პარტიამ "გახარია საქართველოსთვის" საარჩევნო სია და პროგრამა წარადგინა

ღონისძიება ცენტრალური საარჩევნო კომისიის თავმჯდომარე გიორგი კალანდარიშვილმა გახსნა და აღნიშნული დოკუმენტის მნიშვნელობაზე ისაუბრა. როგორც გიორგი კალანდარიშვილმა განაცხადა, საარჩევნო ადმინისტრაციისა და ადგილობრივ დამკვირვებელ ორგანიზაციათა წარმომადგენლების პროფესიული და ეთიკური ნორმების დაცვის ვალდებულებიდან გამომდინარე, მნიშვნელოვანია, მხარეთა შეთანხმება 2024 წლის 26 ოქტომბრის პარლამენტის არჩევნებისთვის ქცევის (ეთიკის) კოდექსით განსაზღვრულ დებულებებზე. მისი თქმით, დოკუმენტი კარგ საერთაშორისო პრაქტიკას ეფუძნება და ხელს უწყობს არჩევნების სამართლიანად და გამჭვირვალედ ჩატარებას.ქცევის (ეთიკის) კოდექსზე ხელმოწერით მხარეები გამოხატავენ ურყევ ნებას იხელმძღვანელონ პოლიტიკური ინტერესებისგან გამიჯვნის და საჯარო ინტერესების უზენაესობის პრინციპით, ადამიანის საყოველთაოდ აღიარებული უფლებების დაცვის პრინციპით კეთილსინდისიერად აღასრულონ საქართველოს კანონმდებლობით განსაზღვრული უფლება-მოვალეობები, იმოქმედონ პროფესიული ცოდნის, გამოცდილების შესაბამისად და საკუთარი ქცევით უზრუნველყონ მაღალი ეთიკური პრინციპების დემონსტრირება და დაცვა.ქცევის (ეთიკის) კოდექსზე ხელის მოწერის შესაძლებლობა აქვთ იმ ადგილობრივი დამკვირვებელი ორგანიზაციებს წარმომადგენლებს, რომლებსაც 26 ოქტომბრის არჩევნებზე დასაკვირვებლად არიან ცესკოში რეგისტრირებულნი. თუმცა დოკუმენტებზე ხელმოწერა ღიაა და რეგისტრაციის შესაბამისი პროცედურის გავლის შემდეგ ყველა მსურველს ექნება საშუალება შეუერთდეს მას.

1727277620

როგორ გამოვიყენოთ ინფლუენსერ მარკეტინგი ჩვენი ბრენდის, კომპანიის თუ სტარტაპის პოპულარიზებისთვის? ვინ გვჭირდება? რა გავითვალისწინოთ საქმიანი ურთიერთობისას? - 19 სექტემბერს, თიბისი ბიზნესის ხუთშაბათის შეხვედრების მორიგ სესიაზე, კონტენტ კრეატორებმა თათო ქარჩავამ და იოანე რომანაძემ და ქართული სტარტაპის „მერაკის“ დამფუძნებელმა ანუკა გვენცაძემ ბრენდებისა და კონტენტ კრეატორების თანამშრომლობაზე ისაუბრეს. „ადრე ვამბობდი, რომ ვარ მარკეტერი სრულ განაკვეთზე და კონტენტ კრეატორი ნახევარ განაკვეთზე. ახლა სამსახურიდან წამოვედი და სრულ განაკვეთზე კონტენტ კრეატორი ვარ“, - ასე წარადგინა თავი შეხვედრის ერთ-ერთმა სპიკერმა თათო ქარჩავამ. თათო თავს კონტენტ კრეატორად მიიჩნევს, მაგრამ იმის „აღიარებაც“ უწევს, რომ კარგი კონტენტის შექმნამ ინფლუენსერობამდე მიიყვანა. კონტენტს Tik-Tok-ისთვის ქმნის. ამ პლატფორმის გამოყენება ოთხი წლის წინ დაიწყო, პიონერი ვარ Tik-Tok-ისო ხუმრობს. მისი გამომწერების რაოდენობა კი 96 ათასს სცდება.ხელნაკეთი ჩანთების, ტანსაცმლის, ფეხსაცმლისა და აქსესუარების ბრენდი „მერაკი“ რომ დააარსა, ანუკა გვენცაძე 21 წლის იყო. ბებიასთან ერთად პირველ ჩანთას რომ კერავდა, ვერაფრით წარმოიდგენდა, რომ რამდენიმე წლის შემდეგ მთელს დროსა და ენერგიას ამ საქმეში ჩადებდა. ახლა „მერაკი“ცნობილი და ბევრის საყვარელი ქართული ბრენდია.„ჩვენი მარკეტინგის ძალიან დიდი წილია ინფლუენსერებთან ურთიერთობა. გვყავს რამდენიმე აქტიური ინფლუენსერი, რომლებთანაც სულ ვთანამშრომლობთ. წესივით გვაქვს, ახალ კოლექციას პირველად მათ ვუგზავნით“, - ამბობს ანუკა.ანუკა გვენცაძეს ინფლუენსერებთან ურთიერთობის შვიდწლიანი გამოცდილება დაუგროვდა. ამიტომ, ზუსტად იცის ვინ სჭირდება, ვისგან რას მიიღებს. სოციალურ ქსელებშიც სულ ამოწმებს ტრენდებს, აქტუალურ თემებს:„ზოგი ძალიან კარგ კონტენტს ქმნის. შეიძლება თავად არ ჰყავდეს აუდიტორია, რომელიც გაყიდვებს გაგვიზრდის, მაგრამ, იმდენად კარგ ფოტოს იღებს, რომ ჩვენ ვყიდით ამ ფოტოებით. არიან ინფლუენსერები, რომლებსაც ჰყავთ დაინტერესებული აუდიტორია, ისინიც ძალიან კარგ ვიდეოებს იღებენ, განიხილავენ ჩვენს პროდუქციას და მათაც ბევრი გაყიდვა მოაქვთ“. აქვს ცუდი გამოცდილებებიც და შესაბამისად, რჩევებიც დამწყები სტარტაპებისთვის. ახსოვს შემთხვევა, როდესაც საჩუქარი გაუგზავნეს ინფლუენსერს, რომელსაც 285 ათასი მიმდევარი ჰყავდა. ის მათ თავად დაუკავშირდა და ბარტერი შესთავაზა. შეთანხმება შედგა, „მერაკმა“ ინფლუენსერს პროდუქცია გაუგზავნა. შემდეგ, მოლოდინით, რომ შეკვეთები გაიზრდებოდა, ახალი მოდელები შეკერეს და შედეგს დაელოდნენ, მაგრამ სულ ტყუილად. აღმოჩნდა, რომ სინამდვილეში იმ კონკრეტულ ინფლუენსერებს რეალური აუდიტორია არ ჰყავდა. ამის ნახვა კი მარტივად შეიძლებოდა, მაგალითად, იმის შემოწმებით, რამდენი ადამიანი უყურებდა მის Reels-ებს. ამიტომ, ჩართულობის (ე.წ. ინგეიჯმენთის) შემოწმება, „მერაკისგან“ მნიშვნელოვანი რეკომენდაციაა სტარტაპებისთვის.თათო ბრენდებს ურჩევს, რომ საქმიანი ურთიერთობის დაწყებამდე კარგად შეისწავლონ ინფლუენსერის კონტენტი. და ასევე, შეათანხმონ პირობები და მოლოდინები:„მქონდა ასეთი, ცუდი გამოცდილება, მომცეს ბრიფი, რომლის მიხედვით გადავიღე ვიდეო და მომწერეს, რომ რაღაც სხვა უნდოდათ. ამიტომ, ჩემი რჩევაა, ბიზნესმა კარგად შეისწავლოს კონტენტი და მხოლოდ შემდეგ გადაწყვიტოს კონკრეტულ ინფლუენსერთან თანამშრომლობა. ასევე, მკაფიო უნდა იყოს: ბრიფიც, მოლოდინებიც, სცენარიც კი უნდა შეთანხმდეს“.„მეც მქონდა ერთი შემთხვევა, კონკრეტულმა კომპანიამ მომცა დავალება, დავიწყე მუშაობა და უცებ, პროცესში, მეუბნებიან - „ჩვენ ვფიქრობთ რომ შენ ბრიფი ვერ გაიგე“, - იხსენებს იოანე რომანაძე, რომლის რვა თვის წინ გახსნილ Tik-Tok-ის არხს, უკვე ჰყავს 100 ათასზე მეტი გამომწერი. იოანეს ასე იმიტომ მისწერეს, რომ დამკვეთის წარმოდგენილი ვიდეო არ ჰგავდა იმას, რაც იოანემ ჩაწერა: „მე ხომ ყველაზე კარგად ვიცნობ ჩემს აუდიტორიას,  ვიცი,  რაზე აქვთ რეაქცია. ამიტომ, უნდა მენდო, ჩემზე უკეთ ვერ გეცოდინება, რა უყვარს ჩემს მაყურებელს“.თათო სტარტაპებს ურჩევს იფიქრონ ინფლუენსერებთან გრძელვადიან თანამშრომლობაზეც. მისი თქმით, ეს კარგია ორივე მხარისთვის:„იცი რომ გყავს მუდმივი დამკვეთი, გაქვს ყოველთვიური შესავალი, იცი რა არის შენი ამოცანა.  ასეთ დროს მეტი თავისუფლება გაქვს, რომ კონკრეტული კონტენტი ორგანულად ჩააინტეგრირო შენს ყოველდღიურობაში, უფრო ავთენტური ხარ და ეს ბრენდსაც აწყობს“.იყო კითხვებიც - მაგალითად, რა ქნას სტარტაპმა, რომელსაც არ აქვს ინფლუენსერის ფული? უნდა მივწეროთ თუ არა პატარა სტარტაპებმა „დიდ“ ინფლუენსერებს?„უნდა დაუკავშირდე, რადგან მე მქონია ეგეთი შემთხვევაც. თუ ვფიქრობ, რომ შენი შემოთავაზებიდან ჩემთვის საინტერესო კონტენტი გამოვა, დავთანხმდები“, - უპასუხა თათომ.ანუკას ჰკითხეს, ბრენდები ინტერესდებიან თუ არა დამწყებებთან ურთიერთობით, რაზეც მან უპასუხა, რომ ხშირად ასეთი ინფლუენსერი საქმეს გაცილებით პროფესიონალურად ეკიდება, რადგან  უნდა რომ მასთან კიდევ ითანამშრომლონ და ამიტომ დიახ, ინტერესდებიან.შეხვედრა დასრულდა შეთანხმებით, რომ ციფრულ ეპოქაში ტექნოლოგიების და ტრენდების იგნორირება წამგებიანია, მოლაპარაკებები ყოველთვის ამართლებს და ცდად ყველაფერი ღირს.თიბისი ბიზნესის ტრადიციული ხუთშაბათები ისევ გაგრძელდება, რადგან არაფერი ისე არ სჭირდება პატარა ბიზნესებს, ვიდრე გამოცდილებების ერთმანეთისთვის გაზიარება. 

1727267811

აკრძალვა ეხება ბანკის შვილობილი ან სათაო კომპანიის წილობრივ* თუ სავალო* ინსტრუმენტის შესყიდვის ტრანზაქციებს.სებ-ის პრეზიდენტის ბრძანებით, დებულებებში ცვლილებები, ბაზართან კონსულტაციების დასრულების შემდეგ შევა. 2 ოქტომბრამდე ნებისმიერ დაინტერესებულს აქვს წინადადების წარდგენის შესაძლებლობა, შესაბამისი ფორმით, რომელიც პროექტს დანართით მოჰყვება.თურნავას ბრძანებით, იცვლება რისკის პოზიციის ღირებულება, რაც საკრედიტო რისკის მიტიგაციის ეფექტის გათვალისწინების გარეშე, რეზიდენტი სისტემური მნიშვნელობის ბანკის მიმართ არ უნდა აღემატებოდეს გამსესხებელი ბანკის პირველადი კაპიტალის 50%-ს. როცა ერთი სისტემური ბანკი მეორისგან სესხულობს.მოქმედი დებულებით, (მუხლი 4(დ) ღირებულებაში შედის (ახლა ემატება) ამავე ბანკში სადეპოზიტო ანგარიშზე განთავსებული ფულადი სახსრებით, ფულთან გათანაბრებული ინსტრუმენტებით და ფასიანი ქაღალდებით უზრუნველყოფა.რისკების დებულებას ახლავს ინსტრუქცია, რომლითაც საბანკო სექტორი 2022 წლიდან ხელმძღვანელობს რისკიანი ოპერაციების ტრანზაქციებისას. მოწილეების ურთიერთდაკავშირების ნიშნით ჯგუფდება კომპანიები. ახალი ინდიკატორებით კლასიფიცერებულ მსესხებელზე გაცემული ჯამური პორტფელი, ბანკის პირველადი კაპიტალის 25%-ს არ უნდა აღემატებოდეს.დაკავშირებულად ითვლება როგორც იურიდიული ასევე ფიზიკური პირი. მაგ: ბანკის საცალო მსესხებელი, რომელიც კორპორაციული კლიენტი კომპანიის 50%-იანი მოწილეა. ასევე კომპანია, რომელიც სხვა კომპანიის თანამფლობელიცაა. ასეთი კავშირები საფინანსო ბაზარზე ბევრია: მაგ, სალიზინგო & ბანკი, მისო & ბანკი, მისო & ლომბარდი....დამატებით რეგულაციაში მოყოლილი მსესხებელი ურთიერთდაკავშირებულთა ჯგუფში ერთიანდება. დაჯგუფება ფინანსური პრობლემების გაშეარების პრევენციას ემსახურება. ურთიერთდამოკიდებულება ბანკისთვის წარმოშობს ერთ მთლიან რისკს, მსესხებლების ერთ ჯგუფად აღრიცხვით კი კრედიტორმა კონცენტრაციის რისკების მართვა უნდა გააუმჯობესოს. და კონსოლიდირებული ფინანსური ანგარიშგება უნდა მოამზადოსინსტრუქცია მონათესავე კომპანიების მფლობელების და მათი ოჯახის წევრებზეც ვრცელდება,  ₾0.5 მლნ-დან ქეისზე.კონტროლის მანიშნებელ გარემოებად ითვლება ორ სხვადასხვა კომპანიის დირექტორატში ან სამეთვალყურეო საბჭოში ერთი და იგივე პირების არსებობა, 20%-ზე მეტი წილის ფლობა სხვა კომპანიაში. ინსტრუქცია განსაზღვრავს ეკონომიკური დამოკიდებულების ნიშნით მსესხებლების დაჯგუფებასაც.სრული ინსტრუქცია .

1727266980

ადგილი: რედისონ ბლუ ივერია (მისამართი: 1 ვარდების რევოლუციის მოედანი, თბილისი)დრო: 09:00თარიღი: 26 სექტემბერი ღონისძიებას გახსნის და სტუმრებს სიტყვით მიმართავს, ნიკოლას სენდროვიჩი, საქართველოში ევროკავშირის წარმომადგენლობის განვითარების და თანამშრომლობის ხელმძღვანელი.ევროკავშირის დაფინანსებულმა „განათლება დასაქმებისთვის" პროგრამამ მხარი დაუჭირა საქართველოში დასაქმების, უნარების განვითარებისა და ახალგაზრდობის სფეროში სექტორული რეფორმის პოლიტიკის განხორციელებას, ხელი შეუწყო საქართველოს სოციალურ-ეკონომიკურ განვითარებას და გლობალურ დონეზე ქვეყნის კონკურენტუნარიანობის ზრდას. აღნიშნული მიზნები განხორციელდა ინსტიტუციური შესაძლებლობების გაძლიერებით, სერვისების მიწოდების სტანდარტების გაუმჯობესებით, აგრეთვე ინდივიდების დასაქმების ამაღლებით, რაც ემსახურება ინკლუზიური, ერთიანი და წარმატებული საზოგადოების ჩამოყალიბებას მთელს საქართველოში.შემაჯამებელ ღონისძიებაზე წარმოდგენილი იქნება პროგრამის მიერ მიღწეული შთამბეჭდავი შედეგები, რომელიც განხორციელდა ყოვლისმომცველი მიდგომის მეშვეობით და მოიცავდა საბიუჯეტო მხარდაჭერას, ტექნიკურ დახმარებას, ინსტიტუციური დაძმობილების (Twinning) პროექტებსა და საგრანტო კომპონენტს.პროგრამის ერთ-ერთი მნიშვნელოვანი მიღწევაა მისი გავლენა უნარებისა და ახალგაზრდების განვითარებაზე საქართველოს რეგიონებში. პროგრამის მიერ დაფინანსებული ცხრა საგრანტო პროექტის მეშვეობით, ათასობით ქართველმა აიმაღლა საკუთარი უნარ-ჩვევები შრომის ბაზრის მოთხოვნების შესაბამისად და დასაქმდა არასამთავრობო აქტორებისა და სერვისის პროვაიდერების დახმარებით.ღონისძიებაზე ასევე ყურადღება გამახვილდება ტექნიკური დახმარების კომპონენტის მიღწევებზე, რომელიც მოიცავდა მნიშვნელოვანი დოკუმენტების, სტრატეგიების შემუშავებას და შესაძლებლობების ზრდაზე ორიენტირებულ ინიციატივებს, რამაც ხელი შეუწყო დასაქმების სერვისების მიწოდებას და აქტიური შრომის ბაზრის პოლიტიკის გატარებას. ღონისძიების დასასრულს, მონაწილეები მიმოიხილავენ პროგრამის გავლენას საქართველოში დასაქმების, უნარების განვითარებისა და ახალგაზრდობის მიმართულებით და ასევე ისაუბრებენ პროგრამის შედეგების მდგრადობაზე.ღონისძიებას დაესწრებიან ექსპერტები, პოლიტიკის შემქმნელები, სამოქალაქო საზოგადოების აქტორები, კერძო სექტორის და საგანმანათლებლო დაწესებულებების წარმომადგენლები. ევროკავშირის შესახებ:30 წელზე მეტია ევროკავშირს საქართველოსთან მჭიდრო პარტნიორული ურთიერთობა აკავშირებს. ქვეყნის განვითარებას ევროკავშირი ცოდნისა და გამოცდილების გაზიარებით და ექსპერტული, ინოვაციებისა და ფინანსური მხარდაჭერის გზით ახორციელებს. ევროკავშირსა და საქართველოს შორის ურთიერთობა მშვიდობის, თავისუფლების, დემოკრატიის, ადამიანის უფლებებისა და ინკლუზიური ეკონომიკური ზრდის საერთო ღირებულებებს ეფუძნება. საქართველოში ევროკავშირის მხარდაჭერის შესახებ მეტი ინფორმაცია იხილეთ მითითებულ ბმულზე: https://eu4georgia.eu/ka/evrokavshirisakartveloshi/ ინფორმაცია პროგრამის შესახებ:პროგრამა „განათლება დასაქმებისთვის", რომელიც 2019 წელს დაიწყო, მიზნად ისახავდა ქალების, მამაკაცების, ახალგაზრდების და სოციალურად დაუცველთა დასაქმების გაუმჯობესებას საქართველოს რეგიონებში. პროგრამა განხორციელდა სხვადასხვა ღონისძიებების მეშვეობით მათ შორის 30 მილიონი ევროს პირდაპირი საბიუჯეტო მხარდაჭერა, ორი დაძმობილებული (Twinning) პროექტი, 7 მილიონი ევროს საგრანტო სქემა და ტექნიკური დახმარების კომპონენტი. ევროკავშირის „განათლება დასაქმებისთვის" პროგრამის შესახებ დამატებითი ინფორმაციისთვის ეწვიეთ ვებგვერდს: https://eu4georgia.eu/skills4jobs-programme/

1727264402

ლევილის მამულში ქართული ვაზი საქართველოს სახელმწიფომ 2026 წლის 23 სექტემბრამდე უნდა მოაშენოს, როგორც ამას ითვალისწინებს 2016 წლის 23 სექტემბერს ფრანგი ნოტარიუსის წინაშე გაფორმებული, მამულის გადმოცემის აქტი.იჯარის პირობების თანახმად, ხელშეკრულების გაფორმებიდან 12 თვეში იჯარის უფლებით გადაცემულ ქონებაზე უნდა გაშენდეს ქართული ჯიშის ვაზი; 48 თვეში კი ბიოწარმოება უნდა დაიწყოს. ყოველწლიურად წარმოებული ბიო ღვინის 20% კი ლევილის მამულს უნდა გადაეცეს უსასყიდლოდ.გათვალისწინებული ვალდებულებების შესასრულებლად მოიჯარემ უნდა გააკეთოს არანაკლებ 100 000 ევროს ინვესტიცია (მათ შორის არანაკლებ 10 000 ევროს ინვესტიცია ერთი მღვიმის მოსაწყობად). სარგებლობაში გადაცემის ვადაა 10 წელი. ყოველწლიური საიჯარო ქირის გადახდა მოხდება წელიწადში ერთხელ. აუქციონში გამარჯვებულმა კომპანიამ უნდა წარმოადგინოს იჯარის ხელშეკრულების გაფორმებამდე ბიო ღვინის წარმოების არანაკლებ ერთწლიანი გამოცდილების დამადასტურებელი დოკუმენტი, ასევე შესაბამისი საბანკო გარანტია.ელექტრონული აუქციონი მიმდინარეობს 2024 წლის 30 სექტემბრის 17:00 საათამდე.დეტალური ინფორმაცია აუქციონის პირობების შესახებ ხელმისაწვდომია შესაბამის ბმულზე.2016 წლის 23 სექტემბერი, საფრანგეთი, ლევილი - 25 წლიანი მოლაპარაკებების შემდეგ პარიზიდან დაახლოებით 40 კილომეტრში მდებარე პატარა ქალაქში ისტორიული მნიშვნელობის დოკუმენტს მოეწერა ხელი: ლევილის მამული საქართველოს საკუთრებაში გადმოვიდა. თითქმის საუკუნის წინ, ამ ადგილს საქართველოდან ემიგრირებულმა კანონიერმა მთავრობამ შეაფარა თავი. 1921 წელს, საქართველოს გასაბჭოების შემდეგ ნოე ჟორდანია და მისი თანამებრძოლები იძულებულები გახდნენ ქვეყანა დაეტოვებინათ და ემიგრაციაში წასულიყვნენ. მათ ლევილში რამდენიმე ჰექტარი მიწა და შატო  შეიძინეს და ოჯახებთან ერთად იქვე დასახლდნენ. მიუხედავად აქ გატარებული წლებისა, ყველა მათგანმა იცოდა, რომ ეს მამული საქართველოს საკუთრება იყო და ოდესმე კანონიერ მფლობელს აუცილებლად გადაეცემოდა.ნოე  ჟორდანია ამის შესახებ თავის ანდერძშიც წერს: „ლევილის მამული ნაყიდია საქართველოს დემოკრატიული რესპუბლიკის ფულით და წარმოადგენს საქართველოს სრულ საკუთრებას, გამომდინარე აქედან , არც ჩვენ და არც ჩვენს შთამომავლობას, არავითარი იურიდიული უფლება არა გვაქვს, მისი დასაკუთრების რაიმე პრეტენზია გვქონდეს... მამული უნდა გადაეცეს მის ნადვილ პატრონს საქართველოს, როდესაც ის გახდება სრულიად დამოუკიდებელი, დემოკრატიული რესპუბლიკა“.ცნობისთვის, ლევილის მამულის სრული რეაბილიტაცია, სახელმწიფოს მიერ ნაკისრი ვალდებულებების თანახმად, 2026 წლის სექტემბერში უნდა დასრულდეს.

1727261352

შეხვედრას, ასევე, დაესწრო ფინანსთა მინისტრის მოადგილე ეკატერინე გუნცაძე.მხარეებმა მიმოიხილეს ორმხრივი და მრავალმხრივი თანამშრომლობის საკითხები, ბანკის მიერ საქართველოში დაფინანსებული პროექტების მიმდინარეობა.ფინანსთა მინისტრმა AIIB-ის პრეზიდენტს გააცნო ქვეყნის ეკონომიკაში არსებული მდგომარეობა და სამომავლო პროგნოზები.დღეის მდგომარეობით, აზიის ინფრასტრუქტურის საინვესტიციო ბანკის საკრედიტო პორტფელი საქართველოში, დაახლოებით, 400 მლნ აშშ დოლარს შეადგენს.აზიის ინფრასტრუქტურის საინვესტიციო ბანკის (AIIB) წლიურ შეხვედრას 2024 წელს უზბეკეთის ქალაქი სამარყანდი მასპინძლობს.

1727260395

"სახალხო დამცველმა აღნიშნა, რომ აპარატი აქციის მონაწილეთაგან შესაბამისი დოკუმენტაციის შემოტანისთანავე დაიწყებს მათ მიმართ უფლებადარღვევის შემთხვევების, მათ შორის, სავარაუდო უკანონო გათავისუფლებისა თუ შეკრების თავისუფლების შეზღუდვის ფაქტების შესწავლას. აქციის მონაწილეები სახალხო დამცველს განცხადებისა და შესაბამისი საბუთების წარდგენას დაჰპირდნენ.შუქრუთელები უკვე რამდენიმე თვეა კომპანია „ჯორჯიან მანგანეზის“ წინააღმდეგ გამოსვლებს მართავენ. სექტემბრიდან შეკრებამ თბილისში, საქართველოს პარლამენტის შენობის წინ გადმოინაცვლა. სახალხო დამცველი პროტესტის გაჟღერების დღიდან ადევნებს თვალს მოვლენებს, ასევე, აპარატის წარმომადგენლებს რამდენჯერმე ჰქონდათ კომუნიკაცია ადვოკატთან და აქციის მონაწილეებსაც შეხვდნენ როგორც შუქრუთში, ასევე თბილისში.შეკრების მონაწილეებისათვის კარვის გაშლის უფლებასთან დაკავშირებით სახალხო დამცველს წლების განმავლობაში არაერთი საჯარო განცხადება აქვს გაკეთებული. ასევე, განცხადებით გამოეხმაურა იგი პარლამენტის შენობის წინ სოფელ შუქრუთის მცხოვრებთა შეკრებას, სადაც ხაზგასმით აღნიშნა, რომ დროებითი კონსტრუქციების განთავსება შეკრების თავისუფლებით არის დაცული და ამ უფლების ჩამორთმევა გაუმართლებელია იმ შემთხვევაში, თუ კარვის განთავსების შედეგად, ადგილი არ აქვს შენობის შესასვლელის ბლოკირებას ან სატრანსპორტო მოძრაობის შეფერხებას. თავის განცხადებაში სახალხო დამცველმა კიდევ ერთხელ მოუწოდა სამართალდამცავებს - არ მოხდეს მონაწილეთა შეკრების უფლების შეზღუდვა.რაც შეეხება ფულადი კომპენსაციის საკითხს, სახალხო დამცველს არ გააჩნია უფლებამოსილება შეისწავლოს და შეაფასოს ფიზიკურ პირებსა და კერძო კომპანიას შორის დადებული შეთანხმება კომპანიის საქმიანობით გამოწვეული ზიანის, მისი მასშტაბის, კომპენსაციების ოდენობის ან გაცემის წესთან დაკავშირებით. აღნიშნული საკითხი სცდება სახალხო დამცველისათვის კანონმდებლობით მინიჭებული უფლებამოსილების ფარგლებს და სახალხო დამცველი მოკლებულია სამართლებრივი რეაგირების მოხდენის შესაძლებლობას. ეს საკითხი სახალხო დამცველის აპარატის წარმომადგენლებმა, პროტესტის დაწყებისთანავე განუმარტეს აქციაში მონაწილე შუქრუთელებს.მესამე საკითხი, რომლის შესწავლისა და რეაგირების საშუალებაც სახალხო დამცველს აქვს, ეხება თანასწორობის და სამართლიანი სასამართლოს უფლებების შესაძლო დარღვევას. აქციაში მონაწილე სოფელ შუქრუთის მცხოვრებლებთან შეხვედრაზე სახალხო დამცველის აპარატის წარმომადგენლებმა განმარტეს, რომ თუ ისინი მიიჩნევენ რომ (გარდა ფულადი კომპენსაციის საკითხებისა) მათ მიმართ ადგილი აქვს პროცესუალურ დარღვევებს სისხლის სამართლის საქმის გამოძიების პროცესში, ან კომპანიის მხრიდან იკვეთება შესაძლო დისკრიმინაცია - აუცილებლად მომართონ სახალხო დამცველის აპარატს, რაც აპარატს შესაძლებლობას მისცემს დაიწყოს საქმისწარმოება და შეისწავლოს შესაძლო უფლებადარღვევის საკითხები. 24 სექტემბრის მდგომარეობით ასეთი მომართვა აპარატში არ ფიქსირდება.გარდა ზემოაღნიშნულისა, სახალხო დამცველი დამატებით შეისწავლის სოფელ შუქრუთში გარემოს დაცვასთან დაკავშირებულ საკითხებს და შესწავლის შედეგებს საპარლამენტო ანგარიშში ასახავს. ამასთან, ამ საკითხის შესწავლა არ უკავშირდება კონკრეტული პირების უფლებადარღვევის და პროტესტის თემატიკას", - ვკითხულობთ საქართველოს სახალხო დამცველის მიერ გავრცელებულ ინფორმაციაში. შუქრუთელები უკვე 190 დღეზე მეტია უწყვეტი პროტესტის რეჟიმში იმყოფებიან და კომპანია “ჯორჯიან მანგანეზისგან” მათთვის მიყენებული ზიანის სამართლიან ანაზღაურებას ითხოვენ. უკვე 20 დღეზე მეტია რამდენიმე ადამიანი შიმშილობს, ხოლო 5 მათგანს პირი აქვს ამოკერილი.აქციის მონაწილეთა თქმით, 300-კომლიან შუქრუთში რამდენიმე ათეული სახლი საცხოვრებლად უკვე უვარგისია."ჯორჯიან მანგანეზში" კი ამბობენ, რომ ზარალის ანაზღაურებაზე უკვე 12 მილიონ ლარზე მეტი დახარჯეს და დანარჩენს იმ შემთხვევაში გასცემენ, თუ საწარმოს მუშაობის განახლების შესაძლებლობა დაუბრუნდება. კომპანია ამტკიცებს, რომ შუქრუთი დღეს არა მათი მუშაობის შედეგად, არამედ საბჭოთა დროს წარმოქმნილი პრობლემების შედეგს იმკის.

1727259047

გეოპოლიტიკური კონფლიქტების შესაძლო გახანგრძლივებისა და ესკალაციის რისკებიმაღალ დონეზე ნარჩუნდება რუსეთ-უკრაინის ომისა და ახლო აღმოსავლეთში გეოპოლიტიკური კონფლიქტებიდან მომდინარე რისკები. აღნიშნული როგორც გლობალურად, ასევე სავაჭრო პარტნიორ ქვეყნებში, მაკროეკონომიკურ მოწყვლადობას იწვევს. რეგიონში გეოპოლიტიკური დაძაბულობის გახანგრძლივება ინფლაციური წნეხის წყარო შეიძლება გახდეს, რასაც ასევე ხელს უწყობს წითელი ზღვის აკვატორიაში მიმდინარე მოვლენებიც. გარდა ამისა, ტურბულენტური გეოპოლიტიკური გარემო უარყოფითად შეიძლება აისახოს რეგიონში ინვესტორთა განწყობაზე და ქვეყნის სუვერენული რისკის გადაფასება გამოიწვიოს. ასეთ შემთხვევაში ქვეყნიდან კაპიტალის გადინება დაიწყება და ადგილობრივი ვალუტა გაუფასურების წნეხის ქვეშ აღმოჩნდება. ჯერ კიდევ მაღალი დოლარიზაციის გათვალისწინებით, აღნიშნული რისკის მატერიალიზაცია მნიშვნელოვან გავლენას იქონიებს როგორც ინფლაციაზე, ასევე საკრედიტო პორტფელის ხარისხზე.წამყვანი ცენტრალური ბანკების მიერ მონეტარული პოლიტიკის შენელებული ნორმალიზებაგლობალურად გამკაცრებული მონეტარული პოლიტიკის გახანგრძლივებულად შენარჩუნების ფონზე გლობალურმა ინფლაციამ ეტაპობრივად შემცირება დაიწყო. თუმცა აღსანიშნავია, რომ ინფლაციის დინამიკასთან დაკავშირებული გაურკვევლობა მაღალ დონეზე ნარჩუნდება, რაც წამყვან ცენტრალურ ბანკებს სიფრთხილისკენ უბიძგებს და გამკაცრებული მონეტარული პოლიტიკიდან გამოსვლის ტემპს ანელებს. ფასების დინამიკასთან არსებული გაურკვევლობის ზრდამ, შესაძლოა, მონეტარული პოლიტიკის დამატებით გამკაცრება და/ან მის გამკაცრებულ ფაზაში უფრო ხანგრძლივად შენარჩუნება გამოიწვიოს. ეს უკანასკნელი, თავის მხრივ, შეანელებს გლობალურ ეკონომიკურ ზრდას და გაზრდის გლობალური ფინანსური სტაბილურობის რისკებს. აღნიშნული ფაქტორები ფინანსური ბაზრების მხრიდან რისკების გადაფასებას გამო იწვევს და ფინანსური პირობების გამკაცრებაში აისახება. შედეგად, განვითარებადი და მზარდი ეკონომიკის ქვეყნებს საგარეო დაფინანსების წყაროებზე წვდომა შეეზღუდებათ და საგარეო ვალის ტვირთი გაეზრდებათ.ციკლური დაღმავლობა უძრავი ქონების ბაზარზეომის შედეგად ქვეყანაში გაზრდილი მიგრაციის ფონზე მნიშვნელოვნად გაიზარდა მოთხოვნა უძრავ ქონებაზე. მიგრაციის ეფექტის მილევის კვალდაკვალ, საგარეო სექტორიდან წამოსული მოთხოვნა ადგილობრივმა მოთხოვნამ ჩაანაცვლა, რასაც ხელი ძლიერმა ეკონომიკურმა ზრდამ შეუწყო. გახანგრძლივებულად მდგრადი ძლიერი მოთხოვნის ფონზე გაიზარდა მიწოდებაც, რაც გაცემული ნებართვების ზრდაშიც აისახა. ვინაიდან აღნიშნული მოთხოვნა მეტწილად ციკლური ხასიათისაა, ეკონომიკური აქტივობის მნიშვნელოვანი შემცირების შემთხვევაში ამ სექტორებში სამუშაო ძალისა და ინვესტიციების ჭარბმა კონცენტრაციამ შეიძლება უმუშევრობის მკვეთრი ზრდა და ვალის მომსახურების სირთულეები გამოიწვიოს, რაც უარყოფითად აისახება ფინანსურ სტაბილურობაზე და ზოგადად მთლიან ეკონომიკაზე.საგარეო ფაქტორების გაუარესება რუსეთ-უკრაინის ომი არა ერთგვაროვნად აისახა საქართველოს მთავარ სავაჭრო პარტნიორ ქვეყნებზე. ერთი მხრივ, მნიშვნელოვნად გაუარესდა ეკონომიკური ვითარება უშუალოდ ომში ჩართულ ქვეყნებში. მეორე მხრივ, რეგიონის რიგ ქვეყნებში მომატებული მიგრაციის ფონზე გაიზარდა ფულადი გზავნილები, რაც მათ გაუმჯობესებულ ეკონომიკურ ზრდაშიც აისახა. რეგიონში გეოპოლიტიკური ვითარების გაუარე სების შემთხვევაში მოსალოდნელია აღნიშნული ქვეყნებიდან კაპიტალის სწრაფი გადინება, რაც აღნიშნული ქვეყნების ეკონომიკურ ზრდას გააუარესებს. ეს კი უარყოფითად იმოქმედებს საქართველოს საგა რეო მოთხოვნაზე და, შესაბამისად, ეკონომიკურ ზრდაზე.

1727257857