OpenAI ChatGPT-ის განვითარებას გეგმავს, რეკლამის განთავსების გეგმა კი თაროზე შემოდო

Reuters წერს, რომ „ექსონ მობილში“ გავრცელებულ ცნობებთან დაკავშირებით კომენტარის გაკეთებაზე უარი განაცხადეს, ხოლო Lukoil-მა სააგენტოს კითხვებს არ უპასუხა.საუბარია ერაყში მდებარე ნავთობის საბადო „დასავლეთ კურნა-2“-ზე, რომელიც მსოფლიოში უდიდესია.ის Lukoil-ის ყველაზე ძვირად ღირებულ უცხოურ აქტივად ითვლება და პორტ ბასრადან 65 კილომეტრში მდებარეობს. ამ ნავთობის საბადოზე დღეში 480 ათასი ბარელი შავი ოქროს მოპოვება ხდება.22 ოქტომბერს, აშშ-მა სანქციები დაუწესა ორ უმსხვილეს რუსულ ნავთობკომპანიას, Lukoil-ს და „როსნეფტს“, ასევე მათ შვილობილ კომპანიებს. მოგვიანებით, აშშ-ის სახაზინო დეპარტამენტმა Lukoil-ის წინააღმდეგ დაწესებული სანქციების ამოქმედების ვადა 13 დეკემბრამდე გაახანგრძლივა, რათა კომპანიას მიეცეს დრო საზღვარგარეთ მდებარე აქტივების გაყიდვისთვის.მანამდე ვრცელდებოდა ცნობები იმის შესახებ, რომ Lukoil-ის უცხოური აქტივების ყიდვით დაინტერესებულია კიდევ ერთი ამერიკული კომპანია „შევრონი“.

1764673418

გამოფენის მიზანია, შექმნას უნიკალური საკომუნიკაციო პლატფორმა, რომელიც ერთ სივრცეში გააერთიანებს ბაზრის მთავარ მოთამაშეებს: ინვესტორებს, დეველოპერებს, ბროკერებსა და საკონსულტაციო კომპანიებს;უძრავი ქონების გამოფენა მოიცავს პრეზენტაციებსა და პანელურ დისკუსიებს, რომლებზეც დარგში არსებულ მთავარ გამოწვევებსა და შესაძლებლობებს განიხილავენ. გამოფენის ფარგლებში, 5 დეკემბერს, დაგეგმილია თიბისი კაპიტალის კვლევის წარდგენაც, რომელიც უძრავი ქონების ადგილობრივ ტენდენციებსა და მომდევნო წლის პროგნოზებს მიმოიხილავს.ღონისძიება ხელს შეუწყობს უძრავი ქონების სექტორის განვითარებას, რაც გულისხმობს  საქართველოს საინვესტიციო პოტენციალის საერთაშორისო პარტნიორებისთვის გაცნობას. Ხოლო ბიზნესისთვის გაყიდვების ხელშეწყობას, როგორც ადგილობრივ, ისე საერთაშორისო ბაზარზე.გამოფენაში მონაწილეობს 50-მდე დეველოპერული კომპანია; ასევე, ადგილობრივი საბროკერო კომპანიები, რომლებიც დამსწრეებს სხვადასხვა შეთავაზებას ადგილზევე გააცნობენ.ღონისძიება საინტერესოა როგორც პროფესიონალებისთვის, ისე ცალკეული დაინტერესებული პირებისთვისაც - სტუმრები შეძლებენ, დაათვალიერონ ბაზარზე არსებული თითქმის ყველა შეთავაზება და მიიღონ განსაკუთრებული პირობები.წელს გამოფენის ფარგლებში გაიმართება საერთაშორისო კონფერენციაც, რომელზე დასწრება შესაძლებელია წინასწარი რეგისტრაციით: https://forms.gle/8xRzFsNrqTo2rANU8ღონისძიების დღის წესრიგის გასაცნობად, ეწვიეთ ბმულს: https://www.rew.ge/agenda/ (R)

1764670816

„მნიშვნელოვანია, რომ მე-11 კლასი, დამამთავრებელი კლასი გავხადოთ პროფილური. ეს ასახავს იმ მიზანს, რომელიც უკავშირდება, პირველ რიგში, იმას, რომ მოსწავლეები დავაბრუნოთ სკოლაში, სკოლის პრესტიჟი, ავტორიტეტი გავზარდოთ და ოჯახებს მოვაშოროთ წნეხი, რაც ეროვნული გამოცდებისთვის მოსწავლეების მომზადების კუთხით ფინანსურ საკითხებთან არის დაკავშირებული“, – განაცხადა გივი მიქანაძემ.ამასთან, საჯარო სკოლების მე-12 კლასში სწავლის მსურველებს შესაძლებლობა ექნებათ, შესაბამისი რეგისტრაცია ყოველი წლის მარტში გაიარონ. "შემდეგი სასწავლო წლიდან ტესტურ რეჟიმში, ყველა საჯარო სკოლაში პირველიდან მეექვსე კლასის ჩათვლით სავალდებულოდ ბრუნდება სასკოლო ფორმები", - დასძინა მიქანაძემ. სოციალურად დაუცველი ოჯახები ფორმებთან დაკავშირებით კი სახელმწიფო მხარდაჭერას მიიღებენ."ყველა ის ოჯახი, რომელიც ჯანდაცვის სამინისტროს მიერ არის შეფასებული 60 000 ქულით ან ნაკლებით, სახელმწიფოს მხრიდან შესაბამის მხარდაჭერას მიიღებს ფორმებთან დაკავშირებით“, – განაცხადა მიქანაძემ.გივი მიქანაძემ ზოგადი განათლების რეფორმის პრეზენტაციისას ასევე განაცხადა, რომ "საჯარო სკოლების დაფინანსების ვაუჩერული კომპონენტი შენარჩუნდება, თუმცა ვიფიქრებთ, სხვადასხვა მოდელზე, რომლებიც სკოლებისთვის აუცილებელი საჭიროებების აღმოფხვრას შეუწყობს ხელს".მისივე თქმით, ზოგადი განათლების რეფორმა არსებითად შეცვლის სწავლა-სწავლების პროცესს.ამასთან, ორი-სამი წლის განმავლობაში დაიწერება სრულიად ახალი სახელმძღვანელოები.მიქანაძეს მტკიცებით, სამინისტრომ გასული ექვსი თვის განმავლობაში, შერჩევითობის პროცედურის გავლით, შეარჩია ექსპერტთა ჯგუფები სხვადასხვა დისციპლინის მიხედვით.კვლევითმა ორგანიზაციამ, Gnomon Wise-მა 31 ოქტომბერს მიმოიხილა უმაღლესი განათლების რეფორმის კონცეფცია. სადაც ორგანიზაცია წერდა, რომ 2025 წლის 16 ოქტომბერს ირაკლი კობახიძემ წარადგინა უმაღლესი განათლების რეფორმის კონცეფცია, რომელშიც იდენტიფიცირებულია უმაღლესი განათლების სექტორში მთავარი გამოწვევები და მათი გადაჭრის გზები.გამოწვევებს შორისაა: „1. უმაღლესი განათლების ჭარბი გეოგრაფიული კონცენტრაცია; 2. რესურსების ირაციონალური გამოყენება და უნივერსიტეტებში სწავლების ხარისხის უთანაბრობა; 3. უსისტემო საკადრო პოლიტიკა; 4. სუსტი კავშირი სწავლებასა და კვლევას შორის, თანამედროვე სტანდარტების საგანმანათლებლო პროგრამებისა და სახელმძღვანელოების ნაკლებობა; 5. სუსტი კავშირი უმაღლესი განათლების პრიორიტეტებსა და შრომის ბაზრის მოთხოვნებს შორის და 6. გაუმართავი დაფინანსების სისტემა“.შეჯამების სახით, Gnomon Wise წერდა, რომ სახელმწიფო უნივერსიტეტების წარმომადგენლებისა და განათლების ექსპერტების ჩართულობის გარეშე, სამთავრობო კომისიის მიერ შემუშავებული უმაღლესი განათლების რეფორმის კონცეფცია, აჩენს არაერთ შეკითხვას, მის რეალურ მიზანთან დაკავშირებით."კონცეფციაში დაუსაბუთებელია ცვლილების ამ ფორმით განხორციელების საჭიროება და არაერთ შემთხვევაში, უმაღლეს სასწავლებლებში ხარისხის გაუმჯობესების ნაცვლად, წარმოშობს დამატებითი პრობლემების რისკებს. იმ შემთხვევაში, თუ უმაღლესი განათლების რეფორმის კონცეფცია ჯერ - კანონპროექტად, შემდეგ კი კანონად იქცევა, საქართველოს უმაღლესი განათლების სისტემა დაბრუნდება რამდენიმე დეკადით უკან, ცენტრალიზებულ განათლების მოდელზე, რომელშიც სახელმწიფოს მიერ კონტროლდება როგორც სწავლების ფორმა, ისე შინაარსი, სტუდენტების როლი დაკნინებულია და აკადემიური თავისუფლება არ არის დაცული. თუ ეს კონცეფცია სრულად განხორციელდება, ქართული განათლების სისტემა ჩამოშორდება ევროპულ აკადემიურ სივრცეს და სტუდენტებს შეეზღუდებათ შესაძლებლობა, მიიღონ საერთაშორისოდ აღიარებული, ხარისხიანი განათლება", - წერს Gnomon Wise. 

1764664556

საქართველოს ოფიციალური განმარტება, რომ რუსეთისა და ბელარუსის წინააღმდეგ დაწესებული საერთაშორისო სანქციების დაცვის გამო ხდება ტვირთების უფრო დეტალური შემოწმება, აზერბაიჯანულ მხარეს არ აკმაყოფილებს.აზერბაიჯანული მედია ირწმუნება, რომ საქართველო ზანგეზურის დერეფნის გამო „ეჭვიანობს“, შიშობს რა მთავარი ტრანზიტული ქვეყნის ფუნქციის დაკარგვას.აზერბაიჯანული მედია იმასაც ეჭვობს, რომ პრობლემებს შეიძლება ქმნიდნენ „ქართველი ფიგურები, რომლებიც სომხურ წრეებთან არიან კავშირში“.გარდა ამისა, აზერბაიჯანელი ჟურნალისტები აღნიშნავენ, რომ საქართველოში მრავალრიცხოვანი აზერბაიჯანული თემი ცხოვრობს, რომელიც „მძაფრად აღიქვამს უსამართლობას“.მედიასაშუალებები, რომელთა უმრავლესობა აზერბაიჯანის ხელისუფლებასთან არის დაახლოებული, მთავრობას პრობლემაზე რეაგირებისკენ მოუწოდებს და წერენ, რომ „აზერბაიჯანს საქართველოს მხარდაჭერაზე არასდროს უთქვამს უარი, აზერბაიჯანის მოქალაქეთა ღირსება კი არ წარმოადგენს კომპრომისის თემას“.

1764662920

2025-2026 სასწავლო წლის დასაწყისისთვის, საქართველოს ზოგადსაგანმანათლებლო დაწესებულებებში 644.2 ათასი მოსწავლე სწავლობდა, რაც წინა სასწავლო წლის მაჩვენებელს 0.6%-ით აღემატება. საჯარო სკოლებში მოსწავლეთა საერთო რიცხოვნობის 88.8% სწავლობს, ხოლო კერძო სკოლებში - 11.2%. მოსწავლეთა საერთო რიცხოვნობიდან 48.4% გოგოა, ხოლო 51.6% - ბიჭი.რეგიონებს შორის, ყველაზე მეტი მოსწავლე (36%) თბილისში სწავლობს.2025 წელს საშუალო განათლება მიიღო 41.4 ათასმა მოსწავლემ, რაც წინა წლის შესაბამის მაჩვენებელზე 0.8%-ით ნაკლებია. დაწყებითი განათლება მიიღო 55 ათასმა მოსწავლემ, რაც წინა წლის შესაბამის მაჩვენებელზე 1.8%-ით ნაკლებია.საქსტატის მონაცემებით, 2025-2026 სასწავლო წლის დასაწყისისთვის, ზოგადსაგანმანათლებლო დაწესებულებებში დასაქმებული იყო 66.3 ათასი მასწავლებელი, რაც წინა წლის ანალოგიურ მაჩვენებელს 0.5%-ით აღემატება. მასწავლებელთა დიდ უმრავლესობას ქალები შეადგენენ, კერძოდ, მასწავლებლების 87.6% ქალია, ხოლო 12.4% კაცი. 

1764662247

თბილისი (GBC) - ნომინაციაში „ხარისხიანი განათლება“ ჯილდო მიიღო თიბისის IT აკადემიამ — რომელიც ახალგაზრდებს სრულიად უფასოდ აძლევს შესაძლებლობას დაეუფლონ თანამედროვე და მოთხოვნად ტექნოლოგიურ პროფესიებს. აკადემიაში სწავლების პროცესს, თიბისის გუნდის პროფესიონალებთან ერთად, ხელმძღვანელობენ ადგილობრივი და საერთაშორისო დონის წამყვანი სპეციალისტები, რაც ყოველწლიურად ზრდის სასწავლო პროგრამების ხარისხსა და რეალურ გავლენას სექტორზე.თიბისის IT აკადემია 2019 წელს დაარსდა. დღეს, უკვე 5,000-ზე მეტი კურსდამთავრებული ყავს. მათგან 30% თიბისი ჯგუფში მუშაობს, დანარჩენი კი სხვადასხვა წარმატებულ ტექნოლოგიურ კომპანიებში აგრძელებს კარიერას. IT აკადემია საქართველოში, პროფესიული განვითარებისა და ტექნოლოგიური განათლების ეკოსისტემის გაძლიერების ერთ-ერთ ყველაზე ძლიერი პლატფორმაა.თიბისიმ მეორე ჯილდო „კლიმატის მდგრადობის მიღწევა“ კატეგორიაში მიიღო. თიბისიმ წარადგინა ის აქტივობები და ინიციატივები, რომელსაც გარემოსდაცვით და კლიმატის ცვლილებასთან დაკავშირებულ საკითხებთან მიმართებაში ახორციელებს. კლიმატის ცვლილებაზე ზრუნვა თიბისის ESG სტრატეგიის შემადგენელი ნაწილია. თიბისი ელექტროენერგიას 12 მზის სადგურიდან იღებს, რითაც რეგიონებში ფილიალების მოხმარების 80%, თბილისში კი 27% იფარება. ავტოპარკის 57% ელექტრო და ჰიბრიდული მანქანებისგან შედგება. თიბისის მდგრადი პორტფელის მოცულობა 2.07 მილიარდ ლარს შეადგენს, საიდანაც 1,2 მილიონი ლარი მწვანე და კლიმატთან დაკავშირებული ნაწილია.მესამე ჯილდო კი თიბისის ESG აკადემიისთვის გადაეცა, კატეგორიაში - „პარტნიორობა მდგრადი განვითარებისათვის“. თიბისიმ ESG აკადემიის შესაქმნელად ორგანიზაცია Finance in Motion-ის დახმარებით ევროკავშირის ფინანსური მხარდაჭერა მოიპოვა ორი ევროპული ფონდის ტექნიკური დახმარების პროგრამის ფარგლებში - EFSE Development Facility და GGF Technical Assistance Facility. ESG აკადემია არის მდგრადობასთან დაკავშირებული პირველი გრძელვადიანი საგანმანათლებლო პლატფორმა, რომელიც მონაწილეებს ყველა ტრენინგ პროგრამას უფასოდ სთავაზობს ქართულ ენაზე. პირველი კურსი „მწვანე ცნობიერება და მწვანე დაფინანსება“ თიბისისა და საერთაშორისო სატრენინგო კომპანია „დეველორის“ თანაავტორობით შეიქმნა. ჯამურად აკადემიის კურსს 900 თიბისელი და 300 მომხმარებელი გაივლის სხვადასხვა ბიზნეს სეგმენტიდან.აღსანიშნავია, რომ გაეროს გლობალური შეთანხმების 25 წლის იუბილესთან დაკავშირებით გამართულ ღონისძიებაზე, თიბისის დამატებითი სპეციალური ჯილდოც გადაეცა. ბანკმა ჯილდო მიიღო როგორც კომპანიამ, რომელიც კონკურსის დასაბამიდან - დღემდე, აქტიურად არის ჩართული აღნიშნულ ინიციატივაში, მრავალი წელია უზიარებს ბიზნესსექტორსა და საზოგადოებას მდგრადი განვითარების მიზნების მიღწევისკენ გადადგმულ ნაბიჯებს და ამასთანავე, კორპორაციული მდგრადობის ჯილდოს კონკურსის არაერთგზის გამარჯვებულია. (R)

1764661914

ვინ არის თვითდასაქმებული ბანკისთვის?თვითდასაქმებული გულისხმობს ყველა იმ ადამიანს, რომელიც საკუთარი საქმიანობით იღებს შემოსავალს (პირადი ჩარიცხვებით ან ხელზე). მაგალითად: გაქვთ აგრო მეურნეობა, ხართ ავტოხელოსანი, მშენებელი, ძიძა, რეპეტიტორი, მძღოლი, თარჯიმანი, ფრილანსერი ან სხვა სფეროს წარმომადგენელი. ყველა საქმიანობას აქ იპოვით.რა ტიპის საბანკო პროდუქტებზე გაქვთ წვდომა?თვითდასაქმებულებს საქართველოს ბანკში ყველა იმ  საბანკო პროდუქტსა თუ სერვისზე აქვთ წვდომა, რომელსაც ოფიციალურად დასაქმებული პირები იღებენ. მათ შორის: ანგარიშის გახსნა და ბარათები - თანხის მისაღებად და გადასარიცხად, საყიდლებისთვის და ყოველდღიური ოპერაციების განსახორციელებლად; მობილბანკით და ინტერნეტბანკით სარგებლობა - ფინანსების მარტივად და სწრაფად სამართავად; ანაბრების გახსნა - თანხის შესანახად და სარგებლის მისაღებად; საკრედიტო პროდუქტები, მათ შორის:• სამომხმარებლო სესხი - ნებისმიერი საჭიროებისთვის;• იპოთეკური სესხი - სახლის შესაძენად ან გასარემონტებლად;• ავტოსესხი - მანქანის შესაძენად;• განვადება - სასურველი ნივთის შესაძენად;• ნაწილ - ნაწილ გადახდა - სადაც ნივთის ღირებულება შეგიძლიათ 4 თვეზე გადაანაწილოთ ისე, რომ ნივთის ჯამური ფასი არ გაგიძვირდეთ (ეფექტური 0%);• საკრედიტო AmEx ბარათი - გადახდებით შესაძლებლობა გაქვთ დააგროვოთ MR ქულები. *გაითვალისწინეთ, რომ საბანკო პროდუქტებს შესაძლოა ჰქონდეს მომსახურების საკომისიო.ასე, რომ თუ ხართ თვითდასაქმებული, შეგიძლიათ ყველა საბანკო პროდუქტით ისარგებლოთ, აისრულოთ სურვილები ან განავითაროთ თქვენი საქმიანობა.მეტი ინფორმაციისთვის ეწვიეთ ბმულს.(R)

1764661620

თანამედროვე სამყაროში დეზინფორმაცია ერთ-ერთ მნიშვნელოვან და მზარდ გამოწვევად რჩება, რომელიც აზიანებს დემოკრატიულ პროცესებს და საარჩევნო გარემოზე ახდენს უარყოფით ზეგავლენას. ეს გამოწვევა არა მხოლოდ საქართველოს საარჩევნო ადმინისტრაციისთვის, არამედ სხვა ქვეყნის საარჩევნო ადმინისტრაციებისთვისაც ერთნაირად აქტუალურია. შესაბამისად, ცესკო მუდმივად ეძებს და ნერგავს ინოვაციურ მიდგომებსა და ინსტრუმენტებს, რომლებიც ხელს უწყობს საზოგადოების ინფორმირებას, სანდო ინფორმაციის ეფექტიან მიწოდებასა და დეზინფორმაციის ზემოქმედების შემცირებას. ,,დეზინფორმაციის რეესტრის’’ შექმნაც სწორედ ამ პროცესის ნაწილია - ნაბიჯი, რომელიც ემსახურება გამჭვირვალობის გაძლიერებას და ამომრჩევლების ინფორმაციისადმი მდგრადობის ზრდას.ახალი ვებგვერდი disinfo.cec.gov.ge პასუხობს იმ გამოწვევებს, რომელიც უკავშირდება დეზინფორმაციის მიზანმიმართულ გავრცელებას და უარყოფით გავლენას ახდენს საარჩევნო გარემოზე. რეესტრში თავმოყრილია ყველა ის დეზინფორმაცია, რომლის გავრცელებაც ემსახურება საზოგადოებაში არასწორი აღქმების გაჩენას და აზიანებს საარჩევნო პროცესს. აღსანიშნავია, რომ დეზინფორმაციასთან ერთად პლატფორმაზე ასახულია შესაბამისი, გადამოწმებული და ფაქტებზე დამყარებული ზუსტი ინფორმაცია.პლატფორმაზე განთავსებულია ცესკოს სტრატეგიული კომუნიკაციების დეპარტამენტის საინფორმაციო-ანალიტიკური განყოფილების მიერ საინფორმაციო სივრცის მონიტორინგის შედეგად შერჩეული დეზინფორმაციული მასალა. „დეზინფორმაციის რეესტრი“ დაინტერესებულ პირებს  შესაძლებლობას აძლევს რეესტრში განთავსებულ ინფორმაციას გაეცნონ დინამიკაში და გაფილტრონ ვებგვერდზე გამოქვეყნებული მასალა თემების, წლებისა თუ არჩევნების მიხედვით.საარჩევნო ადმინისტრაციამ ახალი ვებპლატფორმის შექმნის გადაწყვეტილება საერთაშორისო გამოცდილების გათვალისწინებით მიიღო, რაც ხაზს უსვამს ცესკოს მზადყოფნას თანამედროვე სტანდარტებისა და საუკეთესო პრაქტიკის დანერგვის მიმართულებით. ცესკო, როგორც არჩევნების ადმინისტრირებაზე პასუხისმგებელი ორგანიზაცია, გააგრძელებს ოპერატიულ რეაგირებას ყველა იმ დეზინფორმაციაზე, რომელიც აზიანებს საარჩევნო პროცესს და მოუწოდებს მოქალაქეებს ყოველთვის გადაამოწმონ და ენდონ ოფიციალურ, სანდო და დაზუსტებულ ინფორმაციასა და წყაროებს.(R)

1764659392