იუკნევიჩიენე: საქართველოს შესახებ ლიეტუვაში ხშირი კითხვაა: არის იმედი? - დიახ, არის!

პატიმრობიდან ახლადგათავისუფლებულმა ნიკა გვარამიამ, TV მთავარზე, მომიტინგეების მიმართ ამ დროის ძალადობის პარალელები კახა თარგამაძის მინისტრობის დროინდელთან გაავლო. აღნიშნა, რომ სისასტიკის ხარისხის ნიშნით, მღებრიშვილი "ყინწვისის ანგელოზია".მისი თქმით, ბიძინა ივანიშვილის წასვლის შემდეგ, მოძალადეების ამნისტირება მიუღებელია. ეს არ არის სახელმწიფო ინტერესებში.გვარამიამ სადამსჯელო დაჯგუფებებში დაქირავებულ პირთა მონაწილეობაზეც აღნიშნა. მისი ინფორმაციით, ჯალათებს შორის მისი კლასელებიც არიან და მალე გამოაშკარავებს ყველა უმუშევარს, რომელიც დღეში 1 000 ლარად თანამემამულეებს უსწორდება. მან ხარებას შეშფოთებაზეც აღნიშნა, რომელიც უკმაყოფილოა, რომ ხალხის წამებაზე პასუხისმგებლობა მხოლოდ მას უწევს, ბრალდება ის რაც შინჯიკაშვილის და "მოხალისეთა" ჩადენილია.გვარამიას თქმით, პროტესტი გახდა სოციუმი. შინაგანი სამოქალაქო ვალდებულება, რაც აღარ შეიცვლება. ეს არ და ვერ გაქრება. შიში გარდაიქმნა ერთადერთ ენერგიად - ბრაზად, რომელიც შიშს ამარცხებს. ერთი გზაა მხოლოდ , გზა გამარჯვებისკენ. რეპრესირებული მანქანა გაძლებაზეა, სამოქალაქო საზოგადოება დათმობას არ აპირებს.

1734461880

სულ, 13 მილიონზე მეტია გატარებული. ამ დროისთვის ჯამური ვალდებულებები 5.807 მლრდ აშშ დოლარია.საკრედიტო საინფორმაციო ბიუროს ბაზას, გზავნილებზე ინფორმაცია, 01.03.2023 -დან დაემატა.რეგისტრაცია ბენეფიციარის სურვილით ხდება და გზავნილის მიმღებთა 95% კრედიტინფოსთან თანამშრომლობას არჩევს.სულ, უნიკალურ პირთა რაოდენობა 300 000 -მდეა.ბაზის გაფართოება ემსახურება სესხზე ხელმისაწვდომობის გაზრდას, გზავნილების მიმღები პირებისთვის.რეგულირების წესში სებ-მა ცვლილებები 2022-ის შემოდგომაზე შეიტანა (03/2023-დან ამოქმედდა) და გზავნილის მიმღებს, ბანკის, მისოს, სგს თუ psp-ის მომხმარებელს, თუ უნდა, ბიუროს მიაწოდებს ინფორმაციას. საგადახდო მომსახურების პროვაიდერები (PSP) კრედიტინფოს, წელს, მარტიდან მიუერთდნენ.

1734452220

ევროპარლამენტის პრესრელიზში აღნიშნულია, რომ მას შემდეგ, რაც მთავრობამ 2024 წლის ოქტომბრის სადაო საპარლამენტო არჩევნების შემდეგ გადაწყვიტა, ქვეყნის ევროკავშირში გაწევრიანების პროცესი, მასშტაბური საპროტესტო გამოსვლები დაიწყო.სალომე ზურაბიშვილმა განაცხადა, რომ არჩევნები, რომელშიც მმართველმა პარტიამ, გამარჯვების შესახებ განაცხადა, იყო თაღლითური და მოპარული.2024 წლის 28 ნოემბერს მიღებულ რეზოლუციაში ევროპარლამენტარებმა უარყვეს საქართველოში საპარლამენტო არჩევნების შედეგი და მოითხოვეს  ხელახალი ჩატარება წლის განმავლობაში.ზურაბიშვილს საპრეზიდენტო ვადა 29 დეკემბერს ეწურება და "ოცნების" ახალი მოწვევის პარლამენტმა ცოტა ხნის წინ მის მემკვიდრედ მიხეილ ყაველაშვილი დანიშნა. 

1734451380

დემოკრატიისა და დემოგრაფიის საკითხებში ევროკომისიის ვიცე-პრეზიდენტი დუბრავკა შუიცა„თითქმის სამი კვირაა, ქართველი ხალხი საპროტესტო აქციებს აწყობს ქვეყნის მასშტაბით, რათა დაიცვან მათი დემოკრატიული და ევროპული მომავალი. უპრეცედენტო პროტესტი მოჰყვა საქართველოს მთავრობის განცხადებას მათი გადაწყვეტილების შესახებ, არ დაიწყონ ევროკავშირთან გაწევრიანების შესახებ მოლაპარაკებები 2030 წლამდე. ეს ნაბიჯი არის საქართველოს წინა მთავრობების პოლიტიკიდან და საქართველოს მოსახლეობის უმრავლესობის მისწრაფებიდან აშკარა გადახვევა. ეს ასევე პირველი შემთხვევაა, როცა ვხედავთ, რომ ქვეყანა, რომელსაც კანდიდატის სტატუსი აქვს მინიჭებული, სწრაფად და საგრძნობლად უხვევს ევროპული გზიდან. საქართველოში სიტუაცია უარესდება. ბოლო 2 კვირის განმავლობაში 450-ზე მეტი ადამიანი დააკავეს, დაახლოებით, 300-მა ძალადობა და არასათანადო მოპყრობა განიცადა, ბევრს სასწრაფო სამედიცინო დახმარება დასჭირდა. პოლიციამ 400 ადამიანი ადმინისტრაციულ, 30-ზე მეტი კი სისხლის სამართლის დანაშაულში დაადანაშაულა, თუმცა სამართალდამცავი სტრუქტურებიდან, ან არაოფიციალური მოძალადე ჯგუფებიდან არავის დაჰკისრებია პასუხისმგებლობა ძალის გადამეტებული გამოყენების გამო“, - აღნიშნა დუბრავკა შუიცამ.მისი თქმით, ეს არ არის იზოლირებული ინციდენტები, არამედ საქართველოს დემოკრატიული უკუსვლის ნიმუშის ნაწილია.„26 ოქტომბრის საპარლამენტო არჩევნების წინ, რომლებიც სერიოზული დარღვევებით აღინიშნა, ხელისუფლებამ მიიღო „უცხოური გავლენის გამჭვირვალობის შესახებ“ კანონი და ასევე ე.წ. „ოჯახური ღირებულებების“ საკანონმდებლო პაკეტი, ორივე აღნიშნული საკანონმდებლო ინიციატივა ევროპულ ღირებულებებსა და ნორმებს ეწინააღმდეგება, ივნისში, ჩვენ ვუპასუხეთ გარკვეული ზომებით, მათ შორის, პოლიტიკური კონტაქტების შემცირებით და დახმარების შეწყვეტით - 30 მილიონი ევრო ევროპის სამშვიდობო ფონდის ფარგლებში და 121 მილიონი ევრო მთავრობის პირდაპირი დახმარების სახით - შეჩერდა საქართველოს გაწევრიანების პროცესი. საქართველოს მთავრობამ მოქმედების კურსი არ შეცვალა. დრო იყო ევროკავშირს გადამწყვეტი და ერთიანი რეაგირება მოეხდინა. ეს არის ის, რის გაკეთებასაც ჩვენგან ქართველი ხალხი ელის.ძალადობაზე პასუხისმგებელმა პირებმა პასუხი უნდა აგონ და ხელისუფლებამ უნდა გადადგას სასწრაფო ნაბიჯები რეპრესიების შესაჩერებლად, დაკავებული დემონსტრანტების გასათავისუფლებლად და ხელახლა ჩაერთოს გაწევრიანების პროცესში“, - აღნიშნა დუბრავკა შუიცამ.ევროპარლამენტარი ტობიას კრემერი„თბილისიდან ახლახან დავბრუნდი და რაც იქ ვნახე, სიმართლე გითხრათ, გამაოგნებელი იყო. მთავრობა, რომელიც გაყალბებული არჩევნების შემდეგ საკუთარი მოსახლეობის წინააღმდეგ მკაცრ ზომებს იღებს და ცდილობს ევროპული დემოკრატია ბელარუსული სტილის ავტორიტარულ რეჟიმად აქციოს კრემლის ჩრდილის ქვეშ. ეს რუსული სახელმძღვანელოა, კარგად ნაცნობი დეზინფორმაციის, მანიპულირების, ძალადობისა და წამების შესახებ. მაგრამ, კოლეგებო იმან, რაც საქართველოში ვნახე იმედი მომცა. ათობით ათასი ადამიანი ყოველდღე ქუჩებში გამოდის და თავისუფლებისთვის, დემოკრატიისთვის და საქართველოსთვის იბრძვის, თან ევროკავშირის დროშას აფრიალებს. ეს დროშა მათთვის თავისუფლების სიმბოლოა“, - განაცხადა ტობიას კრემერმა.მისივე თქმით, დროა, ევროპამ ქართველი ხალხის მხარდასაჭერად იმოქმედოს.„ვიზიტის დროს ხალხი ევროკავშირის დროშებით გვესალმებოდა, მაგრამ ასევე, გვეკითხებოდა, თუ სად არის ევროპა ამ ჭეშმარიტების მომენტში? კოლეგებო, ახლა ქართველები ჩვენ შემოგვყურებენ და არა მხოლოდ ქართველები, არამედ უკრაინელები და მოლდოველებიც, რომლებიც ახლა თავისუფლებისთვის იბრძვიან. ასე რომ, მოდით მათ ვაჩვენოთ, რომ საჭიროების მომენტში ევროპას მოქმედება შეუძლია. მოდით, დავუწესოთ სანქციები მათ, ვინც საკუთარი მოსახლეობის წინააღმდეგ მკაცრ ზომებს იღებს. მოდით, ამ დარბაზში საქართველოს პრეზიდენტს, სალომე ზურაბიშვილს მივესალმოთ და მოდით, ქართველ ხალხს მხარი დავუჭიროთ ახალი არჩევნების მოთხოვნაში, ევროპისკენ და თავისუფლებისკენ გზაზე და იმ ღირებულებებისთვის ბრძოლაში, რომელსაც ევროკავშირის დროშა გამოხატავს“, - აღნიშნა გერმანელმა ევროპარლამენტარმა.პოლონელი ევროპარლამენტარი გოშევსკა„კვირების განმავლობაში ათასობით ქართველი გამოდის ქუჩებში „ქართული ოცნების“ პოლიტიკის წინააღმდეგ, პრორუსული პარტიის, რომელიც პირდაპირ უბიძგებს ქვეყანას რუსეთის მკლავებისკენ. დაპატიმრებები, ძალადობა ევროკავშირთან ურთიერთობის გაყინვა არის ხელისუფლების პასუხი ქართული საზოგადოების მიმართ. საპროტესტო აქციები იმართება სლოგანის - „გაიღვიძე საქართველო“-ს ქვეშ, რაც, ვიტყოდი, რომ არის „გაიღვიძე ევროპა“ და დავდგეთ მომიტინგეების გვერდით“, - აღნიშნა პოლონელმა ევროპარლამენტარმა.მან საგარეო პოლიტიკისა და უსაფრთხოების საკითხებში ევროკავშირის უმაღლეს წარმომადგენელს, ევროკომისიის ვიცე-პრეზიდენტს, კაია კალასს მიმართა, რომელმაც გუშინ, ევროკავშირის საგარეო საქმეთა მინისტრების შეხვედრამდე საქართველოზე საუბრისას განაცხადა, რომ „29 დეკემბრამდე ბევრი რამ შეიძლება მოხდეს“.„ქალბატონო კალას, რას ნიშნავს, „ბევრი რამ შეიძლება მოხდეს 29 დეკემბრამდე?“ რას ელოდებით? სისხლის დაღვრას, პრეზიდენტ ზურაბიშვილის დაპატიმრებას, რაც მათ პრეზიდენტ სააკაშვილს გაუკეთეს? თქვენ თქვით, რომ იმ ადამიანების სია, რომლებსაც სანქციები უნდა დაუწესდეთ, უკვე მზადაა, მაშინ გააკეთეთ ეს, მინიმუმ გააკეთეთ ეს! უნდა ვიმოქმედოთ დალოდების გარეშე, ქართველები თავიანთი მომავლისთვის იბრძვიან, მოდით, დავეხმაროთ მათ“, - აღნიშნა პოლონელმა ევროპარლამენტარმა.ევროპარლამენტარი ნატალი ლუაზო„ძვირფასო კოლეგებო, თუ არ გესმით, რას ამბობენ მომიტინგეები თბილისში ყოველ ღამით, ნება მომეცით, გითხრათ, მე მივედი მათთან შესახვედრად. მათ არჩევნები მოპარეს, გააყალბეს, მათ თავისუფლებას პარავენ. ისინი გამუდმებით იმეორებენ, რომ საქართველო არის ევროპა და არა რუსეთი. ძვირფასო კოლეგებო, დავბრმავდით და ვერ ვხედავთ რეპრესიებს ამ მშვიდობიანი მომიტინგეების წინააღმდეგ? მათ დაპატიმრებას, ცემას. ჟურნალისტებსა და ოპოზიციის წევრებს ციხეში უშვებენ, ვხედავთ ღრუბელს ქვეყანაზე, მოსკოვთან დაკავშირებას. ვართ მნიშვნელოვანი? არ დავუწესებთ სანქციებს „ქართული ოცნების“ დონორებს, ვისაც სურთ საქართველო რუსეთად გადააქციონ? პრეზიდენტმა მეცოლამ სალომე ზურაბიშვილი იქნა ევროპარლამენტში მოიწვია. ქალბატონი ზურაბიშვილი თავისი ქვეყნის დემოკრატიული მომავლისთვის იბრძვის. მან პლენარულ სხდომაზე უნდა ისაუბროს. საქართველო მიეკუთვნება ჩვენი ევროპული დემოკრატიის სახლს. მათ ვისაც ჩვენი სჯერა ევროპის, ჩვენი უნდა დავუმტკიცოთ, რომ მართლები არიან, რომ ჩვენო სჯერათ“, – განაცხადა ლუაზომ.ნიდერლანდელი ევროპარლამენტარი"საქართველოს ნამდვილი ოცნება ევროპულია", - ამის შესახებ ნიდერლანდელმა ევროპარლამენტარმა, რაინიე ვან ლანშოტმა ევროპარლამენტში საქართველოს შესახებ გამართულ დებატებზე სიტყვით გამოსვლისას განაცხადა.მისი თქმით, პარტია „ქართული ოცნება“ რუსულ კოშმარად გადაიქცა.„ამ კოშმარის ლიდერებმა ხალხის ხმა მოიპარეს არჩევნებით, რომელიც არც თავისუფალი და არც სამართლიანი ყოფილა და ევროკავშირისკენ გზის გადაკეტვით ხალხს იმედი მოპარეს. ისინი არალეგიტიმურები და არაკონსტიტუციურები არიან, მაგრამ ნიღბები ჩამოხსნილია და მათ ნამდვილი სახე აჩვენეს. სახე, რომელიც ქართველმა ხალხმა კარგად იცის, რუსული ჩაგვრის სახე“, - განაცხადა რაინიე ვან ლანშოტმა.მისივე თქმით, დემონსტრანტების, ჟურნალისტებისა და ოპოზიციის ლიდერების წინააღმდეგ ძალადობის მიუხედავად ქართველი ხალხი არ ნებდება.„მოსახლეობის 7% ყოველდღიურად საპროტესტო აქციებზე გამოდის. გასულ ხუთშაბათს ამ აქციების მონაწილეებთან ერთად გავიარე და ისინი ახალ არჩევნებს ითხოვენ. ერთი წლის წინ საქართველომ ევროკავშირის კანდიდატის სტატუსი მოიპოვა არა მისი ხელისუფლების, არამედ ხალხის გამო და ეს ხალხი დღეს ჩვენგან მოქმედებას ელის, მაშ როგორ დავეხმაროთ მათ?! სანქციები დავუწესოთ „ქართული ოცნების“ ლიდერებს, მათ მხოლოდ საკუთარი სიმდიდრე აინტერესებთ, დავაფინანსოთ დამოუკიდებელი მედია და დემოკრატიის სხვა დამცველები, მხარი დავუჭიროთ სალომე ზურაბიშვილს, საქართველოს ერთადერთ ლეგიტიმურ პრეზიდენტს, რომელიც 29 დეკემბრის შემდეგაც ლეგიტიმური იქნება. როგორც ერთმა დემონსტრანტმა მითხრა, საქართველოს ნამდვილი ოცნება ევროპულია“, - აღნიშნა ევროპარლამენტარმა.

1734439112

მანამდე საპროტესტო აქციის მონაწილეები ვასო აბაშიძის სახელობის ახალ თეატრთან გაჩერდნენ და დაპატიმრებულ მსახიობებს და სხვა პირებს მხარდაჭერა გამოუცხადეს სკანდირებით: „თავისუფლება რეჟიმის პატიმრებს!“, „საქართველოს გაუმარჯოს!“.საპროტესტო მსვლელობაში ცნობილი მზარეულები, აქტივისტები, სტუდენტები და მოქალაქეები მონაწილეობენ, სხვადასხვა შინაარსის ბანერებით: „არჩევნები!“, „რუსეთის ხინკალნაია არ გავხდებით!“, „ცეცხლი ჭამეთ!“, „არ გამოვკვებავთ რეპრესიულ რეჟიმს“ და სხვ.აქციის მონაწილეები ტაფებით და ქვაბებით არიან აღჭურვილი.საქართველოს მოქალაქეები „ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.საპროტესტო გამოსვლები დედაქალაქში და ქვეყნის რამდენიმე ქალაქში უწყვეტად უკვე 20 დღეა მიმდინარეობს.ასევე, დღის განმავლობაში დედაქალაქის ქუჩებში სხვადასხვა უბნიდან სხვადასხვა სფეროს წარმომადგენელთა საპროტესტო მსვლელობაც არის დაგეგმილი.აქციათა ციკლის მოთხოვნები უცვლელია - ხელახალ არჩევნების ჩატარება და საპროტესტო აქციების დროს დაკავებული დემონსტრანტების გათავისუფლება.

1734435924

ანალიზის მიხედვით, წელს ნოემბერში, სურსათზე უნაღდო დანახარჯები წლიურად 22%-ით გაიზარდა, ხოლო თიბისი ბანკის არხებით საშუალო ტრანზაქციის მოცულობამ (საშუალო ჩეკმა) 16 ლარი შეადგინა. როგორც კვლევაშია აღნიშნული, ამავე პერიოდში სურსათსა და უალკოჰოლო სასმელებზე ინფლაცია 3.1%-ით გაიზარდა.რაც შეეხება სხვადასხვა სექტორში უნაღდო დანახარჯებს, მიმოხილვის მიხედვით, წელს ნოემბერში, თიბისი ბანკის არხებით, სასტუმროებში უნაღდო დანახარჯების წლიური ზრდის ტემპი 42%-ს გაუტოლდა. ამასთან, საანგარიშო პერიოდში, საშუალო ტრანზაქციის მოცულობა 359 ლარამდე შემცირდა, როცა გასულ თვეში მონაცემებმა მიმდინარე წლის პიკს მიაღწია და 441.4 ლარი შეადგინა.კვლევის თანახმად, არარეზიდენტების უნაღდო დანახარჯები, თიბისი ბანკის არხებით, ნოემბერში წლიურად 39%-ით გაიზარდა.„თიბისი კაპიტალის“ მიხედვით, წელს საანგარიშო პერიოდში, რესტორნებსა და კაფეებში უნაღდო დანახარჯები თიბისი ბანკის არხებით წლიურად 57%-ით გაიზარდა. რაც შეეხება საშუალო დანახარჯს ერთეულ ტრანზაქციაზე, მაჩვენებელი სექტემბრიდან მოყოლებული მცირდებოდა და ნოემბერში 31 ლარი შეადგინა. ხოლო, გართობის სექტორში, მიმდინარე პერიოდში თიბისი ბანკის არხებით უნაღდო დანახარჯებში 7%-ანი წლიური ზრდა დაფიქსირდა.მონაცემების თანახმად, ნოემბერში თიბისი ბანკის არხებით უნაღდო დანახარჯების წლიური ზრდა ტანსაცმელსა და აქსესუარებზე 27%-ს გაუტოლდა. როგორც „თიბისი კაპიტალი“ აღნიშნავს, 29 ნოემბრის „შავი პარასკევის“ შემოთავაზებებმა მნიშვნელოვანი გავლენა იქონია საშუალო ტრანზაქციის მოცულობაზე, რომელმაც 122 ლარი შეადგინა, რაც 2023 წლიდან მოყოლებული ყველაზე მაღალი მაჩვენებელია.რაც შეეხება სხვა საცალო მაღაზიებს, უნაღდო დანახარჯების მოცულობა, თიბისი ბანკის არხებით, წლიურად 27%-ით გაიზარდა.

1734431088

„2024 წლის 8 დეკემბერს, ირაკლი კობახიძემ განაცხადა, რომ იგეგმებოდა კანონის მიღება, „რომლითაც აიკრძალება შეკრებაზე შეკრების მონაწილეების მიერ, მათ შორის კონტრშეკრების მონაწილეების მიერ, სხვადასხვა საშუალებით სახის დაფარვა“. მისი განცხადებით, კანონის მიზანი ძალადობის პრევენციაა.უპირველესად, აღსანიშნავია ის, რომ მიმდინარე საპროტესტო აქციებზე ადამიანების აბსოლუტური უმრავლესობა არის მშვიდობიანი. ამას ადასტურებს ეუთო და ევროპის საბჭოს ადამიანის უფლებების კომისარი. საკუთარ შეფასებებში. ხოლო ის კრიმინალური, ნიღბიანი დაჯგუფებები, რომელიც ირაკლი კობახიძემ „კონტრაქციის მონაწილეებად“ მოიხსენია, არიან სახელმწიფოსთან დაკავშირებული პირები, რომლებიც სახელმწიფოს თანხმობით/ხელშეწყობით მოქმედებენ, რაზეც მიუთითებს მათ მიერ განხორციელებულ ძალადობაზე პოლიციის უმოქმედობაც. ამას ადასტურებს, ასევე, საერთაშორისო უფლებადაცვითი ორგანიზაცია, Amnesty International, თავის შეფასებაში.რაც შეეხება უშუალოდ ნიღბების აკრძალვას: აღნიშნული ინიციატივა, რომელიც 13 დეკემბერს პარლამენტის მიერ უკვე მესამე მოსმენით იქნა მიღებული, ადამიანის უფლებების საწინააღმდეგოდ მიმართული მორიგი ნაბიჯია, რომელიც მიზნად ისახავს მშვიდობიანი პროტესტის მონაწილეთა წინააღმდეგ რეპრესიული მექანიზმების გამოყენების გაადვილებას. ცვლილებების მიხედვით, სახის ნიღბით ან ნებისმიერი სხვა საშუალებით დაფარვა, იქნება ადმინისტრაციული სამართალდარღვევა, რომელიც გამოიწვევს დაჯარიმებას 2000 ლარით.ხაზგასასმელია, რომ აქციის მონაწილეების მიმართ ანგარიშსწორების, კრიმინალური დაჯგუფებების მიერ მათზე შეტევის, სამართალდამცავების მხრიდან უსაფუძვლო დაკავების, მათ შორის, სახლებიდან და ოფისებიდან მათი უკანონო გადაყვანის და საჯარო სამსახურებში არსებული ზეწოლის გათვალისწინებით, ნებრივია, რომ მშვიდობიანი აქციის მონაწილეები აქციაზე ყოფნის დროს საკუთარი იდენტობის დაფარვას ცდილობენ, რათა თავიდან აიცილონ უკანონო, რეპრესიული ანგარიშსწორება, ამასთან, თავი დაიცვან იმ ქიმიური გამაღიზიანებლებისგან, რომელთა შემადგენლობასაც შსს არ ასაჯაროებს და რომლებსაც შსს უკანონოდ და არაპროპორციულად იყენებს.განსაკუთრებით ამ პირობების გათვალისწინებითაც, შეკრებების და მანიფესტაციების დროს ნიღბის ტარებაზე ბლანკეტური აკრძალვა არღვევს როგორც შეკრების, ასევე გამოხატვის თავისუფლებას და ეწინააღმდეგება საქართველოს კონსტიტუციასა და საქართველოს საერთაშორისო ხელშეკრულებებს ადამიანის უფლებების სფეროში.საკანონმდებლო ცვლილების დეტალური ანალიზის მხრივ, აღსანიშნავია, რომ რუსეთში ამოქმედებული მსგავსი საკანონმდებლო რეგულაციის შესახებ, ვენეციის კომისიამ განმარტა, რომ მშვიდობიან შეკრებისას ნებისმიერი ნიღბის ტარებაზე ბლანკეტური აკრძალვა წარმოადგენს შეკრების თავისუფლებაზე არაპროპორციულ შეზღუდვას. ვენეციის კომისიისა და ეუთო/ოდირის მიხედვით, არ უნდა არსებობდეს ბლანკეტური ან რუტინული აკრძალვა შეკრებაზე ნიღბის ტარებასთან დაკავშირებით.შეკრებაზე ნიღბის ტარება შესაძლოა იყოს გამოხატვის და კომუნიკაციის ფორმა, რომელიც დაცულია სიტყვისა და შეკრების თავისუფლებებით.ნიღბის ტარება შესაძლოა დაკავშირებული იყოს სხვა ლეგიტიმურ მიზანთან, მაგალითად, ემსახურებოდეს შემდგომი ანგარიშსწორებისაგან თავდაცვას.დემონსტრაციაზე ნიღბის ტარება არ უნდა იყოს აკრძალული, თუ არ არსებობს მყისიერი ძალადობის აშკარა მტკიცებულება.პირს არ უნდა მოსთხოვონ, მოიხსნას ნიღაბი, თუ მისი ქცევა არ ქმნის სავარაუდო დაკავების საფუძველს.მშვიდობიანი შეკრებისა და გაერთიანების უფლების საკითხებში გაეროს სპეციალური მომხსენებლის ანგარიშის მიხედვით, ასეთი შეზღუდვა ხშირად გამოიყენება კონკრეტული ჯგუფების მიზანში ამოსაღებად და მათი შეკრების თავისუფლების არასათანადოდ შესაზღუდად. სპეციალური მომხსენებლის მიხედვით, არსებობს ლეგიტიმური და არაკრიმინალური მიზნები, რის გამოც დემონსტრანტები ნიღბებს ატარებენ, მათ შრის, აქციაში მონაწილეობის გამო ანგარიშსწორების შიში.მსგავსი ბლანკეტური აკრძალვა შეუთავსებელია ადამიანის უფლებების ევროპული სასამართლოს პრაქტიკასთანაც. ადამიანის უფლებების ევროპულმა სასამართლომ საქმეზე Ibragimova v. Russia, დაადგინა მე-10 მუხლის (გამოხატვის თავისუფლება) დარღვევა მე-11 მუხლის (შეკრების თავისუფლების) შუქზე, რადგანაც ეროვნულმა ორგანოებმა სოლო დემონსტრაციის მოწყობისას ნიღბის ტარების გამო პირს ბლანკეტურად დააკისრეს ადმინისტრაციული პასუხისმგებლობა, ინდივიდუალური გარემოებების შეფასების გარეშე. შესაბამისად, კანონმდებლობაში შესული ცვლილებები ცალსახად ეწინააღმდეგება საერთაშორისო სტანდარტებს.აღნიშნული ინიციატივა განსაკუთრებით ცინიკურია მაშინ, როდესაც შინაგან საქმეთა სამინისტრო, საერთაშორისო სტანდარტის საწინააღმდეგოდ, არ უზრუნველყოფს სპეციალური რაზმის წევრების მაიდენტიფიცირებელი ნიშნებით აღჭურვას, რაც მათ დაუსჯელობას იწვევს და ძალადობას ახალისებს.აქედან გამომდინარე, აშკარაა რომ „ქართული ოცნება“ ამ ცვლილებით ცდილობს ადამიანები კიდევ უფრო დაუცველი გახადოს იმ ტერორის მიმართ, რომლის დამყარებაც ლეგიტიმური და მშვიდობიანი პროტესტის ჩასახშობად სურს“, – აცხადებს საია.

1734429322

პრემიერის თქმით, ყველა გაურბის დისკუსიას და მიზეზი არის ის, რომ მათ იციან, სად არის სიმართლე.„რამდენჯერაც გავაკეთე ასეთი განცხადება, იმდენჯერ მივიღე დუმილი პასუხად. მიზეზი არის მარტივი - სიმართლე სადაც არის, ყველამ ძალიან კარგად იცის, უბრალოდ, ვიღაცებს აქვს ეს პოლიტიკური, რაღაც რელიგიური რწმენა, რომ სააკაშვილი, გვარამია, ხაზარაძე და გახარია არიან უკეთესები. ამ რწმენას რა შეიძლება ვუყოთ, ჩვენ არ ვიცით, მაგრამ კიდევ ერთხელ, საჯარო დისკუსია ეს არის ის, რასაც ვთავაზობთ ამ ადამიანებს, უკვე ორ კვირაზე მეტია, თუმცა, ვხედავთ, რომ ჩვენს ოპონენტებს ზუსტად ისე ეშინიათ ამ დისკუსიის, როგორც ეშმაკს ჯვრის", - განაცხადა პრემიერმა.

1734426417