ქუთაისის აეროპორტის ასაფრენი ზოლის მოსაწყობად 2.7 მილიონიანი ტენდერი ცხადდება

სასკოლო საზოგადოების განცხადებას სრულად გთავაზობთ:"ჩვენ, BGA-ის სასკოლო საზოგადოების წევრებს, გვსურს, უკმაყოფილება გამოვხატოთ ჩვენი დამფუძნებლისა და დირექტორის, ქალბატონი ნათია ჯანაშიას გადაყენებასთან დაკავშირებით მოულოდნელად გამოცხადებული პროცესის შესახებ.ხაზგასმით გვინდა აღვნიშნოთ, რომ ბრიტანულ-ქართულ აკადემიაში ვმუშაობთ სწორედ იმიტომ, რომ, პირველ რიგში, გვჯერა აკადემიის ღირებულებების, რომელიც უმთავრეს პრიორიტეტად არა ფინანსურ სარგებელს, არამედ მოსწავლის საუკეთესო ინტერესებს აყენებს.ქალბატონმა ნათიამ, როგორც ამ სკოლის დამფუძნებელმა, ქვეყნის ერთ-ერთი წამყვანი და წარმატებული საგანმანათლებლო დაწესებულება შექმნა. მისი ხედვები და მიზნები განათლების შესახებ სრულ თანხვედრაშია იმ შეხედულებებთან, რომლებსაც, ჩვენი ღრმა რწმენით, განათლება უნდა ემსახურებოდეს.გვსურს, შეშფოთება გამოვხატოთ ახალი დირექტორის დანიშვნის პროცესებთან დაკავშირებითაც, რომელიც არ წარმართულა სასკოლო საზოგადოებისთვის უმნიშვნელოვანეს ადამიანებთან კონსულტაციით და ჩვენთვის მისაღებ გამჭვირვალე პირობებში. ბატონ იოჰან ვან ლილს არ გაუვლია საერთაშორისო სტანდარტებით გათვალისწინებული შერჩევის არც ერთი საფეხური (ინტერვიუები თანამშრომლებთან, მასწავლებლებთან, მოსწავლეებთან და მშობლებთან).ბრიტანულ-ქართული აკადემია უკვე მრავალი წელია, პერსონალის შერჩევის საერთაშორისო სტანდარტებს ინარჩუნებს და მიჰყვება პროტოკოლებს, რომელთა უპირველესი მიზანიც მოსწავლეების უსაფრთხოების დაცვაა.ვგრძნობთ, რომ ვდგავართ ჩვენი დირექტორის დაკარგვის წინაშე, ვისთან ერთად მუშაობაც მნიშვნელოვანი იყო წლების განმავლობაში.როგორც მასწავლებლები, ასევე აკადემიის სხვა თანამშრომლები, უაღრესად იმედგაცრუებულნი ვართ მოსალოდნელი ცვლილებების გამო და ხმამაღლა გამოვხატავთ სურვილს, რომ ქალბატონი ნათია დარჩეს სკოლის დირექტორის თანამდებობაზე", – ნათქვამია ბრიტანულ–ქართული აკადემიის თანამშრომლების ერთობლივ განცხადებაში.

1739203855

წლიური ზრდა 14.03%-ია. 2024-ის დასაწყისში 15%-ს აღემატებოდა, 2023-ის ანალოგიური პერიოდისთვის (12/2023) კი წლიური ზრდის ტემპი 17.7%-ს აჭარბებდა.სებ-ის ინტერაქტიული სტატისტიკით, სავალუტო დეპოზიტების ზრდაზე 7.73%  მოდის. მატება, ლარის ანაბრების კოეფიციენტს (6.3%) 1.5%პ-ით აღემატება.ამასთან გასათვალისწინებელია, რომ ლარის ანაბრების 12.8%-იან წლიურ ზრდაში (სავალუტო ანაბრების წლიური ზრდა 15.22%Y.Y) გარკვეული წვლილი მიუძღვის, სამთავრობო დეპოზიტებს. 05/2024-ის 6%-იანი კლების (Y.Y) შემდეგ, მთავრობის დეპოზიტების წლიური ზრდის მ,აჩვენებელი 12.7%-ია.  მოცულობა 4.9 მლრდ ლარი.სებ-ის ანალიტიკური ცხრილებით, 12/2024-ის მდგომარეობით, 57.965 მლრდ ლარის დეპოზიტებია. მ.შ. სავალუტო , 30 მლრდ ლარის ეკვივალენტი  უცხოურ ვალუტაში სავალუტო ანაბრების პორტფელი 52%-ია, თუ მთავრობის 5 მლრდ-ს არ გავითვალისწინებთ,  ლარის წილი მნიშვნელოვნად ნაკლები გამოდის. 

1739199294

„ბაკურიანი 2025“ თბილისში, ბათუმსა და ბაკურიანში ტარდება. ფესტივალის ფარგლებში შეხვედრები სპორტის 8 სახეობაში იმართება და მათში მსოფლიოს 45 ქვეყნის 1000-მდე სპორტსმენი მონაწილეობს.სამივე ლოკაციაზე ინფრასტრუქტურა საერთაშორისო სტანდარტების შესაბამისად მომზადდა. თანამედროვე მოთხოვნების გათვალისწინებით, თბილისში აშენდა ყინულის არენა, რომელიც 700-მდე მაყურებელს იტევს. ბათუმის ყინულის სასახლე კი 1500 მაყურებლის მიღებას შეძლებს. ბიატლონის და თხილამურებით რბოლა ბაკურიანში გაიმართება, რომლისთვისაც უკვე გაიხსნა 3.5 კმ სიგრძის ბიატლონის ტრასა.მასპინძელი ქვეყნის დროშა საქართველოს, იტალიაში გამართულ ევროპის მე-16 ახალგაზრდულ ოლიმპიურ ფესტივალზე გადაეცა. ევროპის ოლიმპიური კომიტეტის (EOC) ქარტიის შესაბამისად კი, „ორგანიზატორი ქალაქის ხელშეკრულებას” 2023 წლის მარტში მოეწერა ხელი.საქართველოს ბანკი ევროპის ზამთრის მე-17 ახალგაზრდული ოლიმპიურ ფესტივალზე  ახალგაზრდა სპორტსმენების მხარდამჭერია.

1739194026

„დღეს კიდევ ერთხელ დავდექით იმ სამწუხარო რეალობის წინაშე, რომ ინვესტორი ცდილობს ძალდატანებით, ჩვენი წინააღმდეგობის მიუხედავად და სასკოლო საზოგადოების ნების საწინააღმდეგოდ,  ჩამომაშოროს დირექტორის პოზიციას და ჩამანაცვლოს მის მიერ შერჩეული ჩვენთვის უცნობი წარსულის და კვალიფიკაციის მქონე კანდიდატით“, – ნათქვამია ნათია ჯანაშიას განცხადებაში. მისივე თქმით, სკოლის დირექტორად გათვალისწინებული პირის ვინაობა „საქართველოს კაპიტალის“ მიერ საჯაროდ გამჟღავნდა პრესის საშუალებით, ბოლოდროინდელ ერთ-ერთ პუბლიკაციაში, რის შემდეგაც ნათია ჯანაშია უფლებას იტოვებს, ღიად ისაუბროს ამ კანდიდატის შესახებ.„საქართველოს კაპიტალი უპასუხისმგებლოდ, ყველა სტანდარტის დარღვევით ცდილობს იოჰან ვან ლილის დანიშვნას დირექტორის თანამდებობაზე; ბატონ ვან ლილს არ აქვს გავლილი საერთაშორისო სკოლის მაღალი რგოლის მენეჯერის თანამდებობაზე დანიშვნის, COBIS-ისა და საერთაშორისოდ აღიარებული, სკოლაში დანერგილი სავალდებულო ეტაპები, მათ შორის, არ არის დაცული სასკოლო საზოგადოებასთან გასაუბრების, მათ მიერ კანდიდატის მოწონებისა და კანდიდატის სიღრმისეული ბიოგრაფიული და რეპუტაციული შემოწმების (“Background Check”) სტანდარტები. დღეს კი, როდესაც ვან ლილის ისეთ საპასუხისმგებლო თანამდებობაზე დანიშვნას ცდილობს „საქართველოს კაპიტალი“, როგორიცაა სკოლების დირექტორობა, ჩვენ ვალდებული ვართ, განსაკუთრებული სიფრთხილე და წინდახედულობა გამოვიჩინოთ და გვქონდეს სრულყოფილი ინფორმაცია დირექტორობის კანდიდატზე. ინვესტორის ზემოაღნიშნული ქმედებებიდან გამომდინარე, სიღრმისეული კვლევის ჩატარების ბერკეტი სამწუხაროდ არ გაგვაჩნია. ერთადერთი რესურსი, რაც გვაქვს, არის ინტერნეტ სივრცეში პიროვნების შესახებ ინფორმაციის მოძიება (web search), რაც უსაფრთხო რეკრუტირების პროცესის სტანდარტული ნაწილია. ამ კვლევით დადგინდა, რომ ბატონი ვან ლილის სახელი, გვარი, მოქალაქეობა (სამხრეთ აფრიკის რესპუბლიკის მოქალაქე) და ბიოგრაფიული მონაცემები ემთხვევა საჯარო სივრცეში განთავსებული პორნოგრაფიული ტექსტების ავტორის მონაცემებსა და მოქალაქეობას. ბატონ იოჰან ვან ლილს სამხრეთ აფრიკულ ენაზე და სამხრეთ აფრიკულ ვებგვერდზე გამოქვეყნებული აქვს ამორალური შინაარსის, პორნოგრაფიული ტექსტები“, – ნათქვამია ნათია ჯანაშიას განცხადებაში.„ეს ყველაფერი აჩენს კითხვას, ჩაატარა თუ არა „საქართველოს კაპიტალმა“ კანდიდატის ბიოგრაფიის სიღრმისეული კვლევა,  ხოლო თუ ჩაატარა და ამ ინფორმაციის მიუხედავად მაინც ცდილობს დირექტორად ვან ლილის დანიშვნას, აღნიშნული კიდევ ერთხელ ადასტურებს საქართველოს კაპიტალის ხელმძღვანელი პირების გულგრილობასა და უპასუხისმგებლობას ბავშვების მიმართ“, – აცხადებს ნათია ჯანაშია.„გაცნობებთ, რომ მიმდინარე წლის 12 თებერვალს დანიშნულია პარტნიორთა კრება, სადაც დადგება ჩემი გადაყენებისა და დირექტორად ვან ლილის დანიშვნის საკითხი. მე, როგორც დირექტორი და როგორც დამფუძნებელი პარტნიორი, არ შევწყვეტ ბრძოლას იმ მიზნების მისაღწევად, რომლებიც სკოლას აქვს დასახული. სკოლის დაფუძნების დღიდან არ დამითმია და არც მომავალში დავთმობ ჩემთვის ყველაზე ძვირფასს – მივცეთ სრულყოფილი განათლება ჩვენს შვილებს, მომავალ თაობას“, – ნათქვამია ბრიტანულ–ქართული აკადემიის და თბილისის ბრიტანული საერთაშორისო სკოლის დამფუძნებლის და დირექტორის განცხადებაში.

1739190604

2024 წლის IV კვარტალში ფასიანი პოლიტიკური რეკლამიდან მაუწყებლებმა 9.8 მილიონი ლარი მიიღეს. შესაბამისად, კომერციული და პოლიტიკური რეკლამიდან მიღებულმა შემოსავლებმა ჯამში - 33.8 მილიონი ლარი შეადგინა, რაც 2023 წლის იმავე პერიოდში მიღებულ კომერციულ შემოსავლებთან შედარებით 4.4%-ით ნაკლებია. გარდა ამისა, შემოსავლების შემცირება განაპირობა იმ ფაქტორმაც, რომ საანგარიშო პერიოდში მაუწყებლები საგანგებო რეჟიმში უწყვეტი პირდაპირი ეთერის ფორმატში აშუქებდნენ ქვეყანაში მიმდინარე მოვლენებს, რამაც თავის მხრივ, მაუწყებლების წინასწარ დაგეგმილ საეთერო ბადეში ცვლილებები განაპირობა, რაც კომერციული რეკლამისთვის დათმობილ დროზეც აისახა.ტელევიზიებისთვის 2024 წლის IV კვარტალში მიღებული სარეკლამო შემოსავლების ძირითადი, 74.4%-იანი წილი პირდაპირმა რეკლამამ, 12.9% - სპონსორობამ, ხოლო 12.7% პროდუქტის განთავსებამ შეადგინა.სატელევიზიო კომერციული სარეკლამო შემოსავლების ყველაზე დიდი წილი 2024 წლის IV კვარტალში კვლავ „ტელეიმედს" ჰქონდა, რომლის შემოსავალმაც 7.9 მილიონი ლარი შეადგინა, რაც გასული წლის იმავე პერიოდთან შედარებით 6.7 მილიონი ლარით ნაკლებია. 3.5 მილიონი ლარი მიიღო „რუსთავი 2"-მა (მედია ჰოლდინგი), რაც წინა წელთან შედარებით 1.5 მილიონი ლარით ნაკლებია. 0.6 მილიონი ლარით შემცირდა „მთავარი არხის" შემოსავალი და 2.1 მილიონს გაუტოლდა. 2024 წლის IV კვარტალში 1.9 მილიონი ლარი მიიღო პოსტვ-იმ, რაც 2023-ის იმავე პერიოდში მიღებულ შემოსავალთან შედარებით 0.2 მილიონით ნაკლებია. 0.1 მილიონი ლარით ნაკლები მიიღო „ტელეკომპანია პირველმა", რომლის შემოსავალიც 1.5 მილიონ ლარს გაუტოლდა. 0.8 მილიონი ლარით შემცირდა და 1 მილიონი ლარი შეადგინა „ფორმულას" შემოსავალმა, ხოლო „ჯი-დი-ეს თი-ვი"-ს შემთხვევაში, კომერციული შემოსავლები 0.8 მილიონ ლარს გაუტოლდა, რაც 2023 წლის IV კვარტალთან შედარებით 0.9 მილიონი ლარით ნაკლებია. „ბი ემ ჯი"-ისთვის 0.2 მილიონი ლარით შემცირდა კომერციული შემოსავლები და სულ 0.8 მილიონი ლარი შეადგინა. „საზოგადოებრივი მაუწყებლის" შემოსავალი ნახევარი მილიონი ლარით შემცირდა და 0.4 მილიონ ლარს გაუტოლდა. რაც შეეხება „სილქნეტს", მათი შემოსავალი 0.2 მილიონი ლარით გაიზარდა და ჯამში  0.3 მილიონი ლარი შეადგინა.რადიომაუწყებლებისთვის კი 2024 წლის IV კვარტალში მიღებული სარეკლამო კომერციული შემოსავლები 2.4%-ით გაიზარდა და 2.6 მილიონი ლარი შეადგინა, საიდანაც 89.9% პირდაპირ რეკლამაზე, ხოლო 10.1% სპონსორობაზე მოდიოდა.შეგახსენებთ, რომ კომერციული სარეკლამო შემოსავალი კომერციულ რეკლამას, სპონსორობას, პროდუქტის განთავსებას, ტელეშოპინგსა და კომერციულ განცხადებებს მოიცავს.

1739189878

ლიდერატორის პროგრამაში მონაწილეობის მისაღებად რეგისტრაცია 10 თებერვალს დასრულდება. შესაბამისად, დღის ბოლომდე დაინტერესებულ პირებს შეუძლიათ ესტუმრონ ონლაინ პორტალს და შეავსონ განაცხადი.2025 წლისთვის მიღება გამოცხადებულია შემდეგ პროგრამებზე: Java დეველოპმენტი; ბიზნესის განვითარება; კორპორაციული და საინვესტიციო ბანკინგი; მომხმარებელთა გამოცდილების და ლოიალურობის პროგრამების მართვა; მონაცემთა ინჟინერია; მცირე და საშუალო ბიზნესის ბანკინგი; პორტფელური რისკების ანალიტიკა და რეპორტინგი; პრემიუმ ბანკინგი და საბროკერო საქმე; საოპერაციო რისკები და აუდიტი; ტალანტების მოზიდვა და განვითარება; ფინანსური აუდიტი და შიდა კონტროლი; ფინანსური რისკების და ხაზინის მართვა. თითოეული პროგრამა 30-მდე მიმართულებას მოიცავს და  ახალგაზრდებს შესაძლებლობას აძლევს, დააგროვონ თეორიული ცოდნა და პრაქტიკული გამოცდილება.2017 წლიდან „ლიდერატორში“ მონაწილეობა მიიღო უკვე 445-მა სტუდენტმა, მათმა 78%-მა კი კარიერა საქართველოს ბანკში განაგრძო.„საქართველოს ბანკის ლიდერატორის პროგრამა ჩვენთვის განსაკუთრებით მნიშვნელოვანი პროექტია. მისი დახმარებით, ვზრუნავთ კარიერული განვითარების საწყის ეტაპზე მყოფი საუკეთესო ტალანტების მოზიდვასა და შემდგომ განვითარებაზე. რაც მთავარია, სამუშაო გრაფიკი სრულად არის მორგებული სტუდენტების სასწავლო ცხრილზე და აძლევს  მათ შესაძლებლობას, შეინარჩუნონ მაღალი აკადემიური მოსწრება. პარალელურად, დააგროვონ სამუშაო გამოცდილება სფეროს პროფესიონალებთან მუშაობის შედეგად. პროგრამის წარმატებით დასრულების შემდეგ კი მონაწილეებს საქართველოს ბანკში კარიერის გაგრძელების შესაძლებლობა აქვთ“, - აღნიშნავს ელენე ოქრომჭედლიშვილი, ადამიანური კაპიტალის, თანამშრომელთა კმაყოფილების, ბიზნეს პროცესების ეფექტურობისა და ლინის ტრანსფორმაციის მიმართულების ხელმძღვანელი.პროგრამაში მონაწილეობის შესახებ დეტალური ინფორმაციის მისაღებად შეგიძლიათ ეწვიოთ ვებგვერდს: leaderator.bog.ge

1739188825

„აზერბაიჯანის რკინიგზის“ პრეს–სამსახურში ადგილობრივ მედიას უთხრეს, რომ მინისტრთა კაბინეტის მიერ ქვეყნის სახმელეთო საზღვრების ჩაკეტვის პირობებში რკინიგზით საერთაშორისო გადაყვანები არ ხორციელდება.„ეს ინფორმაცია სიმართლეს არ შეეფერება. საზოგადოება საერთაშორისო გადაყვანების შესახებ ინფორმაციას მაშინ მიიღებს ოფიციალურად, როდესაც ეს მოხდება“, – აღნიშნეს პრეს–სამსახურში.აზერბაიჯანში სპეციალური საკარანტინო რეჟიმი 2020 წლის მარტიდან მოქმედებს, რაც კორონავირუსის პანდემიასთან არის დაკავშირებული. მინისტრთა კაბინეტის ბოლო გადაწყვეტილებით, საკარანტინო რეჟიმი აზერბაიჯანის სახმელეთო სასაზღვრო გადასასვლელებზე 2025 წლის პირველ აპრილამდეა გახანგრძლივებული. 

1739186362

კობახიძე მსოფლიო მთავრობათა სამიტის მონაწილეებს 11 თებერვალს სიტყვით მიმართავს.ირაკლი კობახიძე დუბაიში დელეგაციასთან ერთად გაემგზავრა, რომლის შემადგენლობაში "ქართული ოცნების" მიერ დანიშნული მინისტრები: პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი მაკა ბოჭორიშვილი, იუსტიციის მინისტრი ანრი ოხანაშვილი და მთავრობის ადმინისტრაციის უფროსი ლევან ჟორჟოლიანი არიან. 2025 წლის მსოფლიო მთავრობათა სამიტის მთავარი თემაა „მომავლის მთავრობების ჩამოყალიბება" და მას 6 ათასზე მეტი მონაწილე ჰყავს. სამიტი, საერთაშორისო თანამშრომლობის ხელშეწყობისა და გამოწვევებთან გამკლავების ინოვაციურ გზებზე მსჯელობისთვის თავს უყრის მთელი მსოფლიოდან სხვადასხვა სფეროს წარმომადგენლებს. მათ შორის არიან მთავრობების მეთაურები, საერთაშორისო ორგანიზაციებისა და კერძო სექტორის ხელმძღვანელი პირები, ასევე წამყვანი ექსპერტები. 2025 წლის სამიტში 30-ზე მეტი სახელმწიფოსა და მთავრობის მეთაური, 80-ზე მეტი საერთაშორისო ორგანიზაცია და 140 ქვეყნის სამთავრობო დელეგაცია მონაწილეობს. რიგით მე-12 სამიტის პროგრამა ფოკუსირებულია 6 ძირითად თემატურ მიმართულებაზე: ეფექტური მართვა და ანგარიშვალდებულება; მომავლისა და გლობალური ეკონომიკის დაფინანსება; კლიმატი და მდგრადი ქალაქები; ადამიანზე ორიენტირებული მომავალი და შესაძლებლობების განვითარება; გლობალური ჯანმრთელობის ტრანსფორმაცია; განვითარებადი ტენდენციები და მომავალი.

1739183432