კრიტიკის ფონზე ეუთოს საპარლამენტო ასამბლეის პრეზიდენტმა საქართველოში ვიზიტი გადაიფიქრა

ეროვნული ბანკის პრეზიდენტის მოვალეობის შემსრულებლის ნათია თურნავას თქმით, სებ-ი ყოველთვის კონცენტრირებულია რეზერვების შევსებაზე, რასაც ადასტურებს ბანკის გაცხადებული პოლიტიკა მოცემულ მომენტში, როდესაც ბაზარი ქვეყნის საერთაშორისო რეზერვების გაზრდის საშუალებას იძლევა.„სავალუტო რეზერვები ჩვენი ქვეყნის მაკროეკონომიკური სტაბილურობის უმნიშვნელოვანესი გარანტია", -  ნათია  თურნავამ აღნიშნა, რომ წლის ბოლოს სებ-მა მოახერხა სოლიდური ზრდა, რაც რამდენიმე ფაქტორმა განაპირობა. 1) ნოემბერ-დეკემბერში ეროვნულმა ბანკმა შეიძინა საკმაო რაოდენობის დოლარი ბაზარზე, რის შესაძლებლობასაც ქვეყნის ეკონომიკური მდგომარეობა იძლევა. 2) საბანკო სექტორში თვიდან თვემდე იზრდება დეპოზიტები როგორც უცხოურ ვალუტაში, ასევე ეროვნულ ვალუტაში. უცხოურ ვალუტაში დეპოზიტების ზრდა, სავალდებულო ნორმის ზრდასთან ერთად (ფსკ-ს ბოლო  გადაწყვეტილებით, სარეზერვო მოთხოვნა 5%-ით გაიზარდა) ასევე მნიშვნელოვანი კონტრიბუტორია საერთაშორისო სავალუტო რეზერვების მთლიანი მოცულობის ზრდაში"მიუხედავად იმისა, რომ დროდადრო გვიწევს რეზერვების დახარჯვა, სავალუტო ბაზარზე არაფუნდამენტური ფაქტორებით გამოწვეუული ჭარბი მერყეობის გაზანეიტრალებლად, პირველივე შესაძლებლობისთანავე, ეროვნული ბანკი ყველა ღონეს ხმარობს, რომ კვლავ შეავსოს საერთაშორისო რეზერვები“, -  ნათია თურნავამ.მან რეზერვების დივერსიფიცირების სიკეთეზეც აღნიშნა, - 3) " წლის დასაწყისში სებ-მა შეიძინა მონეტარული ოქრო და ამ პერიოდში ოქროს საერთაშორისო ფასის ზრდის შედეგად $ 100 მილიონიანი მატებაა, საერთაშორისო სავალუტო რეზერვების მოცულობაში".მისი თქმით, ეს პროცესი კვლავაც გაგრძელდება, მოსალოდნელი ეკონომიკური ზრდის ფონზე. ფიქრობს, რომ  რეზერვები კვლავაც განაგრძობს აღმავალ ტრაექტორიას.საერთაშორისო რეზერვებზე ინფორმაცია 7 თებერვალს განახლდება.

1736350680

გლოვის დღეს, საქართველოს ტერიტორიაზე, ადმინისტრაციულ შენობებზე სახელმწიფო დროშები დაეშვება.საქართველოს მთავრობა კიდევ ერთხელ სამძიმარს უცხადებს ხანძრის შედეგად დაღუპული ბავშვების ოჯახსა და ახლობლებს. 

1736349960

ოქტომბრის $627 მლნ-იანი კლების შემდეგ, სავალუტო რეზერვებმა ნოემბერში 400 მლნ-მდე ზრდა აჩვენა. წლიური ტრენდი კვლავ უარყოფითია, თუმცა კოეფიციენტი გაუმჯობესებულია. წინა თვეში იყო - 20%Y.Y. 1.12.24-ის მდგომარეობით კი წლიური კლება 19.5%-ია. სებ-მა რეზერვების შევსება 25 ნოემბერს დააანონსა. შემდეგ, პარლამენტში, პრეზიდენტის მოვალეობის შემსრულებელმა ნათია თურნავამ ნოემბრის $124 მლნ-ის შესყიდვაზე განაცხადა, მონეტარული და ფულად-საკრედიტო პოლიტიკის ძირითადი მიმართულებების წარდენისას .01.01.2025 -ის მდგომარეობით, ქვეყნის სარეზერვო აქტივები $4.447 მლრდ -ს აღემატება. მ.შ. $599 მლნ-მდე  ღირებულების ოქროა (01.12.2024 - $608 მლნ. 01.11. 2024 - $627.4 მლნ). 

1736344140

საბანკო სექტორი მე-3 რაუნდისთვის მზადაა. ლიკვიდურია, სტაბილურად მომგებიანი, მდგრადად „გრძნობს თავს და კარგ ფორმაშია“, - როგორც სებ-ი აცხადებს ხოლმე რეგულაციის ყოველ გამკაცრებაზე.იანვრიდან სავალუტო სესხზე ხელმისაწვდომობა კიდევ ერთი 100 000-ით შეიზღუდა და 500 000-ს აღწევს. შეზღუდვას რამდენიმე რაუნდი დასჭირდა. 200 000, ჯერ 300 000-მდე, მალევე 400 000-მდე და ბოლოს 500 000- მდე გაიზარდა.რეგულატორის ეს ნაბიჯი, წლიურად, სავალუტო სესხების გაცემებს $100 მლნ-ზე მეტით შეამცირებს. წინა აწევა $150 მილიონიან კლებაზე იყო გათვლილი, წინის წინა $180 მლნ-ზე.სექტორი, რომ კარგ ფორმაშია, და რეგულაციებს გაუმკლავდება, ბანკების შექებისას,  სებ-ი ისე წარმოჩინდა, თითქოს ძალიან მკაცრიც არ ყოფილა.  თქვა, რომ  სხვა ინსტრუმენტები არ გამოუყენებია. კონტრციკლური ბუფერი იგივე დატოვა 0.25%. თუმცა როგორც მანამდე ბევრჯერ იყო გაცხადებული, აღნიშნული ბუფერი 4-წლიან გრაფიკში ჩასვა და ისედაც არ ექვემდებარებოდა გადახედვას.  სარეზერვო მოთხოვნა კი  უცხოურ ვალუტაში მოზიდულ სახსრებზე  5%-ით, 0.5 მილიარდიანი ზღვრის ამოქმედებამდე გაზარდა, დეკემბრიდან. 2 ინსტრუმენტი გამოიყენა და რამდენი ინსტრუმენტი აქვს.სებ-ს სავარაუდოდ კიდევ მოუწევს მე-4 რაუნდი. სავალუტო სესხები ჯერ არ ითოკება. ნოემბერში  19 400 ახალი სესხი გაიცა, აშშ დოლარში ( 10/2024  - 18 540) და 5 128 ერთეული, ევროში (10/2024- 4 800) 

1736341980

ევროკავშირის ინიციატივა, რომელიც 2022 წელს ევროპარლამენტში ფართო მხარდაჭერით იქნა მიღებული, მიზნად ისახავს მათ შორის ჩაკეტილი ეკოსისტემების გაუქმებას და ელექტრონული მოწყობილობების მწარმოებლებთან სტანდარტიზაციის უზრუნველყოფას. ახალი მოთხოვნა შეეხება ნებისმიერი მწარმოებლის მიერ დამზადებულ სმარტფონებს, ტაბლეტებს, კამერებს, ყურსასმენებს, ვიდეო თამაშების კონსოლებს და სხვა მოწყობილობებს, რომლებიც იტენება სადენიანი კაბელით და მუშაობს 100 ვატამდე სიმძლავრით.რეგულაცია მიზნად ისახავს, როგორც გარემოსდაცვითი, ასევე ეკონომიკური პრობლემების მოგვარებას, რადგან USB-C პორტი გააერთიანებს სხვადასხვა მოწყობილობებს, რის შედეგადაც შემცირდება შესაბამისი დამტენების საჭიროება.აღნიშნული ცვლილება განსაკუთრებით შეეხო Apple-ს, რომელიც ევროკავშირის სტანდარტებთან შესაბამისობაში მოსასვლელად, ეტაპობრივად ცვლის თავის პროდუქტებში დამტენების ტიპს. მიუხედავად იმისა, რომ კომპანიის მხრიდან, ცვლილებას თავდაპირველად დიდი წინააღმდეგობა მოჰყვა, ის ახლა უკვე იყენებს USB-C პორტებს თავის ახლად გამოსულ მოწყობილობებში.ევროპარლამენტი მიიჩნევს, რომ ეს ინიციატივა მნიშვნელოვნად შეამცირებს ელექტრონული მოწყობილობების გამო წაგებულ "e-waste"-ს, რაც ყოველწლიურად ტონობით ძველ დამტენებს მოიცავს. ევროკავშირის შეფასებით, ეს რეგულაცია მომხმარებლების მიერ ყოველწლიურად დამატებით დამტენებში გადახდილ თანხებს დაახლოებით €250 მილიონით დაზოგავს.ცვლილებები ქმნის მნიშვნელოვან გავლენას არა მხოლოდ ევროკავშირის ბაზარზე, არამედ სხვა რეგიონებშიც, სადაც მსგავსი მიდგომები შეიძლება განხორციელდეს ელექტრონული მოწყობილობების სტანდარტიზაციისა და ეკოლოგიური მდგრადობის გზაზე.2026 წლის გაზაფხულიდან ვალდებულება ლეპტოპებზეც გავრცელდება. კანონი, რომელიც ევროპარლამენტმა 2022 წლის ადრეულ შემოდგომაზე, 602 ხმით (13 წინააღმდეგი და 8-მ თავი შეიკავა) მიიღო, ევროკავშირის ფართო მცდელობის ნაწილია, შემცირდეს ელექტრონული ნარჩენები და მომხმარებლებს მიეცეთ უფრო მდგრადი არჩევანის გაკეთების შესაძლებლობა.ამასთან, 28 აპრილიდან, 2026 წლიდან, ამავე რეგულაციები ამოქმედდება ლეპტოპებისთვისაც.

1736340033

წლის ბოლო დღე, 31 დეკემბერი კი თითო აქციის ფასი  £31.2-ით დაიხურა. შესაბამისად, ჯგუფის კაპიტალიზაციამ წლის ბოლოს,  £1,756,182,480 შეადგინა.ამავე პერიოდისთვის ხაზინაში მხოლოდ ის აქციები იყო განთავსებული, რომელიც წინა პერიოდში გამოცხადებული აქციების გამოსყიდვის პროგრამის ფარგლებში იყო შეძენილი და ამავე პერიოდში ყოველკვირეული გაუქმების მოლოდინში იყო. კერძოდ, მათ შორის, 31-შივე ჯგუფმა 2,760 ცალი გასაუქმებელი აქცია გამოისყიდა საშუალო ფასით  £31.38.2025-ში კი გამოსყიდვები 2 იანვრიდან განახლდა და ბოლო, 7 იანვრის მდგომარეობით, გამოსყიდული აქციების რაოდენობამ 12,259 ერთეული შეადგინა. ტრანზაქციებში მინიმალური ფასი  £30.05, ხოლო მაქსიმალური ფასი  £31.5 დაფიქსირდა.ბოლო, 7 იანვრის ტრანზაქციის შესაბამისად კი, კომპანიას გამოსყიდული აქციების გაუქმების შემდგომ 56,275,641 ჩვეულებრივი აქცია ექნება. 7 იანვარს ბირჟა TBCG-სთვის  £30.55-ით ჩაიხურა. 

1736339438

მათივე ცნობით, სემეკის გადაწყვეტილებებით, გასულ წელს ჯამში მოქალაქეებს ჩამოეწერათ 2 მილიონ ლარამდე უსაფუძვლოდ დარიცხული თანხები. გარდა ამისა, მომსახურების სტანდარტების დარღვევების გამო, სემეკის რეგულაციების შესაბამისად, კომუნალური კომპანიების მიერ მოქალაქეებზე გაიცა 1 239 570 ლარი.სემეკის მიერ მიღებული გადაწყვეტილებებით, განხილული საკითხების 90%-ზე მეტი მოქალაქეთა სასარგებლოდ დაკმაყოფილდა. ამის შესახებ ინფორმაციას ენერგეტიკისა და წყალმომარაგების მარეგულირებელი ეროვნული კომისია თავად ავრცელებს.სემეკი შეახსენებს მოქალაქეებს ელექტროენერგიის, ბუნებრივი გაზისა და წყალმომარაგების კომუნალური მომსახურების კომპანიების მიერ მათი უფლებების დარღვევის შემთხვევაში მიმართონ სემეკს ან სემეკთან არსებულ ენერგოომბუდსმენის სამსახურს. კონსულტაციების მიღება შესაძლებელია ქოლცენტრის ნომერზე: 16 216 (ზარი უფასოა ნებისმიერი ოპერატორიდან) ან ოფიციალური სოციალური გვერდების საშუალებით.

1736332562

„ბიზნესპრესნიუსთან“ პლატფორმის დამფუძნებელი გიორგი ჩუგოშვილი აღნიშნავს, რომ შეხვედრაზე მხარეები ისაუბრებენ იმაზე, თუ რა გავლენა ექნება ქვეყანაში მიმდინარე მოვლენებს ეკონომიკაზე, ეფექტი თითოეული ბიზნესისთვის როგორი იქნება და ამის გათვალისწინებით, როგორ უნდა მოემზადოს ბიზნესი 2025 წლისთვის.„2400-ზე მეტი კომპანია შემოუერთდა პლატფორმას. სიმართლე გითხრათ, იმედი გვქონდა, რომ ამ განცხადებით შემოიფარგლებოდა პლატფორმა, სიახლე იქნებოდა ქვეყანაში და დეესკალაცია მოხდებოდა, მაგრამ ეს არ მოხდა. აუცილებელია რომ დეესკალაციის მცდელობა გაგრძელდეს. ბიზნესმა უნდა იცოდეს, რომ თუ დეესკალაცია არ მოხდა, რას უნდა ელოდნენ და როგორ უნდა მოემზადოს ბიზნესი. ამ კომპანიებმა საკუთარი გამოწვევები და პრობლემები ძალიან კარგად იცის, მაგრამ ახლა გვაინტერესებს ჯამურად ეკონომიკის კუთხით როგორი იქნება საფრთხეები და ეს საფრთხეები ციფრებში როგორ აისახება მომავალ კვარტლებში.შეხვედრის მთავარი მიზანი არის ის, რომ ბიზნესები ფიზიკურად შევკრიბოთ ერთად, მოხდეს მათი გაცნობა, ისინი შესაძლოა, ერთმანეთს დაეხმარონ ან ახალი ბიზნეს შესაძლებლობები გაუჩნდეთ. მეორე - პროცესებში უნდა ჩავრთოთ რაც შეიძლება მეტი კვალიფიციური მხარე, ვინც სწავლობს ეკონომიკას და პროგნოზებს აკეთებს. თითოეულმა მათგანმა უნდა ისაუბროს ეკონომიკურ მოლოდინებზე. მესამე - გაიმართება პანელური დისკუსია, სადაც მხარეები პოზიციებს დააფიქსირებენ. მიზანი იქნება ის, რომ გაკეთდეს კვალიფიციური პირების მიერ პროგნოზები და ბიზნესმა 2025 წლის საქმიანობა ამის მიხედვით დაგეგმოს,“ - აღნიშნავს FreeBusiness-ის დამფუძნებელი.ამასთან, „თავისუფალი ბიზნესის“ პლატფორმის ხელმომწერები თანხმდებიან იმაზე, რომ შეხვედრაზე უნდა მიიწვიონ ის კომპანიებიც, რომლებიც მათ იდეას იზიარებს, თუმცა რიგი მიზეზების გამო ღიად პოზიციას ვერ აფიქსირებენ. ჩუგოშვილი არ გამორიცხავს, რომ პლატფორმაზე ბიზნესის ხელმოწერები კვლავაც გაგრძელდეს. ცნობისთვის, პროცესი ამ ეტაპისთვის დასრულებულია.„პლატფორმა არის ღირებულებების გარშემო გაერთიანებული დამფუძნებლების ერთობა. ვინც ამ პლატფორმაზე შემოუერთდა, ყველას აქვს რამდენიმე საერთო: 1. ძალიან მამაცი ხალხია, მათ ხმამაღლა დააფიქსირეს პოზიცია, რაც უპრეცედენტოა საქართველოში და ეს ბიზნესს აქამდე არ გაუკეთებია; 2. საქართველოში არის 80 ათასი კომპანია, ვისაც კარგი ბრუნვები აქვს. აქედან 2400-მა საჯაროდ გამოხატა აზრი, მაგრამ ამ კომპანიების უკან არიან ათი იმდენი ბიზნესი, ვინც ღიად ვერ დააფიქსირა აზრი, რადგან საქართველოა და რისკებს ხედავენ, თუმცა მათაც ადარდებთ ეკონომიკური ვითარება.მოვისმინეთ პლატფორმაზე ხელმომწერი ბიზნესების აზრი და მათი პოზიცია იყო ასეთი, რომ ბიზნესები, რომლებმაც ღიად ვერ დააფიქსირეს აზრი, შეხვედრაზე დავპატიჟოთ, რათა იცოდნენ რა ელოდება ეკონომიკას. პლატფორმაზე შემოერთების პროცესი შესაძლოა გავაგრძელოთ. ვეცდებით, რომ ახალი ტიპის ღირებულებებზე დაფუძნებული ბიზნეს პლატფორმა იყოს, რომელიც ეკონომიკასთან მიმართებაში თავის სათქმელს ღიად იტყვის ხოლმე, როდესაც კრიტიკულს დაინახავს,“ - განაცხადა გიორგი ჩუგოშვილმა.კითხვაზე თუ რა ფორმით შესაძლოა გაგრძელდეს სამომავლოდ შეხვედრები, ჩუგოშვილი დაზუსტებით ვერ გვპასუხობს. თუმცა, აანონსებს, რომ „პლატფორმა იქნება ინოვაციური“ და „თავის სათქმელს მიმდინარე მოვლენებზე ყოველთვის ღიად დააფიქსირებს“.შეგახსენებთ, რომ 28 ნოემბერს ირაკლი კობახიძემ განაცხადა, რომ არ აპირებს 2028 წლის ბოლომდე ევროკავშირთან ინტეგრაციისთვის მოლაპარაკებების პროცესის დაწყებას, ასევე მთავრობა უარს ამბობს მათ საბიუჯეტო დაფინანსებაზე. მთავრობის აღნიშნულ გადაწყვეტილებას მოსახლეობის პროტესტი მოჰყვა. რომელიც უკვე 42 დღეა უწყვეტად გრძელდება და საზოგადოების თითქმის ყველა სფერო მოიცვა. ეს ადამიანები თვლიან რომ არსებული კრიზისი გაცდა პარტიული პოლიტიკის საზღვრებს და გარდაუვალი სოციალური და ეკონომიკური საფრთხის წინაშე აყენებს ქვეყანას. პროტესტის მონაწილეები დაკავებულების გათავისუფლებასა და ახალი არჩევნების ჩანიშვნას ითხოვენ.bpn.ge

1736328368