უწყების პრეს–სამსახურის ცნობით, სამუშაო შეხვედრის ფარგლებში, სამსახურის უფროსმა რეგიონებში არსებული ვითარების, დანაშაულის წინააღმდეგ ბრძოლის მიმართულებით განხორციელებული ღონისძიებების, სტატისტიკური მონაცემებისა და დანაშაულის გახსნის მაჩვენებლების შესახებ დეტალური ინფორმაცია მოისმინა.მერაბ გამყრელიძემ რეგიონული დანაყოფების ხელმძღვანელებთან ერთად იმსჯელა დანაშაულის გამოვლენისა და ეფექტიანი გამოძიების, ასევე, სამართალდარღვევათა პრევენციის მიმართულებით არსებულ შესაძლებლობებსა და გამოწვევებზე.საგამოძიებო სამსახურის უფროსის განცხადებით, საგამოძიებო სამსახურის საქმიანობის ერთ-ერთი მნიშვნელოვანი პრიორიტეტი რეგიონებში საფინანსო-ეკონომიკურ დანაშაულთან ეფექტიანი ბრძოლა, მისი დროული გამოვლენა და ხარისხიანი გამოძიებაა. მისი თქმით, ამ მიმართულებით მნიშვნელოვანია არსებული რესურსების მაქსიმალურად ეფექტიანი გამოყენება.შეხვედრაზე, ასევე განიხილეს სამსახურის სამომავლო პრიორიტეტები და რეგიონული დანაყოფების საქმიანობის ეფექტიანობის გაზრდის მიმართულებები. სამსახურის უფროსმა სტრუქტურული ერთეულების ხელმძღვანელებს შესაბამისი დავალებები მისცა და საქმიანობის კიდევ უფრო ეფექტიანად წარმართვის მნიშვნელობაზე გაამახვილა ყურადღება.სამუშაო შეხვედრას საგამოძიებო სამსახურის საგამოძიებო დეპარტამენტის ხელმძღვანელი პირებიც ესწრებოდნენ.

1789543654

საქართველოს ბანკის კამპანია Art & Qopy დუეტთან თანამშრომლობით შეიქმნა და მისი მიზანია, ხელი შეუწყოს პარალიმპიელი ჩემპიონებისა და მათი მიღწევების შესახებ ცნობადობის ამაღლებას. ასევე, მოუწოდოს სხვა ბრენდებს, ჩაერთონ ამ პროცესში  რათა მათთან ერთად პარალიმპიელმა ჩემპიონებმა მიიღონ ის ყურადღება, რომელსაც იმსახურებენ. „პარალიმპიელი ჩემპიონები სპორტულ შედეგზე ბევრად მეტს გვიმტკიცებენ - მათი გამარჯვებები შესაძლებლობების, შეუპოვრობისა და სიძლიერის ნათელი მაგალითია. თეგეტაში გვჯერა, რომ მათი გზის მეტად ხილვადობა და მათი მხარდაჭერა მნიშვნელოვანი ნაბიჯია უფრო თანასწორი და ინკლუზიური გარემოს შექმნისკენ, რაც ჩვენთვის, ამავდროულად, კორპორაციული პასუხისმგებლობის განუყოფელი ნაწილია“, - მარიამ ჯაფარიძე, CSR კოორდინატორი, თეგეტაჩემპიონები მზად არიან. ახლა ბრენდების ჯერიასაქართველოს ბანკის კამპანიის ფარგლებში, შეიქმნა პარალიმპიელების ფოტოსერია, რომელშიც ფოტოები ცნობილი სარეკლამო კამპანიების ესთეტიკით არის გადაღებული, თუმცა თითოეულ მათგანში პროდუქტისა და ბრენდისთვის განკუთვნილი ადგილი თავისუფალია. მის ადგილას კი მთავარი კითხვა ჩნდება: „რომელი ბრენდი იმსახურებს ჩემპიონს?“კითხვა ქართული ბიზნესისთვის გამოწვევად იქცევა – შეავსონ ცარიელი ადგილი, და დაიწყონ ქართველ პარალიმპიელ ჩემპიონებთან პარტნიორობა. კამპანიაში უკვე 15-მდე კომპანიაა ჩართული და ჯერ კიდევ ღიაა სივრცე. ახლა მთავარია, კიდევ რომელი ბრენდი იმსახურებს ჩემპიონს?(R)

1789543429

ოქრო — „სუხიშვილები: 80 წლის ტრიუმფი“ | JoyBoy  | კატეგორია: Editing ოქრო — მცირე ბიზნესის ქსელი | სუპერმარკეტი  | კატეგორია:  Customer Retail / In-Store Experience ვერცხლი — „სუხიშვილები: სადაც ცეკვა დაიბადა“ | JoyBoy  | კატეგორია:  Production Design / Art Direction ვერცხლი — „ჭადრაკის ახალი ტალღა“ | JoyBoy  | კატეგორია: Promotional Item Design & Dm-Materials/Original Business Gifts ვერცხლი - „მომავალი  არ ჩერდება, მომავალი მოდის“ | Supermarket  | კატეგორია:  Production Design / Art Direction ბრინჯაო — „სუხიშვილები: სადაც ცეკვა დაიბადა“ | JoyBoy  | კატეგორია: Cinematography ბრინჯაო — „სუხიშვილები: 80 წლის ტრიუმფი“ | JoyBoy  | კატეგორია: Cinematography ბრინჯაო — „სუხიშვილები: ცეკვის იდენტობა“ | JoyBoy  | კატეგორია: Corporate & Brand Identity ბრინჯაო — „ჭადრაკის ახალი ტალღა“ “ | JoyBoy  | კატეგორია: Sponsorship & Brand Partnership ბრინჯაო - „რომელი ბრენდი იმსახურებს ჩემპიონს?“ | Q&A | კატეგორია:  PR Campaigns ბრინჯაო - „მომავალი  არ ჩერდება, მომავალი მოდის“ | Supermarket  | კატეგორია:  Direction „ეს ჯილდოები კიდევ ერთხელ უსვამს ხაზს საქართველოს ბანკის როლს შემოქმედებითი ინდუსტრიის განვითარების მხარდაჭერაში, კულტურული მემკვიდრეობის პოპულარიზაციასა და  ინოვაციური საკომუნიკაციო პლატფორმების შექმნაში“, - აცხადებენ საქართველოს ბანკში. (R)

1789540201

ტურნირის მიზანი ახალგაზრდებში პადელის პოპულარიზაცია, სპორტისადმი ინტერესის გაზრდა და აქტიური და ჯანსაღი ცხოვრების წესის წახალისება იყო.GNPF Youth Open-ის მხარდაჭერა ლიბერთის მოსწავლის პირველი ბარათის - 1st CARD-ის სახელით განხორციელდა. 1st CARD სპეციალურად მოზარდებისთვის შექმნილი მოსწავლის ბარათია, რომელიც მათ დამოუკიდებლობის პირველი ნაბიჯების გადადგმაში ეხმარება.„ლიბერთისთვის მნიშვნელოვანია, ხელი შევუწყოთ მოზარდებში აქტიური და ჯანსაღი ცხოვრების წესის დამკვიდრებას. მოხარული ვართ, რომ 1st CARD-ის სახელით GNPF Youth Open-ის მხარდაჭერით, ახალგაზრდებში სპორტისადმი ინტერესის გაზრდასა და აქტიური ცხოვრების წესის წახალისებაში ჩვენი წვლილი შეგვაქვს.ჩვენთვის მნიშვნელოვანია, რომ 1st CARD მოზარდების ყოველდღიური ცხოვრების ნაწილი გახდეს და მათთვის ახალი შესაძლებლობებისა და ღირებულების შექმნას ემსახურებოდეს'', - ნინო პირადაშვილი, ლიბერთის საოპერაციო პროდუქტებისა და დისტანციური მომსახურების დეპარტამენტის უფროსი.ლიბერთი, ბაზისბანკ ჯგუფის წევრია 2026 წლის ივნისიდან.(R)

1789538866

„მისი შეკავების მექანიზმები ხელს უწყობდა ფასებთან და მიწოდებასთან დაკავშირებული რისკების შემცირებას“, თუმცა ახლა ისინი „ამოწურულია“, – განაცხადა Chevron-ის გენერალურმა დირექტორმა მაიკ უორთმა.მსოფლიოში საწვავის კომერციული მარაგები უკვე ექვს თვეზე მეტია სწრაფად მცირდება. სტრატეგიული რეზერვებიდან მარაგების შევსების იმედი კი მცირეა მას შემდეგ, რაც OECD-ის ქვეყნების მთავრობებმა გაზაფხულზე რეზერვებიდან 400 მილიონი ბარელის გამოტანის გადაწყვეტილება მიიღეს. ამასთან, ჩინეთმა, რომელმაც მნიშვნელოვნად შეამცირა ნავთობის იმპორტი და საკუთარი მარაგებიდან ნედლეულის გამოყენებით ქვეყნის დღიური მოხმარების თითქმის ნახევარი დააკმაყოფილა, ბოლო კვირებში საერთაშორისო მომწოდებლებისგან შესყიდვები კვლავ გაზარდა.„ახლა ჩვენს სისტემაში აღარ არის ის ბუფერები, რომლებიც ახლო აღმოსავლეთში ომის დაწყებისას არსებობდა“, – განაცხადა უორთმა.მისი თქმით, რთულია იმის წარმოდგენა, რომ ნავთობზე ფასები სწრაფად შემცირდება.„მინდა გითხრათ, რომ სიტუაციის გაუმჯობესების რაიმე მიზეზს ვხედავ, რადგან ახლა ეს ნაკლებად სავარაუდოა“, – აღნიშნა მან.WSJ წერს, რომ ინდუსტრიის ექსპერტები კონფერენციებზე გაფრთხილებით გამოვიდნენ – რადგან ირანთან კონფლიქტის მოგვარების პერსპექტივა არ ჩანს, ვითარების კონტროლიდან გამოსვლის რისკი რეალურია.აშშ-ში დიზელის ფასი გასულ კვირაში ისტორიაში პირველად გალონზე $6-მდე გაიზარდა, მიმდინარე კვირაში კი $6.23-საც მიაღწია. ბენზინის ფასი, რომელიც ზაფხულში გალონზე $4-ზე ქვემოთ იყო ჩამოსული, $4.32-მდე გაიზარდა.ნავთობის ფასი ივლისის დასაწყისიდან, მას შემდეგ, რაც აშშ-სა და ირანს შორის წინასწარი სამშვიდობო შეთანხმების გაფორმებას გარკვეული დეესკალაცია მოჰყვა, მკვეთრად გაიზარდა. სამშაბათს ეტალონური Brent-ის მარკის ნავთობის ფასმა ბარელზე $108-ს გადააჭარბა.ტრეიდერები მოთხოვნა–მიწოდების და შესაბამისად ფასების მხრივ სიტუაციის გაუარესებას ელოდებიან. ორთვიანი ფიუჩერსული კონტრაქტის ფასი უახლოესი, ერთთვიანი კონტრაქტის ფასს ბარელზე $4.7-ით აღემატება, მაშინ როცა აგვისტოს შუა პერიოდში სხვაობა $2-ზე ნაკლები იყო.საერთაშორისო ენერგეტიკული სააგენტოს (IEA) შეფასებით, მსოფლიოში ნავთობის კომერციული მარაგები ომის დაწყებიდან, თებერვლიდან მოყოლებული, ჯამში 507 მილიონი ბარელით შემცირდა, რაც საშუალოდ დღეში 2.8 მილიონ ბარელს შეადგენს.WSJ-ის ცნობით, ნავთობკომპანიების ხელმძღვანელები და ექსპერტები მსოფლიო ბაზრის მთავარ პრობლემად ირანთან კონფლიქტს მიიჩნევენ და არა რუსეთ-უკრაინის ომს. მათი შეშფოთება ბოლო კვირებში ახლო აღმოსავლეთში მოვლენების ესკალაციამ განსაკუთრებით გააძლიერა.Quantum Capital Group-ის დამფუძნებლისა და გენერალური დირექტორის უილ ვან ლოს თქმით, უმეტეს შემთხვევაში მოლაპარაკებებში უპირატესობას ის მხარე იღებს, რომელსაც მეტი დრო აქვს და რომელსაც უფრო დიდხანს შეუძლია გაძლოს.„ირანი მზად არის, გაჭირვებას გაუძლოს. მისი ხალხი უკვე მრავალი ათწლეულია, უზარმაზარ გაჭირვებას იტანს“, – განაცხადა მან.

1789495451

ფორუმის ფარგლებში საზოგადოებას წარედგინა საქართველოს ფინანსური ბაზრების განვითარების პროგრამის (GMAP) კონცეფცია. GMAP-ის მიზანია, ხელი შეუწყოს საქართველოს ფინანსურ ბაზრებზე რისკის მართვისა და ჰეჯირების ინსტრუმენტების ხელმისაწვდომობის ზრდას და მეტად ლიკვიდური და საერთაშორისოდ ხელმისაწვდომი ფასიანი ქაღალდების ბაზრის ფორმირებას. ამ მიზნის მისაღწევად, სხვა ინიციატივებთან ერთად, მნიშვნელოვანი როლი აქვს თანამედროვე სახაზინო ინფრასტრუქტურის დანერგვას, რაც საშუალებას მისცემს ადგილობრივ კომერციულ ბანკებს, ბაზარს რისკის ჰეჯირების უფრო მეტად ხელმისაწვდომი და მრავალფეროვანი ინსტრუმენტები შესთავაზონ.ღონისძიების ერთ-ერთი მთავარი საკითხი ბაზრის განვითარების ინიციატივის ტექნოლოგიური კომპონენტი იყო, რომელიც Nasdaq-თან ერთად ხორციელდება. საზიარო სახაზინო მართვის სისტემის დანერგვის პროექტის ფარგლებში ბაზისბანკი, ლიბერთი ბანკი, საქართველოს ბანკი, თიბისი ბანკი და ტერაბანკი, სახაზინო ოპერაციებს განახორციელებენ Nasdaq Calypso-ს ბაზაზე, რომელიც ფარავს სახაზინო ოპერაციების სრულ ციკლს. საზიარო სისტემა წარმოადგენს პრაქტიკულ ინსტრუმენტს, რომელიც საქართველოს საბანკო სექტორს აძლევს საშუალებას, განავითაროს ის შესაძლებლობები, რომლებიც საჭიროა GMAP-ის ფარგლებში დასახული ბაზრის განვითარების მიზნების მისაღწევად.,,მოხარული ვართ, რომ მრავალწლიანი მუშაობის შემდეგ წარმატებით ამუშავდა ქართული ბანკების საერთო სახაზინო პლატფორმა, რომელიც საშუალებას მოგვცემს ვიმუშაოთ კოორდინირებულად და სწრაფად. ასევე მნიშვნელოვანია ისიც, რომ მზად ვართ ბაზარს შევთავაზოთ სტანდარტიზირებული რთული დერივატიული კონტრაქტები.მთავარი გამოწვევები, მომავალში იქნება რეალური სექტორიდან ჩვენი კლიენტების ინფორმირება ახალ პროდუქტებზე და ფინანსურ რისკებზე, რომლის მიტიგაცია ყოველდღიურად გვიწევს. ამასთანავე, საქართველოს საერთო სახაზინო პლატფორმა უნდა გადაიქცეს რეგიონალური მასშტაბის პროექტად.განსაკუთრებით ვულოცავ გუნდს რომელიც ამ წლების განმავლობაში გაუმკლავდა რთულ გამოწვევებს და შეიქმნა მომხმარებლებისთვის აუცილებელი პროექტი "- ვახტანგ ბაბუნაშვილი, ლიბერთი, ბაზისბანკ ჯგუფის ფინანსური დირექტორი.ბაზისბანკ ჯგუფის შესახებ2026 წლის აპრილში ბაზისბანკმა ლიბერთის აქციების 95.99% შეიძინა. ბაზისბანკ ჯგუფი საქართველოში მესამე უმსხვილესი სისტემური ფინანსური ინსტიტუტია, რომლის ბაზრის წილი 11%-ს შეადგენს. ჯგუფი 2 მილიონზე მეტ ფიზიკურ პირსა და 65,000-ზე მეტ მსხვილ და საშუალო ბიზნესს ემსახურება. ქვეყნის მასშტაბით წარმოდგენილია ყველაზე ფართო ქსელით: 500-მდე მომსახურების ცენტრით და 700-მდე ბანკომატით საქართველოს ყველა რეგიონსა და მუნიციპალიტეტში.2026 წლის 7 თვის ფინანსური მონაცემებით, ბაზისბანკ ჯგუფის აქტივები 12.1 მლრდ ლარს შეადგენს, მთლიანი საკრედიტო პორტფელი 7.9 მლრდ ლარია, ხოლო დეპოზიტების პორტფელი 9.1 მლრდ ლარი. ჯგუფის 2026 წლის 7 თვის წმინდა მოგებამ 128 მილიონი ლარი შეადგინა.

1789491246