მორიგი სამუშაო შეხვედრა გიორგი კალანდარიშვილმა ცესკოს აპარატის/იურიდიული დეპარტამენტის უფროსთან გიორგი სანტურიანთან ერთად ქუთაისის საოლქო საარჩევნო კომისიაში გამართა. ისინი დეტალურად გაეცნენ 4 ოქტომბრის მუნიციპალიტეტის ორგანოთა არჩევნებისთვის კომისიის მიერ განხორციელებულ და მიმდინარე საქმიანობებსა და აქტივობებს.  მხარეებმა ასევე განიხილეს საუბნო საარჩევნო კომისიების სწავლებისა და პროფესიული გადამზადების პროცესიც.„გრძელდება რეგიონული შეხვედრები საოლქო საარჩევნო კომისიებში. ამჯერად ვიმყოფებით ქუთაისში და გვაქვს შესაძლებლობა სამუშაო შეხვედრის ფორმატში პირადად მივიღოთ საოლქო საარჩევნო კომისიის ყველა წევრისგან ინფორმაცია, რომელიც უკავშირდება არჩევნებისთვის მზადებას და ყველა იმ ადგილობრივ გამოწვევასა თუ საჭიროებას, რომელიც დღეს ინსტიტუციის წინაშე დგას. რა თქმა უნდა, ასეთი შეხვედრები არჩევნებამდე კიდევ გაგრძელდება, რათა ჩვენ უფრო მჭიდრო კავშირში ვიყოთ ადგილობრივ დონეზე საოლქო საარჩევნო კომისიებთან, რაც, თავის მხრივ,  ხელს შეუწყობს არჩევნების ეფექტიანად და მაღალ პროფესიულ დონეზე ადმინისტრირებას“, - აღნიშნა გიორგი კალანდარიშვილმა.აღსანიშნავია, რომ ცესკოს ხელმძღვანელი პირები ეტაპობრივად ეცნობიან ქვეყნის მასშტაბით საოლქო საარჩევნო კომისიების მზადებას 2025 წლის თვითმმართველობის არჩევნებისთვის. (R)

1757700948

მინისტრმა ყურადღება გაამახვილა ორმხრივი სტრატეგიული პარტნიორობის მნიშვნელობაზე და აღინიშნა, რომ ქართული მხარე დაინტერესებულია აშშ-სთან ურთიერთობის გადატვირთვით და სტრატეგიული თანამშრომლობის აღდგენით. მარიამ ქვრივიშვილმა აქცენტი გააკეთა მსხვილ ინფრასტრუქტურულ პროექტებზე, რომლებიც საქართველოს მთავრობის ინვესტიციით ხორციელდება და მიზნად ისახავს ქვეყნის ტრანზიტული ფუნქციის გაძლიერებას. მინისტრის თქმით, ისეთი პროექტების განხორციელება, როგორიცაა აღმოსავლეთ - დასავლეთის ავტომაგისტრალი, რკინიგზის მოდერნიზება, განახლებული საპორტო ინფრასტრუქტურა და სხვ, ხელს შეუწყობს საქართველოს, განავითაროს და გააძლიეროს თავისი როლი შუა დერეფნის პროექტში და ხელი შეუწყოს ამ მარშრუტის კონკურენტუნარიანობის ზრდას.როგორც მინისტრმა აღნიშნა, მსგავსი ფორმატის შეხვედრები ხელს უწყობს ორმხრივი ბიზნეს წრეების დაახლოებას და ქვეყნებს შორის სავაჭრო - ეკონომიკური ურთიერთობების გაუმჯობესებას.შეხვედრაზე აღინიშნა, რომ ამერიკელი ბიზნესმენები საქართველოს გარდა, ყაზახეთსა და აზერბაიჯანს ესტუმრნენ და ვაჭრობის, ენერგეტიკის, ინფრასტრუქტურისა და ლოგისტიკის სფეროებში შუა დერეფნის  რეგიონში არსებულ შესაძლებლობებს გაეცნენ.ვიზიტი განხორციელდა აშშ-ის კომერციის დეპარტამენტის, აშშ-საქართველოს ბიზნესის საბჭოს (AGBC), აშშ-აზერბაიჯანის სავაჭრო პალატისა (USACC) და ყაზახეთში ამერიკის სავაჭრო პალატას შორის თანამშრომლობით.

1757678978

ამ მიზნით, მობილბანკში გათამაშება დაიწყო, რომლის ფარგლებშიც მომხმარებლებს შესაძლებლობა აქვთ, მობილბანკში შესვლით, ავტომატურად ჩაერთონ გათამაშებაში, დააგროვონ ბილეთები და მოიგონ თანხა 650 000 ლარის ოდენობის საპრიზო ფონდიდან.როგორ გროვდება ბილეთები? მობილბანკში შესვლისთანავე ერჯერადად 5 ბილეთს მიიღებ თითო გადარიცხვაზე, გადახდაზე ან ნებისმიერ სხვა ტრანზაქციაზე - ერთ ბილეთს მიიღებ თითო პროდუქტის გააქტიურებისას, მაგალითად ბარათის შეკვეთისას, საინვესტიციო ანგარიშის გახსნისას, ნებისმიერი დაზღვევის ან სხვა პროდუქტით სარგებლობისას, 5 ბილეთს მიიღებ პოს ტერმინალის გამოყენებისას ან ონლაინ შოპინგისას ყოველ ათ ლარზე ერთი ბილეთი გროვდება გათამაშება 4 თვის განმავლობაში გრძელდება. ყოველი თვის ბოლოს სამ-სამი გამარჯვებული გამოვლინდება, საპრიზო ფონდი თითოეულ თვეზე 50 000 ლარია, რის შემდეგაც  ფინალი გაიმართება, სადაც ნახევარი მილიონი გათამაშდება. აღსანიშნავია, რომ ბილეთების შეგროვება ყოველთვე ახლიდანაა შესაძლებელი, რაც იმას ნიშნავს, რომ მომხმარებლებს მოგების შანსი ყოველთვე ექნებათ. ფინალში მონაწილეობას წინა თვეებში დაგროვებული ყველა ბილეთით შეძლებენ, მონაწილეობისთვის კი მობილბანკში დეკემბერში შესვლაც საჭიროა.გათამაშების შესახებ მეტი ინფორმაციის მისაღებად ეწვიე ბმულს. განაახლე მობილბანკი, ან თუ ჯერ არ სარგებლობ აპლიკაციით, გადმოწერე მარტივად და ჩაერთე გათამაშებაში.ინფორმაციისთვის, საქართველოს ბანკი საუკეთესო ციფრული ბანკია მსოფლიოში. ბანკის მობილბანკს ყოველთვიურად 1 700 000-ზე მეტი ადამიანი იყენებს. აპლიკაცია სრულად მომხმარებლის საჭიროებებსა და ტექნოლოგიურ ინოვაციებზეა მორგებული და ყოველდღიურობის გასამარტივებლად უსაზღვრო შესაძლებლობებს ქმნის.მეტი დეტალისთვის შეგიძლიათ იხილოთ ვიდეო

1757678814

რეაბილიტაციის ფარგლებში  ახლით იცვლება 2 კილომეტრამდე სიგრძის მოძველებული წყალსადენის მაგისტრალური და გამანაწილებელი ქსელები.  ახლად მოწყობილ წყალმომარაგების სისტემაზე 7 ჩამკეტ-მარეგულირებელი ურდული და სახანძრო ჰიდრანტი დამონტაჟდება.სარეაბილიტაციო პროექტი ჯივიპიმ ივლისის თვეში დაიწყო და ოქტომბერში დაასრულებს, რაშიც კომპანია ჯამში 400 000 ლარამდე ინვესტიციას ახორციელებს.პროექტის შედეგად ქალაქ მცხეთაში, აღმაშენებლისა და მიმდებარე ქუჩების მოსახლეობას მომსახურების ხარისხი მნიშვნელოვნად გაუუმჯობესდება.წყალმომარაგებისა და წყალარინების ინფრასტრუქტურის განახლება და განვითარება ჯივიპის ერთ-ერთი პრიორიტეტული მიმართულებაა. სარეაბილიტაციო სამუშაოებს კომპანია ყოველწლიურად, გეგმის მიხედვით, აქტიურად რეჟიმში  განახორციელებს.

1757678649

განცხადებაში ნათქვამია, რომ დიდი ბრიტანეთი უერთდება გერმანიას და მოუწოდებს საქართველოს ხელისუფლებას, შეწყვიტოს ყალბი ნარატივების გავრცელება საქართველოსა და მისი ხალხის მიმართ დასავლური მხარდაჭერის შესახებ.„[თავდასხმები] წარმოადგენს მტრული დეზინფორმაციის სერიის უახლეს მაგალითს, რომელიც მიზნად ისახავს გერმანიისა და სხვა ევროპული ქვეყნების დისკრედიტაციას – იმ პარტნიორების, რომლებიც ათწლეულების განმავლობაში საქართველოს გვერდით იდგნენ.ჩვენ ვუერთდებით გერმანიას და მოვუწოდებთ საქართველოს ხელისუფლებას, შეწყვიტოს ყალბი ნარატივების გავრცელება საქართველოსა და მისი ხალხის მიმართ დასავლური მხარდაჭერის შესახებ“, – ნათქვამია საელჩოს მიერ გავრცელებულ განცხადებაში.11 სექტემბერს გერმანიის ელჩს სოლიდარობა საქართველოში ევროკავშირის წარმომადგენლობაც გამოუცხადა.„როგორც ევროკავშირის უმაღლესი წარმომადგენლის/ევროკომისიის ვიცე-პრეზიდენტის პრესსპიკერმა განაცხადა, ევროკავშირი უარყოფს და გმობს საქართველოში ევროკავშირისა და მისი წევრი სახელმწიფოების როლისა და საქმიანობის შესახებ დეზინფორმაციას“, - წერდა გუშინ ევროკავშირის წარმომადგენლობა.საქართველოში ევროკავშირის წარმომადგენლობა გერმანიის საგარეო სამინისტროს პრესსპიკერის განცხადებას გამოეხმაურა, რომელშიც ნათქვამია, რომ „გერმანიის ელჩი თბილისში [პეტერ ფიშერი] ფედერალური მთავრობის პოზიციას წარმოადგენს“.„ფედერალური საგარეო საქმეთა სამინისტრო კატეგორიულად უარყოფს და გმობს ბატონი პაპუაშვილის უსაფუძვლო ბრალდებებს. ჩვენ შეშფოთებულები ვართ, რომ დეზინფორმაციისა და განხეთქილების გამომწვევი ნარატივების გავრცელებით ის აქტიურად უთხრის ძირს გერმანია-საქართველოს ურთიერთობებს“, - ვკითხულობდით განცხადებაში.

1757675908

დოკუმენტში ხაზგასმულია, რომ ოქტომბერში საქართველოში დაგეგმილი მუნიციპალური არჩევნები ჩატარდება ძლიერი პოლიტიკური პოლარიზაციისა და ხელისუფლების კრიტიკოსების მიმართ მზარდი რეპრესიების კონტექსტში და რომ ქვეყანაში ოპოზიციის რამდენიმე ლიდერი დააპატიმრეს.„საქართველოს საარჩევნო კანონმდებლობაში ბოლო დროს შეტანილი ცვლილებები შეშფოთებას იწვევს არჩევნების მთლიანობის, განსაკუთრებით გამჭვირვალობისა და საზოგადოების ნდობის კუთხით. სამწუხაროა, რომ „ოდირს“ მიწვევა დროულად არ გაეგზავნა, რათა შესაძლებელი ყოფილიყო შინაარსიანი დაკვირვება. საქართველოს დიდი ხნის პრაქტიკის ეს დარღვევა ღრმად შემაშფოთებელია“, - აღნიშნულია განცხადებაში.დოკუმენტის თანახმად, საქართველოში მოქალაქეების, პოლიტიკური ოპოზიციის, სამოქალაქო საზოგადოებისა და დამოუკიდებელი ჟურნალისტების მიმართ რეპრესიები გრძელდება.„კიდევ ერთხელ მოვუწოდებთ საქართველოს ხელისუფლებას, გამოიძიოს სამართალდამცავი ორგანოების წარმომადგენლების მიერ ძალის გადაჭარბებული გამოყენების ყველა ბრალდება და პასუხისგებაში მისცეს დამნაშავე პირები. მკაცრად ვგმობთ ცნობილი ქართველი ჟურნალისტის, მზია ამაღლობელის მიმართ ორწლიანი პატიმრობის არაპროპორციულ განაჩენს და რამდენიმე მომიტინგის მიმართ ბოლო დროს გამოტანილ პატიმრობის შესახებ განაჩენებს. მოვუწოდებთ საქართველოს ხელისუფლებას, დაუყოვნებლივ გაათავისუფლოს ყველა უსამართლოდ დაკავებული და ხაზს ვუსვამთ სასამართლო სისტემის დამოუკიდებლობის დაცვისა და სამართლიანი სასამართლოს უფლების უზრუნველყოფის აუცილებლობას“, - აღნიშნულია განცხადებაში.დოკუმენტის ავტორები მოუწოდებენ საქართველოს ხელისუფლებას, დაიწყოს ინკლუზიური ეროვნული დიალოგი ყველა შესაბამის დაინტერესებულ მხარესთან, რათა მიმდინარე კრიზისის მშვიდობიანად და დემოკრატიულად გადაწყვეტის გზა გამოინახოს.„მოვუწოდებთ საქართველოს ხელისუფლებას, კიდევ ერთხელ დაადასტუროს დიალოგისადმი და ეუთოს პრინციპებისა და ვალდებულებებისადმი ერთგულება. ასევე მოვუწოდებთ საქართველოს ხელისუფლებას, დაიწყოს ინკლუზიური ეროვნული დიალოგი ყველა შესაბამის დაინტერესებულ მხარესთან, რათა მოიძებნოს მიმდინარე კრიზისის მშვიდობიანად და დემოკრატიულად გადაწყვეტა. ამ საკითხთან დაკავშირებით განსაკუთრებით აქტუალური შეიძლება იყოს ეუთოს ინსტიტუტების, როგორიცაა ODIHR-ი და RFOM-ი, დახმარება. კურსის შეცვლის შესაძლებლობა კვლავ არსებობს“, - აღნიშნულია განცხადებაში.დოკუმენტის ავტორები ხაზს უსვამენ, რომ მტკიცედ დგანან ქართველი ხალხის გვერდით.„მტკიცედ ვდგავართ ქართველი ხალხის გვერდით და მხარს ვუჭერთ დემოკრატიული, სტაბილური და ევროპული მომავლისკენ მათ სწრაფვას, სადაც აქტიური სამოქალაქო საზოგადოება დემოკრატიული პლურალიზმისა და ანგარიშვალდებულების ხერხემალს წარმოადგენს. კვლავ ღია ვართ საქართველოსთან თანამშრომლობისთვის და ურყევად ერთგულები ვართ მისი სუვერენიტეტისა და ტერიტორიული მთლიანობის“, - აღნიშნულია განცხადებაში.

1757671049