ტრამპის აზრით, უკრაინას რუსეთის წინააღმდეგ არ უნდა ებრძოლა

„დიახ, მუდმივმა წარმომადგენლებმა დღეს დილით შეათანხმეს ქართული დიპლომატიური პასპორტებისთვის უვიზო რეჟიმის შეჩერების საკითხი“, – უთხრა სააგენტოს წყარომ.დიპლომატის თქმით, ახლა ეს დოკუმენტი ფორმალურად უნდა დაამტკიცოს ევროკავშირის საბჭომ, რაც შესაძლოა 27 იანვარს მოხდეს, გაერთიანების 27 წევრი ქვეყნის საგარეო საქმეთა მინისტრების სხდომაზე.

1737717921

მზარდია არარეზიდენტების უნაღდო დანახარჯები. დეკემბერში წლიურმა ზრდამ 26% შეადგინა.დეკემბერში, სასტუმროებში, თიბისი ბანკის არხებით, უნაღდო დანახარჯების წლიურად 32%-ით გაიზარდა. საშუალო ტრანზაქციების მოცულობამ 426 ლარი შეადგინა, რაც 2023 წლიდან მოყოლებული უდიდესი მაჩვენებელია.რესტორნებსა და კაფეებში უნაღდო დანახარჯები წლიურად 33%-ით გაიზარდა, ხოლო ტრანზაქციის საშუალო მოცულობა 31 ლარზეა შენარჩუნებული. გართობის სექტორში კი, თიბისი არხებით უნაღდო დანახარჯები წლიურად 2%-ით შემცირდა.თიბისი ბანკის არხებით, უნაღდო დანახარჯებმა ტანსაცმელსა და აქსესუარებზე 2024 წლის დეკემბერში 12%-იანი წლიური ზრდა აჩვენა, საშუალო ტრანზაქციის მოცულობამ კი 114 ლარი შეადგინა.ამავე პერიოდში, სხვა საცალო მაღაზიებში უნაღდო დანახარჯების მოცულობა, თიბისი ბანკის არხებით, გასულ წელთან შედარებით 12%-ით გაიზარდა.რაც შეეხება უძრავ ქონებას, დეკემბერში თიბისის არსებით ტრანზაქციები 9%-ით გაიზარდა, თუმცა ახალი იპოთეკური სესხების მოცულობა წლიურად 23%-ით შემცირდა.თიბისი ბანკის დეკემბრის დანახარჯების დინამიკის მიხედვით, სამშენებლო მასალებზე უნაღდო დანახარჯების, თიბისი ბანკის არხებით, წლიურად 11%-ით გაიზარდა; ელექტრონიკაზე უნაღდო დანახარჯებმა 18%-იანი წლიური ზრდა შეადგინა; ავეჯსა და მოწყობილობებზე 11%-ით გაიზარდა.დანახარჯების დეკემბრის დინამიკის მიხედვით, საწვავზე უნაღდო დანახარჯები, თიბისი ბანკის არხებით, წლიურად 12%-ით გაიზარდა, ხოლო საშუალო ტრანზაქციის მოცულობა საწვავზე გასული წლის დეკემბრის მაჩვენებელს გაუტოლდა და 51 ლარი შეადგინა.ამავე პერიოდის განმავლობაში, მანქანასთან დაკავშირებული ხარჯები, გასულ წელთან შედარებით 14%-ით გაიზარდა, ხოლო საშუალო დანახარჯი ერთეულ ტრანზაქციაზე 62 ლარს გაუტოლდა.პირად ჰიგიენაზე უნაღდო დანახარჯები წლიურად 11%-ით გაიზარდა, თიბისი ბანკის არხებით, უნაღდო დანახარჯების წლიური ზრდის ტემპმა ფარმაციაზე 25% შეადგინა.ამავე პერიოდში, ჯანდაცვაზე უნაღდო დანახარჯებმა, თიბისი ბანკის არხებით, გასულ წელთან შედარებით 26%-იანი ზრდა აჩვენა. 2024 წლის დეკემბერში ტრანზაქციის საშუალო მოცულობამ 112 ლარი შეადგინა.ტელეკომუნიკაციასა და ციფრულ სერვისებზე უნაღდო დანახარჯები თიბისი ბანკის არხებით, წლიურად 24%-ით გაიზარდა, ხოლო საშუალო ტრანზაქციის მოცულობამ 11.72 ლარი შეადგინა.„თიბისი კაპიტალის“ მიმოხილვაში ნათქვამია, რომ სურსათზე გაწეულმა დანახარჯებმა უნაღდო დანახარჯებში კვლავ ყველაზე მაღალი წილი დაიკავა. დეკემბერში საქონელსა და მომსახურებაზე ჯამური უნაღდო დანახარჯების განაწილება 69%-სა და 31%-ს გაუტოლდა. საქონელზე გაწეულმა ხარჯებმა 2023 და 2024 წლების დეკემბრის თვის განმავლობაში ჯამური უნაღდო დანახარჯების უდიდესი წილი შეადგინა.რესტორნებზე დახარჯულმა წილმა მთლიან უნაღდო დანახარჯებში 12% შეადგინა. სურსათზე დანახარჯების წილი, რომელიც წარმოადგენს ყველაზე დიდი წილის მქონე კატეგორიას ჯამურ უნაღდო დანახარჯებში, თიბისი ბანკის არხებით, 28%-მდე გაიზარდა.

1737716201

"უნგრეთი და სლოვაკეთი არ დაუჭერენ მხარს, თუმცა ამას მნიშვნელობა არ აქვს, რადგან გადაწყვეტილების მისაღებად უმრავლესობა არსებობს", - წერს იოზვიაკი. 🇪🇺 ambassadors this morning gave the green light for the visa lib suspension for 🇬🇪 diplomatic passports. foreign ministers will rubber-stamp this on Monday. 🇭🇺🇸🇰 will vote against but doesn't matter as it is qualified majority here — Rikard Jozwiak (@RikardJozwiak) January 24, 2025 14 იანვარს, ევროკომისარი გაფართოების საკითხებში, მარტა კოსმა, განაცხადა, რომ ევროკავშირის წევრი ქვეყნები 2025 წლის იანვრის ბოლომდე უყრიან კენჭს ევროკომისიის ინიციატივას დიპლომატიური პასპორტებისთვის უვიზო მიმოსვლის შეჩერებაზე.„ჩვენ გამოვედით წინადადებით, რომ ნაწილობრივ შეჩერდეს ევროკავშირი-საქართველოს სავიზო რეჟიმის გამარტივების შესახებ შეთანხმება, რათა საქართველოში გაცემული დიპლომატიური სამსახურის პასპორტების მფლობელებისთვის სავიზო მოთხოვნები შემოვიღოთ“, - განაცხადა მარტა კოსმა და დასძინა, რომ „ევროკავშირის წევრი ქვეყნები ამ ინიციატივას კენჭს იანვრის ბოლოსთვის უყრიან“.საქართველოს მთავრობის 2015 წელს მიღებული 176-ე დადგენილება სამსახურებრივი სარგებლობის პასპორტის გაცემის წესის დამტკიცების შესახებ განმარტავს, რომ სამსახურებრივი სარგებლობის პასპორტი ორი ტიპისაა: დიპლომატიური პასპორტი და სამსახურებრივი პასპორტი.როგორც ევროკომისიის პრეზიდენტმა კაია კალასმა 2024 წლის 20 დეკემბერს განაცხადა, შეზღუდვა ორივე კატეგორიის პასპორტებს ეხება.მთავრობის 176-ე დადგენილება განსაზღვრავს იმ პირთა სიას, რომლებზეც შეიძლება დიპლომატიური და სამსახურებრივი პასპორტების გაცემა.დადგენილებაში წლების განმავლობაში არაერთი ცვლილებაა შეტანილი და ამჟამად იგი დიპლომატიური პასპორტების მფლობელთა 41 კატეგორიას განსაზღვრავს.ამ სიაში არიან: უმაღლესი თანამდებობის პირები - პრეზიდენტი, პრემიერ-მინისტრი და პარლამენტის თავმჯდომარე - მეუღლეებითურთ; უზენაესი და საკონსტიტუციო სასამართლოების თავმჯდომარეები და წევრები; უსაფრთხოების სამსახურის უფროსი, მისი მოადგილეები და ამ სამსახურის 50-მდე თანამშრომელი; მინისტრები და პარლამენტარები; გენერალური პროკურორი, ცესკოს თავმჯდომარე და ეროვნული ბანკის პრეზიდენტი; კათოლიკოს-პატრიარქი და საპატრიარქოს რამდენიმე იერარქი; სახალხო დამცველი...

1737713441

2024 წლის დეკემბერში, ადამიანების რაოდენობა, რომლებიც იღებდნენ თვიურ ხელფასს, 2023 წლის შესაბამის პერიოდთან შედარებით, 1.8%-ით გაიზარდა (როცა 2023-ში 2022-თან შედარებით, ზრდა 5.9% იყო) და 982,802 ადამიანი შეადგინა.  თუმცა, აღნიშნული მაჩვენებელი, 2024 წლის ნოემბერთან შედარებით, 2.5%-ით შემცირდა.2024 წლის დეკემბერში, იმ ადამიანების რაოდენობა, რომლებიც იღებდნენ 0-დან 600 ლარამდე თვიურ ხელფასს, 11.3%-ს შეადგენდა, რაც 2023 წლის შესაბამის პერიოდთან შედარებით, 2.3 პ.პ-ით, ხოლო 2022 წლის შესაბამის პერიოდთან შედარებით, 11პ.პ-ით შემცირებული მაჩვენებელია. 2023-ის დეკემბერში მათი წილი 13.5% იყო.ამავე პერიოდში, იმ ადამიანების რაოდენობა, რომლებიც იღებდნენ 2,400 ლარს ან მეტ თვიურ ხელფასს, 44.5%-ს შეადგენდა, რაც 2023 წლის შესაბამის პერიოდთან შედარებით, 5.1 პ.პ-ით, ხოლო 2022 წლის შესაბამის პერიოდთან შედარებით, 26.1 პ.პ-ით გაზრდილი მაჩვენებელია.ინფორმაცია PMCG-ის დასაქმების ტრეკერზე დაყრდნობითაა მომზადებული. 

1737713278

როგორც კახა კალაძემ აღნიშნა, სისულელეა იმაზე საუბარი, რომ თანამშრომლები სამსახურიდან პოლიტიკური ნიშნით გაუშვეს, რადგან მერიაში ამჟამადაც მუშაობენ ადამიანები, რომლებსაც განსხვავებული პოლიტიკური შეხედულება აქვთ.„ჩვეულებრივი სისულელეა, რომ თანამშრომლებს პოლიტიკური ნიშნით ვუშვებთ. ჩვენ დედაქალაქის მერიაში რეორგანიზაცია გვაქვს დაწყებული და კიდევ ბევრი ადამიანი  გათავისუფლდება, ვინც გასათავისუფლებელია და თავის უფლება-მოვალეობას ვერ ასრულებს. ასევე, ზოგიერთ თანამშრომელს დაუმთავრდა ხელშეკრულება. ხელმძღვანელმა პირებმა მიიღეს გადაწყვეტილება - როდესაც შენს თანამშრომელს ხელშეკრულების ვადა ეწურება, შენ იღებ გადაწყვეტილებას, გჭირდება თუ არა, ან ასრულებს  თუ არა სამსახურებრივ მოვალეობას შესაბამის დონეზე, რომელიც შენ და შენს სამსახურს აკმაყოფილებს.ბევრი მაგალითი შემიძლია მოგიყვანოთ იმ ადამიანების, რომლებსაც ჰქონდათ და ახლაც აქვთ განსხვავებული პოლიტიკური შეხედულება, ასევე, ხელი მოაწერეს პეტიციას, თუმცა, ისინი ჩვეულებრივ აგრძელებენ  თბილისის მერიაში მუშაობას“, - განაცხადა კახა კალაძემ.  

1737711745

„საქართველოში ამ სამი წლის განმავლობაში ვიხილეთ რევოლუციის 4 მცდელობა. ეს არის უკვე მე-4 მცდელობა. ხან პარტიებით სცადეს რევოლუციის მოწყობა, ხან სცადეს NGO-ებით, ხან ჟურნალისტებით, ანუ, საუბარია ე.წ. მედია მენეჯერებზე და ოპოზიციური მედია საშუალებების წარმომადგენლებზე. ყველა საშუალებით სცადეს რევოლუციის მოწყობა, თუმცა ყველა მცდელობა ჩავარდა.ახლა ჩვენ რასაც ვხედავთ, ეს არის ერთგვარი „კანვასის” რევოლუციის მცდელობა. თქვენ იცით, რომ ე.წ. შემოქმედებითი სფეროს წარმომადგენლებისთვის ტარდებოდა ტრენინგები რევოლუციაში და ამის შედეგებს ვხედავთ ჩვენ დღეს სახეზე ფსევდო ელიტის წარმომადგენლები ცდილობენ გარკვეული რევოლუციური პროცესების ორგანიზებას, თუმცა, რა თქმა უნდა, ესეც არის განწირული წარუმატებლობისთვის – „კანვასის” რევოლუცია საქართველოში არ შედგება, ყველას მინდა მოვუწოდო, მიხედონ საკუთარ პროფესიას”, – განაცხადა ირაკლი კობახიძემ.23 იანვარს, ხუთშაბათს, პროტესტის 57-ე დღეს, ახალი თეატრის მსახიობებმა საპროტესტო მანიფესტი წარადგინეს. თეატრის სამხატვრო ხელმძღვანელმა დავით დოიაშვილმა კი თქვა, რომ, „ახალი თეატრი რეგიონებში გადის”.თეატრმა, რომლის ერთ-ერთი მსახიობი, ანდრო ჭიჭინაძე საპროტესტო აქციის ფარგლებში დააკავეს და პროტესტების დასაწყისიდანვე გაფიცულია, საპროტესტო მანიფესტი-პერფორმანსი ჩაატარა.  "რაც შემიძლია ახლა ვთქვა, არის ის, რომ ვიწყებთ ახალი თეატრის მანიფესტს. აქ დგომა ჩვენი არჩევანი არ ყოფილა. ჩვენ ყველაფერი გავაკეთეთ, რათა დიალოგი გამოგვენახა მხოლოდ პროკურატურასთან – ჯერ იყო და ჩავწერეთ ვიდეოები, გავაჩერეთ სპექტაკლები, შემდეგ შევაგროვეთ ხელმოწერები, თავდებში დაუდგა მთელი თეატრი და მთელი ქართული კულტურა ხალხს, ვინც დაგვეხმარა, მართლა ძალიან დიდი მადლობა.პროკურატურამ ეს არ შეიმჩნია და მეტიც – გვითხრა, რომ ჩვენ არც ვართ, არც ვარსებობთ და საერთოდ, არც ვაინტერესებთ. დააბნელეს ყველაფერი. კიდევ ერთხელ გეუბნებით, რაც არ უნდა დააბნელოთ მთელი ქალაქი, სცენაზე შუქი აინთება და იქ ჩვენ ვიქნებით და ჩვენ გავიმარჯვებთ.ჩვენ ვიწყებთ ახალი თეატრის მანიფესტს. ეს ჩვენი ბრძოლა იყო და ამიტომ ვიწყებთ დღეს ჩვენ, მაგრამ ჩვენი მეგობრები, სხვა თეატრები, ყველა აუცილებლად შემოგვიერთდება.აქვე, ვიწყებ დაანონსებას – „ახალი თეატრი“ გადის რეგიონებში – ყველგან მივალთ და ყველასთან დავილაპარაკებთ და თქვენ აუცილებლად ნახავთ, რა შეუძლია თეატრს. შემოგვიერთდება ყველა. ჩვენ აუცილებლად გავიშლებით მთელს რეგიონებში. სდიეთ ქართულ თეატრს, სდიეთ!ამ განცხადების გაკეთება იოლი გგონიათ? ძალიან ვნერვიულობ და მეშინია კიდეც. მეშინია იმიტომ, რომ პასუხისმგებელი ვარ თითოეულ აქ მდგომზე და თქვენზეც!“ – განაცხადა დავით დოიაშვილმა.ორსაათიანი ღონისძიების შემდეგ მოქალაქეები, რომლებიც ვასო აბაშიძის თეატრთან იყვნენ შეკრებილები, მსვლელობით გაემართნენ პარლამენტის შენობისკენ, სადაც ყოველდღიურ პროტესტს შეუერთდნენ ახალი არჩევნების დანიშვნისა და აქციების დროს დაკავებული მოქალაქეების გათავისუფლების მოთხოვნით. „კანვასის” შესახებ სახელმწიფო უსაფრთხოების სამსახურმა 2023 წლის 2 ოქტომბერს განცხადება გამოაქვეყნა, სადაც აღნიშნული იყო, რომ ორგანიზაცია „კანვასის“ წევრები სასტუმროში შეხვდნენ არასამთავრობო ორგანიზაციის წარმომადგენლებს, სამოქალაქო აქტივისტებს, სადაც გადამზადდა ჯგუფი, რომელსაც გადამწყვეტი როლი უნდა შეესრულებინა „ხელისუფლების დამხობის პროცესში”. ხოლო მოგვიანებით, ორგანიზაციამ სუსის განცხადება ზეწოლად შეაფასა და საერთაშორისო ორგანიზაციებს მიმართა.

1737710825

აღნიშნული პლატფორმა ხელს შეუწყობს ბანკების ხაზინების ეფექტიანობის ზრდას, საოპერაციო და ფინანსური რისკების უკეთ მართვასა და ამასთან ერთად, მნიშვნელოვნად გაუმჯობესდება ადგილობრივი ფინანსური ბაზრების მუშაობა, რაც თავის მხრივ, უზრუნველყოფს ინვესტორთა ნდობის ამაღლებასა და გრძელვადიანი ეკონომიკური ზრდის ხელშეწყობას. სისტემა მონაწილე ბანკებს შესაძლებლობას მისცემს ისარგებლონ გამარტივებული პროცესებით და საერთაშორისო სტანდარტების შესაბამისად მიიღონ მეტად ინფორმირებული ფინანსური გადაწყვეტილებები. შედეგად, ფინანსური ინსტიტუტები შეძლებენ უკეთ მართონ ფინანსური რისკები, მოახდინონ თავიანთი სავაჭრო საქმიანობის ოპტიმიზაცია და გაზარდონ საერთო ოპერაციული ეფექტურობა.პლატფორმის დანერგვა გაზრდის ბაზრის მოცულობას, დერივატივების გარიგებებს და გააუმჯობესებს ფასწარმოქმნის პროცესს.ხაზინის მართვის პროგრამული სისტემის უზრუნველყოფის პროექტში ჩართვის შესახებ შეთანხმებას ხელი მოაწერეს ხაზინების ასოციაციამ და ექვსმა კომერციულმა ბანკმა (საქართველოს ბანკი, თიბისი ბანკი, ლიბერთი ბანკი, ბაზისბანკი, ტერაბანკი და ბანკი ქართუ).პროექტის ფარგლებში, საქართველოს ეროვნული ბანკი სისტემის დასანერგად საჭირო ჰოსტინგის ინფრასტრუქტურას განავითარებს, რაც ხელს შეუწყობს მისი ფუნქციონირებისთვის აუცილებელი, სტაბილური, უსაფრთხო და საიმედო გარემოს ჩამოყალიბებას. თავის მხრივ ხაზინების ასოციაცია უზრუნველყოფს პროექტის წარმატებით დაგეგმვას, ორგანიზებას და სტრატეგიული მიზნების განხორციელებას. არსებით ხარჯებს კი კომერციული ბანკები გაწევენ.სისტემის შერჩევისას მხარეებმა შეისწავლეს საერთაშორისო გამოცდილება და არსებული პრაქტიკა, რის შემდეგაც არჩევანი საუკეთესო  სისტემა MUREX MX.3 - ზე შეაჩერეს. აღსანიშნავია, რომ აღნიშნული პროგრამა დანერგილი აქვს 100 საერთაშორისო ბანკიდან 65-ს. მსოფლიოში პლატფორმას ყოველდღიურად 60 000-ზე მეტი მომხმარებელი იყენებს.პროექტის მომდევნო ეტაპები მოიცავს სისტემის დანერგვისა და მომსახურების დეტალური პირობების შეთანხმებას, სისტემის მორგებას მონაწილე ბანკების საოპერაციო საჭიროებებთან, რომლის დასრულებისთანავე დაიწყება წინასწარი საპილოტე ტესტირება.

1737708305

„საზოგადოებრივ ტრანსპორტში დამონტაჟებულ აპარატებზე, რომელთა ტექნიკურ მხარდაჭერას „საქართველოს ბანკის“ კონტრაქტორი კომპანიები - შპს „მს+“ და შპს „აზრი“ ახორციელებენ, ხარვეზი ფიქსირდება და აუდიო ჩანაწერი ირთვება.პრობლემის აღმოსაფხვრელად, შესაბამისი კომპანიების წარმომადგენლებმა ოპერატიულად დაიწყეს მუშაობა. აპარატები უახლოეს პერიოდში, ხარვეზის გამოსწორებისთანავე ჩაირთვება.აღნიშნული პერიოდის განმავლობაში, ტრანსპორტი მგზავრებს გადახდის გარეშე მოემსახურება", - წერია მერიის განცხადებაში.მოქალაქეების ინფორმაციით, თბილისის საზოგადოებრივ ტრანსპორტში (ავტობუსებსა და მიკროავტობუსებში) ჩართულია აუდიოჩანაწერი, რომელსაც ვერ თიშავენ. ისინი სოციალურ ქსელში შესაბამის ვიდეოებსაც ავრცელებენ.აუდიო ჩანაწერში ისმის ზვიად გამსახურდიას სიტყვები: „9 აპრილის წამებულთა სულები დაგვცქერიან ჩვენ და ხარობენ ზეციურ ნათელში, რამეთუ აღსრულდა ნება მათი, აღსრულდა ნება ქართველი ერისა. გაუმარჯოს დამოუკიდებელ საქართველოს!"გარდა ამისა, ზურაბ ჟვანიას შემდეგი სიტყვები: “ მე ვარ ქართველი და მაშასადამე, ვარ ევროპელი“.ჩანაწერში ასევე ისმის „ქართული ოცნების“ საპატიო თავმჯდომარის ბიძინა ივანიშვილის ხმაც, სადაც ის თანხებთან დაკავშირებით საუბრობს.ამასთან, გავრცელებულ ჩანაწერში ასევე ისმის მიხეილ ყაველაშვილის უცენზურო განცხადებაც, რომელიც მან ე.წ. რუსული საქმის კეთებასთან დაკავშირებით პარლამენტის ტრიბუნიდან 2022 წელს გააკეთა.

1737706131