3 თვეში ჩინეთის ეკონომიკა 4.5%-თ გაიზარდა

პროექტის ჯამური ღირებულება  2 000 000 ლარს შეადგენს, რომელიც სრულად ბანკის ფინანსურ ინვესტიციას წარმოადგენს.ახალი პროექტის დახმარებით, ზუგდიდში  დამატებითი სამუშაო ადგილები შეიქმნა — საწარმოში  50 ადამიანი დასაქმდა.ინფორმაციისთვის, ცერერა 2004 წლიდან ხორბლის გადამამუშავებელ საწარმოს ავითარებს და ქართულ ბაზარზე სხვადასხვა სახის ფქვილისა და ქატოს რეალიზაციას ახდენს. ამჟამად იგი ყოველთვიურად 2500-3000 ტონა ხორბალს ამუშავებს. კომპანია 2011 წლიდან საქართველოს ბანკის პარტნიორია.„საქართველოს ბანკის მხრიდან ყოველთვის გულისხმიერ პარტნიორულ დამოკიდებულებას ვიღებდით და ვიღებთ. ძალიან მნიშვნელოვანია არაპროგნოზირებად ბაზარზე ისეთი სწორი, სანდო პარტნიორის ყოლა, როგორიც საქართველოს ბანკია. მიგვაჩნია, რომ ფინანსური ინსტიტუტების მხარდაჭერა ბიზნესის სექტორისთვის აუცილებელი და მნიშვნელოვანია“, — აცხადებს ცერერას კომერციული დირექტორი ირაკლი ხაინდრავა.„მოხარული ვართ, რომ საქართველოს ბანკის მხარდაჭერით, ზუგდიდში ახალი საწარმო — ცერერას საცხობი გაიხსნა. ჩვენ კომპანიასთან მრავალწლიანი მჭიდრო პარტნიორობა გვაკავშირებს. ვაკვირდებით საწარმოს  მუდმივ განვითარებასა და ზრდას და მოხარული ვართ, რომ ამაში ჩვენი მოკრძალებული წვლილიც შევიტანეთ.  ჩვენთვის განსაკუთრებით პრიორიტეტულია რეგიონებში ახალი პროექტების მხარდაჭერა და მათ შორის ერთ-ერთი მაგალითი სწორედ ცერერას საწარმოა. რაც მთავარია, არ ვჩერდებით და ვაგრძელებთ სხვადასხვა მიმართულებით ბიზნესის ხელშეწყობას“, ­— აცხადებს ზაზა ფიფია, საქართველოს ბანკის კორპორაციული გაყიდვების სექტორის უფროსი.

1745828517

ცენტრალური საარჩევნო კომისია პოლიტიკურ პარტიებს, რომლებსაც სურთ მუნიციპალიტეტის ორგანოთა არჩევნებში მონაწილეობა, მოუწოდებს, დროულად განახორციელონ აღნიშნული უფლების მოსაპოვებლად ყველა საჭირო პროცედურა.საქართველოს ორგანული კანონის „საქართველოს საარჩევნო კოდექსი“ 142-ე მუხლის პირველი პუნქტის შესაბამისად, არჩევნებში მონაწილეობის უფლების მისაღებად, პარტიის ხელმძღვანელმა პირმა (პირებმა), განცხადებით უნდა მიმართოს ცენტრალური საარჩევნო კომისიის (ცესკოს) თავმჯდომარეს:ა) საკრებულოს არჩევნების დანიშვნის შემდეგ, არჩევნების დღემდე არაუგვიანეს 57-ე დღისა, თუ აკმაყოფილებს ერთ-ერთ შემდეგ პირობას:ა.ა) რეგისტრირებული იყო ბოლო საპარლამენტო არჩევნებისას;ა.ბ) არჩევნების დანიშვნის დღისთვის ჰყავს წარმომადგენელი საქართველოს პარლამენტში;ბ) მუნიციპალიტეტის ორგანოთა არჩევნების წლის 1 იანვრიდან 14 ივლისის ჩათვლით, თუ ვერ აკმაყოფილებს ზემოაღნიშნულ ვერცერთ პირობას.პარტიას, რომელიც ვერ აკმაყოფილებს საარჩევნო კოდექსის 142-ე მუხლის პირველი პუნქტის „ა“ ქვეპუნქტით დადგენილ ვერცერთ პირობას, განცხადების წარდგენისთანავე გადაეცემა მხარდამჭერთა სიის ნიმუში. პარტია ვალდებულია პარტიის მხარდამჭერთა სიის ნიმუშის მიღებიდან 60 დღის ვადაში, მაგრამ არაუგვიანეს 1 აგვისტოსი, ცესკოს წარუდგინოს მუნიციპალიტეტის წარმომადგენლობითი ორგანოს - საკრებულოს არჩევნებში პარტიის მონაწილეობის მხარდამჭერი არანაკლებ 25 000 ამომრჩევლის სია. მხარდამჭერთა სიას ცესკოს სათანადო სამსახური ამოწმებს საარჩევნო კოდექსის 38-ე მუხლით დადგენილი წესით და დადგენილ ვადაში. საარჩევნო პერიოდში ცესკოს სათანადო სამსახური წარდგენიდან 2 დღის ვადაში ამოწმებს მხარდამჭერთა სიებს და დასკვნას წარუდგენს ცესკოს თავმჯდომარეს.განცხადებას უნდა დაერთოს საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − საჯარო რეესტრის ეროვნული სააგენტოს მიერ, ცესკოსთვის განცხადების წარდგენამდე, ბოლო 10 დღის ვადაში გაცემული ამონაწერი მოქალაქეთა პოლიტიკური გაერთიანებების (პარტიების) რეესტრიდან, პარტიის ხელმძღვანელობის/ წარმომადგენლობის უფლებამოსილების მქონე პირის (პირების) მითითებით.დამატებითი ინფორმაციის საჭიროების შემთხვევაში დაგვიკავშირდით: 2 51 00 51.

1745828053

პროგრამას ღვინის ეროვნული სააგენტო, საქართველოს გარემოს დაცვისა და სოფლის მეურნეობის სამინისტროსთან კოორდინაციით, უკვე მეორე წელია ახორციელებს.აღნიშნული პროგრამის ფარგლებში, საქართველოს სომელიეთა ასოციაციის ორგანიზებით და ღვინის ეროვნული სააგენტოს მხარდაჭერით, საქართველოში ქვევრის დღე აღინიშნა.ღვინის ეროვნული სააგენტო წერს, რომ საქართველოსთვის ქვევრის დღის აღნიშვნას განსაკუთრებული დატვირთვა აქვს, რადგან ქვევრში დაყენებული ღვინო უნიკალური პროდუქტია. ქვევრის ღვინის დაყენების ქართულ ტრადიციულ მეთოდს 2013 წელს იუნესკოს (UNESCO) არამატერიალური კულტურული მემკვიდრეობის ძეგლის სტატუსი მიენიჭა, რაც ამ მეთოდის უნიკალურობაზე მიუთითებს. ქვევრის ღვინის პოპულარიზაცია როგორც საერთაშორისო, ისე ადგილობრივ ბაზრებზე ღვინის ეროვნული სააგენტოს პრიორიტეტული მიმართულებაა.სააგენტოს თქმით, განხორციელებული მარკეტინგული ღონისძიებების შედეგად, ქვევრის ღვინის ცნობადობა საერთაშორისო მასშტაბით წლიდან წლამდე იზრდება.ქვევრის საერთაშორისო დღის აღნიშვნის ფარგლებში გაიმართა ქვევრის საერთაშორისო კონფერენცია, მსოფლიოს წამყვანი ავსტრიული ღვინის აქსესუარების ბრენდის „RIEDEL“ მიერ შექმნილი ქვევრის ჭიქის პრეზენტაცია, საპატიო სომელიეების წოდების მინიჭების ცერემონია, ამავდროულად, საქართველოს სხვადასხვა რეგიონის მარნებში ქვევრის საზეიმო გახსნა მოეწყო.ქვევრის საერთაშორისო დღე მომავალში ყოველი წლის აპრილის ბოლო კვირას აღინიშნება.ღვინის ეროვნული სააგენტოს ინფორმაციით, 2024 წელს, ადგილობრივ ბაზარზე ქართული ღვინოპროდუქციის პოპულარიზაციის სახელმწიფო პროგრამის ფარგლებში, თანადაფინანსების თანხამ 1 559 284 ლარი შეადგინა. ქართული ღვინო საქართველოში წარმოდგენილი იყო 54 ღონისძიებაზე, მათ შორის, 17 გამოფენა-ფესტივალზე და 15 დეგუსტაცია-პრეზენტაციაზე, ასევე გაიმართა კონკურსები და სიმპოზიუმები.

1745825503

GCCA–ს ცნობით, ბაზრის ანალიზის შედეგად დადგინდა, რომ 2023 წელს, ქვეყნის მასშტაბით, მაგისტრალური წყალსადენების მშენებლობის ბაზარზე ეკონომიკურ საქმიანობას ახორციელებდა 180-მდე ეკონომიკური აგენტი. ბაზრის საერთო მოცულობამ შეადგინა  460 885 077.42 ლარი. შესაბამისი ბაზრის კონცენტრაციის ჰერფინდალ-ჰირშმანის ინდექსი (HHI) კი გაუტოლდა 345.75 ერთეულს, რაც დაბალკონცენტრირებული ბაზრის მაჩვენებელია. ვინაიდან დავით ბეგოიძის მიერ კონტროლირებადი ეკონომიკური აგენტი - შპს „ქსელმშენი" კონცენტრაციის განხორციელებამდე მაგისტრალური წყალსადენების მშენებლობის ბაზარზე არ მოქმედებდა, კონცენტრაციის განხორციელების შედეგად კონცენტრაციის (HHI) ინდექსის ცვლილებას ადგილი არ ექნება.შესაბამისად, სააგენტოს მიერ განხორციელებული ბაზრის ანალიზის, შეფასებული ბაზრის სტრუქტურისა და კონცენტრაციაში მონაწილე მხარის საბაზრო წილის გათვალისწინებით დადგინდა, რომ განხორციელებული კონცენტრაცია კონკურენტულ გარემოზე არსებით გავლენას არ მოახდენს.ინფორმაციისთვის: GCCA-ს წინასწარ სავალდებულო წერილობით შეტყობინებას ექვემდებარება კონცენტრაცია თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მილიონ ლარზე მეტია. GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.2025 წელს, საქართველოს კონკურენციისა და მომხმარებლის დაცვის სააგენტომ (GCCA) თანხმობა გასცა 6 კონცენტრაციაზე. ამ ეტაპზე, 3 კონცენტრაციასთან დაკავშირებით სააგენტო საკითხს სწავლობს.

1745824611

პრემიერის თქმით, მან ეს საკითხი აშშ-ის ფინანსთა მინისტრ სკოტ ბესენტთან მსოფლიო ბანკისა და საერთაშორისო სავალუტო ფონდის Spring Meetings 2025-ზე ვიზიტის დროს განიხილა.შმიგალმა ისიც აღნიშნა, რომ "იურიდიული ჯგუფები შეთანხმებაზე მუშაობენ და უკვე შეინიშნება პროგრესი".„მთავარია, ჩვენი წითელი ხაზები ნათლად განისაზღვროს, შეთანხმება უნდა შეესაბამებოდეს ევროპულ ვალდებულებებს და არ ეწინააღმდეგებოდეს უკრაინის კონსტიტუციასა და კანონმდებლობას. ის პარლამენტის მიერ უნდა იყოს რატიფიცირებული. მიღწეულია შეთანხმება, რომ დოკუმენტი არ ითვალისწინებს ხელმოწერამდე გაწეულ დახმარებას“, - აღნიშნა შმიგალმა.ამერიკის შეერთებული შტატების პრეზიდენტმა დონალდ ტრამპმა პირველად 2025 წლის თებერვლის დასაწყისში განაცხადა, რომ სურს, აშშ-ის მიერ უკრაინისთვის გაწეული დახმარების სანაცვლოდ მისგან მიიღოს მიწაიშვიათი ლითონები.რუსეთთან ომში მყოფმა უკრაინამ თავისი ბუნებრივი რესურსების სანაცვლოდ ვაშინგტონისგან უსაფრთხოების მყარი გარანტიები მოითხოვა.უკრაინის და აშშ-ის პრეზიდენტებს ეკონომიკური თანამშრომლობის და მათ შორის, მიწაიშვიათი ლითონების ხელშეკრულებისთვის ვაშინგტონში 28 თებერვალს უნდა მოეწერათ ხელი. თუმცა, თეთრ სახლში მოლაპარაკების დაწყების წინ, პრესასთან საჯარო შეხვედრისას სიტყვიერი დაპირისპირება მოხდა უკრაინის პრეზიდენტ ვოლოდიმირ ზელენსკის, აშშ-ის პრეზიდენტ ტრამპსა და ვიცე-პრეზიდენტ ვენსს შორის.ამ კონფლიქტის შემდეგ უკრაინის პრეზიდენტმა თეთრი სახლი დატოვა.მარტში უკრაინის და დასავლეთის მედიასაშუალებები წერდნენ, რომ ვაშინგტონმა კიევს შესთავაზა შეთანხმების ახალი ვარიანტი, რომელიც ითვალისწინებს უკრაინის რესურსებზე პრაქტიკულად სრულ კონტროლს და არ მოიცავს უსაფრთხოების გარანტიებს. წყაროთა თანახმად, უკრაინამ ეს ვარიანტი უარყო. მას შემდეგ მხარეები მოლაპარაკებებს აწარმოებენ.17 აპრილს, უკრაინის ეკონომიკის მინისტრმა იულია სვირიდენკომ და აშშ-ის ფინანსთა მინისტრმა სკოტ ბესენტმა ხელი მოაწერეს მემორანდუმს, რომლითაც მხარეები ადასტურებენ ეკონომიკური პარტნიორობისა და უკრაინის აღდგენის საინვესტიციო ფონდის შესახებ ოფიციალური შეთანხმების განზრახვას.

1745823492

საქართველოს ფინანსთა მინისტრის განცხადებით, 2025 წლის ბიუჯეტი პირველი კვარტალის მონაცემებით 102%-ით შესრულდა და მის შესრულებას არანაირი პრობლემა არ აქვს. „ბიუჯეტი სრულდება იმ მოცულობით და იმ ფორმით, რაც არის დაგეგმილი. ასევე, მნიშვნელოვანია, კიდევ ერთხელ, განმარტება გავაკეთოთ გადასახადის გადახდასთან და აღრიცხვასთან დაკავშირებით. ჩვენ შეგვიძლია ვთქვათ, რომ დაახლოებით, ათი წელია ფინანსთა სამინისტროს არ შეუცვლია აღრიცხვის სისტემა, რომელიც გადასახადების აღრიცხვას ასახავს ბიუჯეტში. შესაბამისად, ნამდვილად უცოდინარობას ვერ დავაბრალებთ იმ ადამიანებს, რომლებიც რატომღაც ასეთი ტიპის დეზინფორმაციას ავრცელებენ. ათი წელი ნამდვილად  საკმარისია იმისათვის, რომ შეისწავლო ბიუჯეტის აღრიცხვის სისტემები. ასე რომ ეს არის მიზანმიმართული დეზინფორმაცია. ასევე განმარტებას გავაკეთებ რომ „სხვა გადასახადების" მუხლი, რომელიც არის ბიუჯეტში და სადაც აღირიცხება შემოსული თანხები, ეს არ არის წინსწრებით გადახდილი თანხები. ეს არის ის თანხები, როდესაც გადამხდელს ვალდებულება აქვს გადასახადის გადახდის, ხოლო შემდგომ აქვს დამატებით მიცემული გარკვეული პერიოდი - მომდევნო თვის 15 რიცხვამდე, რომ მოახდინოს მისი  დეკლარირება და სწორად შეავსოს დეკლარაცია. საუბარია იმ გადასახადებზე, რომელიც იბეგრება გადასახადის წყაროსთან. მაგალითად, ესაა საშემოსავლო გადასახადი, მოგების გადასახადი. შემდგომ, როდესაც დეკლარაციები ბარდება მომდევნო თვის 15 რიცხვში, ბუნებრივია, ეს თანხები მიიმართება კონკრეტულად დეკლარაციაში დაფიქსირებულ გადასახადში. შესაბამისად, ეს არის ის პერიოდი, როდესაც გადახდასა და დეკლარირებას შორის თანხა ხვდება „სხვა გადასახადების" ანგარიშზე და შემდგომ გადამისამართდება შესაბამის ანგარიშზე. რეალურად არის  რეფორმა, რომელიც საქართველომ განახორციელა. ერთიანი გადახდის ანგარიშის სისტემის რეფორმა წარმატებით ხორციელდება თითქმის ათი წელია. შესაბამისად, ამ რეფორმის შედეგებზე ათი წლის თავზე კითხვების დასმა, ბუნებრივია, ვერ იქნება რაიმე ტიპის გაუგებრობა. ეს არის წმინდა წყლის დეზინფორმაცია, რომელიც მხოლოდ და მხოლოდ საზოგადოების შეცდომაში შეყვანას ისახავს მიზნად. როდესაც ბიუჯეტი სრულდება 102%-ით, იმის მტკიცება, რომ ბიუჯეტი ვერ შესრულდა, ამ დეზინფორმაციას დიდი ხნის სასიცოცხლო პერიოდი არ აქვს, იქიდან გამომდინარე, რომ საქართველო მეოთხე წელია მსოფლიოში არის ყველაზე გამჭვირვალე ქვეყანა ბიუჯეტის გამჭვირვალობის კუთხით. შესაბამისად, ყველა ის თანხა, ყველა ის ანგარიში, რომელიც ბიუჯეტთან არის დაკავშირებული ონლაინ რეჟიმში ავტომატურად, შესრულებისთანავე ქვეყნდება, ყველასთვის ხელმისაწვდომია და ამ ნაწილში კითხვის ნიშნები ნამდვილად ვერ იქნება", - აღნიშნა ფინანსთა მინისტრმა, ლაშა ხუციშვილმა.

1745818667

შეხვედრაზე განიხილეს IDA-ს 21-ე შევსების ფარგლებში განსახორციელებელი ღონისძიებები და IDA-ს მე-20 შევსების პროგრამა შეაფასეს.ფინანსთა სამინისტროს ცნობით, საქართველო IDA-ს დონორი ქვეყნების რიცხვს 2022 წელს, ასოციაციასთან თანამშრომლობის 30-ე იუბილეზე შეუერთდა და უკვე რესურსების მეორე შევსებაში მონაწილეობს დონორის სტატუსით.

1745818259

შეხვედრის მონაწილეებს ნათია თურნავამ ეროვნული ბანკის მიერ ქალთა გაძლიერების მიზნით გადადგმული ნაბიჯები გააცნო.სებ-ის პრეზიდენტმა ხაზი გაუსვა, რომ ეროვნული ბანკის მაღალი და საშუალო მენეჯმენტის 54% და სამეთვალყურეო საბჭოს ცხრა წევრიდან ხუთი ქალია.ნათია თურნავამ ისაუბრა არსებულ გამოწვევებზე და ქალების ფინანსურ სერვისებზე ხელმისაწვდომობის კუთხით შექმნილ ბარიერებზეც გაამახვილა ყურადღება. სებ-ის პრეზიდენტი დამსწრე საზოგადოებას ფინანსური განათლების მნიშვნელობაზე ესაუბრა და ხაზი გაუსვა მის როლს საქართველოს ეროვნული ბანკის სტრატეგიაში.„2020 წელს ჩვენ დავნერგეთ ფინანსური განათლების პორტალი, ხოლო 2023 წელს დავამტკიცეთ ფინანსური განათლების ეროვნული სტრატეგიის განახლებული ვერსია. ორივე დოკუმენტში ქალები პრიორიტეტულ ჯგუფს წარმოადგენენ. ჩვენ ასევე აქტიურად ვმუშაობთ კორპორაციული მმართველობის გასაუმჯობესებლად. განახლებული კორპორაციული მმართველობის კოდექსის მეშვეობით, ჩვენ შემოვიტანეთ გენდერული კვოტები კომერციულ ბანკებსა და მიკრობანკების სამეთვალყურეო საბჭოებისთვის“, - აღნიშნა ნათია თურნავამ.მისი თქმით ეროვნული ბანკის სტრატეგიული მიდგომა მიზნად ისახავს ქალების მიერ მართული ბიზნესებისთვის ფინანსებზე წვდომის ხარვეზისა და სექტორში გენდერული ხელფასების სხვაობის აღმოფხვრას.შეგახსენებთ, საერთაშორისო სავალუტო ფონდისა და მსოფლიო ბანკის ყოველწლიურ საგაზაფხულო შეხვედრებში მონაწილეობენ საერთაშორისო სავალუტო ფონდისა და მსოფლიო ბანკის მმართველები და ალტერნატიული მმართველები, ასევე მსოფლიოს თითქმის ყველა ქვეყნის საფინანსო სექტორის წარმომადგენლები. მონაწილეები განიხილავენ გლობალური მნიშვნელობის საკითხებს, მათ შორის მსოფლიო ეკონომიკის პერსპექტივებს, სიღარიბის დაძლევის, ეკონომიკის განვითარებისა და დახმარების ეფექტურობის, ასევე, კიბერუსაფრთხოებისა და ფინანსური ტექნოლოგიების თემებს.

1745817776