონფიდენციალურობის გაუმჯობესების ტექნოლოგიების ერთ-ერთ ფართოდ გამოყენებად მეთოდს, რომელიც საშუალებას იძლევა, მოხდეს მონაცემების გაზიარება ინფორმაციის გამჟღავნების ან კონფიდენციალურობის დარღვევის რისკის გარეშე. აღნიშნული მხოლოდ რეალური მონაცემების სტატისტიკურ მახასიათებლებს ინარჩუნებს, რაც წვრთნისა და განვითარების ეტაპებზე განსაკუთრებით მნიშვნელოვანი და ფასეულია სტატისტიკური და მანქანური სწავლების მოდელებისთვის.ფინანსური ტექნოლოგიების განვითარებისა და ინოვაციური იდეების ხელშეწყობის, ასევე ამ მიმართულებით კონკურენციის სტიმულირების მიზნით, საქართველოს ეროვნული ბანკი მზად არის ითანამშრომლოს დაინტერესებულ მხარეებთან და შესაბამისი დასაბუთების შემთხვევაში გაუზიაროს სინთეტიკური მონაცემები. აღნიშნული პროექტის ფარგლებში, როგორც რეგულირებად, ასევე არარეგულირებად სუბიექტებს, ექნებათ შესაძლებლობა იდეების ტესტირების ეტაპებზე, მათ შორის, სხვადასხვა სტატისტიკური და მანქანური სწავლების მოდელების წვრთნისა და განვითარებისთვის გამოიყენონ სინთეტიკური მონაცემები, რომლებიც რეალური მონაცემებზე დაყრდნობით დაგენერირდება.დაინტერესებულ პირებს დამატებითი ინფორმაციის მისაღებად შეუძლიათ მიმართონ საქართველოს ეროვნული ბანკის ინოვაციების ოფისს - innovationoffice@nbg.gov.ge
1745417897
ყაველაშვილი ვატიკანში დელეგაციასთან ერთად გაემგზავრება, რომლის შემადგენლობაში იქნებიან საქართველოს საგარეო საქმეთა მინისტრი მაკა ბოჭორიშვილი, პრეზიდენტის ადმინისტრაციის უფროსი ქეთევან კვინიკაძე, ზუგდიდისა და ცაიშის ეპარქიის მმართველი, საქართველოს საპატრიარქოს საგარეო ურთიერთობების განყოფილების თავმჯდომარე, მიტროპოლიტი გერასიმე და თბილისის სასულიერო აკადემიისა და სემინარიის რექტორი, სიონის საკათედრო ტაძრის წინამძღვრის მოადგილე, პროტოპრესვიტერი გიორგი ზვიადაძე.კათოლიკური ეკლესიის მეთაურის გარდაცვალების შესახებ ინფორმაცია ვატიკანმა ორშაბათს, 21 აპრილს გაავრცელა.კარდინალმა კევინ ფარელმა, რომის წმინდა ეკლესიის კამერლენგომ (ოფიციალურმა პირმა) განაცხადა, რომ პაპი ფრანცისკე ვატიკანის დროით დილის 7:35 საათზე გარდაიცვალა.რომის პაპ ფრანცისკეს შაბათს დაკრძალავენ. სამგლოვიარო ცერემონია დაიწყება ადგილობრივი დროით დილის 10:00 საათზე.
1745410708
თურქეთის საგანგებო სიტუაციების მართვის სამსახურის ინფორმაციით, ბოლო 40 წუთის განმავლობაში ქვეყანაში სამი მიწისძვრა დაფიქსირდა, მათგან ყველაზე ძლიერი კი მაგნიტუდით 6.2 იყო.მიწისძვრის ეპიცენტრი მარმარილოს ზღვაში დაფიქსირდა და ძლიერი ბიძგები სტამბოლსა და მეზობელ პროვინციებში იგრძნობოდა.ნგრევისა და დაშავებულების შესახებ ინფორმაცია ჯერჯერობით არ ვრცელდება.მედიის ინფორმაციით, მიწისძვრას მოსახლეობაში პანიკა მოჰყვა, მოქალაქეებმა შენობები დატოვეს და ქუჩებში გავიდნენ.განახლებათურქეთის შინაგან საქმეთა მინისტრმა, ალი იერლიკაიამ განაცხადა, რომ „ჯერჯერობით არავის დაურეკავს და დახმარება არ უთხოვია, რომ სახლი ან შენობა ჩამოინგრა“.თურქეთის ტრანსპორტისა და ინფრასტრუქტურის მინისტრმა, აბდულქადირ ურალოღლუმ კი აღნიშნა, რომ პირველადი შემოწმების შედეგად, გზატკეცილებსა და აეროპორტებში დაზიანება არ დაფიქსირებულა.თურქეთის პრეზიდენტმა, რეჯეფ თაიფ ერდოღანმა სოციალურ პლატფორმა X-ზე დაწერა, რომ „ვითარებას ყურადღებით აკვირდება“.
1745409015
2025 წლის I კვარტალში საერთაშორისო მოგზაურობიდან მიღებული შემოსავლების თვალსაზრისით, მაღალი პროცენტული ზრდა დაფიქსირდა აზერბაიჯანიდან - 19.8% და საუდის არაბეთიდან - 12.3%. ამავდროულად სტატისტიკის მიხედვით, მაღალი ზრდის ტემპით გამოირჩევა ისრაელიდან მიღებული მოგზაურობიდან შემოსავლები, რომელმაც 2025 წლის I კვარტალში წინა წლის ანალოგიურ პერიოდთან შედარებით 73.7%-იანი ზრდა აჩვენა და $114.2 მლნ-ს გაუტოლდა.საერთაშორისო მოგზაურობიდან მიღებულ შემოსავალში 2025 წლის I კვარტალში ევროკავშირის ქვეყნების წილი 12.5%-ით განისაზღვრა და $103.2 მლნ-ს გაუტოლდა.კლების ტენდენციით ხასიათდება რუსეთიდან მიღებული მოგზაურობიდან შემოსავლები - 2025 წლის I კვარტალში რუსეთიდან საქართველოში მოგზაურობით მიღებული შემოსავალი 17.2%-ით შემცირდა.საქართველოს შემოსავლები ტურიზმიდან 2025 წლის პირველ კვარტალში შემდეგნაირად ნაწილდება:
1745405385
საქართველოს ეროვნული ბანკისა და თურქეთის ცენტრალური ბანკის სამუშაო შეხვედრაში ასევე მონაწილეობდნენ სების ვიცე-პრეზიდენტი ეკატერინე გალდავა და სების ფინანსური ბაზრების დეპარტამენტის ხელმძღვანელი ალექსანდრე ხაზარაძე.მხარეებმა ასევე ისაუბრეს ინსტიტუციური თანამშრომლობის გაღრმავებისა და ინფორმაციის გაცვლის გაუმჯობესების გზებზე, რაც მონეტარული პოლიტიკის ჩარჩოს, საგადახდო სისტემებსა და საფინანსო სექტორის ზედამხედველობას მოიცავს.ორი ქვეყნის ცენტრალური ბანკის პირველმა პირებმა ერთმანეთს თავიანთი ქვეყნების გამოცდილება გაუზიარეს საზედამხედველო მიდგომებისა და საგადახდო ინფრასტრუქტურის განვითარების მიმართულებით.ყურადღება დაეთმო თურქეთის გამოცდილებას მყისიერი გადახდების სისტემისა და QR კოდების სტანდარტის დანერგვის კუთხით.მხარეები შეთანხმდნენ, რომ გამოცდილების გაზიარების მიზნით, თურქეთის ცენტრალური ბანკის წარმომადგენლები უახლოეს მომავალში საქართველოს ეროვნულ ბანკს ესტუმრებიან.
1745404923
ქოლგა თბილისი ფოტო მხარს უჭერს თანამედროვე ხელოვნების პოპულარიზაციას და ახალგაზრდა ხელოვანების განვითარებას. წელს ფოტოკვირეული მოიცავს საერთაშორისო ფოტოკონკურსს, თანამედროვე ფოტოგრაფიის რამდენიმე მოწვეულ და ადგილობრივ გამოფენებსა და საგანმანათლებლო შეხვედრებს.წლევანდელ კონკურსში 600-მდე ადგილობრივმა და უცხოელმა ფოტოგრაფმა, ჯამურად 820 ფოტო პროექტი წარადგინა. 2 მაისს, ქოლგა თბილისი ფოტო კვირეულის გახსნის ცერემონიაზე, გამოვლინდებიან 2025 წლის ფოტოკონკურსის გამარჯვებულები შემდეგ კატეგორიებში: დოკუმენტური სერია, რეპორტაჟი, კონცეპტუალური ფოტოპროექტი, ერთი კადრი, მობილური ერთი კადრი. ასევე დასახელდებიან სპეციალური პრიზების გამარჯვებულები.ფესტივალის პროგრამა:2 მაისი 19:30 | ფოტოკონკურსი ქოლგა 2025, გახსნის ცერემონია. მუსიკალური მასპინძელი „Tape Visitors" | ფექტორი თბილისი, დავით ბაქრაძის ქ. N3.3 მაისი 10:00 | პორტფოლიოს განხილვის სესია: ჩარლზ ფორდი, ჯაილზ კლარკი, ბაირონ სმითი, ანდრეს ბირგერი | დიზაინის ინსტიტუტი, დიმიტრი უზნაძის ქ. 82.3 მაისი 13:00 | ანდერს ბირგერის ვორქშოფი: A workshop on your future |დიზაინის ინსტიტუტი, დომიტრი უზნაძის ქ. 82.3 მაისი 18:00 | ჩარლზ ფორდი, გამოფენა: Fleeting Narratives: Street Photos 80s-90s | გალერეა ფოტოატელიე, პავლე ინგოროყვას ქ. 14.3 მაისი 19:00 |მარიო ლასალანდრა, გამოფენა: Poets, Masks, Actors, Ghosts. Photographs from 1962 – 2017 | მარიო ლასალანდრას სურეალისტური პერფორმანსი1„ ს „მაჯიკოს“ ირაკლი ნასიძისეული რეინტერპრეტაცია რინა ჩერნაიას მონაწილეობით - ზურაბ წერეთლის თანამედროვე ხელოვნების მუზეუმი | შოთა რუსთაველის გამზ. 27.4 მაისი 11:30 |ოთარ ყარალაშვილისა და ანდრეას ოეტკერ-კასტის ხელმძღვანელობით ფოტოწიგნის ვორქშოფი |დიზაინის ინსტიტუტი, დიმიტრი უზნაძის ქ. 82.4 მაისი 12:00 | ჩარლზ ფორდის სამუშაო შეხვედრა: ქუჩის ფოტოგრაფია - მოულოდნელის მოხელთება გაიმართება |დიზაინის ინსტიტუტი, დიმიტრი უზნაძის ქ. 82.4 მაისი 18:00 | ბაირონ სმიტი, გამოფენა: Testament ‘22 | ვასილ პეტრიაშვილის ქ. 1.4 მაისი 18:00 | ზურაბ არაბიძე, გამოფენა: მომაკვდინებელი დუმილი|ვასილ პეტრიაშვილის ქ. 1.5 მაისი 18:00 | Byron Smith ლექცია: Focal Points: Navigating Narratives through Photographs | თიბისი კონცეპტის მულტიფუნქცუიური სივრცე | კოტე მარჯანიშვილის ქ. 7.5 მაისი 19:00 | Giles Clarke, ლექცია: Covering the Civilian Cost of Conflict | თიბისი კონცეპტის მულტიფუნქცუიური სივრცე | კოტე მარჯანიშვილის ქ. 7.6 მაისი 18:00 | ანა ყაჭეიშვილი, გამოფენა: LOST HIGHWAY - Art Conference Tbilisi | გიორგი წერეთლის გასასვლელი 4.6 მაისი 19:00 | თაკო რობაქიძე, National Geographic საქართველო - პანკისის ხეობის ხმები - მელიკ აზარიანცის სახლი |შოთა რუსთაველის გამზ. 37.ქოლგა თბილისი ფოტო 2002 წლიდან არის ფოტოგრაფიის აღიარებული ინსტიტუცია რომელიც ყოველწლიურად მასპინძლობს მსოფლიოში ცნობილი ავტორების გამოფენებს, ვორქშოფებსა და ლექციებს ფოტოგრაფიის აქტუალურ თემებზე.თიბისისთვის ახალგაზრდა თაობის განათლება, მათი მხარდაჭერა და შთაგონება ერთ-ერთი მთავარი პრიორიტეტია, ამიტომაც უკვე ორ ათწლეულზე მეტია თიბისი „ქოლგა თბილისი ფოტოს“ ერთგული მხარდამჭერია.
1745404067
ვენსის თქმით, აშშ უკრაინაში ომის შეჩერებისთვის „ძალიან მკაფიო წინადადებებით გამოვიდა და ახლა დადგა დრო, რუსეთმა და უკრაინამ ან თქვან „დიახ“, ან აშშ გავიდეს ამ პროცესიდან“.„საბოლოოდ, კონფლიქტში ახალი ხაზები გაივლება არსებული ფრონტის ხაზებზე ან სადღაც მათთან სიახლოვეს“, – განაცხადა ჯეი დი ვენსმა.მისივე თქმით, ეს ნიშნავს, რომ „როგორც უკრაინას, ისე რუსეთს ამჟამად მათ კონტროლქვეშ არსებული ტერიტორიების ნაწილის დათმობა მოუწევთ“.„აუცილებელი იქნება ტერიტორიის ნაწილის გაცვლა“, – განაცხადა ჯეი დი ვენსმა და დასძინა, რომ „მკვლელობის შესაჩერებლად ორივე მხარემ უნდა დაყაროს იარაღი, გაყინოს ეს ყველაფერი და გააგრძელოს უკეთესი რუსეთისა და უკეთესი უკრაინის მშენებლობა“.18 აპრილს ტრამპმა განაცხადა, რომ აშშ-მა შეიძლება დატოვოს უკრაინაში ომის მშვიდობიანად დარეგულირების პროცესი, თუ რომელიმე მხარე ხელს შეუშლის კონფლიქტის დასრულებას.დონალდ ტრამპმა ისიც აღნიშნა, რომ აშშ-ს ძალიან სურთ უკრაინაში ომის უმოკლეს ვადებში დასრულება.„თუ რაიმე მიზეზით რომელიმე მხარე ამის [ომის დასრულების] გაკეთებას ძალიან გაართულებს, ჩვენ უბრალოდ ვიტყვით: „თქვენ სულელები ხართ, იდიოტები ხართ, საშინელი ადამიანები ხართ“. და ჩვენ უბრალოდ წავალთ. მაგრამ, იმედია, ამის გაკეთება არ მოგვიწევს. ვფიქრობ, ჩვენ გვაქვს ყველა შანსი ამ პრობლემის მოსაგვარებლად“, - თქვა აშშ-ის პრეზიდენტმა გასულ კვირას.
1745403934
მათივე ცნობით, ცესკოს თავმჯდომარე გიორგი კალანდარიშვილმა და მოადგილე გიორგი შარაბიძემ ეუთოს გენერალურ მდივანსა და დელეგაციის წევრებს მიაწოდეს ინფორმაცია, როგორც გასული წლის არჩევნების, ისე მუნიციპალიტეტის ორგანოთა 4 ოქტომბრის არჩევნებისთვის მზადების შესახებ.ცესკოს თავმჯდომარემ შეხვედრაზე დეტალურად ისაუბრა საქართველოს პარლამენტის 26 ოქტომბრის არჩევნებისა და ელექტრონული ტექნოლოგიების ფართომასშტაბიანი დანერგვის შესახებ. განიხილეს აღნიშნულ არჩევნებზე არსებული გამოწვევები. მხარეებმა, ასევე, ისაუბრეს ეუთო/ოდირის რეკომენდაციების შესრულების მდგომარეობისა და ამ მიმართულებით საარჩევნო ადმინისტრაციის სამომავლო გეგმების შესახებ. აღინიშნა, რომ მნიშვნელოვანია ეუთო/ოდირთან თანამშრომლობის კიდევ უფრო გაღრმავება, რაც ხელს შეუწყობს ერთობლივ ძალისხმევას საარჩევნო პროცესების განვითარებასთან დაკავშირებით.შეხვედრის მთავარი თემა იყო, ასევე, 4 ოქტომბერს გასამართი მუნიციპალიტეტის ორგანოთა არჩევნები. გიორგი კალანდარიშვილმა და გიორგი შარაბიძემ დეტალურად ისაუბრეს, როგორ ემზადება საარჩევნო ადმინისტრაცია როგორც სამართლებრივი, ისე ტექნიკურ-ლოგისტიკური მიმართულებით არჩევნების მაღალ პროფესიულ დონეზე, საერთაშორისო სტანდარტებით ჩასატარებლად. შეხვედრის მონაწილეებმა, ასევე, განიხილეს საარჩევნო ადმინისტრაციის წინაშე ზოგადად არსებული გამოწვევები და გადაჭრის გზები.შეხვედრის დასასრულს მხარეები მომავალში თანამშრომლობის გაგრძელების აუცილებლობაზე შეთანხმდნენ.ცესკოში გამართულ შეხვედრას, ასევე, ესწრებოდნენ საქართველოს საგანგებო და სრულუფლებიანი ელჩი ავსტრიის რესპუბლიკაში ალექსანდრე მაისურაძე, ეუთოს სპეციალური წარმომადგენელი ტერი ჰაკალა, კონფლიქტების პრევენციის ცენტრის დირექტორი კატერინე ფეარონი და გენერალური მდივნის სპეციალური მრჩეველი ზეინეპ ცელიკელი.
1745403555
