რუსებმა უკრაინას 100-ზე მეტი უპილოტო საფრენი აპარატით შეუტიეს

სვოპ პოზიციები ფონდმა სამ ტრანშად იყიდა, საიდანაც 1.2269%-იან წილზე ქეშ გარიგება მოკლევადიანი, 2026 წლის 30 იანვრამდე მოქმედებს, ხოლო 3.7894% (1.9809%+1.8085%) კი გრძელვადიანი გარიგებაა რომელიც 2027 წლის 16 ნოემბრამდე მოქმედებს.ტრანზაქცია ლონდონის საფონდო ბირჟაზე, 29 იანვარს დასრულდა.ე.წ Cash Settled Equity Swap-ის ტრანზაქციით, ფონდი  Bank of Georgia Group PLC-ის აქციებზე  ფლობს სვოპის პოზიციას, თუმცა არ ახდენს მათ ფიზიკურ შესყიდვას. ნაცვლად ამისა, ფონდი და პარტნიორი მხარე განიხილავენ საფასო სხვაობას და გადაიხდიან მხოლოდ თანხას, რომელიც აქციების ფასის ცვლილებიდან გამომდინარეობს.Equity Swap არის შეთანხმება ორ მხარეს შორის, სადაც ერთი მხარე იღებს სარგებელს აქციების ფასის ზრდიდან (long პოზიცია), ხოლო მეორე მხარე იღებს სარგებელს აქციების ფასის დაცემიდან (short პოზიცია).Cash Settled კი ნიშნავს, რომ არ ხდება ფიზიკური აქციების გაცვლა. გარიგების დასრულებისას ხდება მხოლოდ თანხის გადახდა, რომელიც ეფუძნება აქციების ღირებულების ცვლილებას.Helikon Long Short Equity Fund Master ICAV ირლანდიის ბაზარზე რეგისტრირებული Hedge ფონდია, რომელიც აქციების ბაზარზე ე.წ "long" და "short" სტრატეგიებს იყენებს. მისი მიზანი ბაზრის მიმართულებისგან დამოუკიდებლად, სარგებლის მიღებაა. ფონდი ინვესტიციებს ახორციელებს გლობალურ აქციებში და აქტიურად მართავს პორტფელს. ფონდის ძირითადი აქტივები მოიცავს სხვადასხვა სექტორების აქციებს, როგორებიცაა ტექნოლოგიები, ჯანმრთელობის სერვისები, ფინანსები, ენერგეტიკა და სხვა, ხოლო მისი პორტფელი ხშირად მოიცავს როგორც გრძელ, ისე მოკლე პოზიციებს.გასათვალისწინებელია ისიც, რომ ფონდი ირლანდიის ცენტრალური ბანკის მიერ რეგულირდება, როგორც ღია ტიპის ფონდი და შეზღუდული ლიკვიდობა გააჩნია.

1738330553

რეაბილიტაციის ფარგლებში ახლით იცვლება 1.2 კილომეტრზე მეტი სიგრძის მოძველებული წყალსადენისა და წყალარინების მაგისტრალური და გამანაწილებელი ქსელები. ახლად მოწყობილ წყალმომარაგების სისტემაზე 4 ჩამკეტ-მარეგულირებელი ურდული, 2 სახანძრო ჰიდრანტი და 14 წყალარინების ჭა დამონტაჟდება.სარეაბილიტაციო პროექტი 2024 წლის ნოემბრის თვეში დაიწყო და მიმდინარე წლის მარტში დასრულდება, რაშიც კომპანია ჯამში 1 მლნ ლარზე მეტის ინვესტიციას ახორციელებს.პროექტის შედეგად, ნაძალადევის რაიონში ლიახვის და მიმდებარე ქუჩების მოსახლეობას მომსახურების ხარისხი მნიშვნელოვნად გაუუმჯობესდება.წყალმომარაგებისა და წყალარინების ინფრასტრუქტურის განახლება და განვითარება ჯივიპის ერთ-ერთი პრიორიტეტული მიმართულებაა. სარეაბილიტაციო სამუშაოებს კომპანია ყოველწლიურად, გეგმის მიხედვით, აქტიურად რეჟიმში განახორციელებს.

1738327602

ეს ნაბიჯი მოჰყვა 2024 წლის 19 დეკემბერს საქართველოს მიერ წარდგენილ თანხმობას კონვენციებზე შეერთების შესახებ. აღნიშნულ კონვენციებში გაწევრიანებით, შესაძლებელი იქნება, საქართველოს საბაჟო ადმინისტრაციაში წარდგენილი ერთი სატრანზიტო დეკლარაციითა და ერთი გარანტიით განხორციელდეს ტვირთის გადაზიდვა ევროკავშირისა და საერთო სატრანზიტო კონვენციის წევრ სხვადასხვა ქვეყანაში (დიდი ბრიტანეთი, თურქეთი, ისლანდია, ნორვეგია, სერბეთი, უკრაინა, შვეიცარია, ჩრდილოეთ მაკედონია, საერთო ჯამში 36 ქვეყანა), რაც კიდევ უფრო გაზრდის ქვეყნის სატრანზიტო შესაძლებლობებს და ხელს შეუწყობს ტვირთის/საქონლის უსაფრთხო, შეუფერხებელ და სწრაფ გადაადგილებას. ამასთან, საქართველო გახდება იმ სისტემის მნიშვნელოვანი ნაწილი, რომელიც ხელს უწყობს საქონლის გადაადგილებას ევროკავშირსა და სხვა მონაწილე ქვეყნებს შორის.აქვე აღვნიშნავთ, რომ ფინანსთა სამინისტროს შემოსავლების სამსახურს სხვადასხვა დროს პროექტის პროგრესის შეფასების მიზნით, რამდენჯერმე ეწვია ევროკავშირის საგადასახადო და საბაჟო გაერთიანების დირექტორატის წარმომადგენლობითი დელეგაცია. სამუშაო შეხვედრების ფარგლებში, უწყების პასუხისმგებელი პირები დელეგაციის წევრებს აცნობდნენ  პროექტის იმპლემენტაციის მიზნით სამსახურში განხორციელებულ ღონისძიებებს და მათთვის საინტერესო კითხვებს პასუხობდნენ.აღსანიშნავია, რომ საზღვრის კვეთის გამარტივებული წესები, ისეთები როგორიცაა ურთიერთაღიარებული ფინანსური გარანტიები და კონტროლის შემცირება, საგრძნობლად შეუმცირებს დროის/ფინანსურ რესურსს ევროკავშირის, საქართველოსა და სხვა მონაწილე ქვეყნების ბიზნეს სუბიექტებს.

1738327163

მისი თქმით, „რაც ახლა მასთან დაკავშირებით ციხეში ხდება, ძალიან ახლოს არის წამებასთან”.„მსურს გამოვეხმაურო ერთ შემთხვევას, რომელიც კარგად არის ცნობილი თქვენი ხალხისთვის. ვსაუბრობ ჟურნალისტ მზია ამაღლობელზე.ის დაპატიმრებულია, შიმშილობს და ჩვენ – პირადად მე და ასამბლეა – ვითხოვთ საქართველოს მთავრობისგან, გაათავისუფლონ იგი. იმიტომ რომ ეს არის არასამართლიანი, უსამართლო. რაც ახლა მასთან დაკავშირებით ციხეში ხდება, ძალიან ახლოს არის წამებასთან.იმიტომ კი არ [უნდა გაათავისუფლონ მზია ამაღლობელი], რომ მე ამას ვითხოვ, როგორც პრეზიდენტი, არამედ იმიტომ, რომ ამავდროულად ეს არის გზა, რომლითაც საქართველოს მთავრობას შეუძლია დაამტკიცოს, რომ ნამდვილად პატივს სცემს ადამიანის უფლებებს.მინდა შევახსენო საქართველოს მთავრობასა და პრემიერ-მინისტრს, რომ წელს ჩვენ აღვნიშნავთ ადამიანის უფლებათა ევროპული კონვენციის 75 წლის იუბილეს. ასე რომ, ქვეყანამ, ამ დიდი ორგანიზაციის წევრმა ყველა ქვეყანამ, რომლებიც მხარს უჭერენ და პატივს სცემენ და ემსახურებიან ადამიანის უფლებებს, დემოკრატიასა და კანონის უზენაესობას, უნდა შეასრულონ თავიანთი ვალდებულებები“, – განაცხადა თეოდოროს რუსოპულოსმა.დამოუკიდებელი მედია „ბათუმელები/ნეტგაზეთის” დამფუძნებელი და დირექტორი მზია ამაღლობელი მე-20 დღეა, შიმშილობს.ამაღლობელი 11-12 იანვრის ღამეს დააკავეს. დაკავების დროიდან ის მხოლოდ წყალს იღებს.მზია ამაღლობელს ბათუმის პოლიციის უფროსის, ირაკლი დგებუაძისთვის სახეში ხელის გარტყმის გამო პოლიციელზე თავდასხმას ედავებიან.მას 4-დან 7 წლამდე პატიმრობა ემუქრება.უფლებადამცველები აცხადებენ, რომ მზია ამაღლობელისთვის აღკვეთის ღონისძიების სახით პატიმრობის შეფარდება დაუსაბუთებელი იყო. ზოგიერთი იურისტი ფიქრობს, რომ ჟურნალისტისთვის ბრალდებად წარდგენილი მუხლი მის ქმედებას არ შეესაბამება.

1738327078

თიბისი ერთ-ერთი პირველი კომპანიაა, რომელიც ამ პრაქტიკას ბანკში იყენებს. ყველაფერი 2 წლის წინ დაიწყო, როცა FinOps-ის ათვისება თიბისისთვის რამდენიმე ძირითადი მიზეზის გამო გახდა აუცილებელი, რაც ბიზნესის მოთხოვნების ეფექტურობის, მოქნილობისა და ფინანსური გამჭვირვალობის გაზრდას უკავშირდება.პროცესი გამოწვევებით სავსე აღმოჩნდა, რაც ჩვეულებრივი მოვლენაა, როცა კომპანია სრულიად ახალი, ინოვაციური მიდგომის დანერგვას ცდილობს. ამ ცვლილების დანერგვაზე მომუშავე გუნდმა, კონკრეტული ნაბიჯების გადადგმით, კომპანიას მისცა ფინანსური გამჭვირვალობის, ეფექტიანი რესურსების გამოყენებისა და სწრაფი გადაწყვეტილებების განხორციელების საშუალება.თიბისი იაზრებს, რომ FinOps მეთოდოლოგია კომპანიაში მუდმივად საერთაშორისო სტანდარტების შესაბამისი უნდა იყოს. საუკეთესო პრაქტიკებისა და გამოცდილების მისაღებად, თიბისის ტექ გუნდის წევრები FinOps კონფერენციაზეც იმყოფებოდნენ.კომპანიაში FinOps-ის წარმატებული დანერგვის შემდეგ, თიბისიმ ამ პრაქტიკაზე საუბარი და დისკუსია უკვე ორგანიზაციის გარეთ დაიწყო.“ჩვენთვის მნიშვნელოვანია, რომ განვლილი ნაბიჯებით სხვა კომპანიებსაც გავუმარტივოთ იმავე გზის გავლა და ეს გამოცდილება გავუზიაროთ. სწორედ ამიტომ, ამ თემაზე სასაუბროდ საერთაშორისო ტექნოლოგიური კონფერენციის - Change Inspire-ს სცენა გამოვიყენეთ და ტექ კომუნას გავუზიარეთ ბანკის ხედვა და გამოცდილება, თუ როგორ მოახდინა თიბისიმ FinOps მეთოდოლოგიის ადაპტაცია და რა გამოწვევები გაიარა ამ გზაზე”, - იური სემენიხინი, თიბისის ინფორმაციის მართვის დირექტორის მოადგილე. 

1738324233

დეკემბერში გასაყიდი ფასი $1,223-ს გაუტოლდა და წინა წლის იმავე პერიოდთან შედარებით ფაქტობრივად არ შეცვლილა (+1%, წ/წ), ხოლო თვიურ ჭრილში 2%-იანი კლება დაფიქსირდა. ბაზრის მოცულობამ $318 მილიონს მიაღწია და წლიურად 6%-იანი ზრდა აჩვენა.გასაქირავებელი ფასი $11.1-ს გაუტოლდა და წლიურად 10%-ით შემცირდა, ხოლო გასულ თვესთან შედარებით 3%-იანი კლება დაფიქსირდა.საცხოვრებელი უძრავი ქონების ამონაგები 9.6%-ს გაუტოლდა (-1.2პ.პ,წ/წ).2024 წელს ნებართვა გაიცა 1.3 მილიონ კვადრატულ მეტრ საცხოვრებელი ფართობის მშენებლობაზე, რაც 4%-ით ჩამორჩება 2023 წლის მაჩვენებელს.ახალი vs ძველი ბინებითიბისი კაპიტალი წერს, რომ 2024 წლის დეკემბერში 981 ახალი ბინა გაიყიდა და მნიშვნელოვნად გაიზარდა წინა წლის იმავე პერიოდთან შედარებით (+48%). ძველი ბინების შემთხვევაში 2 959 ტრანზაქცია შესრულდა, რაც წლიურად 2%-იან კლებაში აისახა. შესაბამისად, ახალი ბინების წილმა ჯამურ გაყიდვებში მიმდინარე წლის განმავლობაში ყველაზე მაღალ ნიშნულს, 25%-ს მიაღწია.დეკემბერში საშუალო გასაყიდი ფასი წლიურად 2%-ით გაიზარდა, როგორც ახალი ისე ძველი ბინებისთვის, ხოლო წინა თვესთან შედარებით 2%-იანი კლება დაფიქსირდა.50-დან 75 კვ.მ-მდე ფართობის ბინებმა ყველაზე მაღალი წილი (42%) დაიკავა ჯამურად გაყიდული ბინებიდან, თუმცა მაჩვენებელი გასულ წელთან შედარებით შემცირდა. 125-კვ.მ-ზე მეტი ფართის მქონე ბინების წილი5%-ს გაუტოლდა.მაღალი (>1,500 $/კვ.მ) საფასო სეგმენტის ბინების წილმა მთლიანტრანზაქციებში 23% შეადგინა (+5პპ,წ/წ).თბილისის უბნები 2024 წლის დეკემბერში, თბილისში ბინების უდიდესი რაოდენობა გაიყიდა დიდ დიღომში (26% მთლიან გაყიდვებში), რომელსაც მოყვებოდა საბურთალო (16% მთლიან გაყიდვებში).ახალი ბინების გაყიდვებში მნიშვნელოვანი წლიური ზრდის ტემპი დაფიქსირდა: დიდუბეში, კრწანისში, გლდანი, ჩუღურეთში. დიდ დიღომში გაიყიდა ყველაზე მეტი რაოდენობის როგორც ახალი, ასევე ძველი ბინა. 2024 წლის დეკემბერში კვ.მ-ის საშუალო ფასი მთაწმინდასა და ვაკეში $2,000-ის ფარგლებში მერყეობდა. უბნების უმეტესობაში დაფიქსირდა ბინების ფასის წლიური ზრდა.

1738323661

"საქართველო-ჩინეთის რეგიონული თანამშრომლობა" წარმოადგენს დინამკიურ პლატფორმას, რომელიც ხელს უწყობს საქართველოსა და ჩინეთს შორის ბიზნეს კავშირების გაძლიერებას, ინოვაციური პროექტების განვითარებას და ახალი ბაზრების ათვისებას. ორგანიზაცია კომპანიებს სთავაზობს ინდივიდუალურ ბიზნეს გადაწყვეტილებებს, ექსპერტიზას ბაზარზე შესვლის, პროექტების განვითარებისა და საერთაშორისო თანამშრომლობის გაღრმავებისა და პარტნიორების მოძიების მიმართულებით.ორგანიზაციის წარმომადგენლობითი ოფისები შანხაიში, პეკინსა და შანდონგის პროვინციაში უზრუნველყოფენ ოპერატიულ კონსულტაციებს და მჭიდრო კომუნიკაციას, რაც მნიშვნელოვნად ამარტივებს ბიზნეს ურთიერთობებს და ხელს უწყობს საერთაშორისო თანამშრომლობას. წარმომადგენლობები წევრ ორგანიზაციებს საშუალებას მისცემს მოიძიონ სანდო პარტნიორები, კვალიფიციურად გადალახონ ბაზარზე შესვლის ბარიერები და დაამყარონ მჭიდრო თანამშრომლობა ორი ქვეყნის ბიზნესებს შორის.მნიშვნელოვანია ასევე აღინიშნოს, რომ უკვე საფუძველი ჩაეყარა ასოციაციისა და პარტნიორი ფინანსური ინსტიტუტების, “ბაზისბანკის” და “ბბ ლიზინგის” თანამშრომლობას, ორმხრივი ურთიერთობების გაღრმავებისა და ინვესტიციების ხელშეწყობის თვალსაზრისით. აღნიშნული თანამშრომლობა ხელს შეუწყობს ბიზნესის დაფინანსების ხელმისაწვდომობას და ქართულ-ჩინური პროექტების რეალიზაციას.ასოციაციის როლი უმნიშვნელოვანესია ეკონომიკური განვითარებისა და შუა დერეფნის პოტენციალის ათვისების მიზნით, ინვესტიციების მოზიდვის ხელშეწყობისა და სხვა სტრატეგიული მიმართულებებით თანამშრომლობის გაღრმავების თვალსაზრისით, რაც ხელს შეუწყობს რეგიონულ ეკონომიკურ გაძლიერებასა და ორმხრივ წარმატებას."ჩვენი მისიაა დავეხმაროთ ქართულ და ჩინურ ბიზნესებს ერთმანეთთან დაკავშირებაში, ღირებული პარტნიორობების ჩამოყალიბებასა და ახალი პროექტების განხორციელებაში. ჩვენი გამოცდილება და ღრმა ცოდნა ორივე ქვეყნის ბაზრისა და კულტურის შესახებ გვაძლევს შესაძლებლობას შევქმნათ საერთაშორისო თანამშრომლობისთვის ოპტიმალური გარემო, რომელიც ხელს შეუწყობს ორივე მხარის განვითარებას და წარმატებას," - აღნიშნავს ასოციაციის დამფუძნებელი წევრი დავით ჩიქოვანი.პრეზენტაციას ესწრებოდნენ ჩინეთთან თანამშრომლობით დაინტერესებული ბიზნეს წრეების წარმომადგენლები ეკონომიკის სხვადასხვა სფეროებიდან, მათ შორის, სოფლის მეურნეობის, მედიცინის, წარმოების, მშენებლობის, ვაჭრობის, მენეჯმენტის, სერვისების და ტურიზმის ინდუსტრიებიდან. შეხვედრის მიზანი იყო ორგანიზაციის წარდგენა, მისი შესაძლებლობების გაცნობა, ბიზნეს ორგანიზაციების საჭიროებების უკეთ გაგება და სამომავლო თანამშრომლობის პერსპექტივების დაგეგმვა.

1738319290

საიას შეფასებით, ამ ცვლილებებით დიპლომატიური სამსახური პარტიულ ინტერესებს სრულად ექვემდებარება, ხოლო დიპლომატიურ თანამდებობებზე დასაქმებულ პირებს უმძიმდებათ უფლებრივი მდგომარეობა.„ცვლილებების თანახმად:დიპლომატიურ თანამდებობებზე შესაძლებელი გახდა ადმინისტრაციული ხელშეკრულებით დანიშვნა, რაც ეწინააღმდეგება „დიპლომატიური სამსახურის შესახებ“ საქართველოს კანონს.მინისტრის უფლებამოსილების შეწყვეტის შემთხვევაში ავტომატურად შეწყდება ყველა ამ პოზიციაზე დანიშნული პირის კონტრაქტიც, რაც პოლიტიკური ნიშნით გათავისუფლების პირდაპირი მექანიზმია.ცვლილებები უკანონოდ ამცირებს დიპლომატიურ სამსახურში დასაქმებული პირების დამოუკიდებლობას და ახდენს საჯარო სამსახურის პოლიტიკური მიზნებისთვის გამოყენებას.ბრძანება ეწინააღმდეგება საქართველოს საკონსტიტუციო სასამართლოს გადაწყვეტილებებს და საზოგადოებრივი სამსახურის დემოკრატიულ პრინციპებს“.ახალგაზრდა იურისტთა ასოციაცია მიიჩნევს, რომ დიპლომატიური სამსახურის გავლის წესებში შეტანილი ცვლილებები მკაფიო გაგრძელებაა საჯარო მოხელეებისკენ მიმართული რეპრესიებისა.„კერძოდ, 2024 წლის 28 ნოემბრიდან, მას შემდეგ, რაც საჯარო მოხელეებმა, ასევე, გამოხატეს პროტესტი „ქართული ოცნების” პოლიტიკის მიმართ, რომელმაც შეაჩერა ევროკავშირში მოლაპარაკების პროცესი, ინტენსიურად დაიწყო საჯარო სამსახურში დასაქმებულებზე ზეწოლა, რაც, საბოლოოდ აისახა „საჯარო სამსახურის შესახებ კანონში” შეტანილი ცვლილებებით.ხაზგასასმელია, რომ „საგარეო საქმეთა სამინისტროს” თანამშრომლები იყვნენ ერთ-ერთი პირველი საჯარო მოხელეები, რომლებმაც ღიად დაგმეს მიმდინარე მოვლენები, რასაც შედეგად მოჰყვა მათი და ზოგადად კრიტიკული აზრის მქონე საჯარო მოხელეების გათავისუფლების პირდაპირი თუ ირიბი მუქარა და თანამდებობის დატოვებისკენ მოწოდებები “ქართული ოცნების” წარმომადგენლების მხრიდან".

1738315994