ცენტრალური ბანკების წყალობით ბიტკოინი 10%–ით გაძვირდა

22–მილიონიანი თელავის სპორტის სასახლე იურიდიული პრობლემების მოგვარების...

„ეს კომპლექსი აშენდა, თუმცა იყო გარკვეული სამართლებრივი პრობლემები. დღეს უკვე ეს პრობლემები სრულად არის მოგვარებული და უახლოეს მომავალში ეს კომპლექსი გაიხსნება და იქნება ხელმისაწვდომი თელაველებისთვის. ვიდრე საბოლოოდ გაიხსნება ეს კომპლექსი, გარკვეული სამუშაოები ჩატარდება, თუმცა, ამას დიდი დრო არ დასჭირდება. ჩვენი სურვილია, რომ კიდევ უფრო მეტად გავაფართოოთ თელავში სპორტული ინფრასტრუქტურა“, - განაცხადა პრემიერმა.მთავრობის მეთაურის თქმით, თელავს სჭირდება საცურაო აუზი და ამაზე ზრუნვა უკვე დაწყებულია.„დღეს ვთხოვე კულტურისა და სპორტის მინისტრის პირველ მოადგილეს, რომ უკვე მოამზადოს ეს საკითხი. თელავს ასევე სჭირდება მულტიფუნქციური სპორტული ინფრასტრუქტურა. ამაზე მუშაობა დაწყებული გვაქვს და ყველაფერი გაკეთდება იმისათვის, რომ თელაველები უახლოეს მომავალში ასეთი ინფრასტრუქტურით იყვნენ უზრუნველყოფილები. რაც შეეხება არსებულ დარბაზს, ეს სპორტული ცენტრი უახლოეს მომავალში გაიხსნება“, - განაცხადა პრემიერმა.მულტიფუნქციური სპორტის სასახლის პროექტისთვის 22 მილიონ ლარამდე გამოიყო. სამუშაოები კანადურმა კომპანია „ბეჰლენმა“ შეასრულა. კომპლექსი მოიცავს დიდ და პატარა დარბაზს, რომლებიც 2000 მაყურებელზეა გათვლილი, გასახდელებს, ადმინისტრაციულ სივრცეებს. კომპლექსი ამ ეტაპზე შპს „სპორტმშენსერვისის“ დაქვემდებარებაშია.კომპლექსი აკმაყოფილებს საერთაშორისო სტანდარტებს. სპორტის სასახლეში შესაძლებელია სპორტის სხვადასხვა სახეობაში, მათ შორის კალათბურთში, ფუტსალში, ფრენბურთში, ხელბურთში, კარატეში, ძიუდოში, ჭიდაობასა და ტანვარჯიშში საერთაშორისო ტურნირების, ევროპისა და მსოფლიოს ასაკობრივი ჩემპიონატების გამართვა.

"ფლანგვის დეტექტორი": 2024 წელს ყურძენს სულ 23 კომპანია ჩაიბარებს, მათ...

რთველის სუბსიდირება საქართველოში უკვე 17 წელია ხორციელდება. რთველის სახელმწიფო სუბსიდირების პროგრამა ჯერ კიდევ 2008 წელს დაიწყო. გადაწყვეტილების თავდაპირველი მიზანი რუსული ემბარგოს უარყოფითი ზეგავლენის შერბილება და მევენახეობისა და მეღვინეობის დარგების წახალისება იყო, თუმცა როგორც ჩანს სუბსიდირების პროგრამამ დროთა განმავლობაში დამატებითი მიზნები შეიძინა, მათ შორის როგორიც არის ხელისუფლების მხარდამჭერთა და ან დაახლოებულ პირთა ბიზნესის ხელშეწყობა.ფლანგვის დეტექტორის ინფორმაციით, გასული წლების მსგავსად, საქართველოს მთავრობის 2024 წლის 14 ივნისის #873 განკარგულების მე-6 პუნქტის საფუძველზე ა(ა)იპ „სოფლის განვითარების სააგენტოს“ მმართველობაში მყოფ შპს “მოსავლის მართვის კომპანიას’’დაევალა 2024 წლის რთველის პერიოდში ყურძნის მიღება-გადამუშავებისთვის აუცილებელი ღონისძიებების ჩატარება. აღნიშნული გულისხმობს, როგორც კახეთის, რაჭა-ლეჩხუმისა და აჭარის რეგიონში შპს ,,მოსავლის მართვის კომპანიის’’ მიერ კერძო კომპანიების შესყიდვის შემდეგ ბაზარზე დარჩენილი ჭარბი ყურძნის შესყიდვას, გადამუშავებას, დასაწყობებასა და შენახვას.2024 წელს ღვინის სუბსიდირების პროგრამისთვის 85 მილიონი ლარი იყო გათალისწინებული. საიდანაც 35 მილიონი რქაწითლის შესყიდვას, ხოლო 50 მილიონი ბაზარზე დარჩენილი ყურძნის შესყიდვას უნდა მოხმარებოდა. ყურძნის შესყიდვის შემდეგ მეორე ეტაპი, ყურძნის გადამუშავება იწყება. ამ მომსახურებას მიღების მიზნით მოსავლის მართვის კომპანია ყოველწლიურად აფორმებს კომპანიებთან გამარტივებული შესყიდვის წესით ხელშეკრულებებს.სწორედ ეს უკანასკნელი წარმოადგენს ჩვენი ინტერესის სფეროს. შესყიდული ყურძნის გადამუშავების და სპირტად გამოხდის მომსახურების მიღების მიზნით მოსავლის მართვის კომპანიამ ჯამში 35 გამარტივებული შესყიდვა განახორციელა 23 კომპანიასთან.35 შესყიდვიდან 20 შესყიდვა (ჯამში 23-დან 11 კომპანია) გაფორმდა კომპანიებთან, რომელთა დირექტორი ან/და მესაკუთრეები ქართული ოცნების შემომწირველები ან ქართულ ოცნებასთან დაახლოებული პირები არიან. მსგავსი სურათი ფიქსირებოდა გასულ წლებშიც, რაზეც ფლანგვის დეტექტორი ადრეც წერდა.2024 წელს ყველაზე დიდი რაოდენობით თანხები ღვინის გადასამუშავებლად შპს უნივერსალ სპირტმა მიიღო. მასთან საერთო ჯამში 1.7 მილიონი ლარი ღირებულების 2 ხელშეკრულება გაფორმდა. შპს უნივერსალ სპირტის 100% მესაკუთრე შპს სპირტსახდელების გაერთიანებაა, რომლის 50% მესაკუთრე რუსეთის და საქართველოს მოქალაქე და ბიძინა ივანიშვილის დეიდაშვილის უჩა მამაცაშილის ბიზნესპარტნიორი ვახტანგ კარიჭაშვილია, 20%-ის მესაკუთრე ასევე რუსეთის და საქართველოს მოქალაქე გიორგი ღამბაშიძე. აღსანიშნავია, რომ ვახტანგ კარიჭაშვილი უკრაინის მიერ არის დასანქცირებული.თუმცა, შპს უნივერსალ სპირტი ვახტანგ კარიჭაშვილის ერთადერთი კომპანია არ არის, რომელმაც თანხები მიიღო ბიუჯეტიდან 2024 რთველის ფარგლებში. 480,000 ლარი მიიღო კომპანია შპს მეღვინეობა კაჭრეთმა. კომპანიის 100% წილების მესაკუთრე შპს მილადა ინტერნეშინელია, თავის მხრივ მისი 100% მესაკუთრე კი ვახტანგ კარიჭაშვილი.2024 წელს ვახტანგ კარიჭაშვილის კიდევ ერთი კომპანია მოხვდა შესყიდვების სიაში. მოსავლის მართვის კომპანიამ 150,000 ლარიანი კონტრაქტი გააფორმა შპს Bolero & Company-სთან, რომლის 100% მესაკუთრე ასევე ვახტანგ კარიჭაშვილია.სიაში მოხვდა, ვახტანგ კარიჟაშვილის მე-4 კომპანიაც შპს გრუზვინპრომი. კომპანიის 100% მესაკუთრე შპს Bolero & Company არის, რომლის 100% მესაკუთრე თავის მხრივ ვახტანგ კარიჭაშვილია.საერთო ჯამში ვახტანგ კარიჭაშვილის 4-მა კომპანიამ 2024 წელს ყურძნის გადამუშავების მომსახურების ფარგლებში ყველაზე მეტი 3 220 000 ლარი მიიღო სახელმწიფო ბიუჯეტიდან.სიაში მოხვდნენ ქართული ოცნების შემომწირველი კომპანიებიც, რომელთა სიაც და მიღებული თანხები ასე გამოიყურება: სს თელავის ღვინის მარანი – კომპანიამ 181 000 ლარი მიიღო. ქართული ოცნების შემომწირველია კომპანიის დირექტორი ზურაბ რამაზაშვილი, რომელმაც 2017-2023 წლების განმავლობაში  ოცნებას ჯამში 150 000 ლარი შესწირა.  შპს ბარაკონი – 35 000 ლარი მიიღო. კომპანიის 34% მესაკუთრემ ვაჟა ღვალაძე ქართულ ოცნებას 2020 წელს 60 000 ლარი შესწირა, ხოლო კიდევ ერთმა მესაკუთრემ დავით თოფურიძემ 2018 წელს ქართული ოცნების მიერ მხარდაჭერილ კანდიდატს სალომე ზურაბიშვილს შესწირა 50 000 ლარი.  შპს ბერიკა – კომპანიის ორივე მესაკუთრე მამუკა გვალია და ლაშა რევაზიშვილი ქართული ოცნების შემომწირველია. მათ ჯამში ოცნება 41 400 ლარი შეწირეს. აღსანიშნავია, რომ თითოეულმა 20 000 ლარი შეწინა 2024 წლის 6 სექტემბერს. მოსავლის მართვის კომპანიამ მათთან ხელშეკრულებას ხელი  მომდევნო დღეს  7 სექტემბერს მოაწერა. ამ ხელშეკრულების შედეგად კომპანიამ 180 000 ლარი მიიღო.  შპს ყვარლის სარდაფი – ქართული ოცნების შემომწირველია კომპანიის დირექტორი ვაჟა ღვალაძე. მან ოცნებას 2020 წელს 60 000 ლარი შესწირა. კომპანიამ 2024 წელს ყურძნის გადამუშავებისთვის 1 360 000 ლარი მიიღო.  შპს შალვინო – კომპანიის მესაკუთრეებმა შალვა და ლევან გვარამაძეებმა ოცნებას 2020 წელს ჯამში 30 000 ლარი შეწირეს. კომპანიამ ყურძნის გადამუშავებისთვის 90 000 ლარი მიიღო. შპს წინანდალი – XXI საუკუნის საუკეთესო ღვინოები – კომპანიის 100% მესაკუთრე ზაზა ბახტურიძემ ოცნებას 2020 წელს 40 000 ლარი შესწირა. კომპანიამ ღვინის გადამუშავებისთვის 2024 წელს 421 000 ლარი მიიღო. გარდა იმისა, რომ გამარტივებულ შესყიდვებს/პირდაპირი შესყიდვის წესით მოსავლის მართვის კომპანია ხშირ შემთხვევაში ქართულ ოცნებასთან დაკავშირებულ ან ოცნების შემომწირველ კომპანიებს უფორმებს, აღსანიშნავია ისიც რომ ამ კომპანიების ნაწილის ღვინის გაყიდვების ძირითად ბაზარს რუსეთი წარმოადგენს. მაგალითად, შპს Bolero & Company ფინანსურ ანგარიშში პირდაპირ არის მითითებული, რომ კომპანიის შემოსავლის მნიშვნელოვანი ნაწილი გენერირდება პროდუქციის რუსეთის ბაზარზე რეალიზაციით.აღსანიშნავია, ისიც, რომ 2006 წელს დაწესებული ემბარგოს შემდეგ საქართველოს რუსეთზე ფინანსური დამოკიდებულების მაჩვენებელი ეპატობრივად მცირდებოდა. საქართველომ ბაზრის დივერსიციკაცია დაიწყო და სანდო, სტაბილურ, არამტრულ ბაზარზე ცდილობდა ღვინის გატანას, მათ შორის ევროპა, ამერიკა, იაპონია, ჩინეთი… თუმცა, ქართული ოცნების ხელისუფლებაში მოსვლის შემდგომი ტენდენციები აჩვენებს, რომ 2012 წლიდან რუსეთზე ფინანსური დამოკიდებულება კვლავ იზრდება, ისევე როგორც გაზრდილია რუსეთში ღვინის ექსპორტის წილი მთლიან ექსპორტში.მიუხედავად, იმისა, რომ როგორც ეს ღვინის ეროვნული სააგენტოს მიერ გამოქვეყნებულ ანგარიშებშია (მაგ. 2023 წლის ანგარიში) მითითებული ქართული ღვინის ბაზრების დივერსიფიკაციის, ექსპორტის ზრდის, პოპულარიზაციისა და ხარისხის უზრუნველყოფის ხელშეწყობის მიზნით ყოველწლიურად გარკვეული ღონისძიებები ტარდება, როგორიც მათ შორის გამოფენებში მონაწილეობის მიღება, სარეკლამო კამპანიებია. თუმცა, მეორეს მხრივ სახელმწიფო ბიუჯეტიდან სარგებელს ოცნებასთან დაახლოებული კომპანიები იღებენ, რომელთა ნაწილი შემოსავალის დიდ ნაწილს სწორედ რომ ღვინის რუსეთში ექსპორტით იღებენ.წყარო: რთველი 2024 შესყიდვების სია.

9M24-ში შაჰ–დენიზმა 20 მლრდ მ3 გაზი აწარმოა

9M24-ის განმავლობაში შაჰ-დენიზის საბადომ ჯამში 20 მლრდ სტანდარტულ კუბურ მეტრზე მეტი გაზი და დაახლოებით 3 მლნ ტონა (დაახლოებით 26 მლნ ბარელი) კონდენსატი აწარმოა შაჰ-დენიზ ალფა და შაჰ-დენიზ ბრავო პლატფორმებიდან.წარმოებული გაზისა და კონდენსატის მიწოდება კი განაგრძო ბაზრებისთვის აზერბაიჯანში (აზერკონტრაქტისთვის), საქართველოში (საქართველოს ნავთობის და გაზის კორპორაციისთვის), თურქეთში (ბოტაშისთვის) და კომპანია BTC-სთვის სხვადასხვა ლოკაციებზე და მყიდველებისთვის ევროპაში.შაჰ-დენიზის არსებული მოწყობილობების საწარმოო სიმძლავრე ამჟამად დღეში 80.7 მლნ სტანდარტულ კუბურ მეტრ გაზზე მეტია, რაც წელიწადში 29.5 მლრდ კუბურ მეტრს აღემატება.2024 წლის მესამე კვარტალში, შაჰ-დენიზ 2-ის პროექტმა აღმოსავლეთ-ჩრდილოეთის ფლანგის მე-3 ჭაბურღილებიდან უსაფრთხოდ წარმოება დაიწყო. პირველი ჭაბურღილიდან წარმოება 13 თებერვალს დაიწყო. მეორიდან კი 19 ივნისს.2024 წლის პირველი სამი კვარატლის განმავლობაში, შაჰ-დენიზის ალფა პლატფორმის საბურღი დანადგარი სრული დატვირთვისთვის მზადყოფნის რეჟიმში მუშაობდა.საბურღი დანადგარების საშუალებით საერთო ჯამში 21 ჭაბურღილის ბურღვა დასრულდა. დასრულებულ ჭაბურღილებში შედის ხუთი ჭაბურღილი ჩრდილოეთის ფლანგზე, ოთხი დასავლეთის, ოთხი აღმოსავლეთ-სამხრეთის, ხუთი დასავლეთ-სამხრეთის და სამი აღმოსავლეთ-ჩრდილოეთის ფლანგებზე.Shah Deniz-ის წილობრივი მონაწილეობა: bp (ოპერატორი – 29.99%), LUKOIL (19.99%), TPAO (19%), SGC (16.02%), NICO (10%) და MVM (5%)

9M24-ში ბაქო-თბილისი-ჯეიჰანის capex $28 მლნ იყო

1768კმ სიგრძის მილსადენმა 2006 წლის ივნისში ფუნქციონირების დაწყებიდან 2024 წლის სექტემბრის მდგომარეობით, ჯამში 4.4 მილიარდზე მეტი ბარელი ნედლი ნავთობი გაატარა. დაიტვირთა 5786 ტანკერი და გაიგზავნა მსოფლიო ბაზრებზე.ხოლო, უშუალოდ 9M24-ის განმავლობაში, დაახლოებით 165 მლნ ბარელი (22 მლნ ტონაზე მეტი) BTC-ის მიერ ექპორტირებული ნედლი ნავთობი, ჯეიჰანის ტერმინალზე 229 ტანკერში ჩაიტვირთა.BTC ამჟამად ძირითადად აზერბაიჯანიდან ACG-ის ნედლი ნავთობის და შაჰ-დენიზის კონდენსატის ტრანსპორტირებას ახორციელებს. BTC-ის საშუალებით ასევე გრძელდება კასპიის რეგიონის ნედლი ნავთობის და კონდენსატის (ყაზახეთიდან, თურქმენეთიდან და სოკარის აზერბაიჯანში წარმოებული მოცულობებიდან) სხვა მოცულობების ტრანსპორტირება.ბაქო-თბილისი-ჯეიჰანის კომპანიის (BTC Co.) აქციონერები არიან: bp (30.10%), SOCAR (25.00%), MOL (8.90%), Equinor (8.71%), TPAO (6.53%), Eni (5.00%), TotalEnergies (5.00%), ITOCHU (3.40%), INPEX (2.50%), ExxonMobil (2.50%) და ONGCVidesh (2.36%).

ქარქაშაძეს საქართველოს ავიაბაზარზე მეტი ავიაკომპანიის მოზიდვის მოლოდინ...

შეხვედრები გაიმართა იმ ავიაკომპანიებთან, რომლებიც როგორც ზაფხულის სანავიგაციო სეზონიდან თბილისის მიმართულებით პირდაპირ რეგულარულ ფრენებს იწყებენ, ასევე განიხილებიან პოტენციურ პარტნიორებად უახლოეს მომავალში. ირაკლი ქარქაშაძის განცხადებით, British Airways-თან, easyJet-თან და Edelweiss-თან, ასევე, სხვა მსხვილ ევროპულ ავიაკომპანიებთან შეხვედრისას საუბარი შეეხო სამომავლო თანამშრომლობის პერსპექტივებს.,,ჩვენ ვხედავთ მზარდ მოთხოვნასა და მაღალ ინტერესს ავიაკომპანიების მხრიდან მსგავსი ფორმატის ფორუმებზე დასწრებისადმი. WTM London 2024-ზე ჩვენ ვართ წარმოდგენილი ტურიზმის ეროვნულ ადმინისტრაციასთან ერთად. გავმართეთ რამდენიმე შეხვედრა, მათ შორის ერთობლივიც. ჩვენი მთავარი მიზანია ის ახალი მიმართულებები და ავიაკომპანიები, რომლებიც უკვე შევძელით და წარმატებით შემოვიყვანეთ ქართულ ავიაბაზარზე, გახდეს უფრო მომგებიანი და საინტერესო, მას შემდეგ რაც ფრენები დაიწყება. ამისთვის მნიშვნელოვანია უზრუნველვყოთ ერთობლივი ჩართულობა სხვადასხვა კამპანიის ფარგლებში,” - განაცხადა ირაკლი ქარქაშაძემ.საქართველოს აეროპორტების გაერთიანების (UAG) გენერალური დირექტორის განმარტებით, ავიაკომპანიებთან განიხილეს 2025 წლის ზაფხულის სანავიგაციო სეზონის გეგმები, ისაუბრეს მგზავრთნაკადის ზრდასა და მის შენარჩუნების ტენდენციებზე. ასევე, შეხვედრებზე საუბარი შეეხო მსოფლიოსა და ევროპის ქვეყნებთან საქართველოს დაკავშირებადობის გაუმჯობესების გზებს, ფრენების სიხშირეების გაზრდასა და საქართველოს ბაზრისთვის სრულიად ახალი მიმართულებების დამატებას.,,მოხარულები ვართ, რომ ჩვენი თანამშრომლობა სხვადასხვა ავიაკომპანიასთან წარმატებით მიმდინარეობს და საინტერესო ფორმატს იღებს. შესაბამისად, მოლოდინი გვაქვს, რომ კიდევ უფრო მეტ ავიაკომპანიას მოვიზიდავთ საქართველოს ავიაბაზარზე და უფრო მეტი ზრდა გვექნება როგორც მგზავრთნაკადის, ისე ფრენების რაოდენობის მხრივ,-‘’განაცხადა ირაკლი ქარქაშაძემ.WTM London 2024-ზე ტურიზმის ეროვნული ადმინისტრაცია სპეციალური სტენდით არის წარმოდგენილი, სადაც ტურიზმის სექტორიდან 21 ქართული კომპანია მონაწილეობს.  უმსხვილეს საერთაშორისო გამოფენას ესწრებიან აჭარის ტურიზმისა და კურორტების დეპარტამენტი და სამეგრელოს დანიშნულების ადგილის მართვის ორგანიზაცია - Samegrelo DMO. 3 დღის განმავლობაში უმსხვილეს საერთაშორისო ღონისძიებაზე ვიზიტორები და გამოფენის მონაწილეები წარმოადგენენ სხვადასხვა სექტორის კომპანიებს, რომლებიც სამოგზაურო ინდუსტრიაში ოპერირებენ.