კობახიძე უზბეკეთში გაემგზავრა

ტრენინგი სპეციალურად ბიზნესების წარმომადგენლებისთვის შეიქმნა და მიზნად ისახავს რელევანტურ ინფორმაციის გაზიარებას კლიმატის ცვლილებასთან დაკავშირებული რისკების მიმართულებით. ტრენინგის შემდეგ, ბიზნესსექტორის წარმომადგენლებს ექნებათ ცოდნა მდგრადი ბიზნესმოდელების, მათი უპირატესობებისა და მოსალოდნელი სარგებლის შესახებ. ამასთანავე, კურსი დაეხმარება ბიზნესებს მათ საქმიანობაში მდგრადობის ხელშემწყობი ფაქტორების ინტეგრირებაში.თიბისის ESG აკადემიის სპეციალური კურსი ორიენტირებულია მონაწილეებისთვის არამარტო თეორიული ცოდნის მიწოდებაზე, არამედ მასში ინტეგრირებულია თანამედროვე სწავლების მიდგომები, რომლებიც მიღებული ინფორმაციის პრაქტიკაში გამოყენებას ისახავს მიზნად.ტრენინგის პირველ ნაწილში, შემეცნებითი სამაგიდო თამაშების, ვიდეოების, პრაქტიკული სავარჯიშოებისა და თეორიული მასალების საშუალებით, ბიზნესის წარმომადგენლები მიიღებენ ინფორმაციას ისეთ საკითხებზე, როგორებიცაა: ნარჩენების მართვა და ცირკულარული ეკონომიკა, სათბური აირები, მდგრადი ურბანიზაცია, მდგრადი სოფლის მეურნეობა, კლიმატის ცვლილება და მისი შედეგები საქართველოს რეგიონებზე და სხვა. ტრენინგის მეორე ნაწილი კი დაეთმობა მონაწილეებისთვის კონკრეტულ ეკონომიკურ სექტორებზე მორგებული ინფორმაციის მიწოდებას.ESG აკადემიის კურსზე დასწრების უნიკალური შესაძლებლობა თიბისის ბიზნესმომხმარებლებს აქვთ, რისთვისაც მათ რეგისტრაცია უნდა გაიარონ შემდეგ ბმულზე: დარეგისტრირდი 🌏 ESG აკადემიაESG აკადემიის პირველი კურსის განსახორციელებლად, თიბისიმ მხარდაჭერა ორი ევროპული ფონდის ტექნიკური დახმარების პროგრამის ფარგლებში მოიპოვა - EFSE Development Facility (DF) და GGF Technical Assistance Facility (TAF). ტრენინგ პროგრამა კი, თიბისისა და „დეველორის“ აქტიური თანამშრომლობით შეიქმნა. პროგრამა ეფუძნება მდგრადობის მიმართულებით თიბისიში არსებულ ცოდნასა და კომპეტენციას, რომლებიც ტრენინგში გადმოტანილია „დეველორის“ გამოცდილი სწავლების მეთოდების გამოყენებით. თიბისის ESG აკადემია პირველი გრძელვადიანი საგანმანათლებლო პლატფორმაა, რომელიც მონაწილეებს ყველა ტრენინგ პროგრამას სრული დაფინანსებით, ქართულ ენაზე სთავაზობს.

1741250970

ზრდის ტენდენციით ხასიათდება ბიზნეს სექტორის პროდუქციის გამოშვების მაჩვენებელიც. 2024 წლის IV კვარტალში მისი მოცულობა ₾23.5 მლრდ-ით განისაზღვრა, რაც გასული წლის შესაბამისი პერიოდის მაჩვენებელზე 10.8 %-ით მეტია.საქსტატის მონაცემებით, 2024 წლის IV კვარტალში ბიზნეს სექტორის ბრუნვის მოცულობის 67.6% მსხვილ ბიზნესზე მოდიოდა, 14.9% - საშუალოზე, ხოლო 17.5% კი - მცირე ბიზნესზე.მცირედით განსხვავებული განაწილება იყო პროდუქციის მთლიანი გამოშვების შემთხვევაში: მსხვილ ბიზნესზე მოდიოდა პროდუქციის გამოშვების 43.8%, საშუალოზე - 25.1%, ხოლო მცირე ბიზნესზე - 31.1%.2024 წლის IV კვარტალში საწარმოთა მიერ განხორციელებულმა საქონლისა და მომსახურების მთლიანმა ყიდვებმა 33.2 მილიარდი ლარი (გასული წლის შესაბამის პერიოდთან შედარებით 8.6%-ით მეტი), ხოლო გადასაყიდად განკუთვნილი საქონლისა და მომსახურების ყიდვებმა - 18.8 მილიარდი ლარი (გასული წლის შესაბამის პერიოდთან შედარებით 0.6%-ით ნაკლები) შეადგინა.2024 წლის IV კვარტალში ბიზნეს სექტორში დასაქმებულთა საშუალო რაოდენობა 811.8 ათასი კაცით განისაზღვრა, რაც გასული წლის შესაბამისი პერიოდის მაჩვენებელზე 3.8%-ით მეტია. დასაქმებულთა მთლიანი რაოდენობიდან 43.7% ქალი იყო, ხოლო 56.3% - კაცი.დასაქმებულთა მთლიანი რაოდენობის 41.7% მსხვილ ბიზნესზე მოდიოდა, 21.5% - საშუალოზე, ხოლო 36.9% - მცირე ბიზნესზე. საანგარიშო პერიოდში, დაქირავებულთა მთლიანმა რაოდენობამ 764.2 ათასი კაცი შეადგინა (გასული წლის შესაბამის პერიოდთან შედარებით 3%-ით მეტი), ხოლო საწარმოთა მთლიანი დანახარჯები პერსონალზე 5 536.6 მილიონი ლარით განისაზღვრა (გასული წლის შესაბამის პერიოდთან შედარებით 10.9 პროცენტით მეტი).2024 წლის IV კვარტალში, ბიზნეს სექტორში დაქირავებით დასაქმებულთა საშუალო თვიური ხელფასი 2 367.0 ლარს გაუტოლდა (გასული წლის შესაბამისი პერიოდის მაჩვენებელთან შედარებით გაზრდილია 170.8 ლარით), ხოლო მათ შორის ქალების ხელფასმა 1 847.3 ლარი შეადგინა (გასული წლის შესაბამისი პერიოდის მაჩვენებელთან შედარებით გაიზარდა 159.7 ლარით).საწარმოთა ზომის მიხედვით საშუალო თვიური ხელფასი კი შემდეგნაირია: მსხვილი ბიზნესი – 2 466.2 ლარი საშუალო ბიზნესი – 2 750.1 ლარი მცირე ბიზნესი – 1 969.8 ლარი 2024 წლის IV კვარტალში ბიზნეს სექტორის ბრუნვის მოცულობის სტრუქტურაში ყველაზე მაღალი წილი - 35.1 პროცენტი მოდის ხელოვნება, გართობა და დასვენების დარგზე, მეორე ადგილზეა ვაჭრობა (ავტომობილების და მოტოციკლების რემონტის ჩათვლით) 33.7%-იანი წილით, შემდეგ მოდის მშენებლობა - 7%-იანი წილით, დამამუშავებელი მრეწველობა - 6.9%-იანი წილით, ტრანსპორტი და დასაწყობება - 4.6%-იანი წილით, ხოლო 12.7% დანარჩენ დარგებზე ნაწილდება:2024 წლის IV კვარტალში ბიზნეს სექტორის პროდუქციის გამოშვებაში პირველ და მეორე ადგილებს იკავებს მშენებლობა (20.5%) და ვაჭრობა (18.6%), შემდეგ მოდის დამამუშავებელი მრეწველობა (17.6%) და ტრანსპორტი და დასაწყობება (9.5%), ხოლო დანარჩენ დარგებს სტრუქტურაში 33.8%-იანი წილი უჭირავს.2024 წლის IV კვარტალში დასაქმებულთა რაოდენობის მიხედვით ბიზნეს სექტორში ვაჭრობის (საბითუმო და საცალო ვაჭრობა; ავტომობილების და მოტოციკლების რემონტი), დამამუშავებელი მრეწველობისა და ჯანდაცვის და სოციალური მომსახურების საქმიანობების დარგები ლიდერობენ შესაბამისად, 28.5, 11.3 და 9.2%-იანი წილებით. სტრუქტურაში მნიშვნელოვანი წილი მოდის მშენებლობის (8.6%), ტრანსპორტისა და დასაწყობების (8.2%), აგრეთვე ინფორმაცია და კომუნიკაციის (6.2%) და განთავსების საშუალებებით უზრუნველყოფის და საკვების მიწოდების საქმიანობების (5.3%) დარგის საწარმოებზეც:საქსტატის მონაცემებით, დასაქმებულთა რაოდენობა რეგიონების მიხედვით შემდეგნაირად ნაწილდება:  ქ. თბილისი – 66.5%; აჭარის ა.რ. – 9.3%; იმერეთი – 6.2%; ქვემო ქართლი – 5.4%; სამეგრელო-ზემო სვანეთი – 3.3%; კახეთი - 2.7%; შიდა ქართლი - 2.2%; მცხეთა-მთიანეთი - 1.7%; სამცხე-ჯავახეთი - 1.5%; გურია - 0.9%; რაჭა-ლეჩხუმი და ქვემო სვანეთი - 0.2%.

1741247173

შეთანხმებას საქართველოს ეროვნული ბანკის პრეზიდენტმა ნათია თურნავამ და აზერბაიჯანის რესპუბლიკის ცენტრალური ბანკის პრეზიდენტმა ტალეჰ კაზიმოვმა მოაწერეს ხელი.მემორანდუმით მხარეები თანხმდებიან ორი ქვეყნის ფინანსური სექტორის რეგულირებისა და ზედამხედველობის სფეროში თანამშრომლობაზე, მათ შორის, ფინანსური ტექნოლოგიების, მონეტარული პოლიტიკის, საგადახდო სისტემების, ფასიანი ქაღალდების ბაზრის სფეროებში თანამშრომლობაზე.  მემორანდუმი ასევე ითვალისწინებს მხარეებს შორის გამოცდილების გაზიარების ხელშეწყობასა და ინფორმაციის გაცვლას ურთიერთმხარდამჭერ პრინციპებზე დაყრდნობით.„აზერბაიჯანის ცენტრალურ ბანკთან მჭიდრო თანამშრომლობა გვაკავშირებს. მნიშვნელოვანია, რომ ორ ქვეყანას შორის სულ უფრო ძლიერდება ეკონომიკური ურთიერთობები, ვაჭრობა და საბანკო/საფინანსო სექტორი უნდა გაყვეს ამ ტენდენციებს. ჩემს აზერბაიჯანელ კოლეგასთან შეხვედრისას შევთანხმდით, რომ გავაძლიეროთ ურთიერთთანამშრომლობა აქტუალური მიმართულებით. მათ შორის, საგადახდო სისტემების დაახლოების კუთხით, რაც ჩვენს საბანკო სისტემას  საშუალებას მისცემს  სწრაფად და ხარისხიანად უზრუნველყოს ვაჭრობის ნაკადები და ორ ქვეყანას შორის ურთიერთობები და ტრანზაქციები. ასევე მნიშვნელოვანია თანამშრომლობა ფინტექების, საფინანსო ტექნოლოგიების, კიბერუსაფრთხოების მიმართულებით. იქიდან გამომდინარე, რომ რეგიონში საერთო გამოწვევები გვაქვს,  ძალიან მნიშვნელოვანია გავცვალოთ ხედვები, გამოცდილება და  ინფორმაცია მაკროეკონომიკური პროგნოზების თვალსაზრისით. ვიმედოვნებთ, რომ შემდეგი ვიზიტი თბილისში დაიგეგმება და ეროვნულ ბანკს  ჩემი აზერბაიჯანელი კოლეგა ესტუმრება", - განაცხადა ნათია თურნავამ.

1741247153

მხოლოდ 8 მარტს, გალერია თბილისში, თიბისის პარტნიორ ობიექტებში 4 თვიანი განაწილებით გადახდისას, შეძენილი ნივთის საფასურის 30%, ჯამში მაქსიმუმ 100 ლარი, ერთგულის ლარის ანგარიშზე, 31 მარტის ჩათვლით დაგიბრუნდებათ.პარტნიორი ობიექტების ჩამონათვალი მრავალფეროვანია და თითქმის ყველა სასურველ კატეგორიას მოიცავს. ტანსაცმელი და ფეხსაცმელი: DKNY, VABENE, BENE SHOES, TRUSSARDI, FURLA, Patrizia Pepe, Superdry, Pinko, Lion of Porches, Marc O'Polo, Roman, Lee Wrangler, Levi’s, Gant, Guess, Lacoste, AW Lab, Atrio, Factory, The North Face, Timberland, Diesel, Pepe Jeans, Original Marines, Shoes Gallery საბავშვო: Jakadi, Okaidi, Mayoral, Kid's Gallery სამკაული და აქსესუარები: Delfos, Time, Pandora, Roniko სხვა: Samsonite, JYSK, ქალთა ბედნიერებაყიდვა აღარ გადადო, გააკეთე შენი სურვილების სია, 8 მარტს, თბილისი გალერიაში ეწვიე პარტნიორ მაღაზიებს და იშოპინგე მოგებიანად.

1741243941

მხარეებმა განიხილეს რეგიონული თანამშრომლობის გაძლიერების საკითხები მონეტარული პოლიტიკისა და ცენტრალური ბანკის საქმიანობის სფეროში. საუბარი შეეხო რეგიონალურ მაკროეკონომიკურ გარემოს, საფინანსო სექტორს და გეოპოლიტიკური ფაქტორების გავლენას მონეტარულ პოლიტიკაზე.საქართველოს მაკროეკონომიკურ პერსპექტივასა და მონეტარული პოლიტიკაზე საუბრისას ნათია თურნავამ აღნიშნა, რომ საქართველოს ეკონომიკა შოკების მიმართ კვლავ მდგრადია. ინფლაცია მიზნობრივ მაჩვენებელზე დაბალია და ეკონომიკური ზრდა მაღალია. ფასების სტაბილურობა სებ-ის მონეტარული პოლიტიკის ფრთხილი გადაწყვეტილებებით, მათ შორის, დროული გამკაცრებითა და შემდგომ თანდათანობითი შემსუბუქებით იქნა მიღწეული. როგორც სებ-ის პრეზიდენტმა აღნიშნა ინფლაცია მომდევნო თვეებში მიზნობრივ მაჩვენებელზე დაბლა დარჩება. ფინანსური სტაბილურობის პერსპექტივის თვალსაზრისით, საქართველოს საბანკო სექტორი მყარ მომგებიანობასა და ჯანსაღ საკრედიტო ზრდას ინარჩუნებს, რომელშიც ბიზნეს სესხების წვლილი უმნიშვნელოვანესია.ორი ქვეყნის ცენტრალური ბანკის წარმომადგენელთა შეხვედრაზე ყურადღება გამახვილდა ქვეყნებს შორის ფინანსური სერვისების განვითარების შესაძლებლობებზე, მათ შორის ტრანსსასაზღვრო გადახდების ეფექტიანობის გაუმჯობესების საკითხებზე. ამჟამად საქართველოს ეროვნული ბანკი მუშაობს საგადახდო ინფრასტრუქტურის მოდერნიზაციაზე, რათა ის უფრო სწრაფი და ეფექტური გახდეს. ეს არის ორი უმნიშვნელოვანესი პროექტი RTGS სისტემის განახლება და მყისიერი გადახდების სისტემის დანერგვა. მხარეები შეთანხმდნენ, რომ თანამშრომლობის ფარგლებში შეისწავლიან გადახდების მიმართულებით თანამშრომლობის შესაძლებლობებს, რათა მოხდეს ტრანზაქციების ხარჯების შემცირება და ეფექტურობის ზრდა.შეხვედრაზე მხარეებმა ფინტექ სფეროში რეგიონული თანამშრომლობის შესახებაც ისაუბრეს. აღსანიშნავია, რომ ბოლო წლებში ორივე ქვეყანამ ინოვაციების განვითარების მიმართულებით მნიშვნელოვანი ნაბიჯები გადადგეს. როგორც შეხვედრაზე აღინიშნა, ორი ქვეყნის ცენტრალურ ბანკს შორის თანამშრომლობის გაღრმავება ფინანსური სერვისების განვითარების ახალი ეტაპზე გადასვლას შეუწყობს ხელს.შეხვედრის დასრულების შემდეგ ნათია თურნავამ და ტალეჰ კაზიმოვმა ურთიერთთანამშრომლობის მემორანდუმს მოაწერეს ხელი.აზერბაიჯანის ცენტრალურ ბანკში შეხვედრას ესწრებოდა საქართველოს საგანგებო და სრულუფლებიანი ელჩი აზერბაიჯანის რესპუბლიკაში ზურაბ პატარაძე.შეხვედრას ასევე ესწრებოდნენ სებ-ის მაკროეკონომიკისა და სტატისტიკის დეპარტამენტის უფროსი თამთა სოფრომაძე, საბანკო ზედამხედველობის უფროსი ვახტანგ სიხარულიშვილი, საგადახდო სისტემების დეპარტამენტის უფროსი ნატალია ჭყოიძე და საერთაშორისო ურთიერთობების დეპარტამენტის უფროსი გიორგი ედილაშვილი.

1741243425

მისი მტკიცებით, 2020 წლიდან 100 მილიონ დოლარზე მეტი ღირებულების ყოველ ინფრასტრუქტურულ პროექტში ჩართული არიან ჩინეთის კომუნისტური პარტიის მიერ კონტროლირებადი კომპანიები.„ქართველებს ამერიკასთან ბიზნესის კეთება სურთ, ხოლო არალეგიტიმური ბიძინა ჩინეთის კომუნისტურ პარტიას მოქმედების სრულ თავისუფლებას აძლევს“, - წერს უილსონი. Ivanishvili’s Georgian Dream regime cancelled bids by American companies & sold out Georgia’s critical Black Sea port to the CCP. Georgians want to do business with America while illegitimate Bidzina gives Chinese Communist Party free rein. Since 2020, every infrastructure… — Joe Wilson (@RepJoeWilson) March 6, 2025 უილსონი "ოცნებაზე", ჩინეთზე და შავი ზღვის პორტის საკითხებთან დაკავშირებით ადრეც საუბრობდა.უფრო კონკრეტულად, 12 თებერვალს, კონგრესში სიტყვით გამოსვლისას მან განაცხადა: "პუტინისტური „ქართული ოცნების” რეჟიმი ქართველი ხალხის მომავლის მოპარვასა და ომის დამნაშავე პუტინისთვის, ირანული რეჟიმისა და ჩინეთის კომუნისტური პარტიისთვის მიყიდვას ცდილობს".მისი თქმით, "რეჟიმი" ქართველი ხალხის პროტესტს "უკანონო დაკავებებით და ძალადობით" პასუხობს.“ოქტომბერში პუტინისტურმა, “ქართული ოცნების” რეჟიმმა საქართველოში არჩევნები გააყალბა.მამაცი ქართველი ხალხი ჯერ კიდევ ქუჩებშია, უწყვეტი პროტესტი 76-ე დღეს. ქართველების 80%-ს სურს ამერიკის ახლო მეგობრები და ევროკავშირისა და NATO-ს ნაწილი იყვნენ, მაგრამ რეჟიმი ძალადობითა და უკანონო დაპატიმრებებით პასუხობს.რეჟიმმა შავი ზღვრის პორტი ჩინეთის კომუნისტურ პარტიას გადასცა და თეირანის რეჟიმს ეწვია, მაშინ, როდესაც ირანის რეჟიმმა მკვლელები გამოაგზავნა პრეზიდენტ დონალდ ტრამპის მოსაკლავად.საქართველოს ლეგიტიმური პრეზიდენტი, სალომე ზურაბიშვილი, რომელიც ტრამპის ინაუგურაციას დაესწრო, მამაცად მოითხოვს თავისუფალ და სამართლიან არჩევნებს”, - განაცხადა უილსონმა 12 თებერვალს.

1741241242

2024 წელს, ჩინეთმა სამხედრო ხარჯები ასევე 7,2%-ით გაზარდა.აშშ-ის შემდეგ ჩინეთს მსოფლიოში თავდაცვის ყველაზე დიდი ბიუჯეტი აქვს.სააგენტო Reuters წერს, რომ 2013 წელს თანამდებობაზე დანიშვნის შემდეგ ჩინეთის ლიდერი სი ძინპინი ქვეყნის არმიის მასშტაბურ მოდერნიზაციას ახორციელებს.პეკინის მიზანია, 2049 წლისთვის „მსოფლიო დონის არმია“ შექმნას. ჩინეთის ხელისუფლება აცხადებს, რომ აგრესიული განზრახვები არ აქვს და სუვერენიტეტის დაცვაში ახდენს ინვესტიციების დაბანდებას.

1741182147

უწყების მიერ გავრცელებული ინფორმაციით, გამოძიება სისხლის სამართლის კოდექსის 344-ე მუხლის პირველი ნაწილით მიმდინარეობს – საქართველოს სახელმწიფო საზღვრის უკანონოდ გადაკვეთაა.შსს-ის განცხადებით, ამ ეტაპზე დადგენილია, რომ მას შემდეგ, რაც ბაჩიაშვილი სომხეთის ტერიტორიაზე მოხვდა, სომხეთის სასაზღვრო გამშვებ პუნქტში, მის სახელზე გაცემული რუსეთის ფედერაციის მოქალაქეობის დამადასტურებელი სხვა პასპორტი წარადგინა, რის შედეგადაც გაიარა საზღვარი.გიორგი ბაჩიაშვილს მესამე ბრალი წარუდგინეს — თანაინვესტირების ფონდის ყოფილ ხელმძღვანელს საზღვრის უკანონოდ კვეთას ედავებიან. პროკურატურა ბაჩიაშვილისთვის აღკვეთის ღონისძიების სახით პატიმრობის შეფარდებას ითხოვს.დადგენილება ადვოკატმა ჩაიბარა.აღკვეთის ღონისძიებაზე თბილისის საქალაქო სასამართლო ოთხშაბათს, 5 მარტს იმსჯელებს.4 მარტს გიორგი ბაჩიაშვილმა დაწერა, რომ საქართველოდან წავიდა.იმავე საღამოს თანაინვესტირების ფონდის ყოფილმა ხელმძღვანელმა „ტვ პირველის” გადაცემა „რეაქციაში“ თქვა, რომ საქართველოდან წასასვლელად „სისტემაში არსებული ხვრელები და ადამიანებიც” გამოიყენა და მიუხედავად იმისა, რომ ორივე პასპორტი ჩამორთმეული ჰქონდა, ქვეყნის დატოვება მოახერხა.გიორგი ბაჩიაშვილის მიმართ სისხლის სამართლის 2 საქმის წარმოება მიმდინარეობს. ორივე საქმეზე მას გირაო აქვს შეფარდებული. ჩამორთმეული ჰქონდა ორივე პასპორტი – საქართველოსა და რუსეთის მოქალაქეობის.გიორგი ბაჩიაშვილისთვის თავდაპირველი წარდგენილი ბრალდება 2017 წელს განხორციელებულ ქმედებას ეხება. კერძოდ, პროკურატურის ინფორმაციით, ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ მხოლოდ 536 900 აშშ დოლარი გადასცა, ხოლო დარჩენილი ინვესტორის კუთვნილი 8986 ერთეული ბიტკოინი მართლსაწინააღმდეგოდ მიითვისა, რომლის ღირებულებაც მისი მართლსაწინააღმდეგოდ დაუფლების პერიოდში 43 მილიონამდე აშშ დოლარს შეადგენდა, მიმდინარე კურსით კი მისი ღირებულება $860 მლნ–ს აჭარბებს.გიორგი ბაჩიაშვილი წარდგენილ ბრალდებაში თავს დამნაშავედ არ ცნობს. მას აღკვეთის ღონისძიების სახით 2 500 000-ლარიანი გირაო აქვს შეფარდებული.მეორე ბრალდება კი 25 თებერვალს, „მტკვარი ჰესის“ საქმეზე წაუყენეს. აღნიშნული ბრალდებით უწყება მას სამსახურებრივი მოვალეობის შეუსრულებლობას ედავება. წარდგენილი ბრალდება სასჯელის სახედ და ზომად 2-დან 5 წლამდე თავისუფლების აღკვეთას ითვალისწინებს.პროკურატურის ცნობით, 2014 წლის ნოემბერში, „თანაინვესტირების ფონდმა“ კომპანია „ჯი სი ეფ ლუქსემბურგთან“ წერილობითი შეთანხმება გააფორმა და კომპანიის მიერ საქართველოში განხორციელებული ინვესტიციების, ასევე არსებული აქტივების სწორად და ეფექტურად მართვაზე პასუხისმგებლობა აიღო. განცხადებაში წერია, რომ იმავე წელს კომპანია „ჯი სი ეფ ლუქსემბურგმა“ გიორგი ბაჩიაშვილის ინიციატივით შპს „მტკვარი ჰესის“ წილი შეიძინა.

1741179899