საქართველო ეკონომიკური თავისუფლების ინდექსში 35-ე ადგილზე რჩება - The...

მიუხედავად მცირედი ზრდისა, საქართველოს მაჩვენებელი კვლავ ჩამორჩება 2021 წლის ნიშნულს, როდესაც ქვეყანას 76 ქულა ჰქონდა და მსოფლიოს საუკეთესო თორმეტეულში შედიოდა. 2023 წლიდან საქართველო 70-ქულიან ზღვარს ქვემოთ ნარჩუნდება, რაც 2012-2022 წლების პერიოდში დაფიქსირებულ მაღალ მაჩვენებლებთან შედარებით უკუსვლაა.კომპონენტების მიხედვით, 2026 წლის ანგარიშში ყველაზე მკვეთრი ვარდნა საკუთრების უფლებების დაცვის კუთხით დაფიქსირდა - მაჩვენებელი 9.3 ქულით შემცირდა და 53 ქულა შეადგინა. გაუარესებულია სასამართლო ეფექტიანობისა (-1.5) და საგადასახადო ტვირთის (-1.3) ინდიკატორებიც. პოზიციების გაუარესებას ექსპერტები მმართველობის ხარისხის კლებასა და ბიზნესის თავისუფლების შეზღუდვას უკავშირებენ.ამის საპირისპიროდ, მნიშვნელოვანი ზრდა ფისკალური ჯანმრთელობის მიმართულებით დაფიქსირდა (+13.2), სადაც ქვეყანამ 89.1 ქულა მიიღო. აღნიშნული გაუმჯობესება მშპ-სთან მიმართებით სახელმწიფო ვალის ფარდობის შემცირებას უკავშირდება.ინდექსის ძირითადი კრიტერიუმები (2026 წელი): ფისკალური ჯანმრთელობა: 89.1 (+13.2) საგადასახადო ტვირთი: 87.8 (-1.3) ვაჭრობის თავისუფლება: 86.8 (+0.6) ბიზნესის თავისუფლება: 76.6 (-1.5) ფულადი თავისუფლება: 70.2 (+4.9) საკუთრების უფლება: 53.0 (-9.3) რეგიონულ ჭრილში საქართველო ლიდერობას ინარჩუნებს: სომხეთი 67.1 ქულით 52-ე ადგილზეა აზერბაიჯანი - 67-ეზე (64.3) თურქეთი - 117-ეზე (55.0) ხოლო რუსეთი 145-ე პოზიციას იკავებს (50.3) 2026 წლის ინდექსის სათავეში სინგაპური (84.4), შვეიცარია (83.7) და ირლანდია (83.3) იმყოფებიან. რეიტინგის ბოლო ადგილებს ვენესუელა, კუბა და ჩრდილოეთ კორეა (3.1 ქულა) ინაწილებენ.

ბათუმის უძრავი ქონების ბაზარი 2025 წელს 15%-ით გაიზარდა - Galt & Tagga...

ანგარიშის მიხედვით, ბაზრის ჯამური ღირებულება წლიურად 23.8%-ით გაიზარდა და 1.3 მილიარდ აშშ დოლარს მიაღწია. Galt & Taggart-ის ექსპერტები აქტივობის ზრდას ახალი მსხვილმასშტაბიანი პროექტების გაშვებასა და მეორად ბაზარზე მიწოდების მატებას უკავშირებენ. კვლევის ფარგლებში ჩატარებულმა დეველოპერების გამოკითხვამ, რომელიც პირველადი ბაზრის დაახლოებით 40%-ს მოიცავს, მყიდველთა მაღალი დივერსიფიკაცია აჩვენა.გაყიდვების სტრუქტურაში უცხო ქვეყნის მოქალაქეების წილმა 52% შეადგინა. ყველაზე მსხვილ სეგმენტს კვლავ საქართველოს მოქალაქეები წარმოადგენენ 48%-იანი წილით. მათ მოჰყვებიან ისრაელისა და ევროპის სხვადასხვა ქვეყნების მოქალაქეები 13-13%-ით. უკრაინის, რუსეთისა და ბელარუსის მოქალაქეების წილი გაყიდვებში 11%-ია, ხოლო თურქეთისა და ცენტრალური აზიის ქვეყნების მაცხოვრებლებზე 3-3% მოდის.Galt & Taggart-ის შეფასებით, ბათუმის ბაზარი ინარჩუნებს მიმზიდველობას საერთაშორისო ინვესტორებისთვის, რაც ფასების ზრდასა და ტრანზაქციების რაოდენობის მატებაში აისახება.

სემეკი ელექტროენერგიის ტარიფის მარტის ბოლომდე დააზუსტებს

მისივე თქმით, გასულ წელს, დეკემბერში დადგენილი ტარიფი დროებითი ხასიათის იყო, რადგან ზოგიერთი პარამეტრი დამატებით შესწავლას მოითხოვდა. ამჟამად მიმდინარეობს ამ პარამეტრების დაზუსტება.„მარეგულირებელმა უწყებამ გასული წლის დეკემბერში დაადგინა ელექტროენერგიაზე დროებითი ტარიფი, ვინაიდან ცალკეული პარამეტრები იყო დასაზუსტებელი. ამ ეტაპზე მიმდინარეობს ამ პარამეტრების დაზუსტება“, - თქვა ნარმანიამ.მისი თქმით, ტარიფის ცვლილებასთან დაკავშირებული გადაწყვეტილება თვის ბოლოსთვის გახდება ცნობილი, თუმცა ამ ეტაპზე უცნობია, გაიზრდება თუ არა გადასახადი მომხმარებლებისთვის.„როგორც კი დაზუსტდება, მიმდინარე თვის ბოლოსკენ მივიღებთ შესაბამის გადაწყვეტილებას. კონკრეტულად თუ რა მოუვა ტარიფს და რამდენად იქნება ზრდა, ამაზე გამიჭირდება პასუხის გაცემა, ვინაიდან შესაბამისი სამუშაოები ამჟამადაც მიმდინარეობს“, - განმარტა მან.კითხვაზე, ნამდვილად გადაიხედება თუ არა ტარიფი თვის ბოლოს, ნარმანიამ დაადასტურა, რომ კომისია გადაწყვეტილებას სწორედ ამ ვადაში მიიღებს.2025 წლის დეკემბერში სემეკმა თვეების განმავლობაში დაანონსებული გაძვირების ნაცვლად, არსებული ტარიფები სამი თვით (2026 წლის 31 მარტამდე) შეინარჩუნა, რათა დრო ჰქონოდა ენერგობალანსის, გენერაციის პროგნოზების, კომპანიების ხარჯებისა და ინვესტიციების დაზუსტებისთვის.მარეგულირებელი ჯერ არ ასახელებს ზრდის მასშტაბს ან მიმართულებას.

ირანთან დაძაბულობის ფონზე ნავთობის ფასები მკვეთრად გაიზარდა — Brent ბა...

თბილისის დროით დაახლოებით 11:00 საათის მდგომარეობით, საერთაშორისო ეტალონური მარკა Brent დაახლოებით 114–119 დოლარის დიაპაზონში ივაჭრება ბარელზე, რაც ერთ დღეში დაახლოებით 23–26%-იან ზრდას ნიშნავს და წარმოადგენს ერთ-ერთ ყველაზე დიდ დღიურ ზრდას ბოლო წლებში.ამავე პერიოდში ამერიკული West Texas Intermediate (WTI) ნავთობი გაიზარდა დაახლოებით 118 დოლარამდე ბარელზე, რაც ასევე 2022 წლის შემდეგ ყველაზე მაღალი ნიშნულია.ბაზრის მკვეთრი რეაქცია დაკავშირებულია ჰორმუზის სრუტის გარშემო შექმნილ ვითარებასთან, რომლის გავლით ყოველდღიურად გადიოდა მსოფლიოს ნავთობის მიწოდების დაახლოებით 20%. ნებისმიერი შეფერხება ამ სტრატეგიულ მარშრუტზე მნიშვნელოვნად ამცირებს გლობალურ მიწოდებას და ზრდის ფასებს.მდგომარეობას ამძაფრებს ისიც, რომ ახლო აღმოსავლეთის რამდენიმე მსხვილმა მწარმოებელმა ქვეყანამ — მათ შორის ერაყმა, ქუვეითმა და არაბთა გაერთიანებულმა საამიროებმა — შეამცირეს ექსპორტი ან წარმოება ლოგისტიკური პრობლემებისა და უსაფრთხოების რისკების გამო.ენერგეტიკული ბაზრების რყევამ უკვე გამოიწვია ფართო ეკონომიკური ეფექტი. აზიის საფონდო ბირჟებზე ინდექსები მკვეთრად დაეცა, ხოლო ენერგეტიკული კომპანიების აქციები გაიზარდა. ამავე დროს, ინვესტორები ელოდებიან, რომ მაღალი ენერგეტიკული ფასები გააძლიერებს ინფლაციურ ზეწოლას მსოფლიო ეკონომიკაზე.ანალიტიკოსები ამბობენ, რომ თუ კონფლიქტი გაგრძელდება და ჰორმუზის სრუტეში ნავთობის ტრანზიტი კიდევ უფრო შეიზღუდება, საერთაშორისო ბაზარზე ფასებმა შეიძლება 120 დოლარსაც გადააჭარბოს და უახლოეს კვირებში მაღალი რყევები შენარჩუნდეს.ენერგეტიკული ბაზრების მონაწილეები ახლა ყურადღებით აკვირდებიან სამხედრო და დიპლომატიურ პროცესებს ახლო აღმოსავლეთში, რადგან ნებისმიერი ახალი შეტევა ან ტრანსპორტირების შეფერხება შეიძლება კვლავ სწრაფად აისახოს ნავთობის ფასებზე.

ADB-ის პრეზიდენტი: ბანკი მხარს უჭერს საქართველოს ამბიციას, გახდეს რეგი...

შეხვედრისას მხარეებმა ორმხრივი პარტნიორობის პრიორიტეტები განიხილეს, მათ შორის ეკონომიკური განვითარება და მოსახლეობის ცხოვრების ხარისხის გაუმჯობესება. მასატო კანდამ პრემიერ-მინისტრს მიულოცა „ძლიერი მაკროეკონომიკური პარამეტრები“ და რიკოთის უღელტეხილზე ავტომაგისტრალის მშენებლობის დასრულება.„ეს არის საოცარი პროექტი, რომელიც მხარს უჭერს რეგიონულ დაკავშირებადობას“, - აღნიშნა ADB-ის პრეზიდენტმა რიკოთის მონაკვეთზე საუბრისას.მოლაპარაკებების ერთ-ერთი მთავარი თემა „შუა დერეფნის“ (Middle Corridor) განვითარებაში ბანკის მონაწილეობა იყო. მხარეებმა ასევე იმსჯელეს აეროპორტების მოდერნიზაციასა და ტურიზმის სექტორის მხარდაჭერაზე.კანდას თქმით, ADB მზადაა, ინოვაციური პროექტებითა და ფინანსური ინსტრუმენტებით დაეხმაროს საქართველოს იმ სტრატეგიული ამბიციების მიღწევაში, რომლებიც ევრაზიულ სივრცეში ქვეყნის სატრანზიტო და ლოგისტიკური პოტენციალის ზრდას უკავშირდება.