პუტინმა ღიად განაცხადა, რომ სომხეთი ვერ შეძლებს ერთდროულად იყოს როგორც ევროკავშირის, ისე ევრაზიის ეკონომიკური კავშირის წევრი. მისი თქმით, ეს ორი ინტეგრაციული სივრცე ერთმანეთთან შეუთავსებელია და ერევანმა საბოლოო არჩევანი უნდა გააკეთოს.მოსკოვის მთავარი მოთხოვნებირუსულმა მხარემ რამდენიმე მიმართულებით გამოკვეთა უკმაყოფილება:· პუტინმა ფაშინიანს საპარლამენტო არჩევნებში პრორუსული ძალების სრულფასოვანი მონაწილეობის უზრუნველყოფა მოსთხოვა· რუსეთის ვიცე–პრემიერმა ალეკსეი ოვერჩუკმა განაცხადა, რომ „სომხეთს ამზადებენ რუსეთისთვის მტრულ ევროკავშირში წევრობისთვის“· მოსკოვი უკმაყოფილოა იმითაც, რომ არ დაუშვეს „ტრამპის მარშრუტის“ პროექტში (სატრანსპორტო–ლოგისტიკური ინიციატივა, რომელსაც რეგიონში გეოპოლიტიკური მნიშვნელობა აქვს)ეს განცხადებები მიუთითებს, რომ კრემლი სომხეთის საგარეო პოლიტიკური ვექტორის ცვლილებას უკვე არა მხოლოდ დიპლომატიურ, არამედ სტრატეგიულ საფრთხედ განიხილავს.გაზის ფაქტორი – მთავარი ზეწოლის ინსტრუმენტი?პოლიტოლოგების შეფასებით, თუ ერევანი მოსკოვის პირობებს არ დათანხმდება, რუსეთმა შესაძლოა გამოიყენოს ენერგეტიკული ბერკეტი — კერძოდ, გაზის მიწოდების გადაკეტვა ან ფასის გადახედვა. სომხეთი რუსეთისგან ბუნებრივ აირს შეღავათიან პირობებში იღებს, რაც ქვეყნის ეკონომიკისა და სოციალური სტაბილურობისთვის კრიტიკულად მნიშვნელოვანია.გაზის შესაძლო გაძვირება სომხეთისთვის რამდენიმე მიმართულებით იქნება მტკივნეული:· გაიზრდება ტარიფები მოსახლეობისთვის;· გაძვირდება ელექტროენერგიის წარმოება;· გაუარესდება ბიზნეს–გარემო და გაიზრდება ინფლაციური ზეწოლა.ენერგეტიკული ბერკეტის გამოყენება რუსეთის საგარეო პოლიტიკაში ახალი პრაქტიკა არ არის, თუმცა სომხეთის შემთხვევაში ეს ნაბიჯი განსაკუთრებით საგრძნობი იქნება, რადგან ქვეყანა უსაფრთხოების მხრივაც მნიშვნელოვნად არის დამოკიდებული მოსკოვზე.არჩევნების კონტექსტი და შიდა პოლიტიკაექსპერტების აზრით, კრემლი ერევანზე ზეწოლას საპარლამენტო არჩევნების წინ გააძლიერებს. მოსკოვისთვის მნიშვნელოვანია, რომ სომხეთის მომავალ პარლამენტში წარმოდგენილი იყოს პოლიტიკური ძალები, რომლებიც ევრაზიულ ინტეგრაციას უჭერენ მხარს და დასავლეთისკენ სწრაფვას შეაფერხებენ.შეხვედრის მოწმეების ინფორმაციით, მოლაპარაკებების შემდეგ ფაშინიანი უკიდურესად მძიმე განწყობაზე იყო, რაც შესაძლოა მიუთითებდეს, რომ მოსკოვის მოთხოვნები მკაცრ და ულტიმატუმის ხასიათს ატარებდა.ფართო გეოპოლიტიკური სურათისომხეთისთვის არჩევანი მარტივი არ არის. ერთი მხრივ, ევროკავშირთან დაახლოება ქვეყნისთვის ნიშნავს:· დემოკრატიული ინსტიტუტების გაძლიერების პერსპექტივას· ეკონომიკური დივერსიფიკაციის შესაძლებლობას· უსაფრთხოების ალტერნატიული არხების ძიებასმეორე მხრივ, რუსეთთან ურთიერთობის მკვეთრმა გაუარესებამ შეიძლება გამოიწვიოს:· ეკონომიკური სანქციები ან ენერგეტიკული ზეწოლა· სამხედრო–პოლიტიკური მხარდაჭერის შემცირება· რეგიონული უსაფრთხოების ახალი რისკებიმოსკოვში გამართული შეხვედრა ცხადყოფს, რომ სომხეთის საგარეო პოლიტიკური კურსი უკვე არა მხოლოდ არჩევანის, არამედ ძალთა ბალანსის საკითხიც გახდა. უახლოესი თვეები აჩვენებს, შეძლებს თუ არა ერევანი დასავლეთთან დაახლოებისა და მოსკოვთან ურთიერთობის შენარჩუნებას შორის რთული მანევრის გაგრძელებას, თუ რეგიონში ახალი, უფრო მკვეთრი დაპირისპირების ეტაპი იწყება.

1775116249

თიბისის  პერსონალურმა საბანკო მომსახურებამ გამარჯვება მოიპოვა Euromoney-ის ჯილდოს კიდევ სამ კატეგორიაში: „საქართველოში საუკეთესო პერსონალური საბანკო მომსახურება“ „საქართველოში საუკეთესო პრემიალური საბანკო მომსახურება“ „საქართველოში საუკეთესო მაღალშემოსავლიანი მომხმარებლების მომსახურება“ Euromoney უკვე ნახევარ საუკუნეზე მეტია ფინანსური ინდუსტრიის ერთ-ერთ ყველაზე ავტორიტეტულ და გავლენიან გამოცემად ითვლება. მისი ჯილდოები ეფუძნება არა მხოლოდ ფინანსურ მაჩვენებლებს, არამედ მომხმარებელზე ორიენტირებულ სტრატეგიას, ინოვაციებსა და სერვისის ხარისხს.„წელს, პირველად მოვიპოვეთ რეგიონის მასშტაბით Euromoney-ს მთავარი ჯილდო ნომინაციაში „ცენტრალური და აღმოსავლეთ ევროპის საუკეთესო პერსონალური საბანკო მომსახურება“. ვულოცავ  თიბისი კონცეპტის და თიბისი Wealth Management-ის გუნდის წევრებს ამ გამარჯვებას, ეს თიბისის კიდევ ერთი საერთაშორისო აღიარებაა“, - გიორგი თხელიძე, თიბისის გენერალური დირექტორი.თიბისი კონცეპტი მომხმარებლის ყოველდღიურობის გასამარტივებლად მუდმივად ავითარებს ინოვაციურ პროდუქტებს, ქმნის სრულ ფინანსურ ეკოსისტემას და ექსკლუზიური შეთავაზებებით უნიკალურ გამოცდილებას უქმნის თავის მომხმარებლებს.თიბისი ბანკმა, 2006 წელს, საქართველოში პირველმა დანერგა პერსონალური საბანკო მომსახურება და პროფესიონალთა გუნდისა და თანამედროვე ტექნოლოგიების შერწყმით, დღესაც აგრძელებს მომხმარებელზე ორიენტირებული, ინოვაციური პროდუქტების განვითარებას.აღნიშნულ ნომინაციებში თიბისი კონცეპტის გამარჯვება კიდევ ერთხელ უსვამ ხაზს, რომ თიბისის მომსახურება არა მხოლოდ საერთაშორისო სტანდარტებს აკმაყოფილებს, არამედ რეგიონში არსებულ წამყვან ფინანსურ ინსტიტუტებს შორის ბაზრის ერთ-ერთი ლიდერი და აღიარებული ბრენდია.(R)

1775116066

4 აპრილი - MIDEA – 30% ქეშბექი | ლიმიტი 300 ლარიშეთავაზება მოქმედებს მხოლოდ ფიზიკურ მაღაზიებში და ვრცელდება არსებულ ფასდაკლებაზეც.8 აპრილი - NIKORA SUPERMARKET – 25% ქეშბექი | ლიმიტი 50 ლარიშეთავაზება ვრცელდება არსებულ ფასდაკლებებზეც.აქციის ფარგლებში, თამბაქოს ტიპის პროდუქციის, მათ შორის ელექტრო სიგარეტების, ვეიპების ა.შ. და მზესუმზირის ზეთის 1 ლიტრიანი შეფუთვის შეძენის შემთხვევაში, შესაძლებელი იქნება მაქსიმუმ 5 ერთეულის შეძენა.8 აპრილი - SOCAR – 25% ქეშბექი | ლიმიტი 50 ლარიStudio Liberty-ის წევრებისთვის 30% ქეშბექი | ლიმიტი 50 ლარიაქცია არ ვრცელდება თვითმომსახურების და სანაპირო 3, წნორი, კეპენეხჩი, კახაბერი, გურჯაანი სადგურებზე.დამატებითი პირობები: შეთავაზება ვრცელდება ლიბერთის Mastercard ბარათით გადახდისას შეთავაზება ვრცელდება ლიბერთის ტერმინალზე გადახდისას ვრცელდება მხოლოდ ფიზიკურ ობიექტებში ტოპ|ქარდით გადახდის შემთხვევაში, მომხმარებლები ისარგებლებენ მხოლოდ გადანაწილებით. შეთავაზება არ ვრცელდება სასაჩუქრე ბარათების შეძენაზე ბანკი იტოვებს უფლებას საეჭვო ტრანზაქციის აღმოჩენის შემთხვევაში, მომხმარებელს არ დაუბრუნოს ქეშბექის თანხა გადავიმეოროთ ქეშბექის მიღების წესები:  გადმოწერე აპლიკაცია ან შედი ვებგვერდზე: cashback.ge გაიაქტიურე სასურველი შეთავაზება წინასწარ გადაიხადე ლიბერთის Mastercard ბარათით, ლიბერთის ტერმინალზე თუ ჯერ კიდევ არ ხარ ლიბერთის მომხმარებელი, გახდი ჩვენიანი ონლაინ: https://onboarding.lb.ge *წესები დეტალურად: შეთავაზების გასააქტიურებლად, გადმოწერეთ CashBack ის აპლიკაცია: iOS | Android ან შედით ვებგვერდზე cashback.ge.თუ უკვე ხართ ლიბერთის ინტერნეტ/მობაილ ბანკის მომხმარებელი, CashBack-ის აპლიკაციაში ავტორიზაციას იგივე მონაცემებით გაივლით. თუ ჯერ არ სარგებლობთ ლიბერთის ინტერნეტ/მობაილ ბანკით, გაიარეთ მარტივი რეგისტრაცია. ავტორიზაციის გავლის შემდეგ, CashBack ის აპლიკაციაში აირჩიეთ სასურველი მეგობარი ობიექტი, დააჭირეთ ღილაკს "აქტივაცია" და ლიბერთის ბარათით ლიბერთის ტერმინალზე გადახდისას, დაიბრუნეთ თანხა მომენტალურად.(R)

1775115626

სწორედ ამ მიზნით, Stockton-ის ორგანიზებით და SOLO-ს მხარდაჭერით, 19 აპრილს, 19:00 საათზე Kordz x Sakamoto: რიუიჩი საკამოტოსადმი მიძღვნილი კონცერტი გაიმართება.პროგრამა 8 ნაწილისგან შედგება, თითოეული მათგანი კი საკამოტოს იმ კომპოზიციის სახელს ატარებს, რომლის მელოდია და მუსიკალური მასალაც Kordz-ის მიერ შემოთავაზებულ ვერსიაში ჟღერს. რიუიჩი საკამოტოსადმი მიძღვნილი კონცერტი გამოირჩევა საკუთარი უნიკალური ხასიათით, ძველი და თანამედროვე მუსიკალური სტილების სინთეზით.ღონისძიება მსმენელს Factory Tbilisi-ში უმასპინძლებს. SOLO-ს მომხმარებლებისთვის კი ნებისმიერ ბარათზე იმოქმედებს 25%-იანი ფასდაკლება. კონცერტზე დასასწრები ბილეთების შესაძენად ეწვიეთ ბმულს.ინფორმაციისთვის, SOLO-სა და Stockton-ის ინიციატივით, Kordz x Sakamoto: რიუიჩი საკამოტოსადმი მიძღვნილი კონცერტი უკვე მესამედ იმართება.მაყურებლის წინაშე წარდგებიან:Kordz, იგივე ალექსანდრე კორძაიაჰოლანდიური ანსამბლი - Het Muziekთამრიკო კორძაია - პიანინო/სინთეზატორიელენე გოგოძე - ვიოლაკონსტანტინე გოცირიძე - ვიოლინოგიორგი ნადარეიშვილი - ჩელონინო ოჩიგავა - ფლეიტაშოუს ვიზუალურ ნაწილზე ჰოლანდიელი არტისტი ბორის ეკეტი და Lumus Instruments იზრუნებენ.ინფორმაციისთვის, იაპონელი კომპოზიტორისა და მუსიკოსის რიუიჩი საკამოტოს შემოქმედებამ დიდი გავლენა მოახდინა არაერთ მუსიკალურ ჟანრზე, მათ შორის ელექტრონულ მუსიკაზე, დისკოზე, ჰიპჰოპსა თუ კინომუსიკაზე. საკამოტოს შემოქმედების მნიშვნელობისა და იმის ხაზგასასმელად, რომ ეს მუსიკა დროს გაუძლებს, ალექსანდრე კორძაიამ ჰოლანდიურ ანსამბლ Het Muziek-თან (ყოფილი Asko|Schönberg) ერთად სპეციალურად Holland Festival 2021-ისთვის მოამზადა ერთგვარი მიძღვნა. „დიდი მადლობა ჩემი მუსიკისადმი თქვენი უდიდესი ერთგულებისთვის. ძალიან მადლიერი ვარ” - საკამოტოს ეს სიტყვები ალექსანდრე კორძაიას მიმართ ნდობის გამოხატულებად და მისი მუსიკის თავისუფალი ინტერპრეტაციის მხარდაჭერად შეიძლება ჩაითვალოს.(R)

1775115030

ტარიფის ცვლილება შეეხება ქვეყნის მთელ ტერიტორიას, მათ შორის როგორც თბილისის („თელმიკო“), ისე რეგიონების („ეპ ჯორჯია მიწოდება“) მომხმარებლებს.გალტ & თაგარტი წერს, რომ საცალო ტარიფს საქართველოს ენერგეტიკისა და წყალმომარაგების კომისია (სემეკი) წინასწარ განსაზღვრული და გამჭვირვალე მეთოდოლოგიით ადგენს. მიმდინარე ზრდა ძირითადად ორი ფაქტორით აიხსნება: გაზრდილი საინვესტიციო გეგმებით და ელექტროენერგიის შესყიდვის ღირებულების მატებით. "ტარიფის ზრდა პირდაპირ ზრდის კომუნალურ ხარჯს როგორც მოსახლეობისთვის, ისე იმ ბიზნესებისთვის, რომლებიც ელექტროენერგიას საცალო ბაზრიდან ყიდულობენ. ჩვენი შეფასებით, ცვლილებას რამდენიმე დამატებითი ეფექტიც ექნება: ტარიფის ზრდა ფასების საერთო დონეზე (ინფლაციაზე) დაახლოებით 0.7 პ.პ.-ით აისახება. გაზრდილი საინვესტიციო ხარჯები ხელს შეუწყობს ინფრასტრუქტურის განახლებას და ავარიული გათიშვების შემცირებას, განსაკუთრებით რეგიონებში. ელექტროენერგიის გაძვირება გააძლიერებს ბიზნესის ინტერესს საკუთარი გენერაციის წყაროების მიმართ, როგორც ეს 2021 წლის ტარიფის მკვეთრი ზრდის შემდეგ გამოჩნდა. გადამცემი ქსელისა და ქვესადგურების რეაბილიტაციამ შესაძლოა მცირე სადგურების ქსელთან დაერთების ხარჯიც შეამციროს. მნიშვნელოვანია, რომ საცალო ტარიფის ცვლილება ელექტროსადგურების გასაყიდ ფასს არ განსაზღვრავს. საქართველოს ბაზრის სტრუქტურიდან გამომდინარე, გენერაციის ობიექტები ელექტროენერგიას საბითუმო ბაზარზე ყიდიან, ხოლო საცალო ტარიფი ამ ღირებულებების საფუძველზე ყალიბდება. შესაბამისად, ჯერ იცვლება საბითუმო ფასი და შემდეგ ამას საცალო ტარიფი ასახავს", - წერს გალტ & თაგარტი.საცალო ტარიფის კომპონენტები საცალო ტარიფი ძირითადად შედგება 3 ნაწილისგან - გადამცემი ინფრასტრუქტურის ტარიფი, ელექტროენერგიის შესყიდვის ღირებულება და სახელმწიფო გადასახადები. საინვესტიციო კომპანიის მკვლევრების აზრით, საბოლოო საცალო ტარიფის ზრდაზე პირველ ორ კომპონენტს ჰქონდა ყველაზე მნიშვნელოვანი წვლილი.1. ინფრასტრუქტურული კომპონენტი ინფრასტრუქტურული ნაწილი ასახავს ელექტროგადამცემი ხაზების, ქვესადგურებისა და გამანაწილებელი ქსელის რეაბილიტაციის, გაძლიერებისა და გაფართოების ხარჯს. შესაბამისად, ორივე სადისტრიბუციო არეალში ტარიფის ზრდის მნიშვნელოვანი ნაწილი სწორედ ქსელში ინვესტიციების ზრდას უკავშირდება.რეგიონებში დიდი გავლენა აქვს ენერგო-პრო ჯორჯიას 2026-30 წლების საინვესტიციო გეგმას. კომპანია ამ პერიოდში საშუალოდ დაახლოებით ₾200 მლნ-ის ინვესტიციას განახორციელებს წელიწადში, რაც ჯამურად ₾1 მლრდ-ზე მეტია. ინვესტიციების მთავარი მიზანია ქსელის რეაბილიტაცია, მომსახურების ხარისხის გაუმჯობესება და გათიშვების შემცირება.თბილისში თელასის ქსელში მომდევნო 5 წლის განმავლობაში 400 მლნ ლარზე მეტი ინვესტიცია იგეგმება. ეს თანხა მიმართული იქნება ახალი უბნების ქსელზე მიერთების, ძველი მრიცხველების ჩანაცვლებისა და არსებული ინფრასტრუქტურის განახლებისკენ.დამატებით, ინფრასტრუქტურის მნიშვნელოვანი ნაწილია საქართველოს სახელმწიფო ელექტროსისტემაც, რომლის ტარიფიც 2025 წელს უკვე გაიზარდა და 2026 წლის ბოლომდე მოქმედებს. ამასთან, სსე მიმდინარე წელს საინვესტიციო გეგმის განახლებას გეგმავს, რაც შემდგომ წლებში ტარიფზე დამატებითი, თუმცა შედარებით მცირე გავლენის წყარო შეიძლება გახდეს.2. ელექტროენერგიის შესყიდვის ღირებულება გალტ & თაგარტი წერს, რომ ტარიფის მეორე მთავარი კომპონენტი არის ის ფასი, რომლითაც მიმწოდებლები ელექტროენერგიას იძენენ. ეს კომპონენტი გაიზარდა რამდენიმე მიზეზის გამო: პირველ რიგში, იზრდება მოხმარება და დამატებითი მოთხოვნის დაკმაყოფილება ხშირად შედარებით ძვირი რესურსით ხდება. მეორე მნიშვნელოვანი ფაქტორი არის ენგურისა და ვარდნილის ტარიფის ზრდა. ენგურისა და ვარდნილის ტარიფი 2025 წლის იანვრიდან 66%-ით გაიზარდა. ესსადგურები სისტემაში ერთ-ერთი ყველაზე იაფი რესურსია და მნიშვნელოვან როლს თამაშობს მოსახლეობის ტარიფის შედარებით დაბალ ნიშნულზე შენარჩუნებაში. თუმცა, ენგურ-ვარდნილის წილი საცალო მოხმარების დაკმაყოფილებაში დროთა განმავლობაში მცირდება, რასაც ხელს უწყობს მოხმარების ზრდა, ჰიდროლოგიური პირობები და აფხაზეთის მოხმარების დინამიკა. დამატებით, 2026 წლიდან გაიზარდა ხრამი 1-ისა და ხრამი 2-ის ტარიფიც. ამ სადგურებს მთავრობასთან შეთანხმებული ტარიფების ვადა ამოეწურათ და ისინი სემეკის რეგულირების რეჟიმში გადავიდნენ, რამაც მათი ტარიფების ზრდა გამოიწვია. ასევე გაიზარდა საბალანსო ელექტროენერგიის შესყიდვის როგორც ფასი, ისე მოცულობა. ამაზე გავლენა იქონია თბოსადგურებისთვის გაზის სუბსიდირების მოხსნამ, იმპორტის გაძვირებამ და ახალი სადგურების ექსპლუატაციაში შესვლამ. "შესაბამისად, საცალო ტარიფის ზრდა მხოლოდ ქსელის საინვესტიციო ხარჯებით არ აიხსნება - მნიშვნელოვანი ფაქტორია ელექტროენერგიის შესყიდვის გაძვირებაც", - წერს გალტ & თაგარტი.3. დღგ საცალო ტარიფის საბოლოო დონე ასევე მოიცავს დამატებული ღირებულების გადასახადს, რომელიც სახელმწიფო ბიუჯეტში მიიმართება.

1775114934

კუალა ლუმპურში გამართულ Central Banking Meetings-ის ფორუმში იაპონიის, მალაიზიის, ინდოეთის, თურქეთის, რუმინეთის, აზერბაიჯანის, ახალი ზელანდიის, შვეიცარიის, სამხრეთ კორეის, სინგაპურის, საუდის არაბეთის, ჩინეთის და სხვა ქვეყნების ცენტრალური ბანკირები და მაღალი რანგის წარმომადგენლები მონაწილეობდნენ.ღონისძიება მიზნად ისახავდა ცენტრალური ბანკების ლიდერებს შორის პრაქტიკული გამოცდილების გაზიარებასა და თანამშრომლობის გაღრმავებას, რაც ხელს შეუწყობს ერთობლივი სტრატეგიების შემუშავებას, რეგიონული ინტეგრაციის გაძლიერებასა და ინოვაციური გადაწყვეტების დანერგვას.პანელურ დისკუსიებზე სიტყვით გამოსვლისას ეკატერინე გალდავამ ყურადღება გაამახვილა საქართველოს ეროვნული ბანკის მიერ განხორციელებულ რეფორმებსა და რეგიონული გადახდების ინტეგრაციის მნიშვნელობაზე.მისი თქმით, წარმატებული, ინტეროპერაბელური გადახდების ეკოსისტემის საფუძველს წარმოადგენს თანამედროვე შიდა გადახდების ინფრასტრუქტურა, საერთო ტექნიკური სტანდარტები და ეფექტიანი რეგიონული კოორდინაცია.„საქართველოს ეროვნული ბანკი აქტიურად მუშაობს დროის რეალურ რეჟიმში ანგარიშსწორების (RTGS) სისტემის განახლებაზე. განახლებული სისტემას 24/7 რეჟიმში ფუნქციონირების ტექნიკური შესაძლებლობა ექნება და უზრუნველყოფს მრავალვალუტიანი გადარიცხვების მხარდაჭერას. ამასთან, 2026 წლის ბოლოსთვის დაგეგმილია მყისიერი გადახდების სისტემის (IPS) დანერგვა, რომელიც მომხმარებლებს შესაძლებლობას მისცემს ტრანზაქციები რამდენიმე წამში, დღის ნებისმიერ დროს განახორციელონ. ორივე სისტემა დაფუძნებული იქნება ISO 20022 შეტყობინებების სტანდარტზე, რაც მნიშვნელოვნად გააუმჯობესებს საგადახდო სისტემების ინტეროპერაბელურობას როგორც ქვეყნის შიგნით, ისე საერთაშორისო დონეზე“, - აღნიშნა ეკატერინე გალდავამ.სების ვიცე-პრეზიდენტმა საქართველოს სტრატეგიულ მდებარეობასა და შუა დერეფნის მნიშვნელობაზეც ისაუბრა და აღნიშნა, რომ ქვეყანას აქვს შესაძლებლობა გახდეს რეგიონული ფინანსური ჰაბი ევროპასა და აზიას შორის.„საქართველოს სტრატეგიული მდებარეობა გვაძლევს უნიკალურ შესაძლებლობას, გავხდეთ რეგიონის ფინანსური ჰაბი ევროპასა და აზიას შორის. რეალურ დროში გადახდები და გადახდების სისტემების ინტეგრაცია კი ხელს შეუწყობს ვაჭრობის ზრდას, შეამცირებს ტრანზაქციის ხარჯებს და გააძლიერებს რეგიონულ ეკონომიკურ კავშირებს“, - განაცხადა მან.Central Banking Meetings-ის ფარგლებში გამართულ პანელურ დისკუსიაზე ეკატერინე გალდავამ ასევე ისაუბრა საქართველოში ფინანსური ინოვაციების დანერგვაზე და ხაზი გაუსვა, რომ საქართველოს ეროვნული ბანკი აქტიურად უწყობს ხელს ფინანსურ ინოვაციებს როგორც რეგულირების, ისე ტექნოლოგიური განვითარების მიმართულებით.მისივე თქმით, აღსანიშნავია, რომ სებმა უკვე დანერგა ციფრული ბანკებისა და ვირტუალური აქტივების სერვისის პროვაიდერების რეგულირების წესი, შექმნა რეგულატორული და ტექნიკური სენდბოქსები, შეიმუშავა ფინტექის განვითარების სტრატეგია, რაც საფინანსო სექტორში ხელოვნური ინტელექტის უსაფრთხო ინტეგრაციას უზრუნველყოფს.Central Banking-ის მიერ ორგანიზებულ საერთაშორისო კონფერენციის ფარგლებში გამართულ პანელურ დისკუსიაში ასევე მონაწილეობა მიიღო სების სპეციალიზებული რისკების დეპარტამენტის უფროსმა ალექსანდრე ერგეშიძემ. სადისკუსიო პანელზე საუბარი შეეხო ფინანსურ სექტორში არსებულ კიბერ საფრთხეებს და მათი გადაჭრის გზებს. ასევე, განიხილეს კიბერ-რისკების მართვის პრაქტიკული სტრატეგიები და ცენტრალური ბანკების როლი ამ მიმართულებით.

1775110680