ტრამპი BRICS–ის ქვეყნებსაც დაემუქრა

მისი თქმით, 51 ადამიანი დაშავდა, რომელთაგან ერთი რეანიმაციულ განყოფილებაშია მოთავსებული.მინისტრის თქმით, მომხდარზე გამოძიება მიმდინარეობს.თურქული გამოცემა იუწყება, რომ სასტუმრო 12–სართულიანი იყო და ხანძრის გაჩენის მომენტში შენობაში 238 ადამიანი იმყოფებოდა. 

1737462883

ჯანდაცვის სამინისტროს მიერ გავრცელებული ინფორმაციით ირკვევა, რომ ქვეყნის ადგილობრივი მალარიისგან თავისუფლად აღიარებისა და ჯანმრთელობის მსოფლიო ორგანიზაციის სერტიფიცირების მისაღებად, საქართველომ, განაცხადი 2024 წლის აგვისტოში გააკეთა.მალარიისგან თავისუფალი არიან რეგიონის სხვა ქვეყნების დიდი ნაწილიც. ეს სტატუსი ჯანდაცვის მსოფლიო ორგანიზაციამ სომხეთს 2011 წელს მიანიჭა, რუსეთს 2012 წელს, აზერბაიჯანს კი 2023 წელს. მალარიისგან თავისუფალი ქვეყნების ჩამონათვალში არ არის თურქეთი.ჯანდაცვის სამინისტროს გავრცელებული ინფორმაციით, საქართველოს მალარიისგან თავისუფალ ქვეყნად გამოცხადებას, გამოეხმაურა ჯანდაცვის მსოფლიო ორგანიზაციის საქართველოს წარმომადგენლობის ხელმძღვანელი. სილვიუ დომენტეს თქმით, ეს იყო უზარმაზარი ინვესტიცია და დიდი შრომა, მალარიის გამოვლენის, დიაგნოსტიკისა და მკურნალობის მიმართულებით.ჯანდაცვის მინისტრმა, მიხეილ სარჯველაძემ თქვა, რომ ეს წარმატება ნიშნავს, რომ საქართველოს შესწევს უნარი, მნიშვნელოვან და სერიოზულ გამოწვევებს გაუმკლავდეს.

1737457885

მისი თქმით, რუსეთთან მიმართებით ზომიერად ფრთხილი პოლიტიკა, რუსეთის მიმართ ორმხრივი სანქციების არშემოღება, მაგრამ საერთაშორისო სანქციების სრული დაცვა, გასაგები პოლიტიკა იყო, თუმცა „ტრადიციულ პარტნიორებთან რიტორიკის ჯიბრითა და მტრული ლექსიკით შეტევა გამიზნული სტრატეგიაა, რათა დასავლეთმა საქართველოზე უარი თავად თქვას“.„20 იანვარიც გადაგორდა. ტრამპი პრეზიდენტია. ახლა რა? ტრამპში კონცენტრირებული იმედები უკვე გამართლდა? მშვიდობა და დემოკრატია იქნება მისი დაცვის ობიექტი ყველგან.ჯერ კიდევ ბევრს შევიტყობთ. დასკვნების გამოტანა ადრეა.ტრამპს ასევე აუცილებლად ეცოდინება, რომ იმ შორეულ ჯორჯიაში, აშშ-ს ელჩი დაიბარეს და უთხრეს, თქვენი ქვეყნის ქმედებები წითელ ხაზებს უახლოვდება და ასე თუ გაგრძელდა, მოგვიწევს შესაბამისი ზომები მივიღოთო.ჩვენს ძლივს და დიდი შრომით გაერთგულებულ პარტნიორებთან კომუნიკაციის დეფიციტი კი არა, ნამდვილი კრახი მსგავსმა რიტორიკამ მოგვიტანა შედეგად.კიდევ ერთხელ ვიტყვი: რუსეთთან მიმართებით ზომიერად ფრთხილი პოლიტიკა, რუსეთის მიმართ ორმხრივი სანქციების არ შემოღება, მაგრამ საერთაშორისო სანქციების სრული დაცვა, გასაგები პოლიტიკა იყო და ვფიქრობ, მომავალ მთავრობებსაც მოუწევთ ამ გეოგრაფიული და გლობალური გეოპოლიტიკის რეალობის გათვალისწინებით განსაზღვრონ მოქმედების სტრატეგია.მაგრამ თანდათან ვრწმუნდები, რომ ჩვენს ტრადიციულ პარტნიორებთან (რომელთა მიმართ წლების განმავლობაში უამრავი სამადლობელი გვაქვს დაგროვილი) რიტორიკის ჯიბრითა და მტრული ლექსიკით შეტევა გამიზნული სტრატეგიაა, რომ დასავლეთმა თავადვე თქვას ჩვენზე უარი, რომ იზოლაციაში დარჩენილებს, სახელმწიფოს დაღუპვის პირას მისულებს ერთადერთ გამოსავლად რუსეთთან, ჩინეთთან და ირანთან მოკავშირეობა დაგვრჩეს და თავის გასასამართლებლად ვთქვათ: მე დასავლეთში ინტეგრაცია მინდოდა, თქვენ კი ხელი მკარით და აი, ახია თქვენზე თუ დამკარგეთო.მგონი აღარავინ ტყუვდება იმ საკენკით, თითქოს საქართველოს არავინ სჭირდება, არც დასავლეთი და არც რუსეთი, თავადვე მოახერხებს საკუთარი უსაფრთხოებისა და კეთილდღეობის უზრუნველყოფას. ეს ასე, სამწუხაროდ ვერ იქნება და უკვე დროა, დამღუპველ ილუზიებს დავანებოთ თავი.შესაბამისად ეს რიტორიკა დღეს არა ქვეყნის, არამედ საქართველოში პოლიტიკის შემქმნელ-გამტარებლის ინტერესებს ემსახურება, ხოლო ყველა ძალაუფლების მქონე პოლიტიკოსი ერთგული ჯარისკაცივით ასრულებს მის მითითებას. უფრო მეტიც, უფროსს რომ ასიამოვნოს მცდელობას არ აკლებენ, რომ კიდევ უფრო მეტი ზიანი მიაყენონ უკვე გაფუჭებულ ურთიერთობებს.დღეს, ხელისუფლება მხოლოდ კაბინეტებში ჯდომა არაა და ერთადერთი, რაზეც ახერხებენ ძალაუფლების განხორციელებას, რეპრესიული პოლიტიკაა.პოლიტიკური ძალაუფლების მიერ თავისუფლებისთვის მებრძოლი ხელოვანების, ჟურნალისტების და საზოგადოების აქტიურ წევრთა მიმართ განხორციელებული რეპრესიები უკიდურესად მავნე შედეგებს იწვევს ქვეყნის დემოკრატიისთვის.ძალიან მაღელვებს ეს მდგომარეობა, უკვე სახეზეა სამოქალაქო დაპირისპირება, რაც ძალიან, ძალიან საშიშია:1. ზოგადად, ყველა საზოგადოებაში მსახიობები, ხელოვანი ხალხი, ჟურნალისტები ფუნდამენტურ როლს ასრულებენ იდეებისა და მოსაზრებების გამოხატვაში, ხშირად აპროტესტებენ უსამართლობას. მათი გამოხატვის თავისუფლების დათრგუნვა ნიშნავს საზოგადოებაში შიშისა დამკვიდრებას. დემოკრატიულ ქვეყანაში გამოხატვის თავისუფლება არსებითი საყრდენია და მისი ეროზია გაანადგურებს ამ თავისუფლებას და ჩაახშობს განსხვავებულ ხმას, შემცირდება კრეატიულობა და ხელოვნება თანდათან გახდება კონფორმისტული. იგი გაუფასურდება.ბევრჯერ მითქვამს და კიდევ ვიმეორებ: პირადად მე, ჩემი ქვეყნის დემოკრატიისთვის მირჩევნია ხელოვანებიცა და ჟურნალისტებიც ზედმეტი თავისუფლებით სარგებლობდნენ, ვიდრე თავისუფალი აზრის გამოთქმას ვერ ბედავდნენ.2. როდესაც ხელისუფლება ვერ ეგუება თავისუფალ კრიტიკას და აკავებს, აპატიმრებს, ემუქრება ხელოვანებს, ჟურნალისტებს (ანუ მათ, ვისთვისაც თავისუფლება არსებობის და შემოქმედების მთავარი წყარო-ჟანგბადია) თავისთავად იქმნება ცენზურა და სტიგმატიზაცია, რაც არა მხოლოდ რეპრესირებულ ხელოვანებზე, არამედ სხვა მოქალაქეებზეც მოქმედებს, აშინებს, აჩიავებს და აბეჩავებს მათ. შესაბამისად, როგორც ავადსახსენებელ წარსულში ხდებოდა გადარჩენის შიშის, უნდობლობისა და დენონსაციის ატმოსფეროში ადამიანებს აღარ სურთ ღიად ისაუბრონ მგრძნობიარე პოლიტიკურ ან სოციალურ საკითხებზე. ამას აშკარად ვგრძნობ უკვე ყოველდღიურ ურთიერთობაში მეგობრებსა და ნათესავებში. ეს პარალელები რომ ჩნდება უკვე ცუდადაა საქმე.3. დიახ, იმ ადამიანებს, ვინც დღეს პროტესტს გამოხატავს, მნიშვნელოვანი გავლენა აქვთ საზოგადოებრივ აზრზე. წიგნიერი, კულტურული, საქმის ზედმიწევნით კარგად მცოდნე ხალხია, მათი ხმების ჩახშობით, პოლიტიკური ძალა ასუსტებს სამოქალაქო საზოგადოებას, მოსახლეობას კი აშინებს და ზღუდავს უსამართლობის წინააღმდეგ მობილიზებას დაგროვილი სათქმელის ან წუხილის გამოსახატად. პროტესტისადმი სოლიდარობის გამო განადგურებით ემუქრებიან ბიზნეს კომპანიებს, აზიანებენ მათ რეპუტაციას, გზის გადაკეტვისთვის აკავებენ, აპატიმრებენ სტუდენტებს. კარგით რა. არ გინახავთ ერთი ბატონი სამძიმარზე ან იუბილეზე რომ მიდის რა ხდება ? კანონებიც გავაპლასტელინეთ.4. ქვეყანა უკვე იზოლირებულია საერთაშორისო ასპარეზზე, ადამიანის უფლებების და ფუნდამენტური თავისუფლებების დარღვევის, მოსახლეობის უმრავლესობის აზრის დაიგნორების (ოცნების მხარდამჭერთა უმრავლესობაც ევროპული ინტეგრაციის გამო უჭერდა მხარს ოცნებას) გამო. დიდი ზიანი მიადგა ქვეყნის რეპუტაციას და შეზღუდა მისი დიპლომატიური და კულტურული ურთიერთობები, რასაც სულ მალე, აუცილებლად მოჰყვება მძიმე ეკონომიკური და სოციალური შედეგები. ნამდვილად მოყვება და მერე ერთმანეთზე გადაბრალება ვეღარ უშველის საქმეს. მოსახლეობა სრულად დაკარგავს სახელმწიფო ინსტიტუტების მიმართ ნდობას და მღელვარება გახდება საყოველთაო.განა რა გახდა გონივრული კომპრომისი, რომ ქვეყანა სტაბილურ განვითარებას, ცივილიზებულ სამყაროსა და განვითარების რელსებს დაუბრუნდეს?!5. ბატონ ბიძინას, რომელსაც ვერ დავუკარგავთ გამჭრიახობის უნარს, დარწმუნებული ვარ კარგად ესმის, რომ მის პასუხისმგებლობაზეა ეს პოლიტიკური არასტაბილურობა, ხელისუფლებისა და ქვეყნის პოლიტიკური კრიზისი და აქედან გამომდინარე რისკები ქვეყნისა და მისი საკუთარი მოსახლეობისადმი. სამწუხაროდ იგი თავად იქცა ჩვენს ქვეყანაში ბაობაბად, რომელსაც ღრმად აქვს ფესვები გადგმული“,- წერს გოჩა ჯავახიშვილი.საფრანგეთსა და მონაკოში საქართველოს საგანგებო და სრულუფლებიანმა ელჩმა, გოჩა ჯავახიშვილმა, 2024 წლის 9 მაისს, დიპლომატიური თანამდებობა მას შემდეგ დატოვა, რაც საქართველოს პარლამენტმა, ათასობით ადამიანის მოთხოვნის მიუხედავად, მაინც დაუჭირა მხარი რუსული სტილის „უცხოეთის აგენტების" კანონს და ის მეორე მოსმენით მიიღო. ყოფილმა ელჩმა საჯაროდ დაწერა, რომ მას ვერ წარმოედგინა თან ევროპისკენ სვლა და თან მისგან თავდაცვა.

1737456686

„დონალდ ტრამპი არის ამერიკის შეერთებული შტატების მიერ არჩეული პრეზიდენტი, განსხვავებით სამწუხაროდ იმ ე.წ. ხელისუფლებისგან, რომელიც ჩვენ დღეს გვყავს. რაც შეეხება მის გზავნილებს, ახლა დეტალებში არ შევალ, რადგან სხვა სახელმწიფოა, თუმცა საერთაშორისო გზავნილები რაც არის მნიშვნელოვანია. ასევე მნიშვნელოვანია, ერთ მშვენიერ დღეს, არც თუ ისე შორეულ პერსპექტივაში, დღევანდელი ე.წ. ხელისუფლება აღმოაჩენს, რომ თურმე ტრამპიც „დიფ სთეითის“ პარტიის წარმომადგენელი ყოფილა. სხვათა შორის, მე გავახსენებ საზოგადოებას, რომ საკმაოდ ხისტი და მკაცრი იყო ტრამპის წინა ადმინისტრაციის დამოკიდებულება საქართველოს ხელისუფლებისადმი. რესპუბლიკურ პარტიას ახასიათებს ბევრად უფრო ხისტი დამოკიდებულება, განსაკუთრებით განვითარებადი დემოკრატიის მიმართ.მამუკა მდინარაძე იქნება ერთ-ერთი პირველი, ვინც აღმოაჩენს რომ თურმე ტრამპი არის „დიფ სთეითის“ წარმომადგენელი. დაველოდოთ და ვნახოთ, ცოტა ხანში მამუკა მდინარაძის და მისნაირი არარაობების განცხადებებს ტრამპთან დაკავშირებით. ტრამპის ხელისუფლებას, მათ შორის პირველ ჯერზე, ნამდვილად საკუთარი ქვეყნის და საკუთარი ეროვნული ინტერესებისთვის არ უღალატია, ამ მოღალატეებისგან განსხვავებით. ძალიან მალე მამუკა მდინარაძე იქნება იმ არარაობათაგან, რომლის პირითაც ივანიშვილი საზოგადოებას ამცნობს და აღმოჩენას გაუზიარებს, რომ თურმე ტრამპი დამარცხდა „დიფ სთეითთან“, – აღნიშნა ბუჩუკურმა.ჟურნალისტმა ბუჩუკურს კითხვა დაუსვა ტრამპის განცხადებაზე: „აშშ-ის ოფიციალური პოლიტიკა იქნება, რომ არსებობს მხოლოდ და მხოლოდ ორი გენდერი – მამრობითი და მდედრობითი“, რაზეც ბუჩუკურმა აღნიშნა, რომ ამ გზავნილს არ შეაფასებდა.„სერიოზულად მეკითხებით ამას? – ამ გზავნილს არ ვაფასებ და რაც შეეხება კონკრეტულად „ოცნების“ წარმომადგენლების მსგავს გზავნილებს, საკუთარ სქესს მიხედონ და ამაზე მეტს უბრალოდ არ ვიტყვი, რადგან უბრალოდ უხერხულია, ვინ ლაპარაკობს ამ ყველაფერზე, ძალიან კარგად იცით რასაც ვგულისხმობ.ჩვენი გუნდის პოზიცია ტრამპთან დაკავშირებით არ შეცვლილა. რაც შეეხება ოპოზიციის დანარჩენ წარმომადგენლებს, მათ უნდა ჰკითხოთ. ზოგადად არათანმიმდევრულობა სამწუხაროდ პრობლემა არის როგორც ერთ მხარეს, ისე მეორე მხარესაც. ყველაზე მნიშვნელოვანი რაც იყო, ეს იყო ქალბატონი სალომე ზურაბიშვილის ვიზიტი, რადგან ეს ადამიანი ცდილობს, ყველაფერი გააკეთოს, რაც შეუძლია. რაც შეეხება სხვებს, ცოტა უფრო მეტ სერიოზულობას ვისურვებდი ზოგიერთი ოპოზიციონერის მხრიდან“, – განაცხადა ბუჩუკურმა.საქართველოს მეხუთე პრეზიდენტი სალომე ზურაბიშვილი გუშინ, 20 იანვარს ამერიკის 47-ე პრეზიდენტის დონალდ ტრამპის ინაუგურაციას დაესწრო. ზურაბიშვილმა X-ზე დაწერა, რომ აშშ-ში, პრეზიდენტ დონალდ ტრამპის ინაუგურაციაზე, საქართველოსა და "მამაც ქართველ ხალხს" წარმოადგენს და მადლობას იხდის "ამ შესაძლებლობისთვის". მათ შორის, იგი მადლობას უხდის რესპუბლიკელ კონგრესმენ ჯო უილსონს."მადლობელი ვარ იმ დიდი შესაძლებლობისთვის, რომ წარმოვადგინო საქართველო და მისი მამაცი ხალხი პრეზიდენტ ტრამპის ინაუგურაციაზე. მადლობელი ვარ კონგრესმენ ჯო უილსონის, ყველა მაღალი დონის კონტაქტის ხელშეწყობისთვის, საქართველოს თავისუფლებისთვის ბრძოლის მხარდაჭერისთვის!სანამ თავისუფლებისმოყვარე საქართველოს სახელით ვესწრები ინაუგურაციის ცერემონიას, ქართველები თავიანთი ამერიკელი მეგობრების სოლიდარობის ნიშნად მსვლელობით გამოდიან. აშშ-ის რამდენი პარტნიორი ქვეყანა აკეთებს იმავეს?" - წერს იგი პლატფორმა X-ზე. ტრამპის ინაუგურაციის ცერემონია ვაშინგტონში, კაპიტოლიუმის შენობის როტონდაში გაიმართა.

1737453853

ეკონომიკა„ჩემი კაბინეტის ყველა წევრს დავავალებ, გამოიყენოს მათ ხელთ არსებული შესაძლებლობები, რათა დავძლიოთ რეკორდული ინფლაცია და სწრაფად დავაგდოთ ფასები. ინფლაციის კრიზისი გამოწვეული იყო მასობრივი ხარჯვით და ენერგიის ფასების ზრდით, სწორედ ამიტომ დღესვე გამოვაცხადებ ეროვნულ ენერგეტიკული საგანგებო მდგომარეობას. ჩვენ ყველგან გავბურღავთ ძვირფასებო, სადაც გასაბურღია”.„ამერიკა კვლავ იქცევა სამრეწველო სახელმწიფოდ, და ჩვენ გვაქვს ის, რაც სხვა სამრეწველო ქვეყნებს არასდროს ექნებათ: ყველაზე დიდი რაოდენობის ნავთობი და გაზი მსოფლიოში, და ჩვენ მას გამოვიყენებთ”.„ჩვენ დავწევთ ფასებს, ავავსებთ სტრატეგიულ რეზერვებს, და გავიტანთ ამერიკულ ენერგიას მთელ მსოფლიოში. ჩვენ კვლავ გავხდებით მდიდარი სახელმწიფო და ამაში ჩვენ დაგვეხმარება მიწისქვეშ ჩვენი „თხევადი ოქრო“.გარემოსდაცვითი პოლიტიკა„დღევანდელი ჩემი გადაწყვეტილებით დასრულდება „ახალი მწვანე შეთანხმება“, გავაუქმებ ელექტრომობილების მანდატს, რაც გადაარჩენს ჩვენს საავტომობილო ინდუსტრიას და შეასრულებს ჩემს დანაპირებს, ჩვენი შესანიშნავი ამერიკელი ავტომწარმოებლების მიმართ“.იმიგრაცია„არალეგალურად შემოსვლა [ამერიკაში] დაუყოვნებლივ შეჩერდება, და ჩვენ დავიწყებთ მილიონობით კრიმინალი უცხოელის უკან გაბრუნების პროცესს, საიდანაც ისინი ჩამოვიდნენ”.„ჩვენ აღვადგენთ ჩემს „დარჩი მექსიკაში“ პოლიტიკას. დავასრულებ „დაიჭირე და გააბრუნე“ პრაქტიკას და გავაგზავნი ჯარს სამხრეთ საზღვარზე, რათა შეწყდეს ჩვენს ქვეყანაში კატასტროფული შემოსევა”.„და 1798 წლის „უცხოელი მტრების აქტის” საფუძველზე, დავავალებ ჩვენს მთავრობას, გამოიყენოს ფედერალური და შტატების სამართალდამცავი ორგანოების მთელი ძალა, რათა დავშალოთ ყველა უცხოური ბანდა და კრიმინალური ქსელი, რომლებიც საშინელ დანაშაულს ავრცელებს ჩვენს მიწაზე, მათ შორის – ქალაქებსა და გარეუბნებში”.„როგორც მთავარსარდალი, ჩემი უმაღლესი პასუხისმგებლობაა, დავიცვა ჩვენი ქვეყანა მტრისგან და შემოსევებისგან და სწორედ ამას გავაკეთებ“.ომსა და მშვიდობაზე„ჩვენ ვიქნებით უპრეცედენტო ქვეყანა, სავსე თანაგრძნობით, სიმამაცით და გამორჩეულობით; ჩვენი ძალა შეაჩერებს ყველა ომს და მოუტანს ახალი ერთიანობის სულს სამყაროს, რომელიც სავსეა ბრაზით, ძალადობითა და სირთულეებით. ამერიკა კვლავ იქნება პატივსაცემი და აღმაფრთოვანებელი”.„ჩემი ყველაზე საამაყო მემკვიდრეობა იქნება ვიყო მშვიდობის მომტანი და გამაერთიანებელი. სწორედ ეს მინდა ვიყო: მშვიდობისმყოფელი და გამაერთიანებელი. მოხარული ვარ, ვთქვა, რომ გუშინ, ერთი დღით ადრე, ვიდრე ჩემს თანამდებობას დავიკავებდი, ახლო აღმოსავლეთში მძევლები შინ დაბრუნდნენ“.„ჩვენ კვლავ ავაშენებთ მსოფლიოს ყველაზე ძლიერ სამხედრო ძალას. ჩვენ ჩვენს წარმატებას არ შევაფასებთ მხოლოდ ბრძოლის მოგებით, არამედ იმ ომებითაც, რომლებსაც ავიცილებთ თავიდან”.პანამა„პანამამ ჩვენთან დადებული პირობა დაარღვია. ჩვენი ხელშეკრულების არსი და სული სრულად ირღვევა. ამერიკული გემები იბეგრებიან უსამართლოდ, მათ შორის შეერთებული შტატების სამხედრო ფლოტი, და უპირველეს ყოვლისა, ჩინეთი მართავს პანამის არხს. ჩვენ ის ჩინეთისთვის არ მიგვიცია, ჩვენ ის პანამას მივეცით და უკან დავიბრუნებთ”.რასა და გენდერი„ამ კვირაში ასევე დავასრულებ მთავრობის პოლიტიკას, რომელიც ცდილობს რასისა და გენდერის საზოგადოებრივ და კერძო ცხოვრებაში ხელოვნურად ჩართვას.ჩვენ შევქმნით საზოგადოებას, რომელიც არის ფერის გარეშე და დამსახურებაზე დაფუძნებული. დღეიდან, ამერიკის მთავრობის ოფიციალური პოლიტიკა იქნება ის, რომ არსებობს მხოლოდ ორი გენდერი: მამაკაცი და ქალი“.მომავლის გეგმები„ამერიკა კვლავ განიხილავს საკუთარ თავს მზარდ სახელმწიფოდ, რომელიც ზრდის თავის სიმდიდრეს, აფართოებს თავის ტერიტორიას, აშენებს ახალ ქალაქებს, მაღლა სწევს მოლოდინებს და ასრულებს გეგმებს ახალ, ულამაზეს ჰორიზონტებზე.ჩვენ მივყვებით ჩვენს დასახულ მიზანს ვარსკვლავებამდე, გავუშვებთ ამერიკელ ასტრონავტებს, რომ ვარსკვლავებიანი და ზოლებიანი დროშა ააფრიალონ პლანეტა მარსზე“.მკვლელობის მცდელობა„რესპუბლიკის დაბრუნებისკენ მიმავალი გზა მარტივი არ ყოფილა… მათ, ვინც ჩვენს შეფერხებას ცდილობდა, ჩემი თავისუფლების და ჩემი სიცოცხლის ხელყოფა სცადეს. რამდენიმე თვის წინ, პენსილვანიის ულამაზეს მინდორზე, მკვლელის ტყვიამ გამიარა ყურში, მაგრამ მაშინ ვიგრძენი და დღესაც ასე ვთვლი, რომ ღმერთმა განზრახ დამიცვა. ღმერთმა გადამარჩინა იმ მიზნისთვის, რომ ამერიკა კვლავ დიდებული გახდეს”.„დღეს ხელმოწერილი ბრძანებების თანახმად, ნარკოკარტელებს ვაცხადებ უცხოურ ტერორისტულ ორგანიზაციებად”.სახელწოდებების ცვლილება„ამერიკა დაიბრუნებს თავის ღირსეულ ადგილს, როგორც ყველაზე დიდი, ძლიერი და პატივსაცემი სახელმწიფო დედამიწაზე. მალე ჩვენ შევცვლით მექსიკის ყურის სახელს და ვუწოდებთ მას „ამერიკის ყურეს“, და აღვადგენთ დიდი პრეზიდენტის, უილიამ მაკკინლის სახელს მაკკინლის მთაზე”.ერთიანობა„ჩვენ ღვთის წინაშე ერთი ხალხი, ერთი ოჯახი და ერთი დიადი ერი ვართ. ყველა მშობელს, ვინც ოცნებობს თავისი ბავშვისთვის, და ყველა ბავშვს, ვინც ოცნებობს თავისი მომავლისთვის: თქვენთან ვარ. ვიბრძოლებ თქვენთვის და გავიმარჯვებ თქვენთვის. ჩვენ გავიმარჯვებთ ისე, როგორც არასდროს“.მოამზადა „ამერიკის ხმამ“ 

1737445309

- იდენტიფიცირებული მონაცემების მიხედვით - 4928 შემთხვევა, წილის მოცულობის გათვალისწინებით ან/და ტრანზაქციებში მონაწილე პირთა ერთობლივი წლიური შემოსავლების შესახებ მიღებულ ინფორმაციაზე დაყრდნობით, წინასწარი შეტყობინების ვალდებულების წარმოშობისთვის აუცილებელ კრიტერიუმებს არ აკმაყოფილებდა.- დარჩენილი 21 შემთხვევიდან 14 მოექცა კონკურენციის კანონმდებლობით განსაზღვრულ გამონაკლისებში, რამაც შესაბამისი პირები სააგენტოსთვის წინასწარი შეტყობინების წარმოდგენის ვალდებულებისგან გაათავისუფლა, ხოლო 1 შემთხვევა შესაბამისი მარეგულირებელი ორგანოს კომპეტენციას განეკუთვნებოდა.- რაც შეეხება 6 შემთხვევას, სააგენტოს შეფასებით, სავარაუდოდ ადგილი ჰქონდა კონცენტრაციის თაობაზე სააგენტოსთვის წინასწარი შეტყობინების ვალდებულებას, რომელიც მხარეთა მიერ არ შესრულებულა. შესაბამისად, აღნიშნული პირების მიმართ სააგენტომ საქმის წარმოება დაიწყო.სავალდებულო შეტყობინებას დაქვემდებარებული კონცენტრაციის GCCA-ის გვერდის ავლით, მის მიერ შეტყობინების განხილვამდე ან უარყოფითი დასკვნის მიუხედავად განხორციელების შემთხვევაში, შეტყობინების წარდგენის ვალდებულების მქონე პირი/პირები ჯარიმდება/ჯარიმდებიან.GCCA-თვის წინასწარ სავალდებულო წერილობით შეტყობინებას ექვემდებარება კონცენტრაცია თუ მისი მონაწილე პირების ერთობლივი შემოსავალი საქართველოს ტერიტორიაზე, შეტყობინების წარმოდგენის ვალდებულების წარმოშობის წინა ფინანსური წლის მდგომარეობით, 20 მილიონ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი  5 მილიონ ლარზე მეტია. კონცენტრაციის შესახებ შეტყობინების განხილვის საფასურია 5000 ლარი.ინფორმაციისთვის: GCCA-ის მიერ 2024 წელს განხორციელებული 52 593 კონცენტრაცია გადამოწმდა. საანგარიშო პერიოდში, სააგენტოს გვერდის ავლით განხორციელებულ კონცენტრაციებთან დაკავშირებით 14 საქმეზე შესაბამის პირებს ჯარიმა დაეკისრათ (ჯარიმების ჯამურმა ოდენობამ 288,400.02 ლარი შეადგინა), 6 საქმეზე კი ადმინისტრაციული საქმისწარმოება მიმდინარე რეჟიმშია. საანგარიშო პერიოდში, 18  კონცენტრაციაზე გაიცა თანხმობა, 5 შეტყობინების შესწავლა კი მიმდინარე რეჟიმშია.

1737444660

დებატები თბილისის დროით 16:00-ზეა ჩანიშნული.გარდა ევროპარლამენტის დებატებისა, ევროპის საბჭოს საპარლამენტო ასამბლეის ზამთრის სესიაზე საქართველოს საპარლამენტო არჩევნების შეფასების შესახებ მოხსენებას წარადგენენ.სტრასბურგში, ევროპის საბჭოს საპარლამენტო ასამბლეის ზამთრის სესია 27-31 იანვარს გაიმართება. სესიის პირველ დღეს, 27 იანვარს, 26 ოქტომბრის საქართველოს საპარლამენტო არჩევნების შეფასების შესახებ მოხსენებას წარადგენენ. მოხსენების ინიციატორია PACE-ის დელეგაციის ხელმძღვანელი იულიან ბულაი.შეგახსენებთ, ევროპის საბჭოს საპარლამენტო ასამბლეის დელეგაცია საქართველოს საკითხებში თანამომხსენებლების კლოდ კერნის (საფრანგეთი, ALDE) და ედიტ ესტრელას (პორტუგალია, SOC) შემადგენლობით, საქართველოს ფაქტების დამდგენი მისიით 14-16 იანვარს ესტუმრა. ვიზიტის მიზანი იყო საქართველოს, როგორც ევროპის საბჭოს წევრი ქვეყნის მიერ ვალდებულებების შესრულების შეფასება.საქართველოში ვიზიტად მყოფი ევროპის საბჭოს საპარლამენტო ასამბლეის (PACE-ს) მონიტორინგის კომიტეტის თანამომხსენებლები 16 იანვარს სახლში ეწვივნენ ექსპრემიერ გიორგი გახარიასაც, რომელსაც, 14-15 იანვარს, გვიან ღამით, „ქართული ოცნების“ წარმომადგენლები ჯგუფურად თავს დაესხნენ.

1737443452

ბოლუს პროვინციის გუბერნატორმა აბდულალიზ აიდინმა ტელეეთერიდან თქვა, რომ დაღუპულები და დაშავებულები თურქეთის მოქალაქეები არიან.წინასწარი მონაცემებით, სასტუმროში ხანძარი ადგილობრივი დროით 03:00 საათზე გაჩნდა შვიდსართულიანი სასტუმროს სახურავზე და მალევე მთელი შენობა მოიცვა. 

1737441164