აეროპორტების გაერთიანება პერიმეტრის განათებაში 2.7 მილიონს იხდის

აზერბაიჯანის მთავრობიდან წყარომ ტელეარხს უთხრა, რომ დაზიანებულ თვითმფრინავს რუსეთის აეროპორტებში დაჯდომის უფლება არ მისცეს.გამოძიების წინასწარი მონაცემები ადასტურებს, რომ გროზნოს ცაზე გაშვებული რუსული რაკეტა გახდა ავიაკატასტროფის მიზეზი.აზერბაიჯანის მთავრობიდან წყაროებმა EURONEWS–ს ექსკლუზიურად დაუდასტურეს ხუთშაბათს, რომ „მიწა–ჰაერის“ კლასის რუსული რაკეტა გახდა აქთაუსთან აზერბაიჯანული ლაინერის ჩამოვარდნის მიზეზი.იგივე წყაროების ცნობით, გროზნოს ცაზე რუსული რაკეტის აფეთქების შედეგად აზერბაიჯანული ბორტის პილოტებმა და მგზავრებმა სხეულის დაზიანებები მიიღეს.EURONEWS–ს სამთავრობო წყაროებმა განუცხადეს, რომ დაზიანებულ თვითმფრინავს რუსეთის აეროპორტებში დაშვების უფლება არ მისცეს, მიუხედავად პილოტების არაერთი თხოვნისა, საგანგებო დაშვებასთან დაკავშირებით და უბრძანეს, ფრენა კასპიის ზღვის ცაზე, ყაზახეთის ქალაქ აქთაუს მიმართულებით გაეგრძელებინათ. არსებული მონაცემების თანახმად, თვითმფრინავის GPS-ნავიგაციის სისტემა კასპიის ზღვის ცაზე ფრენის პერიოდში ჩახშობილი იყო. 

1735218907

გახარია აქციებზე დაკავებული პირების გათავისუფლებასა და ახალი არჩევნების დანიშვნის შესახებ კონკრეტული თარიღის დროულად გამოცხადებას მოითხოვს.„პრეზიდენტს ლეგიტიმაციას არ აძლევს ატრიბუტიკა, მითუმეტეს შენობა. ლეგიტიმაციის წყარო ხალხის ნდობაა.პროტესტის დაყვანა შენობიდან გამოსვლა-დარჩენამდე და რეზიდენციის ფიზიკურად დაცვის იდეა, აუფასურებს პროტესტს.ხალხი რუსთაველზე ბევრად უფრო დიდ და მნიშვნელოვან ღირებულებებს იცავს, სწორედ ამიტომ არის პროტესტი წარმატებული.უნდა გავუფრთხილდეთ ხალხს! გამარჯვების რწმენას! ერთობას პროტესტის მიზნებისა და ფასეულობების ირგვლივ! მხოლოდ ასე გახდება პროტესტი ჭეშმარიტად ყოვლისმომცველი. უპირობოდ გაათავისუფლეთ უკანონოდ დაკავებული ყველა პოლიტიკური მძევალი! დროულად გამოაცხადეთ ახალი არჩევნების კონკრეტული თარიღი!“ - წერს გახარია.

1735217606

გერმანიის საგარეო უწყების ხელმძღვანელი აღნიშნავს, რომ კვირების განმავლობაში, ათიათასობით ქართველი გაბედულად აწყობს დემონსტრაციებს თავისი ქვეყნის ევროპული მომავლისთვის.„მმართველი პარტია „ქართული ოცნების“ პასუხისმგებელი პირები დაშინებით, ძალადობითა და წყლის ჭავლით პასუხობენ. ანტიევროპული გზისკენ შებრუნებით, „ქართულმა ოცნებამ“ მიზანმიმართულად გაყინა საქართველოს ევროკავშირში გაწევრიანების პროცესი და ფაქტობრივად შეაჩერა ის. „ქართული ოცნების“ მზარდი ავტორიტარული პოლიტიკის გამო, ჩვენ ახლა ევროკავშირშიც უნდა ვიმსჯელოთ საქართველოს გაწევრიანების პროცესის ოფიციალურად შეჩერებაზე“, - აღნიშნულია განცხადებაში.ანალენა ბერბოკი იხსენებს, რომ 2023 წლის დეკემბერში საქართველოსთვის ევროკავშირის კანდიდატის სტატუსის მინიჭება რეფორმების მკაფიო დაპირებებს უკავშირდებოდა.„მაგრამ პროგრესის ნაცვლად, ჩვენ ვხედავთ საგანგაშო წარუმატებლობას: არჩევნები, რომელსაც მკვეთრად აკრიტიკებენ საერთაშორისო დამკვირვებლები, ძალადობა დემონსტრანტების მიმართ, ეგრეთ წოდებული „გამჭვირვალობის კანონი“ ან ლგბტქ უფლებების შეზღუდვა. „ქართული ოცნება“ ამით კარგავს ისტორიულ შესაძლებლობას, რომელსაც ევროკავშირი სთავაზობს ქვეყანას“, - აღნიშნულია განცხადებაში.ბერბოკი ხაზს უსვამს, რომ “ქართულმა ოცნებამ“ ბოლო კვირებში და თვეებში ქვეყანა უფრო და უფრო დააშორა ევროკავშირს, რითაც საფრთხე შეუქმნა გერმანიასთან საქართველოს მრავალწლიან პარტნიორობას.„შედეგად, ჩვენ შევამცირეთ თანამშრომლობა ქვეყნის ხელისუფლებასთან და შევაჩერეთ 200 მილიონ ევროზე მეტი ღირებულების მხარდაჭერის პროექტები. ამავდროულად, ჩვენ განვიხილავთ შემდგომ ზომებს ჩვენს ევროკავშირელ პარტნიორებთან ერთად, ქართველი ოფიციალური პირებისთვის უვიზო რეჟიმის გაუქმებიდან დაწყებული მიზანმიმართული სანქციების ჩათვლით. ბურთი "ქართული ოცნების" პასუხისმგებელი პირების მოედანზეა. ახლა მათზეა, ყველაფერი გააკეთონ ღრმა პოლიტიკური კრიზისის დასასრულებლად, ნდობის აღსადგენად და ქართველ ხალხს შესთავაზონ რეალური პერსპექტივები - ევროკავშირში გაწევრიანების გზაზე დაბრუნებისთვის, მაგრამ უპირველეს ყოვლისა, ყველა ქართველისა და ქართველისთვის კარგი მომავლისთვის“, - აღნიშნულია განცხადებაში.23 დეკემბერს საქართველოში გერმანიის ელჩმა, პეტერ ფიშერმა გაავრცელა განცხადება, რომ გერმანიამ საქართველოში €237 მილიონის ღირებულების სახელმწიფო პროექტები შეაჩერა – კერძოდ, შეწყდა მწვანე წყალბადის, ენერგეტიკული ქსელისა და ბათუმის წყლის ინფრასტრუქტურის დაფინანსება.

1735213059

დავით აბესაძე ასევე ჩაერთო ბაზრის განვითარების ინიციატივებისადმი მიძღვნილ სამუშაო შეხვედრაში, სადაც მან GEMC-ის წევრი ორგანიზაციების წარმომადგენლებს კორპორაციული ობლიგაციების ბაზრის განვითარების წარმატებული გამოცდილება გაუზიარა.მან 2022-2023 წლებში გატარებული "კაპიტალის ბაზრის მხარდაჭერის პროგრამაზე“ მოხსენება წარადგინა. EBRD-ის დაფინანსებული პროგრამა საგანმანათლებლო და ფინანსურ კომპონენტებს მოიცავდა.ემიტენტებს ფასიანი ქაღალდების საჯარო ემისიასთან დაკავშირებული ტრანზაქციული ხარჯები დაუფინანსდა. აბესაძემ ბაზრის ინსტრუმენტების შესახებ ემიტენტების ცნობიერების ამაღლებისთვის გაწეულ სამუშაოზეც განაცხადა, აღნიშნული პროგრამის ფარგლებში.წლიური შეხვედრის ფარგლებში ასევე შედგა GEMC-ის მდგრადობის ანგარიშგების სტანდარტების დანერგვის ქსელის საინაუგურაციო შეხვედრა. ახალი ქსელი, რომელსაც საქართველოს ეროვნული ბანკიც შეუერთდა, კომიტეტის წევრ ორგანიზაციებს საერთაშორისო მდგრადობის სტანდარტების საბჭოს (ISSB) მიერ შემუშავებული ანგარიშგების ჩარჩოს იმპლემენტაციაში გაუწევს მხარდაჭერას.სებ-ი IOSCO-ს (ფასიანი ქაღალდების კომისიების საერთაშორისო ორგანიზაცია) სრული წევრი 2021 წელს გახდა და2 კომიტეტში (ევროპის რეგიონული, მზარდი და განვითარებადი ბაზრების) წარმოდგენილი.GEMC-ის წევრია ამ წლის ნოემბრიდან, რომელიც IOSCO-ს ქოლგის ქვეშ არსებული ყველაზე მსხვილი კომიტეტია და 91 იურისდიქციას მათ შორის, დიდ ოცეულში შემავალ 10 სახელმწიფოს აერთიანებს.

1735210680

შეხვედრაზე მხარეებმა ქვეყნებს შორის სავაჭრო-ეკონომიკური თანამშრომლობის გაღრმავების შესაძლებლობები განიხილეს.„მოგეხსენებათ, სოფლის მეურნეობის წილი საქართველოს ეკონომიკის განვითარებაში მნიშვნელოვანია. ჩვენთვის საინტერესოა თურქეთის გამოცდილების გაზიარება. ქვეყნებს შორის არსებული მეგობრული და პარტნიორული ურთიერთობები ეფექტიანი თანამშრომლობის საფუძველია“, - განაცხადა დავით სონღულაშვილმა.გარემოს დაცვისა და სოფლის მეურნეობის ინფორმაციით, შეხვედრაზე მინისტრმა ყურადღება ქვეყნისთვის ბაზრების დივერსიფიცირების მნიშვნელობაზე გაამახვილა.როგორც თურქეთის ელჩმა კი განაცხადა, ქვეყნებს ისტორიული მეგობრობა და პარტნიორული ურთიერთობები აკავშირებს, რაც სხვადასხვა მიმართულებით თანამშრომლობის გაღრმავების მნიშვნელოვან წინაპირობას წარმოადგენს."შეხვედრაზე საუბარი შეეხო მეთევზეობის, მესაქონლეობის, ირიგაციის, სატყეო სექტორისა და ნარჩენების მართვის, სასოფლო-სამეურნეო მექანიზაციის მიმართულებით თანამშრომლობის გაღრმავების საკითხებს. ყურადღება გამახვილდა თურქეთში ქართული წარმოების სხვადასხვა პროდუქტის ექსპორტის ზრდის, ასევე, თურქეთის ჰორეკა სექტორთან ღვინის ქართველი მწარმოებლების თანამშრომლობის გაღრმავების მნიშვნელობის საკითხებზე", - წერს სამინისტრო.

1735209153

„ხელისუფლებასთან” მაქვს ასეთი შეთავაზება.სანამ „ტრამპი ებრძვის დიფ სთეითს”, შევაჩეროთ თქვენი ხელფასების და პრემიების გაცემა და თქვენი ხარჯების ანაზღაურება.არაღიარებული, სანქცირებული და კონსტიტუციიდან გასული ადამიანების ჯგუფი, რომლებიც უფლებამოსილებაარაღიარებული, სანქცირებული და კონსტიტუციიდან გასული ადამიანების ჯგუფი, რომლებიც ხელისუფლებობანას თამაშობთ, ორდენებით, ინაუგურაციებით და უაზრო კომენტარებით, მოქალაქეებისთვის ნერვების მოშლის და დაპირისპირების გარდა, სხვა ფუნქცია როგორც ჩანს აღარ გაგაჩნიათ.ეკონომიკა კრიზისში შედის, განვითარების პროექტები შეჩერებულია და ხალხი რამდენიმე თვეში შიმშილს დაიწყებს!ამ ვითარებაში, იმის ნაცვლად, რომ კრიზისის დაძლევის გზებს გვთავაზობდეთ, ჯერ 20 იანვარამდე გვაცალეთო, მერე ამას „ცოტა მეტი დრო დასჭირდებაო” და ახლა „თუო”.გაინულეთ შემოსავალი, დააყენეთ მანქანები და მოიხსენით ყველა ის პრივილეგია, რაც ისედაც გაჭირვებული მოქალაქეების ჯიბიდან, 40%-იანი ხარკით გაქვთ მიღებული.„მედგრად ვიდგებითო” როცა ამბობთ, თქვენივე მასწავლებლების ყვლეფის ხარჯზე „იდგებით მედგრად”, რომ იცოდეთ და მართლა მედგრად დგომა რა არის, ამას რუსთაველის ხალხი გაჩვენებთ", - წერს "ექსპო ჯორჯიას" დირექტორი, რესან ქიქავა სოციალურ ქსელში.

1735206037

მდინარე იარლუნგ ცანგლოზე კაშხლის მშენებლობას ჩინეთის მთავრობამ ოთხშაბათს დაუჭირა მხარი.პროექტის თანახმად, ჰესი 300 მლრდ კვტ/სთ–ს გამოიმუშავებს, რაც „სამი ხეობის“ სახელით ცნობილ ჩინეთის უმსხვილესი ელექტროსადგურის გენერაციასაც კი აჭარბებს.წინასწარი მონაცემებით, პეკინი ამ ჰესის მშენებლობაზე $137 მლრდ–ს დახარჯავს, რაც დღეისთვის მსოფლიოში უმსხვილესი ერთჯერადი ინფრასტრუქტურული პროექტი იქნება.

1735204854

ღონისძიების გაშუქების მსურველმა მედიასაშუალებებმა სპეციალური აკრედიტაციის მისაღებად პარლამენტს უნდა მიმართონ. ერთ მედიასაშუალებაზე გაიცემა არა უმეტეს ორი ჯგუფის აკრედიტაცია.„ქართული ოცნების“ მიერ არჩეული პრეზიდენტის, მიხეილ ყაველაშვილის ინაუგურაცია პარლამენტში გაიმართება.ინაუგურაცია 29 დეკემბერსაა დაგეგმილი.ინაუგურაციაზე მოწვეული არიან საარჩევნო კოლეგიის წევრები, მთავრობის და კონსტიტუციური ორგანოების წარმომადგენლები, მართლმადიდებელი ეკლესიის წარმომადგენლები – სულ 300 პირი.14 დეკემბერს საქართველოს პარლამენტის შენობაში მეექვსე პრეზიდენტის არჩევნები ჩატარდა. „ქართული ოცნების“ 224-მა დელეგატმა ხმა ერთადერთ კანდიდატს, მიხეილ ყაველაშვილს, მისცა.საქართველოს პრეზიდენტმა სალომე ზურაბიშვილმა მიხეილ ყაველაშვილის პრეზიდენტად არჩევას „პროვოკაცია“ და „პაროდია“ უწოდა.ყაველაშვილის პრეზიდენტად არჩევნების პარალელურად პარლამენტთან აქცია გაიმართა.29-ე დღეა, დემონსტრანტები დედაქალაქსა და რეგიონებში აპროტესტებენ „ოცნებაში“ მიღებულ გადაწყვეტილებას, რომლის მიხედვითაც, საქართველო 2028 წლის ბოლომდე დღის წესრიგში არ დააყენებს ევროკავშირში გასაწევრიანებლად მოლაპარაკების გახსნის საკითხს.28 ნოემბრის შემდეგ პოლიციამ აქციის 400-ზე მეტი მონაწილე დააკავა, მათ შორის სისხლის სამართლის წესით დააკავა 40-ზე მეტი ადამიანი, რომელთაც რამდენიმეწლიანი პატიმრობა ემუქრებათ. 

1735200208